BLOQ

Little little, into the middle şəhər – Belqrad

Belqraddakı otel, apartament və hostelləri bu linkdən book (bron) edə bilərsiz.Aprel ayının 14-ü və 17-si xristianların pasxa bayramı idi. Mən də dedim bu bayram günlərindən istifadə edib bir səyahət edim, yeni bir ölkəyə, şəhərə gedim. Keçən ilin iyun ayında sevimli Brüggemi səyahət etmişdim. Ondan sonra 2 dəfə Praqa, Vyana, Ankara, 1 dəfə isə Moskvaya getməyimə baxmayaraq, yeni ölkə tilsimimi qıra bilmirdim ki, bilmirdim. Nəhayət az qala 1 ildən sonra bu tilsimi sındırmağın zamanı çatmışdı.Belgrada necə gedib çıxdım?! İlk öncə BlaBlaCarla getməyi yoxladım. Bir sürücü tapdım sorğu göndərdim, sonradan sürücü dedi ki, ancaq Novi Sada qədər gedirəm, oradan Belgrada gərək başqa nəqliyyatla gedəsən. Beləcə BlaBlacar sevdam baş tutmadı. Avtobuslar isə, gündə cəmi 2 dəfə gedir deyə, vaxtları mənə uyğun olmadı. Belə də, son alternativ olaraq qatarla getməyi qərara aldım. Macarıstan dəmir yollarının saytı olan www.mavcsoport.hu -dan 9920 macar forintinə (təxminən 32 avro) biletimi 1 gün öncədən alıb, Keleti dəmiryolu vağzalına yola düşdüm. (Bir şeyi deyim ki, macar dəmir yollarının saytından bilet alırsınızsa, həm gediş, həm də qayıdış biletini dəmir yolu vağzalındakı makinalarda çap etməlisiz). Normalda qatar 22:25-də Keletidən yola düşür və 06:13-də Belgradın mərkəzi stansiyasında çatır. Amma mən getdiyim gün tam da pasxa ərəfəsi idi deyə, qatarda boş yer yox idi, hətta ilk 2-3 dayanacağa qədər ayaqüstə də bir neçə nəfər getdi. Həm Macarıstanı tərk edərkən, həm də Serbiyaya daxil olarkən gömrük yoxlamasından keçdiyimizdən, bir az yubanmalı olduq.[caption id="attachment_630" align="aligncenter" width="551"] Belgrad gecələri[/caption]Belgrada çatana qədər hələ 2 dəfə gömrük yoxlamasından keçmək lazım idi. Macarıstan sərhəddini problemsiz keçdik, gəldilər passportlarımızı yoxladılar, möhürünü vurdular keçdik Serbiya tərəfə. Əsl kino burda başladı. Qatarın ən başında olduğum üçün passportu yoxlananlardan ilk mən oldum və gömrük işçisi passportumu alıb serbcə dedi ki, düş aşağıda gözlə. Əvvəl elə bildim deyir, düş aşağı xidmət elə, sonra gördüm yox, deyir düş aşağı gözlə ????. Qatar dolu olduğundan sərhədçilərin sərnişinləri yoxlayıb, geri gəlməsi hardasa yarım saata yaxın çəkdi. Bu arada da həm içimi bir qorxu alıb ki, görəsən nolub, Serbiyaya buraxmayacaqlarmı məni?! Rüşvətmi istəyəcəklər və s.?! Digər tərəfdən də özümə təskinlik verirəm ki, buraxmırlar, buraxmasınlar da, Serbiyadır görməsəm də olar və bütün qatardakıların baxışları altında çantamdan sendviçlərimi çıxarıb cool-cool yeməyə başlayıram. Nəysə sərhədçilər gəldilər, qatardan daha 3 nəfəri də düşürtdülər. Getdik otağa, heş zad. Sadəcə passportumuzu alıb scan etdilər və dedilər yaxşı yol! Beləcə səhər 7-ə qalmış gəlib çatdım Belqradın mərkəzi dəmir yolu stansiyasına. Qatardan düşən kimi, Belgrad yaz günəşi, ilıq nəfəsi ilə bir xoşgəldin dedi. Stansiyada 6-7 avro dəyərində macar pulu xırdalardım ki, avtobusa verməyə pulum olsun (ilk dəfə hansısa bir Avropa şəhərində belə insaflı exchange görürüdüm). Serblərin pullarının maraqlı adı var – dinar, özüvü lap ərəb nağıllarında kimi hiss edirsən, elə bilirsən, elə bu dəqiqə hardansa Əlibaba və 40 quldur çıxacaq. Beləcə avtobus dayanacağında Novi Belgrad, yəni Yeni Belgrada gedən avtobusu gözləməyə başladım. Çünki məni Couchsurfingdə qonaq edəcək Emiliyanın evi orada yerləşirdi.[caption id="attachment_627" align="aligncenter" width="551"] Kalemegdan[/caption]Artıq anladınız ki, Belgradda hostel/hostel xidmətlərin istifadə etməmişəm, amma hostellər çox ucuzdur. 4-6 nəfərlik otaqlarda bir adamın qiyməti 5-6 avrodan başlayırdı. Xərclərini lap minimuma endirmək istəyənlər və ya yerli əhali ilə tanış olub, qaynaşmaq istəyənlər, mənim kimi Couchsurfingdən istifadə edə bilərlər. Belgradda olduğum müddətdə Emiliya adlı bir şən, mehriban, çoxdanışan və yardımsevər bir serb məni qonaq elədi. İşlədiyinə görə çox boş vaxtı olmasa da, məni şəhərlə tanış etdi, şənbə günü maşınla adaya aparıb orani gəzdirdi. Bir sözlə yerli birinin evində qalmaqdan aldığım zövqü yenə də daddım.Qida məsələsinə gələndə, Balkanların mətbəxi bizim mətbəxə çox oxşayır, yemək bişirmə üsulları, yeməklərin dadları və s. xüsusilə də mənim kimi vətəndən uzaq düşmüsünüzsə və Macarıstan kimi, mətbəxi bizim mətbəxin 180 dərəcə əksi olan yerdə yaşayırsınızsa, Serbiya sizə cənnət kimi görsənəcək. Serb burgeri, boşnak yeməyi olsa da az qala serblərin özəlləşdirdiyi çevapi (çevap çiçi), bir neçə növ ətin qarışımından hazırlanan möhtəşəm pljeskavice burgeri və s. Mən ilk gün Gavrila Principa 77 ünvanındakı Zavicaj restoranında qaymaq üstü serb burger yedim. Çox dadlı amma eyni zamanda da ağır yemək idi, məncə qaymaqsız daha dadlı və rahat olar. Serb burgeri ənənəvi burgerlərdən bir balaca fərqlənir, çünki onu çörəyin içərisində gətirmirlər, istəsəniz özünüz əlavə çörək sifariş edə bilirsiniz. Restoran kifayət qədər mərkəzi yerdə yerləşir, dadlı yeməkləri var. Serbiya ucuz ölkə olduğundan qiymətlər də çox münasibdir və tripadisordan Certificate of Excellence alıb. İçərisi də qədim slavyan stilində bəzədilib, xoş abu-havası var. Siqaret çəkənlər və çəkməyənlər üçün 2 otaq ayrılıb. Qısacası burda nahar və ya şam yeməyi yeməyə dəyər. Bundan başqa axşam Emiliya ilə Novi Belgraddakı street food cənnətinə getdik və orada hardasa 1 avroya çörəyin arasında çevapi aldıq. Sadəcə mükəmməl ????. Yeməkdən bir az daha çox danışmaq istərdim amma məncə bu qədər yetər. Gedib özünü yerində görün, dadın.[caption id="attachment_628" align="aligncenter" width="551"] Qaymaq üstü serb burgeri[/caption]Şəhərdaxili nəqliyyatda, kart və ya bir dəfəlik biletlər istifadə edə bilərsiniz. 1 dəfəlik biletlər 150 dinardır, təxminən 1,2 avro. 72 saat limitsiz kartın qiyməti 700 serb dinarıdır, bu da təxminən 5,7 avro eliyir. Mən ilk dəfə 1 dəfəlik bilet aldım, sonradan isə 72 saatlıq. Bir də kart sistemi var ki, 89 dinar (0,7 euro) verərək kart alırsınız, sonra isə o karta gediş haqqı yükləyirsiniz və 1 dəfə işlətdikdə, 90 dəqiqə Belgraddakı nəqliyyat vasitələrindən istifadə edə bilirsiniz.[gallery ids="631,632,633,634" type="slideshow"]Belgradın özünə gəldikdə, şəhər sanki müxtəlif ölkələrin qarışımıdır. Bir az köhnə, bir az yeni Bakını, bir az Parisi, bir az İtaliyanın ensiz küçələrini xatırladır adama, bəzi yerlərdən isə komunizmin, Osmanlı işğalının izləri özünü açıq-aydın göstərir. Cem Yılmaz demiş Belgrad “Little little, into the middle” şəhərdir, hərəsindən bir az. İndi isə başlayaq adbaad Belgradın gəzməli-görməli yerlərinə:Nikola Tesla muzeyi – Tesla adını eşitsəm də haqqında bir şey bilmirdim amma bu muzey mənə Teslanı sevdirdi və oradan qayıdandan sonra bir neçə gün Tesla haqqında araşdırma etdim, kəşfləri ilə tanış oldum. Muzeyə giriş 500 serb dinarıdır, təxminən 4 avro amma verdiyiniz pulun 5 qatını alırsız muzeydən. Xüsusilə də Teslanın kəşfi olan naqilsiz elektriki test edərkən.Kalemegdan – Dunay və Sava çaylarının birləşdiyi yerdə, təpədə qurulmuş qala meydanı, xüsusilə gün batımında möhtəşəm görsənir. 200 likelıq selfielər çəkdirə bilərsiniz. Kalemegdanın içərisində, 2 dənə də muzey mövcuddur: hərb muzeyi və işgəncə muzeyi. Hər ikisi məsləhətdir. Muzeylərə giriş 1-2 avro ətrafındadır.Knez Mihailova küçəsi – Bütün şəhərlərdə olduğu kimi, ən məşhur küçə, Bakının Torqovaya küçəsi.Müqəddəs Sava məbədi – Aya Sofyanın “xristian” varyantı. İçəridə bir neçə ildir restavrasiya işləri getdiyindən, içi bir az boş görsənir.Skadarlija küçəsi – dünyanın gəlmiş-keçmiş ən şirin küçələrindən biridir. Sağda-solda kiçik, şirin, italyan stilində kafelər, publar var.Köhnə Müdafiə Nazirliyinin binası – Serbiyaya Nato hücumunda dağıdılan və sonradan restavrasiya edilməyən nazirlik binası.[gallery ids="637,635,638,636" type="slideshow"]Ada Ciganlija – Qaraçı adası. Sava çayının ortasında yerləşən kiçik yaşıl bir ada. Gəzənlər, qaçanlar üçün ayrı, velosiped sürənlər üçün ayrıca bir zolağı var. Çox münasib qiymətə kafelər yemək yemək, 1 fincan qəhvə içmək olar. Sunset kafesinda Emiliyaya nahar yeməyi borcumu ödəmək üçün yemək yedik. Açıq havada, günəşli gündə çevapiləri yeyib, Dunayın mənzərəsindən zövq aldıq. Adan;n əks tərəfindəki sahilində isə Belgradın nudist, bizim dildə çılpaqlar çimərliyi yerləşir. Havalar hələ tam isinmədiyindən nudistləri görmədik amma Emiliyanın dediyinə görə, nudist çimərliyində sadəcə yaşlılar olur, həvəslənib getməyin ????Və sona saxladığım Zemun qəsəbəsi. Dunay çayının sahilində olan kiçik, şirin bir məkan. Bir vaxtlar Avstriya-Macarıstan imperiyasının sərhədləri buralardan keçirmiş, ona görə də burada, imperiyanın nəfəsini hiss etmək olur. Qəsəbə 18-ci ərdən qorunub saxalanılıb. Sahildə xeyli iri-xırdalı gözoxşayan restoranlar, kafelər var. İlin isti aylarında Zemunu gəzib, kafelərin çöldəki masalarında oturub, bir Jelen pivəsi içə bilərsiniz. Bundan başqa, sahildə qu quşlarını yemləməyin də ayrı bir ləzzəti var. Zemundakı Janos Hunyadi qəsrinə çıxaraq, bütün Belgradı əlinizin içindəki kimi görə bilərsiniz.[gallery ids="642,641,640,639" type="slideshow"]Belqrad haqqında bu qədər.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Babek Musa-Zadeh 

1308 dəfə oxunub

Səyahətin kabusu - itmiş baqaj

Əziz səyyahlar. Səyahət sezonunun başlanması ilə əlaqədar olaraq belə bir yazının çoxlarına faydalı olacağını sanıram. Hər kəs səyahətini planlaşdırarkən onun ideal keçməsini və səyahətin ancaq pozitiv tərəflərini düşünür. Aylar öncədən planlaşdırdığımız səyahətin ən gözəl xatirlərlə yadda qalması hər kəsin arzusudur. Bütün səyahəti ən gözəl şəkildə yaşayırsan və sonda içərisi yaxınlarına aldığın hədiyyələrlə və xoş xatirələrinlə dolu baqajın itir! Bax bu zaman əsl kabus başlanır və...Bütün bunların yaşanmaması və qabaqlayıcı tədbirlərlə zərəri minimuma endirmək öz əlimizdədir. Çalışmışam ki, bildiyim bütün təcrübəmi ətraflı şəkildə izah edim ki, xatirələrimiz ziyan olmasın. Göstərilən problemlər, bir çox sərnişinlər tərəfindən vaxtaşırı rastlanan problemlərdir və tez-tez təcrübədə yaşandığı üçün tədbirli olmaqda fayda var. Hər kəsə öncədən bol-bol səyahətlər arzulayıram. Gənclərimizin daha çox yerlər gəzərək, gördükləri müsbət təcrübələri ölkəmizdə tətbiq etmələrini ümid edərək əsas məsələyə qayıdaq.1) Səyahətə başlamamışdan öncə ilk iş uçuş marşrutunu planlaşdırarkən, əgər bir və yaxud bir neçə transfer məntəqədən istifadə edəcəksinizsə əsas diqqət etməli məqamlardan biri “Connection time” yəni, transfer məntəqəyə enmə vaxtı ilə qalxma vaxtının 2 saatdan çox olmasına diqqət etmək lazımdır. Təcrübə göstərir ki, böyük aeroportlarda 2saatdan az vaxtda baqajların bir təyyarədən boşaldılması və bir sıra işləmdən keçərək digər borta yüklənməsi qeyri-mümkün ola bilər. Bu hadisə ən çox fərqli terminallardan uçuş yerinə yetirilən zaman daha da çox rastlana bilər. Məhz bu səbəbdən də bilet alarkən baqajınızın sizinlə birgə təyinat məntəqəsinə çatmasını istəyirsinizsə, bu hallara diqqət etmək lazımdır. Əgər uçduğunuz aviaşirkət o istiqamətdə hərgün uçuş yerinə yetirmirsə bu halı xüsusilə diqqətdə saxlamaq lazımdır, çünki baqajınız gəlməzsə onu həmin aviakompaniyanın növbəti uçuşu ilə göndərəcəklərini bilməlisiniz. Adətən aviakompaniyalar riski minimuma endirmək üçün öz baqajlarını başqa kompaniyalarla deyil öz reysləri ilə göndərməkdə maraqlı olurlar. Bileti alarkən uçduğunuz şirkətin növbəti reysinin nəvaxt olacağını dəqiqləşdirməkdə fayda var. Məsələn, Wizzair aviakompaniyasıyla London-Budapest-Bakı istiqamətində uçuş yerinə yetirisinizsə baqajınızın gəlməməsi halında nəzərə almaq lazımdır ki, sizin baqajınız əksər hallarda bu kompaniyanın 3gün sonrakı növbəti reysilə göndərilə bilər.2) Baqajınızın təyinat məntəqəsinə sizinlə birgə çatmaması (itmə) hallarında, gəliş zalını tərk etmədən Lost&Found ofisinə gedərək bildirməlisiniz. Zalı tərk etdikdən sonra olunan müraciətlər aviakompaniyalar tərəfindən qəbul edilməyə bilər. Bütün iddialar zalı tərk etmədən bildirilməli və sənədləşdirilməlidir. Sizə PİR adlanan sənəd tərtib olunacaq, çalışın baqajınızın xarici görünüşü (brendi, rəngi, üzərindəki nişanələri) və içərisindəki əşyalarınız haqqında ətraflı (brendi,rəngi, əlamətləri) məlumat verəsiniz. Yaxşı olar ki, səyahətdən öncə baqajınızı yığarkən belə detallara fikir verəsiniz və ehtiyyat üçün şəklini çəkəsiniz. Bu sizə uçuş sonrası yorğunluq və stres halında yaddan çıxan detalları xatırlamağa köməklik edəcəkdir. Baqajın xarici görüntüsünün şəklini çəkmək də sizin sənədinizi rəsmiləşdirən şəxsə yardımçı olacaqdır.3) Qeydiyyata verdiyiniz baqajın üzərinə vurulan birkanın bir sıra səbəblərdən (qulpun qopması, birkanın düzgün vurulmaması) düşməsi və baqajınızın tanınmaması hallarının qarşısını öncədən gördüyünüz tədbirlərlə alarsanız, baqajın itmə şansını minimuma endirmiş olarsınız ki, bunun da bir sıra effektiv yolları vardır. Baqaj aldıqda üzərində, (adətən arxa hissəsində) kontakt yazılan yarlık olan baqajlara üstünlük verməyiniz və həmin hissəyə ad, soyad, telefon nomrəsi (beynəlxalq kodla) və email adresinizi oxunaqlı səkildə yazmağınız bu işlə məşğul olan işçilərin sizi tezliklə tapmasına və baqajınızı əldə etməyinizə yardımçı olacaq.Əgər baqajınızda belə bir hissə yoxdursa, narahat olmağına dəyməz, bunu özünüz də bir çox aviakompaniyanın (məs THY) yarlıkını əldə etməklə aradan qaldıra bilərsiniz ( bunu həmçinin özünüzlə salona apardığınız əl baqajına da tətbiq edə bilərsiniz). Sadəcə bir şeyə diqqət edin ki, qeydiyyatçı agent normal birkanı siz yarlıkı vurduğunuz qulpa yox digərinə vursun ki, bir qulp zədələndikdə digərinin baqajda qalma şansı olsun. Daha çox ehtiyatlı sərnişinlər bütün hallardan sığortalanmaq üçün əlavə böyük bir A4 vərəqinə iri hərflərlə uzaqdan diqqəti cəlb edəcək şəkildə ad, soyad, reysinin nömrəsini və gedəcəyi marşrutu, kontaktlarını yazırlar və baqajın üzərinə qopmayacaq şəkildə skoçla bərkidirlər (eytiyat üçün bir kopyasını da baqajın ön cibinə qoymaq olar). Nəzərə almaq lazımdır ki, istifadə etdiyiniz transfer məntəqələrin baqaj saxlama otaqları təsəvvür etməyəcəyimiz şəkildə böyük ola bilər və sizin də birkasız baqajınız onların arasında sıradan bir baqaj kimi it-bat ola bilər. Onu bu işlə məşğul olan işçinin nəzərini cəlb edəcək şəklə gətirmək sizin fantaziyanızdan asılıdır. Ümumiyyətlə yeni baqaj aldıqda xarici görünüşü uzaqdan diqqət cəlb edə biləcək nişanələr olan baqajları seçmək faydalıdır. Məsələn üzərində fərqli şəkillər, adlar, şəhər simvolları olan baqajlar bu iş üçün əvəzolunmazdır.4) Baqajınızı plastiklə bağlatmağınız sizi bir sıra yaşana biləcək problemdən sığortalaya bilər. Bu prosedur çox aeroportda, xüsusən də avropada tətbiq olunmadığı üçün bunu əvvəlcədən alınmış selofanla özünüz evdə edə bilərsiniz. Bu xüsusən yağışlı havalarda baqajınızın islanmasının, təyyarənin yük bölməsindəki başqa baqajın partlayaraq, içərisindəki mayenin digər baqajları çirkləndirməsinin, baqajınız normadan artıq yüklənmişsə onun partlamasının və baqajınızın içərisinə müdaxilənin qarşısını almış olar. Ancaq bu halda baqajınızı yığarkən bir şeyə diqqətli olmanız, baqajınıza aviakompaniyanın qadağan etdiyi və ya tövsiyyə etmədiyi əşyaları qoymamağınız vacibdir. Çünki sonradan baqajınız yoxlamadan keçərkən açıla bilər və bu halda ödədiyiniz məbləği boşuna vermiş olacaqsınız. Baqajın içərisinə sizin üçün çox önəmli olan əşyaları (xüsusən də pulla alınmayacaq mənəvi dəyəri olan) və sənədləri qoymamağa çalışın ki, itgi hallarında buna görə daha çox peşmançılıq yaşamayasınız. Əgər sizin bir baqaj haqqınız varsa ancaq iki kiçik baqaj aparmaq məcburiyyətindəsinizsə, o zaman icazə verilən çəkini və ölçüləri keçməmək şərti ilə iki baqajı biryerdə plastik paketlə bağlatmaq effektiv üsulladan sayılır.5) Qeydiyyatçı baqajınıza birkanı vurmamışdan öncə onu nəzərdən keçirməyiniz, üzərindəki detalları (soyad, reys, marşrut) yoxlamağınız sizi, çox rastlanan baqajınıza səhv birkanın vurulması hallarından sığortalamış olacaqdır. Bəzi hallarda qrup şəklində qeydiyyata gələrkən bu hallar yaşana bilər. Başqasının birkasının sizin baqajınıza vurulması, sizin baqajın tamamən fərqli istiqamətdə hərəkətinə səbəb olacaqdır(bundan əlavə bəzi səbəblərdən uçuşa buraxılmadığı hallarda başqasının birkası sizin baqaja vurulmuşsa, bu zaman o uçuşdan kənarlaşdırıldıqda avtomatik olaraq onun adına olan sizin baqajınız da kənarlaşdırılacaqdır). Bundan əlavə qeydiyyatçıdan birkanın sizdə qalan hissəsini aldığınıza əmin olun, çünki bu sənəd baqajınızın itməsi halında sizdən tələb olunacaqdır. Həmin “əl birkasının” səklini çəkməyiniz onun itirilməsi halında sizin işinizi asanlaşdıracaqdır. Baqajın elektron tərəzidəki dəqiq çəkisi (qramla), itmə hallarında baqajı tapmaq üçün həlledici detallardandır və sizdən soruşula bilər, çünki birkanın üzərində yuvarlaq kg-la rəqəm yazılır. Əlavə olaraq, birkanın üzərində yalnız barkod və birka nömrənizdən ibarət kiçik “minitag-lar” olur ki, bunları da baqajınızın ən az 2 fərqli tərəfinə vurulmasına diqqət edin. Bu barkodlar lazer şüası tərəfindən oxunaraq, baqajın lentdə düzgün istiqamətə getməsini təmin edir və əsasən də birkanın düşməsi halında baqajınızın tapılması üçün çox önəmli rol oynayır.6) Səyahət zamanı pasportunuzun, bank kartlarınızın itirilməsi sizə böyük problemlər yarada biləcəyi üçün bu halları da, əvvəlcədən gördüyünüz tədbirlərlə aradan qaldıra bilərsiniz. Bunun üçün sənədlərinizin görünən hissəsinə, üzərinə nömrəniz qeyd olumuş kağız parçasını yapışdırmağınız kifayətdir. Ancaq bir şeyə diqqət etmək lazımdır ki bu, bank kartının maqnit lentinin üzərinə düşməsin. Bir çox aviakompaniya salonda itən əşyalara məsuliyyət daşımadığı üçün təyyarədən düşərkən sənədlərinizi və əşyalarınızı yenidən kontrol etməyiniz sizə faydalı olacaqdır. Nəzərə almaq lazımdır ki, sizin təyyarəniz terminaldan uzaq dayanacağa enə bilər və əşyalarınızın sizə geri gətirilməsi (əgər tapilarsa) sizi pasport kontrolunda və digər proseslərdə ləngidə bilər.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Elcin Meherremli 

934 dəfə oxunub

Roma bələdçisi

Romadakı otel, apartament və hostelləri bu linkdən book (bron) edə bilərsiz.42x32x25sm ölçülərini aşmayan kürək çantamı çiynimə atıb liftin düyməsini basdım. Başladığım yol məni ilk öncə məşhur musiqiçi Ferens Listin adına olan Budapeştin beynəlxalq hava limanına, oradan isə Romaya aparacaqdı. Bu yol Romaya gedənyollardan yalnız biridir. ????[caption id="attachment_604" align="aligncenter" width="551"] Roma[/caption]Roma səfərim çox mürəkkəb bir dövrə təsadüf edirdi. Noyabr ayında Parisdə baş verən terror hadisəsindən sonra Avropanın digər şəhərlərində olduğu kimi Romada da təhlükəsizlik tədbirləri gücləndirilmişdi. Yanvar ayında İstanbulda turistlərə qarşı olan terror hücumu Roma səfərimlə eyni günə təsadüf edirdi. Bu səbəbdən bütün metro stansiyaların ətrafında və içərisində, mərkəzi və insanların sıx olduğu küçələrdə, tarix və mədəniyyət abidələrinin yaxınlığında silahlı əsgərlərin və polislərin olması insanda bir narahatçılıq yaradırdı. Ümid edirəm ki, siz səyahət edəcəyiniz zaman belə bir problemlə rastlaşmayacaqsınız.Bəri başdan onu da vurğulayım ki, bu yazımızda Romanı məşhur rejisor Federiko Fellini kimi göstərib, Den Braun kimi təsvir edə bilməmişəm. Səmimi olsam, heç buna cəhd də etmədim. Ancaq ilk dəfə səyahət etmək istəyənlər üçün faydalı məsləhətlər verməyə çalışacağam.[caption id="attachment_607" align="aligncenter" width="551"] Vatikan, Roma[/caption]Nə zaman və necə səyahət etməli?2500 ili aşan tarixi, zəngin memarlıq və mədəniyyət abidələri ilə Roma ilin bütün fəsillərində turistlərin və gəzəyənlərin diqqətini cəlb edə bilir. Lakin may-oktyabr ayları arası Romanı görmək istəyənlər turist çoxluğunu və havanın istiliyini nəzərə alsalar yaxşı olar. Payızın sonu və qış ayları manatı devalvasiyaya uğramış azərbaycanlı gəzəyənlər üçün ideal görünə bilər. Həm otel qiymətləri ucuz olur, həm də sərfəli biletlər tapmaq mümkündür. Biletdən söz düşmüşkən onu deyim ki, bu səyahətimizdə də Wizzair bizim ən səxavətli dostumuz oldu. “Dostuma” Budapeşt-Roma gediş-dönüş bileti üçün 22 avro ödədim. Bakıdan birbaşa uçuş olmasa da Bakı-Kiyev-Roma, Bakı-İstanbul-Roma və s. alternativlərdən faydalana bilərsiniz.Romada harada qalmalı?Mən orada təhsil alan azərbaycanlı dostumun evində qaldığıma görə sizə hər hansı otel və ya hosteli tövsiyyə edə bilməyəcəm. Amma siz öncə cibinizə sonra bu yazıya baxıb müvafiq otel və ya hosteli seçə bilərsiniz. Əgər metro və ya avtobusa pul xərcləmək istəmirsinizsə (bir istiqamət 1.5 avro, limitsiz 24 saat bilet 7 avro, 48 saat 12.50 avro, 72 saat 18 avro) və piyada gəzməyə üstünlük verirsinizsə yaxşı olardı ki, qalacağınız yer şəhər mərkəzi olsun. Navona meydanı (Piazza Navona), Trevi Fontanı (Fontana di Trevi) və Venesiya meydanı (Piazza Venezia) ətrafı bu baxımdan uğurlu seçim ola bilər. Nisbətən ucuz otel/hostel istəsəniz Termini metro stansiyasının yaxınlığı da düşünə bilərsiniz.[caption id="attachment_606" align="aligncenter" width="551"] Roma[/caption]Termini metro stansiyası ərazidə olan restoranlar da şəhərin digər yerlərinə nisbətdə ucuzdu. Restoran demişkən, Romada ne yeməli sualı aktuallaşır ???? Yəqin ki, çoxumuzun ağlına ilk gələn pizzadır. Romada demək olar ki, hər küncdə bir pizzaçıya rast gəlmək olur. Mərkəz yerlərdə olan restoranlarda ən sadə pizzaların qiyməti 7-10 avro arasında dəyişir. Spagettiyəgəlincə, tələbə olduğumdan semestr ərzində spagetti qida rasionumda əvəzedilməz rola malik idi. Bu səbəbdən Roma tətilim zamanı spagettidən uzaq durdum. Tiramisu və Roma dondurmasının (gelato) dadına isə mütləq baxın.Roma tarixi abidələr və muzeylərlə zəngin olduğundan tam gəzmək üçün 3-4 gün kifayət etməyə bilər, ancaq doğru planlama ilə qısa müddətli səyahətinizi də effektiv edə bilərsiniz. Aşağıdakı ‘Romada görüləcək yerlər’ listini hazırlayanda bu yerlərin bir-birinə olan məsafəsini nəzərə aldım. Ümid edirəm ki, siyahı vaxt problemi olan səyyahlar üçün köməkçi olacaq.Romada görüləcək yerlər.Əlbəttə ki, listin başında Flavi amfiteatrı və ya Kolizey gəlir. Dünyanın ən böyük antik amfitatrı olan tarixi abidənin tikintisi 8 ilə yekunlaşmışdır. Uzun illər qladiatorların və vəhşi heyvanların döyüşünə şahidlik edib. Vaxtınız olsa həm gündüz, həm də gecə görməyi məsləhət görərdim.[caption id="attachment_602" align="aligncenter" width="550"] Kolizey[/caption]Roma Formu ve Palatino təpəsi. Roma Formu antik Romanın mərkəzi hesab olunur. Siyasət və ticarətin mərkəzi olduğu üçün o dönəmin bütün tikililəri bu ərazidə cəmlənmişdir. Palatino təpəsi isə Romanın yerləşdiyi yeddi təpədən sadəcə biridir. Kolizeyi gördükdən sonra Roma Formuna gedib, oradan da Palatino təpəsinə qalxa bilərsiniz. Bu təpədən antik Romanın ən böyük stadionu olan Circus Maximusu da görə bilərsiniz. Kolizey, Roma Formu və Palatino təpəsi üçün birləşdirilmiş biletin qiyməti 12 avrodur.Altare della Patria. 6-cı əsrdən bəri dağınıq olan İtaliyanı vahid şəkildə birləşdirən II Viktor Emaunuelin şərəfinə tikilmişdir. II Viktor Emanuel 1861-ci ildən 1878-ci ilə qədər vahid İtaliya krallığının kralı olmuş, italiyanlar tərəfindən dilimizdə ‘Ata’ mənasini verən ‘Della Patria’ ləqəbini almışdır. Ağ mərmərdən tikilən abidənin hündürlüyü 70 m, eni isə 135 metrdir. Əzəmətli görünüşü ilə Romanı ziyarət edən turistləri heyran qoyan yerlərdən biridir. Abidənin alt hissəsində İtaliya Birləşmə muzeyi, üst hissəsində isə ətrafı seyr etmək üçün terras var.Panteon. Qədim Roma memarlığının ən görkəmli və tikintisi ilə bağlı hələ də özündə suallar saxlayan Panteon məbədini də görməyə dəyər. 128-ci ildə tikintisi başa çatan və yunancadan tərcümədə bütün allahların məbədi anlamını verən Panteon 7-ci əsrdən kilsə kimi fəaliyyət göstərir. Məşhur rəssam Rafael, İtaliya kralları II Viktor Emanuel və I Umberto burada dəfn olunmuşdur. Məbədin daxili interyeri və damı (damda olan dəlik) bu abidənin insan tərəfindən tikilib-tikilməməsi barədə suallar yaradır. Betondan olan qübbənin hansı texnologiya ilə hazırlanması insanları düşündürür.[caption id="attachment_605" align="aligncenter" width="550"] Panteon[/caption]Navona meydanı. Panteonu gördükdən sonra yaxınlıqda olan Navona meydanına da baş çəkməkdə fayda var. Romanın görməli və turistlərin sıx olduğu məkanlardan biridir. Dördbucaqlı formasında olan meydana iki kilsə və bir neçə saray açılır. Meydanda eləcə də, üç fəvvarə vardır. Bunlardan ən məşhuru Dörd çay fəvvarəsidir. Simvolizə olunan bu dörd çay Nil, Qanq, La Plata və Dunaydır. Çoxlu rəssam və küçə sənətkarlarına rast gələcəyiniz meydanın ətrafı kafe, restoran və hədiyyəlik əşya dükanları ilə zəngindir.Trevi fontanı. Barokko stilində olan fontan adını yerləşdiyi Trevi meydanından alır. Üç yolun qovşağında olduğu üçün Trevi adlandırılıb. Fontan bir neçə heykəl kompleksi və bu heykəllərin ön hissəsində olan hovuzdan ibarətdir. Hovuzun içində çoxlu qəpiklər görəcəksiniz. Deyilənə görə arxası hovuza dayanıb, sağ əlinizlə sol çiyin üzərindən hovuza qəpik atsanız, Romaya bir daha gələcəksiniz. Yığılan qəpiklərin xeyriyyə cəmiyyətlərinə bağışlandığı deyilir.[caption id="attachment_603" align="aligncenter" width="551"] Trevi fontanı[/caption]P.S Cibimdə qəpik avro olmadığından macar forinti atdım. Fontanın bunu qəbul edib etmədiyini, təəssüf ki, bilmədim. Ümid edirəm ki, atdığım qəpik qəbul edilib və mən Romaya yenidən gələcəyəm.İspan pilləkənləri. İspan pilləkənləri və pilləkənlərin başladığı İspan meydanı Romanın ən hərəkətli hissələrindən biridir. Pilləkənlər 1723-1726-cı illər ərzində tikilib. Məqsəd aşağıda olan meydandan üstdə olan Trinita dei Monti Kilsəsinə rahat gediş-gəlişi təmin etmək olub. Prada, Gucci, Dolce & Gabbana, Versace kimi lüks brendlər də bu meydanda cəmlənib.Popolo meydanı (Piazza del Popolo) və Pincio parkı. Romanın ən böyük meydanlarından biridir Popolo meydanı. Meydan yaxınlıqda yerləşən Pincio təpəsindən daha əzəmətli görsənir. Onu qeyd edim ki, bu təpə qədim Romanın yerləşdiyi yeddi təpə listinə daxil deyil. Təpəyə meydan tərəfdən qalxdığınızda geniş bir terrasa çatmış olacaqsınız. Bu terrasdan Popolo meydanı və Romanın tarix qoxan binaları daha ecazkar görünür. Terras eyni zamanda Picino bağlarının bir hissəsidir. Turistlərlə bol olan, hərəkətli Roma küçələrindən xilas olub bu parkda sakitlikdən və yaşıllıqdan zövq ala bilərsiniz.[caption id="attachment_600" align="aligncenter" width="551"] Vatikan meydanı[/caption]Vatikan. Vatikan səfəri üçün ən azı bir gününüzü ayırmağı tövsiyyə edərdim. 40 hektarı aşan ərazisi və minə yaxın əhalisi ilə dünyanın ən kiçik dövləti sayılır Vatikan. Katolik kilsəsinin döyünən ürəyi olan dövlət-şəhərin başçısı Roma Papasıdır. Vatikan səfərini dünyanın ən böyük kilsələrindən olan Müqəddəs Pyotr bazilikasından başlaya bilərsiniz. Bazilikaya giriş pulsuzdur. Ciddi yoxlama tədbirləri olduğu üçün uzun növbələrlə rastlaşa bilərsiniz. Mən qış ayında getdiyim üçün növbədə çox da gözləməli olmadım. İçini isə yalnız görmək lazımdı ???? Sözlərlə ifadə edə bilməyəcəm.Bazilikina gördükdən sonra isə məşhur Vatikan muzeylərini gəzə bilərsiniz. Muzeylərdə əsasən intibah dövrünə aid əsərləri görə bilərsiniz.Muzeyləri gəzdikdən sonra dilimizə Müqəddəs Mələk qəsri kimi tərcümə olunan (Castel Sant’Angelo) tarixi abidəsini görə bilərsiniz. 135-ci ildə tikintisinə başlanılmış, 139-cu ildə sona çatmış sərdabə 84 m uzunluğa malik dördkünc özül üzərində diametri 64 və hündürlüyü 20 m olan silindrik formada inşa edilmişdir. Günümüzdə muzey kimi fəaliyyət göstərir. Giriş 15 avrodur. Qəsrin önündə Roma impetoru Hadrian tərəfindən tikilən Hadrian körpüsü var. Tiber çayı üzərində olan körpünün tikintisi 134-cü ildə tamamlanmışdır. Çay, körpü, körpünün kənarlarında olan mələk heykəlləri şəhərə xüsusi gözəllik qatır. Yazımı isə hələlik burada saxlamaq istəyirəm. Səbəbini aşağıdakı abzasda izah edəcəm.Romaya tək gedəcəyimi bilən Rusiyadan olan yataqxana yoldaşım ‘Roma tək gəzilməz, Roma da Paris kimi sevgi şəhəridir’ demişdi. Onunla mübahisə edib tək gəzməyin faydalarını müdafiə etmişdim. Romada yalnız Tiber çayının sahilində, Hadrian körpüsündən keçəndə tək olduğum üçün heyfslənib, rusiyalı dostuma haqq qazandırdım. İnanıram ki, Trevi fontanı atdığım qəpiyi qəbul edib və mən növbəti səfərimi cüt edib yazımı tamamlaya biləcəyəm ????Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: RƏHMAN ƏFƏNDİ

1972 dəfə oxunub

Minimum xərclə səyahəti necə təşkil etməli?! 2-ci hissə

Keçən yazılarımdan birində daha doğrusu “Minimum xərclə səyahəti necə təşkil etməli?!” adlı yazımın birinci hissəsində səyahət xərclərini necə minimum endirmək olar sualına cavab verməyə çalışmışdım. İlk yazı səyahət xərclərində ən çox yer tutan nəqliyyat xərclərini necə azaltmaq, xərcləri minimum endirmək haqqında idi. Bu dəfə gecələmə obyektləri (otel/hostel/mənzil/ev və s.) xərclərini necə minimum endirmək, səyahəti necə ucuza başa gətirməyin yolları haqqında yazını sizlərlə paylaşım. İlk öncə deyim ki, otel qiymətləri hostel və mənzil qiymətlərindən nisbətən baha olduğundan bu yazıda otellər haqqında danışmayacağıq.[caption id="attachment_590" align="aligncenter" width="551"] Budapeştdəki hostellərdən birinin lobbisi[/caption]Başlayaq… Xaricə səfər edərkən gecələmək üçün ağıla gələn ilk yer otel olur. İndiki zamanda otelə pulumuz çatmadığı üçün onun alternativi olan hostellər ən ideal seçim ola bilər. Əgər Hostel filminə baxmısınızsa, filmdə olanları unudun. Hostellər tam rahat və təhlükəsizdir, şəxsən mənim tərəfimdən bir neçə dəfə sınanılıb ???? Hostellər az xərclə, soyal mühitli qonaqlama imkanları verən gecələmə yerləridir. Otaq tiplərinə görə müxtəlif formada xidmətləri hostellərdə kirayələyə bilərsiniz. İstəsəniz 1-2 nəfərlik otaq və ya 4 nəfərdən 10 nəfərədək olan otaqda (shared room) yataq kirayələyə bilərsiniz. Həm 1-2 nəfərlik kiçik otaqlar, həm də 4-10 (və daha çox) nəfərlik böyük otaqlar daxili və ümumi hamam otağı ilə təmin olunur. Yəni mümkündür ki, siz otaq kirayələmisiniz amma hamam otağı ümumidir, otaqdan kənarda, həm də mümkündür ki, hər otağın öz hamamı olsun. Bundan başqa hostel otaqları 2 nəfərdən çox adam üçün nəzərdə tutulubsa bir çox hallarda hər bir qonaq üçün şəxsi əşyalarınızı qoruya biləcəyiniz kiçik qıfıllı seyflər olur. Bundan başqa hostellərdə bir çox hallarda qab-qacaqla təmin olunmuş mətbəx də sizin xidmətinizə verilir. Bu mətbəxdə qidalanma xərclərinizi minimuma endirmək üçün istədiyiniz ərzağı alıb özünüz üçün nahar və ya qəlyanaltı hazırlaya bilərsiniz. Bəzi hostellərdə səhər yeməyi qiymətə daxil olur, hosteli kiralamadan öncə bunu yoxlamaqda fayda var ????[caption id="attachment_591" align="aligncenter" width="551"] Hostel otağı[/caption]Hostellərdə yerləşdiyi ölkədən asılı olmayaraq, oğlanlar və qızlar üçün ayrı otaqlar olur (amma bu heç də bütün hostellərdə belə deyil). Yəni tutalım 8 nəfərlik otaqda yataq kirayələmək istəyirsiniz və qarşı cinsdən kiminsə həmən otaqda gecələmisini istəmirsinizsə rahat-rahat single-sex (yəni tək bəylər/tək xanım üçün) otaqları seçə bilərsiniz. Mixed otaqlarda isə hər iki cinsin nümayəndələri eyni otaqda qalırlar. Çoxadamlı otaqlarda otaq kirayələmisinizsə bu o demək deyil ki, bütün yerlər dolu olacaqdır. Məsələn mən Tiflisdə 6 nəfərlik otaqda daha 2 dostumla yer kirayələmişdim və bizdən başqa heç kim yox idi otaqda hətta mən deyərdim ki, hosteldə. Eyni hadisəylə Vyana və Krakovda da qarşılaşmışam. Vyanada 6 nəfərlik, Krakovda isə 4 nəfərlik otaqda sadəcə 2 nəfər gecələmişik. Bu hallar adətən şəhərin tam mərkəzində olmayan, mərkəzdən 1-1.5 km piyada məsafəsində olan və ya tətilin qeyri-pik vaxtlarında mümkündür. Əgər şəhərdə hansısa bir idman,  ya musiqi tədbiri və ya festival varsa çox güman shared roomlar dolu olacaqdır. Shared roomlarda qalmağın üstünlüyü odur ki, hostelin digər qonaqları, ən çox isə “otaqyoldaşların” ilə sosyallaşırsan, bəzən şəhəri birlikdə gəzib kəşf etmək təklifi alırsan ya da sən edirsən. Turistlər müxtəlif ölkələrdən gəldiyindən və hərənin müxtəlif səyahət hekayəsi olduğundan maraqlı söhbətlərin iştirakçısı ola bilərsiniz.[caption id="attachment_592" align="aligncenter" width="552"] Maraqlı dizayn edilmiş hostel otağı[/caption]Hostellər ucuz qonaqlama obyektləri olsa da bu ölkədən ölkəyə dəyişir. Ölkədə nə qədər qiymətlər bahalıdırsa hostellər də bu qiymətlərə uyğun daha yuxarı qiymətə olur. Məsələn Kiyevdə 2 nəfərlik hostel otağının qiyməti gecəsi 11 avro olduğu halda, Danimarkanın paytaxtı Kopenhagendə 8-10 nəfərlik otaqda bir yatağın gecəsi 32-35 avro ətrafındadır. Yəni səfər planlamamışdan öncə çalışın bu detalları nəzərə alın ki, gedib qərib ölkədə “nağayrım, neyniyim” deməyəsiniz ???? İndi isə gəldik, bu hostellərin qiymətini haradan tapmalı məsələsinə. Hostellərin qiymətinə baxmaq üçün ən yaxşı çox işlənən saytlar hostelworld.com və booking.com-dur. Hosteli seçirsiniz, tarixləri daxil edirsiniz və otaq tiplərinə görə sistem qiymətləri sizə göstərir. Kiçik bir tövsiyyə verim, booking.comda hostel sifariş edərkən çalışın reytinqi +7.0 olan hostelləri seçin və sizdən öncə orada qalmış turistlərin qeydlərindən heç olmasa 5-6-na nəzər salın ki, hostel haqqında daha ətraflı məlumatınız olsun.[caption id="attachment_593" align="aligncenter" width="550"] Praqadakı Mad House hosteli[/caption]Hosteldən fərqli konseptə malik digər ucuz üsul isə Airbnbdir. Airbnb hosteldən fərqli olaraq ev abu-havası ilə təmin edir. Daha doğrusu elə kirayə verilən evlərin axtarış sistemidir. Brno səfərimdə məhz elə Airbnbdən otaq kirayələmişdim. Airbnbdə də təklif edilən xidmətlər çox müxtəlifdir. İstəsəniz yalnızca mənzil, istəsəniz mənzildə otaq, istəsəniz də hostel abu-havasını evdə yaşayıb, otaqda yataq (çox nadir hallarda olur bu) kirayələyə bilərsiniz. Airbnbdə də bütün online icarə saytları kimi turistlərin qaldığı ev sahibləri və ev haqqında rəylərini yazdığı bölmə var. Bu rəylərdən evin mərkəzə nə qədər yaxın olması, səs-küylü ərazidə yerləşib yerləşməməsi və ya ev sahibinin təmizliyi haqqında məlumat əldə edə bilərsiniz. Yaxşı olar ki, otaq ya mənzili siftariş etməmişdən öncə bu rəylərə göz gəzdirəsiniz. Burada kirayəyə verilən mənzillər olduğundan otel ya hosteldə olan standart xidmətlərin mənzildə olmaması mümkündür (məsələn, çox nadir hallarda olsa da wifi kimi).[caption id="attachment_594" align="aligncenter" width="550"] Airbnbdə kirayə verilən otaqlardan biri[/caption]Airbnbdə kirayə edilən ev ya mənzilin üstün cəhəti ümumi hamamın olmaması və ya sadəcə hamamın siz və evda olan 1-2 nəfər tərəfindən istifadə olunması, bütün avadanlıqlarla təchiz olunmuş mətbəxin olması və yerli əhaliylə mədəniyyət alış-verişidir. Əgər sadəcə otaq kirayələmisinizsə, digər otaqda qalan ev sahibi ilə ünsiyyət saxlaya, maraqlı söhbətlər edə və ya şəhərin çox da turistik olmayan amma mütləq görülməli yerləri haqqında məlumat ala bilərsiniz.Indi uzaqdan da olsa “bəs pulsuz qalmağa yerlər yoxdur?” sualını eşidirəm ???? deyirlər pulsuz pendir siçan tələsində olur amma bizim bloqumuzda tələlər yoxdur. Çox güman nə vaxtsa Courchsurfing haqqında eşitmisiniz, eşitməmisinizsə bir az da daha yaxına əyləşin.[caption id="attachment_595" align="aligncenter" width="550"] İsveçrə, Berndə Couchsurferlər fondu yeyərkən ????[/caption]Deməli Couchsurfing 4 nəfər tərəfindən qurulan pulsuz qonaqlama saytıdır. 2004cü ildə yaradılmasına baxmayaraq 2014-cü ildə həftədə 400 000 adam həftədə azı bir dəfə Courchsurfing hesabını yoxlayıb. 2015ci ildə istifadəçilərinin sayı 10 milyonu keçib. Saytın 3 funksiyası var; səyahət etdiyiniz ölkədə ev sahiblərinin evində qonaq qalmaq, yaşadığınız şəhərə gələn qonaqları öz evinizdə qonaqlamaq və şəhərlərdə keçirilən müxtəlif əyləncə tədbirlərində iştirak. Mən hardasa 4-5 dəfə Budapeştdəki evimdə Couchsurfingdən qonaq qəbul etmişəm, 2 dəfə isə özüm İsveç və Danimarkada qonaq qalmışam.Məsələn hansısa ölkəyə gedirsiniz, o zaman saytın axtarış bölməsində getdiyiniz şəhərin adını yazırsınız, sonra sağ tərəfdə çıxan seçimlərdən evində qonaq olmaq istədiyiniz adamın xüsusiyyətlərini seçirsiniz: kişi/qadın, haqqında yazılmış rəyi olsun və ya olmasın, son dəfə nə vaxt saytda olub və s. Sonraq qarşınıza çıxan profilləri bir-bir gözdən keçirərək evində qalmaq istədiyiniz adamı seçirsiniz.Saytda qeydiyyatdan keçərkən hər kəs özü haqqında olan bölmələri doldurur, beləcə evində qonaq qalmaq istədiyiniz şəxsin və ya evinizdə qonaq edəcəyiniz şəxsin bütün detallarını ətraflı yoxlaya bilərsiniz. Qonaq qalarkən çox təvsiyyə olunan odur ki, profil sahibinə çoxlu MÜSBƏT rəylər yazılmış olsun. Çoxlu deyərkən, nəzərdə tutduğum ən azı 3 və ya 4 müsbət rəydir. Profil sahibini tam əhatəli araşdırın, sonucda tanıyıb, bilmədiyiniz adamın evində qonaq qalacaqsınız.[caption id="attachment_596" align="aligncenter" width="551"] Maraqlı Couchsurfing məkanlarından biri[/caption]Digər bir araşdırmalı olduğunuz məsələ isə ev sahibin sizi hansı formada qonaqlayacağıdır. Ev sahibinin imkanları daxilində bu ayrıca otaq, ayrıca yataq/divan və ya yataq kisəsi (sleeping bag) ola bilər. Ona görə də məsləhətdir ki, öncədən ev sahibinin profilini əməllicə ələk vələk edəsiniz ???? Sonradan ürəyinizə yatan ev sahib(lər)inə sizi filan tarixlərdə qonaq edib edə bilməyəcəyi haqqında sorğu göndərirsiniz, o sizi qəbul etdikdən sonra qalmaq yeriniz hazırdır.Couchsurfingin digər bir funksiyası isə yerli əhali ilə görüşməkdir. Məsələn tutaq ki, getmisiniz Berlinə və hara gedəcəyinizi, nələri görəcəyinizi bilmirsiniz. O zaman Couchsurfingdə axtarış edib yalnızca görüşmək istəyənləri seçirsiniz və həmin adamlara sorğu göndərirsiniz tarixləri müəyyənləşdirib şəhərdə bir yerdə görüşürsünüz və həmin adam sizə şəhəri gəzdirir.[caption id="attachment_597" align="aligncenter" width="551"] Couchsurferin sleeping bagi ????[/caption]Təbii ki, hamımız azərbaycanlıyıq, elə mənim də ağlıma gələn ilk sual bu oldu: “Sizi evində pulsuz qonaqlayan adamın xeyri nədir bu işdə?” ???? Bu işdə heç bir maddi maraq yoxdur, güdülən yeganə maraq mənəvi xeyirdir. İnsanlar başqa ölkədən, başqa mədəniyyətdən gələn adamları öz evlərində qonaqlayaraq onların ölkəsi, mədəniyyəti və ya mətbəxi haqqında məlumat əldə edirlər. Sırf bu işdən zövq alırlar desəm yanılmaram yəqin. Sonda Couchsurfingdən istifadə edəcəksinizsə evində qalacağınız adama qaldığınız ölkədən kiçik bir hədiyyə aparmağınız sizi daha xoşagəlimli edər. Bahalı olması vacib deyil bu 2-3 manatlıq hansısa bir şokolad və ya şirniyyat da ola bilər. Və təbii ki, qaldığınız evin sahibinə yemək bişirməkdə və ya qabları yumaqda ən azı özünüzdən sonra işlətdiklərinizi təmizləməkdə yardım etmək artıq sizin “öhdəliyinizə” çevrilir.Bununla da bu yazımın da sonuna gəldik. Ümid edirəm ki, faydalı ola bildim. Vaxtınızı sərf edib, oxuduğunuz üçün təşəkkürlər!Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Babek Musa-Zadeh 

739 dəfə oxunub

Minimum xərclə səyahəti necə təşkil etməli?! 1-ci hissə

Tez-tez səyahət edənlərə ən çox verilən suallardan biri də, “bu qədər səyahət xərclərini necə qarşılayırsan sualıdır?”. Həqiqətən də tez-tez səyahət etmək kifayət qədər xərcli işdir, xüsusilə də digər ölkələrə səyahət edirsənsə. Amma hər dəfə səyahət etdikcə, digər turistlərlə qarşılaşdıqca “Səyahəti necə daha ucuza gətirmək olar?” sualıyla bağlı yeni-yeni məlumatlar, taktikalar öyrənirsən.Düşündüm ki, hara səyahət edib, nə etməli, nə yeməli bloqlarından öncə o yerlərə necə ucuz tur təşkil etməli sualına aid bir blogpost yazım. Bəri başdan deyim ki, “işini atıb, maşınını satıb 500 dollarla dünyanı necə səyahət etməli” tipində bir yazı gözləmiyin ???? Bu yazımda səyahət zamanı, hansı taktikalardan, üsullardan istifadə edərək səyahətimi ucuza gətirdiyimi sizlərlə bölüşəcəm, yəni bir növ özüm tərcübədən keçirdiyim üsulları.Turizm təhsili aldığımdan taaa universitet illərimdən yadımdadır ki, səyahət xərclərində ən böyük yeri nəqliyyat xərcləri tutur. Lap dəqiqləşdirmək üçün bir az da araşdırdım. Deməli səyahət zamanı çəkdiyiniz bütün xərclərin 45%-i nəqliyyat xərclərinə gedir. İndi isə başlayaq səyahət marşrutunu necə ucuza gətirməli sualına yavaş-yavaş cavab verməyə.Səyahətlərin çoxu uzaq məsafələrə olduğu üçün, ən çox istifadə olunan nəqliyyat növlərindən biri təyyarədir. Təyyarə ilə ən ucuz uçuşları tapmaq və havayolu şirkətlərinin təqdim etdiyi qiymətləri müqayisə etmək üçün mənim ən çox istifadə etdiyim saytlar Skyscanner və eDreamsdir. Bu saytlar ən ucuz uçuşları tapmaqda ən yaxın yardımçımdır. Amma bu tip saytların bir əmması var ki, belə saytlar bəzən lowcoster hava yollarının uçuşlarını göstərmirlər. Nədir və ya kimdir lowcosterlər? Lowcosterlər dünyada çox geniş yayılmış, bir tərəfli gediş üçün bir neçə avrodan başlayaraq (demək olar ki, su qiymətinə) uçuşlar təklif edən hava yolları şirkətləridir.Su qiymətinə uçuş deyəndə Avropada ağıla ilk gələn şirkətlər EasyJet, RyanAir və mart ayından Bakıdan Budapeştə uçuşlar təşkil edəcək WizzAirdir. İndiki halda isə WizzAirin xidmət göstərdiyi bizə ən “yaxın” hava limanı Kutaisi hava limanıdır ki, buradan Budapeştə, Vilnüsə və Polşanın 2 şəhərinə (Varşava və Katoviçe) uçuş tapa bilərsiniz. Şirkətlərin saytlarına daxil olaraq hansı istiqamətlərə, hansı tarixlərdə və hansı qiymətə uçduqlarını yoxlaya bilərsiniz. Məsələn RyanAir tez-tez müxtəlif istiqamətlərə kampaniyalar edir. Bu yaxınlarda Riqa – Berlin uçuşu cəmi 2€ idi. Təxminən havalimanında aldığınız bir şüşə suyun qiymətinə.Bəs bu havayollarının belə ucuz olmasının səbəbi nədir? İlk öncə uçuşlar zamanı sizi heç bir qida xidməti ilə təmin etmirlər, hətta suyla belə. Əvəzində isə ürəyiniz istəsə uçuş zamanı kataloqdakı məhsullardan seçib, ödəniş edərək alış-veriş edə bilərsiniz. 2-3 saat bir şey yəmədən, susuz qalsaq bir şey olmaz, yəni dözmək olar J Digər məsələ, uçuşdan oncə mütləq onlayn çekin etməlisiniz və biletinizi çap etməlisiniz və ya şirkətlərin xüsusi proqramlarından (app) istifadə edərək, proqramdakı biletinizi havalimanında təqdim etməlisiniz. Onlayn çekin etməsəniz, məsələn WizzAirdə hava limanında 10€ ödəniş etməlisiniz.Digər havayollarında təyyarədən düşən kimi xidməti avtobusa minirsiniz və avtobus sizi hava limanının binasına gətirir, lowcosterlərdə isə təxminən 150-200 metr piyada getməlisiniz təyyarəyə qədər, bəli bəli idman sağlamlığın rəhnidir.Həəə gəldik əsas məsələyə. Bu tip hava yollarında hər zaman baqaj limiti vardır. Məsələn WizzAirdən bilet almısınızsa özünüzlə 42x32x25 sm ölçüsündə kiçik bir bel çantasını pulsuz təyyarənin kabinəsinə keçirə bilərsiniz. Yox əgər mən getdiyim yerdə şoppinq edəcəm, yükümü daşımağa 1 karvan dəvə lazımdır deyirsinizsə, onda əlavə ödəniş etməklə böyük bir çamadanı istədiyiniz yerə daşıya bilərsiniz. Əlavə məlumatı bu linkdən ala bilərsiniz.Yox əgər siz EasyJetdən bilet almısınızsa, baqaj məsələsində EasyJet bir az daha insaflıdır. Pulsuz özünüzlə 56x45x25 sm ölçülü bir çanta və ya çamadanı pulsuz daşıya bilərsiniz. Digər məlumatları bu linkdən əldə edə bilərsiniz. Qeyd edim ki, baqaj qaydaları çox sərtdir bu hava yolları şirkətlərinin. Dedikləri ölçüdən 1 sm böyük olsa belə əlavə ödəniş tələb edə bilərlər sizdən, ona görə evinizi tərk etmədən yüz ölçüb, bir biçin çamadanınızı.Əgər getdiyiniz istiqamətə bu 3 hava yollarından bilet tapa bilməsəniz və ya mən Wizz, Ryan kimi дешевый havayolları ilə uçmaq istəmirəm desəniz digər alternativlər də yox deyil. GermanWings, EuroWings, Transavia və s. şirkətlər var ki, lowcost və normal qiymətli hava yollarının qiymətləri arasında bir uçuş təklif edirlər. Dünyadakı bütün lowcost hava yollarının siyahısı ilə isə buradan tanış ola bilərsiniz.Indi isə gəldik lowcost havayolları ilə bağlı ən çox dedi-qodusu edilən amma tamamilə yalan olan mövzuya. Lowcosterlərlə bağlı dolaşan ən yalan məlumat onların təyyarələrinin köhnə olmasıdır. Ümumiyyətlə lowcosterlər təyyarələrini dayanmadan uçuşlara göndərdiyindən hər zaman təyyarələrinin saz və yeni olmasına fikir verir. Məsələn www.planespotters.net saytına görə WizzAirin təyyarələrinin orta yaşı 4 ildir, ən yeni təyyarənin 1 ay, ən qocamanının isə 8.7 yaşı var. RyanAirin isə toplamda 417 təyyarəsi var və onların orta yaşı 6.7 ildir. EasyJetin 375 təyyarəsinin orta yaşı 6.4 ildir. Bizim “normal” qiymətli olaraq qəbul etdiyimiz havayollarının təyyarələrinə baxaq. Türk Hava yollarının 398 təyyarəsinin 6.6, Lufthansanın 583 təyyarəsinin 11.4 yaşı var. Yəni lowcosterlərlə uçmaq heç də deyildiyi kimi, təhlükəli deyil.Yox əgər getdiyiniz istiqamət elə də uzaqda deyilsə (məsələn mənim Brno səyahətim kimi) müxtəlif ölkələrin dəmir yolları sistemlərindən, Eurolinesın çooox rahat avtobuslarındanistifadə edə bilərsiniz. Eurlonesin getdiyi istiqamətlər, vaxtlar və qiymətləri saytlarından yoxlaya bilərsiniz.Yerüstü nəqliyyatla və qatar, avtobusdan ucuz səyahət etmək qərarına gəlsəniz BlaBlaCar avtomobil paylaşım saytı yardım əliniz sizə uzadacaq. Nədir BlaBlaCar? BlaBlaCar eyni istiqamətə gedən insanları özündə biləşdirən, hələlik dünyanın 18 ölkəsində istifadəyə verilmiş avtomobil paylaşımı saytıdır. Məsələn kimsə Kiyevdən Polşanın Krakov şəhərinə avtomobillə səyahət edirsə, BlaBlaCar saytına girib elan verir ki, 15 dekabr saat 9da Kiyevdən çıxacam, 3 ədəd boş yer varim, istəyən qoşula bilər. Yəni bir növ 20 Yanvar metrosunda olan “Cəllabada 1 son nəfər”in daha mədəni və “qanuni” forması. Məqsəd avtomobil sahibinin xərclərini sərnişinlər arasında bölüşməkdir. Avtomobil sahibi nə zaman məkanı tərk edəcəyini, getdiyi məkana nə zaman varıb gələcəyini, neçə nəfər üçün boş yeri olduğunu, avtomobildə siqaret çəkməyə icazə olub olmadığını, səyahət ərzində neçə dəfə və neçə dəqiqə fasilə verəcəyini, avtomobilinin rahatlılıq dərəcəsini, ev heyvanlarına icazə verib-vermədiyini və bu kimi detalları və son olaraq da nə qədər ödəniş edəcəyinizi qeyd edir. Avtomobil sahibinin ilk təcrübəsi deyilsə, əvvəlki sərnişinlərin sürücü haqqında fikirlərini də oxuyub daha sonra bu sürücü ilə gedib-getməyəcəyinizə qərar verə bilərsiniz. Bəxtiniz gətirsə sürücünüz və ya yolyoldaşlarınız maraqlı insanlar olsa, sizi unudulmaz bir səyahət, bəzən yeni dostluqlar gözləyir yox əgər olmazsa bu halda ən azı mənzil başına daha ucuz gedib çatacaqsınız. Blogpostumuzun sonuna gəldik, ümid edirəm ki, maraqlı və yayarlı oldu. Növbəti yazım romantiklərin sevimli məkanı, sevgi şəhəri Parisdən olacaq.Sonda 43 milyon insanın baxdığı bu möhtəşəm reklamı sizlərlə bölüşmək istədim. Yeni bloqpostlara qədər…[youtube https://www.youtube.com/watch?v=zIEIvi2MuEk]Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Babek Musa-Zadeh

1356 dəfə oxunub

Dubay bələdçisi

Dubaydakı otel, apartament və hostelləri bu linkdən book (bron) edə bilərsiz.Dubayda haralara ve necə getməli?4 günlük Dubay səfərim artıq bugün başa çatır və qərara aldım ki,topladığım praktikayla qrupda bölüşüm ki, gələcəkdə Dubaya yolu düşənlər hər yerə taksiylə gedib əlavə xərc yaratmasınlar və istədikləri yerə rahatlıqla çatsınlar. İnşallah faydali olar.Hər şeydən öncə qeyd edim ki, exchange-lər banklardan ayrılıqda yerləşir və ölkədə hər yerdə məzənnə demək olar eynidir. Yəni, bizdəki kimi aeroportda ayrı, şəhərdə ayrı, bu yanda ayrı deyil. Yeganə olaraq otellərdə dəyişsəniz fərqli qiymətə, yəni otelə sərf eliyən kimi dəyişəcəksiniz. Əgər əlinizdə hər ehtimala AED olmasını istəyirsənizsə, aeroportdakı exchange-də rahat dəyişə bilərsiniz. Çünki şəhərdə də eyni məzənnə olacaq.1)  Burj Khalifa, Dubai Mall ve musiqi fontan triadasi.Bura Dubayın ən məşhur yerlərindən biri və demək olar, hal-hazırda birincisidir. Bura gəlmək üçün metrodan istifadə etmək olar. Belə ki, eyni "Burj Khalifa" adlı metro stansiyası var. Yeri gəlmişkən qeyd edim ki, transport kartı (eyni bizdəki Bakıkart, yəni həm avtobus, həm metro, həm də tramvayda keçir) 20 AED-dir. Daha sonra karta pul yükləmək lazımdır ki, yükləmə və kart almanı metronun ortasında olan Information (üzərində "i" yazili) olan köşkdən edə bilərsiniz. Stansiyadan çıxdıqdan sonra keçid vasitəsilə düz Dubai Mall-un içinə gedirsiniz ve burdan da Burj Khalifaya çıxırsınız. Burj Khalifa-da çıxacağınız mərtəbəyə və saata görə qiymətlər dəyişir. Bilet sırasına durmayasınız deyə məsləhətdir ki, Dubai Mall-un içində olan akvariumun yanında Burj Khalifa bilet satış məntəqəsindən əvvəlcədən bilet alasınız. Mən bileti 124-125-ci mərtəbələrə aldım və mənə bir nəfər üçün 145 AED başa gəldi. Bundan daha ucuz 125 AED də var idi, sadəcə bu biletlər hamsı satılmışdı. Mənim biletimin baha olmasına səbəb çıxışda Burj Khalifa kafesində çay, kofe, su, sok, şirniyyatların biletə daxil olması ile elaqedar idi. Biletin ən bahalısı gün batımı vaxtına uyğun gəlir, çünki deyilənə görə ən gözəl vaxtı da məhz ondadır.Əgər Dubai Mall-a getmisinizsə, mütləq mall-un içindəki şəlaləyə baş çəkməlisiniz. Yəqin ki, şəkillərdə göydən sallanmış adamlar olan şəlaləni görmüsünüz. Bu şəlalə Burj Khalifaya bilet satış məntəqəsindən çox yaxın yerləşir. Bilet satış məntəqəsi özü də Dubai Mall-un içindəki akvariumun qarşısında yerleşir. İçində akula kimi nəhəng balıqlar da var. Sizə maraqlı gələ bilər.Bundan başqa Burk Khalifa-nın qarşısında məşhur musiqili fontan var ki, onu da görmək lazımdır. Yaxşı olardı ki, fontana axşam gedəsiniz. Bu halda daha gözəl olur və elə maraqlısı da axşamdır.2) Emirates MallDünyanın ən bahalı mall-larından və səhv etmirəmsə, birincisidir. Dubai Mall-la müqayisədə çox-çox bahadır. Girişində həmişə luxury maşınlar olur. Lamborghini, Maseratti, Ferrari, Bugatti ve s. gördüklərimdəndir. Məhz buna görə də qiymətlər fantastikdir. Burda hamsı brenddir ve ucuz şey tapmaq mümkün deyil. Müqayisədə Dubai Mall daha ucuzdur. Ümumən isə Azərbaycandakı qiymətləri gördükdən sonra istər Dubai Mall, istərsə də Emirates Mall-dan paltar almağa əli gəlmir. Məncə, paltar üçün Dubay yaramır. Bəlkə yarayan yeri də var, amma mən görəmmədim. Bura sadəcə "hə, gəldim buranı da gördüm" demək üçün, məncə, gələ bilərsiniz.Bundan başqa Emirates Mall-un içində süni xizək və snowboard kurortu var. Qiymətini bilmirəm, amma istəyən istifadə edə bilər.Bu arada qeyd edim ki, Emirates Mall adlı metro stansiyası vardır ki, siz bura rahatlıqla metroyla da gələ bilərsiniz. Keçid vasitəsilə birbaşa mall-un içinə girə bilərsiniz.3)Miracle Garden Dubai ve Dubai Butterfly GardenMəncə, Dubayın həqiqətən görməli yerlərindən biridir Miracle Garden. Çiçəklərlə bəzədilib hər yer və maraqlı fiqur və heykəllər var. Bir növ bizim Gül bayramını xatırladır. Giriş adambaşı 40 AED-dir. Nisbətən uzun yol getmək lazımdır ora. Mən çox axtarış etmişdim və oxuduqlarımın əksəri "taksiylə getmişik" deyə cavablamışdılar disputu. Mən sizə ucuz versiyasını deyim. Demək, düz Emirates Mall-un qarşısında 105 nömrəli avtobusla Miracle Garden-a gedə bilərsiniz. Avtobus Emirates Mall-Miracle Garden marşrutu üzrə işləyir və arada dayanacaqlarda saxlamır, birbaşa hərəkət edir. Qayıdanda da eyni avtobusla geri qayıda bilərsiniz mindiyiniz yerə. Unutmayın ki, avtobus Bazar - Cümə axşamı (Bazar - 4cü günlər) 14:00-20:00 aralığında, Cümə və Şənbə günləri isə 12:00-22:00 aralığında işləyir. Avtobusdan istifadə haqqı 3 AED-dir. Park isə həftə içi 09:00-21:00,  Cümə və Şənbə (5-6cı günlər) isə 09:00-23:00-can işləyir.Miracle Garden ilə yanbayan maraqlı başqa bir park Dubai Butterfly Garden var. İçində çoxlu kəpənəklər var. Bura saat 6-da bağlanır deyə, bura girə bilmədik. Amma internetdən araşdırdığıma görə çox maraqlı olmalıydı. Miracle Garden-a getmək fikrindəsinizsə, məncə, ora da baş çəkin.4)Səhra safari turu (Desert safari tour Dubai)Dubaya gəlib bu tura qatılmamaq, məncə, ağılsızlıq olar. Bu tur, məncə, baha başa gəldi çünki araşdırmağa və ucuzunu almağa vaxt olmadı başım qarışdığından və ani getmək qərarı verdiyimə görə. Adam başı 55$-a başa gəldi. Tura daxildir: sizin oteldən Toyota Land Cruiser 200, Toyota Sequoia və yaxud hər hansı yolsuzluq avtomobili ilə oteldən götürülməniz və səhraya çatdırılmanız və səhra təpəciklərində maşınla əylənməniz, daha sonra səhrada kampa gəlib burada 2 dəfə yemək, şirniyyat, su, sok, çay, kofe və müxtəlif show-lara (alov, rəqs) baxmanız daxildir. Eyni zamanda kamp girişində dəvəyə minmək də turun puluna daxildir. Amma üstündə fotoqraf şəklinizi çəksə, şəkili sizə satacaq. Qiyməti 50 AED deyirdi, amma mən 30-a saldım. Satanda dedi ki, amma burda heç kimə demə o qiymətə aldığını, yoxsa onlar da o qiymətə istəyəcək.)) Kampın içində həm kişi, həm qadın ərəb milli geyimləri var ki, asanlıqla geyinib istədiyiniz qədər telefon və ya kamerayla şəklinizi çəkə bilərsiniz. Bu da turun ödənişinə daxildir. Bütün bunlardan sonra sizi otelə gətirirlər. Tur 14:30-21:00 aralığını əhatə edir. Çox maraqlıdır və getməyiniz, məncə, mütləqdir.5) Burj Al Arab Hoteli (Yelkən Otel)Bu oteli tanımayan, məncə, yoxdur. Otelin içinə giriş üçün ya siz burada gecələməlisiniz (hansı ki, çox bahadır), ya da xüsusi turlara qoşulmalısınız. Yəni, darvazadan içəri giriş pulladır. Amma əgər siz şəkil çəkdirmək istəyirsənizsə, onda yolunu deyim necə edin. Dubayda çimərliklər 2 cür olur: ictimati çimərliklər (public beach) və ödənişli. Otelə ən yaxın çimərlik Jumeirah Open Beach ictimai çimərliyidir. Bura gəlmək üçün Emirates Mall-un qarşısından 81 nömrəli avtobusa minmək lazımdır. Düz yanına gəlir. Sadəcə sürücüyə əvvəldən deyin ki, sizə xəbər versin çatanda. Çimərlik boyu gəzə-gəzə otelə tərəf gələ bilərsiniz. Çimmək istəsəniz, yadda saxlayın ki, burda çimərlik kişi və qadınlar üçün ayrıdır. Əgər lap qarşısında şəkil çəkdirmək istəyirsinizsə, onda Jumeirah oteli (elə bizim Jumeirah Bilgeh Beach otelə oxşayır eynən) keçin və otelin girişinə gedən darvazanın qarşısında şəklinizi çəkdirin. Burj Al Arabin düz yanında Wild Wadi deyilən aquapark var ki, istəsəniz gedə bilərsiniz. Geri qayıdanda Wild Wadi-nin qarşısındakı dayanacaqdan 81-lə yenə Emirates Mall-a qayıda bilərsiniz.6) Dubai MarinaBura gəlmək üçün metrodan istifadə edə bilərsiniz. Bunun üçün DAMAC Properties stansiyasında düşmək lazımdır. Daha sonra 100-200 metr piyada getsəniz, lazımi yerə çatacaqsınız. Deyim ki, belə super cəlbedici yerdir, yox. Sadəcə turistlərin çox gəldiyi yerdir və orta dərəcəli qiymətləndirərəm buranı.7) Dubai Palm Jumeirah ve Atlantis The Palm HotelPalma adalarına gəlmək biraz uzun-uzadıdır. Məsləhətdir ki, bura Dubai Marinaya gəldiyiniz vaxtla eyni günə salasınız. Çünki əvvəlcə DAMAC Properties stansiyasına gəlmək, daha sonra keçidlə Dubay Marina tramvay dayanacağında "Al Sufouh"a gedən tramvaya minmək lazımdır. Amma tramvay birbaşa palma adalarına getmir. Siz 9 nömrəli Palm Jumeirah stansiyasında düşüb keçidlə Monorail-lə getməlisiniz. Monorail bizdə olmayan nəqliyyatdır. Gediş-qayidiş bileti 25 AED-dir. Metro, tramvay və avtobusda keçən kart burda işləmir. Monorail-lə Atlantis otelində, yəni ən axırıncı stansiyada düşməlisiniz. Yəqin ki, çoxunuz bu oteli gürmüsünüz və oralar təmiz ayrı yerdir sanki. Getməyə dəyər.Unutmayın!* Dubayda 3 sinif vaqon var: qadın üçün, kisilər üçün və gold class. Kişi və qadın klassları bir-birindən çəhrayı xətlə aralanır. Bu qayda avtobus və tramvayda da keçərlidir. Həmçinin açılacaq qapı hansı vaqona aid olması haqda stansiyada yerdə də məlumat olur. Qadın tərəfdə getsəniz, qatarda yazır ki, cəriməsi var. Amma cəriməni kim yazır bilmirəm. Çünki ortalıqda bir adam olmur onu yazmağa. Ərəblər bu qaydaya əməl etsə də, turistlərin bəziləri fikir vermir. Vaqonlar hamsı bitişikdir və maşinist yoxdur. Qatar öz-özünə hərəkət edir.* Transportda kartın istifadəsi bizimkindən fərqli olaraq kartı vurduqda əvvəldə pulu çıxmır. Çünki məsafəyə görə burada kartdan çıxılan pul fərqlənir. Metro, avtobus və ya tramvaya minməkçün vurursunuz kartı və çıxanda yenə vurursunuz kartı stansiyada. Uyğun olaraq özü çıxır pulu.* Unutmayın ki, Ərəb Əmirliklərində istirahət günü Cümədir. Burada 6-Bazar hər yer işləyir. Odur ki, harasa getməmişdən öncə Cümə günü olduğuyçün işləyə bilməyəcəyini nəzərə alın.İnşallah ki, bir yararı dəyər. Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Ismayil Melikov

2483 dəfə oxunub

Yürüyüş - Santiaqo Yolu

Salut! Yaxınlarda etdiyim 715 km-lik solo hiking-lə bağlı təcrübəmi sizlərlə bölüşmək istədim  Hiking məşhur El Camino de Santiago adlanır. Başlanğıc nöqtə Fransa ilə İspaniyanın sərhədindən başlayır və onun sonunadək davam edir. Qızlar da heç çəkinməsin, deyərdim ki, solo səyahət edən qızlar üçün ən təhlükəsiz yoldur! O qədər təhlükəsiz ki, sübh saat 5-6da belə mənim tək telefonumun fənəri ilə yola düşdüyüm, meşənin içindən keçdiyim vaxtlar da olub. Qaranlıq qorxum olduğuna görə, onu bu yolla aşmaq istəyim güclü idi, duxumu güclü saxladım ( ) və bacardım.Belə baxanda, ümumilikdə yolda tək olmursunuz, yol boyu dünyanın hər yerindən gələn səyahətçilərlə tanış olmaq, dostlaşmaq imkanınız olur. İstədiyiniz zaman da özünüz üçün tək yolunuza davam edə bilərsiniz. Yolda heçkimin beynini aparan, yoran da olmur. Çünki bura əsasən hamıdan, hər şeydən dincəlmək istəyən adamlar, öz düşüncələrində gəzmək istəyən adamlar axışıb gəlir. Hikinq bütün il boyu davam edir, lakin hər mərhələdə dağa-təpəyə aparan yollar, oradan enişlər də olduğuna görə, qışda bu yollar bir az təhlükəli olur. Bir ay davam edən yolda çantanı daşımaq da var təbii ki. O səbəbdən ağır olmasın deyə mən avqust ayını tərcih etdim. Ümumilikdə, işdi gedəsi olsanız, çalışın backpack-iniz bədən çəkinizin ancaq 10%-ni təşkil etsin, artıq olmasın. Çünki gəzdikcə, günlər keçdikcə belinizdəki yük sizə daha ağır gəlməyə başlayır. Belə olanda yolda qarşıma çıxanlardan bəziləri əşyalarını, pal-paltarlarının müəyyən hissəsini poçtla evə göndərir, bəziləri isə albergue-lərdə (hostel tipli gecələmək üçün yerlər) donative olaraq bağışlayırdılar.Fiziki gücünüz və iradəniz də möhkəm olmalıdır. Mən həm də bunu yoxlamaqdan ötrü ən uzun yolu seçdim - 799 km Camino Frances yolu adlanır. Lakin 3 dəfə avtobusdan istifadə etməli oldum. Çünki ayaqlarım dad edirdi və addım ata bilmirdim. Bu isə hiking təcrübəsizliyimdən və bir az fiziki hazırlığımın zəif olduğundan irəli gəldi. Belə olan halda da iradənin güclü olması deyərdim ki, böyük rol oynayır. Gün ərzində ən az getdiyim məsafə 17 km (bir dəfə), ən çox getdiyim məsafə isə 37 km (2 dəfə) olub. Özünüzə görə günlük neçə km qət edə biləcəyinizi özünüz müəyyən edə bilirsiniz, yolunuzun üstündə qalmağa kəndlər və şəhərciklər var. Albergue-lərdə isə bir gecəlik qiymət 5-13 avro arası dəyişir. Bəzilərinə səhər yeməyi də daxil olur, bəzilərində isə mətbəx olur. Mağazadan alış-veriş edib özünüz yemək bişirə bilərsiniz. Ümumilikdə sərf edilən məbləği təxmini olaraq günə 20-30 avrodan hesablayıb bu səyahəti planlaşdıra bilərsiniz. Mən ötən ilin noyabr ayından bunu planlamağa başladım Xəritəsiz də ötüşmək olur. Yol boyu xəritədən istiqaməti tapmaq üçün yox, ancaq neçə km gedəcəyimi müəyyən etmək üçün istifadə etmişəm. Xəritəyə ehtiyac olmur, sizi lap başdan sonacan sarı ox işarələri və balıqqulağılar (Camino-nun simvollarından biri) müşaiyət edir.Uzun yol olduğuna görə, bütün məlumatları və təcrübəmi sığışdıra da bilmirəm əslində  bir bloq yazısı yazmağı fikrimdə tutmuşam. Adminlər buraya link yerləşdirməyə icazə verirlərsə, yazı çıxdıqdan sonra linkini qrupa ata bilərəm.Fotolarda isə yol boyu yaşanılan gözəl anlardır. Bunlar ancaq telefonla çəkilənlərdir.  Suallarınız olarsa, buyurun Gəzin, keyf eliyin Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Gulnar Salim

805 dəfə oxunub

Dünyanın ən elit xizək məkanı – Courchevel

Courcheveldəki bütün otel, apartament və hostelləri  bu linkdən book (bron) edə bilərsiz.Xizək mövsümünün başlamasına az qalmış dedim xizək kurortu olan Courchevel haqqında yazını sizlərlə paylaşım. Deməli Courchevel Fransa Alplarında Les Trois Vallees yəni Üç vadi adlanan ərazidə olan Saint Bon vadisində yerləşir. Dünyanın ən uzun xizək cığırları məhz buradadır. Xizək cığırlarının ümumi uzunluğu 600, ən uzun xizək cığırının uzunluğu isə 120 kmdir. Dünyanın ən yaxşı xizək kurortu hesab olunur, digər xizək kurortlarından fərqli olaraq bütün növ əyləncələrin, gecə həyatının ən yaxşısı burada toplandığı üçün bura Fransanın qış San Tropesi deyirlər. Hong Kong, Kann və Tokyo kimi şəhərlərlə birlikdə dünyanın ən bahalı 6 məkanı sırasına girir. Buna görə də George Clooney, Roman Abramoviç, di Caprio, Armani və Mərakeş kralı kimi bir çox məşhur adlar qış tətillərini məhz burada keçirirlər. Hətta gəzən şayiələrə görə Abramoviç buranı o qədər çox bəyənib ki, bütün kurort mərkəzini almaq istəyibmiş. Mərkəzdə gəzərkən və ya xizəklə sürüşərkən bir andaca ətrafınızda tanınmış bir iş adamını, aktyoru və ya idmançını görə bilərsiniz. Məşhur formula 1 pilotu Şumaxer də məhz 3 Vadinin digər vadisi Meribeldə qəza keçirmişdi ???? Xizək mərkəzi 1300-1850 metr hündürlüklər arasında yerləşir və bu hündürlüyə görə 3 kiçik şəhərə Courchevel 1550, Courchavel 1650 və Courchavel 1850 adları verilib. Təbii olaraq hündürlük artıqca otel və xidmətlərin qiyməti də ona uyğun olaraq artıq. Amma Courchevelin bütün qəlbi əlbəttə ki, 1850də döyünür. 1850-də gəzərkən ətrafı yalnız Prada, Bvlgari, Chanel, Luois Vuitton və s. kimi şıq brendlərin butikləri bəzəyir.Courchevelə varıf gəlmək üçün bir neçə yol var. Courchevelin özündə hava limanı var ancaq ora vertolyot və ya çox kiçik təyyarələrlə getmək olar və eniş üçün yalnız xüsusi pilotlara icazə verilir. Courchevel hava limanı uçuş zolağının qısalığı və eniş dərəcəsinə görə dünyanın ən təhlükəli 7-ci hava limanıdır, o səbəbdən də ora getmək üçün təyyarə ilə Lyon, Turin və ya Cenevrəyə uça, oradan isə maşınla Courchevelə keçə bilərsiniz. Normalda rahat olduğuna görə ən asan yol Lyondandır. Mən ilk dəfə məhz Lyondan getmişdim, 2ci dəfə isə Cenevrədən. Annecy gölünün sahilləri ilə irəliləyərkən o möhtəşəm mənzərəni görüb düşünmüşdüm ki, Courchevelə getməyin yeganə yolu məhz Cenevrədən olmalıdır. Amma bu işin bir əmması var ki, hava limanından Courchevelə getmək üçün maşın kiralayacaqsınızsa Lyon qiymətlər ucuz olduğundan daha sərfəli varyant kimi görsənir.Gecələmə üçün Courcheveldə 2 seçim var ya şalet adlandırılan qış evləri ya da saysız-hesabsız 1* otellərdən tut taa Fransada cəmi 9 ədəd olan və 2-i Courcheveldə yerləşən 6* saray adlandırılan otellərə qədər. Əgər ailəvi, 3-4 nəfərlik gedirsinizsə şaletlər daha əlverişlidir, həm qiymətlər ucuz olacaq həm də qidalarınızı özünüz bişirə biləcəksiniz. Yox əgər 1-2 nəfərlik kiçik qrupla gedirsinizsə otellər ən ideal varyant kimi görsənir. Öncədən də qeyd etdiyim kimi, yüksəklik artıqca qiymətlər də artır və aşağı ərazilərdə otel kirayələsəniz belə yenə də liftlərlə ən yuxarı hündürlüklərə qədər qalxıb oradan aşağıya sürüşə bilərsiniz. Amma şəhərin bütün sosyal və gecə həyatı Courchevel 1850-də olduğundan turistlər arasında daha çox 1850 tərcih edilir.Mən ilk getdiyim ili Les Ducs de Savoie 3* otelində qalmışdım. Otelə daxil olub otağımın qapısını görəndə xəyalqırıqlığına uğrayıb fikirləşmişdim ki, əgər qapısı belədirsə içi yəqin ki, olsa-olsa max 2* olar amma içəridə məni tamam başqa bir mənzərə qarşılayırdı. Otaq 5* otellərin otaqları ilə yarışacaq rahatlıqda idi və balkonu dağlara açılırdı. Personalın xidməti isə ən yüksək səviyyədi. Qeydiyyat masasına və ya restorana yaxınlaşanda elə xidmət görürdüm ki, özümü ingilis lordu hesab edirdim ????İkinci il isə bir az daha ucuz olan amma tam əyləncənin mərkəzində olan  Hotel Tuornier 2* otelində qalmışdım. Buradan bütün əyləncə məkanlarına 5-10 dəqiqəyə piyada gedə bilərsiniz. Ümumiyyətlə Courchevel elit məkan olduğundan otellərin klassları da dünya ortalamasından bir pillə üstün olur.Yemə-içmə məsələsinə gəldikdə burada ayaq saxlayacaqsan ya da əl ???? Bura 1860-cı illərə qədər müstəqil ərazi olub adı isə Savoy (Savoie) bu üzdən buranın yeməkləri Fransanın digər məkanındakı etnik yeməklərdən fərqlənir. Buradakı yeməkləri əsas inqridienti bütün yaz, yay boyu alp dağının döşündəki otlardan yeyən keçi və inəklərin südündən hazırlanan pendirdir.Courcheveldə 5 restoranda olmuşam Chalet de pierres, Pilatus,  La chabotte, Cap horn və Mercury Otelinin restoranı La laiterie. Fərqli əhval ruhiyyə üçün mütləq görülməliləri Cap Horndur, dağın təpəsində yerləşdiyi üçün yuxarı motorlu xizəklərlə çıxmaq lazımdır, digəri isə qarşısında sünii göl olan və dağlara açılan mənzərəsi ilə Mercury otelin La laiterie restoranıdır. Bu restoranlarda əlbəttə ki, əla fransız şərabından içilib, pendirdən hazırlanmış “fondü”nün (fondue) dadına baxılmalıdır.Tamam Courchevelə getdiz, yeməyinizi özünüz hazırlandınız, restoranlara baş çəkmədiniz amma bir restoran var ki, ora baş çəkməsəz məncə Courcheveldə olmuşam deməyin. Bu 2732 metr hündürlükdə olan Le Panoramic restoranıdır. Adının çox eşitmişdim amma olmmışdım, sonuncu gün qərara gəldim ki, bir baş çəkim. Bəxtimdən hava da günəşli idi. Liftlə buraya qalxıb (xatırlamıram 8 ya 12 avro idi liftin ödənişi) 4-5 avroya restoranın önündəki kioskdan da bir dənə amerikano qəhvə aldım və oturub mənzərənin dadını çıxardım. 360 dərəcə panorama, uzaqdan Mon Blan zirvəsi görsənir, aşağıya baxırsan qarışqa kimi görsənən adamlar xizək sürürlər və gün parıldayır. Courcheveldə bundan ləzzətli nə ola bilər ki?! ????https://youtu.be/9akAWlQOd8k?t=4Gecə klublarından şəhərin mərkəzində olan Kudetada olmuşam elə buraların ən məşhur məkanı da bura sayılır amma qiymətlər də Courchevel 1850-ə uyğun qiymətlərdir, o soyuq, şaxtanın içində od tutub yanır ????Courchevel haqqında ümumi məlumatlara gəldikdə, ilk olaraq düyanın ən uzun və geniş xizək cığırları buradadır. 330 cığır və 175 lift xizəkçilərin ixtiyarına verilib. Buna görə də ən pik vaxtlarda belə cığırlarda və liftlərin qarşısında tıxac yaranmır, boş yerə vaxt itirmirsiniz. Bundan başqa bir çox xizək kurortlarında hər otelin öz lift və cığırı olur, başqa cığırlara getmək üçün əlavə ödəniş etməlisiniz. Courcheveldə isə bütün liftlər bələdiyyəyə məxsus olduğundan bir biletlə bütün liftlərdən və cığırlardan istifadə edə bilərsiniz. Lift biletlərinə gəldikdə müxtəlif paketlər var. Say ilə, ailə paketi, 1,2 və ya 3 vadinin hamısını əhatə edən, həftəlik paketlər və s.Courchevel bütün növ xizək sürənləri nəzərə alır, yeni başlayanlardan taa ən peşəkar xizəkçilərə qədər. Belə ki, cığırlar çətinlik dərəcəsinə görə bölünüb və rənglərlə işarətlənib. Yeni başlayanlar üçün yaşıl rəngli cığırlar məsləhət görülür, orta peşəkarlıqda xizəkçilər mavi və ondan bir az çətin olan qırmızı cığırlardan istifadə edə bilərlər və son olaraq ən çətin cığır sayılan və peşəkarlıqda olimpiya çempionları ilə yarışmaq istəyənlər üçün olan qara rəng cığırlar.https://youtu.be/obL8XsGw4GA Xizək sezonu açılandan qapanana qədər (təxminən 5 ayı əhatə edir bu mövsüm) qarın yağması da, yağmaması da Courchevel üçün problem deyil. Əgər qar yağmırsa, yüzlərlə sünii qar maşınları işə düşərək sizin üçün “yeni” qar əmələ gətirir. Əgər şiddətli qar yağarsa sadəcə bəzi cığırlar təhlükəsizlik səbəbindən qapadılsa da digər cığırlar problemsiz turislərin ixtiyarında olur. Yəni siz kefinizə dava edirsiniz. Axşam saat 4-5dən sonra isə hava qaraldığından bütün liftlər və cığırlar qapadılır bu zaman isə özünüzü otellərin və ya restoranların içərisində olan odun kamenlərinin yanına verib, taxta çırtıltısı altında isti şərabınızı dada bilərsiniz. Bir sözlə Courcheveldə keçirdiyiniz hər dəqiqədən zövq alacaqsınız.Courchevel haqqında bu qədər. Əslində daha çox yazmaq istəyərdim amma heç bir sözlə Courchevelin əsrarəngiz gözəlliyini təsvir edib bitirmək mümkün olmadığından yazını elə burada da saxlayıram.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Babek Musa-Zadeh

726 dəfə oxunub

Almaniya - Obersee

Avstriya sərhədindəki mənzərəli yer haqda dünənki yazı ilə verilən bir çox sualları nəzərə alaraq, daha ətraflı bir məlumat təqdim etməyi gərara aldım.Videoda gördüyünüz mənzərəli yer Obersee adlanır. Alp dağlarında olan bir çox göllər kimi burada da su inanılmaz dərəcədə təmiz olduğuna görə gölün dibi görsənir. Üstəlik göl valehedici rənglərə bürünür sanki.Obersee gölü Almaniyada olsa da, Avstriyanın Zaltsburq şəhərindən təxminən 15, Münhendən isə 150 km aralı yerləşir. Məhz ona görə Avstriyada yaşayan və ya həmin ölkəyə turist kimi gələn insanlar üçün Obersee-yə səfər etmək qat qat rahat olar. Əgər siz ora Münhendən və ya mənim kimi Nürnberqdən getmək istəsəniz, o zaman gərək maşınla gedəsiz. Əks təqdirdə Münhendən ora çatmaq üçün 3, Nürnberqdən isə 6 saat qatarla yol getməli olacaqsız. Alternativ olaraq yaxınlıqda yerləşən hotel və ya pansionatda gecələmək olar.Bura gəlmək üçün ilk növbədə Königsee gölünə çatmalısız. Naviqator nədənsə tam başqa ərazidə yerləşən eyniadlı gölü göstərir. Ona görə diqqətli olun və Bavariyadakı Königsee-ni seçin.Königsee-yə çatandan sonra gərək mütləq “kater”-ə (yani tutumu təxminən 30-40 nəfər olan qayıq) minəsiz. Çünki Obersee gölünə başqa, yani necə deyərlər alternativ yol yoxdu. Gediş dönüş biletin qiyməti 18.50 eurodur. Gediş dönüş cəm şəkildə 1 saat 50 dəqiqə davam edir. Yani 55 dəqiqə gediş və 55 dəqiqə dönüş. Obersee istiqamətində 25 dəqiqə qayıqla hərəkət etdikdən sonra ilk dayanacaq Bartolomeu olacaq. Burada Almaniyanın 2-ci ən yüksək dağını rahat görmək olar (qeyd videoların birində əks olunur). Həmçinin buradakı restoranda yerli forel dadmaq olar. Qiymət təxminən 12 eurodan başlayır. Növbəti dayanacaq Salet - sonuncudur. Oberseeni görmək üçün gərək burada düşəsiz və təxminən 15 dəqiqə piyada gəzdikdən sonra nəhayət arzuolunan yerə çatacaqsınız.Öncədən deyim ki Königsee-yə nə gədər tez gəlsəniz o gədər yaxşıdır. Məsələn səhər saat 9-10-dan gec gəlsəniz, gəzintiyə elə də çox vaxtınız qalmayacaq. Belə ki, 2 saat ancaq qayıqla gəzintiyə sərf olunur, saat 18-00-dan sonra artıq qayıqlar işini bitirir və insanlar dağlışır.Burada həmçinin dağın başına qalxan kanat var. Gediş dönüş təxminən 14 eurodur. Ona da kifayət gədər vaxt lazımdı. Amma həm pul, həm də vaxt baxımından bunu etməyə dəyər, çünki ordan gölə möhtəşəm mənzərə açılır.Düzdü bundan da möhtəşəm mənzərələri görmək mümkündür, amma bunun üçün gərək 12 km məsafəni dağlı ərazidə piyada qət edəsiz. Buna adətən 5 saat vaxt tələb olunur. Nəticədə Archenkanzel adlı bir yerə çatırsız. Şəkillərin birində bu nöqtədən açılan mənzərə əks olunur.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Emin Guliyev

1700 dəfə oxunub

Egeyin İncisi - İzmir

İzmirdəki otel və hostelləri bu linkdən book (bron) edə bilərsiz.İzmirdə qaldığım 6 həftəlik müddətin təəssüratları bir ömrə sığmasa da, 1 posta mümkün qədər sığdırmağa çalışacam????. Şəhər olduqca gözəl, rahat və həm gəzilə biləcək, həm də yaşana bilənəcək şəhərdir. Bir dəfə gedənin bir daha getsəm dediyi şəhərdir. İzmir deyincə ağla gələn məşhur plyajlar, Kuşadası, Çeşme, Alaçatı kimi turistik bölgələr olsa da mənimçün bu şəhər tarixi abidələri, muzeyləri, street artları , xüsusilə günbatımları ilə yadda qalan oldu. Bu şəhərdə günbatımları sözün əsl mənasında möhtəşəmdi. Necə deyərlər tam şeir yazdıracaq, rəsm çəkdirəcək havadadı????????.Hava limanından "izban" adlanan transport vasitəsilə şəhərin bəzi hissələrinə birbaşa , bəzi hissələrinə isə metro, tramvay və ya avtobuslara transfer edərək getmək mümkündü. Onu qeyd edimki şəhər böyük olduğu üçün çox vaxt bir nöqtəyə birbaşa bir transportla gedib çıxmaq mümkün olmur və kart oxunma cihazlarına bir dəfə oxunan kart 90 dəqiqə ərzində bütün transportlarda keçərlidi. Şəhərin mərkəzi Alsancak-Kordon hissəsindən günbatımının ən gözəlini izləyə bilərsiz???? Ayrıca Alsancakda Sahil boyu uzanan parklarda məsələn bizim dostlarla görüş, oturub müxtəlif oyunlar oynama, söhbət eləmə nöqtəmiz idi. Həmçinin büdcənizə uyğun müxtəlif qiymətli kafe, restoran, bar, klubları da bu hissədə tapa bilərsiz. Atatürkün İzmirdəki ev muzeyini, zövqlə dizayn edilmiş kilsə və məscidləri ziyarət edə bilərsiz. Alsancağa Tramvayla 5 stansiya uzaqlıqda olan Konak adlı yerdə "Saat kulesi", "Kemeraltı çarşı", "Tarihi asansör"ü görmədən geri dönmək günah olar.İzmiri ovuclarının içində görmək istəyənlər mütləq Balçovada yerləşən "Teleferik"i ziyarət etməlidir. Kanatla qalxarkən  (adambaşı 10tl) kameralarınızı və gözlərinizi qarşısınızda açılacaq o möhtəşəm mənzərə üçün hazır edin???????????? şəhərin möhtəşəm mənzərəsinə qarşı piknik etmək istəyənlər ( yenə də o möhtəşəm günbatımı üçün ????????????) üçün burada hər bir şəraitlə təmin edilmiş piknik alanları da var????????????. Hərbi Muzey sevərlər "İnciraltı deniz müzesi"nə baş çəkməlidir kesinlikle???? Görevini tamamladıqdan sonra Ege fırkateyni və Piri Rəis hərbi və sualtı gəmiləri 2007-ci ildən muzey şəklində istifadəyə verilib və içinə girdikdə özümü bir an bir filmin içində kimi hiss elədim????. Müxtəlif kapitan, əsgər maketləri, səs effektləri, tarixi posterlər, müxtəlif qəzetlərin 1950-1960-cı illərdə dərc olunmuş versiyaları tarixi abu havanı dolu dolu yaşadırdı. Onu xüsusi qeyd eliyimki Azərbaycandakı tələbə biletim həyatında ilk dəfə bir işə yarayaraq bu muzeyə pulsuz girməyimi təmin elədi???? Normalda giriş qiyməti 15tldi. "İzmir doğal yaşam parkı" na giriş de 8tl yerine 4tl ödeyerek tələbə biletimə ikinci dəfə minnətdar olmama sebeb oldu ???? "İzmir doğal yaşam parkı"nı məndən soruşanlara qısa olaraq belə tarif eliyirəm: təkcə ayıyla, aslanın yeri Bakıdakı zoopark boydadı. İçərisində 1500 heyvan yaşayır, 3000 ağac, 250 bitki növü var. 5 saat ərzində biz güclə gəzib bitirdik ama dəyərdi o yorğunluğaDəniz sevdalıları, əyləncə axtarışında olanlar: Şəhərə yaxın hissədə dənizə girmək istəyənlər Foça, Mordoğan, Özdere, Seferihisar, Urla plyajlarına baş çəkə bilərlər. Şəhər içindən izban, metro, gemi vasitəsiyle bu yerlərə rahatlıqla getmək mümkündü. Seferihisara gedibdə Sığacık adlı sahil qəsəbəsinə mütləq baş çəkin. Alaçatı, Çeşme, Kuşadası( bu yerler haqqında postlar dəfələrcə paylaşıldığından əlave nəsə demək məncə mənasız olar ????????) isə şəhərdən təxminən 1,5-2 saat yarımlıq məsafədə yerləşir. İzmir otogarından 60tl ödəyərək avtobuslarla rahatlıqla getmək mümkündü. Getdiyiniz yerlərdə halk plajı adlandırdıqları free plyajlarda giriş pulu ödəmədən sadəcə şezlonq və çətir kiralayaraq rahatlıqla dincələ bilərsiz. Sadaladığım yerlər içində dənizini xüsusi bəyəndiyim Çeşme oldu. Su olduqca təmiz və digər yerlərə nisbətən daha az duzlu idi.???? Həmçinin kamp qurmaq və dəniz kənarında sabahlamaq istəyənlər də görəvli şəxslərə bu barədə məlumat verib rahatlıqla gündoğumunu izləyə, səhərin ilk günəş işıqları altında dənizə girmənin keyfini çıxara biler ????????????????Növbəti dayanacaq : "Şirince" kiçik dağ kəndi olub bir növ bizim Lahıca bənzəyir. Meyvə aromalı şərabları ilə məhşur olan bu kəndə gedibdə şərab dadmamaq həqiqətən günah olar. Selçuk bölgəsində yerləşən bu kəndə səfərinizi planlayırsızsa yaxınlıqda yerləşən tarixi Efes abidəsini, Müqəddəs Məryəm kilsəsini , Yedi uyuyanlar abidələrini mütləq şəkildə ziyarət etməlisiniz ( bu yerləri anlatmağa kəlimələr yetməz, şəkillərə baxın ve şiddətlə tövsiyyə edirəm ki gedin) ????????Hal hazırda manat tl ilə müqayisədə daha qiymətli oldugu üçün shopping etmək istəyənlər alış veriş mərkəzlərində saatlarla vaxt keçirə bilər ???? Rəfiqəmlə Gaziemirdeki "Optimum" adlı mallda 6 saat ərzində 14km yeridiyimizi desəm məncə kifayət edər ???? Bütün mallarda eyni markaları tapmaq mümkündü ama mallardan kənarda yerləşən eyni marka mağazalarında isə daha zövqlü geyimlər tapa bilərsiz. Outletlərdən də büdcənizə uygun geyimlər əldə etmək mümkündü. Pulunuzu dollar şəklində götürməniz daha məsləhətlidi. Exchange üçünsə dövüz bürolarına getməyinizi məsləhət görmürəm. Banklar ən məsləhətlisidi, Ən pis halda isə zərgərlərdə pulunuzu exchange edə bilərsiz.Uzun olsa da oxuduğunuz üçün təşəkkürlər. Ümid edirəm İzmirə gedəcək insanlar üçün faydalı bir post olmuşdur. Getməyənləri isə getməyə həvəsləndirmişdir ????????????Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Asmera Gashamli

746 dəfə oxunub
Bizi izləyənlər siyahısına qoşulun!