Nağıllar şəhəri - Venesiya

Venesiyadakı otel, apartament və hostelləri bu linkdən book (bron) edə bilərsiz.Bu qrupda ilk paylaşımım kiçik bir sualla başlamışdı -Payız aylarında Avropanın hansı ölkəsini səyahət etməyi məsləhət görürsünüz ? Çox sağolsunlar bir çox təcrübəli gəzəyənlərin maraqlı məsləhətləri olmuşdu amma mən payız səyahətimə elə o sualı ünvanlarkən ağlımda olan ilk yer – ən sevdiyim ölkə İTALİYA ilə başladım ????Bu paylaşımım isə ilk sualım qədər qısa olmayacaq , çünki harda bir şəklini , videosunu görsəm heyranlığımı gizlədə bilmədiyim , taa uşaqlıqdan nağıllar şəhəri kimi yaddaşımda iz salan Venesiya haqqında yazıram.Bilmirəm burda Venesiya haqqında paylaşımlar olubmu ya yox , istərəm ki , mənim də yazım məlumatlandırıcı olaraq qrupa rəng qatsın ????Venesiya insanoğlunun bugünədək inşa etdiyi kanallar diyarından ibarət olan dünyanın ön gözəl şəhəri ünvanına sahibdir.Şəhərin adı çəkiləndə hamının ağlına ilk gələn hər tərəfdən su ilə əhatə olunmuş yaşayış məskənləri , kanallarda üzən qayıqlardır. Mən şəxsən elə zənn edirdim ki , Venesiya yalnız sudan və azacıq dar quru sahədən ibarətdir və şəhərin sərhəddidə sudan başlayır. Əslində isə Venesiya nece ki , Bakı içərişəhər kimi tarixi və bildiyimiz dəniz səviyyəsindən hündürdə qurulmuş yaşayış bölgəsindən ibarətdirsə eynilə Venesiya da quru sahəsindən , avtomaqistralların olduğu yollardan ibarət olan ərazidən və tamamilə bu ərazidən fərqlənən kanallarda salınmış ərazidən ibarətdir. Avtobus və ya maşınla Venesiyanın böyük tarixi mərzəkinə - yəni kanallar olan əraziyə gəlmək üçün maksimum Roma meydanı deyilən əraziyə qədər gəlmək mümkündür. Kanallar olan sahəyə qədər isə Roma meydanından ayaqla gəlmək lazımdır.Gəzə-gəzə gəlib böyük kanala çatırıq və burdan istəsək kondol qayıqları , istəsək kater vasitəsilə şəhərin köhnə mərkəzinə keçid edə bilərik. Böyük kanalda ən münasib gəzinti katerlədir. Qiyməti 20 avrodur. Kondollar isə daha çox dar kanallarda ekskursiya üçün uyğundur. Bir kondola maksimum 6 nəfər minə bilər və bir gəzinti standart olaraq 80 avrodur. Bu summa kondoldakı sərnişinlər arasında bölünür . Təbiiki kondolda sərnişin sayı doludursa qiymət adam başına təxmini 15 avro düşür , ancaq sərnişin sayı tam bitməyəndə bu qiymət təbii adambaşına dəyişir. Kondollarla kanallarda ekskursiyanın müddəti yarım saatdır. Əslində 30 dəqiqə gəzdiriləcəyinizi sizə vəd etsələrdə bu emosional italyan kondolcular öz əhval-ruhiyyələrinə uyğun müddəti qısa da tuta bilərlər, yəni siz siz olun o gözəl kanallarla gəzərkən şəhərin möhtəşəmliyi sizi valeh etdiyi zaman saatınıza nəzarəti unutmayın , əgər kondolçu sizi başdan etməyə çalışırsa sadəcə “biz bu gözəl şəhərə doymuruq “ deməyiniz yetərlidir onları yenidən motivasiya etmək üçün . Komplimenti bu millət çox sevir )) Kondolların sayı maksimum 400 ədəddir və federasiya sayın artırılmasına icazə vermir. Rənglərinin əksəriyyəti qaradır – səbəb isə keçmiş zamanlarda ən dəbdəbəli kondollar tabut olaraq istifadə olunub, vəbadan ölənlərin daşınması üçün istifadə edilibmiş və buna görə qara rəngə üstünlük verilib. Ağ rəngli möhtəşəm dəbdəbəli kondollar da varki , nikah mərasimi zamanı istifadə olunur. Həmçinin təcilli yardım , polis , taksi kimi nəqliyyat növləridə qayıq kondollardan ibarətdir. Yəni tamamilə bambaşqa bir yaşam tərzi vardır. Burda insanlar öz kondollarını necə ki , biz velosipedlərimizi, maşınlarımızı binamızın , qapımızın önündə saxlayırıq , onlar da eyni qaydada park edirlər. Kondol sürücülüyü italyanlarda nəsildən nəsilə atadan-oğula keçir . Baxmayaraq ki , şəhərin digər sahələrində işçilərin əkssəriyyətini gəlmə əhali təşkil edir, ancaq kondol sürücüsünün yerli olması şərtdir. Kondollardan bu qədər))Şəhərin gəzilməli yerləri kimi sözdən söhbət gedə bilməz, çünki hansı rakurskdan baxsan tam fotoluq , mənzərəlik , görməlik bir fonla qarşılaşırsan. Hər küncü, hər daşı gəzməli... Təbii ki ,- San Marco meydanını mütləq gəzilməli, ordaki nəhəng göyərçinlər , qağayılar yemlənməli , meydanın pilləkənləri üzərində əyləşib , gün batımı seyr edilməli- Riato körpüsündə ayaq döyməli- burdakı qızıl dükanlarına baş çəkib Rasiyski qızılla italyanskinin fərqinə yerindəcə baxmalı-Qotik tərzli Düklər sarayının ətrafını dövrə vurub , Ahlar körpüsündə mütləq selfi etməli (keçmişdə Düklər sarayında həbsxanaya yollanan əsirlər bu körpüdən saraya aparılarmış və bu bağlı körpünün iki tərəfli kiçik pəncərəsindən boylanan əsirlər ah-vay edərək şəhərə boylanıb ordan həbxanaya yollanırmışlar və adı belə qalıb-Ahlar körpüsü)-Sapfir rəngli köpüklü suyu olan adriatik dənizi seyr edilməli-Dar kanallarla kondol turuna çıxılmalı-Dar küçələrin tarqovisında azmalı , brendləri bakı ilə müqayisə etməli , yerli əhaliyə qarışmalı ....Yaz yaz bitməz italyan torpaqları. Bir də bu italyanların özləri – Azərbaycanlılara , ən çoxda ana torpağım Şəkililərə hər zaman ən çox bənzədilən millətin italyanlar olduğunu eşitmişdim. Həqiqətən də italyanlar qonaqpərvərliyi , gülərüzlü , istiqanlı , əyləncəyə meylli , emosional olmaları , digər avropa bölgələrindən fərqli olaraq dəbdəbəyə , geyim keçimə , ağız dadlarına düşkünlükləri ,yardımsevərlikləri ilə millətimizə çox bənzərdirlər. Dar Venesiya küçələrində gəzişərkən hər tində yerli əhalinin öz aralarında olan dialoqlarının şahidi olursan. Öncə zənn edirsən ki , tində münaqişə gedir, o qədər hündürdən və sürətli , əl-qol hərəkətlərindən istifadə edərək jestlərlə danışırlar ki , sanki dava edirlər .Bir müddət müşahidə aparmaq anlamağa yetir ki , yox onlar mübahisə etmir – bizim kimi maraqla öz aralarında söhbət edirlər)))) İtalyan qadınlarından çox kişiləri avropa ölkələri arasında baxımlı olmaqları ilə seçilirlər. Sadəlikdən uzaqdırlar, diqqətçəkici tərzləri və xüsusi zövqlə seçilmiş yerli brend ayaqqabları vardır.Öz yerli qidaları olan pasta , lazanyalarını yeməyi və şərablarını çox sevirlər. Ən çox diqqətimi çəkən şeylərdən biri isə italyanların jestləridir. Məsələn ????-bu işarənin anlamı onlarda sənə sual ünvanlayır – nə istəyirsən? ✌️-bu işarə isə onlarda bizim bildiyimiz qələbə işarəsi deyil , mən tualetə getmək istəyirəm deməkdir , çənə altlarından əllərini sürtmələri isə mənə maraqlı deyil , diqqətimi çəkmir anlamı verir və bu jestə bir də büzülən dodaqlarını əlavə edirlər , restoranlarda sizə xidmət edənlərə yeməkdən və xidmətdən məmmun qaldığınızı bildirmək üçün işarə barmağınızı yanağınıza vura bilərsiniz.Shopping üçün hər çeşiddə mallar var. Xüsusilə Riato körpüsü dünyanın bazarı ilə məşhur körpüləri arasında ilk beşlikdədir. Ən çox diqqət çəkən suvenir əşyalardan biri karnaval maskalarıdır. Bu maskalar xırda açarlıq ölçüsündən tutmuş əsl maska ölçüsünə kimi dizayn edilmişdir. Əl əməyinin üstünlüyünə görə 10 avrodan 2000 avroyadək qiymətləri dəyişir. Hədiyyəlik əşyalardan ən yayılmışı burda müxtəlif materialların üzərinə çəkilmiş Venesiya mənzərələrinin rəsmləridir.Mənim Venesiyada olduğum gündən bir gün öncə şəhərdə olan karnaval festivalının son günü imiş. Çata bilmədiyimə görə üzülsəmdə şəhərin hər bucağı insanı özünə elə valeh edirki , nəyəsə təəssüflənmək heç insanın ağlına gəlmir.Venesiyaya gəlmişkən məşhur turist filmini xatırlamamaq və filmin hadisələrinin cərəyan etdiyi , Angelina Jolinin balkonundan Jhony Depə boylandığı evə nəzər salmamış qayıtmaq olmaz mütləq xatirinizdə olsun ))Venesiyada mütləq- Qarışıq pizza yeyilməli- Qırmızı şərab dadılmalı- Yerli (kərəyağı tərkibli ) Dondurma yeyilməli- Yerli Pasta yeyilməli- Cappucino içərək günə başlanılmalı- Tiramisu dadılmalıBüdcənizi qorumaq üçün çalışın içməli suyunuzu təmiz su hövzələrindən və ya otelinizdən təmin edin.Yarım litrlik su şüşələri 1.80 avrodan başlayır. Pizzanızı , cappucinonuzu , dondurmanızı wolkaway üsulu yeyin ki , restoranda kafedə əyləşsəz bəlkə də yeyib-içdiyinizə xərclədiyiniz puldan çox yer pulu , servis pulu verməli olacaqsız, avropada hər yanda olduğu kimi bu italiyada şərtdir. Servisi dəyərləndirməməyi onlar özlərinə təhqir kimi qəbul edir.Pastanızı isə büdcənizdən bir 10-17 avro gözdən çıxararaq normal restoranda oturub yeməyi məsləhət görərdim. Çünki ucuz yol kənarı bir turist kafesində sifariş edəcəyiniz pasta bildiyimiz adi verməşil makron olaraq tomata bulanmış halda süfrənizə gələcəkdir. Bir az viza məsələsinə də toxunmaq istərdim. Uçuşuma 40 gün qalmış səfirliyə sənəd təqdim etdim və uçuşa 3 gün qalmış vizamı aldım. Müraciət üçün seçdiyim sezon daha çox tələbə qəbulu dövrünə düşdüyü üçün konsulluqda sənədlərimə gec baxılıb. Artıq təmiz ümidimi itirdiyim bir an sms gəlmişdiki vizanız hazırdır.Götürə bilərsiniz ))Burnu həssas olanların təəssüratlarından fərqli olaraq Venesiyanın üfunət nəm , kif qoxusu filan yoxdur, ola bilsin yağıntısız sezonda gəzdiyim üçün fərqinə varmadım. Təbii ki şəhərin kanallar olan hissəsinə girərkən öz qoxusuyla səni salamlayır, sadəcə 2-3 dəqiqə yetərli olur ki mühitə uyğunlaşasan. Adriatik dənizinin əhatəsində , adaları , kanalları ilə göz oxşayan bu şəhərdə Günəş sanki daha bir qızılı parlayır. Desələr ki , burda yaşayarmısan ? Deyərəm yox. Çünki bu möhtəşəm nağıl şəhəri turistlər tərəfindən tamamilə zəbt olunub , o qədər çoxluqdur ki , o qədər səs var ki , özümü bir anlıq evdən işə getməkçün çıxarkən kondoluma mindiyimi , turist əlindən hansı yönə daha rahat üzüm , şəhərdə hansı küçəylə gedim ki , sakitlik olsun kimi fikirlər təsəvvür etdim və günün heç bir saatı dayanmayan səs – küy və əlbətdəki bahacıllıq bir müddət sonra buranı yaşanılmaz edir. Turist kimi gəzmək üçün 3 gün dolu-dolu səyahət etmək lazımdır. Balayı üçün də gələn turistlər çoxdur.Yerli əhalinin gənc təbəqəsi bahacıllıq və çoxluğa görə şəhərlərindən uzaqlaşıblar, buna görədə əhalinin əksəriyyətini gəlmə işçilər , turistlər təşkil edir , yerli əhalinin əksəriyyəti yaşlılardır . Bu qədər uzatmağımın anlamı budur ki – Venesiya GƏZƏYƏNLƏR-in məskənidir. Deyilənə görə yaxın 50 ildə şəhər itə bilər. Nə qədər ki , bu möhtəşəm şəhər xəritədən silinməyib, su basmayıb buraları gəlib gəzmək görmək lazım.Vaxt ayırıb nəzər salanlara təşəkkür edirəm , mənim barmaqlarım yoruldu yazmaqdan yoxsa yazacaq çox şey var Venesiyadan.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Shahla Ismayilova

3113 dəfə oxunub

17 günlük 9 ölkə, 12 şəhər gəzintisi

9 ölkə 12 şəhər 17 günBakı Tiblisi Kutaisi Wroclaw Berlin Postdam Amsterdam Brüssel Luxemburg Zurich Milan Bologna Praqa Wroclaw Kutaisi Tbilisi BakıHardan başlasam yazmağa bilmirəm, "low cost" ilə səyahət həqiqətən mümkündü özdə nə istədim etdim. Öz axmaqlığım ucbatından taxiyə xərclədiyim pullar daxil: 10:30 da yuxudan durub 11:00 uçuşuna çatmaq kimi (reysə çatdığım anda sanki dünya kubokunu əldə etmişəm kimi sevinirdim.Gürcüstandan heçnə yazmıram hamı orda olubİlk dəfə Polşada olmaq o qədər də maraqsız deyilki taa ki Wroclaw-u kəşf edib bitirənə qədər.  Berlin və Potsdam nə qədər yazsam az olar, bilmirəm niyəsə o şəhəri çox sevdim, insanları çox ürəyiaçıqdı, günlük metro biletini və səhər yeməyini pulsuz verdilər, post terminalları işləmədiyinə görə (günün sonunda cash olaraq restorana pulun ödədim), dürüst olduğuma görə Kurasan da hədiyyə verdilər))) Postdama mütləq gedin krallığın yaşadığı sarayları görmək lazımdı Mütləq ki, gedilməsi lazım olan ölkələrdən biri də Amsterdamdi, Edwin Van Der Sari görmək mümkündü ki, otağında otursa əgər ama mən də görə bilmədim. Növbəti günə konfrans təşkil edəcəklərini və görüşə biləcəyimi dedilər ama bilet aldığım üçün əvvəlcədən imtina etdim Ajax-dan 29 euro tur götürə bilərsiz kanal turu daxil Getməyə Görməyə dey Hətta Amsterdamda da 1 bakal Pivə hədiyyə etdi restoran. Fries with joppisouse and honeywaffle dadına mütləqqq baxın) Məncə Brüsseldən danışmağıma ehtiyac yoxdu Şokolad və Pivənin vətənidir. Xüsusilə "Şokoladlı pivə" içməmisinizsə çox möhtəşəm bir daddan məhrum olmusuz deyə bilərəm. Brüsseldə özünüzü Parisdəki kimi hiss edə bilərsiz, əksəriyyət fransızca danisir Luxemburg ən çox sevdiyim birce polisləri oldu, nəqliyyat kartı almağıma imkan vermədilər (gözəl xanımlara cərimə yazmırlarmiş) kartsız full istifadə elədim ictimai nəqliyyatdan. Ölkəyə gəlincə gözəl balaca şirin bir şəhərdi, ucuz deyil ama. Zuriche gedib FİFA futbol muzeyinə getməmək olmaz təbii ki, giriş bileti elə 25 eur nəsə almaq istəsəz 100 eur yaxın xərciniz çıxacaq (əliniz cibinizdə olsun), şəhərin özünə gəlincə gedilməli yerlər çoxdu, sakitliyi və gözəl təbiəti ilə seçilir, bəzən qaydalari pozdum bilmədən ama məndən üzr istədilər Bahalığına gəlincə çox bahadı desəm az olar(( ama dəyər gedib görməyə. İtalya Milan getməyimə peşiman olduğum və birdaha heçvaxt getməyəcəyim şəhərdi. Bologno Milandan daha maraqlı balaca bir şəhərdi, peşiman deyiləm orda keçirdiyim 2 günə  Çox hündür bir qalasından bütün şəhəri izləyə bilərsiz, 5 eur giriş biletidi. Pasta pizza və dondurma mütleqki dadına baxmalısız. Pragaya gəlincə içkilərinə söz ola bilməz. Yerli içkilərdən isti çaxır və pivənin dadına mütləq baxın. Görməli yerləri az deyil ama vauu deyəcəyim şəhər də deyil. HEÇVAXT küçədə kiçik yerlərdə pul dəyişməyin. 28 faiz komissiya tuturlar sənədə imza atandan sonra heçnə dəyişə bilməzsiz (( 0% komissiya və dəqiq əlavə şərtləri olmayan yerlərdə pul dəyişin. Və yenidən Polşadayam edə biləcəyim heçnə qalmayıb deyə istirahət edirem həftə sonu qayıdıram(((Xərclərə gəlincə 1120 eur bütün biletlər hostel yemək daxil. Təxminən 300 eur planladigim kimi hədiyyə və plandan kənar xərclərə getdi.175 eur uçuş bileti Kutaisi-Wroclaw-Kutaisi36 eur baqaj174. 61 eur ölkələr arası biletlər şengen zonada8 lari Tbilisi Kutaisi Tbilisi qatarı54 azn Bakı Tbilisi Bakı qatarı və avtobus xərci. Cəmi 3 dəfə Mc Donalds, Burger King, Subway də yemək yemişəm o da ürəyim dəhşət çox istəmişdi. Qalan yeməklər isə restoranlarda oldu. Mərkəz küçədə restoranlar chox baha olduğunu üçün 10deq aralıqda piyada gedilə biləcək olan restoranlar normal qiymətə yemək təklif edirlər. Milli yeməklərin dadına 1 dəfə baxın azından. Məncə yetərlidir  Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Айнур Гасымова

972 dəfə oxunub

Hüzurlu və xoşbəxt insanlar şəhəri - San Diego

San Diegodakı bütün otel, apartament və hostelləri bu linkdən book (bron) edə bilərsiz.Salam, hörmətli Gəzəyənlər qrupunun üzvləri ????Bu gün sizin diqqətinizi Amerikanın???????? ən gözəl guşəsi sayılan San Diego şəhərindən az da olsa məlumat paylaşacağam, odur ki popcorn hazırlayıb, ekrana daha yaxın əyləşə bilərsiniz ????Əvvəla, dostlar, Massachusetts ştatının Boston şəhərində yaşadığım üçün, və deyərdim ki Amerikanın ən qədim və mənim ən favorit şəhərim sayılsa belə, bura öz çox sərt soyuq havası ilə məşhurdu, və havanın temperaturun dəyişmək üçün California ştatının San Diego şəhərinə üz tutmağı qərar verdim.....✈️✈️✈️Sizə San Diego haqqında bir az məlumat vermək istərdim, sizin popcornunuz onsuz da hələ hazır deyil ????San Diego şəhərinin cəmi 1.5 milyon əhalisi var, Amerikanın 8-ci ən böyük şəhəri, və California əyalətinin ən böyük 2-ci şəhəri sayılır.... Əsasən 60% ağlardan, və 30% latın-amerikalıların yaşaması bir təəccüb doğurmur... Niyə soruşa bilərsiniz? Çünki çox maraqlı olsa da əvvəl Mexicanın ərazisi olub Californiya ştatı, və Amerika ???????? və Mexico ???????? mübaribəsindən sonra, California ştatı Amerikanın ərazisi altına keçib, və çoxlarınızın məlumatı var ki ispan dili ikinci dövlət dili sayılır...San Diego haqqında həmişə gözəl şeylər eşitmişdim, əsas da il boyu isti havası və insanların daha mədəni və mehriban olması mənim diqqətimdən yayına bilməzdi....Şəhərin təmizliyi, evlərin ispan tərzdə tikilməyi məni sanki qədim zamana qaytardı bir anlıq....????????????San Diegoya gedib amma Zoo-Parkı görməmək günah sayılar deyə mən də üzümü zooparka tutdum. Xatırladım ki, dünyanın ən böyük və ən çox sayda turistlərin axını məhz bu zooparka olur.... Düzünü desəm zooparkı çox da bəyənmədim (55$ giriş pulu). Çünki zoopark həddindən artıq böyük idi, və gəzməkdən artıq çoox yoruldum. Təsəvvür edin istədiyiniz hər bir heyvanı orda tapa bilərsiniz ;) Pandanı görmək üçün ora getməyə məcbur idim və peşman olmadım))) Hayıf deyil bizim zoopark?)))) 10 dənə heyvan olur, onun 8-i obeddə olur, ikisi isə yatır)))) Nə isə....Ən sevdiyim isə yer Sea World (40$ offer up dan) adlı akvarium oldu...Deməli burda balinalarin, su itilərin showsunu izləyə bilərsiniz... Və ən maraqlısı odur ki, sanki teatr kimi oturursunuz və əvvəlcədən xəbər edirlər ki, ilk 10 sırada oturanlar suya bata bilərlər və bu daha çox həyəcanı artırır, mən isə 5-ci sırada otmuşdum deyə evə gedəndə sanki paltaryuyan maşına məni salıb çıxartmışdılar ???????????? Balinaların çox güclü quyruqları var imiş))))Gecə heyatından biraz məlumat verim ????Həftənin 5-ci və 6-cı günü San Diegonun ????downtown-nu həddindən artıq insanlardan dolu olur, hərə bir yerdə əylənir, və mən də bu həyəcanı əldən verməmək üçün dostumla bir bara getdik... Havanın isti olması, və barların təmiz havada olması mənə çoox ləzzət elədi..... Latın amerikali qızlarının gözəlliyi sanki hansısa bir Braziliya və ya Columbia şəhərində özünü hiss etməyə vadar edir (bizim qızların gözəlliyinə çata bilməzlər).Hətta hərdən düşünürdüm ki, insanı bu qədər gözəl yaratmaq nəyə lazım? LolQızların səmimi, və daha ünsiyyətli olmaları gecəni daha maraqlı etdi, əlbəttə oğlanlar da öz yerini və daha mədəni olmaqları gözdən yayınmadı...Və mən həqiqətən vuruldum San Diego gecə həyatına????????????San Diego öz gözəl, və ağlasığmaz dənizlərindən meşhurdu, bəli burda dənizə girməyə pul ödəmirsən, lejankalar yoxdu))) Qarpız yeyən də görməzsiniz, əvəzində isə voleybol oynayan, turnik edən gənclərlə rastlaşa bilərsiniz.... San Diego okeana çıxışı var deyə suyun temperaturu yayda ancaq isti olur, axşamlar isə havanın temperaturu aşağı düşür....Ən gözəl günəş batmasın izləmək üçün okean qırağına minlərlə insan yığılır, və inanmayacağınız bir mənzərəni öz gözlərinizlə görə biləsiniz - rənglərin bir-birinə qarışması. Saatlarla oturub təmiz havadan zövq alıb, insanları izləyə bilərsiniz. Bu arada San Diegoda çoxlu sayda rusiyalilar var, bu isə daha da oranı maraqlı etdi mənim üçün ????Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Elman Hajiyev

1360 dəfə oxunub

Helsinki bələdçisi

Helsinkidəki otel, apartament və hostelləri bu linkdən book (bron) edə bilərsiz.16 il bundan qabaq atamın işi ilə bağlı Helsinkiyə köçdüyümüzdə buranın soyuq, boz və itici şəhər olduğunu düşünmüşdüm. Təbii ki, daha 9 yaşında olan balaca qızın dilini, dinini və mədəniyyətini bilmədiyi bir yerə köçməsi və oraya alışması çətin idi. Lakin üç ay ərzində Fin dilini öyrənərək və aylar-illər ötdükcə Finlandiyanın, ələxsus Helsinkinin necə gözəl bi ölkə və şəhər olduğunu anladım.16 il yaşamağıma baxmayaraq hər il hansısa bir yenilik ilə qarşılaşıram. Bozluq və soyuqluq eyni qalsa da, insanlarının əslində elədə soyuq olmadığını öyrənmişəm. Finlilər ilk baxışdan soyuq və hissiyatsız görünsələr də, burada 9 ay davam edən qaranlığın onları da bəzən dərin depressiyaya saldığını anlamışam. Əlbəttə ki, 750 il İsveçin və qalan 150 ilin Rusyanın əsarəti altında keçməsinin də təsiri var soyuqluqlarına. Əslində finlilər dost olaraq çox sadiq, bəzən çox yapışqan və asılıdırlar. ????Keçək əsl məsələyə. Finlandiya hüzurun ölkəsidir məncə. Əgər yayda yamyaşıl bir təbiət, heç batmayan günəş və çox da isti olmayan bir hava, payızda rəngarəngliyi ilə heyran edən təbiət və evlərdən gələn hilli bulkilərin qoxusu, qışda bəmbəyaz təbiət, qış idmanları və heyran edici sakitlik və yazda tumurcuqları ilə və quşlarının səsi ilə, oyanan təbiəti ilə məst edən bir ölkə görmək istəyirsinizsə, o zaman Finlandiyaya mütləq baş çəkin.Əgər biz tərəflərə qonaq gəlməyi düşünsəniz, Helsinkini gəzmək üçün sizə 3 gün bəsdir. Helsinkidə nəqliyyat böyüklər üçün 3€, uşaqlar üçün isə 2€-dur. Nəqliyyat biletini metroya enmədən öncə, avtobusa minərkən ya da tramvaya minmədən öncə ala bilərsiniz. Biletin üstündə saat neçəyə kimi keçərli olduğu yazılır, çox vaxtı 80 dəqiqə keçərli olur və bu vaxt ərzində istədiyiniz qədər metrodan, avtobusdan və tramvaydan istifadə edə bilərsiniz. Əlbəttə ki, bileti göstərmək şərti ilə. Yəni bileti alıb atmayın çünki yoxlanış olsa və biletiniz olmasa 80€ cərimələnəcəksinizGəzilməli yerlərdən isə ilk şəhərin mərkəzindən başlayın. Çoxlarınızın ilk eşidəcəyi geyim mağazası Stockmannın küçəsindən katolik kilisəsi olan ağ Tuomiokirkkoya kilsəsini gəzməyiniz məsləhətdir. Tuomiokirkkonun yerləşdiyi yerə Senaatintori deyilir. Bu kilsə əvvəllər Nikolayın kilsəsi və Böyük kilsə olaraq adlandırılıb və 1852-ci ildə St. Peterburqda yerləşən Kazan Katedralına bənzədilərək tikilib. Memarı isə Carl Ludvig Engel və Johan Albrekt olub. Yay vaxtı kilsənin pillələrində oturanlar çox olur. Əksər mitinqlərin ya başladığı ya da qurtardığı nöqtəs məhz elə buradır.Tuomiokirkkodan ara küçə ilə Kauppatoriyə enin. Oradan mütləq Suomenlinna deyilən Finlandiya qalası anlamına gələn adaya baş çəkin. Bu adaya getmək üçün Kauppatori limanından Suomenlinnaya tərəf gedən bərəyə minməlisiniz. Bərəyə minmək adam başı 3€-dur və əgər 80 dəqiqə içərisində qayıtsanız, qayıtmaq üçün bərəyə ayrıca pul ödəməyəcəksiniz.Kauppatori tərəfində, bərəyə minilən yerdə əksər finlilərin qırmızı kilsə adlandırdığı, əslində isə adı Uspenski Katedralı olan, rusların 1868-cü illində Moskvanın Kolomonskoye kilsəsinə bənzədərək tikdiyi möhtəşəm kilsə var. Memarı Aleksei M. Gornostayevdir və kilsə ortodoksların kilsəsidir. Hər nə qədər xristiyan olmasanızda, mütləq bu möhtəşəm katedralın içinə girib o gözəlliyə şahid olmalısınız. Katedralın ətrafında Helsinkinin mərkəzinə açılan mənzərəni də görməyə dəyər.Uspenski katedralından endikdən sonra qırmızı gəmi görəcəksiniz. Gəminin adı Relandersgrunddur və Finlandiyanın prezidentinin evi ilə üzbəüzdür. Bu gəmidə kofe içib, Finlandiyanın şirniyyatlarını və şansınız varsa, isti havasının dadını çıxara bilərsiniz. Relandersgrunddan Uspenski Katedralını və Fin körfəzini izləmək ən sevdiyim stres atmaq yöntəmlərindən biridir.Bizimdə, Londonda olduğu kimi Helsinki Eye-mız var. Helsinki Eye-a minmək adam başı 18€-dur. Mən özüm şəxsən daha çox Helsinki Eye-ın yanında yerləşən Allas Sea Pool-da üzməyi və saunaya girməyi daha üstün tutardım. Təbii ki, şəhərin mərkəzində çimərlik geyimində gəzməkdən utanmırsınızsa.Yuxarıda yazdıqlarımdan başqa Helsinki mərkəzindən Töölö adlanan tərəfə 4 və 10 nömrəli tramvay ilə gedəbilərsiniz və ya piyada gəzə-gəzə. İlk görəcəyiniz parlament binası olacaq, ikinci musiqi binası, üçüncü isə tünd qırmızı rəngdə olan bina Milli muzeyimiz Kansallismuseonu gəzib, Finlandia binasını və Opera binasını görüb Töölö göl kənarına enə bilərsiniz. Buradan rahatlıqla Sibelius parkına Sibelius monumentinə baş çəkməyə və Cafe Regattada kofe içməyə gedə bilərsiniz. Qayıdanda isə 4 və ya 10 nömrəli tramvayla yada hər hansı mərkəzə tərəf gedən avtobusla qayıda bilərsiniz.Helsinkidə nə yeyilməlidir? İlk öncə şirniyyatlardan başlayaq.Korvapuusti (darçınlı hilli bulku)Mustikkapiirakka (qaragilə piroqu)Runebergintorttu (fevral ayında satılır. Xalq şairi və professor J. L. Runebergin xanımın öz resepti olduğu üçün, Runebergin ölüm ildönümündə satılır.)Joulutorttu (Noyabr-Dekabr ayında satılır. Christmas şirniyyatıdır)Piparkakku (ingilizcə adı gingerbread-dır və Christmas vaxtı satılır)Laskiaispulla (Fevral-Mart ayında satılır. Katolik paxasının orucu başlamamışdan 40 gün əvvəl)Tippaleipä (Aprel-May aylarında satılır və 1 May şənliklərinin şirniyyatıdır)Rabənd piroqu (Midsummer bayramına özəl İyun ayında tapılır)Mämmi (qara rəngdə olduğundan və çox şirin olduğundan xaricilər tərəfindən çox sevilməyən ama südlə yeyilən paşa şirniyyatı)Karjalanpiirakka (şirin olmasa da dadlı piroqdur. Üstü düyülü, kartoflu yada köklü olur)“Şirniyyatla doldurmayacayıq ki qarnımızı!” Əlbəttə ki!Maral ətinin dadına mütləq baxın.Qızılbalıq istər soyuq, istər hisə verilmiş, istərsə də çiy. Bu balığın hər növü hazırlanır və çox dadlıdır.Qızılbalıq şorbasıYay şorbası (bir neçə kök tərəvəzindən bişirilən şorba)Yaşıl noxud (qarox) şorbası. Bunu yeyərkən diqqətli olun çünki bir çox yerdə içinə donuz əti vurulur. Xaiş etsəniz sizə ətsiz hazırlanmışından verəcəklər.Karjalanpaisti yəni güvəcdə bişirilmiş ət yeməyi. Yenədə donuz əti ilə diqqətli olun.Kalakukko yəni çörək içində bişirilmiş balıq və ət. Adətən donuz əti istifadə olunur ama mal ətindən hazırlananı da var.Qurudulmuş stavrida balığıSəhər yeməyində yeyilən cürbəcür sıyıqlarFinlandiyaya məxsus tərzdə hazırlanmış pendirlər. Mənim ən sevdiyim leipäjuusto deyilən və sadəcə Finlandiyada yetişən sarı gilə meyvə(lakka) mürəbbəsi ilə yeyilən pendirdir.Cürbəcür balıq yeməkləri. Ən çox sevilən balıqlar arasında stavrida, qızılbalıq, siyənək və ryapuşka balığıdır.Finlandiyada restoranlar bahalıdır, ona görədə yuxarıda yazdıqlarımı restoranlarda yeyə bilərsiniz. Kafelər ve restoranlar. İlk kafelərdən başlayıram.Yuxarıda yazdığım Cafe Ursula və Cafe CaruselCafe Ekberg (Ən köhnə kafelərdən biridir. Səhər yeməyi və brunch verirlər)Cafe EsplanadiCafe Fazer (Səhər yeməyi və brunch verirlər)Ağ kilsə ilə qarşı-qarşıya olan Cafe Engel və ya İtalyan kafesi olan Ciao CafeCafe Regatta (Sibelius Monumentinin yanında yerləşir)Restoran SavottaRestoran LappiRetsoran SunnRestoran Savoy (bahalıdır)Restoran Olo (bahalıdır)Restoran Sipuli (bahalıdır)Restoran Kiila (bahalıdır)Antiokia Atabar (Türk restoranıdır. Kərim usta sahibidir və çox gözəl insandır. Azərbaycanlı olduğunuzu desəniz endirim edəcək. İstəsəniz Ülker hanım tavsiye etti deyin, mütləq endirim edəcək.)Restoran Anı (Türk restoranıdır. Türk kabablarını bişirilər. Cahit ustaya Azərbaycanlı olduğunuzu deyin, endirim edəcək.)Helsinki haqqında bu qədər.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Ylkär Aghayeva

788 dəfə oxunub

Pulsuz səyyahlar üçün müftə bələdçi xidmətləri

Yəqin çoxlarınız səyahətə çıxarkən çalışırsınız ki, getdiyiniz şəhərin, kəndin, qəsəbənin tarixi ilə yaxından tanış olasınız, turistik və qeyri-turistik amma görülməli yerlərinə baş çəkəsiniz, abidələrin tarixi və ya əfsanələriylə yaxından tanış olasınız. Bunun isə bir neçə yolur var. Pulsuzundan tut, sadəcə ianəylə olanlara və ya kifayət qədər bahalılarına kimi. Amma hər zaman olduğu kimi bu yazıda da ancaq pulsuz və ya ucuz bələdçi xidmətləri haqqında məlumat verməyə çalışacam. Siz də cibinizə görə olanı seçərsiniz artıq.Başlayaq bizim kimi qara camaat üçün nəzərdə tutulan pulsuzlarından ???? :Pulsuz bələdçilərin başında adətən səyahət bloqları gəlir. Gedəcəyiniz şəhərdə haranı görməli, harada selfi çəkdirməli, nəyi harada yeməli və içməli suallarına məhz səyahət bloqlarında rast gələ bilərsiniz. Bu tip bloqlar adətən 2 yerə bölünür. Xarici səyahət bloqlarından məqalələri tərcümə edib paylaşanlar, və öz başına gələnlərdən yazanlar, lap elə bizim bu sayyeah blog kimi ???? Təbii ki, başqa bir şəhərə, ölkəyə, mədəniyyətə bir azərbaycanlının gözündən baxıb qiymətləndirmək daha maraqlıdır, nəyinki bir firəngin ???? Ona görə də çalışın başına gələnləri yazanların bloqlarını oxuyasınız, nə də olmasa başına gələn başmaqçı olar deyib atalarımız. Başqa dilləri bilirsinizsə internetdə ingilis, rus və türk dillərində yüzlərlə səyahət bloqu var. Googleda axtarış edib səyahətdən öncə nəzər yetirə bilərsiniz.Digər bir “pulsuz” üsul isə Tripadvisordur brouzeri açıb tripadvisor.com yazırsınız, saytın axtarış yerində isə gedəcəyiniz şəhərin adını və beləcə o şəhərdə olan bütün turistik və qeyri-turistik yerlərin siyahısı çıxır. İlk 2 səhifədə əsasən turistik məkanlar olur, sonrakı səhifələrdə isə turistlər tərəfindən az kəşf olunmış məkanların siyahısı çıxır. Amma 2-ci səhifədən sonrakı siyahılarda bəzən həqiqətən də çox maraqlı yerlərlə tanış olma imkanı olur, yaxşı olar ki, təkcə 1 və 2-ci səhifələrlə kifayətlənməyəsiz, sonrakı səhifələrə də bir baş çəkəsiniz. Bundan başqa hər bir məkan və ya turist attraksionu haqqında daha öncədən oranı səyahət etmiş adamların şərhlərini oxuya bilərsiniz. Bu da sizə səyahətinizdə daha çox zaman qazandırar, səyahətinizdən öncə hansısa yerə gedib-getməmə haqqında qərar vermiş olarsınız.İndi deyə bilərsiniz ki, lap biz bu gəzməli yerlərin siyahısını sayyeah blogdan ya tripadvisordan oxuduq o yerləri necə gedib tapacağıq?! Çox rahat bir üsulu var, turist xəritəsi. Bəs bu turist xəritəsini haradan tapmalı?! Xəritəni əsasən şəhərin əsas dəmir yolu və avtobus vağzallarındakı turizm informasiya mərkəzlərindən əldə edə bilərsiniz, əgər vağzallardan almağı unutmusunuzda bütün şəhərlərdə şəhər mərkəzində də turizm informasiya mərkəzləri olur, mərkəzin işçilərinə yaxınlaşaraq xəritə istəyə və xəritədə əsas yerləri sizin üçün işarələməyini xahiş edə bilərsiz. 90% gəzdiyim şəhərlərdə xəritələr pulsuz olub. Sonuncu dəfə məsələn Brusseldə turizm info mərkəzindən xəritə alarkən 1 avro ödəməli oldum, krısadılar ki, krısa ???? . Əgər şəhər mərkəzinə gəlib info mərkəzi tapa bilməsəniz, bir çox suvenir mağazalarında da xəritələr olur. Suvenir mağazalarındakı xəritələrin mənfi cəhəti odur ki, ödənişli olur adətən 3-5 avro ətrafında və əsas yerləri heç kim sizə xəritədə işarələmir. Bundan başqa qalacağınız otel və ya hostelin qeydiyyat yerlərindən – resepşnlardan da xəritə istəyə bilərsiniz.Əgər deyirsinizsə ki, ok mən səyahət bloqlarını da oxuyacam, tripadvisora da baxacam amma istəyirəm ki məni bələdçi gəzdirsin özü də pulsuz, bax bu da mümkündür ???? Bunun yolu Couchsurfingdən istifadə etməkdir. Couchsurfingin axtarış yerində gedəcəyiniz şəhəri seçib axtarışa verirsiniz, yeni çıxan səhifədə isə filterlərdən “Wants to meet up” seçirsiniz. Bu seçimdə getdiyiniz şəhərdə gələn turistlərlə görüşüb sadəcə söhbət etmək, bir şeylər içmək və ya şəhəri gəzdirmək istəyənlərin siyahısı çıxacaqdır. Sonradan profillərə daxil olaraq, kimin yalnız içmək, kimin sadəcə söhbətləşib dünya görüşünü artırmaq, kimin isə sizə gələn turistlərə bələdçilik etmək istədiyini görə bilərsiniz. Və beləcə seçdiyini “şəhər sakininə” mesaj yazıb ondan sizi şəhərin turistik yerlərini gəzdirməsini xahiş edə bilərsiniz. Əvəzində isə “bələdçinizə” getdiyiniz ölkədən kiçik bir suvenir, xatirə hədiyyəsi apara və ya gəzintidən sonra sərin bir içkiyə qonaq edə bilərsiniz. İnanın ki, Couchsurfing “bələdçiniz” bundan çox məmnun qalacaqdır.Sonuncu bildiyim üsul isə Avropa ölkələrində geniş yayılmış “free walking tours” adlanan turlardır. “Free walking tours” sözünün mənası pulsuz gəzinti turlarıdır. Free walking turları necə baş tutur?! Gün ərzində şəhər mərkəzində öncədən təyin olunmuş zamanda və yerdə bələdçilər və turistlər yığışırlar, sonradan bələdçilər səsgüclədiricilərlə məlumat verə-verə şəhərin turistik yerlərini gəzdirib, turistləri məkanların tarixi və ya hekayələri ilə tanış edirlər. Adının “free walking tours” yəni pulsuz gəzinti turlar olmasının səbəbi odur ki, bu turlara qatılmaq üçün pul ödəmək lazım deyil və ya yumşaq desək məcburi deyil, turlar ianə ilə işləyir. Əgər turun sonunda bələdçinin işi, peşəkarlığı və verdiyi məlumatlar xoşunuza gələrsə bələdçiyə bəxşiş berə vilərsiniz, məsləhətdir ki, məhz bəxşiş verəsiniz də, görəcəksiniz sonra demək olar hamı gücü çatdığı qədər bəxşiş verir. Bu bəxşiş adətən 5-10 avro ətrafında olur. Free walking turları ilə bağlı ən tanınan veb sayt Sandemanın neweuropetours.euveb saytıdır. Buradan getdiyiniz şəhərdə free walking turlarının olub olmamasını yoxlaya bilərsiniz. Əgər yoxdursa ayrıca googleda şəhərin adı və free walking tours yazaraq axtarış edə bilərsiniz. Məsələn Sandeman Brüggedə free walking turları təklif etmədiyinə görə mən də Legends of Brugesin xidmətlərindən istifadə etmişdimVə son olaraq unutmayın ki, pulsuz pendir heç də hər zaman tələdə olmur, həyatda zövq ala biləcəyimiz pulsuz imkanların sayı həddindən artıq çoxdur.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Babek Musa-Zadeh

1019 dəfə oxunub

Maraqlı, məzəli heykəllər şəhəri – Bratislava

Bratislavadakı otel, apartament və hostelləri bu linkdən book (bron) edə bilərsiz.Bratsilavanı görmək arzum Polşadan gələndən sonra baş qaldırmışdı. Nə əlaqə deyəcəksiz? Polşadan, lap dəqiq desən Krakovdan Budapeştdə qayıdanda, avtobusla qayıtmışdım və yolun böyük bir hissəsi Slovakiya ərazisindən keçirdi. Slovakiya ərazisindən keçən 3-4 saatlıq yolda Slovakiyanın təbiətinə sadəcə heyran qalmışdım. Beləcə Slovakiyanın möhtəşəm təbiətini gördükdən sonra, Bratislavanın da Budapeştə yaxın olması faktını nəzərə alıb, Rəhman Əfəndi ilə (blogdakı Roma yazısının müəllifi ???? ) qərara gəldik ki, bir Bratislavaya baş çəkək. İnternetdəki kiçik araşdırmalardan sonra gördük ki, Bratislava elə də böyük şəhər deyil, əhalisinin sayı da yarım milyondan azdır. Beləcə, forumlardakı fikirlərdən qərara gəldik ki, Bratislavaya bir günlük səyahət təşkil edək. Səhər qatarla çıxıb, axşam tərəfi də geri dönək.Və beləcə 2015-ci ilin bu günlərində sendiviçimizi, suyumuzu və meyvəmizi çantamıza qoyub, Budapeştin Keleti dəmir yolu stasiyasından qatarla Bratislavaya doğru yola düşdük. Təxminən 2.5 saat sonra artıq Slovakiyanın paytaxtı Bratislavadaydıq. Bratislava yerləşməsinə görə çox əlverişli məkandadır. Belə ki, Bratislavadan qatarla Praqaya 4 saata, Budapeştdə 2.5 saata və Vyanaya isə cəmi 1 saata çata bilərsiniz. Bir maraqlı faktı da qeyd edim ki, Vyana və Bratislava dünyadakı ən yaxın 2 paytaxt şəhəridirlər. Aralarındakı məsafə təxminən 65-70 kmdir. Bu 3 qonşu şəhərə gələnlər, 1 günlərini (6-8 saatlarını) ayırıb Bratislavanı doya-doya gəzə bilərlər.Bratislava haqqında fikirlər heç də bir mənalı deyil. Ölmədən bu şəhəri görün deyənlər də var, bu şəhəri görmədən ölün deyənlər də ???? Mən açığı sevdim Bratislavanı. Kiçik amma bir o qədər də şirin şəhərdir. Kiçik və rəngarəng Old Townu, məzəli heykəlləri, xudmani, arxaya söykənib kofeçay içilə bilən, ingilislər demiş “cozy” kafeləri və dondurmaları ilə, məni gəldiyimə peşman etmədi Bratislava.Deməli səhər saat 10 kimi, hardasa çatdıq Bratislavanın dəmir yolu vağzalına və öyrəndik ki, şəhər mərkəzi elə də uzaq deyil, başladıq mərkəzə piyada yeriməyə. Yol üstü bir neçə parkın yanından keçəndən sonra gəldik çıxdıq əvvəlki adı Grassalkovich sarayı olan, Prezident sarayına. İnşası 1760-ci ildə bitən bina, hazırda Slovakiyanın Prezident sarayı kimi fəaliyyət göstərir. Bina Barok musiqi həyatını Pressburqdakı (Bratislavanın Avstriya-Macarıstan imperiyası dövründəki adı) mərkəzi olub. Məşhur bəstəkar Jozef Haydn bir çox əsərlərini məhz bu binada premyeraya qoyub. Sarayın arxasında fransız bağları var, giriş sərbəstdir, əlinizi-qolunuzu sallayaraq fransız bağlarına girə bilərsiniz. Biz də geri dönüşdə səhv etmirəmsə Rəhmanla bu bağda sendviç yeyə-yeyə pivələmişdik ????Sarayın yanından İçəri şəhərə doğru irəliləyib, çatmışdıq taa Old Townun mərkəzindəki, Hlavni Namestie adlanan mərkəzi meydana. Meydan demək olar, bütün mərkəzi Avropa şəhərlərində olan meydanların bir oxşarıdır və eynilə digər şəhərlərdəki kimi tarixiliyini qoruyub saxlayıb. Və əlbəttə ki, keçmiş Avstriya-Macarıstan imperiyasının ərazisi olması ilk baxışdanca özünü hiss elətdirir. Demək olar bütün binalar o dövrün memarlıq üslubu ilə tikilib.Old Townu yeni şəhərlə St. Michael’s qapısı ayırır. Bu qapı əsl nağıllardakı sehrli güzgüyə bənzəyir. Qapıdan kənəra çıxınca sovetlərin təsirindən bozarmış yeni Bratislavanı görmək olar. Qapıdan digər tərəfdə isə, şirin, rəngli bir içəri şəhər sizi gözləyir. Məncə heç o nağıldan ayrılmamaq üçün bu qapıdan çölə çıxmayın ????Bratislavadan ən yadıma qalan isə Müqəddəs Elizabet kilsəsi (St. Elizabeth church) oldu və ya digər adıyla Mavi Kilsə. Açığı demək olar ki, yeni şəhərlərə gedərkən mütləq ordakı bir neçə kilsəyə baş çəkirəm amma heç zaman beləsiylə qarşılaşmamışdım. Kiləs tamamilə mavi və ağ rənglərin ahəngiylə dekorasiya olunub və marçipandan hazırlanmış torta bənzəyir. Hətta gedib əlimlə kilsəni yoxladım ki, bəlkə doğrudan bizim Sumqayıtdakı 50 metrlik tortlar kimi bu da marçipan kilsə tortdur, yoxlayandan sonra gördüm ki, əsl kilsə imiş ???? Kilsə o qədər şirindir ki, deyərdim, məhz elə bu kilsəni görmək üçün də getmək olar Bratislavaya ????Bundan başqa şəhərdə bir neçə yeni və köhnə körpü var, onlara baş çəkmək olar və əlbəttə ki, uzaqdan uçan naməlum obyektə bənzəyən UFO restoran-observatoriyaya. Dunay çayını üzərindəki körpülərdən birinin sonunda yerləşən bu UFO həm restoran, həm də observatoriya kimi fəaliyyət göstərir. Liftlə yuxarı çıxıb bütün Bratislavanı izləyə bilərsiniz.Bratislavanı izləyə biləcəyiniz digər yer isə Bratislava qəsridir. Qəsr Karpat dağlarının sonlarında olan qayalardan birinin üzərində yerləşir, ona görə də ora çıxmaq istəyənlərin ayaqlarına qüvvət ????. Qəsrdən bütövlükdə Bratislavanı seyr edə bilərsiniz. Açıq-aydın havalarda isə Vyana və Macarıstanın bəzi hissələrini gözlə görək olar. Qəsrin içində Slovakia Milli Muzeyi yerləşir. Qiymətini xatırlamıram amma Slovakiya reallığını nəzərə alanda elə də baha olmamalıdır. Təbii bir Ermitaj və ya Viktoria və Albert deyil, amma hər halda Slovakiya tarixiylə tanış olmaq üçün baş çəkmək olar.İndi isə gəldik çatdıq Bratislavanın heykəllərinə. Açığı başqa hansısa bir şəhərdə bu qədər maraqlı, məzəli və çox sayda heykəl gördüyümü xatırlamıram, ona görə də Bratislava mən heykəllər şəhəri deyərdim.Bratislava və heykəl sözünü bir araya gətirsək, çox güman ki, ağlımıza gələn ilk şey məşhur kanalizasiya borusundan baxan Cumil heykəli olar. Rəvayətə görə bu Cumil məllim fasilədə yuxarı hava almağa çıxmış kanalizasiya işçisidir ya da ki, küçədən keçən qadınların ətəyinin altına baxan şorgöz. Orasını mən də dəqiq bilmədim, hər halda siz gedib, görüb qərar verərsiniz.Şəhərdə Cumildən başqa, Napaleon ordusu əsgərinin, Bratislavaya şənlik gətirən, küçədən keçənləri şapkasını çıxararaq salamlayan, qadınlara “sizin əlinizdən öpürəm” deyən Schöner Nacinin, Hans Xristian Andersenin, paparazzinin və s. heykəllərini görmək olar.Bratislava haqqında bu qədər. Yazının uzunluğu, elə şəhərin böyüklüyü ilə mütənasib oldu bu dəfə ????Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Babek Musa-Zadeh

922 dəfə oxunub

Piramidalar ölkəsi - Misir

Qahirədəki otel, apartament və hostelləri bu linkdən book (bron) edə bilərsiz.Xurqadadakı otel, apartament və hostelləri bu linkdən book (bron) edə bilərsiz.Hər kəsə salamlar  Artıq Misirə Noyabr ayından birbaşa reyslər açıldığına görə ora səyahət üçün üz tutanların sayı çoxalacaq deyə düşünürəm. Mən də sentyabr ayında Misirə səyahət etmiş biri olaraq istərdim öz təcrübəmdən bəzi məlumatlar verim sizə , çünki mən gedərkən buqrupda çox araşdırma elədim lakin bütün suallarıma cavab olacaq bir post görmədim)Beləliklə mən Misirə gedərkən tur paket aldım, Tiflisdən idi uçuşum. Mənim burda etdiyim səhvi siz etmiyin. Mən turu aldıqdan sonra oteli araşdırdım və bookingdəki rəyləri oxudum və bərbad bir yerə getdiyimə dair özümü hazırladım) Onsuz da səyahət üçün gedirsən deyib özümə təsəlli verirdim Bundan əlavə biletə əsasən mənim geri dönüşüm 29u 02:10 am idi amma check out 28i 12:00da oldu və nə qədər də xahiş etsək qoymadılar biraz da artıq qalaq. Ekstra pul isdiyirdilər və bu bizim pulla 50 manat idi ki, otelin all included qiyməti belə o qədər deyil.Visa məsələsinə gəldikdə heç bir narahatçılıq çəkməyinizə ehtiyac yoxdur. Burda səfirlikdə də ala bilərsiniz əlbəttə. Amma sərhəddə də verirlər cəmi 15 dəqlik prosedurdur . Bir vərəq doldurursunuz ( ki, ona heç fikir verən olmur dəqiqliklə)) , və 25 dollar ödüyürsünüz bitdi. Misirin hər yerinə də keçə bilərsiniz o visa ilə. Şəhər fərqi falan yoxdur.İnsanları turist olduğunuzu hiss edirlər və dəyəri 1 manat olan məhsulu sizə 10-15 manata verirlər. Aldanmayın. Çalışın nəsə almaq istəsəniz salın qiymətini.Gedib mütləq görməli yerləri Cairo , Giza , Luxor şəhərləridir. Mən Hurghadada qalırdım. Şarm-el-sheyxlə eyni auraya fərqli qiymətlərə malik olduğunu öyrənmişdim. Həm də Hurghadadan turlar daha ucuz və daha yaxın idi (1 saat fərq var idi ). Hurghadada Giftun island turu və Safari turu etdim ki, hər biri möhtəşəm idi.Cairoya gedərkən sizi papyrus hazırlanan fabricaya və parfume hazırlanan mağazaya aparacaqlar, qəti şəkildə heçnə almayın , Cleopatra mağazasında (Hurghadada) qat qat qat qat ucuz qiymətə tapacaqsınız. Və hər bir şeyin qiyməti üsdündə olduğuna görə sizi aldada bilməyəcəklər.Qəti şəkildə manat ilə getməyin. Euro, dollar ve ingilis paundu ilə ishləyirlər. Hər üçü də onlar üçün eyni dəyərdədi  Ona görə də dollar ilə getməyiniz sizə sərf edər. Bir daha xatırlatma edim nə alsanız dəyərində endirim isdiyin.Geri dönüş zamanı airporta gedərkən tələsin. Vaxtından 3 saat əvvəl falan çıxın. Çünki ora daxil olarkən sumkanı elə yoxlayırlar ki, az qalır açıb hər bir paltarınızı əyinlərində test edələr. Qırılacaq əşyalarınızdan ehtiyyatlı olun, orda bir nəfərin qəlyanını qırıb sonra günah mənde deyil deyərək arsızcasına eyni çamadanı bir daha yoxladılar.Ağlıma gələnlər bunlar oldu. Başqa sizi maraqlandıran nəsə suallar olsa buyurun soruşun   İndidən hər birinizə xoş əyləncələr Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Garatel Huseyn

2092 dəfə oxunub

Dünyadakı passportların rəngləri və seçilmə səbəbləri

Passportların rəngini incələyəndə, dünyada 4 rəngdə passport olduğunu görmək olar. Hər bir ölkənin, müvafiq rəngi seçməkdə də, adətən öz səbəbləri olur. Bu yazıda bu seçimin nəyə əsaslandığını sizinlə bölüşmək istəyirik. Hava limanında olan uzun növbələr sizi darıxdırarsa sadəcə bu məqaləni xatırlamağa çalışın.Qırmızı, passportlar üçün ən çox istifadə olunan rəngdir. Qırmızı passportu adətən indiki və keçmiş komunist ölkələri seçir. Sloveniya, Çin, Serbiya, Rusiya, Latviya, Rumıniya, Polşa və Gürcüstan vətəndaşları qırmızı passport daşıyıcısıdırlar. Xorvatiyadan başqa bütün Avropa Birliyi ölkələri vətəndaşları da qırmızının müxtəlif çalarlarında olan passportlar istifadə edirlər. Türkiyə, Makedoniya və Albaniya kimi Avrop Birliyinə qoşulmaq istəyən ölkələr isə bir neçə il qabaq passportların rəngini qırmızıya dəyişiblər. Latın Amerikasından isə Boliviya, Kolumbiya, Ekvador və Peru vətəndaşları qırmızı passportlarla səyahət edirlər.Qırmızıdan sonar ən çox işlənən passport rəngi isə göydür. Passportlarda olan göy üzlük yeni dünyanı simvolizə edir. 15 karib hövzəsi ölkəsinin vətəndaşlarının passportları məhz göy rəngdədir. Cənubi Amerika blokunda olan ölkələrdən, Mercosur ticari birliyində olanlar da vətəndaşlarına göy passportlar tədqim edirlər. Bu siyahıda Braziliya, Argentina və Paraqvay var. Venesuela isə burada istisnadır. Ölkə ticari birliyin üzvü olsa da vətəndaşları qırmızı passport daşıyırlar. Birləşmiş Ştatlarda isə passportlar ancaq 1976-cı ildə göy rəngə dəyişilib.Müsəlman ölkələrinin əksəriyyətində vətəndaşlar, məhz Azərbaycanda olduğu kimi yaşıl passportlar daşıyırlar. Mərakeş, Səudiyyə Ərəbistanı və Pakistan burada istisnadır. Buradakı Yaşıl Məhəmməd peyğəmbərin ən sevdiyi rəng hesab olunur. Bundan başqa yaşıl həm də həyatı və yaşamı simvolizə edir. Burkina Faso, Nigeriya, Niger,Fil dişi sahilləri və Seneqal kimi qərbi Afrika ölkələri vətəndaşları da məhz yaşıl passport daşıyıcısıdırlar. Bu ölkələrin vətəndaşlarına yaşıl passport verməsinin səbəbi onların, QADİB-ə (Qərbi Afrika Dövlətlərinin İqtisadi Birliyi) üzv olmalarıdır.Çox az ölkələrin passportlarının rəngi qaradır. Afrikada Botsvana, Zambiya, Burundi, Gabon, Anqola, Çad, Kongo, Malavi və s. ölkələrdə qara rəngli passportlar istifadədədir. Yeni Zellandiyanın milli rəngi qara olduğundan, orada da vətəndaşlar qara rəngli passportlar gəzdirirlər.Aşağıdakı xəritədə hansı ölkədə, hansı rəng passport istifadə olunduğunu görə bilərsiniz.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər… Paylaşdı: Babek Musa-Zadeh 

1418 dəfə oxunub

Praqa bələdçisi

Praqadakı otel, apartament və hostelləri bu linkdən book (bron) edə bilərsiz.“Romantik şəhər”, “Avropanın ürəyi”, “Nağıllar şəhəri” - Praqa. Bu şəhər öz möhtəşəmliyi ilə ona verilmiş bütün adlara layiqdir. Əminəm ki, Praqaya səyahət etmiş bir çox insan üçün bu şəhər xüsusi yer tutur. Bütün bu gözəlliyin qarşısında təbii ki, Praqanın da mənfi yanları var və bunun ən başlıcası orada yaşayanların dələduzluq etmək üzrə master olmasıdır. Gələcəkdə buraya səyahət edəcəklərə köməklik olması üçün ətraflı Praqa postu yazmaq qərarına gəldim.Bu postda gəzməli yerlərdən daha çox şəhərdə qarşılaşa biləcəyiniz problemlər və ümumi xərclər barədə yazmaq istəyirəm. Əgər maraqlı olan varsa gəziləcək yerlər barədə də gələcəkdə ətraflı yazaram. Beləliklə başlayaq - WW2-zamanı çexlər müqavimət göstərmədən ölkəni almanlara təslim etdiklərindən Praqada olan tikililər müharibə dövründə dağıdılmamış, bu səbəbdən bütün tarixi yerlər öz gözəlliyini bu günədək qoruyub saxlamışdır. Çexiyanın rəsmi pul vahidi “kron”dur və bizim 100 manatın qarşılığı 1300 çex kronu, 100 avro isə 2600 krondur. Praqada yaşayacağınız ən böyük problemlərdən biri elə valyutanı çex kronuna dəyişməkdir. Çünki hər yerdə böyük hərflərlə “0 comission” və yüksək məzənnə ilə pulu dəyişmək təklif edilsə də realda bir çox valyuta dəyişmə yeri insanları aldadır. Məsələn siz yüksək kursla exchange görsəniz və yaxınlaşıb pulu dəyişsəniz onlar pulun 5-25 faizinə qədərini komissiya pulu adı ilə sizdən çıxa bilərlər. Və ya yüksək kursla və “0” comis.yazısını görüb pulu dəyişmək istədikdə aşağı kursla pulu verib Exchangedə yazanın satış kursu olduğunu, alışın isə nöqtədən balaca formada kənarda yazıldığını deyə bilərlər. Odur ki, pulu dəyişməzdəm əvvəl mütləq qaydada satıcıdan verdiyiniz pulun qarşılığında hansı pulu verəcəyini dəqiqləşdirib daha sonra pulu verin. Üzərində ərəbcə yazılar olan Exchangelərin bir çoxu və ya şəhər mərkəzində “PRAHA EXCHANGE, Jindřišká 12/908, Prague 1” ünvanında olan exchang ən sərfəli kursu təklif edirlər. Küçədə sizə yaxınlaşıb yüksək kursla pul dəyişməyi təklif edə bilərlər. Qəti onlara inanmayın çünki Bulgar Levası çex kronuna çox oxşadığından insanları yüksək kurs adı ilə aldadıb leva verirlər. ))Şəhərdə metro, tramvay və avtobus istifadəsi çox rahatdır. “Moovit” proqramı ilə avtobusların hansı saatda haradan keçəcəyini öyrənə bilərsiniz. Aldığınız biletlər bütün nəqliyyat vasitələrində keçərlidir. Avtobus, metro, tramvayı istfadə etdiyim 5 gün ərzində yoxlama ilə qarşılaşmadım. Oteldə də soruşduqda onlar da hökümətin vətəndaşların iradəsinə güvəndiklərini və bu səbəbdən yoxlamanın çox az hallarda olduğunu dedilər. Səhv etmirəmsə yoxlama zamanı biletsiz olduğunuz aşkarlansa təxminən 30 avro cərimə kəsilir. Bilet qiymətləri 30dəqiqəlik- 24 kron, 90 dq-32 kron, 1 gün 110 kron, 3 gün-310 kron. Ən məsləhətlisi təxminən 5 avroya günlük bilet alıb rahat şəkildə istifadə etməkdir. P.S-Əgər əlinizdə çemodan varsa mütləq 16 krona çemodan üçün əlavə bilet almalısınız))).Praqada olarkən gulaj, knedlky, kartof şorbası Bramboracka yeməklərinin dadına baxın. +Trdelnik şirniyyatlarını mütləq yeyin. Onsuz Trdelnik hər addımda qarşımıza çıxdığından inanmıram ki, oraya gedən kimsə onu yemədən qayıtsın. Restoranlarda normal 1 nəfər üçün yemək üçün təxminən 100-200 kron arasında xərciniz çıxacaqdır. Bu şəhərdə pivə həqiqətən də sudan ucuzdur. İnsanlar demək olar ki, su yerinə pivə içirlər. Urquell və Kozel ən məsləhətli pivələrindəndir. Bundan dünyada tərkibində ən çox alkaqol olan Absinth (80%) içkisi bu ölkədə istehal olunur. Mən noyabr ayında getdiyim üçün şəhərdə Avropanın bir çox şəhərinə xas olan hər hansı pis qoxu hiss etmədim. Deyilənə görə yay aylarında bəzi küçələrdən keçəndə pis qoxu hiss edilir. Ancaq nə qədər pis olsa da inanmıram ki, Parisdəki kimi iyrənc formada hiss edilsin. Praqada “Old town” və Karlova bölgəsində qalsanız demək olar ki, hər yerə piyada gedib gəzə bilərsiniz. Günlük 30-40 avro qiymətinə olan, mərkəzə yaxın məsləhət gördüyüm otel “Akcent” hoteldir. Tam qarşısında da metro yerləşir. Praqa gecə həyatı cəhətdən Avropanın ən hərəkətli şəhərlərindən biridir. Orta Avropanın ən böyük klubu “Karlovy Lazne” məhşur Charles körpüsünün tam yaxınlığında yerləşir. Beləliklə Praqa gəziləcək möhtəşəm tarixi yerləri, digər Avropa şəhərlərinə görə ucuzluğu, təbiəti, əyləncəsi ilə mənim fikrimcə hər növdən turist və gəzginlər üçün ideal şəhərlərdən biridir. Şəhərdən doymaq üçün buraya ən az 3 gün ayırın. Praqaya getmişkən Budapeşt və Vyanaya baş çəkməyi unutmayın. Bu günlük bu qədər, suallarınız varsa cavablandıra bilərəm. Həmişə gəzməkdə!Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı:  Gəzgin Həyat

1279 dəfə oxunub

Londonda alternativ nəqliyyat

Londondakı bütün otel, apartament və hostelləri bu linkdən book (bron) edə bilərsiz.Londona gələn səyahətçilərin əksəriyyəti qiymət bahalığından şikayət eləyirlər. Əsasən bu şikayətlər ictimai nəqliyyat qiymətləri ilə bağli olur (Mən də razıyam, ictimai nəqliyyat çox bahadır, hələ Bakıda 20 qəpiyə istənilən yerə getməyə öyrəşən adam üçün ümumiyyətlə çətindir qəbul eləmək)Ictimai nəqliyyat qiymətlərini aşağı sala bilməyəcəyimizə görə alternativ nəqliyyat fikirləşmək lazımdır. Nəzərə alanda ki Londonda demək olar ki bütün görməli yerlər bir-birinə yaxin yerləşir, ən ideal nəqliyyat növü velosipeddir.Londonda çox əla təşkil olunmuş ictimai velosiped sistemi var. Santander bankı tərəfindən həyata keçirilən bu layihə bir xeyli adamın həyatını yüngülləşdirir. Velosipedlər bütün lazımi təhlükəsizlik ləvazimatlari ilə təmin olunub (Qabaq ishıq, arxa ishıq, ishıqqaytarıcılar və s.)Velosipedlərin qiyməti isə 24 saat üçün cəmi 2 funtdur. Yarım saatlıq isə pulsuzdur. İcarəyə götürmək üçün bank kartı lazımdır, pulu ödəyəndən sonra aparat sizə kod yazilan çek verir, kodu qıfıla yazıb yaşıl ishıq yananda velosipedi götürürsünüz. Şəhərin hər yerində bu velosiped dayanacaqlarından olduğuna görə geri qaytaranda da problem yaşamırsınız.London velosipedçilərin təhlükəsiz formada hərəkəti üçün əlverişli olan tək-tük şəhərlərdəndir. Yol qaydalarına əməl etdiyiniz və dönmə siqnallarından istifadə etdiyiniz müddətcə heç kim gəlib belinizə dırmaşmayacaq. Avtobus və taxilər üçün olan xüsusi zolaqlar isə həm də velosipedlər üçündür. Hər zaman istifadə eləyə bilərsiniz.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Ismayil Nur

548 dəfə oxunub
Bizi izləyənlər siyahısına qoşulun!