BLOQ

Şəhər bələdçisi - Dubay şəhərində maraqlı nə var?

Dubaydakı bütün otel, apartament və hostelləri bu linkdən book (bron) edə bilərsiz.Ən böyük. Ən yüksək. Ən bahalı, ən müasir və s.Dubayda hər şey həddindən artıqdır. Tarixinə və ənənəsinə son dərəcə diqqətli ərazi müasirlik ilə seçilir. Səs-küylü həyatı, dəbdəbəli alış-veriş və son dərəcə məharətlə hazırlanan yeməklərlə müşayiət olunan möhtəşəm göydələnlər, palma ağacı şəkilli adalar və ağ-qızılı qumlu çimərliklər şəhəri gəzməli-görməli yerə çevirir.1. Burj KhalifaDubayın ən möhtəşəm binası. Üst mərtəbəyə qalxıb səhra və göydələnləri seyr etmək fərqli bir təcrübə olacaq. 2004-cü ilin 21 sentyabrında tikilməyə başlayan "Burc Xəlifə"layihəsi memar Adrian Smit tərəfindən verilib. Smeta dəyəri 4.1 milyard dollar olan binanın tikintisində 330 min kubmetr betondan, 39 min ton armaturdan istifadə olunub. Binanın ərsəyə gəlməsi üçün isə 22 milyon saat çalışılıb.Əvvəlcədən rezervasiya etsəniz və hətta biletinizi onlayn alsanız, daha uyğun məbləğ ödəyəcəksiniz.124-cü mərtəbəyə 1 dəqiqəyə necə çatmaq olar, o hündürlükdə mənzərə necədir? Eyni anda bir çox duyğu yaşayacaqsınız.Gedin, baxın, zövq alın.Yaxınlıqdakı böyük hovuzda hər gün saat 18:00-da başlayan və yarım saatdan bir davam edən su, işıq və musiqidən ibarət şou həqiqətən gözəldir. Yaxınlığında olsanız, qaçırılmamalısınız.2. The Dubai Mall Mindən çox mağazaya ev sahibliyi edən bir yer. Dünyanın ən böyük ticarət mərkəzlərindən biri, ən tanınmış brendlər. Bütün ticarət mərkəzini ziyarət etmək üçün 3-4 gün lazımdır.3. Dubai Miracle Garden Çiçək bağçasıdır, 2013 -cü ildə “Sevgililər Günü”ndə istifadəyə verilib. Bura 72.000 kvadrat metrdən çox ərazini tutaraq 50 milyondan çox çiçəyi və 250 milyon bitkisi olan dünyanın ən böyük təbii çiçək bağıdır. Səhranın ortasında nəhəng gül bağı salıb onu yaşatmaq heyranedicidir! Ətirli qoxuların müşayiəti ilə hər guşəni gəzməyə doymayacaqsınız. Əgər şəkil çəkdirməyi sevirsinizsə, səhər getməyiniz daha yaxşıdır, günortadan sonra sıxlıq olur.Emirates Mall-dan bura birbaşa avtobus var.4. Global VillageDubayın Qlobal kəndi, Şeyx Məhəmməd Bin Zayed yolunda (E 311 yolu Dubay) yerləşir. Dünyanın 90 ölkəsinin mədəniyyətlərini bir yerdə birləşdirir. Dünyanın ən böyük turizm, istirahət, alış -veriş və əyləncə layihəsilərindən biridir. Bura fərqli ölkələrin yerli məhsullarını bazara çıxardığı və hər bir ölkənin axşam saatlarında müntəzəm olaraq canlı şouların və musiqinin sərgi.Sərgi meydanı, hər ölkənin xarakterik simvolu nəzərə alınaraq hazırlanmışdır. Həmin ölkənin ərzaq və ya məhsulları satışa çıxarılır. Uşaqlarla gedəcəklər üçün içəridə Lunapark da var.5. Dubai FrameDubayın Zabeel Parkında yerləşən memarlıq abidəsidir. Dünyadakı ən böyük çərçivə rekorduna sahibdir. İki paralel qülləni birləşdirən 93 metr uzunluğunda şəffaf şüşə körpü ilə şəkil çərçivəsi şəklini alan “Dubai Frame”. Lift asma mərtəbəyə qalxdıqda xüsusi səs və vizual effektlərlə dolur, 150 metr hündürlükdən şimala baxanda köhnə Dubay, cənuba baxanda yeni Dubay görünür. Şəhərin möhtəşəm mənzərələrini görmək üçün Dubai Frame-i nəzərdən keçirin. Gözəl bağlarla əhatə olunmuş gözəl binadır. Bu attraksionun xüsusiyyətlərindən biri də 150 metr aşağını görmək üçün piyada gedə biləcəyiniz şüşə döşəməsinin olmasıdır.6. Aquaventure WaterparkPalm Jumeirah-da yerləşən 17 hektarlıq nəhəng Aquaventure su parkını Dubayda ən yaxşı ailə əyləncəsi yeri kimi təsvir etmək olar.Dubayda keçirmək üçün bir az vaxtınız varsa və hərəkəti sevirsinizsə, mütləq buranı ziyarət etməli və heyrətamiz adrenalinlə dolu su atraksionlarından istifadə etməlisiniz, inanın ki, peşman olmayacaqsınız, əksinə, yenidən bunu istəyəcəksiniz. Burada delfinlərlə üzə biləcəksiniz. Şəkilinizi hər yerdə çəkirlər və günün sonunda əldə edə bilirsiniz.7.  La Mer DubaiDubayın ən məşhur çimərlik ərazisidir. La Mer, palma ağacları ilə kölgələnmiş bulvarı, bir mərtəbəli binaları, yüksək səviyyəli ticarət imkanları, unikal butikləri ilə bəzədilmiş körfəz mənzərələrini təqdim edir.Bura Dubayın Las-Veqası da deyirlər. Bir çimərlik ancaq bu qədər yaxşı dizayn edilmiş və əyləncəli ola bilər. Sahildə çimərkən bir az geridə ticarət mərkəzi və gözəl keyfiyyətli kafeləri ilə hər kəsi cəlb edən maraqlı küçə.8. Burj Al Arab1994-cü ildə inşasına başlanan otel 1999-cu il dekabrın 1-də qapılarını müştərilərinin üzünə açıb. Hotel əvvəllər iri qaya bloklarının dənizə endirilməsi ilə yaradılmış dəniz sahilindəki adada tikilib. Hotel dünyanın ilk 7 ulduzlu oteli olması ilə məşhurdur. Hotelə gündəlik ekskursiyalar da təşkil edilir. Burj Al Arab ərəb qalası mənasını versə də, memarlıq baxımından dənizdə üzən yelkənə bənzədiyi üçün Yelken oteli də adlandırılır.Həm çəkisini azaltmaq, həm də isti havanın sirkulyasiyasını təmin etmək məqsədilə otelin xarici səthi iri parça parçalardan hazırlanır. Bu baxımdan gecə proyektorlar tərəfindən işıqlandırılan xarici səthdə müxtəlif rəngli fiqurlar əmələ gəlir.Kateqoriya və qiymət baxımından rəqiblərindən xeyli yuxarı mövqeyə malikdir, standart otaqlarının da dupleks olması və otaqların şəraiti heyrətamizdir. Hotel Hermes brendi ilə əməkdaşlıq edir. Bütün otaqların möhtəşəm mənzərəsi var. Oteldəki satış məntəqələri, hovuzu və çimərliyi də çox uğurludur.9. Ski Dubai22.500 kvadrat metr sahəsi olan qapalı bir xizək kurortudur. Temperatur il boyu -4 dərəcə ilə 2 dərəcə arasında olur. Dünyanın ən böyük ticarət mərkəzlərindən biri olan Mall of the Emirates-in bir hissəsidir.İçəridə bir neçə pinqvin var, siz onları da görə biləcəksiniz.10. Dubai Creek HarbourŞəhərin köhnə yaşayış massivində Yaxın Şərq memarlığını nümayiş etdirən tarixi yerlərdən biridir. Bərpa edilmiş köhnə binalarda restoranlar, açıq havada yeməkyemək üçün yerlər, köhnə bazar və ədviyyat bazarı da maraqlıdır. Sabha və Abra stansiyasından köhnə ərəb qayıqlarına minərək gün batımını seyr etmək, işıqların parıltısı arasında qayıqda nahar etmək olduqca maraqlıdır.11. Dubai DolphinariumDubayın ən sevimli turistik yerlərindən biridir. Burada Delfin və suiti şoularını izləyə biləcəksiniz. Ən maraqlısı isə delfinlərlə üzə biləcəksiniz. Uşaqlı ailələrin mütləq getməli olduğu yerlərdəndir.12. The Lost Chambers AquariumBurada 65.000 dəniz canlısı yaşayır. Köpəkbalığı, ilanbalığı, dəniz atları və piranalarla qarşılaşacaq, Atlantis sivilizasiyasının sualtı labirintlərini və tunellərini görəcəksiniz. Uşaqlar üçün daha maraqlıdır.13. Dubai Safari Park119 hektar ərazini əhatə edir. Burada dünyanın hər yerindən 2500-dən çox heyvan yaşayır.Dubay Safari Parkı vəhşi təbiətin mühafizəsi ilə bağlı maarifləndirməyə böyük diqqət yetirən interaktiv heyvanlar qoruğudur. Bir sıra interaktiv təcrübələr vasitəsilə park uşaqları təbiətə yaxınlaşdırmağa və onlara vəhşi təbiət haqqında daha çox öyrətməyə çalışır. Hətta park yerli məktəblər üçün bir sıra proqramlar hazırlayıb. Dubay Safari Parkı vəhşi təbiət parkı, heyvan qoruğu və təhsil mərkəzidir, hamısı bir yerdədir. Dünyanın flora və faunası haqqında daha çox öyrənmək istəyən hər kəs üçün mütləq ziyarət edilməli olan Dubay Safari Parkı həm də çoxlu sayda ekzotik heyvanlarla yaxından tanış olmağa imkan verən bir çox interaktiv proqramlara malikdir.Park müxtəlif zonalara bölünür, hər zonada öz bölgələrində yaşayan heyvanlar var.Burada Afrikanın savannalarında, Asiyanın tropik meşələrində yaşayan heyvanları görmək mümkündür. Marallar, şirlər, fillərayılar, pələnglər, çitalar, şimpanzelər, zürafələr, kaftarlar, qorillalar və bir çox başqa heyvanları görəcəksiniz, həm də onların yaşayış yerləri və ekosistemləri haqqında daha çox məlumat əldə edəcəksiniz.14. Səhrada safari turlarıDubay səhrasında safaridən həzz alın,4x4 Land Cruiser-də qumların arasında adrenalini hiss edin, Sandboarding edərək qum təpələrindən aşağı sürüşün, Əl Xayma səhra düşərgəsini ziyarət edin.Dəvəyə minin və bədəvi mədəniyyətinin nə olduğunu öyrənin. Otelinizden 4x4 Land Cruiser ilə alındıqdan sonra yerli bələdçinizlə Dubaydan cəmi 45 dəqiqəlik məsafədə səhraya yola düşəcəksiniz.Ləhbab səhrasına çatdıqdan sonra dincəlmək üçün təxminən 20 dəqiqə vaxtınız olacaq. Avtomobiliniz hazır olduqdan sonra siz səhrada təxminən 30-45 dəqiqə adrenalin yaşayacaqsınız.Növbəti dayanacaq sizi ənənəvi ərəb qəhvəsi, şirniyyat və xurma ilə qarşılanacağınız Əl Xayma düşərgəsidir.Sonra dəvə fermasına gedəcəksiniz. Qısa bir dəvə gəzintisindən zövq aldıqdan sonra sizi Dubaydakı otelinizə geri qaytaracaqlar.Hamilə qadınlar, 3 yaşa qədər uşaqlar, ürək problemi olan insanlar, əlil arabası istifadəçiləri tura qoşula bilməz.Özünüzlə rahat ayaqqabı,günəş eynəyi, günəş kremi və baş örtüsü aparmağı unutmayın.Azərbaycan Turizm Blogerləri Assosiasiyası #uçmaqüçündoğulanlar #travelblogger #visitabudhabi #dubailife #dubaiexpo2020 #dubaimall #dubaibeauty #dubaishopping #burjkhalifa #burjalarab #jumeirah #deira #emiratesƏgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Elşən İsmayılov

803 dəfə oxunub

Çilov adasına necə getmək olar?

Çilov adasına necə getmək olar? Adaya spirtli içki gətirmək, almaq, satmaq, içmək qadağandır. Qadınların və kişilərin avtobusu ayrıdır. Söhbət Əfqanistan Əmirliyindən yox, Çilov adasından gedir Adada üç polis, iki icra nümayəndəsi və bir lotu var. Adaya səyahət etmək üçün orada qeydiyyatda olan sakin sizə icra nümayəndəsindən alınmış dəvət məktubu göndərməlidir. Məktubda sizin səyahət tarixləriniz, passport məlumatlarınız, qalacağınız yer göstərilməlidir. Təxminən şengen vizası kimi. Yerli sakini necə tapaq? Hər gün səhər tezdən saat 07.30-09.00 arasında Zığ limanına gələrək orada ada sakinlərindən biri ilə tanış olaraq dəvət məktubu göndərməsini xahiş etmək olar. İcazəni həll etdikdən sonra gəmi, yoxsa helikopterlə gedəcəyinizə qərar verməlisiniz. Hər ikisi pulsuzdur. Helikopterlə getmək üçün SOCAR-ın baş ofisindən tanış taparaq tapşırıqla məsələni həll etmək olar. Aznefti ağlınızdan keçirməyin, onların sözü keçmir. Koroğlu metrostansiyası ətrafında Bakı kəndlərinə gedən taksi sürücülərindən Artyoma (Pirallahı) gedənləri tapın və “Vertolyotnu”-da düşəcəyinizi deyin. Qiymət adambaşı 3 manatdır, hər beş-on dəqiqədən bir taksilər hərəkət edir. Vertolyotla səyahət 8-12 dəqiqə çəkir. Gəmi ilə getmək istəyirsinizsə Zığ limanına getməlisiniz. Buradan Zəfər və Üfüq gəmiləri 4-5 saata, digər sovet dövründən qalan gəmilər isə 6-7 saata gedir. Gəmi ilə səyahət heç də asan deyil. Fiziki olaraq hazır deyilsinizsə gəmini yaddan çıxarın. SOCAR-ın yeni saqqallı komandası gəmiləri yeniləsə yaxşı olardı. Hər iki halda adada sizi ilk olaraq Socar Təhlükəsizlik idarəsi-nin əməkdaşları qarşılayacaq, sonra içəri keçəcəksiniz. Özünüzlə notebook və spirtli içki aparmayın, notebook-un oğurluq olmadığını sübut etmək məcburiyyətində qalacaqsınız. Spirtli içki isə olmaz Əvvəllər rusların daha çox yaşadığı adada hazırda əksəriyyət Masallı, qismən Qazax və digər rayonlardan miqrasiya edib buraya yerləşənlərdir, ruslar isə yenə də var. Xüsusilə şiələr üstünlük təşkil edir, az sayda sünnülər, gizli sələfilər, gizli nurçular, provoslav xristianlar, və ateistlər də var. Adanın maraqlı yerləri:1. Taxta evlər. Adanın özünəməxsus taxta evləri əslində buranı Santorini, Amalfi edəcək qədər gözəl ola bilərdi, ancaq baxımsızlıqdan çoxu dağılıb gedir.2. Mayak. XIX əsrdə tikilib, adanın hər yerindən görünür.3. Urnos. Burda insan yaşamır, qayalıqdır, ağac da yoxdur, gözəl çimərliyi var. Bəzən bura flaminqo sürüləri gəlir.4. Köhnə qəsəbə. İlk sakinlər burada, yəni adanın şimal hissəsində məskunlaşıblar. Bura üç hissədən ibarətdir. Milyonerlər məhəlləsi, aşağı-sahil hissəsi və Akifə xalanın dükanı olan hissə.5. Yeni qəsəbə. Neft tapıldıqdan sonra yeni yaradılan və müasir qəsəbə. Məktəb, bağça və xəstəxanalar, stadion, yeməkxana, Çay evi, yataqxanalar, FHN, İcra nümayəndəliyi, polis bölməsi, gəmi limanı buradadır.6. Çimərliklər. Adanın neftdən sonra ən böyük sərvəti təmiz çimərlikləridir. Tər-təmizdir, mənim kimi üzməyi sevən adamlar üçün buranın qiyməti yoxdur.7. Rus qəbiristanlığı. Maraqlı köhnə qəbir daşları və xaçlar var, əslində tarixdir, qorunmalıdır.8. Park. Mövcud şəraiti nəzərə alsaq çox gözəl parkdır, ümumiyyətlə adanın yaşıllaşmasında əməyi keçənlərə zəhmətkeş MKT (JEK) əməkdaşlarına böyük təşəkkür düşür.9. Stadion. SOCAR-ın ada əhalisinə etdiyi ən böyük yaxşılıqlardan biri bu stadiondur. Gənclər axşamlar burada futbol və voleybol oynayırlar, bəzən maraqlı yarışlar da keçirilir.10. Göz yaşları restoranı. Adada bir turistin yemək yeyə biləcəyi yeganə yer “Göz yaşları” restoranıdır.Burada toyuq ətindən hazırlanmış dolma, küftə, şordan hazırlanmış ayran, ətsiz kotlet, sümüklü piti və digər qeyri adi dadları test etmək olar. Spirtli içki isə qadağandır. Ad günü keçirənlər, dostlarla yeyib-içmək istəyənlər əziyyət çəkirlər, məclislərini gecə keçirirlər, spirtli içkini isə gizli satıldığına görə dükanlardan iki-üç qat baha qiymətə alırlar.Əvvəllər “Muxtar kafe” var idi, həm yemək, həm də spirtli içki verilirdi, indi isə rəqabət yoxdur. Restoranın adını burada yemək yeyən fəhlələr qoyub. Bura əslində Xəzər İaşə adlı aşağı səviyyəli (yeyinti, pul silmək üçün yaradılıb) bir qurumun nəzdindədir. Adamları olduğuna görə SOCAR onları qova bilmir. Yeni saqqallı komanda isə dəyişmək üçün hazırlaşır. Adada sifarişlə çox dadlı kütüm, berj, vobla, kefal, sületka, zalom və imkanınız varsa nərə balığı da yeyə bilərsiniz.11. Məscid. Keçən əsrdə tikilmiş Şiə məscidi. Hazırda da əzan oxunur, namaz qılınır, ehsan verilir.12. Hərbi hissə. Burada qulluq edənlərin böyük əksəriyyəti tapşırıq, ya da müəyyən məbləğ pul ödəməklə vətənə olan borclarını ödəyirlər. Hərbi dildə desək kef edirlər.Adanın hər tərəfində yaşıllıqlar salınır və yüksək səviyyədə qulluq olunur. Quraqlığa davamlı olduğu üçün adanın küçələri iydə və yasəmən, zeytun, əncir ağaclarıyla doludur və hər tərəfdən gözəl iydə və yasəmən qoxusu gəlir. Son onillikdə ümumilikdə 100 mindən çox zeytun, küknar, eldar şamı, əncir və digər həmşəyaşıl ağaclar əkilmişdir, bu da adanı gözəlləşdirir və daha maraqlı edir. Çilov sakit yerdir. Ancaq avtobuslar, idarə maşınları və bir neçə şəxsi avtomobil var. Adada üç polis, iki icra nümayəndəsi və bir lotu var, yol polisi, radar yoxdur.Adada gəzərkən adamın ruhu dincəlir. Sakit, təmiz, baxımlı küçələri, yaşıllıq, köhnə evlər, dənizin, qağayıların səsi və s.Adada əsas maraqlı əyləncələr: - Balıq tutmaq. - Kiçik balıqçı gəmilərində adanın ətrafını dövr etmək. - Qaşqaldaq və çöl ördəyi ovlamaq. - Futbol, voleybol, stolüstü tennis oynamaq. - Tər-təmiz çimərliklərdə istirahət etmək. Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Elşən İsmayılov

1076 dəfə oxunub

Norveç bələdçisi - Lofoten adaları

Norveçin kart viziti hesab olunan, ən az bir dəfə də olsun internetdə şəkillərinə rast gəldiyiniz, dünyanın ən şimal nöqtələrindən birində yerləşən, yay aylarında günəşi batmayan, qış aylarında günəşi çıxmayan, soyuq havası və amma havasının tam tərsi insanları olan, möhtəşəm təbiətə sahib Lofoten adalarına xoş gəldiniz. Lofoten adaları müxtəlif adalardan, adaların da tərkibində müxtəlif balıqçı qəsəbələrindən ibarət uzunluğu Azərbaycanın uzunluğundan biraz qısa olan bir yerdir...Ən məhşur qəsəbələri Svolvaer, Reine, A, Henningsvær, Sorvagen, Moskenes və sairədir. İnternetdə tez-tez gördüyünüz dənizin içərisində qırmızı evlər Lofotenin bir çox qəsəbələrində mövcuddur amma ən məhşurları məhz Reine qəsəbəsində yerləşir.Təbii ki, Lofoten adalarının tək özəlliyi qırmızı, şirin evləri deyil...Buradakı təbiət həqiqətən də çox gözəldir.Amma qışı keçdim, elə yayda da  soyuq olur.Hər tərəfi göl, hər tərəfi dəniz, hər tərəfi şəlalə, hər tərəfi dağ olan adalar qrupu düşünün...Necə getmək olar?Başqa ölkələrdən birbaşa reys yoxdur. Mütləqdir ki, "çerez" Oslo gedəsiniz. Öncəliklə Oslodan gedirsiniz Evenes-Narvik hava limanına. Bura Lofoten adalarının şimal-şərqində yerləşir. Buradan gün ərzində 2 dəfə Lofotenin paytaxtı sayılan Svolvaerə marşrut (300 nömrə) fəaliyyət göstərir. Saat 11-də və 16:00-da. Lofoten adalarında ictimai nəqliyyat nə qədər çətin görünsə də çox sadədir əslində. Gün ərzində cəmi 2 reys fəaliyyət göstərir. Bu avtobusların getdiyi ən son nöqtə Å qəsəbəsidir. Narvikdən Å qəsəbəsinə qədər getmək üçünsə 3 avtobus dəyişdirmək lazımdır. Qarışıq görünə bilər amma əslində çox sadədir. Beləki, hava limanından birbaşa getmək istəyirsiniz Å qəsəbəsinə. Bunun üçün sizin avtobus öncə gəlir Svolvaerə, Svolvaerdə başqa bir avtobus gözləyir ki, hava limanından gələn avtobus gəlsin və Leknes istiqamətində gedən sərnişinlər bu avtobusa minsin. Yenə Leknesdə də başqa avtobus (eyni nömrə, eyni marşrut) gözləyir ki, Leknes avtobusu gəlsin və Å istiqamətində gedən sərnişinlər bu avtobusla yollarına davam etsinlər (çox çətin bir tənlik kimi görünsə də bir dəfə öyrəşəndə çox rahat gəlməyə başlayır)Lofoten adalarında işiniz bitdikdən sonra isə gəmi ilə Moskenes limanından (Lofoten adalarının uc hissəsində yerləşir) gəmi ilə Bodoya keçə bilərsiniz.Bodø Norveçin şimal paytaxtı hesab olunduğundan burada nəqliyyat məsələləri daha çox rahatlaşır.Buradan qatarla Trondheimə, daha sonra yenə qatarla Osloya qayıda bilərsiniz. Və ya Bodødan birbaşa Osloya təyyarə ilə gedə bilərsiniz. Hotel məsələləri biraz qəlizdir. Norveçin baha olduğunu yəqin ki, bilirsiniz. Lofotendə isə hotel qiymətləri daha da bahalaşır. Adi hostellər belə 100 manatdan başlayır. Tapdığınız hotellər isə bəzən çox tərs istiqamətlərdə qala bilirlər. Yəni gedəcəyiniz yerlərə bir xeyli uzaq məsafədə yerləşirlər. Bu da onsuz da ictimai nəqliyyatın gündə 2 reys fəaliyyət göstərdiyi bir yerdə ciddi problemə çevrilir. Marşrutlar bəzən sizin olduğunuz qəsəbəyə gələnə qədər dolmuş olur və belə olan halda siz növbəti reysi gözləmək məcburiyyətində qalacaqsınız. Buna görə də marşrutlara inzibati mərkəzlərdən minməkdə fayda var (məsələn: Svolvaer, Leknes)Tövsiyyəm: əgər yay aylarında səyahət etmək istəyirsinizsə, çadırla səyahət edin. Müxtəlif kamp əraziləri mövcuddur və həm bu kamplarda qala bilərsiniz, həm də istəsəniz təklikdə başqa ərazilərdə çadırınızı qurub tam təhlükəsiz şəkildə gecəni keçirə bilərsiniz. Lofoten adalarının ən uc hissəsinə qədər gəzə gəzə gəlib daha sonra isə Moskenesdən gəmi ilə Bodoya keçin. Bododan isə ya qatarla, ya da təyyarə ilə (vaxtınızdan asılı olaraq) Oslo istiqamətinə hərəkət edin. Oslodan sonra isə özünüz bilən məsləhətdir.Daha ətraflı məlumatlar və videolar instagram səhifəmdə var. İstəyənlər oradan da baxa bilər: https://www.instagram.com/sadi.goo/

448 dəfə oxunub

Yeni başlayanlar üçün gəzəyən məsləhəti

Hərkəsə salam, Səyahətə yeni başlayanlar və zövqlə gəzərək xatirələr yaradacaq səyahətlərə üstünlük verənlər üçün #tövsiyyəVacib bir məsələyə toxunmaq istəyirəm.Lakin bu adamına görə dəyişir. Mən özümə borc bilirəm ki, bir səyahətpərəst və ya gəzib - kəşf etmək aşiqi olan biri kimi bəzi vacib nüansları səyahətə yeni başlayanların və ya səyahətdən zövq almağı həqiqətən istəyən insanlarla paylaşım.- Baxın, əvvəla səfirlik, viza və s. bürokratik məsələlərdən çəkinməyin. Sizin şəxsi həyatınıza qarışacaq və ya sizi imtahandan kəsəcək bir qurum və ya orqan deyil, heç kim sizə hər hansı bir mənfi obraz tətbiq etmir. Sənədləriniz qaydasında olacaq və maddi vəziyyətiniz imkan verəcək, ona uyğunda nəticə olacaq. Bu barədə daha geniş yazı yazmışam 2 il əvcəl (pin olunub). Yəni kimlərinsə sizin gözünüzdə viza prosedurunu şişirtməyə yol verməyin!- Əgər həqiqətən gəzmək istəyirsizsə, "1001 gecə 1000 ölkə" anlayışından uzaqlaşın. Həqiqətən gəzib, zövq almaq istəyirsizsə, əvvəla götür-qoy edin ki, sizin gedəcəyiniz yerdən gözləntiləriniz nələrdir. Əgər ilk dəfə üçün gedirsizsə belə, yenə də araşdırıb özünüzü tapmalısız orada. İnternet üzərindən araşıdırın baxın nələr var, nəyə gedirəm mən bu ölkəyə, mənə nələr bəxş edəcək. Yalandan ad olsun deyə gəzənlər gözümün düşmənidir.- Çalışın bir ölkəni əhatə edəcək bir plan qurun, demirəm şimaldan cənuba fəth edin, lakin ən azından həmin ölkənin minimum 2-3 şəhərinə baş çəkin ki, vizyonunuz genişlənsin, fərq yaransın ki, o ölkəni bir şəhərinə qiymətləndirməyəsiz. Ən azından bir şəlalə, göl və ya təbiətcil yerlərinə baş çəkin. Paytaxt gəzməklə ölkəni səciyyələndirə bilməzsiniz. Bunu unutmayın. Paytaxtdan daha gözəl, mədəni və elit şəhərlər var. Muzey sevməyə bilərsiz amma incəsənət fenomenləri bir cəmiyyəti təmsil edir. Teatr və konsert də çox önəmlidir, bunlar hamısı simvolizə edir olduğunuz yeri.- Çalışın hansısa bir şəhərdə piyada çox gəzin. Onda şəhərin ruhunu mənimsəyirsiz, mərkəzdə, insanların izdiham olduğu yerdə təxminən 1 saat oturub, insanları seyr edin, bu sizə olduğunuz mühitlə olan çox fərqi göstərmiş olacaq. Hər fərqli təcrübə sizə yenilik qazandıracaq, üfüqüzünü genişləndirəcək.- Çalışın plan qurarkən, ya yaxın ölkələri (qonşu) seçin, ki, gediş - gəliş rahat olsun, gününüz yolda keçməsin, maksimum zövq ala biləsiz. Keçən dəfə mənə sual ünvanlanıb, adam ilk dəfə ölkə xaricinə çıxacaq və bunu hansısa tur agentlik hazırlayıb. Həqiqətən təcrübə çox önəmlidir. 1-2 ölkəni 2 gündə gəzməklə konsultant olunmur. Deməli reysə fikir verin. Budapest - Barcelona - Paris - Milan - Praqa - Budapest. Bu nə reysdir ? Özüdə hərəsində 2 gün. Paris kimi dəbdəbəli incəsənət şəhərinə 2 gün ? Biyabırçılıqdır vallah. Düzdü muzey gəzmək zövq məsələsidir amma Paris üçün yenə azdır. Hələ Barcelonanı demirəm. Özünüz başa düşdünüz.Sözümün canı odur ki, rasional düşünün səyahət barədə, kimlərinsə deyil, öz istəklərinizə əsasən zövqlərinizi yaşayın.Qısa bir yaşanılmışlıq:Finlandiyanın paytaxtı Helsinki şəhərində mərkəzdən biraz aralıda bir hosteldə qalırdım. Deməli, hardasa 60 yaşlarinda 2 nəfər kişi idi. Hər səhər duranda onları ümumi zalda görürdüm, günorta gəlirdim orda idilər, axşam gəlirdim orda idilər. Bir neçə gün belə davam elədilər. Qəribə gəldi ki, hostelin bəlkə sahibidirlər. Yaxınlaşıb soruşanda belə cavab verdilər:- Biz Helsinkidən kənarda qalırıq, sosial həyatımız çox zəifdir. Hostelə gəlib müxtəlif insanlar görürük, onlarla söhbət edirik və beləcə dinamik hiss edirik özümüzü. Yəni ki, çalışın arada tək səyahət edin və başqa millətlərlə sosiallaşın, onların düşüncələrinə diqqət yetirin, bəlkə biz hardasa səhv edirik və bu bizə kömək ola bilər. Tək səyahət tamam fərqli zövqdür, MÜTLƏQ dadın.Foto: Ankara Esenboğa hava limanı Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Royal Aliyev

576 dəfə oxunub

Rəngarəng Şri-Lanka bələdçisi

Kolombodakı bütün otel, apartament və hostelləri bu linkdən book (bron) edə bilərsiz.Şri-Lankayla bağlı çox suallar gəldiyi üçün post paylaşmaq qərarına gəldim.Qeyd edim ki, turla getməmişdim. Vizaya özüm müraciət etdim, 52$ ödədim və təsdiq həmin günü gəldi.Təsdiqin gəldiyi maildə arrival card üçün keçid olur və onu etmək və həmin arrival card-ı Şri-Lankaya endikdə immiqrasiyaya göstərmək lazımdır. Əvvəldən online etməsəniz,  hava limanında edə bilərsiniz və vaxt itirəcəksiniz.Maldivdən Şri-Lankaya getmək çox rahatdır, təxminən bir saat çəkdi, müxtəlif hava yollarından münasib qiymətə biletlər tapa bilərsiniz. Mən Emirates seçdim. İlk günü Kolomboda qalıb istirahət etdim.İş yoldaşım məni qarşıladı və Kolombonu biraz gəzdim, Sözün düzü Kolombodakı insanlarda nəsə qəribəlik var idi və o şəhəri tək gəzə bilməzdim. Uzun müddət adada yaşadığıma görə sahil deyil dağlıq şəhərlərdə qalmağa üstünlük verdim.2-ci gün Dəmiryol stansiyasına getdim. Qeyd edim ki, 3 klass var. I  klass biletini ay yarım əvvəldən almağa çalışdım, amma biletlər satılmışdı. II klass bileti isə dəmiryol stansiyasından ala bilərsiniz, Qatar rahatdı, qiyməti səhv etmirəmsə 300 Şri-Lanka rupisi idi.Əgər Nine arch korpusunden keçəcəksinizsə səhər 5:30 qatarıyla çıxmalısınız ki, havanın açıq olduğu vaxtda körpüyə çatasınız. Mən Ellaya qədər gedəcəyim üçün mənimçün fərq etmirdi və səhər 9:45 qatarı ilə çıxdım. Qatar cəngəlliklərlə, tunellərlə hərəkət edirdi və darıxmaq mümkün deyildi. Bəzən mağara kimi tunellərdən keçirdi. Divarlardan kiçik şəlalələr axırdı. Və belə axşam 8də Ellaya çatdım.Sürücüyə qatarla gələcəyimi və məni Ellada gözlməsini demişdim. Məni orada qarşıladı, gəzintiyə növbəti gündən başladıq.İlk Nine arch korpusu, sonra isə zip line-a getdim,Yelləncək 5$ ,zip line təxminən 30$ idi ,10$ da gopro ilə çəkiliş əgər istəsəniz. Həmin yerdə yaxşı restoranlar, day pass alıb gedə biləcəyiniz hovuz,həm də başqa əyləncə növləri var, amma hündürlükdən qorxan biri kimi mənə Zipline kifayət etmişdi .Elladan Nuwara Eliyaya getdik. Yolda məbədlərdə saxladıq. Qeyd edim ki, məbədlərə güdəcəksinizsə uzun geyinməyiniz məsləhətdi. Yoxsa məbədlərə giriş qadağandır:Nuwara eliya havası digər bütün şəhərlərdən fərqlidi.Nuwarada ilk öncə qədim poçt məntəqəsinə, ordan da çay plantasiyalarına getdim. Çay plantasiyalarında gözəl qarşılayır,  məlumat verilir. Çay yığa, fabriki gəzə bilərsiniz. Sonda isə sizi çaya qonaq edəcəklər. Əgər başqa çaylar dadmaq istəsəniz ödənişlidir və çox ucuzdur. Çay plantasiyasının özündə çay dükanı var və qiymətlər münasibdir, Ordan aldığım çaylar hamısı bəyənildi. Getdiyim çay fabrikinin adı Blue Field Tea Factory.Nuwara şəlalərinə getsəniz şəlaləni tam görmək üçün pilləkənlərlə sona kimi getmək lazımdır.Kandy Ambuluwawa qülləsinə çıxıb şəhəri yuxarıdan izləyə bilərsiniz. Ora çıxıb-düşənə kimi bildiyim bütün duaları oxudum.Kandydə Oak Ray Regency otelində yerləşən ipək dükanına gedib təmiz ipəkdən geyimlər ala bilərsiniz. Parçaların ipəkdən əl ilə necə hazırlanmasına baxa, milli paltarlar geyinib şəkil çəkdirmək olur və ipəkdən nə istəsəniz ala bilərsiniz . Digər mərtəbəsində çox böyük hədiyyə dükanı yerləşir ki, oradan da Şri-lankaya aid nə istəsəniz tapa bilərsiniz.Pinnawala Pinnawalaya Sirf filləri görmeə üçün getdim. Filləri çaya gəldikdə görmək mümkün idi. Sürücü çöl fillərinin bir az təhlükəli ola biləcəyini dedi və biz Millennium Elephant Foundationa getdik. Burada sizə bələdçi verilir. Fili yemləyə bilərsiniz (yoldan meyvələr almışdıq),fili sürə, çayda çimdirə hətta fil də sizi çimdirə bilər. Bunlar hamısı 20$.Və son günü uçuşdan əvvəl Kolombo turu etdik .Qaldığım otellər Rockwell Colombo Ravana range EllaKandy CabanaQueens ridge Kandy Otel seçimində harada yerləşdiyinə baxmadım. Çünki sürücü hər yeri tanıyırdı.Ən sevdiyim restoranlar: Ella Chili restaranı Kandy oak ray regency otelinin restoranı.Yazım biraz uzun ola bilər, amma qısa desəm Şri-Lankaya getməyə dəyər. Mən vaxtım az olduğu üçün qısa müddətlik egtmişdim. Əslində ən az 10 gün qalmaq istəyərdim və bir də getsəm yenə də sürücüsüz gezməzdim.Şri-Lankaya gedib yemək tapa bilməyənləri də anlamadım .Yeməkləri çox dadlı və hər yerdə demək olar ki, beynəlxalq metbəx var. Və ən əsası meymunlara çox yaxın durmayın, balkonlariın qapısını da açıq qoymayın.  Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Fidan Mamedova

551 dəfə oxunub

Monteneqro bələdçisi

Salam dostlar! Qrupumuzda indiyə kimi Monteneqro ilə bağlı çox paylaşımlar olub. Mən də oradan yeni gəlmiş "gəzəyən" kimi sizinlə təəsssüratlarımı bölüşmək istəyirəm. Düşünürəm ki, yazadıqlarım növbəti aylarda və ya illərdə getmək istəyənlərə faydalı ola bilər. Öz dillərində Crna Gora, türklərdə Karadağ, ruslarda Çernoqoriya, Avropada isə Montenegro adlandırılan ölkənin 50 faizə yaxın ərazisi meşə, qalan hissəsi isə kserofit kol və ağaclarla örtülüdür. Dağ və dənizin kəsişməsində olan yolları olduqca rahatdır və 90 faiz hissəsində sürət həddi 50-60 dır))) qaydalara çox riayət olunur. Bazar və bayram günləri nəinki marketlər, heç kiosklar da işləmir..Səfərimizdən çox razı qaldım və Monteneqronu çox sevdim. Mən bu ölkəyə səyahəti iki hissəyə bölərdim.1. Passiv istirahəti sevənlər (dəniz-restoran-hotel) üçün iyul-avqust ayları (bəzi günlər hava çox isti idi, 35-37 dərəcə olsa da, rütubətə görə 42-43 dərəcə kimi hiss olunurdu).2. Aktiv istirahəti sevənlər üçün (ölkənin 4 tərəfini də gəzmək şərti ilə) may-iyun və sentyabr ayları.Ərazisi Azərbaycandan təxminən 5 dəfə, əhalisi isə 15 dəfə kiçik bir ölkə. Əvvəlki postlarda bəzi dostlarımız Monteneqroluları qaş-qabaqlı və zəif xidmət göstərən kimi təsvir etmişdilər. Lakin mən bu fikirlərlə razı deyiləm. 6 şəhərində və bir neçə bölgəsində olduq. Türk olduğumuzu həmən anlayırdılar (kəlimələrin əksəriyyətini anlayırlar) və gülərüzlə danışırdılar. Xidmətləri normal, qiymətləri deyərdim ki, baha deyildi, bizimlə hardasa eyni qiymətə olan yeməklərinin porsiyası, bizdən az qala iki dəfə böyük idi. Təbii ki, çimərliklərdəki restoran və kafe qiymətləri nisbətən bahadır (bizim bəzi məşhur hovuz koplekslərindən yenə də ucuzdur).Əsas məsləhət görəcəyim nüans "Rent a car"dır. Aktiv gəzməyi sevənlərə maşın kirayə götürməyi şiddətlə tövsiyyə edirəm. Kiçik avtomobillər 40-50 avro, 7 yerlik avtomobillər 80-85 avro idi. Təbii ki, bu qiymətlər avtomat qutusu və ili yeni olanlara aiddir. Gəzdiyimiz şəhərlər:1. Kotor (tarixi qalası olan və kruiz gəmilərin yan aldığı körfəz şəhəri),2. Perast (Kotora yaxın kiçik, lakin məşhur adaları olan maraqli şəhər)3. Tivat (kiçik və çimərlikləri zəif şəhər),4. Budva (Monteneqronun turistik mərkəzi, səsli-küylü, əhali sıxlığı çox olan şəhər),5. Prjno (Budvaya birləşik qəsəbə, Svetoy Stefani adasının və məşhur çimərliklərin, xüsusilə də Korelevskiy çimərliyinin olduğu bölgə. Ən baha çimərliklər burada yerləşir),6. Petrovats (tarixi binaları, qala divarları, təmiz sahili, bulvarı və çimərliyi olan şəhər),7. Bar (Osmanlı dövründən qalma qala divarlarının, qədim şəhərin və məscidlərin olduğu liman şəhəri. Türklərin dəsti xəttini burada daha çox hiss edə bilərsiniz. Türk kafeləri, küçələrin quruluşu və hədiyyəlik əşyaların belə çoxu adama Türkiyəni xatırladır).Getdiyimiz turlar:1. Raftinq turu- Monteneqronun ən uzun və ən bolsulu çayı olan Tarada (144 km), Bosniya Hersoqovina sərhəddindən başlayan 20 km.lik tur. Biz həzz aldıq bu turdan. Öncəki illərdə Antalya Manavqatda və Rizə Ayderdə raftiq turunda olmuşam. Məncə ən gözəli bu dəfəki idi (qiyməti 70 avro-bura 2 dəfə yemək, kondisionerli avtobusda yolculuq da daxildir).2. Fish turu- bizi əvvəl oteldən götürdülər, Budvada gəmiyə mindirib bir neçə sahili gəzdirdilər. Sonra ayrıca, bizdən başqa heç kimin olmadığı çimərliyə gətirdilər. Çətir və "lejankalar", içki və salat-meyvə-spagetti-balıqdan ibarət menyu da bu tura daxil idi (55 avro).Kartla ödəmədə problem yaşamadıq. Qaldığımız oteli də tövsiyyə edə bilərəm (HEC residence-Prjno). Saytda 4 ulduz kimi qalsa da, hovuzu fəaliyyət göstərmədiyinə görə 3 ulduzdur. Lakin təmizliyinə, xidmətinə, göstərilən münasibətə və səhər yeməyinə söz ola bilməzdi. Hər birinizə xoş istirahət və gözəl səyahətlər arzu edirəm!!!Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Afaq Haciyeva

597 dəfə oxunub

Tiflis bələdçisi

Tiflisdəki bütün otel, apartament və hostelləri bu linkdən book (bron) edə bilərsiz. Tiflisdən bütün gəzəyənlərə salamlar.Ən sonuncu xarici ölkə səyahətimi 6 yaşımda Rusiyaya etmişdim. Getmək istədiyim yerlərdən biri də Gürcüstan idi.Bileti (Bakı-Tiflis-Tarbzon-Bakı)425 AZN başa gəldi. Baqaj 0 götürmüşdüm, bel çantamla buraxmadılar. Orada Baqaj almalı oldum.Tiflisdə ilk getdiyim yer Fabrika hostel oldu, bir gün qabaq bron etmişdim(12 nəfərlik otaq).33 lari+bir gecə. Mən Fabrika hostelini çox bəyəndim,əla idi hər şey, gigiyenik idi.Bircə qəribə tərəfi tualtdə su olmaması idi yuyunmaq üçün. Əl yumaq üçün bayırda idi. Qısası bütün hosteli barjomi butulkamla gəzmişəm. Çıxanda qoydum tualetə ki, birdən ehtiyacı olar müsəlman bacı-qardaşlarımızın:DHostelə yerləşdikdən sonra şəhəri gəzintiyə çıxdım, nəqliyyata ehtiyac yoxdur çünki şəhərdə görməli yerlər yaxındır. Funkliyora mindim(gediş+gəliş)20 lari. Funkliyorla çıxdıqdan sonra orada dağüstü park var, maraqlı atraksionlar var, amma uşaqlara daha maraqlı olar deyə düşünürəm.Sizə Kür çayının üzərindəki qayıq turundan danışım. Tiflisə sırf onun üçün belə getməyə dəyər. 30dəqiqədə (30 lari) körpünün hər iki tərəfini turladıq, şəlalə var idi qayalıqların arasından axan ora qədər də gedib çıxdıq. İndi başa düşdüm ki, Kürün ən gözəl hissəsi Gürcüstana düşüb, ya da yaxşı ticarətə çeviriblər bunu.Oradan piyada Trinity Cathedrala gəldim, möhtəşəm idi, əzəmətli idi.Girişdə geyim var, götürüb geyinirsən.Görməli yerlərdən biri də The Clock Tower idi. Maraqlı arxitekturası var, şəhərin mərkəzindədir.Mən kilsə gəzməyi çox sevdiyim üçün, Tiflisdəki bütün kilsələrə getdim.Körpünün üzərində bizdəki(bit bazarı)kimi bir yer var idi, hərçənd ingilis dilində soruşanda daha da baha deyirlər, yenə getməyə dəyər. Antik əşyalar, əl işi aksesuarlar,rəssamların sənət əsərləri sərgilənir (həmçinin parkdır). Oradan Gustav Klimtin əsəri olan boyunbağı aldım(10 lari).Qidalanma-restoran qiymətləri bakıdan çox az fərqlənir. Ətraflı map hesabımdan girib baxa bilərsiniz.Google Xəritədəki postuma baxınSəviyyə 5 Yerli Bələdçihttps://maps.app.goo.gl/zWm9yJq3g68rGa8R9Tiflisdə gəzərkən Cəlil Məmmədquluzadənin evini də gördük. Funkliyora gedən yolda içəri binalarda idi.Tiflisdə ən bəyəndiyim şeylərdən biri də şəhərin qraffitiləri idi. Divarların rəngarəngliyi göz oxşayırdı. Özümü daha azad ölkədə hiss edirdim.Taxi xidməti-iki dəfə mindim, qiymətlər münasibdir.Düşəndə taxi arxamca çağırıb qəpiyi verəndə şok oldum ki,bakıda heç təklif belə etmirlər.((Bircə Tiflisdə ürəyimdə qalan şey o oldu ki, techno klubu gedə bilmədim. Çünki hamısı sezona çıxmışdı.Burada iki gün qaldım, indi isə yolum Batumi şəhərinədir. Sən demə hər yerin 20 yanvar metrosu kimi yeri var. Avtobusla ucuz başa gələr deyə düşünürdüm ki, elə anında bir gürcü dayı Batumiiiii qışqırıb, vitasına doğru apardı(40 lari). İndi yoldayam beş saata çatacam. Qəşəng təbiət görüntüləri Batumi səfərimin detallarında görüşənə qədər, yoldaşlar. Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Ağgül Feyziyeva

547 dəfə oxunub

İngiltərə bələdçisi - London, Kembric, Oksford, Nyukasl, Liverpul

Londondakı bütün otel, apartament və hostelləri bu linkdən book (bron) edə bilərsiz. Nağıl kimi post yazmışam uçuşu gözlərkən. Bizim vaxtımızda belə postlar yox idi, oxuyun :) Sizə 6 günlük UK trip’dən danışmaq istəyirəm. London London yaşamaq üçün yox, səyahət üçün çox ideal yerdir. Qışda da, yazda da olmuşam amma ən çox yayda qəşəngdir məncə. Uşaqlığdan inglis dili kitabında gördüyümüz şəkilləri real görmək. Big Ben, Tower of London (giriş 35£), London Bridge, London Eye (giriş 33£) etc. Londonda inglis, yerli camaat görmək mümkünsüzdür turistik yerlərdə. Ancaq hindli, hindli, hindli sonra yene hindli. Yerli əhalinin çox olduğu yerlər mərkəzdən uzaqdır. Amma sakit və səliqəlidir. London görməli yerlərindəki insanlar, bizim Targovudakı Pizza İnn qabağı kimi vibe verir. Hər cür növ, tip insan var ))) Transport çox bahadır. 2.50£dan başlaır bus/metrolar və məsafəyə görə dəyişir. London metrosunu çözmək üçün xüsusi riyazi biliklərə sahib olmalısınız məncə )) 3-4 gün sonra biraz öyrəşir adam. Amma “Maps” appı ilə çooox rahatdır, nədən sonra nəyə min hamısını göstərir detallı. Restoranlar çox bahadır. Ümumiyyətlə “London’da nəfəs almaq da pulludur”sözü çox doğrudur. Normal Italian (UK mətbəxi zəif olduğu üçün ən çox Asia və İtalian restoranları var) restorana gedib, Pizza + su içmək 22£’dur. Mütləq ki daha ucuz option’lar var bu seçiminizə bağlıdır. Mağazalardan 6-7£ hazır nəsə 3-4£’a da içki ala bilərsiz. English breakfast’lar 12£’dan başlayır. 1 qədəh şərab isə 8-9£. Məhşur Prada cafe’yə getdik reserve istədilər. Tiffany cafe’yə getmək istədik, hər adama 68£ istədilər. Və orada ən çox ərəblər idi ilahi, bu milletin gözü niyə doymur görəsən. Bütün mağazalar ərəblərlə dolu idi. Çox qəribə, ağır havası var idi oraların, Lux geyimli insanlar və onların dünyası. Siz niye getmişdiniz desəniz, deməyin. Qalmağa gəldikdə, 5 gecə üçün 200£ ödədik 2 xanım Hostelle Female Hostel’ə. Xanımlara şiddətlə tövsiyyə edirəm. Maqnitlər 3-ü 12£ falan. Günlük xərci 50-60£ arası düşünün (minimum, hədiyyəsiz) Cambridge - omg omg omg Elə qəşəngdirkiiii, 1 günlük London’dan gedib gəldik. Return ticket 15£ idi. Detallara girmək istəmirəm amma çoooox çox qəşəng, mütləq görüməli yerdir. Oxford Return ticket 30£ Ən az Cambridge qədər möhtəşəm. Bu iki şəhər bütün kitab qoxurdu sanki. Ancaq tələbələr, əllərində kitablar, gözlərində gözlüklər. Çox qəribə enerjisi var idi bu şəhərlərin. Muzeylər falan qeyd etmirəm hərə öz zövgünə göre seçib gedə bilər. Harry qəhrəmanları üçün bu yerlər mütləq gedilməli yerlərdi. Çooxlu Harry shop’lar da var idi. Ümumilikdə Londondan azca ucuz şəhərlərdi. Çox yox. Newcastle Adi, sadə və sıradan UK şəhəri. Getməsəniz heçnə itirməzsiniz. Məndə bilet 12€ idi deyə getdim. İlk dəfə idi bu qədər yaşlı, içkili və evsiz görürdüm. Şəhərdə orta yaş və gənc yox səviyyəsində idi. Baxmayaraq ki, tələbə şəhəridir. Bir də biraz toy “sezon”u idi deyəsən Bütün küçələr bəy, gəlin idi. Dediyim kimi 12€’ya gedib, çay içib qayıtmaq olar. Liverpool Nə bilim. Tam 1 gün oldu gəzməyə amma şəhəri anlaya bilmədim. Yaxşıdır pisdir. Manchester’ olmuşam qışda və əmin şəkildə yaxşıdır deyə bilirəm amma Liverpool üçün yox. Bəlkə də 3-4 gün qalsaydım sevərdim. Təhlükəsizliyə gəldikdə isə London birazca təhlükəli ola bilər deyə düşünürəm normal olaraq. Amma mən UK’də 1 il ərzində saysız sayda gecələr gec saatlara kimi gəzmişəm, heç vaxt bir nəfər yaxınlaşıb nəsə etməyib. Hətta çox heyfislənirəmki bizim ölkəmizdə gecə 3’də şəhərdə xanım olsa mərkəzdə nələr olar. (Heç kim etiraz etməsin. 7 il saat 9dan sonra 20 Yanvardan Sumqayıta getmə macəralarımı danışaram) Hədsiz, çox hədsiz içirlər. Görürsən kostyumda bəylər, qəşəng geyimlərdə xanımlar içib, küçədə yatırlar (çox pis görüntü olur). Amma sizə dəyib dolaşmırlar. Çox qəribədirki bizdə toylarda çox içəndə dava salanlar olur, və elə bilirdim bura köçəndə də içib dalaşırlar burdakılar. Çox rahat, çox professional hamısı. İçirlər, küçələrdə yatırlar, lap gec saatlarına qalsaz arzuolunmaz mənzələr də görə bilərsiniz. Belə, düşünürəm hər şeyi detallı yazdım. Əlavə suallar olsa yazın. Xmas vaxtı da olmuşam Londonda və bütün bu yazdığım qiymətlər 2x. Əgər getmək fikriniz varsa, indidən evlərə baxın. Mən 2-3 gecə üçün ən bərbad hostelə 400£ ödədiyimi xatırlayıram. Və bir də yaxşı dostlar olsun əyləncəyə. Mən tək idim deyə çox enjoy etməmişdim. Elə buradan da yola çıxıb bir söz deyim. Hamımızın haralarısa gəzmək, yaşamaq xəyalı var. Bu çox yaxşıdır. Amma olduğumuz yerin yaxşılığı ən çox daxili xoşbəxtliyimizdən asılıdır UK’də unhappy Xmas keçirməkdənsə, sevdikləriniz ilə Azərbaycan daha yaxşıdır. PS. Bütün bu yazdıqlarım, MƏN’im düşüncələrimdir. Sizin təcrübə və düşüncələriniz fərqli ola bilər. İndidən yazımki, sonra “Yox Gülnar, 1 gon çox ozdo Lovorpolo” yazmasın bəzi dostlarım.) Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Gulnar Karimova

934 dəfə oxunub

Türkiyənin sehrli incisi - Güneydoğu (Cənub-şərqi Türkiyə)

Cənub-şərqi Türkiyədəki bütün otel, apartament və hostelləri bu linkdən book (bron) edə bilərsiz.2 il əvvəl arzularım siyahısına yazılan, daha sonra pandemiya ilə əlaqədar həyata keçməyən və birdən heç gözlənilmədən həyata keçən Güneydoğu səfərim özündə Hatay bölgəsini (Antakya-Altınözü (Keskincik kəndi), Samandağ)-Qaziantep (İslahiye kəndi ilə birgə)-Şanlıurfa-Mardin (Midyatla birgə) şəhərlərini birləşdirdi. Səfər zamanı rəssam yolyoldaşlarımın vaxt səbəbindən planlı yerlərin bəziləri qalsa da ilk dəfə üçün rahat nəfəs almaq olar və əslində natamam qalmaq yenidən yol almaq üçün əlavə stimul vermiş oldu.Səfərimizin məqsədi VI Orontes Uluslararası Çağdaş Sanat Festivalı idi və ora fotoqraf kimi qatılmışdım. 16-23 noyabr tamamı ilə Hatay bölgəsinə, 23-25 noyabr digər 3 şəhərə həsr edildi. Daha geniş vaxtım olsa Urfa və Mardində daha çox gün qalmış olardım. Beləliklə, ardıcıllıqla...Bakı-Hatay birbaşa uçuş olmadığından Bakı-İstanbul-Hatay və ya Bakı-Ankara-Hatay reysi var idi. Lakin hər 2 reys baha başa gəldiyindən Naxçıvan üzərindən getməyi təklif etdim və yolyoldaşlarım "sən hara, biz ora" deyib razılaşdılar və "əl-ələ verib" bu quru yolla keçidi həyata keçirmiş olduq. Bununla bağlı 2 gün əvvəl youtube link də paylaşmışdım detallı. Bir daha yerləşdirirəm https://www.youtube.com/watch?v=svWNO7wLAt4Bu şəkildə tək gediş gəliş (şəhərlər içi hərəkət istisna olmaqla) 189 manata başa gəldi. Bakı-Naxçıvan daxili reysində nə test, nə Covid passport tələb olunmur. Eləcə də quru sərhəddi hər iki tərəfdən keçdikdə bunların heç biri gərəkli olmadı. Quru sərhəddi tək bir yeni şəxsiyyət vəsiqəsi ilə də keçə bilərsiniz. Naxçıvandan İğdıra keçmək üçün Naxçıvan avtovoğzalında gediş haqq 8 manat gediş haqqı olan avtobuslar var və ya 20-30 manat civarında aparan taksilər var. Logistika işi tamam. Keçək əsas məsələyə. Uzun illər Güneydoğu PKK təhlükəsi baxımdan təhlükəli idi, bu gün isə Suriya ilə sərhəd olduğundan Suriya məsələsinə görə təhlükəli hesab edilə bilər. Lakin sonuncu təhlükə ümumiyyətlə hiss edilməyindən əvvəlki cümlədə "bilər" yazdım. Bu ərazi Türkiyənin mədəniyyətlər mərkəzidir - tarix, din, etnoqrafi, qastronomi baxımdan. 1. Hatay bölgəsi dünyanın əsas qastronomik mərkəzlərindən seçilmişdir. Burada 600-dən çox yemək növü var. Künəfənin Vətəni hesab edilən Hatay bölgəsi və ələlxüsus əsas şəhəri olan Antakya (çox qədimdə o məşhur Antioxiya) bu gün dünyanın ən böyük mozaik əsərlərin sərgiləndiyi muzeyə (Hatay arxeoloji muzey) ev sahibliyi edir. Bir şəhərdə hər 3 din nümayəndələri sülh şəraitində yaşayır. Antakya Asi çayı sahillərində yer almaqla sənətlər şəhəridir. Hatayda ziyarət edilməli yerlər:a) İlk xristian toplantı yeri sayılan, UNESCO irsi San Pyer anıt kabrıb)Hatay arxeoloji muzeyic) Museum otel - illər əvvəl otel tikintisi zamanı mozaiklər və qədim yunan-roma mədəniyyətinə aid forum, hamamlar aşkar edilmiş, dağıdılmamış və otel üzərində inşa edilmişdir. Möhtəşəmdir. d)Tarixi sinaqoqlar, katolik kilsələri və burası Anadolu olmasa da Anadoluda ilk camii kimi təqdim edilən və dini məramı dərin olan Habib-i Neccar camii. Hər biri şəhər mərkəzindədir və ziyarət edilməsi rahatdır. e) tarixi Affan məhəlləsi - dünyada ilk küçə lampaları burada quraşdırılmışdır və o vaxt bura Herod məhəlləsi adlanırdı. f)1938-1939-cu illərdə Hatay Cumhuriyyəti zamanı Milli məclisin toplandığı binag) Samandağı, Titus tuneli - tunelə günorta üçün gedib gün batışını Samandağında Aralıq dənizi üzərindən seyr edin. Ecazkar duyğudur. Mən dostlarımla əlavə olaraq Suriya ilə sərhəd Keskincik kəndinə də getdim. Çünki bir regionu daha yaxşı anlamaq üçün bir az kənara çıxıb yerlilərə daha yaxın olmaq lazımdır. Bölgənin ümumilikdə əsas əhalisi ərəb kökənli insanlardır. Vaxtınız izin verərsə İsgəndəruna da gedə bilərsiniz. Hatayın Aralıq dənizi sahilin boyunca yerləşmiş şəhəridir. Burada nə yeyək içək desəniz, nə istəsəniz. Bütün yeməklər çox ləzzətlidir. Mütləq künəfə dadın ki zatən künəfə burada addım başında olacaq, lakin hər yerin künəfəsinin öz dadı olacaq. 23 noyabr - GaziantepAntakyada çıxış edərək avtobusla Gaziantepə gedə bilərdik. Lakin UNESCO irsi olan Yesemek taş ocağını görmək istədiyimdən taksi ayarladık. O, bizi əvvəl İslahiyə kəndinə, oradan da Antepə də götürdü. Gözləmə ilə birgə taksiyə 650 lirə ödədik (500 lirə razılaşmışdıq) - 86,71 manat (adambaşı 28,90 manat). Lakin yolun kəndə girişlə uzaqlığını nəzərə alsaq, bu, çox əla qiymət oldu.Antepdə qalmadıq. Zeugma mozaik muzeyini (məşhur Çingənə qız mozaiki burdadır), tarixi mərkəz hissəni, hamam muzeyini və addımbaşı olan tarixi camiiləri gəzdik. Memarlıq əfsanədir burada. Antep paxlavanın və katmerin vətəni hesab edilir, lakin paxlava dadmağı unutduq. Əvəzində şəhərin ən məşhur yeməyi olan ciyər və ət kabablarını daddıq. Möhtəşəm! Qala aşağısında ciyərcilər var otura bilərsiniz. Həmin axşam Antepdən Urfaya avtobusla çıxmağı planlasaq da günorta anidən lirənin kursunun birdən birə 170 tl qalxması (2 gün əvvəl 100 dolları 1070 TL olaraq dəyişdiksə, Antepdə 100-1240 olaraq oldu bu), taksi pulunu göydən düşmə etdi və beləliklə, Antep-Urfa taksisini 450 TL-yə (60 manat - adambaşı 20 manat) həll etdik. Urfada "La riva konakları" otelində qaldıq, tarixi mərkəz hissəyə yaxın idi və qiyməti də çox münasib idi. 24 noyabr ŞanlıurfaCəmi bir günümüz olduğundan çox dəli bir trip düzənlədim. Səhər Harrana çıxdıq (bura qübbəli evləri, dünyada ilk universitet qalıqları ilə məşhurdur. Vaxt çox olsaydı, daha uzağa Bazda mağaralarına kimi gedərdik), Harrandan da direkt Göbəklitəpəyə yol aldıq. Elə mərkəzdə çox münasib qiymətə taksi tutduq və bütün yolu onunla həll etdik. Ümumiyyətlə bu tripdə ən böyük şansımız Lirənin ucuzlaşması və çox yaxşı taksistlərə rastlamağımız oldu.Göbəklitəpədən sonra mərkəzə qayıdaraq əsaslı tarixi yer olan Balıklıgöl və ətraf kompleksi gəzmiş olduq. Urfada olsanız, Balıklıgöldən yuxarı hissələrdə Halil İbrahim sofrası deyilən yer var, orada dadlı mətbəx təqdim edilir və əgər şansınıza düşsə, mütləq Sıra gecələrinin qonağı olun. Urfada gecə vaxtı çox dolaşmayın. Bir qədər gərəksiz insanlara rastlaya bilərsiniz.24 noyabr Mardinə yola çıxdıq. Avtovoğzalda qopardığım həngamə ilə 200 lirəyə avtobus bileti tapa bildik. Online site-lar günə 50-60 avtobus reysi olduğunu görsətsələr də durmadan reys iptal iptal dedilər. Direkt vağzala gedərək hay-küy salıb nəhayətindən bir köşkdən bileti ala bildik. Gördünüz nəsə tərs gedir, mədəni halı unudub hay-küy salmaqdan çəkinməyin.24 noyabr axşamı Mardin. Burada Merdin butik otelində qaldıq. Bura da konak tipli otel idi. Qiymət burada da gözlədiyimin tak əksi çox uyğun idi.Axşam bizi vağzaldan götürən taksistlə səhəri günün tripi üçün qiymət ayarladıq - 400 lirəyə Mor Gabriel Monastırı, Midyat və geri gətirəcəkdi, Dara antik şəhəri və Deyrülzafaran monastırı üçün əlavə ödəmə istədi, imtina etdik +200 lirəyə Diyarbakıra kimi gətirəcəkdi (çünki birbaşa Mardin-İğdır avtobusu yox idi və reys Diyarbakırdan idi).Beləliklə, Mardində gəziləcək yerlər:Elə bütün Mardin, küçələri, mədrəsələri, camiləri, monastırları ilə birgə+Midyat kəndi konakları ilə birgə (Hercai, Sıla, AŞka sürgün seriallarının çəkildiyi konaklar)+Mor Gabriel Monastırı. Ən çox da Mardində günümüzün az olduğuna üzüldüm, çünki Mardin tarixi Mesopotamiyanın canlı varisidir. 25 noyabr Mardindən üzü Diyarbakıra çıxdıq və axşam 22:30-da İğdır avtobusu ilə üzü Sürməli mahalına doğru irəlilədik. Səhər 07:30-da artıq İğdırda idik. Avtobus firmasından Vangölü idi. Belə. Uzun posta görə sorry. 2 həftəlik trip üçün hələ azdır. Suallarınız olsa, canla başla buyurun. İnstagramdan izləməyi unutmayın. Bütün postlar və storylər isti-isti orada olur. https://instagram.com/irada_gadirova?utm_medium=copy_linkƏgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Irada Gadirova

460 dəfə oxunub

Fəthiyədə "öz əlin, öz başın"

Fəthiyədəki bütün otel, apartament və hostelləri bu linkdən book (bron) edə bilərsiz. Hər vaxtınız xeyir. 12-19 iyul Fəthiyə səfəri haqqında faydalı hesab etdiyim məqamları bölüşmək istəyirəm. Getməmişdən əvvəl qrupdakı məlumatlar kömək oldu deyə bizdə paylaşmaq istədik. Ümid edirəm faydalı olacaq. Yazı uzun olacaq biraz həvəsi olanlar oxuyar Əvvəlcə qeyd edim ki, hər şeyi özümüz etdik biletlər, ev, şəhərlər arası , bir sözlə "öz əlimiz öz başımız" oldu.Açığı İlk xarici səfərimiz olduğu üçün biraz qərarsız idim ama tur paketlərin qiymətini gördükdən sonra fikrim dəqiqləşdi. Biraz təcrübəniz varsa Özünüz planlaşdırıb çox rahat 40-50% daha ucuza gətirə bilərsiniz səyahətinizi. Gedərkən 2000tl nağd pul götürdük. Kifayət elədi artığda qaldı. Qalan pulu kartda saxladıq, manat olaraq. Demək olar ki, bizim kartlar ( Unibank, Kapital Bank ) hər yerdə keçərlidi. Bütün Nəqliyyatlarda temassız ödəniş keçir bir izbandan (İzmir) başqa ona kart almaq lazımdı. Bakı-İzmir-Bakı. İki nəfər + 40kg bagaj + bilet sığorta ümumi 934 manat. Hər ehtimala qarşı 14$ artıq ödəyib sığorta etdik. Biletləri aprel ayından almışdıq. Bir başa Bakı-Dalaman reysi ilə arasında 400+ manat qiymət fərqi var idi. Biz 2 gündə İzmirdə qalacağımız üçün bizim üçün Bakı İzmir daha sərfəli oldu.İzmir havalimanından İzmir otogara 204 nömrəli marşrut + Bələdiyyənin Havaş avtobusları gedir.Biz Havaşla getdik adam başı 57 tl idi. İzmir dən Fəthiyəyə 5 saatlıq yoldu ortalama qiymət 450-500 TL'dir. Daha ucuz şirkətlər də vardı ama xidmət aşağı idi. Qiymət baha olsa da həm avtobus çox rahat idi həmdə xidmət çox yüksək idi - tv, wifi, filmlər, musiqi, 1 - 1.5 saatdan bir servis edilirdi. Çay, kofe sərin içkilər atıştırmalıklar, bir sözlə 5 saatlıq yolda yorulmursuz.Biletləri oBilet dən aldıq. Biz Airbnb dən ev kirayə tutduq. Ev bizim üçün oteldən daha rahat gəlirdi. Elədə oldu. Ev Həm mərkəzə həm sahilə yaxın adresdə yerləşirdi. Razı qaldıq. Maraqlanan olsa link ataram rəyə. Ümumi 5 gün üçün 490 manat ödədik. Fəthiyəyə getmişkən aktivite turlarına qatılmadan dönmək? nəbilim vallah Biz 3 tura qatıldıq:Tekne turu - nahar daxil adam başına 750tl - 10'dan 6'ya kimi. Ölüdenizin əksər koylarını dolaşır. Üzmək və gəzmək üçün 30-60 dəqiqə vaxtınız olur. Tüplü Dalış - nahar daxil adam başına 1100 + 400tlçəkiliş (istəyə görə). biz tekne turunu ölüdenizdə getdik deyə dalışı Fəthiyədə etdik. Tekne turunu ölüdenizdə etsəz daha məsləhətdiTurlara özünüzlə su və atıştırmalık götürün. Adi suyu tekne də 8 dəfə bahasına verirlər, vijdansızlarYamaç paraşütü - adam başına 3000 tl, çəkiliş daxil. Babadağdan 2200 m-dən aşağı atılırsan amma külək səni 3000 m qədər qaldırır bütün ölüdeniz gözəlliyi ilə "ayaqlarının altında". Paraşüt mənim üçün "ölmədən etməli olduqlarım" siyahısında idi və buna deyərdi. MəsləhətdiYamaç Paraşütünü səhər saatlarına salın, həm hava sərin olur, Pilotlar yorğun olmur, sıxlığ az olur. Turları 2 ay əvvəldən Deep Blue Travel TR dan almışdıq. Razı qaldıq. Erkən rezervasya ilə bir qədər də ucuz etmək olar. Turların hər birinə bir gün ayıra bilərsiniz. Zatən o saatlarda istidən başqa bir şey etmək mümkün olmur . Fəthiyənin şəhər daxili nəqliyyatı - çox yaxşıdı. Düzdü biraz qarışığdı amma baş açmaq olur. Əsas Lazım olan hər tərəfə çatdırır sizi Bir nəfər 12tlÖlüdenizə 5 dəqiqə aralıqla dolmuşlar qalxır. 1 adam 52 tlFəthiyə Otogardan Muğlanın bütün ilçelerinə dolmuşlar gedir. İmkan daxilində gəzmək üçün maşın icarə götürmək daha məsləhətdi həm istiyə görə həmdə vaxt itirməmək üçün. Taksidə seçim ola bilər ama çox baha başa gələcək. Taksilərdə "indi-bindi" 40 tl'di. Gediş Qiymətini siz düşününGecə Fəthiyəni piyada mütləq gəzin çox gözəl, sakit, təmiz şəhərdi. Üzmək üçün ən gözəl sahil Ölüdeniz Lagoon oldu bizə görə. Bir çətir 2 şezlong 400 tlsaat 6 dan sonra sahildə istənilən plaja pulsuz keçə bilərsiniz. + ücretsiz plajlarda var gəl ki istidən ilk gördüyün plaja qaçırsan Fəthiyədə Hava çooox isti keçir, ən azından Tovuzdan gedən biriləri üçün Bakını deyə bilmərəm . Minimum 40+ isti olur. Ona görə başqa koylara getmədik, tarixi yerlər, digər plajlar var gəzmək üçün amma isti imkan vermir. İki nəfər üçün Xalq sığortadan səyahət sığortası aldıq - 6.5 manat. 5000 manata qədər. Burdan sonrası 2 günlük İzmir dönüşü. Eyni marşrutla İzmirə qayıtdık. Burda da 2 günlük ev kirayələdik. 2 gecə üçün 120 manatRazı qaldıq. Ev sahibi çox mehriban insan idi. Bildiyiniz İzmirdə bələdçi oldu bizə sağ olsun. Açığı Fəthiyənin aktiviteleri olmasa tətili İzmirdə də keçirmək olar. Şəhəri çox bəyəndik. Gecələr bütün şəhər xalqı demək olar ki, sahildə olur, piknik, idman, əyləncə, kim nə istəyir. Çox gözəl görsənir. İzmirin şəhər daxili nəqliyyat çox rəngarəngdi. Avtobus, Tramvay, vapur, metro, izban şəhərin hər tərəfinə marşurut işləyir. Getmişkən hamısına baş çəkin. Ümid edirəm faydalı olacaq. Kimin əlavə nə sualı olsa yazsın Gəzin dolaşın, bizə qalan yaşadıqlarımız olur. Çalışın yadda qalanlar xoş xatirələr olsun. Hər kəsə uğurlar.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Sənan İmamverdiyev

638 dəfə oxunub
Bizi izləyənlər siyahısına qoşulun!