Ziddiyyətlər ölkəsi – Liberiya bələdçisi (Part II)

Salam hər kəsə.İki dəfə qrupda Liberya haqqında paylaşım etmişdim və onlarla oxuyucu daha da ətraflı yazı istəmişdilər.Bu dəfə ümumi deyil, iki yer haqqında məlumat paylaşmaq istəyirəm.Onlardan birincisi Ducor oteldir.1960-cı ildə Monroviyanın ( Liberyanın paytaxtı) ən yüksək mövqeyində tikilmiş Dukor otel dövrünün ən lüks oteli olub və şəhərin ən hündür tikilisi ünvanını alıb. İllərlə fəaliyyət göstərib. O dövr elə də bəsit olmayan bir qurğu- liftə malik möhtəşəm tikili əgər istifadəyə yararlı olsaydı hal-hazırda da analoqsuz bina olardı...Xalq arasında Qəddafinin oteli olaraq tanınır.90-cı illərdə ölkədə baş verən daxili müharibə binanı istifadəsiz hala gətirib. Yenə yerlilər arasında Qəddafinin restobrasiya edəcəyi danışılsa da, onun ölümü bu planı həyata keçirməyə imkan verməyib.Artıq dağılmaq üzrə olan bina məhdud turistlərin girişinə icazə verilən bir məkan olub.İnanın çox fərqli aurası var.Heç indi elə proyektlə bina inşa edə bilmirlər.Ki, o binanı da britaniyalı mütəxəssislər, Rumıniya və İsrail proyektinə əsasən tikiblər.Çəkiliş üçün icazə verilmirdi. Ona görə ancaq şəhərin görüntüsünü çəkdiyim foto, içəridən də bir foto paylaşdım. Bir də hal-hazırda belə ölkədə liftin barmaq sayı qədər olduğunu düşünsək tikilini Afrika üzərindən analiz edirəm... İkinci məkan şəhərin ən reytinqli səmti olan Sinkorun ara məhəllələrindən biridir.Mərkəzdə belə bir qəsəbənin varlığı bizə artıq təəcüblü gəlmir.Düşünə bilərsiniz ki, Azərbaycanda da bənzər yerlər var. ( inanın o qədər olanı yoxdur) Ancaq müqayisə üçün deyim ki, Monroviyanın ən azı 60-70 faiz yerləri belədir... ( "Teneke" evlərin sayı isə 70%-dən də çoxdur)Niyə məhz o qəsəbəni çəkmişəm? Körpü tikmək üçün bizdən maddi yardım istəmişdilər. Yox deməmişik. Körpü tikən məhəllə sakinlərinin yemək və tikinti vəsaitlərini qarşıladıq. Özləri təmənnasız işləyirlər. Əvvəlcə dövlətə müraciət ediblər, ancaq qarşılıq almayıblar...Biz də inşaatın başladığı gün izləmək üçün getdik.Bitdiyi halını da profilimdə paylaşaram yəqin.Baxıb, halımıza şükür etməyimiz üçün paylaşmadım, sizə də belə bir şey yazmayacam...Mənə maraqlı gələn onların yaşantılarına rəğmən əksər vaxt yüksək əhval-ruhiyyədə olmalarıdır.Musiqiləri pozitivdir.Geyimləri rəngarəngdir.Bu gün dekor üçün qara parça almağa bizim "Sədərək ticarət mərkəzi" kimi bir bazara getmişdik.(əslində Sədərəyə bir az haqsızlıq oldu, konalizasiya sularının küçədən axdığı bir səmt ilə müqayisə) O qədər parça mağazasının arasında bir ya iki mağazada qara parça vardı...Liberiya həyatının hər iki üzünü instagramda tez- tez paylaşıram.Profilimi hər kəsə açıq etmişəm. (Linki rəydə paylaşaram) Arzu edənlər izləyə bilər. Sona qədər oxuduğunuz üçün təşəkkür edirəm.PS: Fotoları yükləyəndə qarşıma musiqi alətləri "sasa"nın fotoları çıxdı. Videoları təəsüf ki, silmişdim paylaşa bilmədim. İçi oyulub, qurudulmuş boranıdan hazırlanır...Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Gulnare Memmedova

234 dəfə oxunub

Auschwitz - Ölüm düşərgəsi bələdçisi

Polşanın cənubunda yerləşən və milyonlarla insanın Nasist Almaniyası tərəfindən qaz otaqlarında boğulduğu, güllələndiyi, aclıqdan öldüyü, asıldığı, inanılmaz işgəncələrə məruz qaldığı yer - Auschwitz digər adı ilə ÖLÜM DÜŞƏRGƏSİ Üçüncü Reyx (Nasist Almaniyası) tərəfindən ikinci dünya müharibəsinin gedişində qurulmuş ən böyük toplama düşərgəsidir. Burada bütün Avropadan 1.1 milyon insan öldürülmüşdür (1 milyonu yəhudi olmaqla). Almanlar SSRİ-nin üzərinə hücum edərkən ordunun arxasından gələn SS zabitləri (həmin dövrün Daxili İşlər Nazirliyi deyə bilərik) şəhərlərdəki yəhudiləri yığaraq bu kamplara gətirirdi və təxminən 900 mindən insan kampa girən kimi ya birbaşa qaz otaqlarına göndərilir, ya da güllələnərək öldürülürdü. Auschwitz-in 3 düşərgəsi var və bunlar bir-birlərindən təxminən 4-5 km aralıda yerləşirlər. Düşərgələr Polşanın cənubunda Oświęcim qəsəbəsində yerləşir. Buraya getmək üçün ya Krakovdan ya da Katowicedən Oświęcim qatarlarına minə bilərsiniz. Qatar stansiyası ilə düşərgə arasındakı məsafə təxminən 2 kilometrdir. Bir düşərgədən digərinə getmək üçün özlərinin pulsuz avtobuslarından istifadə edə bilərsiniz. Auschwitz 3 hissədən daha doğrusu 3 düşərgədən ibarətdir. 1-ci düşərgə Almanların qərargahının olduğu, təxminən 70 mindən Polşalı yəhudinin və sovet əsirinin öldürüldüyü hissədir. Bundan əlavə hər 3 düşərgənin də idarəsi buradan həyata keçirilirdi. Düşərgənin girişində alman dilində bəşər tarixinin ən böyük yalanı yazılıb "arbeit macht frei" (işləmək səni müstəqilləşdirər) 3 düşərgə arasında ən sağlam vəziyyətdə qalmış düşərgə buradır. Çünki, sovetlərin gəldiyini eşidən almanlar bütün düşərgələri dağıtmışdı amma buranı dağıtmağa imkan tapa bilməmişdilər. Düşərgənin içərisində yerləşən qaz otağından tutmuş, ölüm divarına (əsirlərin güllələndiyi divar) qədər hər hissə insana çox qəribə hisslər yaşadır. Burada hər millət üçün fərqli binalar mövcud olub və o binalar hazırda muzey olaraq fəaliyyət göstərir. Düşərgədəki muzeylər Almanların etdiyi soyqırımı və bu soyqırım qurbanlarının çəkdiyi əziyyətləri ziyarətçiləri təqdim edir. Muzeylərdə minlərlə soyqırım qurbanına aid ayaqqabı, eynək görə bilərsiniz. Almanların dağıtmağa vaxtlarının çatmadığı qaz otağının aurası isə sözlə izah edilə biləcək səviyyədə deyil. Bu otağa həmin dövrdən bəri toxunulmayıb və otağın girişində sadəcə bu sözlər yazılıb "SS-in minlərlə insanı öldürdüyü binadasınız. Lütfən, burada səssiz olun: onların əzablarını xatırlayın və xatirələrinə hörmət göstərin". 2-ci düşərgə (Birkenau) ən böyük faciələrin yaşandığı düşərgədir. Şindlerin siyahısı filminə baxanlar bu hissəni çox daha gözəl xatırlayar. Çünki, filmin son səhnəsi məhz buradakı dəmir yolunun üzərində çəkilmişdi. Düşərgənin içərisinə birbaşa dəmir yolu xətti gəlir (hazırda istifadə olunmur) və müharibə dövründə qatarlara yığılan yəhudilər birbaşa düşərgənin içərisinə gətirilir, buradan sağlam olanlar seçilib ağır işlər görməyə yollanır, qeyri-sağlamlar, qadınlar, yaşlılar, uşaqlar isə birbaşa qaz otaqlarına göndərilirdilər. Həmin sağlam olanlar da ağır işlərdən və işgəncələrdən sonra "qeyri-sağlam" statusu alıb digərləri ilə eyni taleyi paylaşırdılar. Burada 6 qaz otağı və 4 meyid yandırma təsisi mövcud olub. Qaz otaqlarında öldürülən və ya güllələnən insanlar meyid yandırma təsislərinə aparılıb yandırılırdılar. Lakin, bu düşərgədən qaçan 2 yəhudi bütün düşərgənin sxemlərini müttəfiqlərə ötürməyə bacarmışdı və bundan xəbər tutan almanlar, sovet əsgərlərinin də gəldiyini də görərək düşərgəni dağıtmışdılar. Daha doğrusu düşərgədəki qaz otaqlarını və meyid yandırma təsislərini. Əsirləri düşərgəyə gətirən dəmir yolu xətti və 1 vaqon hələ də sağlam vəziyyətdədir. 3-cü düşərgəyə həm vaxt baxımından həm də görüləcək çox şey olmadığından getməmişəm. Amma məlumat üçün deyim ki, 3-cü düşərgə Siemens və onun kimi böyük şirkətlərin işlərini görmək üçün əsirlərin işlədildiyi bir düşərgə idi və o düşərgədə də "gücdən düşmüş" əsirlər 2-ci düşərgəyə gətirilib yandırılırdı. Auschwitzdəki mənzərələr həqiqətən də inanılmazdır, buranı gördükdə insanın insana belə şeyləri necə edə biləcəyinə belə inana bilmirsən. Bir insanın hansı dərəcədə sadist ola biləcəyinin ən böyük örnəklərindəndir Auschwitz. Buradakı insanların fabrik şəklində öldürülüb, yandırılmasına başlıca payı olan insan nə Hitler, nə Gobbels nə də başqa alman generalları idi. Buradakı insanları yaxından görən, onlara bunların edilməsini zabitlərə əmr edən, durmadan daha çox yəhudi öldürməyin yollarını axtaran şəxs SS-in rəhbəri Heinrich Himmler idi. Bütün bu düşərgələrin də fəaliyyəti birbaşa ona bağlı idi. Sovetlərin Stalingrad və Moskvadakı qələbələrindən sonra qəzəblənən Himmler, oradakı öldürülən əsgərlərin də günahını yəhudilərdə görürdü. Düşünürdü ki, bu müharibə yəhudilərə görə başladı, elə isə onlar bunun cəzasını çəkməlidir və bu düşüncə ilə 1943-cü ildən sonra yəhudilərin öldürülməsi daha da şiddətləndi. Hətta alman zabitlər öz yazılı məruzələrində fəxrlə "bu gün 90 min yəhudi" yandırdıq deyə bilirdilər. Düşərgələrə getməzdən öncə mütləq rezervasiya etməlisiniz. Əgər bələdçi ilə rezervasiya istəyirsinizsə təxminən 30 manat ödəməlisiniz. Ödəniş etmək istəmirsiniz və özünüz gəzmək istəyirsinizsə bunun üçün 17:00-dan sonra olan pulsuz rezervasiyaları əldə etməlisiniz. Öncədən rezervasiya üçün visit.auschwitz.org/rezerwacja/termin.html?idg=1 saytından istifadə edə bilərsiniz. Düşərgəyə qatarla getmisinizsə çalışın 20-dan öncə işlərinizi yekunlaşdırın. Çünki, 20:30-da sonuncu qatar yola çıxır Katowiceyə. Krakow qatarı isə 19:30-a qədər işləyir. Ən yaxşı variant isə 20:30-da Katowice qatarına çatmaqdır.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Sadig Aghali

203 dəfə oxunub

Pakistan bələdçisi

İyul ayının 15-dən 30-dək Pakistanda səfərdə oldum. Səfər özündə 3 gün İslamabadı, 9 gün Gilgit-Baltistan bölgəsini, 3 gün də Lahoru birləşdirdi. Kifayət etdimi? Qəti şəkildə yox) Üstəlik mən bu ölkəni sevirəm və daha geniş plana sahib biri idim, lakin ilk yaranmış fürsət baxımdan şansı qaçırmaq istəmədim.Pakistanı niyə ziyarət etməliyik?1. 1991-ci ildən müstəqilliyimizi ilk tanıyan dövlətlərdən 3-cüsü olmaqla gün bu gün daim bizimlədirlər, qardaş dedik, bildik və həqiqətən də insan orada özünü yad bir ölkədə yox, məhz evində hiss edir.2. Dinimizlə yanaşı dilimiz az qala birdir – urdu və Azərbaycan dillərində çox ümumi sözlər var ki, 2 gündən sonra rahat urducanı ən azı başa düşə biləcəksiniz.3. Səfəvi və Moğol dönəmlərindən başlamış sıx mədəni və siyasi bağımız var. Pakistan maddi-mədəni irslə zəngindir. Bu gün geniş sayda Qızılbaş icmasının yaşadığı ölkədir, ələlxüsus Lahor şəhəri - vaxt darlığı baxımdan icmanın rəhbəri ilə görüşə bilmədim təəssüf ki.4. Pakistan möhtəşəm təbiətə malik ölkədir – 5 8000-lik, bir neçə 7000-lik və saysız-hesabsız 6000-liklərə ev sahibliyi edir. Dağa çıxmasanız belə, base camp-lara kimi belə bu gün möhtəşəm trekking marşrutlar təqdim edən tur paketlər var.Lakin Pakistan nəinki Karakorum dağ silsiləsidir, bura həmçinin yaşıl vadilərin, səhraların, dənizin belə olduğu ölkədir. Dünyanın ən soyuq səhrası belə Pakistanda, Skardudadır.5. Etnoqrafik baxımdan fərqli xalqların yaşamlarına şahidlik etmək, onlarla tanış olmaq üçün bu ölkə açıq səma altında muzeydir.6. Bir tək Lahor qədimliyi, müasir hissəsi, çılğınlığı və mədəni yanları ilə azı 1 həftə kəşf edilməlidir.7. Fərqli mətbəxini dadmaq üçün Pakistan əvəzsiz bir ölkədir. Dağlıq hissələrdə bir qədər ehtiyatlı olmaq lazım olur, çünki coğrafiyamıza xas olmayan heyvani yağlardan istifadə edilir. Lakin şəhərlərdə yemək sarıdan hər şey okaydir. Dəhşət acı olsa da lakin çeşid baxımdan hind mətbəxindən daha zəngindir, çünki ağız tamımıza uyğun ət yeməkləri çoxluq təşkil edir. Sifariş edən zaman mint spicy və ya no spicy deməyi unutmayın. Yenə də ədviyyatlı olacaq, amma ən azı az olacaq.Pakistana necə gedək?Cari ilin mart ayında Pakistan beynəlxalq hava yolları – PİA Bakıya birbaşa uçuşlar açdı. Bu uçuşlar Bakı-Lahor-Bakı və Bakı-Karaçi-Bakı olmaqla həyata keçirilir. Mən İslamabada birbaşa uçdum, lakin bu, PİA xətti ilə İnterjet təyyarələri vasitəsilə həyata keçirildi. Hazırda saytda Bakı-İslamabad-Bakı yazsanız, Via Dubay olmaqla uçuş göstərəcək.Ölkə daxilində İslamabad-Skardu və Skardu-Lahor uçuşlarından istifadə etdim ki, daxili uçuşları da PİA həyata keçirməklə 54 dollardan başlayan qiymətlərlə həyata keçirir.Qeyd: hava limanına gəldikdə və sizə birdən “flight cancelled” desələr qəti şəkildə geri çəkilməyin və özünüz araşdırıb tam təsdiq edin. Yaşanmış olay üzərinə yerindəcə dəqiqləşdirmə aparmasaydım, İslamabada geri dönüş etmiş olacaqdım)PİA üzərindən Bakı-Lahor-Bakı qiyməti 739 manatdan başlayır.Qeyd: təyyarələrin biletdə göstərilən vaxtdan gec havaya qalxmasına hazır olun))Viza:Müxtəlif məqsədlər və müddətə verilir. Hazırda turistik vizanı 90 gün müddətinə 107 manata online forma doldurmaqla əldə etmək olur.Qalmaq:Pakistanda qalmaq üçün hər rahatlıqda hotellər var. İslamabadda Ramada hoteldə, Skarduda Concordia motel, Lahorda isə Luxury Grand hoteldə qaldım. Ulduz və hər cür rahatlığa rağmən hotellər burada İranla müqayisədə ucuzdur.Concordia motel daha çox dağcı ekspedesiyaların yerləşdiyi bir yer idi. Bələdiyyə nümayəndisinin idi. Skarduda daha yuxarı hissələrdə fərqli hotellər də var. Turist qismində daha çox məhz dağcılar çıxış edir və mənzərə maraqlıdır.Qidalanma:Qidalanma nə tam ucuz, nə də tam bahadır. Bakıdakı qiymətlərlə müqayisədə bir qədər ucuzdur, lakin tam belə utopik ucuzlaşma deyil.Second cup və Baskin Robbins isə həqiqətən də ucuzdur.Ziyarət edilməli yerlər arasında hər şəhər üzrə çoxlu mədəni irs abidələri var. Maraqlı olsa, soruşun yazaram. Lakin getdinizsə, mütləq qaydada İslamabadda Lok Virsa, Lahorda National History museum, Lahore museum və National Army museum-u ziyarət edin. Pakistan muzeyləri sadəcə çox möhtəşəmdirlər.100 USD hazırda 22478 Pakistan rupisi təşkil edir, bu da bizim pulla elə 170 manat edir.Və sonda:Pakistanda Azərbaycanlıları çox sevirlər və Azərbaycandan olduğunuzu bilsələr, başları üstündə yeriniz var. Ümumiyyətlə, Pakistanda qonaq hər şeydir və məncə orada bütün turistləri çox sevirlər.Nə suallarınız olsa, buyurun.Daha çox paylaşımlar üçün səhifəmi, səyahətlərimi instagramdan izləyə bilərsiniz:https://instagram.com/irada_gadirova?igshid=YmMyMTA2M2Y=Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Irada Gadirova 

264 dəfə oxunub

Dağ turizminin mərkəzi - Durmitor Milli Parkı

Montenegronun çimərliklərindən və sıx şəhər həyatından yorulanlar üçün Balkan səfərinin ən möhtəşəm hissəsini təqdim edirəm.Durmitor Milli Parkına Budva və Kotordan xüsusi turla gedə bilərsiniz amma bu turlar müəyyən marşurut və vaxt çərçivəsində olacaq. Daha rahat gəzmək üçün kirayə avtomobil götürmək şərtdir.Yol. Budvadan Durmitora iki cür getmək olar. Məsləhət gördüyüm yol nisbətdə biraz uzaq ancaq çox maraqlıdır. Budvadan başlayan yol Skadar gölünün üzərindən keçir. İki saat vaxt ayırıb göldə qayıqla gəzə bilərsiniz. Gəzinti müxtəlif qiymətə təklif olunur, bazarlıq edib qiyməti rahat endirmək mümkündür. Eləcə də yaxınlıqdakı şərab mağazasından müxtəlif növ şərablardan seçib ala bilərsiniz. Qiymət normaldır. Daha sonra paytaxt Podgorica şəhərindən keçib Moraca və Tara kanyonları ilə möhtəşəm mənzəni seyr edə edə Djurdjevica körpüsünə tərəf hərəkət edirsiniz.Zipline. Djurdjevica körpüsündə uzunluğundan asılı olaraq 3 növ zipline mövcuddur. Ən uzunu 1050 metrdir və qiymətlər 20-30 avro arası dəyişir.Rafting. Rafting üçün iki seçiminiz var, Djurdjevica körpüsünün yanında və Bosniya ilə sərhəddə Tara və Piva çaylarının birləşdiyi yerdə. Birinci seçim nisbətən asan və 55 avrodan təklif olunur. Qiymətə rafting və səhər yeməyi daxildir. Daha həyəcanlı rafting yaşamaq üçün ikincini məsləhət görərdim. 45 avroya gözəl mənzərəli yerdə raftinglə yanaşı dadlı səhər və günorta yeməyi təklif edirlər. Hətta sizi rakie adlanan yerli içkiyə qonaq edirlər. Sükan arxasında olanlara da bir rumka (və ya kiçik pivə bakalı) ilə birşey olmaz  Müəyyən promilə qədər icazə var. Ümumiyyətlə Montenegro yollarında polis görsəniz maşını saxlayıb şəkil çəkdirin. Bir də görüb görməyəcəyiniz məlum deyil)Gecələmək. Qalmaq üçün Zabljak qəsəbəsini məsləhət görürəm. Günlük 20-30 avroya kirayə evlər tapa bilərsiniz. Dadlı və normal qiymətə restoran kimi Podgora restoranını məsləhət görürəm.Crno Jezero. Zabljakda ev tutdunuzsa buradan 1-3 km məsafədə Durmitorun mirvarisi Crno Jezero'ya (Qara göl) gedə bilərsiniz. Göl ərazisinə giriş 3 avrodur. Ancaq gölə gedən yolda sola ayrılan nisbətən kiçik, bir maşınlıq digər yol görəssiniz. Həmən yol ilə axıra qədər gedib daha sonra çığırla meşəliyə daxil olub çay üzərindəki taxta köpüdən keçməklə göl ərazisinə havayı daxil ola bilərsiniz. Gölün kənarındakı restoran və canlı musiqi var.Əgər kirayə avtomobil götürmüsünüzsə və rafting üçün ikinci varinatı seçmisinizsə onda sizi möhtəşəm dağlıq yol gözləyir Ancaq nəzərə alın ki, əgər mühərrik ölçüsü kiçik olan avtomobil kirayə götürmək fikrindəsinizsə çalışın mexaniki sürətlər qutusu ilə olsun. Çünki yolda sizi çoxlu eniş və yoxuşlar, eləcə də sərt serpantinlər gözləyir. Zabljakdan Piva su anbarına iki yolla getmək olar. Yaxşı olar ki, videoda göstərdiyim yolu gedəsiniz və yolüstü Sedlo zirvəsini və Montenegronun ən hündür zirvəsi Bobotov Kuk'u görəsiniz. Qayıdarkən isə digər yolla qayıdıb Susicko gölünə də dəyə bilərsiniz. Bundan başqa sizi yol boyu üzü mənzərəyə oturub dərindən nəfəs alıb ruhunuzu dincəldəcəyiniz çoxlu sayda taxta oturacaqlar gözləyir. Bu yolların ensiz sərt döngələrdən və dolaylardan ibarət olduğunu unutmayın. Təcrübəniz azdırsa yaddan çıxarın. Çünki yolda birşey olsa köməyin nə vaxta gələcəyi məlum deyil.Meandri Cehotine Viewpoint. Əgər siz də "bura kimi gəlmişkən Çexotina çayına da dəyim" deyirsinizdə nəzərə alın ki, Tara körpüsündən 52 km enişli yoxuşlu yol gedir. Xəritə sizə qısa yol kimi aşağı yolu göstərə bilər ancaq o yol təmirdədir və belə görünür ki, hələ bir müddət bağlı olacaq. Əgər hər halda getmək fikrinə düşdünüzsə Otilovici su anbarına çatandan sonra 3-4 km də gedib meandrı göstərən "plakat"dan sağa dönub torpaq yolla 500-800 metr getmək lazımdır. Özünüzlə yemək və içməyə birşeylər götürsəniz əla olar.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Azer Hasanov

246 dəfə oxunub

A-dan Z-yə Tanzaniya (Part 3)

Ngorongoro, Tanzaniya III Afrikada safari. Aruşada qaldığımız The Charity Hotel-dən səhər tezdən saat 05.00-da yola çıxdıq. Yol o qədər gözəl idi ki, Serengeti, Ngorongoro, gərgədan, fil, antilop, aslan yaddan çıxmışdı, ancaq təbiətin gözəlliyinə baxırdıq. Təxminən iki saat sonra Lake Manyara Milli Parkına açılan gözəl mənzərəsi ilə tanınan və Masai qəbilələrinin evləri şəklində tikilən Panorama Safari Camp-a gəldik. Kampın çox böyük ərazisi var və təbiətin tən ortasında yerləşir. Həm də əsas böyük Milli Parklara gedən qrupların başlanğıc yeridir. Sanki National Geographic TV-nin içində idik. Burada ayrı-ayrı qruplar birləşib səhər yeməyi yedikdən sonra Serengeti, Ngorongoro və Lake Manyara-ya döğru yola çıxırlar. Biz də sürücü-bələdçimiz, iki çex və iki fransızla birlikdə safari avtomobilimizlə Ngorongoro kalderasına doğru yola çıxdıq. Yola çıxmadan əvvəl kampın ərazisinə 30 nəfərlik babun ordusu hücum etdi, zibil qutularında və ətrafda yeməli olan hər şeyi apardılar. Artıq insanın heyvanlara hökm edə bilmədiyi yerdə olduğumuzu anladıq. Təxminən 1 saatlıq maraqlı yoldan sonra ərazisi bizim 10 rayonumuz qədər olan Milli Parka çatdıq. Ərazi sıx və nəhəng ağacları olan ekvatorial meşəliklərlə başlayır, təxminən 35 dəqiqə sonra kaldera görünür. Bu bəlkə də bir insanın həyatı boyunca görəbiləcəyi ən gözəl təbiət mənzərəsi idi. Əvvəlcədən bizə verilən durbinlərlə baxmağa başladıq. Aşağıda “Lake Magadi” gölü ətrafında otlayan minərlə antilop, zebra sürüləri, aslanlar, gərgədanlar, hippoptamlar və adlarını bilmədiyim digər heyvanlar görünürdü. Qısa fasilədən sonra bu dəfə üzüaşağı kraterə doğru 600 metr aşağı düşdük. Əvvəlcə meymunlar, meşənin ortasında tək otlayan böyük bir fil, sonra çöl donuzu ailəsi gördük. Gölə yaxınlaşdıqca minlərlə antilop, tompson, eland, zebra sürüləri ilə qarşılaşdıq. Sürülərin içindən keçirdik və heyvanlar qaçmırdı. İstədiyimiz qədər şəkillərini çəkdik. Bəziləri sığallaya biləcəyimiz qədər yaxınlaşırdı. Sonra qarşımıza ova hazırlaşan çita çıxdı. Əvvəlcə antiloplara, sora isə “tompson”lara yaxınlaşdı, lap yanımıza qədər gəldi, ancaq deyəsən tox idi, dramatik ov səhnəsini görə bilmədik. Aslanları isə yüksək yerdə ov yeməklərini yeyib dincələrkən gördük. Gölün ətrafında tək ov edən aslanı da müşahidə edə bildik. Kaftarlar, çaqqallar isə hər yerdə idi. Lake Magadi gölünün lap yanına çatanda birdən-birə hər yer ağ-qırmızı rəngə boyandı. On minlərlə flaminqo. Bu mənzərədən ayrılmaq çox çətin idi. Flaminqoların arasında isə böyük hippoptamlar (begemont) bataqlıqda dincəlirdilər. Daha sonra yaşlı fillərin bol olduğu əraziyə gəldik. Bələdçinin dediyinə görə fillər buraya son günlərini keçirmək üçün gəlirmiş. Bu haqda sənədli film də var. Həqiqətən də fillərdən biri lap yaxınımıza gəldi, çox qocalmışdı, dərisi, xortumu tamamilə qırışmışdı. Sonra iri Afrika kəllərinin (African buffalo) və gərgədanların otladığı ərzilərə gəldik. Bu heyvanların qorxusundan ətrafda aslan, çita görünmürdü. Xallı kaftarlar isə fürsət gözləyirdilər. Hər tərəf tanımadığımız tanımadığımız gözəl səslər çıxaran və rəngarəng quşlarla dolu idi. Katib quşu, boz taclı quş, ət yeyən müxtəlif böyük quşlar isə lap yanımıza qədər gəlirdilər. Günorta saatlarında bizim kimi digər qruplar da Ngoitokitok gölünün yanında piknik etmək üçün toplaşır. Biz yemək yeyərkən göldə begemontlar üzür, ətrafımızda antiloplar, zebralar otlayır, yuxarıda isə vəhşi quşlar yeməklərimizi əlimizdən almaq üçün uçuşurdular. Bir anlıq boşluqdan istifadə edən bir quzğun Parviz-in yeməyini əlindən alıb apardı. Böyük bir marabu quşu isə bizdən qorxmadan yanımıza gəlib yemək istəyirdi. Axşama doğru Milli Parkın çıxış qapısına yaxınlaşdıq. Bələdçi çıxış üçün aşağı düşməli idi və bizə bərk-bərk tapşırdı ki, pəncərələri açmayın, özü isə örtmədən aşağı düşmək istəyirdi ki, bir neçə saniyə ərzində ətrafımız onlarla babun mühasirəyə aldılar. Böyük bir babun içəri girdi, sürücünün çantasını əlindən aldı, yeməli şeyləri götürdü, çantanı da adamın təpəsinə çırparaq uzaqlaşdı. Biz isə əvvəl heç vaxt duymadığımız gözəl hisslərlə Afrikanın İsveçrəsi-Aruşa şəhərinə doğru yola çıxdıq. Məni Instagram-da və YouTube-da izləyə bilərsiniz: https://www.instagram.com/elshan_travelblogger/https://www.youtube.com/watch?v=t6Vm7GDdLzo&t=97s#uçmaqüçündoğulanlar #evisatanzania #safari #klimancaro #visittanzania #borntotravel #tanzania #arushatanzania #zanzibar #serengetinationalpark #ngorongoro #tarangire #lakemanyara #kilimanjaro #Africa #africasafari #rhinos #hippopotamus #Lions #elephant #cheetah #buffalo #antelope #hyena

234 dəfə oxunub

A-dan Z-yə Tanzaniya (Part 2)

Tanzaniya II Bu statusda mart ayında Tanzaniyaya etdiyimiz yarım aylıq səyahətin bəzi detalları, xüsusilə xərclər haqqında informasiya olacaq. Aviabilet. Qatar Airways. Bakı-Doha, Doha-Zənzibar və Zənzibar-Doha, Doha-Bakı uçuşlarının ümumi qiyməti bir neçə ay əvvəl alındıqda 1300$ civarında olur. Biletləri Xalq Bank-ın "Gold kartı" ilə aldıqda 12% endirim təbiq olunur ki, biz də bu fürsətdən faydalandıq. Çox böyük və olduqca rahat olan "Dreamliner" təyyarələri ilə uçmaq insana xüsusi zövq verir. Tanzaniya daxili uçuşları isə Air Tanzania-nın pərli təyyarələri ilə həyata keçirdik. Zənzibar-Aruşa və Aruşa-Zənzibar uçuşlarının ümumi qiyməti 200$ oldu. AIR Tanzania-dan bileti onlayn qaydada alsanız da sizə pulun hesaba keçmədiyini və pulun keçməyini gözləməyinizi məsləhət görə bilərlər. Bu problemin yaşanmaması üçün ödənişin sonunda “Pay at office” hissəsini seçib, pulu ofisdə ödəmək lazımdır. Transfer xərcləri.Zənzibar havalimanından Stonetown-a taksilər 20000 şillinqə(8$), gözəl çimərliklərin yerləşdiyi Nungwi, Kendwa, Paje, Jambiani və Kizimkazi kurotlarına isə 7 nəfərlik taksi 30$-a gedir. Avtobus və “boda boda” ilə eyni istiqamətlərə 1$-a getmək mümkündür, ancaq bunu “adrenalin olsun” deyib yoxlamayın, nəzərə alın ki, Afrikadasınız. Ən yaxşısı əvvəlcədən qalacağınız hotellə danışıb, transferi onlara həvalə etməkdir. Adınız yazılı lövhə ilə sizi gözləyəcəklər. Aruşa havalimanıdan hotelə taksilər əvvəlcədən danışmamısınızsa 20-30$ təklif edəcəklər. Yenə də ən yaxşısı əvvəlcədən qalacağınız hotellə danışıb, transferi onlara həvalə etməkdir, bu halda qiymət 5-10$ olacaq. Hotellər. Tanzaniyada ev və hosteldə qalmaq müzakirə olunmayacaq mövzu olduğuna görə birbaşa keçək hotellərə. Həm də minimum 3* və reytinqi 8-dən yuxarı olan hotellər. Mütləq şəkildə Booking.com-dan rezerv edilməli və rəylər (review) səbrlə oxunmalıdır. Zənzibarda hotellərdə iki nəfərlik otaqda bir nəfər üçün bir gecəlik qiymət səhər yeməyi də daxil 30-100$ civarındadır. Qiymətlər yağışlı mövsümdə ucuz, turistlərin axın etdiyi vaxtda isə baha olur. Aruşa, Moşi, Mwanza, Kigoma və digər turistik mərkəzlərdə də eyni qiymətlərdir. Zənzibarda maraqlı turlar.Zənzibarda istəmədiyiniz qədər maraqlı turlar olacaq. Qiymətləri aşağıda qeyd edirəm.Delfin turu, Jozani meşəsi, Jambiani Kuza mağarası, Paje çimərliyi və The Rock restoranı 130$Mnemba adası rifində delfin turu və snorkeling 85$Zənzibardan Mikumiyə 2 günlük safari 600$Zənzibar və ya Dar əs-Səlamdan Selous Milli Parkına bir günlük səyahət 600$Zənzibardan Stone Town və Prison Island 42$Zənzibar Kulinariya və Ədviyyat Turu 55$Stone Town gəzinti turu 34$Zənzibar tısbağaları ilə üzmək 35$Nakupenda adası çimərlik günü turu 60$Jozani meşəsi turu 60$Tam gün Safari Blue Zanzibar 65$Hind oceanında balıq tutmaq turu 300$ Siyahını uzatmaq olar. Keçək ölkənin materik hissəsinə. Milli Parklar.Tanzaniyanı dünyada tanıdan ən vacib məsələ ölkənin Milli Parkları və qorunan əraziləridir (conservation areas).Milli parklara giriş yalnız Safari turları həyata keçirən şirkətlərlə mümkündür. Bu qiymətlər isə Milli Park-ın əhəmiyyətinə görə, mövsümə görə, Aruşaya və digər başlanğıc məntəqəsinə olan məsafəyə görə müxtəlif olur. Qiymətlər ən yaxşı halda 400$-dan başlayır, 2000-3000$ və daha da çox ola bilər.Qəbilələr, kəndlər, kofe və banan plantasiyalarına, Klimancaro və Meru dağlarının ətrafındakı şəlalələrə və təbii gözəllikləri ifadə edilməsi çox çətin olan yerlərə (məsələn: Materuni kəndi) olan turlar isə 250-300$-dan başlayır.Yemək-içmək. Çox ucuzdur. Gündəlik bir neçə dollarla ən gözəl yeməklərin dadına baxmaq mümkündür. Bunlar bizim etdiklərimiz idi. Ölkəni tam gəzmək üçün isə ən az iki ay lazımdır.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Elşən İsmayılov

427 dəfə oxunub

Az büdcə ilə çox gəzmək - Qax bələdçisi (Part 1)

Az büdcə ilə çox gəzmək---Bu dəfə sizə Qax macəralarım, ilk dəfə tək çadırda qalmağım, Hamamdərə, şəlalələr və maraqlı yol yoldaşları ilə qarşılaşmağımdan yazacam.1-ci hissə.Ənənəyə sadiq qalaraq yenə yola avtostopla çıxdım və bəxtim yenə gətirmişdi, yol yoldaşlarım özləri də Qaxdan, Sarıbaşdan idilər. Qaxın demək olar ki, girişində Kürmük alban məbədi/kilsəsinə çatan kimi səyahətim başladı. Bir qədər yoxuşlu yol ilə qalxdıqdan sonra kilsəyə çatırsınız. Mənzərəsi də, kilsənin özü də çox qəşəngdir. Qaxdan keçirsinizsə yolüstü mütləq buraya qalxın, görün.Daha sonrakı planım İlisuya getmək idi. Yol uzun olduğu üçün yenə avtostop etdim. Yolüstü isə Müqəddəs Georgi kilsəsinə getməsəm olmazdı. Çox gözəl həyəti var idi, içi də çox yaxşı və baxımlıdır. Yeri gəlmişkən, Qaxın bu ərazisində çox sayda ingiloylar yaşadığından bu kilsənin yaxınlığında qəşəng dadlı gürcü təndir çörəyi və xaçapuri satılır. Dadmamış yola davam etməyin.Xaçapurimi yeyə-yeyə gəldim çatdım Sumuq qalaya. Səhv xatırlamıramsa giriş ödənişli idi. İçərisini mütləq ziyarət edin. Qalanın ən yuxarı hissəinə çatana qədər hər mərtəbədə maraqlı və tarixi eksponatlar, əşyalar sərgilənir. Taxtadan pilləkənlərlə qalxırsınız. Ən yüksəkdən, qalanın pəncərəsindən İlisuya doğru açılan mənzərəni görməyə dəyər.Yaxınlıqda Şamil qala yerləşir. Qalaya gedərkən isə yolüstü Ulu məscidi görə bilərsiniz. Mən gedəndə (keçən il) bağlı idi deyə içərisinə daxil ola bilməmişdim, bəlkə hələ də bağlıdır. Yenə də diqqət edin. Qalanın yolu da yenə yoxuşdur, amma heç çətin deyil. Cığır sizi birbaşa qalanın yanına aparır. Mən qalaya yollanmamış yaxınlıqdakı mağazanın yanında yerlilərlə söhbət edərkən mənə təklif etdilər ki, çantamı özümlə daşımayım ora qədər, mağazada qoyub qalxdım mən. O an verdiyim ən yaxşı qərar o oldu. Gün ən təpədə ikən və yorğun halda o yoxuş çıxılmazdı yoxsa. Qaladan Sarıbaşa doğru çox qəşəng bir mənzərə var.Qaladan qayıdarkən isə Ramramay və ya İlisu şəlaləsinə yollana bilərsiniz. Mən də elə etdim. Şəlalənin çox rahat yolu var. Amma yenə də "yox mən ayaqla getmək istəmirəm" deyirsinizsə, aşağıdan şəlalənin düz yanına qədər aparan 40-50 AZN arası UAZ-lar olur.Ən sonda isə yorğun və xoşbəxt Zəhra gecələmək və çadırını qurmaq üçün üz tutdu İlisu Pansionatına. Mənim tək çadırda qalmaq təcrübəm ilk olduğu üçün çox riskə getmədən pansionatın ərazisini seçdim. İlk dəfə üçün yaxşı seçim oldu. Hər nə qədər axşam itlər məni tək buraxmasa da, səhərə qədər sağolsunlar çadırımın başında keşik çəksələr də yaxşı təcrübə idi.Pansionatdakı gözətçi İlham dayı isə sağolsun su, çay, hətta yeməksiz də qoymadı məni. Səhər də biləndə ki, Qum kəndinə getmək istəyirəm, o tərəfə yollanan bir avtobus sürücüsü tanışı ilə yola saldı məni. Qum kəndi necə gözəl idi! Kənddə Qum məbədi/Qum bazilikasının qalıqları var. Çox təssüf baxımsız vəziyyətdə olsa da, tamamilə yox olmamış, gedib görün. Bu arada belə bir rəvayət də var ki, Nizami Gəncəvi də Qum kəndində doğulubmuş. Hətta bunula bağlı bəzi faktların olduğu da deyilir.Kəndin başında isə axular deyə bir yer var. Buranın mənzərəsi əsl çadır qurub qalmaqlıqdır. Mən tək olduğumdan yerli əhali mənə məsləhət bilmədi orada çadır qurmağı. Belə anlarda gərək yerliləri dinləyəsən. Onun əvəzinə mənzərədən zövq almaq üçün məni qəşəng isti çaya və mürəbbəyə qonaq etdilər.Ardı...Hələ çox danışılası hissələr olduğundan Qax səyahətinə 2-ci hissədə davam edəcəm.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Zahra Imanova

1002 dəfə oxunub

A-dan Z-yə Tanzaniya (Part 1)

Tanzaniya-A to Z Mart ayındakı yarım aylıq tətili dəyərləndirmək üçün xeyli araşdırma apardıqdan sonra Zənzibar adası, Klimancaro zirvəsi, Serengeti, Manyara, Nqoronqoro milli parkları, Viktoriya, Tanqanika, Nyasa gölləri, masailərin svahililərin, bantuların vətəni Tanzaniyanı seçdik. Səyahət gözlədiyimizdən dəfələrlə maraqlı keçdi, bu statusda sadəcə səfərin qısa məzmunu göstərilib. VizaTanzaniya Azərbaycan vətəndaşları üçün əvvəlcədən viza alınmasını tələb edir. Viza elektron qaydada alınır, rüsumu 50 ABŞ dollarıdır və minimum 1 aylıq verilir. Tanzaniyaya səyahət edən bütün sərnişinlər xüsusi “Giriş Anketini” doldurmalıdırlar və qeydiyyat zamanı təqdim etməlidirlər. Aviabilet.Bakıdan Tanzaniyaya hazırda üç aviaşirkətlə səyahət mümkündür. flydubai, Turkish Airlines və Qatar Airways. Bir nəfərin ikitərəfli bileti təxminən 900-1000 ABŞ dolları civarındadır. Biz daha rahat olması üçün Qatar Airways-i seçdik.Bakı-Doha üç saat, Doha-Zənzibar altı saat. Hotel-Hostel. Tanzaniyada mütləq şəkildə 3,4 və ya 5* hotelləri seçin. Hostel və evdə qalmağı ağlınızdan keçirməyin. Bura Avropa deyil.Booking.com həqiqətən ən etibarlı tərəfdaşdır. Heç bir problem yaşanmadı. Mobil nömrə.Ən yaxşısı rominq etməkdir. Burada xaricilər üçün nömrə almaq çox qəlizdir və vaxt aparan prosesdir. Ən az iki gün vaxt lazımdır. Özümüzlə mütləq götürməliyik.1. Krem. Əgər günəşdə yanıb, qap-qara olmaq istəmirsinizsə mütləq.2. Power bank. Çoxlu çəkiliş edəcəksinizsə mütləq. Nəzərə alın ki, səyahətin əsas hissəsi təbiətin qoynunda keçəcək.3. ABŞ dolları. Mümkündürsə ancaq 100 dollarlar aparın. Banklar 50, 20, 10 dolları dəyişmirlər. Eyni zamanda yaşı 10-dan az olan valyuta aparın. Köhnə dollarlar ölkədə tanınmır.4. Baş örtüsü və eynək. Çox köməyi olur, öyrəşmədiyimiz iqlim şəraiti adamı yormaması üçün vacibdir.Yemək. Yemək və içki çeşidləri olduqca boldur. Yeməkləri həm çox qidalı, həm də dadlı idi. Xüsusilə dəniz məhsulları, meyvələri, tərəvəzləri və təbii şirələri çox dadlı idi.Veqan və vegeterianlar üçün demək olar ki, cənnət idi. Bizdə olmayan müxtəlif, çox dadlı tərəvəzlər var. Dəniz məhsulları isə o qədər dadlı olur ki, sözlə ifadə etmək çətindir. Toyuq və qırmızı əti isə bişirə bilmirlər. Ət yeməkləri bərk olur, tam bişirmirlər. Həm dəniz məhsullarınını, həm toyuq ətini, həm də mal ətini bizə yad olan bol ədviyyatlı edirlər. Əvvəlcədən xəbərdarlıq etmək lazımdır ki, ədviyyat vurmasınlar. Şirniyyat anlayışları isə yox səviyyəsindədir. Valyuta.Ölkədə Tanzaniya şillinqi (TZS) istifadə edilir, ancaq ABŞ dolları hər yerdə işləyir. Siz bir şey alanda dollarla ödəniş edin, qalığı şillinqlə qaytaracaqlar, ancaq özlərinə sərf edən şəkildə, 1 ABŞdolları 2340 şillinqə bərabərdir. Turistlər.Ölkədə turistlərin 90 faizi avropalılardır. Az sayda türklər və asiyalılara da rast gəlinir. Danşıq dili, əhali.Ölkədə ingilis dilini demək olar ki, hamı bilir. Nursery school svahili dilindədir. Secondary və primary school-a davam etmək istəyənlər isə ingilis dilində təhsil alırlar. Zənzibarda əhalinin böyük əksəriyyəti müsəlmandır, az sayda Hinduizmə inananlar da var. Materik hissədə yəni Tanqanikada isə müsəlmanlar azdır, xristianlar və yerli dinlərə inananlar çoxluq təşkil edir. Hədiyyə.Ən yaxşı hədiyyələr: Tanzaniya qəhvəsi, maqnetlər, müxtəlif çaylar (daha doğrusu çaya əlavələr), ədviyyatlar, masailərə aid maskalar, qiymətli daşlar-xüsusilə tanzanoid daşı (gömrükdə tanış yoxdursa almayın), tropik meyvələr. Fil dişi, gərgədan buynuzu gətirməyə çalışmayın, qadağandır. Təmizlik, xidmət, keyfiyyət.Qalacağınız hotellərdə təmizlik, keyfiyyət və xidmət heç yerdə görmədiyiniz qədər üst səviyyədə olacaq. Özünüzü kral kimi hiss edəcəksiniz. Təəssüf ki, ağ insana qulluq etmək instikti artıq şərqi afrikalıların genlərində yerləşib. Maska, pandemiya, virus.Tanzaniyada koronavirusa inanmırlar, qadağalar ümumiyyətlə yoxdur. Səyahətimizə Zənzibar adasının ən gözəl çimərlikləri olan hissəsindən Nunqvi və Kendvadan başladıq. Daha sonra Air Tanzania Company Limited ilə Aruşaya uçduq. Serengeti National Park Tanzania, Lake Manyara National Park Tanzania, Tarangire National Park, Ngorongoro Conservation Area Authority və s. gəzdik. Aruşadan sonra Moşi şəhərinə, #Klimancaro milli parkına və cəngəlliklərin içində yerləşən, unikal qəbilələrin yaşadığı Materuni kəndinə yollandıq. Başımıza bir ömür boyu danışılacaq qədər maraqlı hadisələr gəldi. Çoxlu dostlar qazandıq. Növbəti statuslarda hamısını yazmağa çalışacam.#uçmaqüçündoğulanlar #borntotravel #visitafrica #visittanzania #qatarairways #airtanzania #tanzania #zanzibar #nungwi #kendwa #paje #jambiani #kizimkazi #arushatanzania #manyara #serengetinationalpark #ngorongoro #tarangirenationalpark #kilimanjaro #mountmeru #safari

449 dəfə oxunub

Edinburq bələdçisi

Salamlar , postda sizlərə budəfə London yox, amma London qədər də gözəl və əsrarəngiz olan Edinburgh şəhəri haqqında məlumat verəcəm.Ilk öncə onu qeyd edim ki, şəhəri gəzməyə 2 gün tam-tamına bəs edir. Hətta biraz da dirəşsəz 1 günə düşünürəm tamamən olmasa da əsas hissələrini gəzib bitirə bilərsiniz. Şəhərdə gəziləsi yerlər kifayət qədər olsa da onların bir-birinə məsafə olaraq yaxınlığı sizə ayaqla rahat gəzərək hamsını görməyə kifayət edəcəkdir. Ən əsası da transportdan heç istifadəyə gərək qalmır . Şəhəri gəzərkən insan özünü adətən bir nağıllarda hiss edir əsasəndə qalalar, arxitektura, qədim binalar insanı o atmosferə salır. Mənə görə həyatımda gəzdiyim ən qeyri-adi şəhərdir. Keçək şəhərdə görüləsi yerlərə:1) Edinburgh castle Şəhərin ən qədim tikililərindəndir. Qalaya getmək üçün gəzə-gəzə yuxarı çıxa bilərsiniz, çünki qala yüksəklikdə yerləşir və oradan şəhərin rahatlıqla çox hissəsi görünür. Getdiyim zaman qalaya girə bilmədim amma məncə məsləhətlidir. (məndən məsləhət əvvəlcədən online ticket almağı unutmayın)2)Dean VillageBu Village-ə baş çəkmənizi mütləq məsləhət görürəm, çayın körpünün altına axması, binaların axtiekturası sizi tam başqa yerə götürəcək. Adətən bir kino səhnəsində olduğunuzu da hiss edə bilərsiniz.3)Royal MileŞəhərin ən məşhur küçəsidir deyə bilərəm. Burada siz rəngarəng evlər və tünd boz binaların qarışığı binaları görə bilərsiniz və müxtəlif shoplar, restoranlar, əyləncə mərkəzləri ilə burada rastlaşa bilərsiniz.4)Holyrood palace Burada siz Royal ailələrindən birinin otaqlarını görə bilərsiniz. Bu otaqlarda Royal ailəsinə aid olan müxtəlif tarixi əşyalar hələ də qorunub saxlanılmaqdadır. Bilet qiymətləri isə fəslə görə dəyişir. Sentyabr-İyun ayları arası 17.50 pound, İyul -Avqust ayları arası isə 18.50 pound olur 5)Royal Botanic GardenBurada müxtəlif bitkilər saxlanılmaqdadir. Əgər botanikaya marağınız varsa yaşıllıq görmək istəyirsizsə bu məkan sizə görədir.6)Calton HillBuradan siz Edinburqun ən məşhur fotolarını çəkə bilərsiniz, demək olar şəhər ayaqlarınızın altında olacaqdır. Bundan əlavə müxtəlif abidələr şahidi olacaqsınız hansı ki hamısının tarixi keçmişi vardır. Əlavə olaraq qeyd edimki burada hər il müxtəlif konsertlər keçirilir və onlardan biri də Beltane Fire Festival-dır hansı ki 30 Apreldə burada olur. Əgər yolunuz düşsə mütləq qaçırmayın deyərdim Qeyd edim ki Şotlandiyaya getmisinizsə mütləq şəkildə təbiətinə də getmişkən baş çəkin. Amma bunun üçün 1-2 gün yox məncə 5 gün, bəlkə də daha çox yer görmək isdəyirsizsə 1 həftə lazım olacaqdır .Harry Potter məkanlarına da baş çəkməyi unutmayın Bu və digər postlar üçün şəxsi Instagram səhifəmi izləyib dəstək ola bilərsiniz, (agshinm)Diqqətiniz üçün təşəkkürlər

676 dəfə oxunub

İran bələdçisi

Bir neçə insanın istəyini və çox azərbaycanlının məlumatsızlığını nəzərə alaraq İrana səyahətimdən olan təcrübəmi istərdim sizlərlə bölüşəm. Ümidvaram yazdıqlarım kimlərəsə yararlı olar. Amerikanın İran haqda yaratdığı propoqanda təəssüf ki, bir çox millətdə mənfi fikirlər yaradıb. Eyni zamanda bir çox azərbaycanlı elə bilir ki, İrana getmək ‘zibilliyə’ getməkdən fərqlənmir. Çalışacam bu fikirlərin səhv olduğunu sübut edim. Başlamazdan əvvəl onu deyim ki, siyasət tərəfi mənim də ürəyimi bulandırır, xüsusi ilə də mollaların hakimiyyətə gəldiyi dövr. Qəşm adasında fikir mübadilə etdiyim Təbrizli xanımın sözü ilə desək İranı xarabaya çevirən hakimiyyət. Amma fərqli təcrübə yaşamaq istəyən bir turist 10-15 günlük bu abu-havaya dözüb ölkənin gözəl tərəflərindən zövq ala bilər. Onu da deyim ki, farslar o qədər də ‘geridə qalmış’ deyillər. Bir fars rəfiqəmin dediyinə görə Tehranda ‘gizli’ elə diskotekalar təşkil edirlər ki, heç Las Vegasda həmin atmosfer yoxdur. Çox uzatmayım, keçim mətləbə. İranı nəyə görə gəzmək lazımdır??? İran qədim tarixi, zəngin mədəniyyəti, oriental üslub memarlığı, səhraları, möhtəşəm adaları, qonaqpərvərliyi, fərqli iqlimi ilə səyahətçilərini təəccübləndirir. İranın Şimalında (Cənuni Azərbaycan) mənim diqqətimi cəlb edən xüsusi şəhərlər yoxdur. İranı kəşf etmək üçün cənuba yollanmaq lazımdır. Bu mənim şəxsi fikrimdir.Bu səbəbdən yalnız Təbrizdə bir gün gecələyib, bütün vaxtımızı yaxınlıqda yerləşən Kəndovan kəndində keçirtdik. Türkiyənin Kappadokiyası da adlandırırlar. İsfahan şəhəri xüsusi oriental üslubu ilə insanı çox heyrətləndirirdi. Bülvarlar, orta əsrlərə aid körpülər, saraylar, məscidlər əsas görülməli yerlərdəndir. Getsəniz UNESCO’ya daxil olan Nəqşi Cahan Meydanına ziyarət edin. Şiraz. İranda ən sevdiyim şəhər. Məncə paytaxt olmağa daha çox layiqdir. Həm coğrafi, həm də tarixi səbəblərə görə, siyasətinə qarışmıram Şəhərin mərkəzi orta əsrlərin şərq mədəniyyətini xatırladır. Burada istənilən məscidə daxil olursan ağzın açıq qalır. Rəngli güzgülərlə daxilini o qədər gözəl bəzəyiblər ki, insan baxmaqdan doymur. Nəsir-Ül-Mülk məscidi indiyə qədər gördüyüm ən gözəli idi. Pəncərələri Şəki xan sarayındakı kimi rəngbərəng şüşələrlə bəzədilib. Sübh tezdən günəşin işiqlari həmin rəngləri yerdə əks etdirir. Qeyd: məscidə giriş ödənişlidir, qiymət yerli və xarici vətəndaşlara görə dəyişir. Bundan başqa, şəhərdə Vəkil Bazara gedib digər memarlıq növləri ilə də tanış ola bilərsiniz. Vaxtınızı bu şəhərə çox ayırın, çünki, bura İranın özəyi, Qədim Fars İmperiyasının ürəyi, dünyanın ilk sivilizasiyalarından birinin beşiyidir. 70 km şimala getməklə Əhəmənilər İmperiyasının paytaxtına, Persepolis (yunanca Perse - Fars, Polis - Şəhər deməkdir) səyahət edəcəksiniz. 2500 il bundan əvvələ qayıtmaqla Fars İmperiyasının nə qədər əzəmətli olduğunun şahidi olacaqsınız. Makedoniyalı İsgəndər tərəfindən darmadağın edilmiş I Dara, I Kserks, I Artakserks kimi məşhur imperatorların saraylarının qalıqlarını, Zərdüştlüyə həsr olunmuş məbəd və digər tarixi abidələri öz gözlərinizlə görəcəksiniz. Həmin hisslər əvəz olunmazdır. Yaxınlıqda digər tarixi görməli yerlər isə Nəqşi-Rüstəm, Nəqşi-Rəcəb və Pasarqaddır. Sasani hökmdarlarının müharibələrdə qazandığı qələbələr, Roma imperiyasının elçilərləri ilə I Şapurun görüşü və s. kimi məşhur yazılı əsərlər tarixi qayaların üstündə həkk olunub. Pasarqadda isə II Kirin məzarı olduğu iddia edilir. Tarixi hiss etmək üçün bura da gəlməyə dəyər. Bu tarixi ərazilərə aid abidələrin bir neçəsi hazırda Berlində Pergamon muzeyində saxlanılır. Adlarını sadaladığım əraziləri görməmiş İrandan qayıtmaq, mənim kriteriyalarıma görə İranı kəşf etmək hesab edilmir. Ona görə də, əgər getmək istəsəniz taksi tutun. Bir-birindən məsafədədir və avtobus işləmir. Fars dostunuz varsa kömək istəyin taksi ilə danışmağa. Turist görəndə qiymət oxuyurlar. Mən google translate ilə danışıb azərbaycanlı olduğumu vurğulamışdım. Bütün günü gəzintiyə 40 AZN-ə yaxın xərcim çıxmışdı. Növbəti səyahətimiz Bəndar-Abbasa idi. Yanvarın ilk günləri idi. Biz çatanda temperatur 30 C idi, halbuki, bir həftə əvvəl Təbrizdə qar görmüşdük. Düzü burda görməli heç nə yoxdur. Şəhərə çatan kimi otelə yerləşib, dincəldikdən sonra adalara getdik. Qəşm adasında ‘Chahkooh’ kanyonu valeh edicidir. Bir az İordaniyanı xatırlatdı mənə. Amma deyilənə görə yağış yağandan sonra daha gözəl olur. Digər görülməli və indiyə qədər belə bir yer görmədiyim ada isə Hormuz idi. Sahilləri qıp-qırmızı, səhraları rəngarəng qumla doludur. Hələ mərkəzində Göy-Qurşağı vadisini demirəm, hər rəngdən torpaq var. Bəzi ərazilərdə torpaq o qədər qırmızıdır ki, hətta ondan qidalanan ağacların rəngi belə qızarıb. Fars körfəzinin o tayında yerləşən Omanın ərazisi də görünürdü Qayıdışda planda Yəzd, Kerman və buradakı qeyri adi səhraları gəzmək də var idi. Təəssüf ki, biz İranda olduğumuz müddətdə vəziyyət gərginləşmişdi. Təhlükəni nəzərə alıb Tehrana daha sonra da Bakıya yollandıq. Tehran heç xoşuma gəlmədi. Çirkli, səs-küylü, tıxaclı və qarma-qarışıq bir şəhər idi. Azadi meydanı və Milad Qülləsinə qalxıb restoranda fars yeməklərinin dadına baxa bilərsiniz. Hər şeyi yazmaq mümkün deyik, gedin özünüz gəzin Vacib qeydlər:-İranda beynəlxalq kartlar qəbul edilmir, nağd pul ilə gedin. Pulu öyrənməyə çalışın, sıfırlar adamı çox çaşdırır. - Bütün səyahətimizi avtobusla başa vurduq. Qatara əvvəlcədən bilet almaq lazımdır, yoxsa yerlər tutulur. İki cür avtobus fəalliyyət göstərir. Sadə və lüks. Çalışın lüks götürün, çox baha deyil, rahatdır, hətta yeməyə nəsə verirlər.- İran nömrəsi alıb internet yükləyin, səyahətinizə kömək olacaq. İranda bir çox film, porno, Facebook, youtube’a qarşı senzura var. VPN yükləyin getməzdən əvvəl. - Sizi turist kimi görüb tələlərinə düşməyin. Qiymət öldürün və azərbaycanlı olduğunuzu bildirin. İşə yarayır. - Qiymətlər çox ucuzdu. Şirazda şəhərin mərkəzində restoranda iki nəfərlik yeməyə (yüksək servislə) 15 AZN xərcimiz çıxmışdı. Farsların dediyinə görə İranda Novruz ərəfəsində otel tapmaq çətindi. Biz gedəndə rahatlıqla tapdıq və qiymətlər son dərəcə münasib idi. Hətta 20-25 AZN-ə (iki nəfərlik) belə otellər var. - Yol yoldaşınızın kim olmasına diqqət edin. Ölkədə qanun şəriət qaydaları və İslam rejiminə əsaslanır. Oteldə yanınızdakı xanımın naməhrəm olduğunu biləndə qalmağa yer vermirlər. Hətta deyilənə görə, polis yolda saxlayır. Heç bir təcrübəm yoxdur bu barədə, amma rəsmi olaraq cütlük hesab edilmirsizsə diqqətli olun. - Qadınlar üçün bütün ictimai ərazilərdə baş bağlamaq vacibdir. Kişilər, şortikinizi uyğun səfərlərə saxlayın. İran üçün yaxşı seçim deyil. - Azərbaycan dili ünsiyyətinizə daha çox kömək olacaq, nəinki ingilis dili, hətta cənubda belə.- Bacardığınız qədər həzz alın bu səyahətdən, çünki İtaliya, Yunanıstan, Misir kimi dünyanın ən vacib tarixi ərazilərindən birini kəşf edəcəksiniz. Şəkillər 2020 yanvar xatirələrindən.Oxuduğunuz üçün təşəkkür edirəm! ~ Hörmətlə,Rəcəb Səfərov

759 dəfə oxunub
Bizi izləyənlər siyahısına qoşulun!