606 dəfə oxunub

Yeni başlayanlar üçün gəzəyən məsləhəti

Hərkəsə salam,
Səyahətə yeni başlayanlar və zövqlə gəzərək xatirələr yaradacaq səyahətlərə üstünlük verənlər üçün #tövsiyyə
Vacib bir məsələyə toxunmaq istəyirəm.
Lakin bu adamına görə dəyişir. Mən özümə borc bilirəm ki, bir səyahətpərəst və ya gəzib - kəşf etmək aşiqi olan biri kimi bəzi vacib nüansları səyahətə yeni başlayanların və ya səyahətdən zövq almağı həqiqətən istəyən insanlarla paylaşım.
- Baxın, əvvəla səfirlik, viza və s. bürokratik məsələlərdən çəkinməyin. Sizin şəxsi həyatınıza qarışacaq və ya sizi imtahandan kəsəcək bir qurum və ya orqan deyil, heç kim sizə hər hansı bir mənfi obraz tətbiq etmir. Sənədləriniz qaydasında olacaq və maddi vəziyyətiniz imkan verəcək, ona uyğunda nəticə olacaq. Bu barədə daha geniş yazı yazmışam 2 il əvcəl (pin olunub). Yəni kimlərinsə sizin gözünüzdə viza prosedurunu şişirtməyə yol verməyin!
- Əgər həqiqətən gəzmək istəyirsizsə, "1001 gecə 1000 ölkə" anlayışından uzaqlaşın. Həqiqətən gəzib, zövq almaq istəyirsizsə, əvvəla götür-qoy edin ki, sizin gedəcəyiniz yerdən gözləntiləriniz nələrdir. Əgər ilk dəfə üçün gedirsizsə belə, yenə də araşdırıb özünüzü tapmalısız orada. İnternet üzərindən araşıdırın baxın nələr var, nəyə gedirəm mən bu ölkəyə, mənə nələr bəxş edəcək. Yalandan ad olsun deyə gəzənlər gözümün düşmənidir.
- Çalışın bir ölkəni əhatə edəcək bir plan qurun, demirəm şimaldan cənuba fəth edin, lakin ən azından həmin ölkənin minimum 2-3 şəhərinə baş çəkin ki, vizyonunuz genişlənsin, fərq yaransın ki, o ölkəni bir şəhərinə qiymətləndirməyəsiz. Ən azından bir şəlalə, göl və ya təbiətcil yerlərinə baş çəkin. Paytaxt gəzməklə ölkəni səciyyələndirə bilməzsiniz. Bunu unutmayın. Paytaxtdan daha gözəl, mədəni və elit şəhərlər var. Muzey sevməyə bilərsiz amma incəsənət fenomenləri bir cəmiyyəti təmsil edir. Teatr və konsert də çox önəmlidir, bunlar hamısı simvolizə edir olduğunuz yeri.
- Çalışın hansısa bir şəhərdə piyada çox gəzin. Onda şəhərin ruhunu mənimsəyirsiz, mərkəzdə, insanların izdiham olduğu yerdə təxminən 1 saat oturub, insanları seyr edin, bu sizə olduğunuz mühitlə olan çox fərqi göstərmiş olacaq. Hər fərqli təcrübə sizə yenilik qazandıracaq, üfüqüzünü genişləndirəcək.
- Çalışın plan qurarkən, ya yaxın ölkələri (qonşu) seçin, ki, gediş - gəliş rahat olsun, gününüz yolda keçməsin, maksimum zövq ala biləsiz. Keçən dəfə mənə sual ünvanlanıb, adam ilk dəfə ölkə xaricinə çıxacaq və bunu hansısa tur agentlik hazırlayıb. Həqiqətən təcrübə çox önəmlidir. 1-2 ölkəni 2 gündə gəzməklə konsultant olunmur. Deməli reysə fikir verin. Budapest - Barcelona - Paris - Milan - Praqa - Budapest. Bu nə reysdir ? Özüdə hərəsində 2 gün. Paris kimi dəbdəbəli incəsənət şəhərinə 2 gün ? Biyabırçılıqdır vallah. Düzdü muzey gəzmək zövq məsələsidir amma Paris üçün yenə azdır. Hələ Barcelonanı demirəm. Özünüz başa düşdünüz.
Sözümün canı odur ki, rasional düşünün səyahət barədə, kimlərinsə deyil, öz istəklərinizə əsasən zövqlərinizi yaşayın.
Qısa bir yaşanılmışlıq:
Finlandiyanın paytaxtı Helsinki şəhərində mərkəzdən biraz aralıda bir hosteldə qalırdım. Deməli, hardasa 60 yaşlarinda 2 nəfər kişi idi. Hər səhər duranda onları ümumi zalda görürdüm, günorta gəlirdim orda idilər, axşam gəlirdim orda idilər. Bir neçə gün belə davam elədilər. Qəribə gəldi ki, hostelin bəlkə sahibidirlər. Yaxınlaşıb soruşanda belə cavab verdilər:
- Biz Helsinkidən kənarda qalırıq, sosial həyatımız çox zəifdir. Hostelə gəlib müxtəlif insanlar görürük, onlarla söhbət edirik və beləcə dinamik hiss edirik özümüzü. Yəni ki, çalışın arada tək səyahət edin və başqa millətlərlə sosiallaşın, onların düşüncələrinə diqqət yetirin, bəlkə biz hardasa səhv edirik və bu bizə kömək ola bilər. Tək səyahət tamam fərqli zövqdür, MÜTLƏQ dadın.
Foto: Ankara Esenboğa hava limanı

Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…

Paylaşdı: Royal Aliyev

DİGƏR BLOQLAR

Yunan adası - Rodos

Rodosdakı bütün otel, apartament və hostelləri bu linkdən book (bron) edə bilərsiz.Heç bir plan olmadan, tələm-tələsik baş tutan çox maraqlı bir səfərim haqda danışmaq istəyirəm. Türkiyədə hazırda gönüllü qaldığım yerdə oturum izni almadığım üçün Azərbaycanlılara uygulanan 1 aylıq vizasız yaşam zamanım doldu. Ölkəni tərk etməli idim, bu da sevə-sevə işlədiyim yerdən ayrılmalı olduğum anlamına gəlirdi. Burda olan dostların axtarışı nəticəsində çarəni 1 günlük Yunan adalarından birinə gedərək yenidən 1 aylıq qala bilmə izni yaradaraq, həm də yeni bir yer kəşf etməkdə tapdıq. Beləliklə problem həll olundu, mən də səbrsizliklə çantamı hazırlamağa başladım.Günübirlik turun qiyməti 42 avrodur. Səhər saat 9da yola düşürsüz və 1saat içində Rodosa çatırsız. Feribot nə çox kiçik bir qayıq tipli bir şey deyil, nə də İstanbulda boğazı keçərkən istifadə olunan o böyük gəmi deyil. Heç ölkələr arası kruizdə deyil ???? Yəni xəyal qurmağa dəyməz bu mövzuda, çox sürətli hərəkət edir və bir də Rodos tərəfində daha çox yırğalanır. Ege dənizinin maviliyi göz oxşayır desəm yanılmaram. Günübirlik olduğu üçün biletim saat 5də də yenidən geri qayıdış zamanım idi. Bir-iki saat içində gəzə bildiyim yerlərdən bəhs edim. İlk zatən feribotdan endikdən sonra şəhərə doğru irəliləyib “Old town” adlı qədim hissəsini doyunca gəzdim.Sonrasında isə özümə dəniz məhsullarından dadmaq üçün zaman ayırdım. Beləki burda balıq yemədən, dəniz yeməklərinin dadına baxmadan və məhşur ouzo içkisini sınamasan olmaz. Mən də bu olmazsa olmazı dənədim. Beləki çox ləziz olan menyudan ahtapot grili və qızardılmış kalamar qarışığı bir boşqab sifariş verdim. Əlbətdə məşhur tarixi yunan içkisi ilə birlikdə bu 12 avroya başa gəldi. Hesabı ödədikdən sonra isə onlar məni qarpıza qonaq etdilər, niyəsin soruşduqda isə onların adətlərinin belə olduğunu bildirdilər.Artıq geri dönmək üçün yalnız 2-3 saatım qalmışdı. şəhəri heç gəzmədən getmək isə könlümə yatmadığı üçün turistik avtobusla şəhər turuna qatıldım. Prinsipcə zamanınız varsa piyada gəzmək, azmaq, yerli əhali ilə söhbət etmək tərəfdarıyam. Amma zaman… Səhər aldığınızda 12.50 avro olan bilet, saat 12.00dan sonra 9 avro olur. İstədiyiniz yerdə minib-enmə imkanı və hər tarixi yerdə olan şeylər haqda seçdiyiniz dildə geniş bir məlumat verir. Rodos özündə antik Yunan mədəniyyətini, Pers işğallarını, Roma imperatorluğunun gücünü, Osmanlı islam tarixini birləşdirir. Eləcə də bir çox avropa ölkələri müstəmləkəsi olduğundan hər mədəniyyətin bir parçasını hələ də özündə qoruyub saxlayır.Dünyanın 7 möcüzəsindən biri olan Kolossos heykəlinin vətəni Rodos haqda bu qədər yetərlidir, növbəti yazımda oranın digər populyarı olan Lindos kəndi haqda yazacam.Rodosda çəkdiyim digər şəkillərə facebookda “Bilməzin macəraları” səhifəsində baxa bilərsiz.P.S.: Bura getmək üçün şengen vizası lazımdır. Türk vətandaşlarından Kıbrısda olmuş olanlara və ya Kıbrıs vətandaşlarına sərhəddən buraxılış verilmir. Əgər sizin də pasportunuzda Kıbrıs cümhuriyyətinin möhürü varsa öncədən ora zəng vurub soruşun, sonra sərhəddə qalmayasız.P.S.: Mənim kimi uzaq bir yerdən gedəcəksənizsə bir gün öncədən gedib Marmarisdə qalmaqda fayda var. Çünki böyük bir növbə olur sərhəddə və saat 9da yola düşdüyü üçün feribot gecikmə ehtimali var.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər... Paylaşdı: Nilufər Əzim 

750 dəfə oxunub

Gəzəyən məsləhəti - Böyük Britaniya və Şimali İrlandiya Birləşmiş Krallığı vizası

Son zamanlar ən çox imtina alınan və şikayət edilən Böyük Britaniya və Şimali İrlandiya Birləşmiş Krallığının vizasını alınması proseduru və diqqət ediləcək məqamlar.???????????????????????????????????? ???????????????????????????? ????????????????????????????Əvvəlcə qeyd edim ki, Azərbaycanda Birləşmiş Krallığın səfirliyi olsa da viza məsələlərinə baxmır. Viza müraciətlərinə TLS Contact şirkəti vasitəsilə krallığın Türkiyədəki səfirliyində baxılır.Əslində deyildiyi qədər çətin olmasa da müraciət formasını doldurduqda diqqətli olmaq lazımdır.Əsas məsələ “EMPLOYMENT AND INCOME” və “INCOME AND EXPENDITURE” hissələri arasındakı balanslaşdırmanın düzgün aparılmasıdır.Misal üçün sizin əməkhaqqınız 2500 manatdır, evlisiniz, bir uşağınız var və hesabınızda 6000 funt-sterlinq varsa bu pulun mənbəyi şübhəlidir.İkinci, sizin əməkhaqqınız 2500 manatdır, iki uşağınız var və bir həftəlik səyahət üçün (tək səyahət etdiyiniz halda) 4000 manat ayırmısınız. Birbaşa imtina səbəbidir.Üçüncü, sizin əməkhaqqınız 1500 manatdır, ancaq bir gecəsi 80-100 funt-sterlinq qiyməti olan otel bron edirsiniz. Ucuz otel ya da hostel bron etmək daha məqsədəuyğundur.Dördüncü, siz nazirlikdə yaxşı vəzifədə işləyirsiniz, əməkhaqqınız 3000 manatdır, ancaq maliyyə mənbəyi olaraq əmək haqqı kartından son 6 aylıq çıxarışı göstərmək yerinə hansısa bankda hesab açıb, sonra oradan arayış alırsınız.Aşağıda, Böyük Britaniya və Şimali İrlandiya Birləşmiş Krallığı vizası üçün vacib sənədlər və müracət formasını doldurmaq qaydası göstərilib.Vacib sənədlər aşağıdakılardır.1. UK vizası üçün online doldurulmuş müraciətin çap versiyası.2. Xarici pasportun əsli və şəkil olan hissəsinin surəti.3. Şəxsiyyət vəsiqəsinin surəti.4. Aviabiletin bronu.5. Köhnə pasportun və vizaların surəti.6. İş yerindən arayış, (əmək haqqı göstərilməklə)7. Əmək haqqı kartından son 6 aylıq çıxarış.11. Qalınacaq yerin bronu .12. Nigah haqqında şəhadətnamənin ingilis dilində tərcüməsi və notarial təsdiqi.13. Uşaqların doğum haqqında şəhadətnaməsinin ingilis dilində tərcüməsi və notarial təsdiqi.14. 127 USD viza rüsumunun ödənilməsini təsdiq edən sənəd (GWF.).Böyük Britaniya vizasına müracət etmək üçün əvvəlcə :1. visa4uk (https://www.gov.uk/apply-to-come-to-the-uk) səhifəsinə girmək lazımdır.Start now-a basın və başlayın. Register an Account yəni yeni hesab yaradın və qeydiyyatdan keçin. Hesabınızın aktiv olması üçün sizə email gələcək.2. Hesabınız aktivləşdikdən sonra create sözünü seçərək vizanızın növünü (turistik, təhsil vəs.) təyin edin. Buradakı suallara cavab verdikdən sonra Go to Application vasitəsilə müraciətə başlayın.3. Səhifənin sol hissəsi siz suallara cavab yazdıqca yaşıl rəngdə olacaq. Cavab vermədiyiniz suallar narıncı rəngdə qalacaq.4. Sonda Confirm Application vasitəsilə müraciətiniz təsdiq edə bilərsiniz.5. Dəyişiklik etmək istəsəniz Return to Application vasitəsilə edə bilərsiniz.6. Əgər hər şeyin düzgün olduğuna əminsinizsə Submit Application ilə müraciətinizi göndərə bilərsiniz.7. Sign Declaration vasitəsilə müraciəti oxuduğunuzu təsdiqləyin və imza yerinə ad, soyadınızı yazın.8. Görüş təyin etmək üçün Book Appoitment-i seçin, Appotment Location (görüş yeri) və Visa Appointment Type (görüş növü) seçin. Daha sonra next düyməsini seçin.9. Condition of Payment. Burada viza rüsumunu ödəyirsiniz. Ödənişdən sonra sizə ödəniş və görüş haqqında təsdiq emaili gəlir.10. Müraciətinizi başa vurduqdan sonra TLS (Teleperformance) səhifəsində hesab yaratmalısınız. Bu hesab vasitəsilə müraciətinizi online izləyə bilərsiniz.Bunun üçün əvvəlcə Country of Residence (vətəndaşı olduğunuz ölkə) seçin, Submit düyməsi ilə göndərin və Create an account-hesabınızı yaradın.Müraciət formasını doldurarkən standart suallardan başqa qarşınıza bir çox qəribə suallar çıxacaq.1. PERSONAL DETAILS. Hansı ünvanda yaşayırsınız və neçə vaxtdır ki, bu ünvandasınız?2. TRAVEL AND CRIMINAL HISTORY. Son 10 il ərzində hansısa ölkədən viza müraciəti ilə bağlı rədd cavabı almısınızmı ?1. Son 10 il ərzində hansısa ölkədən deportasiya olunmusunuzmu ?2. Son 10 ildə getdiyiniz ölkələr, məqsədiniz və giriş tarixi.3. B.Britaniyada və ya başqa yerdə kriminal cinayətlə bağlı tutulmusunuzmu?4. B.Britaniyada və ya başqa yerdə davam edən məhkəməniz varmı?5. B.Britaniyada və ya başqa yerdə terrorist qruplaşmalara cəlb edilmisinizmi, əməkdaşlıq etmisinizmi və ya onları dəstəkləmisinizmi?6. B.Britaniyada və ya başqa yerdə insan haqlarının pozulması və ya soyqırım kimi işlərə cəlb edilmisinizmi, əməkdaşlıq etmisinizmi və ya onları dəstəkləmisinizmi?3. FAMILY DETAILS.1. Əriniz/arvadınız sizinlə səyahət edəcəkmi ?2. Uşaqlarınız sizinlə səyahət edəcəkmi ?4. INCOME AND EXPENDITURE.1. Aylıq yaşam xərciniz nə qədərdir ?2. Ailəniz üçün ayırdığınız aylıq xərciniz nə qədərdir ?3. Səyahətiniz üçün vacib olan maliyyənin məbləği (mütləq funt-sterlinqlə göstərilməlidir).4. Səyahətiniz üçün ayırdığınız məbləğ.5. Nəqliyyat xərcləriniz.6. Qalacağınız yerlərin xərci.7. Səyahətiniz zamanı yemək və s. (living expences) xərcləri.8. Bütün vergilər çıxıldıqdan sonrakı aylıq qazancınız.5. VISA CONFIRMATION QUESTIONS.1. B.Britaniyada işləmək istəyərdinizmi ?2. B.Britaniyada təhsil almaq istəyərdinizmi ?Sonda onu da deyim ki, özüm alanda üç yerdə kritik səhvlər etsəm də viza aldım. Hamınıza uğurlar!Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Elshan Ismayilov

2448 dəfə oxunub

Səyahət üçün lazımlı saytlar

Səyahət üçün köməyinizə çatacaq saytlar.HopperBu proqram uçuş qiymətlərini izləyir və indi satın almaq və ya gözləməyin sərfəli olub olmadığına dair məsləhətləri verir. Eyni zamanda qiymətin nə zaman artacağı ilə bağlı da təxmini tarixləri verir.Hotel TonightDeyək ki, siz bir yerə səyahət edərkən tutduğunuz otellə bağlı problem yarandı və çöldə qaldınız. Bu sayt vasitəsi ilə həmin gün üçün çox sərfəli endirimlə rezervasiya edə bilərsiniz. Təbii ki, ən yaxşı endirimləri həmin gün edilən rezervasiyalar üçün edirlər.Lonely PlanetSəyahət edərkən getdiyiniz yerdə nəyi görəcəyinizi və nə edəcəyinizi bilmək üçün istifadə edə bilərsiniz. Eyni zamanda üçüncü tərəflərin səyahət təcrübələrini və tövsiyələrini təqdim edir.Roomer TravelOtel rezervasiya etdiniz və hər hansı bir səbəbdən gedə bilmirsiniz və rezervasiyanı da artıq ləğv edə bilmirsinizsə, bu saytın köməyi ilə onu digər müştərilərə satıb pulunuzu xilas edə bilərsiniz.FLIOFLIO ilə uzun bir tranzit gözləmə və ya uçuş gecikməsi zamanı faydalanın. Hava limanında təklif olunan xidmətlər, Wi-Fi şəbəkələri, mövcud zallar, ictimai nəqliyyat vasitələri və yeyib- içmək üçün uyğun restoranlarla bağlı məlumatlar toplanır.GasBuddyBu proqram maşınla səyahət edənlərin yol boyu harada və hansı qiymətə yanacaq doldura biləcəkləri ilə bağlı məlumatları verir. Proqram Amerika, Kanada və Avstraliyada keçərlidir.TripItBu sayt emailinizə gələn səyahət məlumatlarını avtomatik olaraq tərtib edir. TripIt uçuş, otel, kirayə avtomobil rezervasyonları və hətta restoran rezervasyonları üçün vacib detalları tapır, sonra isə onları tez əldə edəsiniz deyə bir yerə toplayır.ViatorBu sayt sizə gündəlik turlardan, gəzintilərdən həftəlik səyahətlərə qədər təşkil olunan eventlər barədə məlumatlar verir. Üstəlik transport da bura daxildir.WanderuƏsasən avtobus və qatar səyahətlərini axtarmaq üçün bu sayt yaxşı seçimdir.XE CurrencyGetdiyiniz hər yerdə offline olaraq valyuta konvertasiyası üçün istifadə edə biləcəyiniz ən yaxşı saytlardan başlıcasıdır.IExitBu proqram sizə maşınla səyahət zamanı yolunuzun üstündəki vacib restoran, yanacaq doldurma yeri, bankomat və s. kimi yerlərin olub olmadığını göstərir. Müəyyən bir restoran zənciri və ya istədiyiniz digər xidmətlər varsa, onu qeyd edə bilərsiniz və iExit marşrutunuzda olub olmadığını sizə xəbər verəcəkdir.Bunlardan əlavə bildiyiniz kimi, otel, hostel, ev və s. tipli yerlər rezervasiya etmək üçün ən yaxşı saytlar Booking, Tripadvisor və Airbnb – dir.Uçuş biletlərini qiymətlərə uyğun axtarmaq üçün Skyscanner əla tövsiyədir.Blablacar maşınla səyahət edənlərin sizi də münasib qiymətlərə getdikləri istiqamətə aparmağı təklif etdikləri saytdır.Eyni zamanda pulsuz olaraq gecələmək üçün Couchsurfing-dən istifadə edə bilərsiniz.Və getdiyiniz yerlərdə yerli taksilərdən aldadılmaqdan çəkinib güvənli taksi xidməti istəsəniz Uber köməyinizə çatacaqdır.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Elman Heydarli‎ 

1609 dəfə oxunub

Hava limanlarında əl baqajının ölçülmə üsulları

İcazə verin bir namə də mən yazım Ukrayna Hava Yollarında başıma gəlmiş hadisədən. Öncədən bildirim ki, post əsasən Ukrayna Hava Yolları istifadəçiləri, əsasən də Kiyevdən transfer kimi istifadə edənlər üçündür.Deməli Aprel ayıdır. Ən ucuzunu axtara-axtara Kiev (KBP) transferli Bakı-New York reysi almışam. İlk dəfə ölkədən çıxmaq üçün Tiflisə getməyəcəm filan çox həyəcanlıyam. Ukrayna Hava yolları GYD-NYC reysi üçün (digər transatlantic uçuşlar kimi) 2 ədəd 23 kq-lıq və bir ədəd 7 kq-lıq baqaj limiti qoyub. Bura qədər hər şey əla.Əmması ondadır ki, mən zatən 2 ədəd təkərli 23 kq-lıq baqajla getdiyim üçün əl baqajım təkərli ola bilməz. New Yorkun şəhər strukturu və qollarımın sayı izin vermir. Ona görə çox sevimli, 50 litrlik bel çantamı götürdüm ki, kişinin başına iş gələr yolda dolduraram. Bu 50 litrlik çantanın da içində 25 litrlik bir kamera çantam var.Heydər Əliyev limanında problem yaşanmadı. Çantaları verdik, oturduq Ukraynaya gedən həmvətənlərimizlə xoş sədalar və ətirlər müşayətində çatdıq nam-ı dəyər Borispol (Boryspil) aeroportuna. Transfer müddəti az olduğundan içində “svinya” olmayan “zavtrak” edib getdim öz reysimi gözləməyə. Normalda ən son dəqiqəyə qədər kontura yaxınlaşam deyiləm. Amma yaxınlaşdım ki, yaxşı ki yaxınlaşdım.Yəgin bilərsiz normal hava yolları əl baqajı üçün səbət şəkilli sizerlərdən istifadə edir. Yəni bir metal səbət var onun içinə çantanız necə yerləşir yerləşsin heç kim sizə güldən ağır söz deyə bilməz.Mənim cahilliyimə bağışlayın mən ilk dəfə cageless sizer deyilən hər tərəfi açıq ölçmə üsulu gördüm. Normal sərt üzlüklü çantanız varsa bunun heç bir fərqi yoxdur. Çünki hard case çantalar istənilən halda ölçüsünü saxlayır. Amma gəlin bunu yumuşaq (soft case) çantalarda yoxlayın. Çanta boş belə olsa parça yumuşaq olduğundan tökülür və en olaraq o sizerə sığmır. Boş olsa belə.Mən də xanıma yaxınlaşdım. Çantamı qoydum və yarıboş çantam o sizerə sığmadı. Xanım mənə izah etməyə çalışdı ki, gərək 150 gələsiz bizə cərimə üçün. Xanıma izah edirəm ki xanım 400 dollara aldığım biletə balaca çanta üçün 150 dollar vermək mənim azərbaycanlılığıma sığmır. El arasına çıxa bilmərəm, məhlədə salamımızı almazlar. Biz camaata atırıq siz kimə atırsız? Xanım dedi ki, 150 dollar yox Euro. Və dediki sizdən başqa da bu pulu ödəyib gedənlər var. Burada bir məsələ də var ki, Kiyev mənim transferimdir. Mən artıq Bakıda ikən yoxlamadan keçib beynəlxalq zonaya daxil olmuşam. Transfer uçuşunun ortasında baqaj yoxlaması edib cərimə etmək məntiqə sığmır. Amma xanım anlamamaqda israr edincə anladım ki, FlyUIA qiymətdə etdiyi endirimin acığını baqajdan çıxır.Etmədim tənbəllik geri qayıdıb 50 litrlik çantamı tamam boşaldıb balaca 25 litrlik çantama yerləşdirdim. O çantanıda yenidən qoydum böyük çantanın içinə və yenidən yaxınlaşdım ki, xanım baxın, bunun içindəkilər sizin standartlara uyğundur. Problem mənim çantamın soft case, sizin sizerin isə innovativ və “maşennik” olmasıdır. Xanım yenə etiraz edib mənə YÜZ ƏLLİ YEVRO deyəndə axrıncı şalteri endirdim. Yenidən qayıdıb kiçik çantanı çıxartdım. Böyük çantanı aeroportda oturacağın üstünə atıb gəldim ki, o çanta sizə hədiyyəm olsun, bu çantaya isə tam yerləşir. Mənə bir daha YÜZ ƏLLİ YEVRO de. Xanımlar Dəvədən böyük Fil olduğunu anlayıb dedilər get o çantanı da götür gəl keç fakir gədə.Sözümün canı uçmazdan öncə kapeşnik şirkətlərin baqaj ölçülərinə diqqət yetirin. Mümkünsə hard case çantalardan istifadə edin ki, başınıza belə işlər gəlməsin. Sonuncu şəkil (4) isə bonusdur. AZAL ilə New Yorka 30.11 gediş və 07.12 gəliş cəmi 485 dollardır.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Mürsəl Səmədov

816 dəfə oxunub
Bizi izləyənlər siyahısına qoşulun!