Bloq

414 dəfə oxunub

Almanın vətəni kimi tanınan Almatı şəhərində 10 gün

Almatıdakı bütün otel, apartament və hostelləri bu linkdən book (bron) edə bilərsiz.
Almatı Rusiyanın Ural və Sibir şəhərlərini xatırladır. Orta Asiya atmosferi yoxdur.
Şəhərdə diqqət çəkən ilk detallar yaşıllıq, son dərəcə yaxşı planlaşdırılmış rayonlaşdırma və geniş küçələr oldu.
Almatı lap yaxınlığında yerləşən yüksək dağları, gölləri və Milli Parkları ilə məşhurdur.
Şəhərdə çoxlu böyük parklar var, burada sizə dələlər yaxınlaşıb yemək istəyə bilərlər və bu çox maraqlıdır.
Əvvəlcədən deyim ki, “Qazaxıstan varlı neft ölkəsidir” cümləsi tamamilə yanlışdır. Bizdən daha geridəqalmış ölkədir və daha kasıbdırlar.
Bakıdan Almatıya birbaşa və rahat uçmaq üçün ikitərəfli aviabiletləri AZAL - Azerbaijan Airlines ilə 550 manatdan başlayan qiymətlərlə almaq mümükündür. Bu qiymətə 23 və 10 kq baqaj daxildir.
Təxminən 3 saat 20 dəqiqə baş tutan səyahətdən sonra keçmiş SSRİ-ni xatırladan Международный аэропорт Алматы/Almaty international airport international airport havalimanına gəldik. Havalimanı o qədər geridəqalmış vəziyyətdədir ki, bizim Quba avtovağzalımız daha müasirdir.
Daha bir mənfi tərəf internetə qoşulmaq üçün mütləq mobil nömrəyə sms gəlməli və təsdiqlənməlidir. Yaxşı ki, əvvəlcədən Airalo almışdım.
Mobil nömrə:
Rouminq və ya nömrə almağa qətiyyən ehtiyac yoxdur. Airalo adlı mobil internet tətbiqini telfonuma yüklədim, çox rahatdır. Siz də istifadə etmək istəsəniz bu kodu istifadə edərək 3$ endirim ala bilərsiniz: ELSHAN0081. Qiymətləri də normaldır:
1 GB-4.50 USD
2 GB-8 USD
3 GB-10 USD
5 GB-14.50 USD
10 GB-24 USD
20 GB 33 USD
Taksi:
Havalimanından çıxan kimi taksilər gözləyir. Qiymətləri təxminən bizdəki kimidi. Taksidən rahat istifadə etmək üçün Bakıda Яндекс mobil tətbiqini telfonuma yüklədim və kart ilə ödənişi seçdim, oraya saxlamaq olmaz, ona görə ki, təsdiq üçün sms gəlməyəcək.
Valyuta: Tenge. 1 manat 274 tengeyə bərabrdir. Hər yerdə terminal var, ehtiyat nağd pul aparsam da çox istifadə etmədim.
Yerli əhali:
Hamı rus dilinində ana dili kimi danışır. Qazax dilində danışan çox azdır, demək olar ki, hamı makyajsız-əməliyyatsızdır. Əhalinin əsas hissəsi müsəlman və xristianlar olsa da dindar deyillər. Küçədə dindarları görmək mümkün deyil. Əhalinin əsas hissəsi qazax, rus, tatar, özbək və qırğızlardır.
Milli ruh, türkçülük, mentalitet, yaxşı oğlan və bu kimi anlayışlar demək olar ki, yoxdur. Saqqal saxlayan görmək mümkün deyil.
Tarix, memarlıq.
Şəhərdə rusların gəlişindən sonra tikilən birneçə sadə kilsədən başqa tarixi abidə yoxdur. Tamamilə sovet arxitekturası və az sayda yeni tikililər var. Reklamı güclü olan Almatı məscidi isə tamamilə mənasız üslubda tikilib, maraqlı deyil. Uzaqdan baxanda katolik kilsəsini xatırladır.
Avtomobillərin əksəriyyəti Koreya, Yaponiya və Çin istehsalıdır, Avropa avtomobilləri azdır, prius yoxdur, polislər çox azdır, velosiped sürənlər demək olar ki, yoxdur. Piyada, velosiped və elektrik skuterlər üçün şərait əladır. Xeyli sayda skuter sürənlər var.
Metro satansiyaları azdır, ancaq mərkəzi hissəni əhatə edir.
Ev, Hotel: Şəhərdə həm hotel, həm də ev qiymətləri normaldır. Ən yaxşı seçim “Almalı” metrosu ətrfıdır. Mən də bu ərazidə Grand Opera Hotel-i seçdim. Hoteldə iki nəfərlik otağın bir gecəlik qiyməti 42 avrodur.
Almatı bahalı şəhərdirmi?
Qiymətlər bizdəki kimi və biraz ucuzdur.
❄️ Səyahət üçün ən yaxşı vaxt.
Qış (xizək və s.) turizmi üçün şəhərə səyahət etmək istəyirsinizsə, getməli olduğunuz tarix dekabrdır. Bu dövrdə Almatı ətrafındakı bütün dağlar ağ örtüklə örtülü oacaq. Çox əyləncəli xizək partiləri də keçirilir. Havanın mülayim olduğu vaxtlar sentyabr-oktyabr və may-iyun aylarıdır. Aprel ayı şəhərə ən çox yağış yağan aydır.
Almatı təhlükəsizdirmi?
Almatı Avropa şəhərləri kimi deyil, tam təhlükəsizdir.
Turistlər. Sadəcə rusları və qonşu ölkələrdən gələnləri görmək mümkündür, o da çox az sayda. Turist o qədər azdır ki, mərkəzdə maqnit, suvenir satan dükanlar yoxdur.
Yemək.
Qazaxlar içməkdə ruslardan geri qalmırlar, ancaq yeməklərinin dadı gözlənilən səviyyədə deyil.
Hər yerdə Çin, Koreya və yapon fast food-ları və restoranları var.
Əsas milli yemək “Beşbarmaq” at ətindən hazırlanır, deyildiyi qədər dadlı deyil. Əl ilə yeyildiyi üçün beşbarmaq adlandırılan yemək ölkənin ən məşhur yeməyidir. İri əriştələrin qaynadılmış quzu əti və soğanla qarışdırıldığı yeməkdir.
At əti kolbasası. Bu əsl qazax yeməyidir və çox dadlı olur. Hədiyyə kimi alıb gətirmək üçün əladır.
Baursak duzlu və mayalı xəmirdən ibarətdir və qızardılır, dadlıdır.
Qımız, yəni at südü və ayranı dadlı olur. Restoranlarda kompliment kimi təqdim olunur.
Plov, Özbəkistanda olanlar daha dadlıdır. Qazaxlar bu işi bilmirlər.
Kababları bizim kababların tozuna da çatmaz. Rusiya və Ukraynadakı şaşlık kimi edirlər.
Kuurdak, qaraciyər, böyrək və s. kimi heyvanların qovrulmuş daxili orqanlarından hazırlanır. Soğanla süfrəyə verilən yemək çox dadlıdır.
Ənənəvi qazax çörəyi kimi tanınan şelpek hər yeməkdə istifadə edilir. Yumşaq xəmirin yağda qızardılması ilə hazırlananır. Dadlıdır.
Qurud. Qazaxıstanda duzlu qəlyanaltı kimi tanınan qurud yeməkdən əvvəl yeyilir. Küçələrədə hər yerdə rəngli, fərqli qurud növləri satılır.
Şəhərin görməli yerləri.
1. Panfilov parkı və “Zhibek Zholy” küçəsi.
Burada çoxlu qazax, çin, rus və türk mağazaları və restoranları var. Guya ki, buranın Tarqovısıdır, ancaq Bakı ilə müqayisədə çox geridə qalıb. Maksimum Sumqayıt ola bilər.
2. Şımbulak.
Qışda Almatıya səfər edirsinizsə və ağlınıza ilk gələn ünvan Şımbulak olmalıdır. Qazaxıstanda qış idman növləri üçün ən yaxşı və ən məşhur yer olan Şımbulak həm də Orta Asiyanın ən böyük və ən müasir xizək mərkəzidir. Bura bütün səviyyələrdə xizəkçilər və snoubordçular üçün bir çox imkanlar, müxtəlif pistlər təklif edən mərkəzdir. Dağlar kifayət qədər yüksək olduğundan xizək üçün çox yaxşıdır.
Almatıda qış idman mövsümü adətən noyabrın sonu dekabrın əvvəlində başlayır. Mövsümün və qarın yağmasından asılı olaraq martın sonuna kimi davam edir. Xizək mərkəzindən kanat yolları ilə zirvəyə çıxa bilərsiniz. Ətrafda kafe və restoranlar var. Qar kostyumları və xizək avadanlıqlarını icarəyə götürmək mümkündür.
3. Medeo.
Şəhərdən bir qədər kənarda meşəlik dağ vadisində yerləşən Medeo dünyanın ən hündür Olimpiya xizək meydançasıdır. Dəniz səviyyəsindən 1691 metr yüksəklikdə yerləşir.
4. Kok Tobe.
Abay metrostansiyası yaxınlığında yerləşən, 1100 metr hündürlükdə olan və Almatı şəhərinin ən hündür nöqtəsi olan Kok Tobe zirvəsi şəhərin panoramik mənzərəsini izləmək üçün gedə biləcəyimiz yerdir. Təpədə mənzərə ilə yanaşı, şəhərin demək olar ki, hər nöqtəsindən görünən televiziya qülləsi, Mavi Təpə adlı kiçik əyləncə parkı və müxtəlif abidələr var. Şəhərdən kanat yolu ilə Kok-tobe-yə getmək maraqlıdır. Bu həm xoş səyahət, həm də ətraf dağların mənzərəsini görmək üçün yaxşı seçim olacaq. Burada qartalla və milli türk geyimləri ilə şəkil çəkdirmək, müxtəlif suvenirlər almaq olar.
5. İle-Alatau Milli Parkı.
Almatıdan cənubda yerləşən təbii cənnətdir. 1966-cı ildə əsası qoyulan parkda 300 müxtəlif növ vəhşi heyvan və nəsli kəsilməkdə olan qar bəbiri yaşayır. Milli Parkda sizi meşələrdən və dağ çəmənliklərindən keçərək gözəl şəlalələrə, buzlaqlara və göllərə aparacaq çoxlu cığırlar var.
Trekkinq etmək üçün əladır. Medeu və Orta Asiyanın ən yaxşı xizək kurortu olan Şımbulak kimi zirvələr Milli Parkının kənarında yerləşir. Hər ikisi noyabrdan mart ayına qədər açıqdır və yerli qış idmanı həvəskarları üçün çox məşhur yerlərdir.
Birneçə günlük gəzinti planlaşdırırsınızsa, Milli Parkda düşərgəyə icazə verilir.
6. Almatı Nəbatat bağı.
Alatau dağlarının kölgəsində yerləşən möhtəşəm bağ “wallpaper” mənzərəsi ilə görənləri valeh edir.
Parkın ən gözəl yeri körpü ilə keçə biləcəyimiz Yapon bağıdır.Bura dünyanın müxtəlif bölgələrindən çoxlu ağac və bitkilər gətirilib. Kaktus və tropik bitkilərin istixanası da var.
7. Dolphinarium Nemo.
Central Parkda yerləşən Dolphinarium Nemo uşaqlar üçün çox maraqlı olacaq. Delfinlər, suitilər, dəniz şirləri kimi dəniz heyvanlarının çıxışları maraqlı olur.
Gündə üç dəfə keçirilən şou proqramından əlavə, ziyarətçilər delfinlərin olduğu hovuza girib şəkil çəkdirə bilərlər.
8. Kök Bazar (Yaşıl Bazar). Şəhərin simvollarından biri olsa da tamamilə mənasız reklam olunan yerdir. Bizim 8-ci kilomertr (vasmoy) bazarı daha gözəldir.
Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…

Paylaşdı: Elşən İsmayılov

Elşən İsmayılov

DİGƏR BLOQLAR

Cənnətdən bir parça - Hallstatt

Qabaqdan yay gəlir və düşünürəm ki, Hallstatta getməyi planlaşdıran çox adam var aranızda, ona görə bir-iki xırda detala toxunum.Hallstatt barədə əvvəlki postlarda ora getmək barədə ətraflı hər şey yazılıb. Mən sadəcə bir-iki xırda məsələyə toxunacam və şəkilləri paylaşdım ki, gözəllikdən zövq alasız.1) Salzburgdan avtobusla Bad Ischl-a gəlib çatanda ordan Hallstattdan keçən qatara aparatla bilet alırsız. Aldığınız biletin üstündə qatarın gəlmə vaxtı yazılır.Məndə belə bir hadisə baş verdi.Bileti aldım. Biletin üstündə 11:50 yazılmışdı. Hələ qatarın gəlməyinə 25 dəqiqə var idi. Orada məndən basqa Hallstatta gedən hardasa 10-12 turist həmən qatarı gözləyirdi.Saat 11:47 də bir qatar gəldi. Bütün turistlər cumdular qatarın üstünə. Hamı mindi qatara. Burda artıq "kütlə psixologiyası" işə düşdü. (Yəqin oxumusuz, svetofor məsələsi) Mən də hamının qatara minməyini gözləyib sonuncu qatara minəndə gözüm dayanacaqdakı Hallstatt sözünə ilişdi. İstiqamət sağa idi, qatar isə sola gedirdi. Tez qatara minib, qışqırdım ki, bu qatar Hallstatta getmir, düşün qatardan. Düşün nədi rəhməttinin nəvəsi? Elə dərhal qaplar bağlandı, özüm də qaldım içəridə. İçəridə nə qədər turist var idi yığışdı başıma. Qatarın içində manitorda qatarın gedəcəyi direction və stansiyalar göstərilirdi, orada Hallstatt yox idi. Hamını lomkaçılıq basdı. Gedib Ebensee stansiyasında düşüb, təzədən orada 25 dəq gözləyib, Hallstatta gedən qatara mindik.Yadınızda saxlayın Bad İschldan Hallsttata getmək üçün Stainach-İrdning istiqamətinə tərəf gedən qatara minməlisiz.2) Hallsttata tək getmək elə də məsləhətli deyil. Niyə? İki şeyə görə.a) Şəkildə görəcəksiz, qatardan düşəndən sonra orada balaca bir "butka" olur. Hansı ki, oradan səni gəlib qayıq götürüb, gölün o biri tərəfinə Hallstatta aparır. Ora yaxınlaşanda görürsən ki, ancaq "para"lar düzülüb, hamısı qız-oğlan əl-ələ tutub, sən isə qulyabani kimi ora-bura baxırsan. Guya öz aləmində təbiətin gözəlliyindən ekstaz vəziyyətə düşmüsən????Hələ bu heçnədi. Qayığın arxa tərəfi açıqdı, hamı orada ayaq üstə dayanır. Əgər orada durdunsa oldun bədbəxt. Hamı qızla durub, sən tək, elə Hallsttata kimi bunların şəkilini çəkirsən. O anda yeganə müsbət olan şey özünü məşhur fotoqraf hiss etməyindi. Başqa heçnə.b) Gəzdikcə maraqlı yerlərdə şəkil çəkdirmək istəyirsən və elə alınır ki, heç kimi tapmırsan. Yeganə çıxış yolu telefondakı taymerdən istifadə etməkdi. Kameranı qoyursan 10 saniyəyə, telefonun özünü də harasa qoyursan, qaçıb istədiyin yerdə dayanana kimi şəkil çəkilir. Gəlib baxırsan ki, elə bil hansısa ruh Hallstatta gəzməyə gəlib. (təbii ki bu mənim kimi selfie çubuğu ilə şəkil çəkdirməyi sevmiyənlərə aiddi)Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Rajab Zade

635 dəfə oxunub

Şəhər bələdçisi - Budapest

Budapeştdəki bütün otel, apartament və hostelləri bu linkdən book (bron) edə bilərsiz.Budapeştə getməzdən əvvəl bura haqqında kiminlə danışsam daima mənfi rəylər eşidirdim. Bu səbəbdən gözləntimi aşağı səviyyədə tutub buraya 2 gün ayıracağımı planlamağıma baxmayaraq şəhərə gəldikən sonra bütün eşitdiklərimin mənasız olduğunu görüb burada 5 gün qalaraq digər ölkələrə səyahətə davam etdim. Təbii ki, şəhərdə qarşılaşdığım bir çox mənfi hallar olmasına baxmayaraq Budapeşt gələcəkdə bir daha səfər edəcəyim şəhərlər arasında qalmaqda davam edir.İlk dəfə gedəcəklər üçün şəhərdə qarşılaşacağınız mənfi və müsbət hallar haqqında yazmaq istərdim. Budapeştə gəlmək üçün Romadan çox ucuz qiymətə wizzair bileti tapıb gecə saatlarında aeroportda düşdüm. Burada gecə saatlarında ictimai nəqliyyatın olmaması, həmçinin aeroportdan birbaşa şəhərə metro xəttinin olmaması qarşılaşdığım ilk mənfi hal oldu. (editor: Budapestdə Aeroportdan şəhər mərkəzinə 24 saatlıq avtobus var 100 E 3avro) Məcbur qalıb 12 avro ödəyib aeroportdan otelə shuttle busla getdim. (Dostum gündüz saatlarında gələndə aeroportdan 200E nömrəli avtobusla metro xəttinə, oradan isə metro ilə otelə gəlib cəmi 350+350 forint, yəni təxminən 2 avro ödəmişdi, taksilər isə şəhər mərkəzinə təxminən 20-25 avroya aparırlar.)Budapeştdə qaldığım otel Danibius Hotel Hungaria City Center oteli idi. Keleti qatar stansiyasının tam qarşısında yerləşən bu otel Avropa səyahətim dövründə super surətli wifi, geniş otaq, gülərüz və daim yardım göstərən otel əməkdaşları, yeməklər və ən əsası sərfəli qiyməti ilə ən məmnun qaldığım otel oldu. Gedəcəklər üçün məsləhət görürəm. Budapeşt nəqliyyat xaricində mənə görə Avropanın ən ucuz ölkələrindən biridir. Burada muzeylərə qalalara giriş üçün az miqdarda xərciniz çıxacaqdır. “Budapeşt kart” almağı heç məsləhət görmürəm. 1 günlük kart 22 avro, 2 günlük kart 33 avro, 3 günlük kartın qitməti isə 43 avrodur. Metroda tək gedişin 1 avro olduğunu nəzərə alıb gündə maksimum 4 dəfə metro istifadə etsəniz 5 günə 20 avro xərciniz çıxar ki, Budapeşt karta bu qədər yüklü məbləğdə pul ödəməyin heç bir mənası yoxdur. Ondansa Budapeşt City Tour (hop on hop off) kartlarını daha sərfəli qiymətə alıb üstü açıq avtobuslarla 6 line üzrə istədiyiniz qədər şəhəri gəzə, axşam saatlarında isə mini kruizlər vasitəsilə Dunay turu edib həmçinin avtobuslarda və gəmidə sizə veriləcək qulaqcıqlar vasitəsilə rus, türk, inqilis və başqa bir çox dildə bütün tarixi və gəzməli yerlər haqqında məlumat ala bilərsiniz. Hop on/off kartlarının qiyməti 48 saatlıq 24 avro, 72 saatlıq isə 28 avrodur. (http://www.citytour.hu/en)Budapeştdə yeməklər digər Avropa ölkələrinə nisbətdə xeyli ucuzdur. Dadlı yeməkləri, super şou proqramları, bahalı olmayan qiyməti ilə Sir Lancelot restoranını tövsiyyə edirəm. Budapeşt gecə həyatına gəldikdə isə burada köhnə tipli binalarda yaradılmış ruin bar və klublar xüsusi yer tutur. Havalar qaraldıqdan sonra əsasən köhnə yəhudi məhəlləsində yerləşən klublar qapılarını dünyaya açırlar. Instant, Doboz, Grandio, Szimpla Kert,Corvinteto əla əyləncə məkanlarıdır. İçki qiymətləri baha deyil, tək giriş mümkündür. Bundan başqa 50 avrosuna heyfi gəlməyən həftədə bir dəfə Szechenyi Termal Hamamında keçirilən sPArty əyləncəsinə qoşula bilər. Youtubda videolarına baxın, kifayət qədər əyləncəli partylər olur. Budapeştdə mütləq gəzib görməyi məsləhət gördüyüm yerlər:Gellert təpəsi, Buda qalası, Szechenyi Termal Hamamı, St. Stephen’s Basilica, Parlament binası, Qəhrəmanlar meydanı, Váci Utca küçəsi, Central Market Hall, Dunay turu, Fisherman’s Bastion + vaxtınız varsa Budapeşt tarix muzeyi, Hospital in the Rock muzeyi, Vajdahunyad Şatosu, Margaret Adası, New York kafesi və başqaları.Onu da deyim ki, Budapşetdə qarşılaşdığım insanlardan bir çoxu uzun müddət şəhərdə yaşayanlar üçün oranın maraqsız olduğunu, qısa müddət üçün gələnlərin isə şəhərdə məmnun getdiklərini deyirlər. Budapeştin termal sularının həzzini çıxarmaq, gəzərkən istid olmaması üçün sentyabr ayından sonra oraya getməyinizi məsləhət görərdim. Budapeşt səyahətinin sonunda mütləq oraya yaxınlıqda yerləşən Vyana, xüsusilə isə Praqaya səyahət etməyinizi məsləhət görərdim. Praqaya gedirəm, yolda Bratislavada düşüm oranı da görüm fikirləşənlər üçün deyim ki, Bratislava çox sıxıcı şəhərdir. Xoş səyahətlər.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Gəzgin Həyat

804 dəfə oxunub

Tiflis bələdçisi

Tiflisdəki bütün otel, apartament və hostelləri bu linkdən book (bron) edə bilərsiz. Tiflisdən bütün gəzəyənlərə salamlar.Ən sonuncu xarici ölkə səyahətimi 6 yaşımda Rusiyaya etmişdim. Getmək istədiyim yerlərdən biri də Gürcüstan idi.Bileti (Bakı-Tiflis-Tarbzon-Bakı)425 AZN başa gəldi. Baqaj 0 götürmüşdüm, bel çantamla buraxmadılar. Orada Baqaj almalı oldum.Tiflisdə ilk getdiyim yer Fabrika hostel oldu, bir gün qabaq bron etmişdim(12 nəfərlik otaq).33 lari+bir gecə. Mən Fabrika hostelini çox bəyəndim,əla idi hər şey, gigiyenik idi.Bircə qəribə tərəfi tualtdə su olmaması idi yuyunmaq üçün. Əl yumaq üçün bayırda idi. Qısası bütün hosteli barjomi butulkamla gəzmişəm. Çıxanda qoydum tualetə ki, birdən ehtiyacı olar müsəlman bacı-qardaşlarımızın:DHostelə yerləşdikdən sonra şəhəri gəzintiyə çıxdım, nəqliyyata ehtiyac yoxdur çünki şəhərdə görməli yerlər yaxındır. Funkliyora mindim(gediş+gəliş)20 lari. Funkliyorla çıxdıqdan sonra orada dağüstü park var, maraqlı atraksionlar var, amma uşaqlara daha maraqlı olar deyə düşünürəm.Sizə Kür çayının üzərindəki qayıq turundan danışım. Tiflisə sırf onun üçün belə getməyə dəyər. 30dəqiqədə (30 lari) körpünün hər iki tərəfini turladıq, şəlalə var idi qayalıqların arasından axan ora qədər də gedib çıxdıq. İndi başa düşdüm ki, Kürün ən gözəl hissəsi Gürcüstana düşüb, ya da yaxşı ticarətə çeviriblər bunu.Oradan piyada Trinity Cathedrala gəldim, möhtəşəm idi, əzəmətli idi.Girişdə geyim var, götürüb geyinirsən.Görməli yerlərdən biri də The Clock Tower idi. Maraqlı arxitekturası var, şəhərin mərkəzindədir.Mən kilsə gəzməyi çox sevdiyim üçün, Tiflisdəki bütün kilsələrə getdim.Körpünün üzərində bizdəki(bit bazarı)kimi bir yer var idi, hərçənd ingilis dilində soruşanda daha da baha deyirlər, yenə getməyə dəyər. Antik əşyalar, əl işi aksesuarlar,rəssamların sənət əsərləri sərgilənir (həmçinin parkdır). Oradan Gustav Klimtin əsəri olan boyunbağı aldım(10 lari).Qidalanma-restoran qiymətləri bakıdan çox az fərqlənir. Ətraflı map hesabımdan girib baxa bilərsiniz.Google Xəritədəki postuma baxınSəviyyə 5 Yerli Bələdçihttps://maps.app.goo.gl/zWm9yJq3g68rGa8R9Tiflisdə gəzərkən Cəlil Məmmədquluzadənin evini də gördük. Funkliyora gedən yolda içəri binalarda idi.Tiflisdə ən bəyəndiyim şeylərdən biri də şəhərin qraffitiləri idi. Divarların rəngarəngliyi göz oxşayırdı. Özümü daha azad ölkədə hiss edirdim.Taxi xidməti-iki dəfə mindim, qiymətlər münasibdir.Düşəndə taxi arxamca çağırıb qəpiyi verəndə şok oldum ki,bakıda heç təklif belə etmirlər.((Bircə Tiflisdə ürəyimdə qalan şey o oldu ki, techno klubu gedə bilmədim. Çünki hamısı sezona çıxmışdı.Burada iki gün qaldım, indi isə yolum Batumi şəhərinədir. Sən demə hər yerin 20 yanvar metrosu kimi yeri var. Avtobusla ucuz başa gələr deyə düşünürdüm ki, elə anında bir gürcü dayı Batumiiiii qışqırıb, vitasına doğru apardı(40 lari). İndi yoldayam beş saata çatacam. Qəşəng təbiət görüntüləri Batumi səfərimin detallarında görüşənə qədər, yoldaşlar. Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Ağgül Feyziyeva

557 dəfə oxunub

İsrail bələdçisi - Tel Əviv, Qüds

Tel-Əvivdəki bütün otel, apartament və hostelləri bu linkdən book (bron) edə bilərsiz.Söz verdiyim kimi sizə İsrail səfərim haqqında yazacam. Bu səfəri mart ayından planlamağa başlamışdım və biletləri də elə martda vizaya sənəd verməmişdən qabaq risk edib almışdım. Biletlərə Wizz Air-dən ümumilikdə 400 Manat sərf etdimBakı – Abu Dabi – Bakı/ 129.97 AvroAbu Dabi – Təl Əviv – Abu Dabi/ 85.35 AvroTəl- Əviv hostel 312 AZNAbu Dabidə hostel gedib qayıdanda iki günə 50 AZNİstifadə etdiyim kartlar:UCard(Restoran və Supermarketlərdə 5%)Leokart(Bilet və Hostellərdə 7% lik kateqoriya seçmişdim)Premium bank Visa Miles(Lounges-da)BirKart USD( Digər bütün ödənişlər)Note: Kartla ödəniş edəndə ekranda Dirhəm ya Dollar, Şekel və ya Dollar seçimi çıxanda həmişə yerli valyutanı seçin çünki belə olanda ödəniş Azərbaycan Mərkəzi Bankının məzənnəsinə görə hesablanacaq, olduğunuz ölkədəki konvertasiya və digər komission haqlar tutulmayacaq.Abu Dabidə 8 saatdan artıq qalacağım üçün Transit Visa for 48 hours apply edə bilərdim. Bu Vizanı səfərdən iki həftə qabaq Passport, Viza və Uçuş biletlərinin skanını yükləməklə bir saat ərzində asanlıqla almaq olur. Bu həmin vaxt Əmirliyə daxil olmaq üçün yeganə pulsuz viza idi. 8 iyuldan artıq Əmirlik üçün heç bir viza tələb olunmurAbu-Dabi haqqında qısa təsüratım: Mənə görə sırf bu şəhəri görüb-gəzmək üçün getməyə deyməz şəhərdə Şeyx Zəyid böyük məscidindən başqa görməli yerlər çox məhduddur və May ayı olduğu üçün artıq temperatur 40 dərəcəni keçmişdi və ən azından bu ayda getmək heç məsləhət deyil.Növbəti gün səhər artıq Təl-Əvivə endim. Nə az nə çox düz 5 saat sorğu-sualdan sonra border control məni ölkəyə buraxdı. Qaldığım yer booking-dən rəy və şərhlərə baxaraq reserv etmişdim. 180 Boutique Hostel düz şəhərin mərkəzində dəniz sahilində bir hosteldir. Hostel 8 nəfərlik Mix room idi və bəxtimdən orda qaldığım müddətdə otaqda 4 nəfərdən artıq adam olmadı. Hostel 6 gün 5 gecə 312 AZN ödədimİsraildə yerli yəhudilərlə yanaşı dünyanın müxtəlif yerlərindən gələn Yəhudilər də yaşayır, mənə görə əksəriyyəti çox istiqanlı və yardım-sevərdir.Təl-Əviv çox gözəl, təmiz, bahalı və inkişaf etmiş şəhərdir. Şəhər Miami Beach-i xatırladır. Şəhərdə ən çox sevdiyim cəhət bütün sahil boyu kəsintisiz gözəl pulsuz çimərliyin olmasıdır. Bundan başqa çimərliklərdə bisetkalar, kölgələmək üçün çətirlər və bəzi yerlərdə stullar tamamilə pulsuzdur.Şəhərdə hərəkət etmək çox asandır və baha deyil. Şəhərin əksər yerində velosiped və skuter sürmək üçün zollaqlar var. İctimai nəqliyyatda çox yaxşı təşkil olunub. Şəhərdə hərkət etmək üçün iki APP-dən istdifadə etdim Əgər uzunmüddətli qalacaqsanızsaRav-Kav almaq məsləhət görülür [https://play.google.com/store/apps/details?id=com.mosko.ravkav](https://play.google.com/store/apps/details?id=com.mosko.ravkav). Bununla həmçinin qatarla səyahətlərdə də ödəniş edə bilrəsiz bilərsiz.Şəhər içi əsasən Hop on App-dan istfadə etdim [https://play.google.com/store/apps/details?id=co.hopon.client](https://play.google.com/store/apps/details?id=co.hopon.client)İstifadəsi çox asandır: Azərbaycan nömrəsi ilə qeydiyyatdan keçib bank kartınızı əlavə edirsiz və ictimai nəqliyyatda QR kodu skan etməklə gediş haqqınızı ödəyirsiz.Həmiçin şəhərdə Intel-in yüzlərlə Self-Driving taksiləri var, qiyməti baha olsa da maraq üçün minməyə dəyər.Təl-Əvivdə bizim İçərişəhərə bənzəyən Jaffa adlı qala divarları olan qədim şəhər də var. Siz burda dünyaca məşhur Suspended Orange Tree(Asılmış Portağal Ağacı) və Ginesin Rekordlar kitabına düşən dünyanın ən böyük polad qaşığını görə bilərsiz.Bundan başqa şəhərdə saysız incəsənət və müasir texnalogiya muzeyləri varki bir an da olsun darıxmayacaqsız.Qiymətlərə gəlincə bildiyiniz kimi artıq neçə illərdi Təl-Əviv şəhəri dünyanın ən bahalı şəhərləri içərisində Top 3-lükdə olur. Bu doğurdan da belədir. Restoranları və gündəlik istehlak oluna yeməli nə varsa bahadır. Adicə bir şaurmanın qiyməti40-60 Şekeldir(20-30 Manat). Məni təcübləndirən digər bir şeyin Böyük supermarketlər də gündəlik istehlak olunan amma yeyilməyən məhsulların qiymətinin Bakı ilə demək olar eyni olmasıdır. Bakıda həyat səviyyəsinin Təl-Əvivlə müqayisədə dəfələrlə aşağı olmasına baxmayaraq gündəlik məhsul və xidmətlərə görə eyni xərcin çıxması Bakının da yaşamaq üçün çox bahalı şəhər olmasının göstəricisidir.Bir günümü isə tamamilə Yerusəlim/Qüdsə sərf etdim. Şəhərə qatarla 2.5 saata, avtobusla 1-1.5 saata çatmaq mümküdür. Səhər 10-da artıq şəhərdə idik və hosteldə tanış olduğum Belarusdan olan Yəhudi oğlanla tramvaya minərək şəhər mərkəzinə doğru getdik. Müqəddəs şəhəri yenicə kəşf etməyə başlamışdıq ki amerikanlar demiş “out of nowhere” 17 yaşında Ortodox Yəhudi bizə yaxınlaşdı və israr etdiki yoxe-yox mən sizə bütün şəhəri, görməli yerləri gəzdirəcəm. Çox sağolsun bizə bələdçilik etdi vaxt itirmədən bütün məşhur yerləri göstərdi. Ağlam Divarı, İsa peyğəmbərin çarmıxa asılmağa aparılarkan keçdiyi ərzailəri göstərdi. Şəhərin ərəblər yaşayan hissəsində yalnız müsəlmanların buraxıldığı əraziyə də keçdim. Girişdə duran avtomatlı əsgər məni buraxmırdı deyirdi: You’re too white, you can’t be a Muslim. Azərbaycandan olduğumu, xarici pasportumu göstərsəm də bir xeyri olmadı. Dedi: Kəlme şəadəti bilirsən? dedim hə, elə Əşədi ənna demişdim ki dedi you can pass. Həmin yerdə Məkkə və Mədinədən sonra İslamda müqəddəs sayılan üçüncü məscid və ziyarətgah The Dome of the Rock/Qaya Günbəzi(Qızıl günbəzli məscid) var. Doğurdan da vallehedici bir yerdir.Bələdçimiz bunula da kifayətlənmədi bizi Ortodox yəhudilərin şəhərdə kompakt yaşadığı yerə apardı. Bir anlıq özümü orta əsirlərdəki kimi hiss etməyə başladım. Həmin ərzaidəki yəhudilər aqressiv olmasa da bir hissəsi qatı dindardılar(Ultra-Orthodox Jews) və müsair həyat və texnologiyadan uzaq insanlardılar. Bələdçimiz dedi ki həmin adamların əksəriyyəti heç bir yerdə işləmir azı 4-5 uşaqları olur və dövlətdən aldığı yardımla dolanırlar.Beləcə İsrail macərası da belə bitdi. Yenidən səyahət etmək istəyərəmmi? - Hə. Nəyə görə? Ölü dənizi görmək və getdiyim yerləri yenidən kəşf etmək üçün.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Elchin Namazaliyev

433 dəfə oxunub
Bizi izləyənlər siyahısına qoşulun!