Bloq

1279 dəfə oxunub

Malayziya - Kuala Lumpur bələdçisi

Kuala Lumpurdakı bütün otel, apartament və hostelləri bu linkdən (bron) edə bilərsiz.

Multikulturalizm deyirəm sizə ????

Kuala Lumpur, Malayziya  ????????????????????????

Şəhər əhalisi o qədər qarışıqdı ki, adam bilmir Hellonan başlasın söhbəti, yoxsa Namaste, yoxsa Ni Hao ilə. Əksəriyyət Malay, Malay - Çinlilər, Malay - İnduslar təşkil edir. Qalanlar isə digər Cənubi Asiya ölkələrindən gələnlərdir.
Bu özünü demək olar hər bir sahədə əks etdirir:
▪️Qarışıq mətbəx ( Sevdim )
▪️Din, adət-ənənə ( Bir küçədə həm məscid, həm buddhist temple, həm chinese templlar və s.)
▪️Dil. Rahat 3-4 dil bilirlər ( Malay, Çin, İngilis, Hindi )

4 günlük tur planımı qısaca təsvir edim. Getməmişdən, şəhəri o qədər araşdırmışdım ki, hava limanından çıxanda ( elə şəhərin özündə də ) yerli adamlarda olmayan rahatçılıq var idi ????

 

69667695_10205816994180857_4745447719684800512_n

70004710_10205817026301660_5206422689798946816_n

Ənnn "babatı" online bron etdiyim hiking tour və Dining in the Dark restoranında şam yeməyi oldu.

▪️Dragonback hiking trek ????️
- Turun qiyməti 200 ringit ( səhər yeməyi, nəqliyyat daxil )
- Total hardasa 6 saat çəkdi.
- OpenSky limited şirkəti ilə götürdüm turu. Profesional uşaqlardı, heç vaxt hiking etməmisinizsə belə, sizə kömək edəcəklər.
Şəhərdən 40 dəqiqəlik yol sizi aparır meşəlik və dağlara. Pikdən açılan mənzərə bir tərəfdən sonsuz jungle və çaydı, digər tərəfdən Kuala Lumpurun göydələnləri. Dağa qalxmaq təxmini 2 saat vaxtınızı alacaq. Özünüzlə qurd-quşa qarşı spray, su, dəyişəcək paltar götürməyinizi məsləhət görürəm.

▪️Dining in the dark
Bu konsepsiya dünyanın bir çox şəhərlərində var, tam qaranlıq bir zalda, restoranda, gözdən əlil insanlar tərəfindən sizə göstərilən xidmətdir. Zülmətə daxil olmamışdan əvvəl sizinlə söhbət edirlər, hansı yeməklərə qarşı allergiyanızın olub olmamasını soruşurlar və içəridə sizi nələr gözləyir deyə başa salırlar. Amma yeməklərin tərkibini demirlər, yeyib qurtarandan sonra sizə blank verirlər, yediyiniz yeməklər barədə təxminlərinizi yazırsınız və daha sonra menunu artıq sizə göstərirlər. Hissiyyatınız və dad sensorlariniz nə dərəcədə yaxşıdı bilmək üçün əla bir şeydi məncə ????
-Bir nəfər üçün set yemək 150 ringit (includs juice, salad, soup, main course, dessert ).

????️KL-da digər gəziləsi və məşhur yerlər:
• Petronas tower, KLCC park
• Bird's Park ( Ekzotik quşları görmək şansınız olacaq ). Giriş 64 ringit
• Batu Caves. Giriş pulsuz
• Chinatown ( night market and food street )
• Jalon Alor, Central market ( Food street + night market)

68599729_10205817022661569_1308883174557745152_n

68867679_10205817023301585_3478301748819394560_n

69695884_10205817027141681_7909463587351953408_n

????????Nightlife:
Qəlyan və lounge abu havası sevənlər üçün
- Canopy rooftop bar
- Heli lounge
Hər ikisindəndə şəhərə, əsasən də Petronas towere inanılmaz mənzərə açılır. Minimal xərciniz 100 ringit olacaq hardasa, qəlyan və içki götürsəniz.

İçki demişkən, adi marketdə alkoqolun, sadə pivənin qiymətləri kəllə çarxdı... 4-5$ minimum 330ml üçün. Bu siyasət adamı lap müqəddəsləşdirir ????

????????????Nəqliyyat çox əlverişlidir. Taxi üçün GRAB app-i məsləhətdir (şəhər içi 6-15 ringit), metro (2-3 ringit) və avtobus (1 ringit) şəhərin hər bir istiqamətinə var.

Qaldığım otel Greyston Haus at d'Majestic place. (1 gecə= 25$, breakfast + rooftop swimming pool included).

4 gün üçün total xərc: 270 $ ( təyyarə bileti xaric ). Visa free.
Otel bronu: trip.com Tur plan: TripAdvisor.com

P.S. Currency 100 ringit = 23.8 $

69580641_10205816994420863_5663108018376540160_n

Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…

Paylaşdı: Hasan Mammadov

Hasan Mammadov

DİGƏR BLOQLAR

Meksika bələdçisi - Tulum

???????????????????????????????? deyəndə ağlımıza ilk gələn şey təhlükəli ölkə olduğu, narkotik, çöllük, kaktuslar, balacaboy bığlı daydaylar və.s Ama bir başqa düşüncə ilə yanaşsaq Meksikanın bir cənnət olduğunu görə bilərik. Mən bu dəfə yollandım Karib dənizi sahillərinə. Bura Meksikanın Quintana Roo ştatı sayılır. Bu ad “Kintana Ru” deyə oxunur. Mayalılar bu ştatdada məskən salmışlar. Ştatda yerləşən Karib dənizi – Qərb yarımkürəsində tropik dənizdir, Atlantik okeanınına daxildir. Ən dərin nöqtəsi isə 7,686 metrdir və Cənubi Amerikanın tərkibindədir.  ????Ştatda yerləşən çoxunuzun bildiyi yerlər isə Cancun, ????????????????????, ℙ???????????????? ???????????? ℂ????????????????????, ℍ????????????????????, ???????????????? ????????????????????????????, və ştatın biraz aralığında yerləşən möcüzəvi “ℂ???????????????????????? ????????????????” piramididir. Cancuna getmədim çünki daha çox turistlik bir yerdir ora getdin pul çox çıxır. Mən onnansa Playa Del Carmenə getməyi üstün tutdum həmdə daha çox yer gəzmiş oldum..  ✈️ Playa Del Carmenə gəlmək elədə ucuz başa gəlmir ama ömrünüzdə bir dəfə də olsun buranı mütləq gəlib görməlisiz. ???? Mən Merida şəhərindən Cancuna aftobus ilə gəldim. 4 saatlıq yoldu 35 manat ödədim. Aftobus sizi Cancun şəhərinə gətirəcək. ???? Daha sonra başqa bir aftobusa 8 manat ödəyib Cancun aeraportuna yollandım. Yarım saatlıq yoldu. Bakıdan gəlmək istəyənlər İstanbuldan Cancuna uçuşlar var və ya Avropa üzərindən münasib qiymətə biletlər əldə edə bilərsiz. Daha sonra playa del carmenə yollana bilərsiniz.  ???? Cancun aeraportunda dostlarımla görüşdüm və başladıq səyahətə. Biz 4 nəfər idik deyə maşın kirayalaq dedik həm şəhəri həmdə şəhər ətrafını gəzmək üçün əlverişlidir. America Rente cardan Cip götürdük 3 günlük. 4 nəfərə 330 manat ödədik. Maşına benzin vurmaq məsələsidə var. Buda 180 manat. Çünki dolu qaytarmaq lazımdı maşını ???? Qalmağa yeri Airbnbdən ev tutduq Playa del Carmendə. 5 mərtəbəli bina evidi şəhərin mərkəzində yerləşir. binanın üstündə gözəl bir hovuzu var. Evdə hərşey qaydasında idi. Evdən çıxan kimi restoranlar kafelər shopping mollar çox yaxındadı, elə küçə özü turistik bir yerdi. Bu evi 4 nəfərə tutduq, ümumi 3 günə görə 365 manat ödədik.???? https://www.airbnb.com/rooms/16911597?s=67&shared_item_type=1&virality_entry_point=1&sharer_id=112376445???? İlk günün planı Chichen İtzanı gedib görmək idi. Adı “Çiçen İtsa” kimi oxunur. Playa del Carmendən 185 km, hardasa 2 saatlıq məsafə aralıqda yerləşir. Magistral yola maşınla daxil olmaq üçün 20 manat ödəməlisiniz. Yol üstü Valladolid kəndinə baş çəkib gəzdik həmdə yemək yedik. Kənd çox rəngarəngdir. Daha sonra yola düşdük Chichen İtzaya.  ????Chichen İtza piramidi bir möcüzədir. Bu piramidin yerləşdiyi İtza bir maya kəndidir. 1841 ci-ildə Jhon L. Stephens tərəfindən kəşf olunub. Chichen İtzaya giriş bileti 43 manatdır. Maşın parking eləmək 7 manatdır. Birdən əlinizdə kamera görsələr 4 manat əlavə ödəməli olacaqsız. Saat 5 də bağlanır. Daha sonra Light Show başlayır bunu heç qaçırıb eləməyina. Mütləq daha öncədən bilet alın. Qiyməti isə 22 manatdır.  ????Tulum candır, cənnətdir, buranı səyahət etmək üçün ən gözəl vaxt dekabr – aprel aylarıdır. Tulumda görüləsi yerlər isə Casa del Cenote, Pyramid El Castillo. Archeological Zone of Tulumdur. Ora gedib də Ahau Tulum art önündə şəkil çəkməsəz lap günaha girmiş olarsız. ????Tulumda Mayalıların yaşadıqları yerə giriş bileti 6 manatdı əgər foto aparat görsələr əlavə pul vercəksiz ona görə öncədən gizlədin. Burda Mayalılardan qalmış yerləri görə bilərsiz həqiqətəndə möhtəşəmdir. ????Holbox adası bəh bəh hə buna deyərəm istirahət etmək. Elə neçə gündü qaça qaç ora get bura get yorğunçuluq. Bura isə istrahətin tam məkanıdı. Holbox adasına biz Playa del Carmendən maşın ilə hardasa 1 saat 40 dəqiqəyə getdik. Maşın parkinginə görə 5 manat ödədik. Daha sonra adaya getmək üçün qayıqdan istifadə etdik adam başı 14 manat edir. Böyük və ya kiçik qayıq fərq eləmir eyni qiymətdi. Yarım saata çatdıq adaya. Adada qiymətlər od tutub yanır dəhşət bahaçılıqdı. Axır bir restoran tapdıq adam başı yeməyə 15 manat ödədik. Dəniz üçün kirayə çətiridə qiymətin aşağı sala sala axır bir nəfər üçün 10 manata verdi.  ????Gran Senoteyə giriş bileti 16 manatdı. Bura daxil olduqda öncədən mütləq duş alıb başınızı yumalısınız. Su çox təmizdir içində isə balıq və tisbağalar var. Dərinliyi 2m-dən 25m-ə qədərdir.Yeyib içmək və Restoranlar ????????????Elə evdən bir iki addım uzaqlıqda yerləşən mənim favori restoranım El Sangha-Rito idi. Qulluğ super yeməklərədə söz ola bilməz. Qiymət isə 9 manat ödədim içki ilə birlikdə.????Valladolid kəndində qəşəng bir restoran var adı Las Campanas-dır yeməklərin dadı super qiymət isə cibə uyğun. Ortalama yemək içki ilə birlikdə 10-12 manat xərciniz çıxa bilər.☕️Chichen İtzada saat 5-ə kimi gəzib dolandıq daha sonra isə Light Show-nun başlamasını gözlədik elə bu arada da Oxtun kafedə oturub bir kof içdik. Bir kofe 5 manat.????Chichen İtzadan döndükdə elə axşam idi yolda dayanıb şam yeməyi yeyək dedik bu arada yolda Los Pepes restoranı görüb getdik ora. Əgər kofe içmək istəsəz arxa tərəfində ☕️İtalian Kofe var orda əyləşib bir kofe içə bilərsiniz.????Tuluma gedərkən El CAmello restoranında yemək yeyib daha sonrada☕️ Azul kafedə bir kofe içib Tulumun dadını çıxara bilərsiniz. Yeməyə 7 manat latteyə isə 6 manat verdim.Vaxtınızı ayırıb oxuduğunuz üçün hərkəsə təşəkkür edirəm.. Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Seyid Hüseyn

1087 dəfə oxunub

Soyuq İsveçrə "sınağı"

Budəfəki səyahətimin şüarı:"Tanrı məni cəzalandırmaq üçün İsveçrəyə göndərdi" ????20 saatlıq aclıq, BlaBlaCar'ın sifarişi ləğv etməyi, buna görədə Bern şəhərinə gedə bilməməyim və əvəzinə Zurixə yola düşməyim, orada isə Couchsurfing'in anidən evə qəbul etməməyi və Zurixdə bir gecə 0-2 dərəcə soyuqda çöldə qalmaq, Lokau'da bir skamya tapmışdım ki oturum yemək yeyim, elə bir qısmat ???? yemişdim ki, mənimlə üzbəüz evdən bir qadının çıxaraq şəklimi çəkib "İ am calling police" deməyi ilə işıq sürəti yığıb dağın başına tərəf bir əlimdə ağır çanta bir əlimdə canım norveç balığı dağıla-dağıla necə qaçmışamsa, sonda balığın özünün yox ədviyyatlarının qalmağı, Lindau şəhərində mastercard/visa ilə ödəniş qəbul olunmadığı üçün "bir balaca" da aclığın dibinə düşməyim, Lindau - Munxen qatarında polisin 40 dəfə pasport / bilet kontrol etməyi nəticəsində yata bilməməyim və heçnə anlamadım bu çoxsaylı yoxlanışdan...370 AZN / 4 şəhər 3 ölkə / 7 gün / Noyabr 2019Deməli bu səyahətimdə ilk dəfə idi ki, yalnız təyyarə biletlərini əvvəlcədən almışdım vəssalam gediş-gəliş cəmi 40 AZN (Kutaisi - Basel / Munich-Kutaisi)Qalan hərşeyi yerində aldım və ilk dəfə planı pozaraq Münxendən olan geri dönüşü təxirə salıb yol aldım doğma "last station" Budapeştə ???? Bura getməkdə ən əsas məqsəd dostuma sürpriz etmək idi ????1. İSVEÇRƏ: Zurix2. AVSTRİYA: Bregenz, Lokau3. ALMANİYA: Lindau, MunichNəqliyyat vasitələri və xərcləri: 230 AZN✈ WIZZAIR: Kutaisi - Basel 17 AZN✈ WIZZAIR: Budapeşt - Baku, 66 AZN✈ WIZZAIR: Munich - Kutaisi, 23 AZN???? FLİXBUS: Basel - Zurix, 14 AZN???? FLİXBUS: Zurix - Bregenz, 20 AZN???? FLİXBUS+Regiojet: Munich - Budapest, 40 AZN???? Qatar (OBB): Lochau - Lindau, 4 AZN???? Qatar (DBB): Lindau - Munich, 48 AZN (Bayern ticket - bu biletlə Bayern ərazisində - Ulm, Lindau, Memmingen, Munxen və s. şəhərlərdə metro və qatardan 9am-3am arası limitsiz istifadə etmək olar)Yerləşmə: Hostellər və xərcləri: 141 AZN- Isveçrə???? Backpack hostel, 65 AZN / 1gecə, Zurix- Almaniya???? Euro youth hostel, 46 AZN / 2 gecə, Munxen- Macarıstan???? Unity hostel , 30 AZN / 2 gecə, BudapeştDeməli çatdım Isveçrənin BASEL şəhərinə, yazdım ki BlaBlaCar şoferinə hardasan qadan alım bəs nə vaxt gəlirsən ???? Dediki qaqa sən 1 nəfərsən sərf eləmirsən (elə bil Maştağa, Bilgəhə gedən manatlıq taksi zaddı ????) Pahoooo qaldıq pis vəziyyətdə, Bernə gedən qatarın qiyməti 36 $ olduğunu görüb dedim flixbus hara mən ora ???? Berndəki ev sahibinə dedim ki bəs mən gələmmiyəcəm bu şofer mənə atdı, dedi no problem. Nəysə o şoferi yad edə edə aldım flixbus bileti və Zurixə yola düşdüm, acından da can verirəm???? Zurixə çatıb ev sahibinə yazıram ki, gəldime gəldim adresi atın görüm, mənə nə yazsalar yaxşıdır ? Biz evdən indi çıxası olduq çox üzr istəyirik, mən də dedim ayıb söhbətdir, sözü belə olmaz ???? Bunlar nə danışır a kişi, çöldə neyniyəcəm bu norveç soyuğunda mən (baxmayaraqki soyuğu sevirəm)?! Aclıqdan soyuğu vapşe hiss edirəm özüdə nəyi var ????Üz tutdum qatar stansiyasına 2 saat orda qaldıqdan sonra polis gəldiki stansiya bağlanır çölə çıxmalısız. İlahi bu nə temadı???? Nəysə çıxdım bayıra Zurixin mərkəzində 2-3 kruq vurmuşam artıq, barmaqlarımın ucu buz bağlayıb əlimi hiss eləmirəm, getdim biraz gəzəndən sonra gördümki bir ATM bölməsi var, içərisində də bir qız yatıb dedim əla bir isti yer tapdım nəhayət, ordada 2 saat falan keçirəndən sonra səhər ilk açılan restorana daxil oldum, ac adam təəssüf ki qiymətləri yox yeməyi gördüyü üçün məğlubiyyətə uğradı ???? 2 keks və 1 çay cəmi 21 AZN ???? heçnə, çoxda şey eləmirəm ???? Zurixi gecə o qədər gəzmişdim ki, səhər gəzəndə artıq ürəyim bulanırdı, o çətin "vaxtlarım" yadıma düşürdü.Avstriyada hər şey əla keçdi, Lokau və Bregenzə mütləq baş çəkin, Hər ikisini 1 günə sığdırmaq mümkündür.Almaniya barədə isə, Lindau kiçik və əhalisi az ola bir şəhərdir, Konstanz (Almanca, Bodennsse) gölünün sahilində yerləşir. Bu şəhərə gəlsəniz mütləq surətdə üzərinizdə nəğd pul götürün. Kart çox məhduddur burda. Munxeni heç sevmədim, böyük, əhalisi çox bir şəhər, tipik avropa şəhəri, eynən Paris.Deməli mən Munxendən artıq geri qayıtmalı idim, səhər yuxudan durub tez getməli idim Memmingen aeroportuna. Həmin vaxt dostum da orda idi, dedim gedim ona bir jest edim ???? Dedim vapşe getmirəm, nəsə heç getmək qayıtmaq istəmirdim ümumiyyətlə, girdim flixbus saytına baxdım Budapeşt reysinə aldım ilk bileti getdime ver əlini Budapest, hələ hələ Bakıya ucuz bilet tapmisdim????Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Royal Planck

621 dəfə oxunub

Çin bələdçisi - Hanqcou, Nankin, Şanxay, Pekin

Şanxaydakı bütün otel, apartament və hostelləri bu linkdən book (bron) edə bilərsiz.13 günlük Çin səfəri.Vaxtında deyim yazı uzundu, üzürlü hesab edin ????Demək ofisdə oturduğumuz yerdə e-mail gəldi ki, 13 günlük Çinə getmək lazımdır.Dedim bu qədər işin içində necə gedəcəmasfgüjajeqıaNəysə təcili biletləri alıb Bakı-Doha-Hangzhou reysiylə uçduq Çinə.Əsas məsələni qeyd edim, hələ Çin səfirliyi kimi çox qəliz səfirlik görməmişəm. Təsəvvür edin İsrail səfirliyi bunların yanında toya getməlidir. Çin Azərbaycanlılar üçün turist vizası vermir. Ancaq iş vizasıdır, onun üçün də Çində sizi dəvət edən şirkət miqrasiya idarəsindən ştrix kodlu dəvətnamə göndərməlidir. Bunu isə yalnız böyük şirkətlər edə bilir. Bu dəvətnamə üçün Çində miqrasiya idarəsi məhkumluq haqqında arayışın Ədliyyə Nazirliyində təsdiqi, sonra isə Çin səfirliyində təsdiqini istəyir. ASAN xidmətin verdiyi məhkumluq haqqında arayışı qəbul etmirlər. Çində görüşəcəyimiz böyük şirkətlərin birində işləyən Azərbaycanlı dostumuzun sayəsində dəvət məktubunu qısa müddətdə aldıq. Çinə çatanda müsəlman ölkələrindən ilk dəfə Çinə gələnləri saxlayıb sorğu sual edirdilər. Yarım saat sonra növbə mənə çatdı. 10-15 dəq sorğu sual oldu, sonra məndən telefondakı şəkilləri göstərməyimi istədilər. 2200-lük foto alboma baxmağa başladılar. Gəldi çıxdı albomun axırında Tayvanda çəkdiyim şəkillərə. Gözü Tayvan bayrağına sataşdı. Şəkili açdı ki, bir tərəfimdə Amerika, o biri tərəfimdə isə Tayvan bayrağı şəkil çəkdirmişəm ???? Elə bil qıza şapalaq vurdular, üz ifadəsi dəyişdi və tez keçdi içəri. 5 dəq sonra məni otağa çağırdılar. Gördüm fərqli geyimdə bir təhlükəsizlik işçisi sənədlərimə baxır. Çamadana baxmaq istədi, açdım çamadana da baxdılar, 10 dəqiqə də bu sorğu sual etdi. Sonra üzr istəyib, çamadanımı toplamağa kömək edib yola saldılar.Çində UBERin əvəzinə öz taxi xidmətləri olan Didi işləyir. Qiymətləri çox yaxşıdır.13 gün içində Çində 4 böyük şəhərdə olduq: Hangzhou, Nanjing, Shanghai, Pekin(Beijing). 4-ü də çox böyük və çox inkişaf etmiş şəhərlərdir. Bu şəhərlərdə mərkəzdə evlərin ortalama qiyməti $10,000 / m2-dən başlayır. Və hər kəs də ev almağa can atır ????Hangzhou və Nanjingdə hər birində 8 milyon, Şanxayda 27 milyon, Pekində də 24 milyondan çox əhali var.Sürətli qatarları çox yaxşı işləyir, Şanxay - Pekin reysində sürət 347 km/h qədər qalxmışdı. İstənilən şəhərə qısa müddətdə çatmaq üçün çox əlverişli nəqliyyatdır.Xarici turistlərə çox az rast gəlinir, daxili turizm isə dəhşət işləyir. Qaldığımız bütün otellər Çinli turistlərlə dolu idi.Çində whatsapp, facebook, messenger, instagram, google, gmail, YouTube işlətmək istəyirsinizsə mütləq VPN yükləyin. Çində bunlara qadağa qoyulub və heç biri işləmir.Gördüyüm 4 böyük şəhərdən ən gözəli Şanxaydır. Şərqin New Yorku da deyilir. Buranın adamları da digər şəhərlərə nisbətən mədənidir, amma adam dəhşət çoxdur ????‍♂️ rəsmi rəqəmlərə görə 26,5 milyon.Çində adam bir birinə toxunanda heç kim üzr istəmir. Təzə təzə üzr istəyirdim gördüm heç kimə çatmır. Baxırlar ki, nəyə üzr istəyirsən. Məntiq odur ki, ”adam adama dəyər də” ????10 gün içində ilk dəfə Şanxayda çox yaşlı bir day day (bunlara yaş vermək olmur hər hal 200 yaşı olardı ????) ayağıma toxunduğuna görə üzr istədi. Hər-hal dayının cavanlığında adam az olub, o devirdə üzr istəyiblərmiş.Yeməklərinə öyrəşmək üçün 13 gün az müddətdir, şirin souslu balıqlarını və digər fərqli qoxulu yeməklərini yemək asan deyil ???? ona görə də çalışdım ancaq dəniz məhsulları yeyim. Axır ki, lobster də yedim ✅Pekinə yolunuz düşsə, Pekindən 50km məsafədə Çin səddinə mütləq gedin.Sürətli qatarla getməyiniz məsləhətdir. Nəzərə alın ki, çinlilər çox bərbad maşın sürürlər, piyada keçidində çox nadir halda yol verirlər. Əslində başa düşüləndi, piyada keçidində hamıya yol verməyə cəhd etsələr, bir də pensiya vaxtında gedib evə çatarlar. Adam o qədər çoxdur yəni ????Əsas xərclər və xidmətlər barədə qısa məlumat:* Baku-Doha-Hangzhou. 14 saat, 664 AZN* Pekin - Baku. 8 saat, 617 Dollar* Taxi xidməti: Didi* 5 ulduzlu otellər: 140 $ / gün* VPN- StarVPN* Çin dili üçün: iTranslate application.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Ramil Azmammadov

1487 dəfə oxunub

Dünyaya ən çox nağıl danışan ölkə - Danimarka bələdçisi

Kopenhagendəki bütün otel, apartament və hostelləri bu linkdən book (bron) edə bilərsiz. Niyə nağıl?) Çünki İsveçlərin Astrid Lindqreni varsa, danimarkalıların da Hans Christian Andersen-i var. Uşaqlıqdan mənə sevgini, mərhəməti, insanlığı nağılları ilə öyrədən yazıçının vətənini görmək möhtəşəm hissdir. Soyuq və gözəl Kopenhagendə və yaxın kiçik şəhərciyi Roskildedə gəzən zaman Andersenin haradan ilham aldığını da anlamış oldum. İsveçdə Lagom, Danimarkada Hygge.Dünyanın ən xoşbəxt insanlarının yaşadığı bir ölkə daha. Onların fikrincə, bu xoşbəxtliyin sirri bir sözdə gizlənir: HYGGE. Əslində, nə qədər izah edilsə də, xoşbəxtlik ancaq hiss edilə bilər. Məsələn: sevdiyiniz insanla divanda qucaqlaşmağın verdiyi rahatlığı, dostlarınızla gözəl yemək yeməyin sevincini, günəşli bir gündə pəncərədən süzülən işığın yaydığı sevinci necə təsvir edərdiniz? Danimarkalılar belə anları hygge sözü ilə təsvir edirlər. Tək bir qarşılığı olmayan və başqa dillərə tam tərcüməsi mümkün olmayan hygge'ni izah etmək üçün rahatlıq, hüzur, səmimiyyət, birlik kimi bir çox fərqli söz təklif edilə bilər, lakin bunların heç biri tək başına kafi olmayacaq.Amma bunu daha yaxşı anlamağımız üçün Meik Wiking “Hygge” adında bir kitab da yazıb(Əli və Ninoda var). Jante Qanunu və Sosial Ədalət.Danimarka cəmiyyətinin unikal cəhətlərindən biri də Jante Qanunudur. Burada sosial ədalətə can ataraq, cəmiyyətin və fərdin maraqlarının tarazlanması vacibdir. Bu, cəmiyyətdə harmoniya üçün zəmin yaradır və Danimarka mədəniyyətinin ayrılmaz hissəsinə çevrilmiş ədalət prinsiplərini formalaşdırır.Jante Qanununu isə Norveç-Danimarka yazıçısı Aksel Sandemozun 1933-cü ildə çap olunan “A Fugitive Crosses His Tracks” adlı kitabında ilk dəfə maddələr halında izahını tapır.Danimarkanın yaradıcılıq və təxəyyül simvolu olan LEGO-nun meydana çıxması ilə dünya mədəniyyətinə verdiyi töhfəni də unutmayıb şəhərlərini incələməyə keçim. Kopenhagen.-Qışda gəldiyim üçün ən soyuq şəhərlərdən də olsa, yenə də rəngarəngdir. Avropanın müxtəlif şəhərlərində gördüyüm o rəngli evlərin əsli hər zaman burda idi sanki- Nyhavn küçəsində.-100 ildən artıqdır ki, ölkənin simvolu “Su pərisi” heykəli sayılır.Andersenin eyni adlı nağılın tamaşasını izləyənKarl Yakobsen obraza aşiq olur. Həm nağıl, həm də balet o qədər valeh edir ki onu, su pərisinin heykəlini yaratmağı heykəltaraş Edvard Eriksena tapşırır. Heykəl üçün modellik etməyə də heykəltaraşın yoldaşı razı olur.-Ən məhşur qalaları Kronborg va Rosenborg qalalarıdır ki, sonuncuda Danimarkanın 500 ildən çox hakimiyyətdə olan dat krallarına aid məlumatlar və portretlər var. -Şəhərin içində “Christiania” adında Free town olduğunu bilirdiz? Mənə Vilniusdaki “Ujupis” Respublikasını xatırlatdı biraz. Amma Ujupis biraz “sadəlövh” qaldı bunun yanında.Deməli Kristianiya müstəqil fəaliyyət göstərən rəngarəng bir cəmiyyətdir. Şəhərin öz qanunları, öz bayrağı və öz həyat tərzi var.Christiania sadəcə bir şəhər deyil hətta; hippi stilində yaşayan üzvlərinin özünəməxsus yaşam tərzi var. 70-ci illərin əvvəllərində yaradılmış bu alternativ icma,1000 üzvü/əhalisi olan muxtar, uyğunlaşa bilən icmaya çevrilib. Bu üzvlərin hamısı ədalət, bərabərlik, vergilərin olmaması və Danimarka hökumətindən tamamilə asılı olmayan öz qanunlarına malik olan müəyyən prinsiplər toplusu ilə yaşamaq istəyir.Şəhər daxilindəki bu “azad şəhər/ölkə” (bir növ Vatikan kimi) canlı, əyləncəli və mübahisəli ərazidir və torpaqla bağlı iddiasını təmin etmək və azad kimi tanınmaq üçün yerli hökumətlə biraz “danışıq” aparır.Ölkənin qanunlarından savayı, şəhərin öz qanunları da mövcuddur. Məsələn: sıfır zorakılıq, yerli transport sadəcə velosipeddir, qaçmaq olmaz (qaçırsınızsa, qaçdığınız bir şey var deməkdir, amma bu şəhərin qanunlarına ziddir) və ən vacibi şəkil çəkmək bəzi yerlərdə qadağandır (amma mən çəkdim).Polislə yaşanan ən böyük problemlər də bəzi qadağan olunmuş preparatların satışına görədir, elə eyni səbəbdən də, şəhərin bəzi “güşələrində” şəkil çəkmək qadağandır.-Tivoli parki dünyaya ən məhşur olan əyləncə parklarından biridir. Hətta bəzi mənbələrə görə V. Disney buranı ziyarət edəndən sonra, ilhamlanaraq ABŞ-a qayıdıb və eynisini yaratmaq qərarına gəlib. Roskilde. Roskilde Kopenhagendən sadəcə yarım saat məsafədə yerləşən bir şəhərdir. Tipik Danimarka şəhəridir, daha çox yerli insan görə biləcəyiniz şəhərlərdəndir. 1443-cü ilə kimi Danimarkanın paytaxtı olub. Roskilde-nin əsas görməli yerləri, Vikinq Gəmi Muzeyi və Katedralıdır. Düşünürəm ki, gəzintiyə sonuncu ilə başlamağa dəyər. Çox insan katedralı bütün Danimarkanın ən əzəmətli və gözəl məbədi adlandırır, YUNESKO isə Roskilde Katedralini (Domkirke) “bəşəriyyətin mirası” nişanı ilə öz himayəsi altına götürüb. Katedral o qədər restavrasiya olunub və yeni əlavələrə məruz qalıb ki, bugün, son 800 il ərzində Danimarka memarlığının canlı tarixi kimi göstərilə bilər.Katedralın içindəki Kral məqbərəsində 37 Danimarka kralı və kraliçasının qəbirləri var. Bir zamanlar nüfuzlu bir çox tarixi şəxsiyyətin qalıqlarına baxmaq bəlkə də xoşagəlməz səslənir, lakin ziyarət etməyə dəyər. Vikinq pərəstişkarları Roskilde fjordunun dibindən qaldırılmış beş həqiqi gəmini görə biləcəyi heyrətamiz Vikinq Gəmi Muzeyindən çox zövq alacaqlar. Muzey iki zaldan ibarətdir - qayıqların yerləşdiyi Vikinq Gəmi Zalı və hələ də arxeoloji qazıntıların aparıldığı Museumsø. Mənə deyilənə görə, İngilis dilində pulsuz bələdçili turlar iyul və avqust aylarında hər gün saat 12:00 və 15:00-da, may, iyun və sentyabr aylarında isə həftə sonları günorta saatlarında həyata keçirilir. Təəssüf ki, yanvar ayında ziyarət edən mən, heç birindən yararlana bilmədim.Ən maraqlısı da odur ki, bu gün Vikinq Gəmi Muzeyi sayəsində həmin gəmilərin dəqiq nüsxələri yaxınlıqdakı gəmiqayırma zavodunda tikilir. Eyni zamanda, gəmi üçün istifadə olunan materiallarnan yanaşı, orta əsr alətlərindən istifadə edilir ki, tikinti texnologiyası da dəqiqliklə təkrarlanır. İşin nəticəsi o qədər uğurludur ki, inşa edilən beş gəmi müxtəlif istiqamətlərə, o cümlədən İrlandiyaya turistik səfərlər üçün istifadə olunur.Qiymətlər: Mənə birmənalı şəkildə İsveçdən daha baha görsəndi. Qidalanma: Belə ki, şəhər mərkəzindəki bir restoranda bir salat 45-50 AZN, pizza demək olar ki eyni qiymət, ana yeməklərin hər biri 70-75 AZN, desert isə 30-35 AZN başa gələcək. Yəni ortalama bir restoranda bir günorta və ya axşam yeməyi isə 200-250 AZN-ə başa gələcək (təbii şirələr, çay və bəhşiş də daxil). Otellər:Bunu hər zaman demək çətindir çünki seçəcəyiniz kateqoriyadan asılıdır, amma düşünürəm ki mərkəzdə normal otelin qiyməti elə 200 AZN gecəsinə başlayır. Təbii ki, hostel və evlər daha ucuzdur.Muzeylər: Ən ucuzları 18-20 AZNdən başlayır və 35-40 AZN nə kimi müxtəlif qiymətlərə var.Roskilde Katedral - 18 AZNViking Ship Museum - 31/40 AZN (mövsümdən asılı olaraq)Rosenburg Sarayı - 35 AZN (yayda biraz baha)Əgər qrupa qoşulub bələdçini dinləmək istəsəz əlavə 8 AZN.Transport: Taksi 10 km yola 62-75 AZNAvtobus bir gediş 8 AZNƏn yaxın şəhərlərdən sayılan Roskilde şəhərinə qatar bileti - 18 AZNNəticə olaraq, Danimarka sadəcə bir ölkə deyil, “hygge”, Jante qanunu və Andersen irsinin unikal atmosfer yaratdığı gözəl bir dünyadır. Bu ölkəyə səyahət etmək Danimarkanı həqiqətən unikal və gözəl edən rahatlığı, harmoniyanı, və gözəlliyi dadmaqdır.Daha çox kontent üçün instagram səhifəmi də izləyə bilərsiz.https://www.instagram.com/uls_valleyƏgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Ulkar Gurbanova

485 dəfə oxunub
Bizi izləyənlər siyahısına qoşulun!