Bloq

1804 dəfə oxunub

Günəşin şəhəri - Madrid bələdçisi

Günəşin şəhəri - Madrid
????????
İspaniyaya gedən birinə "axı sənin orada nə işin var?" sualını verə bilərsiniz
????
Ötən il pandemiyanın ciddi zərbə vurduğu, minlərlə insanın vəfat etdiyi İspaniyada sərt karantin rejimi tətbiq olunmur.
Restoranlar, otellər və ticarət mərkəzləri açıqdır. Küçədə maska taxmaq şərtdir və gecə 11-də komendant saatı başlayır. Amma Madridin mərkəzində buna əməl edənlər o qədər də çox deyil.
İndi isə səfər barəsində vacib məlumatlar.
SƏFƏRDƏN ÖNCƏ VACİB MƏLUMAT:
Avropa İttifaqı ölkələrindən İspaniyaya rahatlıqla getmək olur. Səfərdən öncə 72 saat qüvvədə olan COVID-19 PCR testini vermək lazımdır. Uçuşdan öncə İspaniya Səhiyyə Nazirliyinin saytında qeydiyyat keçmək lazımdır. Daha sonra nazirlik qeydiyyatdan keçən hər kəsə fərdi QR kod göndərir. Bu kodu yükləməlisiniz, çünki hava limanında yoxlayacaqlar.
UÇUŞ:
Varşavadan Madridə və əks istiqamətə WizzAir-lə uçdum. Gediş-dönüş biletinin qiyməti 80 avro oldu. Qeyd edim ki, biletə yalnız bir əl yükü daxil idi. Madridə endikdə prosedur çox sadə oldu. QR kod yoxlanıldı və ötəri test nəticəsinə baxdılar (öncədən Polşada diqqətlə yoxlanılmışdı).
Hava limanından şəhərin mərkəzində avtobuslar gedir. Əgər mərkəzə gedirsinizsə, "Cibelles" meydanına gedən avtobusa minməlisiniz. Avtobusda gediş haqqı 5 avrodur və tez zamanda Madridn mərkəzinə çatır.
HARADA QALMALI?
İspaniyada "hostal" adlandırılan, amma tipik hostellərə bənzəməyən, fərdi vanna otağları olan, lazımi avadanlıqları olan qonaqlama yerləri var. Hostalda səhər yeməyi və otaqda soyuducu olmur. Amma qalan hər şey otel otağındakı kimidir. Mən şəhərin tam mərkəzində Gran Via küçəsində hostal tapmışdım. Şəhərin mərkəzi Plaza Mayor meydanına piyada 10 dəqiqəlik məsafədə yerləşirdi.
GÖRMƏLİ YERLƏR:
Madrid incəsənət və futbolun şəhəridir.
Prado Muzeyi və Reina Sofiya Muzeyi şəhərdə turistlərin ən çox üz tutduğu yerlərin başında gəlir.
Pradoda dünya incəsənətinin incilərini, daha dəqiq desək Qoyanın, Rembrandtın, Velaskesin, Karavacionun əsərlərini görmək mümkündür. Pikasso və Dali həvəskarısınızsa, Reina Sofiya muzeyinə getməlisiniz.
Nəzərə alın ki, hər iki muzeydə şəkil çəkmək qadağandır və hər küncdə nəzarətçilər dayanır
????

Futbolu sevib-sevməməyinizdən asılı olmayaraq, Santiaqu Bernabeu Stadionuna getməyinizi məsləhət görürəm. Stadionda təmir işləri getsə də, tribunanın bir hissəsi və muzey turistlər üçün açıqdır.
Həftənin bütün günləri gəlmək mümkündür.
YEMƏK:
İspan mətbəxi zəngindir və bəzi yeməklərin dadı doğma gələ bilər)))
Əsasən düyü, kartof, toyuq əti, zeytun yağı və balıqdam istifadə edirlər. Donuz ətindən olan yeməklər də kifayət qədərdir. Bu baxımdan, yemək sifariş edərkən, mütləq qaydada hansı ətlərdən istifadə olunduğunu dəqiqləşdirin.
İSPANLAR VƏ ÜNSİYYƏT:
İspanlar çox istiqanlı millətdirlər. Hər kəs çox rahatdır və öz işindədir. İspanlar yardımsevərdirlər. Sual verdikdə əllərindən gələni edib kömək edirlər.
Hər il milyonlarla turistin gəlməsinə baxmayaraq, İspaniyada ingilis dilinin səviyyəsi o qədər də yüksək deyil. Bəzi hallarda şəhərin mərkəzindəki restoranlarda ofisiantlar ancaq ispan dilində danışırlar. Buna rəğmən İspaniyada ünsiyyətdə problem olmur. Çünki qarşılarında olan insanı stresə salmırlar, səbrlə izaj etməyini gözləyirlər.
QEYD: Madridin gəzmək üçün ən yaxşı vaxt yaz erkən payızdır. Yayın çox isti keçdiyi deyilir.
Bir sözlə, Madriddə pandemiya və onun gətirdiyi çətinlikləri unutmaq üçün hər şərait yaradılıb.
Sağlam olun! :)


Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…

Paylaşdı: Suliddin Baghirov


Suliddin Baghirov

DİGƏR BLOQLAR

Əsrarəngiz heykəllər adası - Pasxa

Pasxa adasındakı bütün otel, apartament və hostelləri bu linkdən book (bron) edə bilərsiz.Pasxa adası və ya Rapa Nui. Dünyanın insan yaşayan ən izolə olunmuş adası, ən yaxın insan yaşayan adaya 2075 km, kontinental Çiliyə isə 3000 km-dən çox məsafə var.Bu vulkanik tipli adanı məhşur edən əlbəttə ki Moai heykəlləridi. Eramızın 700-1100-cü illərində adada məskən salmış Polineziyalılar Rano Raraku adlı vulkanın əsasında bu heykəlləri oyub sonra adanın bütün istiqamətlərinə daşımışlar. Elm aləmində hələ də bu 20-40 tonluq heykəllərin adanın müxtəlif hissələrinə necə daşınması barədə mübahisələr bitmir. Şəkillərdən göründüyü kimi hələ də bəzi heykəllər bitməmiş halda dağın ətəyində qalıb(bəziləri dağın yamacında, bəziləri dağın özülündə).Ahu Tongariki 15 Moai-nin birlikdə yerləşdirildiyi yerdi, hər səhər günəşin çıxması zamanı burada təkrarolunmaz mənzərə yaranır. Ahu Akivi-də 7 Moai var, və adada bu okeana baxan yeganə Moai-lərdi. Adanın sahil boyu hər yerində tək Moai-lərə də rast gəlinir, ümumilikdə adada 700-dən çox moai var. Lakin adada görüləcək tək heykəllər deyil.Palmalarla əhatələnən Anakena çimərliyi Sakit okeanın şəffaf suyu və ideal ağ qumu ilə baunti demişkən cənnət həzzi yaşadır)) Bu çimərlik həm də adaya ilk məskən salan insanların ilk gəldiyi yerdir, çünki kanoe tipli qayıqları ancaq qum üzərinə daşımaq mümkündür.Adada ən hündür nöqtə olan Rano Kau vulkanından isə adaya və sakit okeana və vulkan kraterinə gözəl mənzərə açılır. Ada mətbəxinin şah yeməyi məncə tuna steykidi, çox dadlıdı. Adada ictimai nəqliyyat olmadığına görə velosiped, skuter, kvadrocikl və ya maşın kirayə olunmalıdır. Adanın özünə isə yalnız iki yolla gəlmək mümkündür, gündəlik Çilinin paytaxtı Santiagodan və həftədə iki dəfə Taiti-dən həyata keçirilən uçuşlar vasitəsilə. Xərclərdən - Santiagodan gediş-gəliş 400-500 usd, adanın ümümi bir qoruq olmasına görə 80 usd giriş bileti, gündəlik otel xərcləri adambaşı 30-50 usd-dən başlayaraq. Visa da sözsüz Çili vizası.PS. Bütün bu məsələdə məni məyus edən odur ki, Moai-lər Dünyanın yeni 7 möcüzəsi siyahısına düşə bilməyib. Bu da seçimin səsvermə yolu ilə aparılmasına görədi, 8-ci yeri tutan Pasxa adası Rio de Janeyroda yerləşən İsa məsihin heykəlinə uduzub. Hələki heç bir tarixi əhəmiyyəti olmayan 20-ci əsrin ortalarında ucaldılmış bu heykəlin (Rio de Janeyrodakı) bu siyahıda olması fikrimcə haqsızlıqdı.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Murad Novruzov

2079 dəfə oxunub

Ölkə bələdçisi - Çin

Nəhayət vaxt tapıb Çin səfərim barədə yazmaq qərarına gəldim.Çin hava yolları ilə yola düşdüm 5:30 Urimchidə düşüb Quanjoya yola düşdüm 4:00. Taksi tutub otelə getmək istəyirəm sürücü ingiliscə bilmir. Yaxşı ki otelin şəklini screen etmişdim)) Rahatlanıb birbaşa şəhəri gəzməyə. Hamının ağlında Quanjo alver, bazar tip qalıb. Amma əslində tam elə deyil. Şəhərin əhalisi çoxdur və hamısı alverlə məşğul olur. Şəhərin bir Zonası qədim çinlilər kimi kasıb həyat sürür. Bir Zonası (mən qalan ərazi) orta təbəqə hamı işləyir və gəzir. Və eynən "The Time" filmindəki kimi tam fərqli Zona var. Bahalı maşınlar, açıq saçıq geyimli qızları, bahalı restoranlar və ən əsası buludlara toxunan hündür binalar. Bildiyimiz kimi VPN probleminə görə WhatsApp və Facebook Google işləmir. Ölkədə əsas ödəniş sistemi WeChat və Alipay-dir. Hərşey QR kodla işləyir. Restoranda yedin wechatda QR code skan edirsən lazımi məbləği göndərirsən Valala. Yolda yorulmusan? Velosiped kiralamaq istəyirsən? Velosipedin üstündəki QR kodu scan edirsən ödəniş gedir və sənə kod gəlir o kodu yazırsan və volisped aktivləşir. Taksi, market hərşey QR ilə işləyir. Ölkədə turistlər ancaq nağd pul xərcləyirlər. Məntiqlə gözəldir. Cibində pul gəzdirmirsən.Food:Bizim dönərxana tipində onlarda isə milli mətbəxlər var amma nədənsə pişik ölüsünün iyi gəlir (((. Ona görə cəmi 6 günə 400$ yeməyə xərclədim. Kavkaz Azerbaycan restoranında pomidor-yumurta, balıq və s, Bosfor Türk restoranında tavuk ızgara mərci və Latın Amerika mətbəxində steyk balıq və s. çinlilərin ağız tamları bizlik deyil. Amma yollarda görsəz fresh sok yeri mütləq alın 20 uyandır(5.40 azn).Shopping:Şəhər o qədər böyükdür ki, şəhərin bir başında Hua Mei adlanan ərazidə geyimlər ala bilərsiz ucuz və keyfiyyətli hercür mala rast gələ bilərsiz. Bayunda adlanan ərazidə ancaq dəri məhsulları. Yongfuchun adlanan ərazidə Avtomobil üçün hərşey, bəli düz oxuduz hərşey.Transport:Transport üçün taksi ən idealdır amma motosikletdə ucuz başa gəlir, avtobus və s-dən istifadə etmədim çünki dillərini bilmirəm və çox qəlizdir. Taksi və satıcılar ilə ünsiyyət üçün Google Translate dən istifadə edirdim))))Daha sonra iş görüşməsi üçün Shenzenh şəhərinə yola düşməliydim. Ən asan yolu Online bilet aldım 75yuan ikinci klas və vağzala yaxınlaşdım elektron bilet pəncərəsinə və bileti verdilər. (Çinlilər elektron bilet almırlar ). Qatar nə qatar.. Adı qatar amma saatda 375km/s hərəkət edir))).Shenzenh şəhəri yeni qurulmuş şəhərdir və Honk Konga bitişikdir. Çooox gözəl şəhərdir, yaşıllıq və tam müasir. Görüşməm uğurlu keçdi və məni məşhur Çin restoranlarının birinə dəvət etdilər. Maraqlı mədəniyyətləri ilə yaşıl çay gəldi süfrəyə. Və bu çayla hərə öz stəkanından çubuqlarını yuyur yaxalayır. Menyunu birinci mənə verdilər və..... Donuz ayaqları, donuz qulaqları, toyuq ayaqları, tısbağa və s. mən əlbəttə ki tək düyünü seçdim)))Beləliklə Çin səfərim maraqlı və yadda qalan oldu. Çinə yenidən səfər edəcəm və gələn səfərim Çin Səddinə olacaq. Gəzməyə Çin, yeməyə Vətən yaxşı????Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Jack Emerson

1296 dəfə oxunub

Dünyanın 7 möcüzəsindən biri - Maçu Piçu

Machu Picchu. Səyahəti sevan hər bir insan bu möcüzəni görmək istəyir. Bəzən yanlış əldə olunmuş və ya yanlış verilmiş məlumat səyahət planlamasını alt-üst edə bilər və ya ümumiyyətlə səyahət istiqamətini dəyişə bilər. Postu açmaqda əsas məqsədim Machu Picchuya səyahət planlamaq istəyən insanlara həm kömək olmaq, həm də bu möcüzəyə olan səyahəti sizinlə paylaşmaqdır.Yəqin ki, qrupda hamının Machu Picchunun dünyanın 7 yeni möcüzəsindən biri olduğundan məlumatı var. Bu yeddilərdən biri Perunun Cusco şəhəri yaxınlığında yerləşir. Onu da qeyd edim ki, Cusco şəhəri bu günə qədər gördüyüm və gəzdiyim ən gözəl şəhərdir. Küçələri bəzən indi bizim qoruya bilmədiyimiz, aqalay daşlarla üzü fasadlanmağa başlayan İçəri şəhərimizə oxşayırdı. Hər daşında bir mədəniyyət, bir tarix yatan bu şəhər İnk imperiyasının paytaxtı və bir vaxtlar dünyanın mərkəzi sayılıb. Machu Picchuya səyahət məhz bu şəhərdən başlayır. Bu möcüzə haqqında bu qrupda çox miflər oxumuşam????.Bəzən kimisi getməyin çox ağır olduğunu, kimisi yolun çox uzun olduğunu, kimisidə piyada həddindən artıq çox yol getməyin labüd olduğundan yazıb. Bəli bu sadalananların bəziləri reallıqdı, amma bu reallıqlar insanlara və sizin seçiminizə görə dəyişir. Bura çox rahat və əziyyətsiz də getmək olur. Sizi səhər tezdən qaldığınız otel və ya hosteldən maşın götürür və axşam götürdüyü yerə qaytarır. Sizin payınıza düşən yalnız avtobusdan düşüb qatara, qatardan düşüb avtobusa minməkdir. Son avtobus sizi düz parkın girişinə gətirir. Problem yalnız hündürlük ilə bağlı ola bilər. Qiymətlərə gəldikdə isə bu yuxarı və aşağı (yağışlar sezonu) sezona görə dəyişir. Forumlarda bilet haqqında maraqlananda əldə etdiyim tək məlumat biletin mütləq əvvəlcədən rəsmi saytdan alınması ilə bağlı idi. Bu da mifdi. Siz rəsmi saytda göztərilən 300-330 usd əvəzinə yuxarı sezonda 260 və aşağı sezonda 230 usd verib qaldığınız otelden tur ala bilərziniz. Əgər kimsə bütün biletləri özü alıb özü getmək istəsə, göstərilən qiymətlərdən 20-30 usd az pul ödəyəcək amma nəyin harda olduğunu öyrənmək və qatara vaxtında çatmaq üçün kifayət qədər əziyyət çəkəcək.Həm mənim göztərdiyim qiymətə bələdçi də daxildir, hansı ki, çox maraqlı məlumatlar əldə etmək olur danışdıqlarından. Əlavə olaraq siz başqa versiyada 5 günlük program götürüb Salkantray trek adlı məhşur yolu piyada da gəzə bilərsiz. Bu yol piyada Machu Picchuya getmək üçün ən ideal trekdir. Sonda onu da qeyd edim ki, bir gün bu möcüzəyə səyahət planlasanız, digər möcüzə şəhər – Cuscoya (bu paylaşım sırf MP-yə aiddir və Cusco haqqında ayrı bir post olacaq) ən azı 3-4 gün ayırın. İnanın Machu Picchuya görə ora gedib, bir başqa möcüzə - Cusconu tapıb ona vurulacaqsınız.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Agazade Rasim

1904 dəfə oxunub

Şəki Səfərim

Hər kəsə salam!Şirin ləhcəsi, mehriban insanları, möhtəşəm təbiəti, dadlı mətbəxi ilə Azərbaycanın ən gözəl şəhərlərindən olan Şəki səfərindən informativ post paylaşacamGedib-gəlmək üçün dəmir yollarını seçdik, gedəndə “standart”, qayıdanda “standart+” xidməti seçmişdik. Birinci variantda digər insanlardan yalnız pərdə ilə ayrılırsan, ikincidə qapı ilə. Buna görə, havalandırma baxımdan “standart+” çox üstündür və eyni zamanda gecə kimlərinsə səsi sizə mane olmur, əlavə olaraq bu variantda sizə kiçik sendviç və meyvə şirəsi, diş fırçası və s. ödənişsiz təklif olunurQalmaq üçün şəhərin mərkəzində yerləşən “Central Hostel”i seçdik. Təmiz, səliqəli, sizə lazım olacaq hər şeylə təmin olunub, razı qaldıqBirinci gün şəhəri gəzə bilərsiniz: Xan sarayı və ətrafı, Karvansaray, Cümə məscidi və muzeyi, Şəkixanovların evi (vaxt azdırsa getməmək olar). Şəhərdə Çingiz Mustafayev adına kinoteatr var, biz vip zal tutub istədiyimiz filmi və saatı 1 gün öncədən bildirməklə belə maraqlı təcrübə də yaşamış olduq. Kiş kəndində yerləşən Alban məbədinə getmək mütləqdir, binanın tarixi əhəmiyyətini tam dərk etmək üçün bələdçi xidməti alsanız əla olar. Xanım həvəslə ətraflı şəkildə izah edəcək sizə. Daha sonra dağa “Gələrsən görərsən” qalasına çıxıb baxmağa dəyər. Əyləncə mərkəzlərindən “Xanland” və “Şəki yaylası” arasında qaldıq, sonra ayrı günlərdə hər ikisinə getməyə qərar verdik. Nəticə budur: əgər vaxtınız azdırsa təkcə Xanlanda gedin, postu daha da uzatmamaq üçün detallı müqayisə yazmayacam. Burada ən vacib edilməli olan “Zipline” və “Qaynar şəlalə” turudur. Bir də vaxt qalsa şəhərdən bir az aralıda yerləşən “Biogarden” maraqlı yerdirSəfər boyu bizi Əfqan bəy gəzdirdi. Şəkilidir, səmimi, mehriban və önəmlisi işini bilən insandır, sizi çox yaxşı yönləndirəcək, gəzdirəcək. Nömrəsi: 0556859424Hostelə yaxın “Ovçular” restoranında səhər yeməyi yedik, hər şey çox dadlı idi. “Çələbi Xan” restoranında piti və kabab yedik, bu restoran təəssüf ki, gözləntinin altında qaldı. Hostelin yanında “Zəm-zəm Dönər Qutab” deyə bir kafe var idi, dadlı yeməkləri və dondurmaları var idi, xidmət əla idiPaylaşan: Ilkay Agharahim

94 dəfə oxunub
Bizi izləyənlər siyahısına qoşulun!