1743 dəfə oxunub

Berlin bələdçisi - fərqli bir baxışla

Berlindəki bütün otel, apartament və hostelləri bu linkdən (bron) edə bilərsiniz.

Şəhərlər də insanlar kimidir. Təqdimata ehtiyac var. Necə təqdim etdinsə elə də tanınıb, sevilir...
Hansısa şəhərə getməmişdən öncə burada girib postları çox eşələmişəm. Şərhləri diqqətlə oxuyub analiz etmişəm.
Əslində burada post paylaşan hər kəs öz məsuliyyətini bu tərəfdən anlamalıdır. Çünki sən yazdığınla azdan-çoxdan ictimai fikir formalaşdırırsan.
Ümumiyyətlə, burada yazılan şərhləri oxuyanda insanların getdiyi şəhərlərə çox vaxt niyə getdiyini anlaya bilmirəm. Buna görə kimisə qınamaq da olmaz. Çünki adamlar var Münhenə sadəcə pivə içməyə gedə bilər. Burada qəbahət yoxdur. Amma sonra şəhər barədə fikirlərini məncə elə özündə saxlasa yaxşıdı. Şəhəri gəzməmisənsə deməli sən onu kəşf etməmisən ..

71228742_2074073736027372_7846859358066442240_n.jpg
Berlinə getməmişdən öncə burada postları oxuyurdum. Şərhlərdə şəhər barədə məndə çox pis təəssuratlar yaratmışdılar.

Nə var axı Berlində? kimi fikirlər də yazan var idi.

Keçək əsas məsələyə. Berlin şəhərində 3 gün oldum və onun 1 gününü Berlinə 35 km məsafədə olan Potsdam şəhərinə həsr etdim.
Nə var Berlində? Berlinə niyə gedək?

Berlinə təkcə Almaniyanın paytaxtı deməklə kifayətlənmək olmaz. Berlin II Dünya müharibəsinə şahidlik etmiş və müharibədən "sağ çıxmış" bir şəhərdir, hansi ki, hal-hazırda Avropada ən mühüm nəqliyyat qovşaqlarından biri sayılır. Şəhərin arxitektur tikililərinin bir çoxu barokko üslubunda olduğu üçün bu sahəyə marağı olan insanları məcbur edir ki, hər binanın qabağında ayaq saxlayıb o möhtəşəmliyi bir müddətlik də olsa gözdən keçirsin.

71277752_2074100332691379_2781653062656196608_n
Bu vaxta qədər olduğum şəhərlərin içində nəqliyyat infrastrukturuna görə ən bəyəndiyim şəhər məhz Berlin oldu. Gedəcəyin yerə 3-4 fərqli nəqliyyat, hətta elektrosomakatla getmək olurdu. Bundan gözəl nə ola bilər axı? Konkret vaxt itkisi yaşamırsan.
Elə təkcə Tiargarteni gəzməyə adamın 4-5 saatı rahat gedir. Yaşıllıqdan, ətrafdakı quşların səsindən insanın endorfini kəllə-çarxa qalxır.

71238267_2074074392693973_3675811283124355072_n

71584588_2074074466027299_8476295727352381440_n
Berlinə həm də muzeylər şəhəri demək olar. Bir-birindən fərqli və maraqlı muzeylər elə "Muzeylər adası" adlanan zonada yerləşir.

Perqamon
Bode muzeyi
Qədim muzey
Qədim milli qalereya
Yeni milli qalereya
Berlin rəsm qalereyası
Dalem muzey mərkəzi
Yəhudi muzeyi
Alman tarix muzeyi
Rus-Alman muzeyi
Alman texniki muzeyi
Təbiətşünaslıq muzeyi
Kino muzeyi
Qənd muzeyi
Etnoqrafiya muzeyi
Çekpoyn-Çarli kimi bir-birindən maraqlı muzeylər məhz Berlində yerləşir.

71492259_2074074739360605_4715357711384969216_n.jpg

Berlinin tarixi tərəfindən danışsam gərək ömrümü bu postu yazmağa həsr edim. Ona görə ən gözəl və tarixi yerlərinin sadəcə adını yazmaqla şəkillərdə oraları sizə göstərəcəm.

İmperator Vilhelmin memorial kilsəsi
Potsdam meydanı
Reyxstaq
Brandeburq qapıları
Unter den Linden
Aleksandr meydanı
Berlin divarı
Kansler idarəsi
Qırmısı sovetlər evi
Holokost qurbanalarının xatirə abidəsi
Qələbə sütunu
Şarllotenbuqr qəsri
Berlin Dövlət konsert zalı
Qərbi Kaufhaus univermağı
Olimpiya stadionu
Şapandau qəsri

Bu postu uzada bilərəm ama bilirəm ki, uzun postları heç kim oxumur. Ona görə sözümün canının nə olduğunu demək istəyirəm. Gedəcəyin şəhəri araşdır, ora niyə gedəcəyini, o şəhərin nə kimi önəmlilik daşıdığını öyrən. Şəhər barədə fikirləri intellektual gənclərdən al, hansısa şəhərdə 15-20 dəq. olub özünə maqnit alıb, qayıdan adamdan yox. Şəkil çəkdirdiyin yerin tarixini bilməsən mahiyyət baxımından Heydər Əliyev Sarayı və ya Bode muzeyinin qabağında şəkil çəkdirsən fərq etməz. Hər ikisi gözəl və qeyri-adi tikilidi.

P.S. Heç görün mən Berlin divarı və ya Parlament binasından danışdım? Heç onları şəkillərdə də görməyəcəksiz????

Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…

Paylaşdı: Rajab Zade

DİGƏR BLOQLAR

Şimali Amerikanın cazibə mərkəzi - Toronto

Torontodakı bütün otel, apartament və hostelləri bu linkdən book (bron) edə bilərsiz.Amerika səfərinin ikinci bölməsi Kanada idi. Bəli, azərbaycanlıların hər cəhtlə köçmək istədikləri Kanada!Vaşinqtondan Torontoya AirCanadanın 50 nəfərlik Bombardier CRJ-100 təyyarəsi ilə uçduq. Bu balaca hava gəmisi iki saat gecikmə ilə havaya qalxdı. Hardasa bir saat yarım sonra artıq Toronto üzərində idik, CN qülləsi illuminatorda canlanırdı. Toronto səmadan çox boz və maraqsız görünürdü.Aprel ayı olmağına baxmayaraq hava günəşli və isti idi. Heç gözləmirdim!Enişdən sonra dostum Səməd qarşıladı və airbnb ilə bron etdiyim evə getdik.Ev çox möhtəşəm idi.Toronto Kanadanın Ontario əyalətinin paytaxtıdır, Ontario gölünün sahilində yerləşir. Şəhər nəhəng olsa da əhalisi cəmi 3 milyona yaxındır. Ona görə də genişlikdir ????İlk gün Torontonun Greek town adlanan ərazisini gəzdik. Bu Danforth və Main Street metrosunun arasındakı ərazidir. Həm də bu ərazi Torontonun ən qədim yerlərindən hesab olunur. Əsasən yunan restoranları ilə dolu bir ərazidir. Ümumiyyətlə yunanlar Kanadaya 19-cu əsrin əvvəlindən gəlməyə başlayıblar. Hazırda Kanadada 300 mindən çox yunanəsilli sakin var.Növbəti gün plana əsasən kadim (köhnə) dostum Nurlanla (он же музыкант, он же Канадский гражданин) Niaqara şəlaləsinə gedəcəkdik. Əvvəlcə zapravka, yəni “zavtrak” eldik ???? Qeyd edim ki, Torontoda restoranlarda səhər yeməyi yeyirsinizsə kofe limitsizdir. Qidanın ölçüsü isə bir nəfərə görə çox böyükdür. ABŞ-da da belə idi. Uzun sözün qısası 2 saat sonra artıq Niaqaraya çatmışdıq. 140 km-lik yol çox qısa gəldi. Niaqaraya Torontodan avtobusla da getmək olar. Yolüstü nəhəng outlet də var. Yaxınlaşdıqda bu möcüzəni görməyə təlaşlanırdım. Birinci fake (yalançı) Niaqara görünür, sonra isə əsl möcüzəni görürsən. Şəlalə  Kanada-ABŞ sərhədində yerləşdiyi üçün ABŞ tərəfdən də görünür, amma Kanada tərəfdən 1-3 metr yaxınlıöına kimi gedə bilirsən. Maydan etibarən gəmi ilə şəlalənin altına tərəf tur götürmək olur, olduqca həyəcanlı atraksiondur. Ümumiyyətlə Niagara şəlaləsi ətrafında çoxlu sayda maraqlı əyləncəli atraksionlar və kafelər var.Növbəti günlərdə Torontonun mərkəzində, şəhər aeroportu olan Billi Bişop aeroportunda oldum. Bu aeroport adada yerləşir və uçuşlar Kanada və ABŞ istiqamətindədir. Uçuş zolağı qısa olduğu üçün yalnız kiçik, 70 nəfərə qədər olan təyyarələri qəbul edir. Gölkənarı parkdan enən, qalxan təyyarələri izləmək çox maraqlıdır. Aeroporta getmək üçün gəmi və gölaltı keçiddən istifadə olunur.  Torontonun mərkəzi (downtown) olduqca səsküylü, canlı olsa da, bir az yuxarı doğru hissəsi çox sakitdir. İctimai nəqliyyatdan metro, tramvay və avtobus var. Bunlar hamısı TTC adı altında çalışır. Bir istiqamətə gediş kartla 3 dollar, kartsız 3.25 dollardır. Amma misal üçün, siz mərkəzdən Şimala doğru gedirsinizsə bir biletlə bir neçə nəqliyyat dəyişib öz lazım olan yerinizə qədər o biletdən istifadə edə bilərsiniz. Metro+avtobus+tramvay və ya Metro+avtobus+avtobus və s. Şəhərin ən qaynar hissəsi Yonge və King/Queen küçələrnin kəsişən hissəsidir, bura bir növ Times Square kimi yerdir. Yanında Eaton Centre AVM-də var. Çox nəhəngdir.Tim HortonsEl arasında belə bir söz gəzir ki, kim “Tim Hortons”da (Timmi) kofe içərsə o kanadalı sayılır. “Tim Hortons” Kanadaya məxsus kofe hausdur. 1964-cu ildə xokkeyçi Tim Horton tərəfindən təsis edilib. Torontoda ən uzaq məsafədə olan Timmi 10-15 dəq piyada yolu qədərdir. Kofe 1.5 dollardan başlayır, Kanada üçün bu su qiymətidir ???? Kofedən əlavə dəmlənmiş çay (Steeped tea) və çoxlu sayda şirniyyatlar və sendviçlər də olur. Ən məşhur kofesi “double double”dır. Bu adi kofedir, sadəcə içinə iki şəkər, iki krem əlavə olunur.Torontoda son günümüzdə Nurlan bizi beysbol oyununa apardı. İlk dəfə idi gedirdim. Ürəgim üzüldü ???? Amma oyunun qaydasını biləndən sonra maraqlı gəlir. Beysbol Kanadada hokkeydən sonra ikinci məşhur oyundur. Toronto haqqında bu qədər.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Azər İsmayıl

1886 dəfə oxunub

Paytaxt Sofiyada qarşılaşdığım 10 maraqlı məqam

Sofiyadakı bütün otel, apartament və hostelləri bu linkdən book (bron) edə bilərsiz.İlk öncə onu qeyd edim ki, Sofiya səfəri son 3 ayda Buta Airways ilə 3-cü səfərim idi. Mart ayında Tehrana, Aprel ayında isə İstanbula səfər etmişdim. İlk Buta təcrübəm  barədə bloq yazısı paylaşmışdım.  3-cü səfərimdən sonra da təəssüratım yazıda olduğu kimidir, yəni müsbət.Bolqarıstan 110 min kv. km əraziyə, 7,1 milyon əhaliyə sahib ölkədir. Onu qeyd edim ki, bu ölkə əhalisi azalmaqda olan ölkələr sırasındadır və proqnozlara görə 2030-cü ilə ölkə əhalisinin sayı 6,5 milyona, 2050-ci ildə isə 5,5 milyona enəcək.Ölkənin pul vahidi lev dəyərinə görə manatla demək olar, eynidir (1 lev – 1.03 manatdır). Danışıq dili rus dilinə çox yaxındır, aktiv istifadə olunan bir çox sözlər sanki, rus və türk dilinin qarışığı sözlərdir. Həmçinin ölkənin milli mətbəxi də rus və türk mətbəxinə çox yaxındır.Paytaxt Sofiya 1,5 milyon (bəzi mənbələrə görə 2 milyon) əhalisi olan, ölkənin ən böyük və strateji şəhəridir. Sofiyada bir həftə oldum, iki beynəlxalq tədbirdə iştirak etdim, bununla yanaşı şəhərlə yaxından tanış olmaq imkanı qazandım. Bu müddətdə rastıma çıxan maraqlı məqamları sizlərlə bölüşmək istəyirəm. İnanıram ki, bu yazı Sofiyaya səfər edəcək olan şəxslər üçün də faydalı olacaq.P.s. Bu yerdə İstanbul səfərinə başım qarışdığı üçün viza müraciətini gecikdirməyim və bununla da Bolqarstan vizası almaqda problem yarandığı zaman mənə kömək olub, vizanı almğıma səbəb olan Vizam.az kollektivinə operativ fəaliyyəti üçün təşəkkür etmək istəyirəm.1. NəqliyyatMetronun sonuncu stansiyalarından biri Sofiya aeroportudur. Bun görə də aeroportdan şəhərin əsas nöqtələrinə metro ilə gedə bilirsiniz. Sofiyada nəqliyyatın qiyməti Bakı ilə müqayisədə çox bahadır: 1 gediş – 1.6 lev. Amma burada “Daily Card” var ki, bu kartla bütün ictimai nəqliyyat sistemindən (metro, avtobus, trolleybus, tramvay) gün ərzində limitsiz istifadə edə bilərsiniz. Kartın qiyməti 4 lev’dir. Buna görə də Sofiyaya səfər edənlər üçün bu kart əladır.Ümumiyyətlə Sofiyada ictimai nəqliyyatın fəaliyyəti əladır. İlk dəfə idi ki, olduğum xarici bir şəhərdə taksidən istifadə etmədim. Yuxarıda qeyd etdiyim kimi, avtobus və metrodan başqa tramvay və trolleybus da fəaliyyətdədir və bir turistə lazım olan əsas nöqtələrə ictimai nəqliyyatla sürətli şəkildə gedə bilirsiniz.Eway.bg adlı əla bir sayt var, bunun vasitəsilə bütün növ ictimai nəqliyyatın marşrut xətti, dayanacaqları və s. haqda məlumat almaq olur.Metro iki xətdən ibarərdir, ona görə də stansiyaları tapmaq çətin olmur. Serdika stansiyası iki xətti birləşdirir. Elə şəhərin mərkəzi də Serdika stansiyası olan ərazilərdir. “Vitoşa Bulvarı” adlandırılan, Sofiyanın “Tarqovı”sı da məhz Serdika stansiyasının yaxınlığında başlayır.2. Serdika metro stansiyasıSerdika stansiyasının maraqlı quruluşu var. Stansiyaya ilk dəfə daxil olanda diqqətimi çəkdi. Stansiya şəhərin düz mərkəzində yerləşir. Buradan bir çox məşhur turistik nöqtələrə ayaqla gedə bilirsiniz.3. Daş örtülü yollarÇəkdiyim şəkillərə diqqət etsəniz görəcəksiniz ki, şəhərin əksər yolları asfalt deyil, daş örtülü yollardır. Hiss olunur ki, yollara düzülən daşların onillərlə yaşı var. Amma yolların vəziyyəti əladır.4. Başdan-başa yaşıllıqBakıdan gələn turist üçün Sofiyada həsrətlə baxacağı ilk şeylərdən biri şəhərin yaşıllığıdır. Nəhəng və yaşı çox olan ağacları şəhərin demək olar, bütün küçələrində görmək olur. Şəhərdə xeyli sayda park var ki, o parklar da başdan başa yaşıllıq içərisindədir. Bir sözlə, Sofiyada ciyərləriniz bayram edir.5. QiymətlərExpatistan.com saytından indiyədək istifadə etməmisinizsə baxın mütləq. Müxtəlif şəhərlərdəki ortalama qiyməti müqayisə edib, hansı şəhərin baha, hansının ucuz olduğunu göstərir. O saytda Sofiyanın Bakıdan 31% baha şəhər olduğu göstərilir, amma məncə fərq o qədər deyildi. Bir çox qiymətlər Bakı ilə aşağı-yuxarı eyni, bəziləri 10%-30% baha idi. Amma bəzi qiymətlərdə kifayət qədər fərq var idi (benzin – 2-2.5 lev, çörək 1-3 lev və s.)(Foto: Pizzeria Ugo, Vitosha Bul.)6. Aleksandr Nevski kilsəsi.Sofiyanın əsas simvollarından sayılan bu məbəd dünyada ən böyük ortodoks kilsələrindən biridir. Eyni anda 10 min insanı qəbul edə bilir.Şəhərin əksər turistik məkanlarından fərqli olaraq, bu kilsənin daxilində foto-video çəkmək istəsəniz 10 lev ödəməli olacaqsınız.7. ParklarSofiyada çoxlu parklar var. Nəhəng ağaclarla əhatələnən, bir sıra tarixi və turistik obyektlər yerləşən bu parklarda insanlar sözün əsl mənasında istirahət edirlər. Baxırsan ki, 3-4 nəfər musiqinin səsini yüksəldib, oynamağa başlayırlar. Yoldan keçənlər də çantasını kənara qoyub, gəlir qoşulur oynayanlara, birlikdə oynayırlar.8. Sofiyanın “Tarqovı”sı – Vitoşa BulvarıVitoşa küçəsi müxtəlif restoranların və brend geyim mağazalarının yerləşdiyi küçədir. Müşahidə etdiyim maraqlı bir məqam o oldu ki, bu küçədə demək olar hər gün mitinq olurdu. 4-5 polis mitinq iştirakçılarının önündə, 4-5’i isə arxalarında hərəkət edirdi. Yüzlərlə insan isə şüar səsləndirib, qazan, dəmir parçalarının bir-birinə vurub, səs-küy salırdılar. Maraqlıdır ki, bu, heç kimdə narahatlıq yaratmırdı.9. Mall of Sofia“Mall of Sofia” şəhərin ən böyük alış-veriş mərkəzlərindən biridir. Burada siz elə Bakıda da gördüyümüz bir çox məşhur qlobal brendlərin mağazalarını görə bilərsiniz. Restoran mərtəbəsində isə bəyəndiyim iki yer oldu: 1) “Аби” türk şirniyyat məkanı, 2) “Pizza Lab”. Burada pizzanın hazırlanması maraqlı idi, qarşında olan bütün ət və tərəvəz məhsullarından, cürbəcür souslardan seçib, pizzaya əlavə etdirirsən, cəmi 2 dəqiqəyə hazır olub, sənə təqdim edilir. Pizzaları da dadlı idi.10. TolerantlıqBələdçinin dediyinə görə, Sofiya dünyada ən tolerant şəhərlərdən biri sayılır. Siz Serdika stansiyasında düşüb, şəhərə çıxsanız, bir nöqtədə durmaqla həm kilsə, həm məscid, həm də sinaqoq görə bilərsiniz.Bir sözlə, bəzilərinin “Şərqi Avropanın Parisi” adlandırdıqları Sofiya sadə, amma gözəl havası və rahatlığı ilə görməli şəhərdir.Növbəti yazılarda “Veliko Tarnovo” və “Plovdiv” haqda oxuya biləcəksiniz.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər… Paylaşdı: Orxan Rzayev

1226 dəfə oxunub

Şəhər bələdçisi - Əbu-Dabi şəhərində maraqlı nə var?

Əbu-Dabidəki bütün otel, apartament və hostelləri bu linkdən book (bron) edə bilərsiz.Əbu-Dabi şəhərində maraqlı nə var?Wizz Air aviaşirkəti sayəsində artıq 50-60€ kimi kiçik büdcə ilə BƏƏ-nin paytaxtı Əbu-Dabi şəhərinə gedib qayıda bilərik. Hətta bəzən qiymətlər 2-6€ olur.1. Şeyx Zayed məscidi. Sheikh Zayed MosqueTonlarla ağ italyan mərmərindən istifadə edilərək tikilən, memar Yusuf Abdelki tərəfindən layihələndirilən möhtəşəm məscid turizm mərkəzidir.Məscidin xalçası 5 il ərzində 1200 qadın tərəfindən minlərlə ton Yeni Zelandiya yunundan istifadə edilərək toxunmuş və 5300 kvadratmetr ölçüsü ilə dünyanın ən böyük əl ilə toxunmuş xalçasıdır.Məscid isə dünyanın 3-cü ən böyük məscidi olaraq siyahıda öz yerini tutub. Böyük mərmər sahələr firuzə, mərcan, svarovski və s. qiymətli daşlarla bəzədilmişdir.2. Luvr muzeyi. Louvre Abu DhabiƏrəb dünyasının ilk universal muzeyi, ərəb memarlıq sənətinin müasirliklə qovuşduğu mərkəz olan Luvr muzeyinin layihəsi memar Jan Nouvelə məxsusdur.Burada bir çox qədim sivilizasiyalara aid tarixi tapıntılarla yanaşı, 19-cu əsrə aid sənət kolleksiyası da var.Link: https://www.louvreabudhabi.ae/3. Emirates Palace Hotelə mütləq baş çəkin! Emirates PalaceAdı hotel olsa da, əslində saraydır. Qızılla bəzədilmiş dizaynlara, parlaqlığa və əzəmətə baxmaq lazımdır.Hotelin interyeri klassik, lakin çox qəşəng bəzədilmişdir. Foyedən tutmuş koridorlara və tualetlərə qədər səliqəli tikilmiş strukturdur.Hotelin daxilindəki BBQ AL QASR restoranında nahar etməlisiniz. Restoran hotelin terrasındadır, möhtəşəm mənzərəsi var. Qiymətlər çox aşağı olmasa da, bu gözəl mühitlə müqayisədə yüksək deyil.4. Corniche sahilboyu küçəsi. Corniche Beach Abu DhabiKüçə, Əbu-Dabinin şimal-qərb sahilinin çimərlikləri boyunca, hündür blokların kölgəsində, tər-təmiz piyada və velosiped yolları, mənzərəli parklar, dəbli restoranlar, yüksək ulduzlu otellər ilə təchiz edilmişdir.Corniche küçəsi şəhərin ən prestijli bulvarıdır. Çimərliklərə asan girişi təmin edən yolun altındakı tunellər, Etiad Towers və Emirates Place mənzərəsi göz oxşayır.Dənizin parıldadığını, gur yaşıllığını seyr edərək gəzmək insanın ruhunu sakitləşdirir.Parkların birində skamyada əyləşmək, kafelərdən birində əsl ətirli kofe içməkdən həzz almanızı tövsiyə edirəm.5. Yas adası. Ferrari World Abu Dhabi Ferrari World Abu DhabiMütləq görüləsi yerlərdən biridir. Xüsusilə sürət həvəskarısınızsa şəhərdə ilk gedəcəyiniz yer bura olmalıdır. Bura əslində böyüklərin özlərini uşaq kimi hiss edib əylənə bildikləri yerdir, 10 yaşdan kiçik uşaqları aparmayın.Burada müxtəlif atraksionlar var. Ən çox tələbat isə adrenalin sevənlər üçün 52 metr yüksəklikdə sürəti 4,9 saniyəyə 240 km/saata çatan "Rollcoaster" simulyatorudur.6. Warner Bros. World Abu Dhabi Uşaqların əylənməsi üçün ideal yer. Dünyada bu kimi maraqlı və tam təchiz olunmuş yerlər barmaqla sayılacaq qədər azdır.7. Qasr Al WatanBƏƏ rəhbərinin iş yeri. Möhtəşəm memarlıq əsəridir. Ziyarət etsəniz peşman olmazsınız. Əmirliyə səfər edən dövlətlərin rəsmi nümayəndələrinin qəbul olunduğu nümayəndəlik sarayıdır. Döşəmələrdən qapılara, çilçıraqlara, mərmərlərə və oymalara qədər detalların gözəlliyini görməmək mümkün deyil. O qədər gözəl memarlıq nümunələri var ki, göz hara baxacağını bilmir. Günortadan sonra getsəniz, gün batdıqdan sonra gözəl musiqi dinləyə və işıq şousuna baxa bilərsiniz.8. Yas Mall. 400-dən çox dünya brendini təklif edən mağazalar, restoran və kafelər, 20-dən çox kinoteatr, təmiz, səliqəli, geniş və sərin quruluşu olan nəhəng ticarət mərkəzi.9. Observation Deck 300, Jumeirah At Etihad Towers, Abu Dhabi Həm şəhərin panoramic mənzərəsini, həm də günəşin doğmasını və batmasını seyr etmək istəyənlər üçün maraqlı yer ola bilər.10. Abu Dhabi Falcon HospitalŞahin xəstəxanasıdır, içəridə şahinlər haqqında hər cür məlumat ala bilərsiniz, həm də əlinizdə tutub şəkil çəkdirə bilərsiniz. Mütləq əvvəlcədən telefonla görüş təyin edin.Qiyməti 1 milyon dirhəm (272000$) hətta daha baha olan quşların sahibləri onların hər xırda problemi üçün bura gəlirlər.11. Saadiyat çimərliyi.Saadiyat Beach ClubAğ qumu son dərəcə gözəldir, dəniz tər-təmizdir və parıldayır. Şəhərdə çimərlikdə vaxt keçirmək üçün bir nömrəli yerdir. Tez-ez yaxınlığa suda oynayan delfinlər gəlir. Həftə sonları və bayram günlərində xeyli sıxlıq olur. 12. Yas Gateway ParkDemək olar ki, tamamilə bitki örtüyü olmayan bir ada, süni suvarma sistemi sayəsində abadlaşdırılıb.Bu da parkda bir zamanlar Ərəbistanda mövcud olan faunanı bərpa etməyə imkan verib.Ada zürafələrin, antilopların, kaftarların, bəbirlərin, gepardların, ceyranların, dağ qoçlarının, dəvəquşlarının və bir çox başqa canlının gətirildiyi vəhşi təbiət qoruğuna çevrilib.Qoruğun ərazisi 87 km²-dir. Ada üç hissəyə bölünür: 1-ehtiyat, 2-heyvanlar üçün, 3-könüllülər, otel, marina və çimərlik olan turizm zonası).Ada MSC və Kosta kruiz xətlərinin marşrutu üzərindədir. Əsas yaşayış məntəqələri: Zar və Dasa. Adanın landşaftı əsasən düzdür. Adada çay yoxdur. Sahildə manqrov meşələri var. Dincəlməyə gələn hər qonağın şərəfinə manqrov ağacı əkilir. Bundan əlavə, ada dəniz qoruğu kimi xidmət edir - dəniz quşları üçün yuva yeri, okean tısbağaları üçün nəsil artırma mərkəzi sahil sularının biomüxtəlifliyini qoruyub saxlamağa imkan verir.13. Emirates Park Zoo & ResortEmirates Park Zoo və Resort Əbu-Dabidən 35 km aralıda, Əl Bahia bölgəsində yerləşir.BƏƏ-nin ən yaxşı zooparkıdır. Bütün BƏƏ-də tapa biləcəyiniz ən yaxşı Zoopark. Maraqlı dizayn edilmiş və bəzədilmişdir. Qaçırmaq istəmədiyiniz bir çox əyləncə növü var. Uşaqları əyləndirmək üçün ideal yerdir. Zürafələri, begemontları, filləri, dəvələri, zebraları, keçiləri, ceyranları və digər canlıları əl ilə bəsləmək ilanı boynunuza taxa bilmək və əlinizdə qartal tutmaq şansınız olacaq. Hətta zürafələrlə birlikdə səhər yeməyi proqramı da var. Zooparkın restoranı, əyləncə mərkəzi və hoteli də var.14. Qasr Al Hosn şəhərin ortasında bərpa edilmiş istehkamdır, şəhərin tarixi təməlinin qalığıdır. Burada şeyxlərin hekayəsini və Əmirliyi necə inkişaf etdirdiklərini görəcəksiniz. Qədim zamanlarda səhrada həyatın sadə və sakit görünüşünü təqdim edir. Qalanın yanında incəsənət mərkəzi də var. Qasr Al Hosn əvvəllər bölgənin mirvari dalğıc iqtisadiyyatını qorumaq üçün tikilmiş qala idi. Kral ailəsi üçün yaşayış sahəsi vaxt keçdikcə genişlənərək saraya çevrilib.15. Heritage Village Abu DhabiŞəhəri ən yaxşı şəkildə görüb şəkil çəkdirə biləcəyimiz nöqtə. Çimərliyə keçidi olan açıq səma altında muzey.Ərəblərin yerli həyatını göstərmək üçün tikilmiş yer. Muzeydə ərəblərin harada qaldığını və necə yaşadıqlarını görə biləcəksiniz.Heritage Village üçün bir neçə saat kifayətdir. Sol tərəfdəki əsas qapıdan girdiyiniz zaman, keçmişdə səhrada yaşanan həyata bənzəyəcək şəkildə qurulmuş bir sahə var. Keçmişdə istifadə edilənlərə bənzər bir ev görəcəksiniz. Ziyarətçilərə minməyə icazə verilən dəvə də var. Çox müxtəlif malların satıldığı bir bazar da var. Keçmişdən qalma qalıqların muzeyi var. Su üzərində müasir Əbu-Dabiyə gözəl mənzərəsi olan bir çimərlik var. Tövlələrdə uşaqların əylənməsi üçün başqa canlı heyvanlar da var. Ən maraqlı sahə sənətkarların öz əl işlərini nümayiş etdirdiyi və satış üçün çox gözəl əşyaların olduğu yerdir. Dəri sənətkarlıq, gözəl çantalar və başqa əşyalar, şüşə düzəldən, toxucu, dulusçu var.16. Mangrove National Park, Abu DhabiManqrov ağacları arasında qayıqla səyahət edib flaminqolara, balıqlara, böyük tusbağalara baxıb sakitləşmək istəyirsinizsə mütləq bura baş çəkin. Ekoloji səbəblərə görə yalnız elektriklə işləyən qayıqlara icazə verilir, bu da onların əksəriyyətinin günəş enerjisi ilə işləyən və çox səssiz olması deməkdir.17. Umm Al Emarat ParkAilənizlə şəkil çəkdirmək və vaxt keçirmək üçün mükəmməl yerdir.Uşaqlar üçün oyun meydançası, yemək dükanları var.Təbiət parkına çox yaxındır. Əbu-Dabinin ən yaxşı parklarından biri. Əvvəllər "Əl Müşrif parkı" adlanırdı. Kiçik zoopark var. Çoxlu uşaq əyləncə növləri var. Tədbirlər adətən həftə sonları keçirilir. Parkdakı mənzərə heyrətamizdir. Parkda həftə sonları Yoga məşqləri keçirilir.18. Abu Dhabi National Exhibitions Company - ADNECƏbu-Dabidəki ən qeyri-adi tikililərdən biridir və bu gün artıq BƏƏ-nin paytaxtının simvoluna çevrilib. Göydələn dünyanın ən böyük maili binası kimi Ginnesin Rekordlar Kitabına düşüb. Binanın əyriliyi məşhur Piza qülləsindən 4 dəfə çoxdur.19. Dates Market Abu DhabiBazar heç də böyük deyil və bir sıra kiçik dükanlardan ibarətdir. Hər mağazada əzbər öyrəndikləri ifadələrlə turistləri çağıran dəllallar var:“Gəlin! Ən ucuzu bizik! Burada həm yerli xurma, həm də İran, İraq, Fələstin, İordaniya, Oman, Bəhreyn və digər ölkələrdən gətirilmiş xurma ala bilərsiniz. Xurmanın müxtəlifliyi heyranedicidir: təzə var, toxumlu və toxumsuz qurudulmuş var- qoz və püstə ilə doldurulmuş şokoladlı xurma. Hər zövqə görə xurma var. Xurmadan başqa başqa şirniyyatlar və tropic meyvələr də var.Azərbaycan Turizm Blogerləri Assosiasiyası #uçmaqüçündoğulanlar #travelblogger #travel #VisitAbuDhabi #abudhabi #emirates #uae #visituae

689 dəfə oxunub

İndoneziya bələdçisi – Bali

Dostlar salam, bu mənim qrupdaki ilk paylaşımımdı və ümid edirəm ki, hərkəs üçün yararlı olacaq. Gəzintim yerin cənnəti sayılan Bali və Nusa Penida adasına oldu. Balini bütünlükdə kəşf etmək üçün gəzintimi 4 yerə böldüm (Qeyd edim ki, Balini tamamilə rahat və istədiyiniz formada gəzməyiniz üçün skuter idarə etməyiniz çox arzuolunandır)1. Munduk – Balinin Şimal hissəsində yerləşir və əsasən bol təbiəti, çayları, şəlalələri, gölləri, meşəlikləri ilə məşhurdur. Mundukda görülməli yerlər Sekumpul Waterfall (Balinin ən hündür şəlaləsi- 100 m), Banyumala Waterfall ( şəlalə fonunda üzmək üçün ideal məkan), Aling-Aling Waterfall (suya tullanmaq və təbii aquapark effekti), Twin Lake, Uluwatu Temple ( Məbəd), Handara Golf Resortun girişindəki qapılar. Qeyd olunanları rahatlıqla gəzmək üçün 3 gün kifayətdir.2. Ubud – Balinin mərkəzində yerləşir və çəltik sahələri, hüzurlu sakitçiliyi ilə turistlər arasında məşhurdur. Ubudda Monkey Forest, Cambuhan Ridge Walk, Tegallalang Rice Terrace, Pura Gunung Kawi, Tegenungan Waterfall ( uğursuzluqla bağlı gedə bilmədim), Ubud Palace. alış-veriş üçün Ubud Art Marketə (Jalan Monkey Forest küçəsində) gedə bilərsiniz, qiymətdə ciddi bazarlıq etmək şərti ilə ( 850 000 rupilik əşyanı 150 000 rupiyə qədər J ). 3-4 gün gəziləsi yerləri görmək üçün bəs edər.3. Nusa Penida – Bali adasına 30 dəqiqəlik məsafədə çimərlikləri, əsasən də Kelingking Beach ilə məşhur olan ada. Balinin Sanur limanından 18-20 manatlıq biletlərlə Nusa Penida adasına keçmək olur. Ada şərq və qərb olmaqla iki yerə bölünür. Şərq tərəfdə olan Atuh Beach, Diamond Beach günəşin çıxmasına baxmaq üçün, qərb tərəfində Angel’s Billabong, Broken Beach, Kelingking Beach günəşin batmasını görmək üçün ideal hesab olunur. Adada 2 gün sizə qeyd olunan yerləri görmək üçün kifayət edəcək.4. Kuta (Seminyak) – Balidə əsasən əyləncə yerləri, surfinq və shopping üçün bura turistlər üz tutur. İstirahətin son gününün bura salınmasında üstünlük hava limanında 20-25 dəqiqəlik məsafədə olmasıdır. Kutada əsasən iri shopping və Kuta Beach, Legian Beach, Double Six Beach çimərikləri surfinq həvəskarları üçün məşhurdur. Alış veriş üçün ideal qiymətlər baxımından Legian Street olduqca uyğundur. Axşam saatlarına qədər çalışan Kuta Art Marketlərdən də alış veriş etmək mümkündür.Diqqət olunmalı mövzular: pulunuzu dəyişdirən zaman ehtiyatlı və diqqətli olun, yalnız sterilizə olunmuş sulardan istifadə edin, yerli əhaliyə şəkil çəkdirmək üçün rica etməyin, qiymət bazarlığına tam hazır olun, daima yanınızda yağışa qarşı üstlük saxlayın. Paylaşılan şəkillərdə adları ilə qeyd edəcəm. Ümid edirəm paylaşım faydalı olacaq.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Tural Hasanli

1110 dəfə oxunub
Bizi izləyənlər siyahısına qoşulun!