ABŞ turistik vizası necə alınır?

28 İyul 2023 375 dəfə oxunub

ABŞ turistik vizası necə alınır?

Əvvəlcə aşağıdakı link vasitəsilə “DS-160” yəni onlayn ərizəyə keçid edirik.

SELECT ONE hissəssində “Azerbaijan” seçirik. Enter the code as shown: Burada böyük şriftlərlə yazılmış təhlükəsizlik kodunu daxil edirik. Sonra əvvəlcədən komputerimizdəki şəkilimizi əlavə edirik (Test Photo Photo Standard Guide).

Daha sonra “start application” seçirik. Aşağıda “I agree”-yəni “mən razıyam” hissəsini seçərək təsdiq edirik.

Yeni səhifə açılır. Burada suallardan birini seçirik və aşağıda onun cavabını yazırıq.

Nümunə. Sual: Uşaqlıq dostunuzun adı.

Cavab: Hacı Surxay

Sonra “continiue” yəni davam etməyi seçirik və növbəti hissəyə keçid edirik.

Burada ad, soyad, cinsiyyət, ailə vəziyyəti, doğum tarixi, anadan olduğumuz yeri yazdıqdan sonra “next personal 2” hissəsinə keçid edirik.

Burada “Country/Region of Origin (Nationality)” sualına Azerbaijan cavabını yazırıq. Digər iki suala “no” yazıb keçirik. National Identification Number sualına ş/v nömrəsini yazırıq. Digər iki suala

“no” yazıb keçirik. Next Travel düyməsini seçərək növbəti hissəyə keçid edirik.

Sual: Purpose of Trip to the U.S.

Cavab: TEMP. BUSINESS PLEASURE VISITOR (B)

Sual: Specify:

Cavab: BUSINESS & TOURISM (TEMPORARY VISITOR) (B1/B2)

Sual:Have you made specific travel plans?

Cavab: YES

Sonra təyyarə bileti bronu və hotel rezervasiyaları məlumatlarını daxil edirik.

Sonra “next Travel Companions Information” hissəsinə keçid edirik.

Burada “Are there other persons traveling with you?” sualına “no” cavabını yzaraq növbəti hissəyə keçid edirik.

”Previous U.S. Travel Information” hissəsində bütün suallara no cavabını yzaraq növbəti hissəyə keçid edirik. Burada ünvanlarımızı, telefon nömrələrimizi və sosial şəbəkə hesablarımızı yzaraq “Passport Information” hissəsinə keçid edirik.

Sual: Passport/Travel Document Type

Cavab: Regular

Sual: Passport/Travel Document Number

Cavab: C0……..

Sual: Passport Book Number

Cavab: Does not apply

Sonra passport məlumatlarımızı daxil edərək “U.S. Point of Contact Information” hissəsinə keçid edirik.

Burada ABŞ-da qalacağımız hotelin məlumatlarını daxil edirik.

Sonra “Family Information” hissəsinə keçid edirik. Burada ailəmizə aid məlumatları daxil edirik.

Sonra “Work/Education” hissəsinə keçid edirik. Burada iş və təhsillə bağlı hissələri doldurduqdan sonra bütün mənasız suallara no cavabını verərək keçirik və fotomuzu daxil edirik.

Sonra bütün daxil etdiyimiz məlumatları gözdən keçirib təsdiqləyirik və PDF şəklində özümüzdə saxlayırıq. Təsdiq etdikdən sonra təsdiq kodunu itirmək olmaz. (Application ID AA00BIHF2F)

Daha sonra aşağıdakı link vasitəsi ilə qeydiyyatdan keçərək viza rüsumu (160$) ödəməli və görüş (appoitment) təyin etməliyik.

Link: https://ais.usvisa-info.com/en-az/niv/users/sign_in

Linkə daxil olduqda əvvəlcə “Create an account”, sonra isə “I have completed the U.S. Nonimmigrant Visa Application (DS-160) form and I need to apply for a visa.” bəndini seçirik.

Burada rüsumu ödədikdən sonra sistemin təklif etdiyi gün və saatlardan bizə uyğun olanını seçirik və tələb olunan sənədlərlə birlikdə səfirliyə yaxınlaşırıq.

Tələb olunan sənədlər:

B1/B2 vizasına müraciət edərkən siz aşağıdakı sənədləri təqdim etməlisiniz:

Xarici pasport və şəkil olan səhifəsinin surəti.

Əvvəlki vizalarınızın və giriş-çıxış möhürlərinizin surəti.

Şəxsiyyət vəsiqənizin surəti.

İş yerindən arayış.

Bankdan arayış və çıxarış.

Mülklərin, çıxarışlarının və avtomobilinizin texpasportunun surəti

Nikah haqqında şəhadətnamənizin və uşaqlarınızın doğum haqqında şəhadətnamələrinin surəti.

2 ədəd 5x5 ölçüdə və ağ fonda şəkil.

Aviabilet bronu və hotel rezervasiyası.

10.Viza ödənişininin qəbzi və görüş tarixiniz qeyd olunmuş PDF.

11.DS-160 ərizə formanızın təsdiqi.

Konsulla görüş.

ABŞ konsulu birbaşa özü sizinlə görüşəcək. Düşündüyünüzdən dəfələrlə artıq tülküdür. Sizə HR (recruitment) mütəxəssislərinin, hətta şeytanın belə ağlına gəlməyəcək qəribə suallar verə bilər.

Xüsusilə aşağıdakı sualların cavablarını əzbər bilməlisiniz.

Niyə ABŞ?

ABŞ-da olmusunuzmu?

Niyə ABŞ səyahətini bu ilə planlamısınız?

ABŞ-a kim ilə gedəcəksiniz?

Haralara gedəcəksiniz?

Nə qədər qalmağı planlaşdırırsınız?

Daha çox qalmaq ehtimalınız varmı?

Nə qədər pul xərcləyəcəksiniz?

Vəzifəniz (peşəniz) nədir?

Gəliriniz nə qədərdir?

ABŞ-da dostlarınız, yaxınlarınız varmı?

ABŞ-da qalınb işləmək planınız varmı?

Aviabilet bronlarınız varmı?

Əvvəl başqa ölkələrdə səyahətdə olmusunuzmu?

Sizin geri qayıdacağınıza necə əmin ola bilərik?

Hüseynbala Mirələmovu tanıyırsınızmı?

Görüşün sonunda sizə viza verilib-verilməyəcəyi bildirilir.

Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…
Paylaşdı: Elşən İsmayılov

Elşən İsmayılov

Paylaş

DİGƏR BLOQLAR

Gəzənfərd 8. - Edinburg

Gəzənfərdin 8-ci buraxılışında Şotlandiyada yaşayan Cavid Nadirlə qəsrləri ilə məşhur Edinburq haqqında danışdıq. Bu podcastımızda Cavidlə Şotlandiyanın Edinburq şəhəri haqqında danışdıq, çox spoiler vermiyim özünüz dinləyin görün :) Əgər podkastımızı bəyəndinizsə kanalımıza abuna olmağı və daha öncəki buraxılışlarımızı dinləməyi unutmayın.https://www.youtube.com/watch?v=prgWYNW4OSg&index=1&list=PL3iQyXzTCptMR5X3PxLU7-R5jC-1F0890

26 Dekabr 2018 501 dəfə oxunub

Ev heyvanları ilə səyahət

Salam, əziz Gəzəyənlər!Qrupda bir neçə dəfə pişiklə səyahət etməklə əlaqəli sual gördüyüm üçün istəyirəm əliuşaqlılar üçün bir post paylaşım. Qeyd edim ki, biz AZAL istifadə etməli olduq, ancaq tələblər THY-də də eynidir. Fərqləri budur ki, AZAL-ın ödəniş əsaslı çəki və ölçü alternativi daha çoxdur. Başladıq!???? Azərbaycana pişiyinizi gətirmək istəyirsinizsə, məsləhət görərdim ki, iki ay əvvəldən yavaş-yavaş hazırlıqlara başlayasınız ki, son günlərdə nə özünüzü, nə də uşağı stressə salmayasınız. Həmin iki ay sizə çox rahat şəkildə uşağın lazımlı bütün peyvəndlərini tamamlamağa çatacaq - hətta nəzərə alsaq ki, elə peyvəndlər var ki, onların arasında bir həftə vaxt olmalıdır.???? Azərbaycan Avropadan fərqli olaraq titration nəticəsi istəmir, ancaq quduz nəticəsi istəyir. Titrationun nəticəsi 3 aya gəlir, quduz isə 5 dəqiqəyə vurulur.???? Veterinara ölkə dəyişəcəyinizi deyin ki, o, sizi uşağın ümumi sağlamlıq vəziyətinə görə yönləndirsin. Həm də axırda sizə ölkədən çıxış üçün, "səyahət üçün uyğundur" təsdiqi verməlidir.???? Totalda lazım olan sənədlər° Uşağın passportu - içində bütün sağlamlıq keçmişi olur - peyvəndlər. Bütün medikal arxivi.° Sağlamlıq sertifikatı° Ölkədən çıxışı üçün təsdiqlənmiş və veterinar tərəfindən verilən sənəd???? Bileti almadan əvvəl səyahət etmək istədiyiniz reys haqqında zəng edib havayolu şirkətindən soruşun ki, həmin reys pişiklər üçün uyğundur ya necə. Kabində ancaq eyni növdən iki heyvan gedə bilər. Ola bilər həmin reysdə sizdən əvvəl kimsə qeydiyyat aparıb uşağı üçün. Bu kimi riskə görə zəng edərək əvvəldən öyrənin. Sonra bileti alın. Bileti aldıqdan sonra təkrar zəng edib pişiyinizi qeydiyyatdan mütləq keçirin.???? AZAL box/qəfəslə birlikdə 8 kq-a qədər olan bir pişiyin kabinə keçməyinə icazə verir. 8 kq-dan artıq olan pişikləri isə heyvanlar üçün xüsusi bölməyə göndərir. Əgər pişiyiniz xüsusi bölməyə getsə, onun vəziyəti haqqında soruşub maraqlanmaq haqqınız var və bunu edin.???? Boxla birlikdə 8 kq-a qədər olan pişik üçün havalimanında, check in zamanı 60$ ödəməlisiniz. Check in zamanı özləri sizi ödəməni etməli olduğunuz yerə, AZAL-ın ofisinə yönləndirir. Oradan aldığınız qəbzi yenidən check in-dəki işçilərə verib, qeydiyyatı tamamlayırsınız.???? Pişiyin cinsinin ölkədən çıxmağa uyğun olub olmadığını əvvəlcədən kontrol edin.???? Quduz ( şərtdir), daxili və xarici parazit, karma ( Azərbaycan dilində qarşılığını bilmirəm, Türkiyədə karma desəniz onsuz da veterinarınız onu edəcək) və lösemi etdirməyiniz məsləhətdir. Parazit peyvəndlərinin arasında 3-4 gün olur. Bir həftə sonra karma, bir həftə sonra isə lösemi etdirə bilərsiniz.???? Uşağa bitki tərkibli sakitləşdirici verə bilərsiniz ki, yolda çox qorxmasın. Veterinarınızla birlikdə dozasını müəyənləşdirə bilərsiniz. Biz 2 saat əvvəldən verdik, ancaq kaş 3-4 saat əvvəldən verərdik. Yola çıxmadan 6-7 saat əvvəl yemək verməyi dayandırın ki, yolda qusma riski azalsın.???? Əgər boxdan nifrət edən pişiyiniz varsa yola çıxmadan bir-iki ay əvvəl səyahət edəcəyi qəfəsi açın evə qoyun ki, içinə girib çıxmaqla ona öyrəşsin.???? Veterinardan səyahətə çıxacağınız gün qəfəsin içinə sərməyə bez götürün.???? Yanınıza ödül çubuğu deyilən o dadlı, yeməli çubuqdan götürün ki, arada pişiyinizə verəsiniz ( çox olmamaq şərtiylə).???? Havalimanında check in-i nə qədər tez etsəniz o qədər xeyrinizədir. Hətta yerinizi ən öndən və ya dəhliz tərəfdən seçin ki, səyahətiniz rahat keçsin. Biz check-ini çox gec etmişdik deyə ən arxa və orta sırada oturmalı olmuşduq. Pişiklə orta və pəncərə tərəf qəti rahat deyil. Çünki qəfəsi qucağınıza almalı olsanız, bu yerlərdə ala bilməyəcəksiz, daha geniş yer lazımdır. Xahiş edərək dəhliz tərəfdə oturan şəxslə yerimi dəyişmişdim və qəfəsi qucağıma alıb yol boyu uşaqla kontakt halında qaldım ki, stressi azalsın.???? Qəfəsiniz plastik olsa mütləq qəfəsin qapısının açılıb açılmadığını kontrol edin. Bizdə qəfəslərdən biri təzyiqdən açılmışdı, qəfəs qucağımda olmasa və xəbərim olmasa uşaq rahatlıqla çölə çıxa bilərdi. Təyyarə endikdən sonra qəfəs normal ölçülərinə qayıtdı. Ümumiyətlə, məsləhət görərdim ki, uçuş zamanı uşaqla max. kontaktda qalın. Bu, ona yaxşı təsir edir.???? Bakıda heç kim pişiklərlə bağlı nəsə tələb etmədi.???? Bizim box təyyarədə oturacağın altına sığmadı, baxmayaraq ki, ölçülər eyni idi. Amma sığsa da rahat olmazdım uşağı yerdə aparmağa:))???? Havalimanında X Raydə deyirlər ki, pişikləri çıxarın. Ancaq siz desəniz ki, çıxartmaq olmaz, qaçar, qorxur və s. Polisi çağırırlar, ona vəziyəti izah etsəniz insiyatif alıb qəfəsdən çıxartmadan normal keçirirlər. Şansınızı sınayın. ???? Bir də gözəl dostluqlar qurun və onların dəyərini bilin. Könül Məmmədova olmasaydı nə iki balamı özümlə bu qədər rahat gətirə bilərdim, nə də bu səyahət bu qədər rahat keçərdi. Yolda əlindən gələn bütün dəstəyi verdi ki, səyahət həm yavrularım, həm mənim üçün rahat keçsin. Gözəl Könül, bir daha çox sağ ol! Allah uşağının quru, yaş mamasını, oyuncaqlarını, ödül manalarını heç vaxt əksik etməsin! ❤️???? Bu qrupdan da mənə kömək təklif edən dostlar, hətta bir neçə prosedura haqqında kömək edən dostlar oldu. Hamınız çox sağolun! ❤️#pişikləsəyahətƏgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Leyla Hasanova

23 Avqust 2019 1769 dəfə oxunub

Gəzəyən məsləhəti - Budapeşt

Budapeştdəki bütün otel, apartament və hostelləri bu linkdən book (bron) edə bilərsiz.Salamlar hərkəsə! Ümid edirəm ki, bu yazım qrupun formatından kənara çıxma kimi nəzərə alınmayacaq. Amma bu yazını çoxdandır ki, yazmaq istəyirdim.Qısa müddətdir ki, Budapeştdə kiçik bir suvenir mağazasında işləyirəm. Bu müddətdə çox insan gördüm təbii olaraq ???? Gördüklərim, gözləmlədiklərimdən bir nəticə çıxarmışam ki, onu da sizinlə paylaşmağı çox istəyirdim. Çalışdığım müddətdə müştərilərlə ünsiyyət qururam. Yaşlarını, hansı ölkənin vətəndaşı olduqlarını, növbəti səfərlərinin hara olduğunu və s. soruşuram. Bir daha əmin oldum ki, başqa ölkələri, fərqli məkanları, insanları tanımağa heç bir ünsür maneə ola bilməz. Turistlərin arasında cavan nəsil olmaqla yanaşı, yaşlılar, kiçik yaşlılar olur. Bununla yanaşı, fiziki məhdudiyyətli turistlər isə insanın sadəcə yaşama stimulunu artırır. Yanlış anlaşılmasın, ayrıseçkilik etmək ağlımın ucundan keçmir. Sadəcə heçnəyin dünyanı kəşf etməyə, səyahət etməyə, pozitiv düşünməyə maneə olmayacağına toxunmaq istəyirəm. Bu müddət ərzində minlərlə turistin arasından barmaqla sayılacaq qədər azərbaycanlı görmək, onların arasında çoxunun kişi cinsinə mənsub olması, gördüyüm azərbaycanlı xanımlarınsa hamısının ailəli olaraq gəlməsi, çoxunun ingiliscə bilməməsi (ya da çox az "derdimi anlatacak kadar") bilməsi üzücü hallar arasındadı. Ancaq mən bu mövzulara dəymək istəmirəm. Bunları çoxumuz bilirik və həm də yaxın vaxt ərzində düzələcəklərinə ümidim çoxdu. Ancaq başqa bir mövzu var ki, belə görürəm ki, biz( gənc nəsil) bir addım atmasaq düzələsi deyil.Gəzəyənlər, çox-çox xahiş edirəm, özümüz gəzərkən valideynlərimizi də gəzməyə həvəsləndirək. Bizim millətimiz çox işləməyə, özünü fəda etməyə, özünü unutmağa meyllidir. İllər keçir və artıq sonra nə enerji, nə həvəs nə də bəzən pul qalmır. Deyə bilərsiniz ki, əmək haqqı buna yetmir və s. Amma inanın mənə necə maddi vəziyyəti aşağı ailələr görürəm burda. Təsəvvür belə edə bilməzsiniz. Nə də mən demək istəmirəm. İçəri girən kimi "discount, discount" başlayırlar Əgər orta statistik ailəni nəzərə alıb, birazca kənara "atmağa" can atsaq, biraz da həvəsli olub mütəmmadi olaraq endirimli uçuş, qatar, bus biletləri (gediləcək yerdən asılı olaraq) axtarsaq məncə eləmək çox da çətin olmamalıdı. Bəzən də artıq xərclərimizi azaltsaq? ????Bu iş bizə düşür məncə) Valideynlərimizin, ailəmizin, sevdiyimiz insanların da səyahət etməsini istəmərikmi? Məncə çox gözəl olar.P.S çoxbilmiş, ağılverən biri kimi göründümsə, sorry, məqsəd bu deyildi. Sadəcə gülərüzlü, dünyanı gəzən, görən, marağı olan (gəzdikcə artır, bilirik ????) insanlar, xüsusən yaşlılar görəndə bizim insanları da belə görmək çox istəyirəm. Uzun oldusa, sorry.Azərbaycanlıları cinsindən, ailə vəziyyətindən, yaşından və maddi imkanından asılı olmayaraq dünyalı olaraq görmək ümidi ilə! ????Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Zulya Abdullayeva

9 Noyabr 2018 538 dəfə oxunub

25 günlük Avropa gəzintisinin "ƏN"-ləri

Sonuncu Avropa turumu necə planlaşdırdığım və nə qədər xərc çıxması barədə çoxsaylı suallar gəldiyindən ümumiləşdirib post yazmaq qərarına gəldim. Otel xərcləri müxtəlif olduğu üçün onları yazmayacam. Amma istəyənlər üçün məsləhət görəcəyim otellər var.1) Bakı-Tbilisi - 35 avro - 1 saat (buta)2)Tbilisi-Kutaisi - 7 avro - 4 saat (Georgianbus)3)Kutaisi-Roma - 70 avro(wizzair baqajla) - 4 saat, Romada 4 gün4)Roma-Venesiya-40 avro (Qatar-Trenitalia- 8 saat) gecə qatarında 4 yataqlı kupedə getdik. Gecə saat 12-də Roma Terminidən çıxır və səhər 8-də Venesiyaya çatır. Beləcə şəhərlər arası səyahət xərcinə 1 günlük otel xərci aradan çıxır və rahatca yatıb yuxunuzu ala bilərsiz), Venesiyada 2 gün5)Venesiya-Milan-15 avro-2 saat (Qatar Trenitalia)-Milanda 1 gün6)Milan-Lisbon-40 avro-(Ryanair)-3,5 saat , oturacaq seçimi ilə birlikdə, gecə uçuşu olduğundan 1 gecəlik otel xərci yenə də cibimizdə qaldı.7)Lisbon-Sintra-Roka burnu-Cascais-Lisbon (Qatarla-15 avro) Lisbon 3 gün, digərləri üçün 1 gecə 2 gün8)Lisbon-Azor adaları-40 avro-2,5 saat (Ryanair) -Azor adalarında 7 gün-Uçuş saatları otellerin check in-out saatları arasında olduğu üçün çox rahatdır.9)Azor-Porto-30 avro(Ryanair)-2,5 saat, Porto-1 gün-1 günə burdan doymadıq, ən az 2-3 gün keçirmək lazımdır.10)Porto-Barcelona - 10 avro-1 saat (Ryanair)-Barcelona 4 gün11)Barcelona-Palma de Mallorca-9 avro-50 dəqiqə (Ryanair) Mallorcada-2 gün12)Palma de Mallorca-İbiza-30 avro-(AirEuropa)-30 dəqiqə-İbiza 1 gecə 2 gün-doymadıq.13)İbiza-Barselona-15 avro(Ryanair)-50 dəqiqə14)Barselona-Kutaisi-90 avro-uçuş--5 saat (wizz air)-baqajla birlikdə15) Kutaisi-Tbilisi- 7 avro (Georgianbus)-4 saat16)Tbilisi-Baku-30 avro(Buta)-1 saatBeləliklə təxminən 25 gün ərzində bütüb nəqliyyata çəkilən ümumi xərc- 480 avro. (2 uçuş və 1 qatarla səyahət gecə olduğu üçün 3 gecə otellərə pulumuz çıxmadı.)-Eyni tarixlərdə Bakıdan İtalyaya tək gediş-dönüş biletinin qiyməti 600 avroya yaxın edirdi.-Bütün uçuşlarda 10kq-a qədər çiyin sumkasını pulsuz içəri keçirdik. Bundan əlavə dostumla xərcləri yarı yarı bölüşüb 1 dənə də əlavə baqaj aldıq.-Ryanair ən sevdiyim low cost oldu. 10-a yaxın uçuşun heç birində çiyin sumkasını yoxlamadılar. Ryanairdə bütün uçuşlarda oturacaqı da özümüz seçdik və yuxarıda yazılan qiymətə daxildir.-Ryanairdə camaat 2 çiyin sumkasını belinə asıb (hər çiyin sumkasının 1 qulpunu) rahatca içəri keçirirdi.-Bütün uçuşları, gediləcək şəhəri səyahətdən 1 ay əvvəl özüm planlaşdırdım, Avropa daxili uçuşlar üçün skyscanner və ryanai applardan istifadə etdim. Otellərin hamısını booking.com-dan bron etdim və oteldə ödəmə varinatını seçdim.Mənim fikrimcə:-Ən tarixi şəhər-Roma-ən sevdiyim şəhər-Lisbon-Səyahətin ən möhtəşəm yerləri-Azor adaları, Sintra, Cascais və nisbətən Venesiya (Portuqaliya ümumiyyətlə candır)))-Ən böyük xəyal qırıqlığı-Barselona-Ən əyləncəli-İbiza və Mallorcada Magaluf şəhəri-Ən dadlı çaxırlar-Roma və Porto-Ən dadlə yeməklər-Lisbon və Azor adaları-Ən möhtəşəm mənzərə-Sete Citades və Lagoa de Fogo gölləri-Ən möhtəşəm abidə-Sagrada Familia-Ən ucuz yer-Lisbon, Magaluf və Azor adaları-Ən bahalı-Barselona[gallery ids="1987,1986,1985,1984,1983,1982" type="rectangular"]Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Gəzgin Həyat

14 İyun 2019 610 dəfə oxunub

Bloq