Bloq

1110 dəfə oxunub

Şəhər bələdçisi - New York

New Yorkdakı bütün otel, apartament və hostelləri bu linkdən book (bron) edə bilərsiz.

New York barəsində maraqlı postlar bundan əvvəl də paylaşılmışdı. Paylaşılan fikirlərin davamı və təstiqi, təkrarı olaraq mən də 1 ay ərzində gördüklərimdən bunları deyə bilərəm;

- Şəhər yeni gələn turistlər və immigrantlar üçün olduqca bahalı, NYC’də normal işlərdə işləyənlər üçün isə normal şəhərdir. (Minimum əmək haqqı 15 USD)
- Nyu Yorkda maşın sürmək əsəb, parking tapmaq problemdir. Digər ştat və şəhərlərdən fərqli olaraq insanlar yeraltı nəqliyyat və ya avtobuslardan istifadə edir. Şəhərdə 450+ metro xətti var və demək olar ki, bir çox yerə metro ilə rahat getmək mümkündür. Bir gedişlik 2.75 USD, bir həftəlik 34 USD, bir aylıq 125 USD)
- Ərzaqdan geyimə bütün məhsulları alarkən kassada üzərində yazılan qiymətə 9%’ə yaxın city tax gəlir.
- Nyu Yorkda bütün restoran, kafe, taksi başda olmaqla demək olar ki, bütün servis xidmətlərindən istifadə edərkən “çayvoy” verməlisiniz. Bu artıq bir mədəniyyətə çevrilib.
- Məsələn çaşıb kafedə 50 USD’lik yemək yediniz. Tips (çayvoy), vergilər verildikdən sonra bu rəqəm 60-70’ə çıxa bilər.
- Azərbaycandan fərqli, marketlərdə bir çox məhsullar, meyvələr, tərəvəzlər qablaşdırma ilə satılır. Məs; Bakıda kilo-kilo aldığınız üzümü burda 2 salxımı bir paketin içinə qoyulmuş vəziyyətdə 4-5 USD’ə nuş edə bilərsiniz.
- Nyu Yorkun havası olduqca dəyişkəndir. Bir saat hava çox isti olduqdan sonra anidən şiddətli yağış yağa bilər. Yağış isə 10 dəqiqə sonra anidən kəsə bilər.
- Nyu Yorku Bakıdan fərqli edən maraqlı cəhətlərdən biri; burada demək olar ki, toz deyilən bir şey yoxdur. (Mən görmədim) Nə maşınlar çirklənir, nə də evdə əşyaların üzərinə toz yığılır.
- Nyu Yorkda millətlərin sıx məskunlaşdığı bölgələr var. Məsələn; Chinatown’a getsəniz özünüzü Çində, Koreatown’da Cənubi Koreyada, Brooklyn’in orta hissələrində İsraildə, Brightonda isə özünüzü Rusiyanın hansısa bir bazarında hiss edəcəksiniz.
- Şəhərin küçələrində alkoqollu içki butulkası ilə içki içmək qadağandır. Narkotika satmaq qadağan, qəbul etmək isə səhv etmirəmsə leqaldır.
- Gəzmək üçün kifayət qədər yerlər var. Bunlardan bir neçəsi; Time Square, Central Park, Empire State Building, Statue Liberty, Rockfeller Center və digərləridir.
- Bir otaqlı evlərin qiyməti 1300-1500 USD, roomların qiyməti 500-600 USD’dən başlayır. Ev və ya otaq rent edərkən sizdən deposit qoyulması, kirayə üçün əlavə haqq ödənişləri alına bilər.

Bir çox xüsusiyyətlər var ki, yadıma düşdükcə yaza bilərəm. Və ya əlavə etmək istəyən varsa edə bilər.

Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…

Paylaşdı: Anar Aliyev

Anar Aliyev

DİGƏR BLOQLAR

Film və musiqilərdən Beyrut şəhərinə

Beyrutdakı bütün otel, apartament və hostelləri bu linkdən book (bron) edə bilərsiz.Tək və orda heç bir dostum olmadan Livana gedən biri kimi haqqında deyə biləcəyim ən sevindirici məqam, düşünüldüyünün əksinə tək səyahət edənlər üçün çox təhlükəsiz ölkədir. Məncə bu xanımlar üçün sevindirici xəbərdir.Digər ərəb ölkələrindən (pisləmək üçün demirəm), mədəniyət baxımından əsaslı şəkildə fərqlənir və Körfəz ölkələrindən musiqi (Mashrou Leila, Fairuz, Jasmine Hamdan) və film mədəniyyəti olaraq açıq fərqlə öndədir. Amin Maalouf kimi yazıçı və Xəlil Cebran (şair) Livanlıdır. Jasmine Hamdani "Only lovers left alive" filmindən kəşf etmişdim. İnsanların təhsil səviyyəsi yüksəkdir, dünya görüşü çox açıqdır.Ölkənin yarısına qədəri xristiandır və bu qədər çox millət, dini qrupun olması ölkəni çox rəngarəng edir (baxmayaraq ki, bu vətəndaş müahəribəsinə də gətirib çıxarmışdı). Hətta Fələstinlilər və Suriyalılar gələnə qədər xristianlar ölkəni daha çox "özününkü" hesab edirdilər (İnsult filmində olduğu kimi) və prezidentləri də xristiandır. Digər önəmli vəzifələr şiə, sünni və s. qruplar arasında bölünüb. Bəli, çox böyük vətəndaş müharibəsindən çıxıblar. İzlərini insanların üzlərində, güllə izlərini “Downtown”dakı Şəhidlər heykəlində, Holiday Inn hotelində görə bilərsiniz. Osmanlının izlərini isə qətlə yetirilən məşhur baş nazirləri Rafik Haririnin Sultan Ahmeddən təsirlənərək tikdirdiyi Muhammad Al Amin məscidindən, “Downtown”dakı Osmanlının tikdirdiyi məşhur saatdan, məşhur içkiyə dönən türk kahvesi, türk tatlılarından, adını rakının düzəldildiyi bitki Anasondan götürən Anise adlı məşhur məkandan görə bilərsiniz. Beyrutun logosu o məşhur Göyərçin qayalıqlarıdır (Raoucheh). Harissada Məryəm ananın böyük heykəli var, Beyrutu qorumaq üçün tikilsə də, əslində o cür ağır müharibədən qoruya bilmədi. Jeita adlı mağaraları da gedilməli yerlər sırasındadır.Beyrut həqiqətən də fransız dilli şəhərdir, söhbət etdiyim bir neçə Suriyalı Livanlıların ərəbcə yaxşı bilməməsini onlara "ayıb" adlandırdı, çünki həqiqətən də bəzi insanlar sadəcə fransız və ingiliscə danışmağa üstünlük verir. İngiliscə kifayət qədər yüksək səviyyədədir. Beyrutda çox maraqlı kiçik evlər içində canlı musiqi yerləri var (Əşrəfiyyə, Hamra, Mar Mixael bölgələrində). Beyrutdan sonra Finikiyanın məşhur o qədim limanının yerləşdiyi 7000 il tarixlik Bibliya və bütün bu qəbildən sözlərin öz mənşəyini aldığı Biblos (Jbeil) şəhərinə getdim. Çox əsrarəngiz idi. Mütləq gedilməlidir. Sonra isə mədəniyyət baxımından daha çox Suriyanı xatırladan Tripoli şəhərinə getdim. Daha çox müsəlman icmasının yaşadığı bu şəhər daha çox nəzarət altındadır. Hərbi texnika hələ də küçələrdədir. Yaxınlarınıza hədiyyə almaq istıyirsinizsə mütləq burdan alın, çünki Livan çox baha ölkədir, ən "affordable" şəhər bura idi. Mən Polşadan gəldiyim üçün getmək istəmədim, ama qış idman növlərini sevənlər mütləq dağlara, Faraya ya getsinlər. Beyrutdan çox yaxındır. Ölkədə ictimai nəqliyat bərbaddır, aeroportdan hostelə Uberlə, Beyrut içi yerlərə adətən ayaqla, digər şəhərlərə isə tək gəzən xaricilərin adətən seçdiyi sadə və "gənc abu havalı" hostelimiz Grand Meshmosh-un təşkil etdiyi sürücülərlə hosteldə qalan bir neçə nəfər yığışıb getdik. O hosteli də məsləhət görürəm, çox sadədir, ölkə bahadır hər şeyi yanınızda aparsanız kifayət qədər rahat hosteldir, təhlükəsizlik və hər yerə yaxınlıq baxımından ola biləcək ən möhtəşəm yerdə yerləşir (ST Nicholas pilləkənlərində). Gözəl səhər yeməyi də verir. Gənclər vaxt keçirmək üçün ən çox Gemmayzeh küçəsinə üstünlük verir bu da hostelin yanıdır.Mar Mixael regionu Beyrutun ermənilər yaşayan bölgəsidir və ermənilər orda yetərincə böyük etnik azlıqdır. Livan yeməkləri möhtəşəmdir: ətli humus, hər cür şaurma (Bakıdakı kimi yox özü də), falafellər, tabulehlər, zaatarlar və nələr nələr. Beyrut universitetinin korpusuna mütləq gedin, görə biləcəyiniz ən qəşəng kampuslardan biri olacaq, dənizə baxır, opera salonuna qədər var və təhsil haqqı kifayət qədər baha olan bir universitetdir. Mashrou Leyla qrupu burada yaranıb. Netflixin məşhur "Al Hayba" serialı isə deyəsən cənub-şərq kəndlərində çəkilib dedilər. Türkiyə, Livan və İordaniya ən çox Suriyalı sayı olan ölkədir, bu cür zəngin həyat tərzi olan Livanlılara paralel olaraq onların kasıb həyatını görmək və kömək edə bilməmək insanı üzür, lakin Livanlılar sizə bu duyğunu yaşatmamaq üçün Suriyalı uşaqları turistlərin yanından qucaqlayaraq, söhbət edərək aparır (ən azından mən bir neçə dəfə elə gördüm). Ümumilikdə köməkcil, savadlı, qəşəng musiqi zövqlü millətdir. Mütləq Müasir İncəsənət Muzeyinə gedin. Sahilə "iskele"si olan Beyrut şəhər kənarında yerləşən muzey çox qəşəng mənzərəlidir.Nİyə bu qədər Azərbaycanlı Türkiyəyə gedərkən cəmi 1 saat yarım uçuş məsafəli Livana ordan getmir bilmirəm. Düzdür qiymətlər bahadır amma bu insanın necə yaşadığından asılıdır, bir gənc kimi hər gün restoranlarda yeməkdənsə, əslində daha dadlı olan açıq dəzgahlardakı "street food" satan yerlərdə şaurma və ya qonşu Türkiyədə lokanta dedikləri kimi Beyrutdakı "La Chef" və s kimi məkanlarda yemək yesəniz, çox taksiyə minməsəz, yaxşı vəziyyətdə olan hosteldə qalsanız (lux hoteldə yox), digər şəhərlərə gedərkən qoşalaşacaq çoxlu dostlar tapsanız çox az büdcə ilə keyfiyyətli tətil yaşaya bilərsiniz. Bir dəfə daha getsəm musiqi festivalları ilə məşhur Baalbek şəhərinə və Tir (Tyre) şəhərinə gedəcəm :) Azərbaycanlılara viza “on arrival” verilir, sadəcə passportla və pulsuzdur.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Ülkər Mehdiyeva

828 dəfə oxunub

Şəhər bələdçisi - Düsseldorf

Düsseldorfdakı bütün otel, apartament və hostelləri bu linkdən (bron) edə bilərsiniz.Salam gəzməkdən doymanlar ???? İstədim bir post da mən yazım. Bəlkə də bu haqda yazıblar artıq. Üzürlü sayın)Xlll əsrdən şəhər statusu alan Düsseldorf bahalığa görə VI, yaşayış standartlarına görə isə V yerdə durur. Bahalığa görə Berlinlə rəqabət aparır. Bura bir çox qonşu avropa ölkələrinə yaxın olduğu üçün yaşamaq üçün buranı üstün tuturlar. İş tapmaq istəyən və ya biznes qurmaq istəyənlər Berlindəki vergi ağırlığından qaçmaq üçün bura üz tuturlar. 650 minlik əhalisi olan və Reyn çayının hər iki tərəfinə yayılan bu şəhərdə çoxlu Çinli və Yapon iş adamları var.Təbii ki, Türkiyəli qardaşlarımızın da sayı Berlindəki qədər olmasa da tez-tez rast gəlmək olur. Yuxarıda qeyd etdiyim vergi məsələlərinə görə aparıcı şirkətlət baş ofislərini burda açmağa çalışırlar. Dünən bir yaponla yerli pivə içərkən xeyli söhbətləşdik. Dediyinə görə 90 min yapon yaşayır ki, bu da əhalinin 1%-ni təşkil edir. Bunu deyəndə üzü güldü, sankı qağaların gələcəkdə gör burda nəğayrajax sözləri gözündən oxunurdu)). Bəlkədə buna görə “little tokio” deyirlər. Ev kirası daxil olmaqla aylıq yaşayış üçün 3000-3500 avro pul qazanmaq lazımdır. Təbii ki, hər kəs bu qədər qazana bilmir. Gələn il Yaponiyada keçiriləcək olimpiya oyunlarına dəvət etdi)Bu şəhərin Almaniyanın "Pivə Şəhəri" adlandırılması təsadüfi deyil. Ən qədim hissəsi olan ALTSTADT-da 300-ə yaxın pivəxana var. Amsterdamda hər yerdən nəşə iyi gəldiyi kimi burda da hər tərəfi pivə iyisi bürüyüb. İnsanlar masa arxasında oturub aramsız pivələr butulkalarını boşaldırlar (şəkillər paylaşacam). Sadəcə oturub 'ayn alt' deməyiniz kifayətdir. Sizə dərhal yerli pivə gətirəcəklər.Bu arada Almancam o qədər itidir ki, nəsə almanca deyən kimi "Naaaayn"(yeşilcam filmlərindəki Naaalaan Nayrrr nolamazzz səhnələrini xatırladır), Danqr Şön, bitti şön, ya ya ya (bunu 3 dəfə deyəndə gülümsəyirlər nəsə xoşlarına gəlirlər) das ist fəntəstiş kimi sözlərlər dialoqları bağlayırdım).Əhalisinə gəldikdə isə yerli əhali çox gülərüz, mehriban və yardımsever insanlardır. İngilis dilisi zəif olanlar belə əl qol işarələri ilə başa salmağa çalışırlar. Burada ingilis dili bilməyənlərə Berlinlə müqayisədə daha çox rast gəldim. Almaniya deyəndə gözümün qabağına Hitler gəlirdi. Amma bu səfərdən sonra neqativ steoritipi aradan qaldırdım. İngilislərdən daha isti qanlı gəldi mənə. Görəsən Mayn Kampfi oxusam alman dilini sevə bilərəm?))Gələn dəfə vaxt tapan kimi az adamın kəşf etdiyi bir Hollandiya kəndi haqında yazacam.Bir də Flixbus üçün 3 ədəd 20%lik voucher'lər var. Kimin bu yaxınlarda səfəri varsa mənə xəbər etsin. Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Vuqar Ali

811 dəfə oxunub

Dubay bələdçisi

Dubaydakı otel, apartament və hostelləri bu linkdən book (bron) edə bilərsiz.Dubayda haralara ve necə getməli?4 günlük Dubay səfərim artıq bugün başa çatır və qərara aldım ki,topladığım praktikayla qrupda bölüşüm ki, gələcəkdə Dubaya yolu düşənlər hər yerə taksiylə gedib əlavə xərc yaratmasınlar və istədikləri yerə rahatlıqla çatsınlar. İnşallah faydali olar.Hər şeydən öncə qeyd edim ki, exchange-lər banklardan ayrılıqda yerləşir və ölkədə hər yerdə məzənnə demək olar eynidir. Yəni, bizdəki kimi aeroportda ayrı, şəhərdə ayrı, bu yanda ayrı deyil. Yeganə olaraq otellərdə dəyişsəniz fərqli qiymətə, yəni otelə sərf eliyən kimi dəyişəcəksiniz. Əgər əlinizdə hər ehtimala AED olmasını istəyirsənizsə, aeroportdakı exchange-də rahat dəyişə bilərsiniz. Çünki şəhərdə də eyni məzənnə olacaq.1)  Burj Khalifa, Dubai Mall ve musiqi fontan triadasi.Bura Dubayın ən məşhur yerlərindən biri və demək olar, hal-hazırda birincisidir. Bura gəlmək üçün metrodan istifadə etmək olar. Belə ki, eyni "Burj Khalifa" adlı metro stansiyası var. Yeri gəlmişkən qeyd edim ki, transport kartı (eyni bizdəki Bakıkart, yəni həm avtobus, həm metro, həm də tramvayda keçir) 20 AED-dir. Daha sonra karta pul yükləmək lazımdır ki, yükləmə və kart almanı metronun ortasında olan Information (üzərində "i" yazili) olan köşkdən edə bilərsiniz. Stansiyadan çıxdıqdan sonra keçid vasitəsilə düz Dubai Mall-un içinə gedirsiniz ve burdan da Burj Khalifaya çıxırsınız. Burj Khalifa-da çıxacağınız mərtəbəyə və saata görə qiymətlər dəyişir. Bilet sırasına durmayasınız deyə məsləhətdir ki, Dubai Mall-un içində olan akvariumun yanında Burj Khalifa bilet satış məntəqəsindən əvvəlcədən bilet alasınız. Mən bileti 124-125-ci mərtəbələrə aldım və mənə bir nəfər üçün 145 AED başa gəldi. Bundan daha ucuz 125 AED də var idi, sadəcə bu biletlər hamsı satılmışdı. Mənim biletimin baha olmasına səbəb çıxışda Burj Khalifa kafesində çay, kofe, su, sok, şirniyyatların biletə daxil olması ile elaqedar idi. Biletin ən bahalısı gün batımı vaxtına uyğun gəlir, çünki deyilənə görə ən gözəl vaxtı da məhz ondadır.Əgər Dubai Mall-a getmisinizsə, mütləq mall-un içindəki şəlaləyə baş çəkməlisiniz. Yəqin ki, şəkillərdə göydən sallanmış adamlar olan şəlaləni görmüsünüz. Bu şəlalə Burj Khalifaya bilet satış məntəqəsindən çox yaxın yerləşir. Bilet satış məntəqəsi özü də Dubai Mall-un içindəki akvariumun qarşısında yerleşir. İçində akula kimi nəhəng balıqlar da var. Sizə maraqlı gələ bilər.Bundan başqa Burk Khalifa-nın qarşısında məşhur musiqili fontan var ki, onu da görmək lazımdır. Yaxşı olardı ki, fontana axşam gedəsiniz. Bu halda daha gözəl olur və elə maraqlısı da axşamdır.2) Emirates MallDünyanın ən bahalı mall-larından və səhv etmirəmsə, birincisidir. Dubai Mall-la müqayisədə çox-çox bahadır. Girişində həmişə luxury maşınlar olur. Lamborghini, Maseratti, Ferrari, Bugatti ve s. gördüklərimdəndir. Məhz buna görə də qiymətlər fantastikdir. Burda hamsı brenddir ve ucuz şey tapmaq mümkün deyil. Müqayisədə Dubai Mall daha ucuzdur. Ümumən isə Azərbaycandakı qiymətləri gördükdən sonra istər Dubai Mall, istərsə də Emirates Mall-dan paltar almağa əli gəlmir. Məncə, paltar üçün Dubay yaramır. Bəlkə yarayan yeri də var, amma mən görəmmədim. Bura sadəcə "hə, gəldim buranı da gördüm" demək üçün, məncə, gələ bilərsiniz.Bundan başqa Emirates Mall-un içində süni xizək və snowboard kurortu var. Qiymətini bilmirəm, amma istəyən istifadə edə bilər.Bu arada qeyd edim ki, Emirates Mall adlı metro stansiyası vardır ki, siz bura rahatlıqla metroyla da gələ bilərsiniz. Keçid vasitəsilə birbaşa mall-un içinə girə bilərsiniz.3)Miracle Garden Dubai ve Dubai Butterfly GardenMəncə, Dubayın həqiqətən görməli yerlərindən biridir Miracle Garden. Çiçəklərlə bəzədilib hər yer və maraqlı fiqur və heykəllər var. Bir növ bizim Gül bayramını xatırladır. Giriş adambaşı 40 AED-dir. Nisbətən uzun yol getmək lazımdır ora. Mən çox axtarış etmişdim və oxuduqlarımın əksəri "taksiylə getmişik" deyə cavablamışdılar disputu. Mən sizə ucuz versiyasını deyim. Demək, düz Emirates Mall-un qarşısında 105 nömrəli avtobusla Miracle Garden-a gedə bilərsiniz. Avtobus Emirates Mall-Miracle Garden marşrutu üzrə işləyir və arada dayanacaqlarda saxlamır, birbaşa hərəkət edir. Qayıdanda da eyni avtobusla geri qayıda bilərsiniz mindiyiniz yerə. Unutmayın ki, avtobus Bazar - Cümə axşamı (Bazar - 4cü günlər) 14:00-20:00 aralığında, Cümə və Şənbə günləri isə 12:00-22:00 aralığında işləyir. Avtobusdan istifadə haqqı 3 AED-dir. Park isə həftə içi 09:00-21:00,  Cümə və Şənbə (5-6cı günlər) isə 09:00-23:00-can işləyir.Miracle Garden ilə yanbayan maraqlı başqa bir park Dubai Butterfly Garden var. İçində çoxlu kəpənəklər var. Bura saat 6-da bağlanır deyə, bura girə bilmədik. Amma internetdən araşdırdığıma görə çox maraqlı olmalıydı. Miracle Garden-a getmək fikrindəsinizsə, məncə, ora da baş çəkin.4)Səhra safari turu (Desert safari tour Dubai)Dubaya gəlib bu tura qatılmamaq, məncə, ağılsızlıq olar. Bu tur, məncə, baha başa gəldi çünki araşdırmağa və ucuzunu almağa vaxt olmadı başım qarışdığından və ani getmək qərarı verdiyimə görə. Adam başı 55$-a başa gəldi. Tura daxildir: sizin oteldən Toyota Land Cruiser 200, Toyota Sequoia və yaxud hər hansı yolsuzluq avtomobili ilə oteldən götürülməniz və səhraya çatdırılmanız və səhra təpəciklərində maşınla əylənməniz, daha sonra səhrada kampa gəlib burada 2 dəfə yemək, şirniyyat, su, sok, çay, kofe və müxtəlif show-lara (alov, rəqs) baxmanız daxildir. Eyni zamanda kamp girişində dəvəyə minmək də turun puluna daxildir. Amma üstündə fotoqraf şəklinizi çəksə, şəkili sizə satacaq. Qiyməti 50 AED deyirdi, amma mən 30-a saldım. Satanda dedi ki, amma burda heç kimə demə o qiymətə aldığını, yoxsa onlar da o qiymətə istəyəcək.)) Kampın içində həm kişi, həm qadın ərəb milli geyimləri var ki, asanlıqla geyinib istədiyiniz qədər telefon və ya kamerayla şəklinizi çəkə bilərsiniz. Bu da turun ödənişinə daxildir. Bütün bunlardan sonra sizi otelə gətirirlər. Tur 14:30-21:00 aralığını əhatə edir. Çox maraqlıdır və getməyiniz, məncə, mütləqdir.5) Burj Al Arab Hoteli (Yelkən Otel)Bu oteli tanımayan, məncə, yoxdur. Otelin içinə giriş üçün ya siz burada gecələməlisiniz (hansı ki, çox bahadır), ya da xüsusi turlara qoşulmalısınız. Yəni, darvazadan içəri giriş pulladır. Amma əgər siz şəkil çəkdirmək istəyirsənizsə, onda yolunu deyim necə edin. Dubayda çimərliklər 2 cür olur: ictimati çimərliklər (public beach) və ödənişli. Otelə ən yaxın çimərlik Jumeirah Open Beach ictimai çimərliyidir. Bura gəlmək üçün Emirates Mall-un qarşısından 81 nömrəli avtobusa minmək lazımdır. Düz yanına gəlir. Sadəcə sürücüyə əvvəldən deyin ki, sizə xəbər versin çatanda. Çimərlik boyu gəzə-gəzə otelə tərəf gələ bilərsiniz. Çimmək istəsəniz, yadda saxlayın ki, burda çimərlik kişi və qadınlar üçün ayrıdır. Əgər lap qarşısında şəkil çəkdirmək istəyirsinizsə, onda Jumeirah oteli (elə bizim Jumeirah Bilgeh Beach otelə oxşayır eynən) keçin və otelin girişinə gedən darvazanın qarşısında şəklinizi çəkdirin. Burj Al Arabin düz yanında Wild Wadi deyilən aquapark var ki, istəsəniz gedə bilərsiniz. Geri qayıdanda Wild Wadi-nin qarşısındakı dayanacaqdan 81-lə yenə Emirates Mall-a qayıda bilərsiniz.6) Dubai MarinaBura gəlmək üçün metrodan istifadə edə bilərsiniz. Bunun üçün DAMAC Properties stansiyasında düşmək lazımdır. Daha sonra 100-200 metr piyada getsəniz, lazımi yerə çatacaqsınız. Deyim ki, belə super cəlbedici yerdir, yox. Sadəcə turistlərin çox gəldiyi yerdir və orta dərəcəli qiymətləndirərəm buranı.7) Dubai Palm Jumeirah ve Atlantis The Palm HotelPalma adalarına gəlmək biraz uzun-uzadıdır. Məsləhətdir ki, bura Dubai Marinaya gəldiyiniz vaxtla eyni günə salasınız. Çünki əvvəlcə DAMAC Properties stansiyasına gəlmək, daha sonra keçidlə Dubay Marina tramvay dayanacağında "Al Sufouh"a gedən tramvaya minmək lazımdır. Amma tramvay birbaşa palma adalarına getmir. Siz 9 nömrəli Palm Jumeirah stansiyasında düşüb keçidlə Monorail-lə getməlisiniz. Monorail bizdə olmayan nəqliyyatdır. Gediş-qayidiş bileti 25 AED-dir. Metro, tramvay və avtobusda keçən kart burda işləmir. Monorail-lə Atlantis otelində, yəni ən axırıncı stansiyada düşməlisiniz. Yəqin ki, çoxunuz bu oteli gürmüsünüz və oralar təmiz ayrı yerdir sanki. Getməyə dəyər.Unutmayın!* Dubayda 3 sinif vaqon var: qadın üçün, kisilər üçün və gold class. Kişi və qadın klassları bir-birindən çəhrayı xətlə aralanır. Bu qayda avtobus və tramvayda da keçərlidir. Həmçinin açılacaq qapı hansı vaqona aid olması haqda stansiyada yerdə də məlumat olur. Qadın tərəfdə getsəniz, qatarda yazır ki, cəriməsi var. Amma cəriməni kim yazır bilmirəm. Çünki ortalıqda bir adam olmur onu yazmağa. Ərəblər bu qaydaya əməl etsə də, turistlərin bəziləri fikir vermir. Vaqonlar hamsı bitişikdir və maşinist yoxdur. Qatar öz-özünə hərəkət edir.* Transportda kartın istifadəsi bizimkindən fərqli olaraq kartı vurduqda əvvəldə pulu çıxmır. Çünki məsafəyə görə burada kartdan çıxılan pul fərqlənir. Metro, avtobus və ya tramvaya minməkçün vurursunuz kartı və çıxanda yenə vurursunuz kartı stansiyada. Uyğun olaraq özü çıxır pulu.* Unutmayın ki, Ərəb Əmirliklərində istirahət günü Cümədir. Burada 6-Bazar hər yer işləyir. Odur ki, harasa getməmişdən öncə Cümə günü olduğuyçün işləyə bilməyəcəyini nəzərə alın.İnşallah ki, bir yararı dəyər. Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Ismayil Melikov

2516 dəfə oxunub

Napolidən Salernoya uzanan Amalfi sahilləri

Napolidəki bütün otel, apartament və hostelləri bu linkdən book (bron) edə bilərsiz. Əziz gəzəyənlər, bugünki səfərimiz dilinə öz sözlərimizi gətirməkdə çətinlik çəkən gözəl vətəndaşlarımızın şəkillərini görəndə “Uydaa, krasota, toje xoçu” dedikləri ecazkar Amalfi körfəzi və ətraf ərazilərdir. Bununla həm Sorrento yoxsa Salerno məsələsinə öz yanaşmamı bildirməyə, həm də “ora”ların yalnız Kapri, Positano və Amalfidən ibarət olmadığını dəqiqləşdirmiş olacağıq. Səyahət ardıcıllığı Napoli- Kapri- Sorrento- Positano- Fiordi di Furore- Pianollo- Amalfi- Atrani- Ravello- Vietri sul Mare- Salerno formasındadır. Napolinin Beverello Limanında 23-25 avro gəmiyə (katerə) ödəniş etməklə yollanırıq Kapriyə. Adaya çatan kimi adayla üzbəüz sol çiyniniz istiqamətində funikulyor sizi gözləyəcək. Funikulyordan 50 metr aralıda Tabacchi-də bilet ala və ya elə eyni qiymətə ətrafdakı “guide”lardan əldə edə bilirik. Funikulyordan düşdükdən sonra sosial şəbəkəyə şəkil qoymaq üçün gəzə-gəzə gəlirik Giardini di Augusto parkına (giriş 2-3 avro). Doyunca mənzərəni seyr etdikdən sonra piyada “pereval”ı ilə sərinləmək üçün düşürük Marina Piccola çimərliyinə. Çimərliyin dadını çıxarıb elə 100 addım yuxarıdan avtobusla AnaKapriyə yollanırıq, Anakapridən təkbaşına funikulyorlar ilə ( qış xizək funikulyorları kimi) Piscina della Canzoneyə qalxırıq və adanın bir də bu istiqamətdən panoramik dadını çıxarırıq. Funikulyor bir tərəfli 11 avro, ikitərəfli 14 avrodur, lakin qayıdanda bileti yoxlamırlar. Funikulyor ilə Anakaprinin mərkəzinə endikdən sonra miniavtobuslar ilə yollanırıq gecəni Sorrentoda gecələmək üçün Kaprinin mərkəzinə (limanına). Təəssüf ki, 1 günə fiziki olaraq yazdıqlarımdan artıq birşey etmək olmur (olar, nəyisə ixtisar etməklə). Buradan 16-18 avro verib katerlərlə yola düşürük Sorrentoya. Niyə Sorrento? 1. Sorrento məsafəcə daha yaxın və ucuzdur. 2. Gecələmək üçün qiymətlər uyğundur. 3. Səhər Positanoya ən tez və ucuz yola düşmək üçün ideal məntəqədir. Növbəti günü səhər tezdən yuxudan effektiv ayılmaq üçün Sorrentodan yollanırıq 45cə dəqiqəlik məsafədə çimərliyin dadını çıxarmaq məqsədilə Bagni Regina Giovannaya (şiddətlə tövsiyə edirəm). Sərinlədiyinizi hiss etdikdən sonra avtobusla mərkəzə, ordan da 2.20 avroya Positanoya yola düşürük. Positanoda ödənişli (35-40 avro) və ödənişsiz çimrəliklərdə də çimərliyin dadını çıxara bilərik, lakin daha yaxşı çimərlik günün sonunda bizi gözləyir. Positanonun ara küçələrini gəzdikdən düşdüyünüz dayanacağa qayıdıb yaxın mağazadan 2.20 avroya bilet alıb Amalfi, Sorrento istiqamətli ixtiyarı avtobusa minib düşürük Fiorde di Furore dayanacağında. Burada bizi körpünün altında möhtəşəm, hüzur dolu çimərlik gözləyir. Çimərlikdən isə gecələmək üçün çimərliyin yerləşdiyi ərazinin bir üst qəsəbəsi olan Pianilloya yola düşürük. Necə? Düşdüyümüz dayanacaqdan 2-3 dayanacaq gedib, düşürük, və qəsəbəyə qalxan digər avtobusla qəsəbəyə gedirik. Qəsəbədə şiddətli tövsiyə edə biləcəyim otel Antico Mulino (büdcəli və səhər yeməyi daxil), restoran isə “Langolo Dei Sapori”. Gecəni qəsəbədə keçirib səhər tezdən mərkəzdən eyni qiymətə avtobusla yollanırıq Amalfiyə. Amalfidən doyunca gəzdikdən sonra gəzə-gəzə Atraniya keçirik, Atranidən isə avtobusla Ravelloya, biraz daha içərilərə və panoramik baxış bucağı nöqtəsinə yollanırıq. Ravellonu əminəm ki, çox bəyənəcəksiz. Qəsəbələr haqqında və görməli yerlər haqqında yazsam yazı daha-daha geniş olacaq. Google-dən rahatlıqla tapmaq mümkündür. Ravelloda gəzişdikdən sonra (mənə Amalfidən daha xoş gəldi) düşdüyümüz dayanacaqdan Salernoya gedən avtobuslara minirik və ya ayaqla aşağı enən pilləkənlərlə 20-25 dəqiqəlik çətin enişdən sonra başqa dayanacağa çıxıb Salerno avtobusu ilə Salernodan öncəki Vietri sul Mare dayanacağında enə bilərsiz. Bu məntəqə digərləri ilə müqayisədə qatar yolu olan yeganə məntəqədir. Seramik aksessuarlar və suvenirlər almaq istəyirsizsə özünüzü bura saxlaya bilərsiniz. Vietri sul Mareden isə 1.30 avroya qatarla Salernoya yollanırıq. Salernonun mərkəzi küçəsini gəzib İtaliyada barmaq sayı tövsiyə etdiyim yerlərdən biri “Pizzeria da Michele”-də axşam yeməyi yeyərək Salernoda gecələyir və ya gecə avtobusları ilə (Flixbus, İtabus) Romaya yollanırıq. Əgər iki nəfərsizsə və sözün əsl mənasında yaxşı skuter sürə bilirsizsə Sorrentodan 50-60 avroya skuter götürməyiniz gəzintinizi həm sürətli həm də daha effektiv edəcək. Yollar kifayət qədər dar olduğundan istirahətin ciddi bir hissəsini nəqliyyatlarda keçirməli olacaqsız. Qeyd: Sorrentodan- Amalfiyə, Amalfidən- Positanoya, Positanodan- Salernoya katerlərlə də getmək mümkündür. Sadəcə olaraq avtobusla 2.20 avro olduğu halda katerlə ortalama 15-20 avro arası qiymətlər dəyişir. Bura qədər oxuduğunuz üçün təşəkkürlər. Ümid edirəm paylaşım gəzəyən yoldaşlarımız üçün faydalı ola bildi. Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Tural Hasanli

623 dəfə oxunub
Bizi izləyənlər siyahısına qoşulun!