Bloq

903 dəfə oxunub

Auschwitz - Ölüm düşərgəsi bələdçisi

Polşanın cənubunda yerləşən və milyonlarla insanın Nasist Almaniyası tərəfindən qaz otaqlarında boğulduğu, güllələndiyi, aclıqdan öldüyü, asıldığı, inanılmaz işgəncələrə məruz qaldığı yer - Auschwitz digər adı ilə ÖLÜM DÜŞƏRGƏSİ
ℹ️ Üçüncü Reyx (Nasist Almaniyası) tərəfindən ikinci dünya müharibəsinin gedişində qurulmuş ən böyük toplama düşərgəsidir. Burada bütün Avropadan 1.1 milyon insan öldürülmüşdür (1 milyonu yəhudi olmaqla). Almanlar SSRİ-nin üzərinə hücum edərkən ordunun arxasından gələn SS zabitləri (həmin dövrün Daxili İşlər Nazirliyi deyə bilərik) şəhərlərdəki yəhudiləri yığaraq bu kamplara gətirirdi və təxminən 900 mindən insan kampa girən kimi ya birbaşa qaz otaqlarına göndərilir, ya da güllələnərək öldürülürdü. Auschwitz-in 3 düşərgəsi var və bunlar bir-birlərindən təxminən 4-5 km aralıda yerləşirlər.

????Düşərgələr Polşanın cənubunda Oświęcim qəsəbəsində yerləşir.
???? Buraya getmək üçün ya Krakovdan ya da Katowicedən Oświęcim qatarlarına minə bilərsiniz. Qatar stansiyası ilə düşərgə arasındakı məsafə təxminən 2 kilometrdir. Bir düşərgədən digərinə getmək üçün özlərinin pulsuz avtobuslarından istifadə edə bilərsiniz.
☠️ Auschwitz 3 hissədən daha doğrusu 3 düşərgədən ibarətdir. 1-ci düşərgə Almanların qərargahının olduğu, təxminən 70 mindən Polşalı yəhudinin və sovet əsirinin öldürüldüyü hissədir. Bundan əlavə hər 3 düşərgənin də idarəsi buradan həyata keçirilirdi.
Düşərgənin girişində alman dilində bəşər tarixinin ən böyük yalanı yazılıb "arbeit macht frei" (işləmək səni müstəqilləşdirər) 3 düşərgə arasında ən sağlam vəziyyətdə qalmış düşərgə buradır. Çünki, sovetlərin gəldiyini eşidən almanlar bütün düşərgələri dağıtmışdı amma buranı dağıtmağa imkan tapa bilməmişdilər. Düşərgənin içərisində yerləşən qaz otağından tutmuş, ölüm divarına (əsirlərin güllələndiyi divar) qədər hər hissə insana çox qəribə hisslər yaşadır. Burada hər millət üçün fərqli binalar mövcud olub və o binalar hazırda muzey olaraq fəaliyyət göstərir. Düşərgədəki muzeylər Almanların etdiyi soyqırımı və bu soyqırım qurbanlarının çəkdiyi əziyyətləri ziyarətçiləri təqdim edir. Muzeylərdə minlərlə soyqırım qurbanına aid ayaqqabı, eynək görə bilərsiniz. Almanların dağıtmağa vaxtlarının çatmadığı qaz otağının aurası isə sözlə izah edilə biləcək səviyyədə deyil. Bu otağa həmin dövrdən bəri toxunulmayıb və otağın girişində sadəcə bu sözlər yazılıb "SS-in minlərlə insanı öldürdüyü binadasınız. Lütfən, burada səssiz olun: onların əzablarını xatırlayın və xatirələrinə hörmət göstərin".
☠️ 2-ci düşərgə (Birkenau) ən böyük faciələrin yaşandığı düşərgədir. Şindlerin siyahısı filminə baxanlar bu hissəni çox daha gözəl xatırlayar. Çünki, filmin son səhnəsi məhz buradakı dəmir yolunun üzərində çəkilmişdi. Düşərgənin içərisinə birbaşa dəmir yolu xətti gəlir (hazırda istifadə olunmur) və müharibə dövründə qatarlara yığılan yəhudilər birbaşa düşərgənin içərisinə gətirilir, buradan sağlam olanlar seçilib ağır işlər görməyə yollanır, qeyri-sağlamlar, qadınlar, yaşlılar, uşaqlar isə birbaşa qaz otaqlarına göndərilirdilər. Həmin sağlam olanlar da ağır işlərdən və işgəncələrdən sonra "qeyri-sağlam" statusu alıb digərləri ilə eyni taleyi paylaşırdılar. Burada 6 qaz otağı və 4 meyid yandırma təsisi mövcud olub. Qaz otaqlarında öldürülən və ya güllələnən insanlar meyid yandırma təsislərinə aparılıb yandırılırdılar. Lakin, bu düşərgədən qaçan 2 yəhudi bütün düşərgənin sxemlərini müttəfiqlərə ötürməyə bacarmışdı və bundan xəbər tutan almanlar, sovet əsgərlərinin də gəldiyini də görərək düşərgəni dağıtmışdılar. Daha doğrusu düşərgədəki qaz otaqlarını və meyid yandırma təsislərini. Əsirləri düşərgəyə gətirən dəmir yolu xətti və 1 vaqon hələ də sağlam vəziyyətdədir.
☠️ 3-cü düşərgəyə həm vaxt baxımından həm də görüləcək çox şey olmadığından getməmişəm. Amma məlumat üçün deyim ki, 3-cü düşərgə Siemens və onun kimi böyük şirkətlərin işlərini görmək üçün əsirlərin işlədildiyi bir düşərgə idi və o düşərgədə də "gücdən düşmüş" əsirlər 2-ci düşərgəyə gətirilib yandırılırdı.
ℹ️ Auschwitzdəki mənzərələr həqiqətən də inanılmazdır, buranı gördükdə insanın insana belə şeyləri necə edə biləcəyinə belə inana bilmirsən. Bir insanın hansı dərəcədə sadist ola biləcəyinin ən böyük örnəklərindəndir Auschwitz. Buradakı insanların fabrik şəklində öldürülüb, yandırılmasına başlıca payı olan insan nə Hitler, nə Gobbels nə də başqa alman generalları idi. Buradakı insanları yaxından görən, onlara bunların edilməsini zabitlərə əmr edən, durmadan daha çox yəhudi öldürməyin yollarını axtaran şəxs SS-in rəhbəri Heinrich Himmler idi. Bütün bu düşərgələrin də fəaliyyəti birbaşa ona bağlı idi. Sovetlərin Stalingrad və Moskvadakı qələbələrindən sonra qəzəblənən Himmler, oradakı öldürülən əsgərlərin də günahını yəhudilərdə görürdü. Düşünürdü ki, bu müharibə yəhudilərə görə başladı, elə isə onlar bunun cəzasını çəkməlidir və bu düşüncə ilə 1943-cü ildən sonra yəhudilərin öldürülməsi daha da şiddətləndi. Hətta alman zabitlər öz yazılı məruzələrində fəxrlə "bu gün 90 min yəhudi" yandırdıq deyə bilirdilər.

???? Düşərgələrə getməzdən öncə mütləq rezervasiya etməlisiniz. Əgər bələdçi ilə rezervasiya istəyirsinizsə təxminən 30 manat ödəməlisiniz. Ödəniş etmək istəmirsiniz və özünüz gəzmək istəyirsinizsə bunun üçün 17:00-dan sonra olan pulsuz rezervasiyaları əldə etməlisiniz. Öncədən rezervasiya üçün visit.auschwitz.org/rezerwacja/termin.html?idg=1 saytından istifadə edə bilərsiniz.
‼️ Düşərgəyə qatarla getmisinizsə çalışın 20-dan öncə işlərinizi yekunlaşdırın. Çünki, 20:30-da sonuncu qatar yola çıxır Katowiceyə. Krakow qatarı isə 19:30-a qədər işləyir. Ən yaxşı variant isə 20:30-da Katowice qatarına çatmaqdır.

Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…

Paylaşdı: Sadig Aghali

Sadig Aghali

DİGƏR BLOQLAR

Almaniyanın ən şimalı - Flensburg

Flensburgdakı bütün otel, apartament və hostelləri bu linkdən book (bron) edə bilərsiz.Salamlar hər kəsə..Həmişə bu qrupdan yararlanmışam, düşündüm ki, indi də bura nəsə qazandırmaq vaxtıdı :) Mən Almaniyada master təhsili alıram.. 1 şəhərdə yaşayıram, 2 şəhərə 1 günlük səyahət etmişəm.. təcrübələrimi bölüşmək istəyirəm..Flensburg - ilk danışacağım şəhər olacaq ki, Almaniyanın ən şimal şəhəridi.. Bura gəlməzdən əvvəl bəzi stereotiplərim vardı ki, çox kiçik və soyuq olması ilə bağlı..Amma ki hər ikisində yanıldım deyə bilərəm, əgər yolunuzu bu kiçik və tarixi Alman şəhərindən salmaq istəyirsinizsə bəzi şeyləri bilmək lazımdı..Flensburg Danimarka ilə 7 km sərhəddə yerləşən 89 min əhalisi olan bir liman şəhəridi.. amma bu liman çox dar olduğundan iqtisadi məqsədlərlə çox da istifadə olunmur.. Şəhərə ən yaxın böyük şəhər təxmin edə biləcəyiniz kimi Hamburgdu.. Hamburgdan bura Flixbuslar 4 saata və daha tez gələ bilir.. Qatar yollarından isə özləri də şikayət edir.. Flixbus daha məsləhətlidi..Şəhər Schleswig-Holstein torpağında yerləşir ki, bu əhalisi ən yaşlı və ən xoşbəxt olan Alman torpağı hesab olunur :) Digər şəhərlərdən ən böyük fərqi təbii ki, dəniz və sərhəd olmasıdı.. Danimarkada qiymətlər çox baha olduğundan, Flensburg önəmli bir alış - veriş şəhərinə çevrilib.. Gəlib burdan alış - veriş edirlər..Şəhərin insanda yaratdığı təəssürat isə tarixi bir kənddi sanki.. amma ki yaxşı mənada çünki şəhəri sanki meşənin içində gizlədiblər.. hədsiz çox yaşıllıq var.. hələ bizim campus ümumiyyətlə cənnətdi :)Şəhər mərkəzi çox kiçikdi.. elə çox məşhur tikilisi yoxdu, amma insanları çox gülərüzdü və şəhər az toxunulub, havası çoooox təmizdi.. Bakıdan gələndə ilk günlər nəfəs almaqda çətinlik çəkirdim :)Havası isə o qədər də soyuq deyil.. mən proqramda hər gün Munich, Milan ve Bakı ilə müqayisə edirəm.. Cənubdan bəzən isti çox vaxt isə bərabər olur.. Milandan və Bakıdan da isti olduğu günlər olur.. bu isti bu ilə özəl imiş..İnsanları hədsiz gülərüz və dostcanlısıdı.. Hər gün şəhər küçədə hamı bir-birinə salam verir “Moin” deyə.. Bu Danish dilindən gəlmədi bu bölgəyə məxsusdu:)Şəhər 1861-ə qədər Danimarkaya məxsus olduğundan mədəniyyətlərin vəhdətini görmək mümkündü.. şəhərdə Danish və Türk azlıqları var.. “Türkcə bilirsənsə Flensburg sənin evin kimidi”.. deyirlər :)Şəhər Almaniya standartlarında ucuzdu..Avropa standartlarında isə özləri dediyi kimi “super f*cking cheap”di????Bir neçə hotel və hostel var.. Güclü məlumatım yoxdu amma ki onlar da ucuz olmalıdı..Bütün bunlardan əlave çox gözəl dəniz mənzərəsi var ki, hər şeyə dəyər :) Restoranları da çox dadlıdı.. Balıq üstünlük təşkil edir təbii ki.. pivələri isə əladı..“Flensburger” pivəsi isə çox məşhurdu və Almaniyada ən yaxşılardan sayılır.. Şəhərdə müasir şəhər anlayışı və abu havası yoxdu.. Bəzilərinə bu yad gəlir belə yerdə yaşamaq.. amma mənim xoşuma gəlir.. Velosiped dəlisidi.. hər şey yaxın olduğundan maşın mənasız gəlir bunlara.. hamının “yaylıq” bir kabrioleti var, o ayrı ????Velosiped dayanacağında boş yer tapmırsan heç.. Dirəklərə filan bağlayır insanlar.. Bu qədər.. Şimali Almaniyaya yolunuz düşsə, bura 1-2 gün ayırmağa dəyər :)Bu arada Hitler Almaniyasının təslim müqaviləsini bağladığı bina da burda yerləşir, Nazi Almaniyasının son qərargahıdı..Bizim insanların buranı eşitməməsinə səbəb isə bunlar Futbolu yox, Handball-u sevirlər???? Məncə mənasızdı amma, hörmət edirik????Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Turan Khalafov

779 dəfə oxunub

Seyşel adaları

Seyşel adasındakı bütün otel, apartament və hostelləri bu linkdən book (bron) edə bilərsiz.Hind okeanın gizli xəzinəsi sayılan bu adalar tropik ada sevərlər üçün idaaldır. Məhşur “Seychelles”ə getmək əslində heç də çətin və əlçatmaz deyil. Hətta deyərdim istəsəniz bir Antalya səyahətindən daha ucuza başa gələ bilər. Seyşellər ümumilikdə 100-dən çox irili-kiçikli adalardan ibarətdir. Bu adalar möhtəşəm sahilləri, tropik meşələri, təbiəti ilə insanı özünə heyran qoyur. Azərbaycan vətəndaşları üçün bu adalara viza bu ölkənin girişində 30 gün müddəti üçün verilir. Viza xərci 70 USD məbləğindədir. Həmçinin sizdən geri dönüş bileti, qaldığınız yerlərin siyahısını və qalacağınız müddət üçün üzərinizdə pul olub-olmamasını göstərməyinizi tələb edə bilərlər. Viza proseduru sadədir 15-20 dəqiqə müddətində həll olur. 1 il işləyib gedib Antalyada 1 həftə all inclusive qalıb heç bir yadda qalan xatirə olmadan geri qayıtmaqdansa mavi okean suları, fantastik tropik meşələri, ağ və sarı qumlu dünyanın ən fotogenik sahilləri olan bu adalara getmək bir çoxları üçün məncə daha maraqlı və ömürlük unudulmaz bir tətil olar.Seyşel adalarına muxtəlif variantlarla getmək mümkündür. Air asia, fly dubai ilə low cost, Qatar airways və ya Türk hava yolları ilə isə normal uçuşla adalara səyahət edə bilərsiniz. Türk hava yollarının birbaşa adaya 8 saatlıq uçuşu vardır və tez-tez həmin istiqamətdə kompaniyalar edilir. Məsələn keçən ay İstanbul-Seyşel-İstanbul reysinə 450 dollara bilet tapmaq mümkün idi. Baku-İstanbul-Seyşel reysinə gediş-dönüş hazırda 650 dollar ödəməklə istənilən aya bilet tapa bilərsiniz. Türkiyədən uçuşun ən böyük üstünlüyü təyyarənin gecə saatlarında uçmasıdır, yəni boşuna gün itirmiş olmursuz. Təyyarə Türkiyə saatı ilə 02-də istanbuldan çıxır və səhər saat 10-da artıq Seyşel adalarında, Mae beynəlxalq aeroportunda olursunuz. Biletin bahalığı səbəbi ilə digər tropik adalarda olduğu kimi 10 gündən çox həmin adalarda qalmağınız məsləhətdir. Temperatur ilin bütün fəsillərində eynidir (25-35 dərəcə arası) və istənilən ayda isti okeanın dadını çıxara bilərsiniz.Seyşelin 3 məhşur adası vardır. Bunlar Mae, Praslin və La Digue adalarıdır. Adalar çox böyük deyillər və qaldığınız müddətdə bütünlükdə gəzə bilərsiniz. Mae adası ən böyük adadır və aeroport həmin adada yerləşir. Əgər hər üç adanı gəzmək istəsəniz uçuşdan sonra mini 20 nəfərlik kukuruznik təyyarələrlə digər 2 adaya uçub oraları gəzin və səyahətin sonunda Mae adasına gəlib 5-6 gün qalıb geri qayıdın. Mae adasından Praslinə mini təyyarələrlə uçuş təxminən 10-15 dəqiqə davam edir, qiymət 60-70 manat arası olacaq. Biletləri airseychelles.com saytından ala bilərsiniz. Praslindən La digue adasına 15 dəqiqəyə katerlə gedə bilərsiniz (15 euro) və sonda LA Diguedən Maeyə (50-60 euro) katerlər 1 saata qayıtmaq mümkündür. Kater qiymətləri kifayət qədər bahadır. Seyşel adalarında əhali ingilis və fransız dillərində danışır.Ölkənin valyutası Seyşel rupisidir. Euro ilə getməyiniz daha məsləhətlidir. 1 euro 14 rupidir. Adalar tam təhlükəsizdir. Exchangelərdə digər Asiya ölkələrindən fərqli olaraq heç kəs sizə atmağa çalışmır. Demək olar hər yerdə valyuta kursları eynidir. Seyşellər tək gəzən gəzginlər üçün ideal yer deyil. Burda əyləncə, səs-küy, gecə həyatı zəifdir. Adalarda daima sakitlik vardır və bu insana rahatlıq verir. Adalarda avtomobil azdır. Əsasən velosiped və motolar istifadə edilir. Velosipedlər günlük təxminən 10 manata kirayə götürmək mümkündür. Həmçinin suları göz yaşı kimi təmiz olduğundan Seyşellər şnorkel üçün ideal yer sayılır. Atla gəzmək və ağ qumlu sahillərdə oturub dincəlməyin özü insana rahatlıq verir. Avtomobillərdə sükan sağdadır, bu səbəbdən avtomobil icarəyə götürüb sürmək bizim vətəndaşlar üçün biraz çətinlik yarada bilər. Adalarda taksilər inanılmaz dərəcədə bahadır. 10-15 dəqiqəlik məsafəyə 50 euro pul istəyə bilərlər. Taksilərdən uzaq durun. Mae adasında rahatca avtobusdan istifadə edə bilərsiniz. Yalnız avtobusa çamadanla oturmaq olmaz. Bütüb ölkədə avtobus qiyməti eynidir, 5 rupi yəni təxminən 0.50-60 qəpik.Paytaxt şəhəri Mae adasında yerləşən Viktoriya şəhəridir. Bu şəhər Afrikanın ən kiçik paytaxt şəhəri sayılır. Paytaxtda yerləşən mərkəzi bazar ölkənin ən ucuz yerlərindən biri sayılır. Özünüzə gərəkli olan bütün ərzağı ucuz qiymətə buradan ala bilərsiniz. Balıq məhsulları, hindistan cövizi, tropik meyvələr burada digər ərazilərlə müqayisədə 3-4 dəfə ucuzdur. La Digue adasında təkcə velosiped istifadə etməyə icazə vardır. Buna görə ada həddən çox sakitdir. Bütün adalarda otel qiymətləri bahadır. 2 nəfər üçün təxminən 50-70 Euro ödəməklə normal vəziyyətdə olan 2-3 ulduzlu otellərdə qala bilərsiniz. Couch və airbnb ilə daha ucuz evlər tapıb qala bilərsiniz. İstəyən özü ilə çadır aparıb çadırda belə gecələyə bilər. Lap sahildə tropik ağacın altında belə yata bilərsiniz. Əsas məqsəd gəzmək və həmin gözəlliyi görməkdirsə xərcinizi aşağı salıb bu adalarda 10-15 unudulmaz gününüzü keçirə bilərsiniz.Hər kəsə uğurlu səyahətlər. Yolunuz açıq olsun!!!Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Рашид Азе

2800 dəfə oxunub

İsrail - Tel Aviv, Haifa, Qüds

Təl Əvivdəkibütün otel, apartament və hostelləri bu linkdən book (bron) edə bilərsiz.Bir az yaxın oturun sizə 20 günlük İsrail səfərindən bir A4-lük təcrübələrimi danışım. Bakı-Tel Aviv gediş dönüş = 418 avro (THY) Hava limanından Şəhər mərkəzinə taxi = 70-80 $ BY14 Hotel, $150 / gün 0.33 l Cola = $ 2 Pivə = $ 8-10 Bərbər = $ 25 Demək başlayaq viza alma prosesindən. İsrail səfirliyi bu günə kimi getdiyim, gördüyüm və eşitdiyim ən ciddi təhlükəsizlik sistemi olan səfirlikdi. Ayaqqabının tikişlərindən, çəkisindən tutmuş kəmərin hər sm-nə qədər diqqətlə baxırlar ki, içində birdən silah falan keçirtmiş olarsan ????Təhlükəsizliklə bağlı suallar verilir, yalnız hə və yox cavabı verməlisən. Bəli və xeyr cavabları sorğunun yenidən başlamasına səbəb olur ???? Bu yorucu təhlükəsizlik prosedurundan keçib içəri girib görürsən ki, gülərüz işçilər oturub orda. Görüş qurtaranda hətta durub səni qapıya qədər yola salırlar. Yəni qapıdakı təhlükəsizlik işçiləri ilə içərdəki işçilər tam ayrı dünyanın adamıdı. Təhlükəsizlik xidməti hərəkətləri ilə “İsrailə getmə” deyir, içəridəkilər isə hərəkətləri ilə “qapıdakılara fikir verməyin, siz İsrailə mütləq gedin” deyir. Bilmirəm dəvətnamənin təsiri oldu ya yox, cəmi 2 günə İsrailə viza aldım. Halbuki getməyimə hələ çox vaxt var idi. Getmədən əvvəl bütün İsrailə gedib gəlmiş dostlarım deyirdilər ki, hazır ol ölkəyə giriş və çıxışda təhlükəsizlik xidməti saxlayıb 2 saat sorğu sual edəcəklər. Pasport kontrola yaxınlaşıb pasport və dəvət məktubunu verdim. Qaqaş bir neçə dəfə pasport və sənədlərə baxıb soruşdu ki, “What’s the purpose of your visit?”(orda Cem Yılmazı xatırlatdı qaqaş :D) Sənədlərdən gəlmə səbəbim bəlli idi, yenə də dedim “Agriculture”. Başını yandakı pəncərədən salıb qızdan nəsə soruşdu sonra mənə çönüb ölkəyə giriş kartını və digər sənədləri qaytardı. Ümumi prosedur max 5-6 dəq çəkdi. “What a purpose” dedim öz-özümə ???? K/T bu ölkə üçün çox vacib sektordur, ona görə viza almaqda probleminiz yaşanırsa necəsə səfəriniz k/t ilə əlaqələndirin ???? Mənim səfərimin məqsədi MASHAV-ın İsrail K/T Nazirliyi və K/T Tədqiqat Mərkəzi ilə birgə təşkil etdiyi kursda iştirak etmək idi. Tel Aviv. Hava limanından şəhər mərkəzinə təxmini 20 dəqiqəlik yoldu və taxi ilə 70-80 $-a gəlmək olur. Eyni zamanda pulsuz avtobus da fəaliyyət göztərir hava limanından mərkəzə və əksinə. Tel Aviv çox gözəl, təmiz, rahat, bahalı (həm də çoox bahalı) və dinamik şəhərdi. Dədə Qorqud düz deyib, Tel Aviv never sleeps. BY14 Hotelində dənizdən 5 dəqiqəlik məsafədə qalırdıq. Hər axşam 1-2 saatlıq şəhər turuna çıxırdıq. Gecə hər addım başı restoran, kafe və barlarda oturub yeyib-içən, deyib-gülən adamları görmək mümkündür. Dəniz qırağında gecə gündüz qaçan, idman edənləri görəndə elə bilirsən bütün Tel Aviv idmanla məşğuldu. Çimərlikdən 2 küçə içəri tərəfə keçirsən ki, hamı restoranlarda yeyib içir, marixuana iysi götürüb aləmi və elə bilirsən ki, hamı əyləncə adamıdı.???? Stres, qayğı və hər hansı bir problemdən əsər əlamət yoxdur bu şəhərdə. Tək problem odur ki, 6-cı günü hər yer bağlı olur və bazar günü isə iş günü olur. 3 həftə ərzində bu şəhərdə ən sevmədiyim şey bazar səhər tezdən durub K/T nazirliyinə getməyim idi ???? Sürücüləri bizimkilərə baxmış bir az mədənidi. Orda da tıxacda siqnal verən, dönmə işiğı yandırmadan başqa yola dönən və zolaq dəyişən özünə söydürən sürücülər çoxdur ???? Səhər və axşam Tel Avivə giriş çıxışda tıxac olur həmişə. Biz hər səhər hoteldən K/T Nazirliyinə(bir az şəhər kənardadı nazirlik) gedəndə tıxaca düşürdük. Azərbaycanda hər gün Xırdalandan şəhərə işə gedib gəlməyimi xatırlatdı o tıxaclar ???? Bizim Bakı-Xırdalan yolundakı tıxacla müqayisə etsən heç ordakına tıxac demək doğru deyil. Ölü dəniz. Doğrudan da ölüb sadəcə olaraq özünə deyən yoxdur. Demək kosmetika şirkətləri dənizin cənub hissəsini kiçik pondlara bölüb qurudub ordakı minerallarda kosmetika istehsal edirlər. Dənizin suyu ildən ilə ciddi şəkildə azalmağa başlayıb. Bir səbəb yağıntının olmaması, digər səbəb isə kosmetika istehsalıdır. Amma, Ölü dənizdə suyun üstündə uzanmaq gözəl təcrübədi. Məktəbdə coğrafiya dərsində müəllimimiz deyirdi ki, orda duzun miqdarı o qədər olur ki, suyun üstündə uzanırsan batmırsan. Maraqlı gəlirdi uşaqlıqdan. Canlı şahidi oldum, çox maraqlı yerdir. Suyun üstündə uzanıb kitab oxumaq da olur ???? Haifa.  Tel Avivdən sonra ən çox bu şəhəri sevdim İsraildə. Daha yaşıl, havası gözəl və ruhu olan bir port şəhəridir. Bahai Garden hissəsindən baxanda qismən Bakıya oxşatmaq olur. İsrailə gəlsəniz mütləq Haifaya getməyi planlayın. Müqəddəs şəhər( Qüds və ya Jerusalem). Tel Avivdən 1 saat yarım məsafədə Ölü dənizin yaxınlığında yerləşən dünyanın ən qədim və müqəddəs şəhərlərindən biridir. İslam, İudizm və Xristanlıq dinləri üçün çox vacib məbədlər yerləşir. Ən dindar Yahudilər, ən dindar Xristianlar və ən dindar Müsəlmanları burda gördüm. Köhnə şəhər adlanan hissədə adından məlum olduğu kimi hər addımı tarixdi. Bir tərəfdə Yahudilərin ibadət etdikləri Wailing wall(Crying wall kimi də tanınır), bir tərəfdə Xristianların ziyarət etdiyi kilsə, digər tərəfdən də Müsəlmanların ibadət etdikləri Haram el Şerif və Mescidil Aqsa yerləşir. Çox asanlıqla “Yerusəlim sindromu”na tutulmaq mümkündür burda. Hər üç dinin ən dindarları bir arada və hər birini gəzdikcə adam fərqli hisslər keçirdir burda. Məscidlərin yerləşdiyi yerə keçmək üçün, İsrail polisi, Ərəb polisindən keçməlisən. Normalda bura gələn dostlarım və tur rəhbərimiz demişdi ki, hazır ol Qurandan sorğu sual edəcəklər. Polislərə yaxınlaşdıq, sadəcə haralı olduğumuzu soruşdular vəssalam. Məscidlərin girişində duran mühafizəçi də sadəcə salam aleykum deyir, aleykum salam cavabını gözləyir səndən. Bütün kontrol bundan ibarətdir ???? Köhnə şəhərdəki bütün dükkanlarda ən azı 50% qiymət salmaq olur. Ağızlarına gələn qiymət deyirlər, başlayırsan qiymət öldürməyə. Bura yolunuz düşsə nəzərə alın. 20 gün içində k/t aid çox şey öyrəndim. Bundan əlavə bunu bildim ki, İsrail üçün 2 həyatı əhəmiyyət daşıyan məsələ var. 1 təhlükəsizlik, 2 su. Hakimiyyətə gələn və ya gəlmək istəyən istənilən siyasətçi xalqı bu 2 məsələdən əmin etməlidir ki, hakimiyyətə gələ bilsin.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Ramil Azmammadov

1134 dəfə oxunub

Auschwitz - Ölüm kampı

Auschwitz. Digər adıyla ölüm kampı.1942-ci ildən etibarən Avropanın fərqli ölkələrindən Yəhudilər toplanaraq Auschwitz’ə və daha sonralar inşa edilən Birkenau (daha geniş əraziyə malik olan 2-ci kampa) göndərilirdi. Bu kamplara təxmini olaraq 1 milyon 300 min Yəhudi, 150 min Polyak, 23 min Roman, 15 min Sovet müharibəsində əsir götürülmüşlər gətirilmişdi. Öncələri kamplara daxil olanların qeydiyyatı üçün şəkilləri çəkilsə də bu metodun xərcli olması səbəbindən daha sonralar hər kəsin tattoo ilə qeydiyyata alınmasına qərar verildi. Auschwitz’ə gətirilənləri öncəliklə SS həkimləri tərəfindən qruplara ayrılırdı:Məcburi və ağır işlərdə çalışdırılmağa yararlı olan fizikən güclü olanlar (qidaların çatışmamazlığı səbəbindən onların gücləri tez tükənir, daha sonra da ya donaraq, ya iş qəzasında ölürdülər),Üzərində vəhşicə tibbi sınaqlar keçirməyə yararlı olan qadınlar və uşaqlar (daha ağrılı ölümlərə tabe tutulanlar). ‘Auschwitz’in Əzraili‘ olaraq adlandırılan Josef Mengele SS həkimlərindən biri idi (daha sonra qaçaraq Braziliyada həyat qurur və əcəldirmi bilinməz dənizdə üzərkən ölür).Heç bir məqsəd üçün yararlı olmayanlar isə öldürülmələri üçün qaz otaqlarında və ardından isə cəsədlərin yandırılması məqsədi ilə krematoryuma göndərilidirdi.Saxlama kampının ilk və ən uzun müddət xidmət edən komendantı olan Rudolf Höss saxlanılanların öldürülməsi üçün zəhərli Zyklon B təmin edilməsini əmr edir. Əslində bir dezinfeksiya maddəsi olan Zyklon B, qapalı məkanda (qaz otaqlarında) yaydığı buxarla dəqiqələr içində ölümə səbəb verirdi. Sağ qurtulanların dediklərinə əsasən: SS zabitləri saxlanılanları ölümə göndərərkən “biz sizi digər və daha yaxşı şəraiti olan kampa göndəririk deyib ölüm yoluna yollayırdı və nəticədə qarşıdurma yaranmırdı. Bununla yanaşı qaçmağa cəhd edənlər və ya daha ağır cinayətlərdə təqsirli bilinənlər üçün Aushwitzh-də ölüm divarı (shooting wall) və kampın mərkəzində yerləşən dar ağacları var idi və bu qətillər kütləvi şəkildə hər kəsin gözü önündə icra edilirdi.1944-cü ilin sonlarına yaxın kamplarda baş verən kütləvi qətliamların gizli çəkilmiş şəkilləri Londona göndərilmişdi və artıq kamplarda olan bitənlərdən digər ölkələrin də xəbəri var idi. Sovet qoşunları 1944-cu ildə Aushüitzhə hücumə keçərkən SS zabitləri kampta yerləşən qaz otaqlarını partladaraq öz cinayətlərini ört basdır etməyə çalışdılar. Bizə bələdçilik edən xanım Polşa əsilli idi və hər gündə 2 tura rəhbərlik etməsinə baxmayaraq baş verənləri danışarkən səsi titrəyir, gözü dolurdu. (ərazidə 200-ə yaxın bələdçi var). Bələdçilərin tur iştirakçılarını partladılmış qaz otaqları tərəfə aparmalarına rəhbərləri tərəfindən izacə verilmir. Buna səbəb isə qaz otaqlarına yaxınlaşdıqda qoxunun hələ də insana zərər verəcək səviyyədə olmasıdır. Yəni gündə 2 dəfə tura rəhbərlik edən bələdçinin bir müddət sonra səhhətində çətinlik yaşaması ehtimalı mövcuddur. Biz özümüz getmək üçün izacə aldıq və həqiqətən də qoxudan qaz otaqlarının yanında çox dayana bilmədik.Əldə etdiyim təcrübə və məlumatları aşağıda təqdim edirəm:Gediş: Saat 06:55-də Krakow hava limanından Aushwitzh istiqamətinə Flix bus vasitəsi ilə gedə bilərsiniz.Qiymət: 3 USD Çatma müddəti : 1 saat.Saat 08:00-dan növbəyə durduğumuz halda belə kassaya çatdığımızda saat 09:45 idi. Bileti Online da əldə edə bilərsiniz lakin giriş saatından 20 dəqiqə öncədən orda olmalısınız.Tur başlama saatı : 10:45-də ingilis dilli bələdçi ilə başlayan tur təxmini 15:00-a qədər davam edir.Bilet qiyməti : 55 PLN (zloty)Not: Saat 08:30 –a kimi kassaya yaxıınlaşa bilsəniz free ticket əldə etmiş olursunuz və istəsəniz bələdçi olmadan əraziyə daxil ola bilərsiniz. Çox mənbələrdə free ticket saat 10:00 a kimi göstərilib lakin bunun belə olmadığını kassada bildirdilər.Ortalama günlük ziyarətçi sayı : 10 000 nəfərƏraziyə daxil olarkən yalnız 30x20x10 ölçülərində çanta ilə daxil ola bilərsiniz. Və ya 4 PLN ödəyərək əşyalarınızı luggage storage a təhvil verə bilərsiniz.“#Auschwitz - Never again!”Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Farid Abilov  

886 dəfə oxunub
Bizi izləyənlər siyahısına qoşulun!