Bloq

1396 dəfə oxunub

İtaliya bələdçisi - Birinci hissə

"The sun under Tuscan", "Letters to Juliet", "To Rome with Love" və bu qəbildən olan sairə kinolara baxan hər bir romantik qızın arzusudur ki, ömründə heç olmasa bir dəfə də olsa İtaliyanı görsün 

P.S.Postum çox uzun olacağından, 2 pərdəli etməyi düşünürəm:) İstəyirəm ki, İtaliya arzusunda olanlar texniki məsələlərlə yanaşı, küçədəki tanımadığımız insanların bizə münasibətini də görsün:)

Birinci hissə:

Sizə keçən ilin elə avqust ayında etdiyim İtaliyaya səyahətim və xüsusilə də italyanlar barədə danışmaq istəyirəm İtaliyaya gedib düşəndə başa düşürsən ki, onları niyə Avropanın Qafqazlıları adlandırırlar, adamlar bir sözlə möhtəşəmdirlər, qanun yox, qayda yox, hər şeyi öz keflərinə uyğunlaşdırıblar! Almaniyanın yağışı, havası qədər də soyuq insanları məni o qədər bezdirmişdi ki, İtaliyaya getməyi iplə çəkirdim. Getmək üçün qərar verdiyim gün biletlərin qiymətinə baxdım, ucuz hava yollarının hərəkət etdiyi aeroportlar mənim şəhərimdən uzaq olduğu üçün, 30 avroya avtobus bileti alıb plansız-bronsuz Milana yola düşdüm. 3 şəhərdən - Almaniyadan, Fransadan, İsveçrədən keçərək, İtaliyaya gəlib çatdım. Həyatımda bəlkə də indiyə qədər atdığım ən düz addımlardan biri ölkələrarası bu 13 saatlıq məsafəni avtobusla getməyim oldu. Cənnət deyilən bir yer elə burnumuzun ucunda, İsveçrə İtaliya sərhədi imiş. Fərhadın Şirin üçün oyduğu qədər gözəl, sıldırım dağ-qayalıqlardan oyulmuş, göllə eyni səviyyədə olan fovqelade yollar, şiş uclu dağların başına qədər uzanan, kiçik, səliqəli, eyni formada olan american style evlər, yaşıllıq, göyün üzü ilə eyni rəngdə olan "əməzinq" göllər, göldə qayıqla üzən, paraşüt, çərpələng uçuran insanlar, göydəki buludların bütün bu gözəlliklə ahəngi adama nağıllar aləmindəki kimi hiss etdirir.

20841142_1188401307931286_3185242306712417839_n

İstiqaməti necə müəyyən etməli: Yay vaxtı olduğundan, bütün tanışlarım tətil üçün ölkəyə döndüklərindən İtaliyani tək səyahət etməli oldum (tək səyahət sevməyənlər üçün belə bir ölkəyə tək getməyi məsləhət görmürəm:)). İtaliyada səyahət etmək çox rahatdır, xəritəni və bus app'ni (mən daha çox Flixbus istifadə edirdim) açıb qoyursunuz qabağınıza, xəritədə ardıcıl olaraq getmək istədiyiniz şəhərlərin yerinə baxırsınız və getdiyiniz şəhərdən (from) gedəcəyiniz şəhərin adını yazırsınız (to). Bu zaman qiymətlər və həmin şəhərə necə gedəcəyiniz çıxır. Məsələn Milan-Florens-Roma-Napoli marşrutu və yaxud istəyinizə uyğun müxtəlif marşrutlar seçə bilərsiniz. Tutaq ki, Milandan Veronaya 1 saat 50 dəqiqə, 7 avro, Veronadan Venesiyaya 1 saat 20 dəqiqə 6 avro. İtaliyada şəhərlər arası məsafə maximum 4-5 saatdır və avtobus biletləri 4-5-6 avroya başa gəlir, sezondan asılı olaraq qiymətlər dəyişir (arta və azala bilər, xeyli müddət əvvəl almaq daha yaxşıdır) və kampaniya dövrlərində 1 avroya da bütün İtaliya şəhələrini gəzmək olar. Kiçik şəhərləri gəzib bitirmək üçün 5-6 saat kifayət edir və siz 4-5 gün ərzində 5-6 və daha çox şəhəri də görə bilərsiniz. Telefonunuzdakı map proqramlarından və turist maplardan istifadə edərək, çox rahatlıqla gəzəcəyiniz yerləri tapa bilərsiniz.

20914766_1188400694598014_4729596820847641879_n

Çox rahat və xoşbəxt şəkildə, bəzən dostlar taparaq, demək olar ki, 5 gün ərzində 6-7 şəhər gəzdim və bir-iki xırda detaldan başqa məni narahat edəcək heç bir şey olmadı. Ən uzun müddəti Romada keçirdim, daha çox qalmağı planlayırdım amma muzeyləri, şəhəri görmək üçün 2 gün kifayət etdi. Şəhərdə heç bir mapdan istifadə etmədim, elə şəhərdə gəzə-gəzə bütün muzeylərin, memarlıq abidələrinin üstünə gedib çıxdım 
Səhv etmirəmsə hər ayın sonuncu bazar günü Romada muzeylər pulsuzdur, bunu muzeylər üçün xeyli fee ödəyəndən çox zaman sonra bildim Vyanadan sonra Romanı da açıq səma altında muzey adlandırmaq olar  Şəhərdə sanki Tanrı Romanı yaratdı və muzeylər, heykəllər sıxılmasın deyə, sakinləri, küçə rəssamlarını, musiqiçiləri, bal ayına gələn çütlükləri əlavə etdi deyə bir abu-hava var 

20953180_1188400941264656_129948683834202442_n

Qalacaq yer: İtaliyada hotel və hostellər çox ucuzdur, 10 avroya şəhərin mərkəzində hostellər və ya ucuz qiymətə airbnb tapa bilərsiniz. Couchsurfingdə qeydiyyatınız varsa və inanılır usersinizsə, sizi qonaq edənlər də tapıla bilər.

Nəqliyyat: Avtobus olaraq, Flixbus, Meqabuslardan istifadə edə bilərsiniz. Qatarla avtobus demək olar ki, məsafəni eyni saata gedir və qiymətləri eynidir, qatar bəzən daha bahadır. Blablacarda qeydiyyatdan keçib, ratingsi yüksək olan sürücülərlə səyahət edə bilərsiniz.

Yemək: Kafe və restoranlar demək olar ki, xeyli bahadır və qiymətlər 6-7 avrodan başlayır.

Muzeylərə giriş: Əksər muzeylərin girişi pulludur və 10 avrodan başlayır qiymətlər, bir neçə muzeyə girişi paket şəklində alsaz, daha ucuza başa gələr.

Xərclədiyim məbləğ: 5 gün ərzində ümumi olaraq 200 avroya yaxın pulum çıxdı.

P.S.S. Suallariniz olarsa, ikinci hissədə cavablaya bilərəm.

P.S.S.S. Şəkillər olan telefonum xarab olduğu üçün googledan bir neçə şəkil atıram 

 
 
Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…
 
Paylaşdı:Narmin Kamilsoy
 
 
 
 
 

Narmin Kamilsoy

DİGƏR BLOQLAR

Almaniya, Rhine-Ruhr səyahəti. 4 gün – 4 şəhər

Almaniyaya keçən ilin aprel ayında səfər etmişdim. Dedim Almaniya tam dağılmamış bir baş çəkim görüm oraları da, sonra bəlkə qismət olmadı ???? Bir dostum Rhine-Ruhr bölgəsində olan kiçik şəhərlərdən birində yaşadığından kiçik bir məsləhətləşmədən sonra qərara gəlmişdik ki, bu bölgədə 4 gün keçirim və 3 böyük şəhəri qısa zamanda ziyarət edim. Bunlar Köln, Dortmund və modanın mərkəzi Düsseldorf şəhərləri idi. Və dostumun yaşadığı cəmi 100 000 əhalisi olan kiçik Witten şəhərini də nəzərə alanda gəzəcəyim şəhərlərin sayı 4 olacaqdı. 4 günə 4 şəhər – deməli hər şeyi öncədən dəqiqliklə planlamalı idim ki, hər bir şəhərin heç olmasa əsas görməli yerlərinə baş çəkib görə bilim.Ənənəvi olaraq WizzAirin “baş sponsorluğu” ilə Budapeşt hava limanından Dortmunda yola düşdüm. Dortmundan Wittenə 2 dəfə gedib qayıtmamaq və nəqliyyat xərclərinə qənaət etmək üçün qərara almışdım ki, hava limanından düşən kimi birbaşa gedim Dortmundu gəzim və axşama kimi Dortmund səyahətimi bitirim. Dortmund elə də turistik şəhər deyil, yəni gəzilib görüləcək yerləri çox deyil amma yenə də getmisinizsə bir neçə saatınızı ayırıb bu şəhərə baş çəkməyə dəyər.Dortmunda ilk öncə baş çəkməli olduğunuz məkan əlbəttə ki, Westfalenparkdır. Adında da göründüyü kimi bura parkdır. Parkda müxtəlif ağaclar, güllər, çiçəklər, müxtəlif su quşları və dələləri görmək olar. Bizim mərmərli parklarımızdan fərqli olaraq Westfalenparka giriş ödənişlidir, cəmi 1.5 avro (qiymət indi fərqli ola bilər) ödəyərək parkın gözəlliyindən həzz ala bilərsiniz. Qeyd edim ki, parkın rəngarəngliyi ödədiyiniz məbləği sizə unutdurur ???? Park həftənin I və II günləri qapalı olur, qalan digər günlərdə isə ictimaiyyətə açıqdır. Parkda həm uşaqlar həm də böyüklər üçün müxtəlif növ əyləncə növləri mövcuddur. Ərazi çox böyük olduğundan bütün hər yerini gəzmək üçün bir neçə saata ehtiyacınız var, yox əgər mənim o qədər vaxtım yoxdur tez zamanda gəzib sonra gedib 1-2 alman pivəsi içmək istəyirəm deyirsinizsə parkın ərazisində xüsusi olaraq “tənbəllər” üçün qatar var və bu qatara minərək bütün parkın ərazisini qısa zamanda görə bilərsiniz. Xülasə şəhərin hay küyündən, stressindən uzaqlaşmaq istəyirsinizsə bu məkan yardımınıza çatacaqdır, xüsusilə də ilin isti vaxtlarında.Dortmundakı digər görülməli yer isə parkın içərisində yerləşən Florian adlı televiziya qülləsidir. Qüllənin hündürlüyü 220 metrdir və buradan bütün Westfalenpark və Dortmund ayaqlarınızın altında görsənir. Bizim teleqüllədə olduğu kimi Florian qülləsində də restoran var və restoran 209 metr hündürlükdə yerləşir. Buradan bütün Ruhr ərazisinə əla bir panorama açılır. Qülləyə giriş qiyməti 2.5 avro idi, ola bilər ki, indi fərqli qiymətə olsun.Əgər futbol azarkeşisinizsə Dortmunda gəlib də əfsanəvi Dortmund Borusiyasının ev oyunlarını keçirdiyi stadiona baş çəkmədən getmək olmaz. Borusiya Dortmundun ev oyunlarını keçirdiyi Signal İduna Park stadionu Westfalenparkdan bir neçə yüz metr məsafədə yerləşir, rahat gəzə-gəzə stadiona gələ bilərsiniz. Mən orda olanda bazar günü olmasına baxmayaraq stadionda oyun yox idi, stadionun çöl tərəfindəki kiçik meydançada isə kiçik oyuncaq təyyarə və vertolyotların yarışı keçirilirdi. Havada lap şahin kimi süzən kiçik təyyarələr və vertolyotların şousu adamı valeh edirdi.Dortmundda digər görməli yer isə şəhər meydanıdır. Borusiya Dortmundun oyunları bir çox hallarda meydanda olan böyük monitorlardan canlı yayımlanır. Meydanın sağ tərəfində isə maraqlı memarlıq üslubunda tikilmiş İçəri şəhər Divarı dayanır. Meydan Dortmund Dəmir yol vağzalından 1 km məsafədə yerləşir, Dortmunddan keçirisnizsə və bir neçə dəqiqəlik vaxtınız varsa bu meydana baş çəkin məncə.Dortmundda görməli yerləri gəzib günortadan sonra ukraynalı dostum Alyona ilə görüşdük və gecəni keçirəcəyim Witten şəhərinə getdik. Witten Almaniyanın ilk özəl universiteti olan Herdecke universitetinin yerləşdiyi 100 000 əhalisi olan kiçik bir şəhərdir və şəhərdə olan səliqə səhman adamı heyran qoyur. Hər tərəfdə kiçik, rəngarəng evlər. Heç bir evin hasarı yoxdur, bütün evlərin həyəti rəngbərən gül-çiçəklə bəzədilib və demək olar ki, hər evin həyətində kiçik rəngli heykəllər var. Dəmir yolu vağzalından evə kimi hardasa 20 dəqiqə piyada getdik və mən bu şəhərə heyran oldum. Düşündüm ki, bəlkə də ömrümün sonuna kimi burada yaşaya bilərəm.Növbəti gün, Kölnə yola düşməkdən ötrü səhər saat 8də yola çıxdım. Kölnə getmək üçün avtobusa Herdecke universitetinin yanından minməli idi və dayanacağa yol talanın ortasından keçirdi. Səhər saat 8də talada ancaq yaban dovşanlarını görmək olardı, sayları həddindən artıq çox idi. Nəysə avtobusla Essen dəmir yol vağzalına getdim, oradan isə qatarla Kölnə.Köln 2000 illik tarixə malik qədim Alman şəhərlərindən biridir. Reyn çayının sahilində yerləşir. Şəhərin qədimi tikililəri, xüsusən də çay kənarında tikilmiş evlər Kölnü Amsterdama oxşadır. Şəhər kifayət qədər beynəlmiləl olduğundan xeyli sayda türklə qarşılaşa, hətta Kölndə olarkən özünüzü Türkiyədəki kimi hiss edə bilərsiniz. Köln dəmir yolu vağzalından çıxanda sizi iri və heyrətamiz Cologne Dom adlandırılan Köln katedralı qarşılayır. Qotik üslubda tikilmiş katedralı Kölnün simvoludur və bir növ Brnoda görüdüyüm katedrala bənzəyir. Katedralın cənub qülləsinə giriş 3 avrodur. Əgər ayaqlarınıza güvənirsinizsə 509 pillədən ibarət olan 98 metrlik qüllənin təpəsinə qalxa bilərsiniz. Pilləkənlər Qız Qalasında olduğu kimi dairəvi formadadır və yol çox ensizdir, arada durub dincəlmək imkanı yoxdur çunki, dayansanız arxadan insanlar gəldiyindən məcbur siz də tam sürətlə yuxarı çıxmalısınız. Ona görə də qülləyə çıxmamışdan öncə yüz ölçüb bir biçin ???? Amma qülləyə çıxdıqdan sonra Kölnə açılan mənzərə 98 metr pilləkənləri boşuna çıxamadığınızı deyir. Qüllənin təpəsindən Kölnə və Reyn çayına möhtəşəm mənzərə açılır.Kölndə muzeysevərlər üçün çoxlu sayda muzeylər var. Mən şokolad muzeyinə maraq saldığımdan almanlardan əl-qol hərəkətləri ilə şokolad muzeyinin yerini soruşub tapdım, elə muzeyə bir neçə yüz metr qalmış yenidən küçədə duran gənclərdən muzeyin yerini soruşanda məlum oldu ki, bu gün bazar ertəsi günüdür və bütün normal muzeylər kimi şokolad muzeyi də qapalıdır. Kor-peşman şəhər mərkəzinə qayıtdım amma muzeyin yaxınlığına kimi getməyimə dəydi. Kölnün muasir arxitektura münunəsi olan Crane Houses (Kran Evlər) kompleksini yaxından gördüm.Kölnün digər maraqlı turistik yeri isə Tarixi Qədim Şəhər olan hissəsidir. Qədim şəhərin bir hissəsi Reyn çayının sahillərində yerləşir. Sahil boyu damı şiş və rəssam fırçasıyla rənglənibmiş kimi görünən evlər Tarixi Qədim Şəhərin ən maraqlı hissələrində  biridir. Evlərin bir çoxusu hal-hazırda otel kimi fəaliyyət göstərir və çayla evlərin arasında yaşıllıq ərazi var. İlin isti vaxtlarından burada piknik edən almanları görə bilərsiniz. Rəngli binaların arxa tərəfində isə yenə rəngli binalar var bu dəfə isə çay əvəzinə böyük bir meydana çıxırsınız. Meydanın hər tərəfi kafe-restoranlarla əhatə olunub. Məşhur alman pivəsinin dadına baxmaq istəyirsinizsə burda olan restoranlardan birinə oturub bir kölş sifariş edə bilərsiniz. Almaniyanın hər bir şəhərinin, hər bir bölgəsinin özünəxas pivəsi var, Kölndə isə yerli pivə Kölş adlanır. Əslində kölş elə bildiyiniz pivədir amma kölnlü dostunuzun yanında kölşə pivə desəniz sizdən inciyə bilər ???? ona görə kölş deməkdə fayda vardır. Getdiyiniz kafe-publar “ein kolsch bitte” deyə bir kölş sifariş etsəniz ofisiantlarla xoş söhbətə başlamaq üçün yaxşı fürsət ola bilər sizin üçün.Kölnün Tarixi Qədim Şəhər məhəlləsində mütləq görülməli olan yer isə Great St. Martin kilsəsidir. Köln Katedralı kimi əzəmətli olmasa da, bu kilsə də kifayət qədər maraqlı üslubda tikilib və rəngli binaların arasından Ağca və yeddi cırtdan cizgi filmi səhnəsi kimi görsənir.Köln romantikləri də unutmayıb. Belə ki, şəhər mərkəzinə yaxın olan Hohenzollern körpüsü sevgililər üçün nəzərdə tutulub. Körpünün üzəri ilə gəzərkən, körpüdən asılmış minlərlə üzərinə X+Y yazılmış və ya ürək çəkilmiş, tarix həkk edilmiş qıfılları görə bilərsiniz. Hətta nəinki qıfılları seyr edə eləcə də sevgilinizlə getmisinizsə öz adınıza olan qıfılı da körpüdən asa bilərsiniz.Beləcə Köln turumuzu başa vurub axşam Düseldorfa yola düşdük. Amma siz siz olun Kölnlülərə Düseldorfa getdiyinizi deməyin. Çünki Rhine-Ruhr metropolitanının paytaxtının Köln yoxsa Düseldorf olması haqqında uzun illər mübahisə gedib və sonunda Düseldrof metropolitanın paytaxtı statusunu alıb, o gün bu gün, kölnlülərlə düseldorflular bir-birlərinə düşmən-rəqib kimi baxırlar. Kölnlülər düseldorflulara qız vermirlər, düseldorflular da kölnlülərə ərə getmirlər ????Axşam qatarla gəlib çıxdım Düseldorfa. Düseldorflular deyəsən Kölndən gəldiyimi eşitmişdilər, məni heç də xoş qarşılamadılar ???? Elə dəmir yol vağzalından çıxan kimi, hər tərəfin polislər tərəfindən bağlandığını gördüm. Vağzalın qabağındakı meydanda mitinq var idi. Mən də məcbur alternativ yollardan istifadə edib, qalacağım evə yola düşdüm.Alyonanın rəfiqəsi Marigildə qalacaqdım. Dayanacaqdan məni qarşıladılar evə getdik, çantamı filan yerləşdirəndən sonra qərara gəldim ki, Düseldorf Rhine-Ruhr bölgəsinin paytaxtı seçilibsə özü də Avropanın dəb mərkəzlərindən biridirsə, mən mütləq şəhəri gecə də görməliyəm. Xəritəylə hara necə getmək lazım olduğunu öyrəndikdən sonra yola çıxdım şəhər mərkəzinə doğru. Həftənin çərşənbə axşamı günü olmasına baxmayaraq şəhər kifayət qədər aktiv idi. Şəhər mərkəzində olan pubların, kafelərin hamısının önü əylənən insanlarla dolu idi. Bir neçə saat şəhər mərkəzini və Reyn çayının sahilini gəzəndən sonra qayıtdım qaldığım evə, çünki səhər Düsldorfu işıqlı vaxtda kəşf etməli idim. Maridən Düseldorfda street-artla zəngin bir məkanın olduğunu öyrənib səhər birbaşa yollandım ora.Street art bolluğundan əziyyət çəkən bu məkanın adı Kiefernstrasse icmasıdır. Elə Kiefernstrassedə yəni Kiefern küçəsində yerləşir. Məkan şəhər mərkəzindən bir az kənarda olduğundan bir az çətinliklə tapdım məkanı, çünki çox adam belə bir yerin mövcudluğundan xəbərdar deyildi. Nəyahət uzun axtarışlardan sonra gəlib məkanı tapdım. Bura Almaniyanın gəzdiyim bütün yerlərindən fərqli bir əhval ruhiyyəyə sahib idi. Binalar başdan-başa küçə sənəti nümunələri ilə bəzədilmişdi. Nümunələrin gözəlliyi məni o qədər heyran etmişdi ki, vaxtın necə keçdiyindən heç xəbərim də olmamışdı. Şəkilləri çox sözlə təsvir etmək istəmirəm bütün street art nümunələrinin şəkillərini blogda paylaşıram.Sehrli məkanı tərk edib yenidən gəldim Düseldorfun mərkəzinə. Mərkəzdə Burgplatzadlı meydandakı bina görülməli yerlərdən biridir. Çox maraqlı üslubda tikilib. Vaxtınız olarsa Düseldorfdakı tematik parkları gəzə, Reyn çayı bounca sahilə düzülmüş kafe-publarda pivə içə-içə Reyn çayını seyr edə bilərsiniz. Amma yaddan çıxartmayın ki, düseldorflular kölnlüləri sevmirlər ona görə də çaşıb kölş istəməyin ???? Təbii ki, dəb məkanına gəlib alış-veriş etmədən geri qayıtmaq olmazdı. Ona görə də hardasa bir saat mağazalara baş çəkib 1-2 t-shirt aldıqdan sonra üz tutdum Wittenə. Yolum uzun idi, həm də yorulduğumu hiss edirdim.Beləcə Rhine-Ruhr və ilk Almaniya turumu tamamlamış oldum. Gəzdiyim şəhərlər arasında əlbəttə ki, kiçik olsa da Witten xüsusi gözəlliyi, səliqə-səhmanı ilə diqqətimi cəlb etdi amma kiçik şəhər olduğundan düşünürəm ki, bu regionun ən görməli şəhəri məhz elə Köln idi. Kölnlülər Düseldorfu paytaxt seçənlərdən inciməsi normaldır ????Bununla da, daha bir yazımızın sonuna gəldik.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Babek Musa-Zadeh

3757 dəfə oxunub

Krakov səyahəti – Oskar Şindlerin fabriki

Krakovdakı otel, apartament və hostelləri bu linkdən book (bron) edə bilərsiz.Keçən dəfə Varşava yazımda da yazdığım kimi, Varşavaya getdiyimi eşidən hamı niyə Krakova deyil də Varşavaya getdiyimi soruşduğundan artıq qərara gəlmişdim ki, Varşavadakı tədbir bitən kimi Krakova yola düşəcəm. Beləcə tədbir bitəndən sonra italyanistehsalı olan (burada italyanların o məşhur əl hərəkətini də etmək olar ???? ) Pendolino sürət qatarına minib, hardasa 2 saat 20 dəqiqədən sonra oldum Krakovda. Dəmir Yolu vağzalı Galeria Krakowska alış-veriş mərkəzinin  altında yerləşir, ya da alış-veriş mərkəzi vağzalın üstündə yerləşir. Bəri başdan deyim ki, Avropada alış-veriş nəzərdə tutursunuzsa, Polşa ən yaxşı seçimlərdən biridir. Ölkə ucuzluq olduğundan və hələlik avroya keçmədiyindən qiymətlər digər ölkələr ilə müqayisədə daha ucuzdur.Qısa tarixi infodan sonra keçəcəm turistlər üçün məlumatları paylaşmağa. İlk ondan başlayım ki, Krakov Polşanın və ya əski dillə desək Lehistanın paytaxtı olub, sonradan paytaxt Varşavaya köçürülsə də, Varşavanın 2-ci dünya müharibəsində ağır yaralar almasıyla Krakov elmi, mədəni “paytaxt” statusunu qoruyub saxalayıb. Varşavadan fərqli olaraq 2-ci dünya müharibəsində şəhər demək olar ki, heç bir ciddi zərər görməyib amma müharibənin bütün dəhşətlərini nətər deyərlər “çiynində daşıyıb”. Məhz bu dəhşətlərin qalıqlarını görmək üçün hər il Krakova 7 milyona yaxın turist gəlir. Krakova Budapeşt və Praqaya bənzədiyinə görə bəzən Polşanın Budapeşti, daha çox isə Praqası deyirlər.İndi isə keçək əsas məsələlərdən birincisi olan Bakıdan Krakova necə getmək olar? sualına. Ən ucuz varyant WizzAirlə Budapeştə gəlib, buradan qatar və ya avtobusla Krakova getməkdir. Krakovdan gələrkən demək olar ki, yolun yarısı Slovakiya ərazisindən keçir və ilin istənilən fəslində buradan sadəcə avtobusla keçərkən belə böyük zovq alacağınıza əminəm.Varşava haqqında yazıda Polşada nə yeyilib içilməlidir mövzusuna toxunmuşam, oradan baxa bilərsiniz amma bir yemək var ki, onu qeyd etməsəm olmaz. Bu yeməyin adı zapiekankadır. Baqetin üzərinə müxtəlif soslar, pendirlər, kolbasalar, vetçinalar, sosilər, tərəvəzlər düzülməklə hazırlanır. İstəyinizə görə pendirli, sosisli, tərəvəzli və ya qarışıq növünü seçə bilərsiniz. Görünüş olaraq bir növ pizzaya oxşayır amma dad olaraq müqayisə olunacaq kimi deyil. Pizzayla heç müqayisə olunası deyil. Deməli bu zapiekankanı yemək üçün Krakovun qədim yəhudi məhəlləsi var Kazimierz adında mütləq oradakı köhnə bazara getmək lazımdır. Ən dadlıları orada olur, istəyə görə yanına meyvə şirəsi, qazlı su və ya pivə də ala bilərsiniz.Harda gecələməli sualına gəldikdə isə, mən adətən bizim bloqun oxucularına hostellərdə qalmağı və ya couchsurfingdən istifadə etməyi məsləhət görürəm. Elə özüm də hosteldə qalmışdım. Qaldığım hostel mərkəzə 10-15 dəqiqə yerimə məsafəsində olan, Premium Hostel idi. 4 nəfərlik otaqda 1 yataq kirayələmişdim və 2 gecə üçün 12 avro vermişdim. Təmizliyi, yerləşməsi, şəraiti də ki, öz yerində. Yolunuz Krakova düşsə bu hosteldə qala bilərsiniz.Hostelə gəlib yerləşəndən sonra, kiçik bir xəritə alıb düşdüm yola şəhər meydanına doğru. Krakovun şəhər meydanının əsası 13-cü əsrdə qoyulub daha dəqiq 1257-ci ildə. Meydan Rynek Glownyadlanır və Avropada Venesiya şəhər meydanından sonra ən böyük meydan hesab olunur. Meydanın uzunluğu və eni 200 metrdir və 4 tərəfi də qədimi və rəngarəng binalarla əhatə olunub. Meydanın mərkəzində Sukiennice adlı bazar yerləşir. Bazar dünyanın ən qədim alış-veriş mərkəzlərindən biridir. İstanbuldakı Kapalı Çarşının daha kiçik formasıdır sanki. Bazardan turistik əşyalar, suvenirlər və ən əsası Polşada çox məşhur olan kəhraba daşı almaq olar. Bazar turistik məkan olduğundan qiymətlər kifayət qədər bahadır, nəsə almaq istəsəniz mütləq bazarlıq edin, aşağı yeri nədir soruşun. Aşağı yeri yoxdu desə, öz varyantımızda heç yoxdu? deyə soruşun ????Meydandakı digər görməli yer isə St Mary və ya Müqəddəs Məryəm bazilikasıdır. Bazilikanın vitrajları çox möhtəşəmdir və vitrajların hazırlanması 12 il çəkib. Kərpicdən tikilən bu bazilikanın hündürlüyü 81 metrdir və oradan şəhərə gözəl bir panoramik mənzərə açılır. Bazilikanın qüllələrindən birində hər saat başı çox qısa müddətlik şeypur çalınır. 13-cü əsrdə qüllədən darvazaların açılıb və bağlanmasını bildirmək üçün şeypur çalınırmış, 1241-ci ildə isə tatar bir oxçu şeypurçunu oxla vurub öldürür və indilərdə bu qısa müddət çalınıb kəsilən bu şeypur səsi də şeypurçunun oxçu tərəfindən vurulmasını simvolizə edir.Qədim hissədə görməli digər yer Florianski küçəsidir, küçənin sonunda bu günə qədər sağ-salamat gəlib çıxmış Florianski şəhər qapısı var. Qapını keçdikdən sonra isə şəhər divarlarından bir hissə olan Barbakan divarı qarşınıza çıxacaqdır.Qədim hissəni gəzdikdən sonra yola düşdüm qədim yəhudi məhəlləsi olan Kazimierzə doğru. Kazimierz 2ci dünya müharibəsinə qədər yəhudilərin çox yaşadığı bir məhəllə olub. Sonradan isə burada yaşayan yəhudilər hamısı toplama kamplarına göndərilib. Kazimierzin özünəməxsus xüsusi abu-havası var. Gəzərkən özünü 20-ci əsrin ortalarında hiss edirsən. Bu hissədə demək olar ki, heç nə dəyişməyib hətta bəzi mağazaların reklam lövhələri belə 30-40 illik kimi görünür. Məşhur “Şindlerin siyahısı” filminin də bəzi hissələri burada çəkilib. Elə ara məhəllələrdə gəzərkən də filmdən bəzi səhnələrin fotolarını asıblar və fotolardan aydın görmək olur ki, filmin bu hissəsi burada çəkilib. Məhəllələri gəzəndən sonra Kazimierzin qədim bazarında bir Zapikanka yeyə bilərsiniz. Mən da Zapikankamı yeyib Kazimierzi tərk edirdim ki, burada 20-ci əsrin ortalarına aid olduğunu güman etdiyim film çəkilişi ilə qarşılaşdım. Aşağıdakı videodan da ətrafın dekorasiyasının və aktyorların geyimlərinin qədimliyini görə bilərsiniz.Krakovda olduğum 2ci gün isə səhər-tezdən payi-piyadə yola düşdüm məşhur “Şindlerin siyahısı” filmində hadisələrin baş verdiyi Şindlerin fabrikinə. Fabrik şəhər mərkəzindən bir az qıraqda yerləşsə də, gözəl hava varsa piyada gedə bilərsiniz. Oskar Şindler haqqında məlumat vermək istəmirəm, məncə Stiven Spilberqin bu möhtəşəm filminə baxsanız daha maraqlı olar. Fabrik indi muzey kimi fəaliyyət göstərir və içəridə bir çox sənət əsərini, Oskar Şindlerin ofisini, yəhudi işçilərin qaldığı otaqların maketlərini, fabrikdə hazırlanan və böyük bir şüşə qutunun içində saxlanılan qazanları görə bilərsiniz. Bu eksponatlara baxdıqdan sonra otaqlardan birində o zamankı hadisələrdən sağ-salamat qurtulmuş yəhudilərin başlarına gələnlərdən danışdığı filmi izləməyə getdim. Muzeyə giriş qiymətini xatırlamıram amma internetdən çox güman tapa bilərsiniz. Bundan başqa bəzən muzeyə giriş üçün bir az gözləmək tələb olunur, çünki insanları içəri sayla buraxırlar. Say müəyyən bir həddə çatdıqda, digər ziyarətçilərin çıxmasını gözləmək lazımdır. Muzeyi gəzib o dövrün insanlıq başına gətirilən fəlakətlərinin təsiri ilə fikirləşdim ki, gərək Krakovda 2 gün daha artıq qalıb Auşvitz toplama kampına da gedəydim.Bəli Krakovda digər mütləq görülməli yer Auşvitz toplamakampıdır. Ora getmədiyimdən məlumat verə bilməyəcəm amma Krakova yolunuz düşsə məncə mütləq gedib bir baş çəkin. Beləcə Auşvitzə gedə bilməməyin təəssüfü ilə xəritədəki növbəti nöqtəyə doğru irəlilədim. Və gəlib çatdım Vavel qəsrinə.Qəsr təpənin üzərində yerləşir və1330-70-ci illərdə tikilib. Həmən dövrlərdə Krakov Polşanın paytaxtı imiş. 1600-cü illərdə paytaxt indiki Varşavaya köçürülsə də demək olar ki, bütün kralların tac qoyma mərasimi məhz bu qəsrdə baş tutub. Bundan başqa bütün krallar da qəsrin ərazisindəki katedralda dəfn olunub. Qəsrin ərazisinə giriş ödənişsizdir sadəcə saray ərazisi, muzeylər və sərgi salonlarına giriş  üçün pul ödəməlisiz. Qalanın və ya qəsrin içərisində bir mağara var və mağaranın önündə isə Wawel əjdahası durur. Əjdaha bir neçə dəqiqə aralıqlarla ağzından qısa müddətli alov püskürür. Hər yarım saatdan bir isə daha uzun müddətli olur bu alov. Qəsrin ərazisini doya-doya gəzmək, Vistula çayının mənzərəsinin dadını çıxarmaq üçün bir neçə saat lazımdır, ona görə də getmədən öncə zaman məsələsini nəzərə alın.Krakov, mərkəzindən çay keçən və bu çaydan çox pis istifadə edən şəhərlərdən biridir. Belə ki, çayın kənarı ilə gəzərkən demək olar ki, heç bir tarixi bina, memarlıq abidəsi yoxdur amma hava günəşlidirsə çayın kənarında, otların üzərində oturub mənzərəni seyr etmək olar.Son olaraq Auşvitzdən sonra Krakovda getmədiyimə çox böyük təəssüf hissi keçirdiyim Veliçka (Wieliczka) duz mədəni haqqında da təəssüf ki, məlumat verə bilməyəcəm amma şəkillərdən gördüyüm qədərilə Krakova 2 gün ayırıb gəzə bilməməklə çox böyük səhv etmişəm. Çox güman sırf Auşvitz və Veliçka üçün yenidən gedəcəm Krakova. Nə zaman? Bax, onu bilmirəm amma məncə çox gözləmək lazım gəlməyəcək sevimli Krakovu görməkdən ötrü ????Krakov haqqında bu qədər. İnanıram ki, yazının 2-ci hissəsi də olacaq nə vaxtsa ????Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Babek Musa-Zadeh

1968 dəfə oxunub

Mədəniyyət, tarix və ləzzətin qovşağı - İtaliya bələdçisi

İlk səyahət təcrübəm Əziz gəzəyənlər, etiraf etməliyəm ki, sizlərin səyahət postlarınız hər zaman məni motivasiya edib və səyahətləriniz haqqında oxuyanda bir gün mən də öz qazancımla səyahat edib təcrübəmi sizlərlə bölüşməyi arzu etmişdim. Vəə budur, ilk səyahətim İtaliyaya gerçəkləşdi. Düzü əslində ilk Macaristana olmuşdu amma bu təhsil məqsədli olduğu üçün onu saymadım Italiya demək olar böyüyündən kiçiyinə hər kəsin "dream" ölkəsidi deyərdim. Mənim də həm təbiəti, həm tarixi, insanlari, yeməkləri ilə birlikdə ən ən sevdiyim ölkələr arasında ilk yerlərdədi. Təsadüfi deyil ki, saya görə ən çox UNESCO WORLD Heritage sites İtaliyadadir. Biz 4 muskotyor Budapeştdə təhsil aldığımız üçün elə burdan da yola düşdük. Bileti 15 euro Ryanair ilə budapest to Rome aldiq və 3 gun Romada olduq. Romada dostlarımızın komekliyi ilə gecəsi 15 euro olan ev tutmuşduq.Həəə, gəlin Sizə Romadan danışım Canlı, əfsanəvi yaşayan muzey - ROMA. Demək olar hər küçəsi, tini, bucagi tarix olan Roma. Təyyarədən enən kimi 18 euro şəhər daxili biletə ödəyəndə dedik "welcome to Italy". Həqiqətən də Italiyada daxili nəqliyyat çox bahadır və büdcəmizin əsas qismini elə nəqliyyat apardi. Bu 10 gündə italyanlardan nələr gördük nələr. Deyərdim ki, İtaliya "dvijeniyalar ölkəsidir" sözün əsl mənasinda bunu hər şeydə hiss etdik. Artiq səyahətimizin 4cu günündən sonra gözümüz açıldı ammaBiz Romada olanda #UEFA2020 ərəfəsinə düşdük deyə daha da maraqli oldu bizə. Italy- Turkey oyununu fan zoneda italyanlarla birgə izlədik və bu özü də ayrı bir zovq idi bizə. Romada gəzməli görməli yerlər barədə çox yazmayacam google'da search etsəniz nə qədər yerlər gələcək. Təbii ki, əgər Romadasizsa Vaticana mütləq baş çəkin. Papani görə bilmədik amma dedik bu boyda yol gəlmişik eyib olsun adam bir qarşılayar Romadan sonra istiqamət - pizzanin vətəni sayılan -Napoli şəhəri Bu şəhərdə 1 gün qaldıq və mən o qədər sevdim ki, bu şəhəri. Tirren dənizi sahilində yerləşən bu şəhərin dar küçələrində gəzəndə özünüzü latın amerika seriallarında hiss edəcəksiniz. Şəhər çox qaynar, xaoslu, səs kuylu və təhlükəli şəhərdir. Gözünüz açıq olmalıdır. Scooter'lar idi hər tərəf. Mənə çox zovq verirdi onların şəhərdə turlamasi Biz yolda gəzəndə o qədər ehtiyatlı, diqqətli gəzirdik ki, indi bu saat nəyimizisə oğurlayarlar deyə. Şükür başımıza səfərimiz boyunca hər hansi bədbəxt hadisə gəlmədi. Napolidə gecəsi 15 avro hostelde qalmışdıq rahat səliqəli bir yer idi. Elə napoli gedən kimi ilk Sorbilla pizzadan yemək oldu, Ki çox çox dadli idi Dostlarımızın da məsləhəti ilə Napolinin gəzməli görməli yerlərini gördükdən sonra yola düşdük Pompeyə. Deməli, biz cənub səfərimiz üçün qalmağa yerimizi sorrento sechmishdik, chunki həm qiyməti ucuz idi həm hostel səliqəli idi həm dənizə yaxın idi həm də getmək istədiyimiz yerlərə ( Positano, amalfi coast, Capri) yaxin idi. Gəlin sizə bir sirr verim deməli Napoliden Pompeyə gələrkən çalışın elə bileti Pompeye alın ( 2 euro idi səhv etmirəmsə) və bileti sorrentoya gedəndə validate edin və ordanda yolunuz sorrentoyadisa bilet almadan qatara minib gedə bilərsiz. Biz xam olub hər şeyə bilet alırdıq amma sonra gördük yox e belə olmur hec kim almır axı yoxlayan da yox. Pompeyə min 3 saat ayırın. Və mütləq vezuviyə də qalxın deyərdim. Hərçənd ki, bizim vaxtimiz olmadı amma vaxtiniz varsa maraqlı təcrübə olar. Pompeye biz həftəsonuna düşmüşdü deyə giriş üçün bir gun öncədən online bilet almishdiq. Bu çünki tələb olunan bir shey idi. Amma həftə içi getsəniz ele orda girishdə də ala bilərsiniz.Pompeyden çıxdıq bir başa sorrentoya hostele. Artıq günorta idi biz çatanda elə yerləşib çıxdıq yemək yeyək bir az da dənizinə baş çəkdik qayıtdıq səhərin planini etməyə.Növbəti gün yolumuz Capri adasina oldu. Ferry ilə getdik və gediş gəliş bir yerdə 36 euro etdi. Əgər cənuba getmisizsə mütləq Capri adasina baş çəkin. Mən ilk dəfə idiki gəmi ilə tur edirdim. Bakıda Xəzərdə olsa da marağımı çəkməmişdi. Biraz da qorxu var idi. Amma burda o qorxunu yendim və adaya səyahət, dənizin səsi, qoxusu, üzümə vuran isti külək hamısı mənə çox gözəl hisslər yaşatdı. Capri adasi yaxınlaşdıqca sanki cənnətdi deyir adam. O qədər gözəl mənzərəsi var ki həqiqətən şəkillərdən belə o gözəllikləri transfer etmək olmur. Anlatilmaz yaşanır dedikləri. Capridə qalxdım küçələrini gəzdim, yol boyu limon, portagal agaclari var idi. Təsadüfi bir həyətə girdim çünki portağalın qoxusu çox gözəl gəlirdi çəkdi məni. Bir baba çıxdı mənə həm limon həm portağal dərdi verdi. Caprinin də dənizinə baş çəkdikdən sonra qayitdiq Sorrentoya hostelimizə. Qayıdanda da gəmini səhv salmışıq tam 3 dəq qala doğru gəmiyə çatdıq nəfəs nəfəsə qalmışdıq bu da bizə ayri bir zövq idi ama .Sorrentodan 2euro'ya positanoya, amalfiyə SİTABUS'lar gedir. Düz elə sorrento qatar stansiyasinin qarşısından. Növbəti gün biletimizi alıb yola düşdük Positanoya yəqin ki positano haqqinda eşitməyən yoxdur. Turistlər orani cənnət adlandırır. Avtobusla gedəndə yolun sağ tərəfində oturun ki mənzərinin dadını çıxara biləsiniz. Amma bura gedəndə səhər erkəndən qalxın yol alin. Cunki sonuncu avtobuslar 7:30da yola düşürdü Sorrentoya. Gəzməyə vaxtınız çox olsun. Burada qiymətlər bahadır, restoranlar, suvenirlər hər şey. Küçələri, mənzərəsi çox gözəldir. Səkillər yerləsdirirəm valeh olarsınız Səyahət təcrübəmdə ən sevdiyim şeylərdən biri yeni insanlar tanımağım oldu. Burada yerli xalq azdır siz ancaq turistlərə rast gələcəksiz demək olar.Növbəti gun amalfi sahilləri- bura gozlədiyimiz qədər bizi valeh etmədi. Düzü positano və capridən sonra bu gözlənilən idi. İki dağın arasinda çox kiçik bir yerdir. Şəhərin ən hündür yerinə qalxdıq mənzərəni izlədik, şəkil çəkdirdik endik sahillərinə. Deməli, ümumiyyətlə bu sahillərdə dəniz daşlı dənizdir və adamın ayağını yara edir. Həm positano həm capri həm amalfi həm də sorrento sahilləri qayalıq daşlıq idi. Suyu çox təmiz idi. Günəş, mənzərə möhtəşəm.Amalfidən yollandıq sorrentoya dincəldik və səhəri gun sorrentonun öz mərkəzi küçələrini, dənizini gəzdik dostlarımıza, qohumlarimiza hədiyyələr aldıq. Yaddaqalan, gözəl günlər yaşadıq. Ümumi desəm, transportation çox bərbaddi İtaliyada, xüsusilə də Romada. Düşünün ki, avtobusu əl edib saxlatdirirdiq . Dayanacaqda dayanmaq məsələsj yoxdu. Roma Napoli küçələri zibillərlə dolu idi. İnsanları çox mehribandi amma çox da vecsiz və tənbəldilər. Koronanin ən qızğın vaxtı nəyə görə İtaliyanın eskalasiya yaşadığını mən orda olanda anladim. İnsanlar təmizlik mövzusunda çox geridə qalıblar. Maska, virus hec nə veclərinə deyildi. Sorrento, positano, capri, amalfi sahilləri cox təmiz, güllərlə çiçəklərlə dolu yerlər idi. İnsana hüzur, dinclik verirdi. Roma və napolidən sonra məni dinceltdi oralar. Qayıdış Napoli aeroportundan Budapeste oldu. Qiymet 23euroBeləcə İtaliya səfərimizin sonuna gəldik.Yolunuzu bir gün mütləq İtaliyadan salın CiaoPS: videonu özüm hazırlamışam amatör yəniPS: bu arada Tirren dənizi sahilində iki dəfə sunrise və demək olar ki hər gun sunset izlədim. Sizə maraqlıdırsa sunrise, sunset də mütləq planınıza salın.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı:  Gunay Bayramova

2025 dəfə oxunub

Fironlar diyarı - Misir bələdçisi (I hissə)

Yeni ildə hər kəs soyuq havası və qarı olan ölkələri tərcih etdiyi halda mən qərara aldım ki Misirə gedim :)Qeyd edim ki, bu postda uzun olmasın deyə ancaq səyahət etdiyim yerlər haqqında yazacam. (dedi və uzun alındı????)Sonra isə yemək və digər məsələlərdən danışacam.Niyə bəs Misir desəniz cavabım bu olacaq ki, hər zaman sənədli flimlərdə gördüyüm o tarix mənə maraqlı gəlirdi. Gözlərimlə görmək istəyirdim ki, görəsən dedikləri kimi varmı?Demək Qahirəyə uçuşumu Tbilisidən etdim. Tbilisi - Afina - Qahirə 143 euro (Bileti tez alsaydım daha da ucuz bilet tapardım.)Qahirəyə səhər saatlarında çatdım yorğun olduğum üçün otelə çatıb birbaşa yatmaq qərarına gəldim.Otelim şəhər mərkəzində olduğu üçün axşama doğru şəhəri gəzməyə başladım. İlk qarşılaşma – küçədə rəsmən xaus var. Şəhər mərkəzində çox az sayda dediyimiz piyada keçidi var. Ona isə məhəl qoyan yoxdur. Qırmızı işıq, yaşıl işıq və yaxud digər işıqlar anlayışı nisbi xarakter daşıyır. İşıqdan fərqli olmayaraq maşınlar və piyadalar eyni vaxtda hərəkət edirlər.İkinci gün isə Gizaya və Sakaraya səyahəti planlamışdım. Bunun üçün taksi danışdım, iki nəfər 25 dollar səhər saat 8-dən saat 5-ə kimi bizimlə oldu. Gizaya ordan Sakaraya apardı gözlədi və geri gətirdi.İndi isə gəlim ilk və son “loxlanmağıma”Pramidalar olan əraziyə dəvə ilə səyahət etmək istədik. Allahın dəvəsi bizə 100 dollara başa gəldi )) hələ 150 deyirdi guya mən özlüyümdə endirim etdim. Amma siz aldanmayın. Çünki turist görən kimi, qiymətlət 10 dəfəyə qədər qalxa bilir. Ona görə maksimum endirim edin. 50 dollara qədər qiyməti endirməyə çalışın)Hardasa 2 saatdan bir az çox çəkdi pramidaları gəzmək, əlbəttə ki, şəkil çəkdirmək Böyül Sfinks heykəlini görməyimiz və geri qayıtmağımız. Onu da deyim ki, 100 dollara əraziyə giriş biletləri də daxil idi. Nəysə, Giza və Sakara bizə 175 dollara başa geldi ))Burdan sonra isə Saqaraya getdik. Burdakı muzeyə baş çəkdik. Yenə pul ödədik içəri girmək üçün. Amma məsləhət görərdim ki, Saqaraya getməsəz də olar. Çünki Qahirə muzeyində orda gördüklərinizdən ən azı 20 dəfə çox şey görə bilərsiniz.Amma Gizaya özünüz də gedə bilərsiniz. Qahirədən metro xətti gedir Gizaya adam başı heç bir dollarda etmir. Ordan isə ayaqla və taksi tutub 2-3 dollara Pramidalar olan əraziyə gedə bilərsiniz.Sonraki gündə isə planda Qahirədə yerləşən Qahirə Muzeyi idi. Mütləq bura baş çəkin. Möhtəşəm tarixlə üz-üzə olacaqsınız. Adambaşı isə giriş 120 Misir poundudur. Dollarla hesablamaq istəsəniz 16-ya bölün. Bu girişdə bir pulsuz mumiya görə bilərsiniz.Əgər daha çox mumya görmək eşqiniz varsa mumiyalar olan otağına girməlisiniz və buna görə 150 pound da ödəməlisiniz.Daha sonra isə səfərimiz Misirin ən böyük şəhərlərindən biri olan və Aralıq dənizinin masmavi dənizi kənarında yerləşən Alexandria şəhərinə idi.Travel ganetliyi bizə təklif elədi ki, 100 dollar verin sizi aparaq gözləyək sonra isə gətirək. Təbii ki, ikinci dəfə loğlanmaq istəməzdim)) Buna görə 2-ci klass qatarına bilet aldım. Qatar 2 saat yarıma gedir və 4 saat qayıdır. Adam başı isə gediş - dönüş cəmi 140 Misir poundu. (8 dollar 75 sent) Yəni isə 100-150 desələr də siz onun 17 dollara edə bilərsiniz :)Alexandriada mütləq getməli yerlərin siyahısını yazıram.- 1477 ildə tikilmiş Citadel of Qaitbay qalasına gedin. Giriş adam başı səhv etmirəmsə 70 pound idi.- Bundan sonra isə Bibliotheca Alexandrina baş çəkin. Bu kitabxanada 8 milyon kitab saxlanılır. Adam başı giriş isə 70 Misir poundudur. Bir də dəniz kənarı bulvarında gəzə, qayıq turları edə bilərsiniz.İndi isə gələk böyük qardaş Tutankhamon, Ramzes ailəsinin və digərlərinin basdırıldığı Luxor səfərinə.Bu şəhər Qahirədən 680 km cənubda yerləşir. Tur götürsəniz sizə adam başı 450 dollar civarında başa gələ bilər. Biz yenə qatara bilet aldıq. 2-ci class.(1-ci klass qatar isə gediş gəliş 800 poundur) Əlavə edim ki, qatar 9 saat yarıma gedir bu yolu. Gediş dönüş bileti 460 pound etdi. 29 dollar. Axşam qatara mindik və səhər saat 8-ə işləmiş Luxorda idik. Çay içib getdik Valley of Kings-ə. Əraziyə giriş biletimizin pulu, çay, hədiyyə almaq, şəhərdə fayton gəzintisi yemək-içmək bizə başa gəldi 100 dollar.Maraqlı olsa yeməklər, insanlar və digər maraqlı şeylərdən gələn postda yazacam :)Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Asim Celilov

2550 dəfə oxunub
Bizi izləyənlər siyahısına qoşulun!