Bloq

1390 dəfə oxunub

Dünyanın 7 möcüzəsindən biri - Maçu Piçu

Machu Picchu. Səyahəti sevan hər bir insan bu möcüzəni görmək istəyir. Bəzən yanlış əldə olunmuş və ya yanlış verilmiş məlumat səyahət planlamasını alt-üst edə bilər və ya ümumiyyətlə səyahət istiqamətini dəyişə bilər. Postu açmaqda əsas məqsədim Machu Picchuya səyahət planlamaq istəyən insanlara həm kömək olmaq, həm də bu möcüzəyə olan səyahəti sizinlə paylaşmaqdır.

57839947_10219002206787700_8067323095976771584_o

Yəqin ki, qrupda hamının Machu Picchunun dünyanın 7 yeni möcüzəsindən biri olduğundan məlumatı var. Bu yeddilərdən biri Perunun Cusco şəhəri yaxınlığında yerləşir. Onu da qeyd edim ki, Cusco şəhəri bu günə qədər gördüyüm və gəzdiyim ən gözəl şəhərdir. Küçələri bəzən indi bizim qoruya bilmədiyimiz, aqalay daşlarla üzü fasadlanmağa başlayan İçəri şəhərimizə oxşayırdı. Hər daşında bir mədəniyyət, bir tarix yatan bu şəhər İnk imperiyasının paytaxtı və bir vaxtlar dünyanın mərkəzi sayılıb. Machu Picchuya səyahət məhz bu şəhərdən başlayır. Bu möcüzə haqqında bu qrupda çox miflər oxumuşam????.

58442420_10219002215947929_128763617750286336_o

Bəzən kimisi getməyin çox ağır olduğunu, kimisi yolun çox uzun olduğunu, kimisidə piyada həddindən artıq çox yol getməyin labüd olduğundan yazıb. Bəli bu sadalananların bəziləri reallıqdı, amma bu reallıqlar insanlara və sizin seçiminizə görə dəyişir. Bura çox rahat və əziyyətsiz də getmək olur. Sizi səhər tezdən qaldığınız otel və ya hosteldən maşın götürür və axşam götürdüyü yerə qaytarır. Sizin payınıza düşən yalnız avtobusdan düşüb qatara, qatardan düşüb avtobusa minməkdir. Son avtobus sizi düz parkın girişinə gətirir. Problem yalnız hündürlük ilə bağlı ola bilər. Qiymətlərə gəldikdə isə bu yuxarı və aşağı (yağışlar sezonu) sezona görə dəyişir. Forumlarda bilet haqqında maraqlananda əldə etdiyim tək məlumat biletin mütləq əvvəlcədən rəsmi saytdan alınması ilə bağlı idi. Bu da mifdi. Siz rəsmi saytda göztərilən 300-330 usd əvəzinə yuxarı sezonda 260 və aşağı sezonda 230 usd verib qaldığınız otelden tur ala bilərziniz. Əgər kimsə bütün biletləri özü alıb özü getmək istəsə, göstərilən qiymətlərdən 20-30 usd az pul ödəyəcək amma nəyin harda olduğunu öyrənmək və qatara vaxtında çatmaq üçün kifayət qədər əziyyət çəkəcək.

58655491_10219002216947954_2698753884536438784_o

Həm mənim göztərdiyim qiymətə bələdçi də daxildir, hansı ki, çox maraqlı məlumatlar əldə etmək olur danışdıqlarından. Əlavə olaraq siz başqa versiyada 5 günlük program götürüb Salkantray trek adlı məhşur yolu piyada da gəzə bilərsiz. Bu yol piyada Machu Picchuya getmək üçün ən ideal trekdir. Sonda onu da qeyd edim ki, bir gün bu möcüzəyə səyahət planlasanız, digər möcüzə şəhər – Cuscoya (bu paylaşım sırf MP-yə aiddir və Cusco haqqında ayrı bir post olacaq) ən azı 3-4 gün ayırın. İnanın Machu Picchuya görə ora gedib, bir başqa möcüzə - Cusconu tapıb ona vurulacaqsınız.

57649077_10219002214267887_5940144515753967616_o

Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…

Paylaşdı: Agazade Rasim

Agazade Rasim

DİGƏR BLOQLAR

Bir qalanın sirri - Carcassonne

Fransanın Languedoc-Roussillon bölgəsinə Barcelonadan icarəyə götürdüyümüz maşınla getmişdik. Elə yenicə Fransa torpağına qədəm basmışdıq ki, əsl fransız qonaqpərvərliyini öz üzərimizdə hiss etdik. Düz xətti azca bastaladığımıza görə şanlı fransız polisi bizi saxladı, nə qədər yalvardıq, kimlərin adını verdik xeyri olmadı. Alın təri ilə qazandığımız 90 Avromuz cibimizə ağırlıq edirmiş. Nə qədər kruasan ala bilərdik bu pula...Pireney dağlarının ətəyində yerləşən Od çayı üzərində yüksələn Carcassonne qalasının gözəlliyi kütləvi kruasan itkisini tez unutdurdu. Axşam bura çatdıq və mehmanxanada çantalarımızı tullayıb yüyürdük qalaya. Qala divarları arxasında qədim şəhər yerləşir. Saysız hesabsız restoran və kafelərin qarşısında dayanan işçilər turistləri cəlb edirlər və hər biri də səni inandırmağa çalışır ki, əsil “cassoulet” məhz burada bişirilir. Ət və ağ lobyadan hazırlanan bu yerli təam gil qabda təqdim olunur və elə sobadan götürülüb qaynayan vəziyyətdə masanın üstünə qoyulur.Carcassone çox mürəkkəb tarixi olan qədimi bir qaladır. 725-ci ildə buranı müsəlmanlar ələ keçirir və şəhərin adının yaranmasının ən çox yayılmış əfsanəsi elə bu dövrlə bağlıdır. Qalanın Karl tərəfindən mühasirəsinin beşinci ili gedirdi. Demək olar ki, bütün qarnizon başda müsəlman hökmdarı Balaak olmaqla məhv edilmişdi. Elə bu vaxt Balaakın həyat yoldaşı Karkas xanım hiylə işlədir - şəhərdə yeganə sağ qalmış donuza taxıl yedizdirib onu qala divarından tullayır aşağı. Zərbədən partlayan donuzun qarnından yerə tökülən taxılı görən Karl fikirləşir ki, gör bunlarda nə qədər donuz var ki, onları diri diri tullayırlar və nə qədər yemək ehtiyyatları var ki, donuzlara taxıl yedizdirirlər. Bu vəziyyətdə o, mühasirənin mənasız olduğunu düşünərək ordusuna geri çəkilmək əmri verir. Qələbəni qeyd edən Karkas isə zəng çalmaq əmri verir. Səsi eşidən Karlın silahdaşıyanı hökmdarına müraciət edərək “Cənab, Karkas Sizi çağırır” deyir (Sir, Carcas te sonne). Bilmirəm Sizə nə qədər maraqlı gəldi, amma hər halda turistlər üçün hesablanan və şəhərin brendinə çevrilən bu əfsanənin baş qəhramanı Karkas xanımın heykəli elə girişdəcə Narbonn qapıları ilə üzbəüz dayanıb camaatı qarşılayır.XI-ci əsrdə Languedocda mənəvi dünyanın yaradıcısı olan Xeyirxahlıq Allahını və maddiyyatın yaradıcısı olan şeytanı qəbul edən Katar təriqəti yaranmağa başlayır. Carcassone katar mərkəzlərinin birinə çevrilir. Bunu eşidən Roma papası dönüklərə qarşı səlib yürüşü elan edir. Bölgəni od içində boğan və yerlə yeksan edən bu yürüş Carcassone qalasına demək olar ki, toxunmur. Buna səbəb isə qala müdafiəçilərinin iki həftədən sonra su çatışmazlığı səbəbindən təslim olmaları olur. Şəhər sakinlərinə buranı sağ salamat tərk etmək imkanı yaradılır, yalnız bir şərtlə - onlar hər bir şeylərini şəhərdə buraxıb, özləri ilə isə yalnız günahlarını apara bilərdilər, yəni ki, bir şalvar və bir köynəklə. Langedocun tarixində qaranlıq dövr başlayır – müharibələr, inkvizisiya, kütləvi qırğınlar. Bəzi məlumatlara görə inkvizisiya elə məhz bu dövr burada yaranıb. Və onun ilk qurbanları katarlar olub.Lakin, tam qələbəni qeyd etmək hələ tez idi. Qürurlu katarlar azadlıq mübarizələrini hələ çox davam etdirdilər. Onlar insanı insan tərəfindən istismar etmədən vicdanlı və sağlam həyatı təbliğ edirdilər. Döyüşlər uzun illər davam etdi, lakin güclər qeyri bərabər idi və yekunda katolik dininin tərəfdarları tam qalibiyyət qazandılar. İndiki Carcassonda o dövrdən qalan abidələrdən biri də qalib tərəfin qala içərisində tikdirdikləri Müqəddəs Nazari və Selsi katolik kilsəsidir.Qalanın ərazisi gəzməklə bitmir, hər addımda elə bil ki, o dövrlərə qayıdırsan. Hər il iki milyon turist qəbul edən Carcassone son dövrlər Holliwoodun da maraq dairəsinə daxil olub. Burada “Robin Hood”, “Jeanne dArc”, “Harri Potter” və bir neçə Disney cizgi filmləri çəkilib. Hətta Disney özü bir neçə il Carcassonedə yaşayıb.Carcassone qaladan başqa aşağı şəhərdən də ibarətdir. Şəhərin bu hissəsi bizdə o qədər maraq doğurmasa da, getməyə məcbur idik. Və səhər yeməyindən sonra şəhərə poçt axtarışına yollandıq. Avropada cərimə ödəmə təcrübəmin olmadığından proses mənə çox maraqlı gəldi. Demək poçtda cərimənin dəyəri qədər marka almalısan, onları zərfin üstünə yapışdırıb poçt qutusuna atmalısan. Poçt qutusunu tapmaqda isə bizə bir yerli qonaqpərvər fransız yardımçı oldu. Bizim ingiliscə, onun isə fransızca danışmasına baxmayaraq bir birimizi çox gözəl başa düşdük.Bir sözlə, yolunuz nəinki Fransaya və ya İspaniyaya düşəndə, umumiyyətlə Avropaya növbəti səfər xəritəsinə mütləq bu balaca lakin qədim və qürurlu bir tarixi olan Carcassone şəhərini salın.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Matin Rahimli

971 dəfə oxunub

Əsl italyanların Milanı

Milandakı bütün otel, apartament və hostelləri bu linkdən book (bron) edə bilərsiz.Milanda gəziləsi yer deyəndə birmənalı olaraq ağıla gələn yer “Duomo!”. Yox, bu haqqda heç danışmayacam da. (Amma bu oranın möhtəşəm olmağı reallığını dəyişmir.)Milana getməyi düşünəndə çox adam mənə o məşhur, heç bir arqumenti olmayan sualı verdi: “ nə var e orda?!”. Eyni zamanda bu qrupda da axtarışa verib nəticələrə baxdım, heç ürəkaçıcı deyildi. Fifiçka bacılarımız hamısı “üff sıxıcı yer idi(((“ deyə təəssüratlarını bölüşüb və ya oğlanlar “1 gün bəsdir, ondansa Venesiyaya gedin” tipli şərhlər bildirib. Nəyə görə? Kimə görə? Məsələ sadəcə sizin getdiyiniz yerdə nəyə baxmağınızda deyil, nə görməyinizdədir. Mənim gördüyüm Milan heç də “boz şəhər” deyildi. İnsanları da fərqlidir. Romadakı dəli italyanlardan sonra ilk dəfə Florensiyada indi isə burda mədəni, eleqant, hətta aksenti və danışıq tərzi təmiz olan "коренной" italyanlar gördüm.Səfəriniz avtobusla olacaqsa mənim kimi çatar-çatmaz Lampugneno stansiyasından bir başa San Siro metro stansiyasına və eyniadlı (ya da Cüzeppe Meatsa) stadiona baş çəkə bilərsiniz. Ondan əvvəl həmişə İtaliyanı Azərbaycanla müqayisə edənlər üçün deyim ki, 2,3,4-cü şəkillər avtobusların yolüstü dayanacağı, bizim Kürdəmirin “Bığ” restoranı kimi bir yerdir amma hər cür içki, yemək hətta kitablar da satılır içəridə. Nəqliyyat sisteminə yaxşı demək olar. Burda tramvaylar köhnədir deyə şikayətlər görmüşdüm, mən əksinə vintaj stildə olmalarını bəyəndim, təmizlik ya işləkliyi ilə bağlı problem yoxdur yəni. 48 saatlıq biletin qiyməti 8.25€ idi və qalacağınız müddətə uyğun belə kartlardan alsanız daha sərfəlidir. Təkcə yoxlanış olar qorxusuna görə yox, hər yerə metro ilə getmək ən uyğun vasitədir deyə. Ümimilikdə metro sistemi yaxşı qurulub və rəngləri sevən biri olaraq yaşıl, bənövşəyi, qırmızıya boyanmış stansiyalara heyran oldum.Növbəti getdiyim yer qəbiristanlıq oldu. “Sonda hamımızın gedəcəyi yerdsfgh” deyə düşünüb düzəldim yola. İlk baxışdan Cimitero Monumentale adlı bu yerin xarici görünüşü, daha sonra içəridəki abidələr insanın məzarlıq anlayışını dəyişir. Daha çox yayılmış formada yazı ilə olan başdaşları varlılarda büstlər və heykəllərlə (sadə duruş formasında) əvəz olunur (fəxri xiyabandakı kimi). Buradakı insanların həyatı boyu ən çox tanındığı formada (daha çox peşəsi ilə bağlı) və ya o öləndən sonra ətrafındakı insanların düşdüyü vəziyyəti təsvir edən heykəllər isə əsl sənət əsəri hesab oluna bilər. Elə həmin ərazidə səssizlikdən zövq almaq üçün kiçik park da var.Şəhərin marağı birdən-birə tam fərqli şeylər yaşada bilməsindədir. Porta Garibaldi adlı ərazidə eyniadlı metro stansiyası da var və burada italyanların uzun etirazlarına baxmayaraq açılan Starbucksı görə bilərsiniz. Heç 200 metr getməmiş bir də baxırsan ki, alov qüllələrimizə bənzəyən binalar. Ordan da düz gedib kimnən soruşsaz şaquli meşəni (Bosco Verticale) göstərəcəklər.Lunapark həvəskarı biri olaraq deyə bilərəm ki, Sempione parkı məni əməlli sevindirdi. Atraksiyonun qiyməti 5€, yaşatdığı hisslər dəyərsiz. Həmçinin rəngli insanların çalıb oxumağı ayrı aləm idi. Rəngli insan demişkən, Krişna tərəfdarlarının məni aparıb ibadətlərinə qoşmağını da qeyd edim ???? "Hare hare" deyib oynaya-oynaya qoluma girdilər bir də onda xəbər tutdum ki, oturmuşuq 30 nəfər uzun bir masada veqan yeməyi ilə su içirik. Bu məsələni bilməyənlər araşdırsın, qəşəng söhbətdir."Shopping" adamı deyiləm deyə bu barədə çox nəsə deməyəcəm amma Buenos Aires adlı küçə ən çox alış-veriş edilən yerlərdən biridir.Bütün yerlərdə ingiliscə bilən çox adama rast gələ bilərsiniz.Əlavə olaraq küçələrdə və ya kafelərdə hazırladıqları kreplərin və gelatonun dadına baxmağı, qalmağa yer olaraq “Queen Hostel”i seçməyinizi (gecəsi 25-26€, təmiz və əyləncəli və səhər yeməyi daxil), "Google maps"-dən çox istifadə etmədən gəzib yeni şeylər tapmağınızı məsləhət görürəm.Birinci şəkil isə L.O.V.E abidəsidir. Orta barmaq bütün bank işçilərinə və birja sisteminə qarşı qalxıb.Kiminsə nəsə deməsinə baxıb ruhdan düşməyin, gedəcəyiniz yerdə ora əvvəl gedənlərin görmədiyi, sizin kəşf edəcəyiniz çox yer var, əmin olun.With love! ????Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Samra Rzayeva

868 dəfə oxunub

Aşağı büdcə ilə Kiyev səfəri

Kiyevdəki otel və hostelləri bu linkdən book (bron) edə bilərsiz.Əziz dostlar, bu yazıda Sizə faydalı olacağını düşündüyüm üçün Ukraynanın paytaxtı Kiyev şəhərinin turistlər üçün çox əhəmiyyətli olan bəzi strateji nöqtələrinə taksi istifadə etmədən, ən ucuz yollarla, ictimai nəqliyyatı istifadə edərək necə gedə biləcəyiniziizah etməyə çalışdım. Bunun üçün Kiyev şəhərinin əsas nəqliyyat şəbəkəsi xəritəsini də istifadə etdim və hesab edirəm ki, şəkillərlə mövzu daha da başa düşülən olacaq. Beləliklə, “couchsurfing”çilər, “airbnb”çilər, yaxın gəlin…Julyanı Hava Limanı (IEV) və ya Kiyev Beynəlxalq Hava Limanıİlk olaraq Kiyev Beynəlxalq Hava Limanı (Julyanı) ilə başlayaq. Nəzər alsaq ki, Buta Airways də Bakı-Kiyev-Bakı uçuşlarını bu hava limanından həyata keçirir, bu ucuz yolu bilmək çoxumuza faydalı olacaq. Təbii ki, ucuz təyyarə bileti alıb, daha sonra da taksilərə 20-30 dollar vermək istəmiriksə (ki, istəmərik).1924-cü ildən fəaliyyət göstərən bu hava limanı beynəlxalq saytlarda, axtarış sistemlərində daha çox Julyanı / “Zhuliany” (Жуляни) adı ilə bilinir. Amma bu hava limanı əslində adı gedən qəsəbədən daha çox məşhur Sikorski vertolyotlarının da yaradıcısı olan və Kiyevdə doğulmuş İqor Sikorskinin adını daşıyır. Nə isə, indi də şəhərin müxtəlif nöqtələrindən bu hava limanına ən ucuza getməyin yollarına baxaq.[googlemaps https://www.google.com/maps/embed?pb=!1m14!1m8!1m3!1d5085.126030773979!2d30.443291999999996!3d50.411981!3m2!1i1024!2i768!4f13.1!3m3!1m2!1s0x0%3A0x27666bcb99529f88!2z0JzQtdC20LTRg9C90LDRgNC-0LTQvdGL0Lkg0LDRjdGA0L7Qv9C-0YDRgiDQmtC40LXQsiDQltGD0LvRj9C90Ys!5e0!3m2!1sru!2str!4v1537081875966&w=600&h=450]Kiyev eynilə Bakıdakına bənzər (çox təəccüblüdü?) bir metro sisteminə malikdir. Amma təbii ki, bu şəbəkə bizdəkindən daha uzun və əhatəlidir. Üç ayrı metro xətti (M1,M2, M3) var və bunlar üç yerdə mərkəzi stansiyalarda (28 May və Cəfər Cabbarlıstansiyaslarında olduğu kimi) kəsişir, keçidlərlə bir-birinə bağlanır. Detalları aşağıdakı xəritədən də görmək mümkündür.Şəhərin bir çox nöqtəsinə bu yolla gedə bilərsiniz və çox ucuzdur (sadəcə 8 UAH/Ukrayna Qrivnası = 0.28 USD/Dollar = 1.80 TL/Türk Lirəsi = 0.48 AZN;  [07.09.2018 üçün]).Metro və trolleybus xətlərini istifadə edərək (iki vasitə ilə) və 16 UAH xərcələyərək şəhərin bir çox nöqtəsindən Kiyev Beynəlxalq Hava Limanına gedə bilrəsiniz. Sizin üçün xəyali bir istiqamət seçək. Misal üçün, hər hansı bir metro stansiyadan hərəkət edərək M2 xəttində Ploscha Lva Tolstoho (Площадь Льва Толстого) stansiyasına gəlirsiniz, oradan da 9 nömrəli trolleybusla lap hava limanının qarşısında düşürsünüz (Fedora Andersa dayanacağı, hər dayanacaq əvvəlcədən səsli olaraq elan edilir,  İlon Mask əmi demiş “Don’t panic!”). Əsl kasıb malıdır. ????Artıq çox asanlıqla Julyanı (Жуляни) Hava Limanından şəhərin hər hansı bir nöqtəsinə getməyin yolu da müəyyən edilə bilər. Necə? Çox sadə. Eyni şəkildə, hava limanının çıxışının tam qarşısında yerləşən dayanacaqdan (Fedora Andersa) trolleybusa minib M2 metro xəttində yerləşən Ploscha Lva Tolstoho (Площадь Льва Толстого) stansiyasına gəlirsiniz. Buradan da şəhərin istənilən nöqtəsinə metro ilə gedə bilərsiniz.Borispol Beynəlxalq Hava Limanı (KBP), Vağzal və Avtovağzal[googlemaps https://www.google.com/maps/embed?pb=!1m14!1m8!1m3!1d5093.038269512485!2d30.893926999999998!3d50.338222!3m2!1i1024!2i768!4f13.1!3m3!1m2!1s0x0%3A0x690a2c5d49d870da!2z0JDRjdGA0L7Qv9C-0YDRgiDQmtC40LXQsiDQkdC-0YDQuNGB0L_QvtC70Yw!5e0!3m2!1sru!2str!4v1537083216263&w=600&h=450]1959-cu ildə Kiyevdən təxminən 30 km şərqdə salınan Borispol (Борисполь) Hava Limanı 2017-ci ildə 10 milyondan çox sərnişinə xidmət göstərib və ölkənin sərnişin hava nəqliyyatının 65%-ni həyata keçirir. Aydın olur ki, əslində Kiyevin ən böyük hava limanı məhz Borispoldur və demək olar ki, əksər beynəlxalq və qitələrarası uçuşlar buradan həyata keçirilir.Eləcə də Ukraine International Airlines (UIA) da Bakı-Kiyev-Bakı uçuşlarını məhz bu hava limanından həyata keçirir. Bəzən də Bakıdan Buta Airways ilə Julianı Hava Limanına gələn sərnişinlər Avropaya və dünyanın bir çox şəhərinə məhz Borispol Hava Limanından uçur. Bu baxımdan da bu nöqtələr arasındakı ucuz nəqliyyat yollarını bilmək fayadlı olacaq. Yoxsa təyyarə biletindən qənaət edilən pullar taksilərdə xərclənməli olacaq.Borispol Hava Limanına getmək üçün də metro və avtobus xətti istifadə edilə bilər. Ucuz və sərfəli. ???? Yenə də xəyali bir istiqamət götürək.Burada da fikrimcə iki yol daha sərfəlidir (lazımi nöqtələr qırmızı ox ilə göstərilib). Birincisi, hər hansı bir metro stansiyasından M3 xətti ilə Kharkivska (Харьковское) stansiyasına gəlirsiniz və daha sonra 322 nömrəli avtobusa minə bilərsiniz. Yaxud da, M1 xətti üzərində yerləşən Vokzalna (Вокзальная) stansiyasına gəlib (ki, AVTOVAĞZAL və VAĞZAL (DƏMİR YOLU VAĞZALI) da burada yerləşir) oradan birbaşa 322 nömrəli avtobusu istifadə edə bilərsiniz. Bəlkə də şəhəri daha çox görə bilmək üçün bu yol daha yaxşıdır. ????Kiyev Çay Limanı (Kiev River Port)[googlemaps https://www.google.com/maps/embed?pb=!1m14!1m8!1m3!1d5080.067629706109!2d30.527004!3d50.459095!3m2!1i1024!2i768!4f13.1!3m3!1m2!1s0x0%3A0xa41a6ed7ce331960!2z0KDQtdGH0L3QvtC5INCy0L7QutC30LDQuw!5e0!3m2!1sru!2str!4v1537083469795&w=600&h=450]Çay Limanı təbii olaraq möhtəşəm Dnepr çayının qərb sahilində yerləşir. Amma bura sadəcə əhəmiyyətli bir nəqliyyat qovşağı deyil, eyni zamanda şəhərin ən gözəl çay və körpü mənzərələrindən biri də buradadır. Qarşısında da funikulyor yerləşir (o da 8 UAH, necə deyərlər, məşhur çizgi filmimizdə olduğu kimi – hər şey bir qapaza). Eyni zamanda buradan çox sayda gəmi Sizi əsrarəngiz Dnepr çayında gəzdirə bilər (puluna minnət ???? ). Yaxşı, buraya necə gedə bilərsiniz?Eyni şəkildə, yenə də metro xəttini istifadə edə bilərsiniz. Etməli olduğunuz sadəcə  M2xəttindəki Poshtova Ploscha (Почтовая площадь) stansiyasında (qırmızı oxla göstərilib) çıxmaqdır. Çıxan kimi bir tərəfinizdə körpüləri və Kiyev Çay Limanını, digər tərəfinizdə isə funikulyoru görəcəksiniz.Ümid edirəm ki, ucuz yollarla səyahət etmək istəyən dostlara faydalı oldu. Suallarınız olarsa, aşağıdakı rəylər qisminə yaza bilərsiniz. Bildiklərimi ən qısa zaman içində cavablandırmağa çalışacağam.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Tehran Abdurrahimov

710 dəfə oxunub

İzmir səyahəti (Part 2)

İzmir səyahəti / 3-10 sentyabrİzmir / 1 günLagora Old Town & Bazaar – erkən check-in istəyim puç oldu, booking.com Genius Level 2 olduğum üçün otağımı pulsuz upgrade etmişdi Standard Room-dan Deluxe Room-a və cəmi 3 Deluxe var imiş, hər 3-ü də məşğul imiş... beləliklə sındı qol qanadım yanıma düşdü, yatmaq planlarım da alt üst oldu... baqajı qoydum oteldə, dedim 2-də gələcəm (amma gəlmədim), düşdüm şəhərin canına... Otel çarşıda (mərkəzdə, bazarda) yerləşirdi deyə (Çankaya və Konak m/st yaxınlığında / arasında) bir anlıq vosmoyun bazarına və ya sədərəyə gəlmiş kimi hiss elədim özümü. Şəhəri biraz gəzib gördüm ki, yox, nə isə o deyil eee, üzümü tutdum Optimum alış-veriş mərkəzinə. MADO-da gəşəng isti səhər yeməyini yeyib alış-veriş edirdim ki, dostum yazdı ki, bəs çatmışam, gəleyrəm Optimuma, 2-3 vacib alınası şeylər var, ordan kak raz gedərik birgə otelə, mənim çantamı qoyarıq və şəhəri gəzərik. Mən də onun qol qanadını sındırıb demək istəyirdim ki, bəs otel düz vosmoy bazarına baxır, amma heç zad demədim ki, gəlib göz şahidi olsun, qulaq şahidi deyil Gəziləsi/görüləsi yerlər: Çarşı (Kəməraltı), Saat qülləsi, Liman, dənizkənarı park/bulvar, Optimum və Forum Bornova alış-veriş mərkəzləri, Konak Pier AVM, Smyrna Antik Kent, Alsancak Sevgi Yolu, Kadifekale, Tarihi Asansör Binası.Şəhər sənayə mərkəzi təəssüratı bağışladı, qətiyyən sevmədik və onsuzda gözləntimiz aşağı idi.Qayıdaq otelə: qiymətə səhər yeməyi daxil idi, otelin yerləşməsi qaneedici olmasa da, özü çox authentic bir yer idi. Yüngülvari bizim Şəki Karvansarayına oxşayırdı, axşamlar musiqi gecələri olur, veranda da oturub jazz-a flan qulaq asırsan, lap belə romantişnı, hüzur içində olursan... Amma gəl ki oteldən burnunu kənara çıxaran kimi: “vosmoyun bazarına xoş gəlmisiniz”... Rezki abu-havanın dəyişməyi adamı konkret ruhdan salırdı... Səhər yəməyi standart idi, özləri servis edirlər açıq havada olan restoranda, çay pulsuz və limitsiz olsa da qəhvə ödənişli idi.Nəqliyyat: İzmir kartı almağınız və HES kodunu oxutdurmağınız məsləhətdir. Metro ilə rahat istədiyiniz bir çox yerə gedə bilərsiniz, əlavə olaraq İZBAN (qatar) ilə də havalimanına və ya digər yerlərə getmək mümkündür. Əsas məsələ: İZBAN istifadə edəndə İzmir kartı ilə check-out etməyi (xüsusi sarı aparatlarda, çıxışda olur) unutmayın.Sumqayıta (oxu: İzmirə) sağ ol deyib, yollandıq daha əyləncəli hesab etdiyimiz Çeşmə-yə... Çeşmə / 2 gün İzmirdən Çeşməyə avtobus ilə 2 yerdən getmək mümkündür: İzmir Beynəlxalq Avtobus Terminalı (İzmir Otogar) və Fahrattin Altay Aktarma Merkezi (FAAM) (zona olaraq Üçkuyular). İkinci yer metro ilə əlçatan olduğu üçün, biz hələ onu seçdik. FAAM-dən Ceşməyə “cesmeseyahat” transfer avtobusları işləyir. Biletləri https://www.cesmeseyahat.com/ veb-səhifəsindən online və ya FAAM-də yerində bilet satışını həyata keçirən nümayəndədən almaq olar. Biletin qiyməti 1 nəfər üçün 26 TL-dir. Avtobusda maska taxmaq mütləq idi. Avtobus qalacağımız otelin yanından keçdiyi üçün, xahiş etdik, yaxınlıqda olan dayanacaqda saxladı və ordan otelə 3 dəq piyada yolu keçib gedəsi olduq. Calis Hotel - Twin Room – yerləşməsi yaxşı idi, piyada mərkəzə 10-15 dəq yolumuz var idi, Cesme Otagara da 15 dəq piyada yol idi, şəhərdən otelə qayıdanda amma pilləkənları qalxmaq yorğun adamlar üçün zülm ola bilər (məsələn, mənim dostum üçün). Otel iki 3 mərtəbəli binadan ibarətdir, binaların arasında kiçik hovuz var. Şəkillərdə çox gəşəng görsənir, amma əslində normdur, vau deyiləsi yer deyil. Bizim otağın 2 balkonu var idi, 1nin qapısının tutacağı qırıq idi, digəri amma işləyirdi. Otaq çox kiçik idi, xüsusi ilə hamam-tualet (cəmi 2 kv.m.). Diş sürtmək üçün yüngülvari əyilmək belə mümkün deyildi, hər şey iç-içə idi... Otelin səhər yeməyi normal idi, işçilər özləri xidmət göstərirdi, nə istədiyini, nə qədər istədiyini deyirdin, boşqaba çəkib özləri verirdilər. Limitsiz çay və kofe də öz yerində. Gəziləsi/görüləsi yerlər: Çeşmə Sahil, Çeşmə Qalası, Tekke Plaj, İlica Halk Plajı Restoranlar: Casa De Costa (hər şey yaxşı idi, gəşəng interyeri və mənzərəsi var, qiymətlər normal idi, menu da zəngin idi, bir sözlə məsləhətdir) Çeşme Sahilini gəzəndə gözümüzə gəmi (tekne) turları sataşdı, tripadvisor-da flan yoxladıq və seçimi Lady Bente üzərində saxladıq: orta səsli musiqi, animasiya / disko flan yoxdur, 4 dayanacaq (hava küləkli olduğu üçün bizim halda 3 dayanacaq oldu), 8 saat (10:30 – 16:30) ərzində koy-larda dəniz keyfi, bir sözlə əsl keyfiyyətli və sakitçilik / hüzur dolu zaman keçirmək üçün əla seçimdir. https://www.cesmeladybente.com/program/ - saytda ətraflı maraqlana bilərsiniz proqram ilə. Qiymət yemək daxil 150 TL idi adam başı, lejankalar var idi (hər iki mərtəbədə), say olaraq isə cəmi 60-70 nəfər var idi (kovidə görə). Yeməkləri birinci koy-da biz çimdiyimiz halda personal ocaqda hazırlayırdı, iki seçim var: közdə balıq və közdə toyuq, birincini seçmişdim və çox dadlı idi. Çeşməni çox bəyəndik, xüsüsən də tekne turuna görə! Növbəti gün bura ilə sağollaşıb yollandıq Kuşadasına. Bunun üçün təəssüf ki birbaşa transfer tapa bilmədik, ona görə “cesmeseyahat” ilə geriyə İzmirə gəlib, yenə də Optimum AVM-də alış-veriş edib (baqajları Optimum-un içində baqaj saxlama kamerasına qoymuşduq – 12 saat cəmi 20 TL) yollandıq hava limanına və Havas Avtobus Xidmətini istifadə edərək getdik Kuşadasına (biletin qiyməti 43 TL idi). Ətraflı avtobusların istiqamətləri və servis saatları barədə: http://www.havas.net/.../OtobusServisNok.../Pages/Izmir.aspx Kuşadası / 3 gün Havas Avtobus-larının Kuşadasında dayanacağı Kuşadası Avtobus Terminalıdır (Otogar). Qalacağımız oteldən avtobus terminalına 15 dəqiqəlik piyada yol var idi. Eliada Hotel – twin room - yerləşməsi əla idi, piyada mərkəzə 5 dəq yolumuz var idi. Hovuzu, çox gəşəng (pişiklər ilə bol) terrası var idi və bu terrasda hər gün səhər yeməyi təqdim edilirdi. Bu otel bu səyahət boyu qaldığımız otellərin ən yaxşısı idi (hər cəhətdən). Səhər yeməyi: açıq bufe türk kahvaltası – özümüz götürürdük hər şeyi, çay və kofe limitsiz, amma bundan sonra qərar vermişəm ki, Turkiyə otellərinə gedəndə səhər yeməyi daxil otaqlar götürməyəcəm... Eyni şeydən bezdiyimiz üçün arada MADO-ya flan baş çəkirdik brunch üçün (MADO-nun isti kalvaltası üçün sino gedirəm). Gəziləsi / görüləsi yerlər: Kuşadası Sahil, Kuşadası Karvansaray, Ladies Beach, Guvercinada qalası, Efes Antik kenti, Şirince köyü, Meryem ana evi, Adaland Aquapark və sairə Restoranlar: Komşu Cafe & Restaurant (bu məkana valeh olmuşduq, yeməkləri möhtəşəm, xidmət üst səviyyədə, möhtəşəm mənzərə, qiymətləri də çox münasib). Lifehack: restorana daxil olmadan kart ilə ödənişin olub olmamasına dair məlumat alın. Bir günümüzü sırf Efes Antik Kenti və Şirince üçün ayırdıq. Əlbəttə ki, mən o mən deyiləm ora ictimai nəqliyyat ilə getməyin yolunu tapmasam Ümumiyyətlə, Türkiyədə turist axını olan yerlərdə dolmuşların (kiçik avtobusların) işləməsi çox yaxşı haldır, hər yeri əlçatan edir. Qiymətlər də çox münasibdir (10 lira-yadək). Efes Antik Kenti-nə giriş üçün minimum 120 TL-dən başlayan qiymətlər ilə təqdim edilən biletlərdən yararlana bilərsiniz. Audio guide, yamac evləri və sairə yerlər əlavə ödəniş tələb edir, lakin bir neçə seçimli (hər yer daxil) biletlər də mövcüddur. Tələbələr üçün giriş pulsuzdur. Şirince köyünə isə Selcukdan dolmuş ilə getmək olur (4 TL). Qəsəbə sizə Lahıcı xatırladacaq, yolboyu möhtəşəm mənzərələr ilə qarşılaşacaqsınız. Qəsəbədə zeytun sabunu, zeytun tərkibli kremlər, geyim, suvenir və sairə xırda-para almaq mümkündür. Lakin Şirince ən çox öz meyvəli şərabları ilə məşhurdur. Burdakı şərab mağazalarını gəzərək doyunca şərablardan dada bilərsiniz və bəyəndiyiniz meyvə şərablarından əldə edə bilərsiniz. Şərabların qiymətləri 50-200 TL arasında dəyişir. Digər günümüzü isə sırf passiv istirahətə həsr edərək Adaland Aquaparkına getdik. Giriş TR vətəndaşları üçün 170 TL, xarici vətandaşlar üçün isə 24 EUR təşkil edir. Lifehack: türkcə danışaraq TR vətəndaşları üçün nəzərdə tutulmuş qiymət ilə içəri daxil ola bilərsiniz Bura da Kuşadasından dolmuş ilə gəlmək mümkündür. Attraksionlar boldur, istənilən səviyyədə dəlilik və əyləncə dolu anları yaşaya bilərsiniz. Aquapark daxilində ödənişi yalnız xüsusi kart ilə etmək mümkündür (depozit yatıraraq kassada). Yeganə mənfi cəhəti: aquapark daxilində satılan fast food-lar heç yaxşı deyildi. Ümumi olaraq, Kuşadasına Avropalılar çox gəldiyi üçün digər turistik şəhərlər ilə müqayisədə bura nisbətən baha idi, amma TL-nin mövcud vəziyyətini nəzərə alaraq narahatçılığa heç bir səbəb yox idi Mənfi cəhət: sizi aldatmağa çalışanlar olacaq (restoranda hesab ödəyəndə kart ilə ödəniş üçün əlavə faiz yazanlardan tutmuş köşkdən içki / aptekdə dərman flan alan zaman kart ilə ödənişə razı olamayanlaradək / kart ilə ödəniş zamanı TL əvəzində USD seçənlərədək). Həmçinin USD-ni TL-yə dəyişmək fikriniz varsa, mütləq İzmirdə edin, çünki burdakı məzənnə dəhşət aşağıdır. Kuşadasından İzmir hava limanına transfer sifariş etdik. Şəhərdə gəzərkən bir turizm agentliyinin qapısında elanı görərək, daxil olub adama 40 TL ödəyərək transferimizi 10 dəq içində aldıq. Transfer Kuşadası Otogarından İzmir Hava limanının həm daxili, həm də beynəlxalq uçuşlar üçün nəzərdə tutulmuş terminallarına sizi 2,5 saata rahat çatdıracaq. Sentyabr gəzintim barədə mənlik bu qədər! Şəxsi instagram hesabım: @ilgarafandiFaydalı olmaq diləyi ilə!#ilgarafandi #tripbyilgar #tripbyafandi #t2taz #time2travelaz #gzynlr #gezeyenler #izmir #kusadasi #kuşadası #efes #adaland #şirince P.s. Səyahət ilə bağlı bütün postlarımı həm instagramda, həm də qrupda #tripbyafandi hashtagi altında oxuya bilərsiniz

1273 dəfə oxunub
Bizi izləyənlər siyahısına qoşulun!