143 dəfə oxunub

Nağılla gerçək arasında: Şri-Lanka

ŞRİ LANKA 

Bu Novruz bayramında biz Şri Lankaya səfər etmişdik və bu səfərlə bağlı məlumatları sizinlə paylaşmaq istərdim. Ümid edirəm ki, səfər etmək istəyənlərə yardımçı olar.
İlk öncə qeyd edim ki, Şri Lanka səfərindən öncə ağlımda müəyyən stereotiplər var idi, gəlin ilk öncə onlarla başlayaq.

ŞRİ LANKA KASIB ÖLKƏDİR

Ən sadə müqayisəni öz ölkəmizlə edə bilərik; Şri Lankanın ÜDM həcmi Azərbaycandan 2 dəfə çoxdur (~90 mlrd. $), adambaşına düşən ÜDM isə Azərbaycan göstəricisi ilə, demək olar ki, eynidir (~$4.000). Nəzərə alsaq ki, əhali sayına görə Şri Lanka Azərbaycandan 2 dəfə böyükdür (~20 mln.), əslində, bu o qədər də pis göstərici deyildir. Daha ədalətli olmaq üçün onu demək lazımdır ki, adada orta sinif azlıq təşkil edir, siz daha çox daha aşağı sinif insanları görəcəksiniz. Müqayisəli dünyada biz necə qərb ölkələri üçün kasıb görsəniriksə, Şri Lanka əhalisi də bizim insanlar üçün kasıb görsənə bilər.

ŞRİ LANKA GERİDƏ QALMIŞ ÖLKƏDİR 

Keçmiş Britaniya imperiyasının müstəmləkəsi olaraq Şri Lanka 1948-1972-ci illərdə Seylon Dominionu, 1972-ci ildən isə Şri Lanka Respublikası kimi tanınmağa başlamışdır. Təxminən 150 il Britaniya imperiyasının bir hissəsi olması adada dərin iz buraxmışdır. Məsələn, Şri Lankada ingilis dili əsas etniklərarası dildir, ona görə də çoxluq ingilis dilində danışır. Britaniya müstəmləkiçiliyinin ən müsbət cəhətləri ən yaxşı mənada burada özünü göstərir. Siz geridə qalmış və inkişaf etməmiş keçmiş Britaniya müstəmləkəsi tanıyırsınızmı?
Baxmayaraq ki, Şri Lankada 25 illik vətəndaş müharibəsi cəmi 10 il əvvəl bitib, turist olaraq siz onun fəsadlarını görə bilməyəcəksiniz. Hər halda ən çox ziyarət olunan qərb, mərkəzi və cənub regionlarda bu tamamilə hiss olunmur.
Həmçinin qeyd etmək lazımdır ki, Şri Lanka mənim indiyə qədər getdiyim ən təhlükəsiz ölkədir.

ŞRİ LANKADA XƏSTƏLİKLƏR GENİŞ YAYILIB, KRAN SUYU İÇMƏK TƏHLÜKƏLİDİR, ÖLKƏ ÇOX ÇİRKLİDİR 

Maraqlıdır ki, bir çox bloqlarda biz buna tez-tez rast gəlirdik və bizə müəyyən qədər təəccüblü gəlirdi ki, niyə içməli su ilə bağlı məlumatlar belə geniş yazılıb. Halbuki bir azərbaycanlı kimi biz özümüz krandan su içməyə ürək etmirik, ona görə buna görə heç narahat olmaya bilərsiniz. Suyu ancaq butulkada alacaqsınız və onun necə doldurulması ilə bağlı sizdə şübhə olmayacaq, çünki, demək olar ki, bütün butulkaların qapağı xüsusi plastiklə örtülü olur.
Şri Lanka təmizliyini görə bizi geridə qoyur. Nə şəhərdə, nə də şəhərətrafı yerlərdə ictimai tualetə girsəniz, nə qoxu hiss edəcəksiniz, nə də çirkli tualet görəcəksiniz. Bütün tualetlər isə duşla təmin olunub. Maraqlısı odur ki, siz küçələrdə də bizim öyrəşdiyimiz zibillikləri və siqaret tullantıları görə bilməyəcəksiniz. Ümumiyyətlə, siqaret ayrıca mövzudur, onunla bağlı yazacam, 9 günlük səfər zamanı mən yalnız barmaqla sayılası qədər siqaret çəkən yerli adam gördüm.
Şri Lankaya səfər üçün məcburi vaksinasiya yoxdur, xəstəliyi isə sadə gigiyenik qaydalara əməl etmədikdə hər yerdə tapmaq olar. Yenə də çox narahat olursunuzsa, özünüzlə 1-2 dənə “sanitizer” alıb apara bilərsiniz. Həmçinin orada böyük supermarketlərdə rahatlıqla tapmaq olar.

ŞRİ LANKA OKEANDA KİÇİK ADADIR 

Əslində, mən də elə düşünürdüm, ancaq Şri Lanka ərazisinə görə Azərbaycandan cəmi 20% kiçikdir. Yeganə fərq isə ondadır ki, ada Hindistandan bir az aralıqda, cənubda və su damcısı formasında olaraq yerləşib. Şri Lanka əhalisinə görə Azərbaycandan 2 dəfə böyükdür, paytaxt Kolomboda isə 6 mln. insan yaşayır.

ŞRİ LANKADA ASFALT YOL YOXDUR, NƏQLİYYAT QƏNAƏTBƏXŞ DEYİL 

Qeyd etmək lazımdır ki, yol infrastrukturu Şri Lankada yüksək inkişaf etmişdir. Burada həm adi yollar, həm də pullu avtobanlar var. Pullu yollar 250-300 LKR (Şri Lanka rupisi) arası dəyişir, bu təxminən 2.5-3 AZN-dir. Yeganə mənfi cəhət ondan ibarətdir ki, şəhərlərarası yollar asfaltlı olmasına baxmayaraq, çox dar və 1 zolaqlıdır. Ona görə də 180-200 km məsafəni maşınla 4-5 saata getməli olacaqsınız. Bəzi şəhərlər arasında qatarlar fəaliyyət göstərir, həmişə I və II class alın, bizim pullar adambaşı 2-10 manat arası dəyişir. Həmçinin, nəzərə alın ki, keçmiş Britaniya müstəmləkəsi kimi burada da nəqliyyat istiqaməti fərqlidir. Sadə dildə desək, yolu keçəndə birinci sağa, sonra sola baxmaq lazımdır ????

36972092396_312b70283e_k

ŞRİ LANKA BUDDİST ÖLKƏSİDİR 

Bunda həqiqət var, çünki çoxluq həqiqətən də buddistdir, amma Şri Lankda 4 böyük icma var: buddistlər, müsəlmanlar, hinduistlər, xristianlar. Maraqlı fakt ondandır ki, siz kimin hansı dinə aid olduğunu bilməyəcəksiniz. Maksimum taksidə hər hansısa bir əlamətə görə insanın hansı dinə sitayiş etdiyini görə bilərsiniz (kiçik Budda heykəli, Krişna posteri, Xaç və s.) və bu sizin üçün tamamilə lazımsız məlumat olacaq. İnsanlar çox tolerant olaraq birlikdə rahat yaşayırlar. Yeganə diqqət etməli bir şey odur ki, heç bir Budda heykəli qarşısında durub şəkil çəkdirmək olmaz (ona qarşı arxanızı çevirə bilməzsiniz), bu yerli insanlara və Buddaya qarşı hörmətsizlikdir.

???? ŞRİ LANKAYA SƏFƏRDƏN ÖNCƏ
- Vizanı rahat ya online sifariş edə bilərsiniz ($35) və ya hava limanında ala bilərsiniz ($40).
- Bütün hotelləri booking.com vasitəsilə rahat rezervasiya edə bilərsiniz. Bizim 2 nəfərlik 9 gün üçün toplam hotel xərcimiz $520 olmuşdur. Halbuki onun da ən bahalısı məhz 2 gün Kolombo-da qaldığımız 5 ulduzlu Marino Beach hoteli olmuşdur. Digər şəhərlərdə qaldığımız bütün hotelləri də məsləhət görürəm: Sigiriyada “Palmyra Nature Resort” (meşədə kotec), Nuwara Eliyada “The Tea Garden” (çay plantasiyasında böyük villada 2 nəfərlik geniş otaq), Hikkaduwada “Neela’s Guest house” (okean sahilində butik hotel), Kandy-də SW Eco Lodge (şəhər mərkəzində Urban stilində hotel).
- Əgər siqaret çəkənsinizsə, mütləq öz ehtiyacınızı nəzərə alıb özünüzlə siqaret aparın. Çünki ən keyfiyyətsiz, ağır və tövsiyə edilməyən siqaret qutusu orada 6 AZN-ə satılır. Ən keyfiyyətli “Gold Leaf” və “Dunhill” (British American Tobacco istehsalı) qutusu isə 14 AZN-dir. Yeganə sevindirici hal odur ki, bizdə olduğu kimi onlarda da siqareti dənə ilə satmaq adəti var.
- Kredit kartınızda 200-250 dollar pul saxlayın (nə üçün lazım olduğunu yazacam), qalanları isə USD və ya EUR olaraq özünüzlə cash aparın. Mübadilə ilə bağlı narahat olmaya bilərsiniz, valyuta kursu, demək olar ki, bütün adada eynidir (hətta rahatlıqla hava limanında dəyişə bilərsiniz). Ümumiyyətlə, ölkədə valyuta qəbul olunur, ona görə restoran-kafe və ya hotellərdə rahat USD və EUR ödəyə bilərsiniz. Amma yerli pulla ödəniş daha sərfəli olacaq. Daha rahat hesablama üçün: 100 LKR (Şri Lanka rupisi) = 1 AZN (daha dəqiq, 0.97 AZN), 1000 LKR = 6 USD (daha dəqiq, $5.7 USD).
- Şri Lanka ada olduğu üçün xaricdən flora və fauna üçün təhlükə yaradacaq hər bir şey ilə bağlı kifayət qədər sərt siyasətləri var. Ona görə də özünüzlə meyvə, ərzaq, bitki və ya toxum aparmayın. Hava limanında onları sizdən alacaqlar.
- Əgər çay plantasiyalarına gedəcəksinizsə, özünüzlə mütləq isti bi şey götürün. Nuwara Eliya və Ella şəhərləri günorta mülayim isti, gecələr isə soyuq olur. Kolombo (sahil), Sigiriya və Kandy (mərkəz), Hikkaduwa, Mirissa, Galle (sahil) çox isti (>30 °C) və rütubətli (~90%) olur. Özünüzlə papaq, günəş eynəyi və gündən qoruma üçün kremlər götürməyiniz məsləhətdir. Həmçinin yaxşı olardı ki, şəxsi gigiyena məhsullarını özünüzlə aparasınız (travel pack – Head & Shoulders, Pantene, Always, Discreet, Blendamed və s.).
- Şri Lankanın qərb, mərkəz və cənub regionlarına gedəcəksinizsə, musson yağışları sezonuna düşməmək üçün ən ideal sezon Dekabr – Mart ayları arasıdır, May – Sentyabr aylarında güclü musson yağışlarına düşəcəksiniz. Yox əgər şərq və şimal regionlara getməyi planlayırsınızsa, o zaman ən ideal sezon əksinə May – Sentyabr aylarıdır.
- Hər ehtimala qarşı Travel Insurance almağı unutmayın. Onu 1 saata cəmi 15 manata ala bilərsiniz.

???? ŞRİ LANKA HAVA LİMANINDAN
- Təyyarədə sizə xüsusi miqrasiya sənədi verəcəklər (ABŞ-a səfər edənlər bilər), orada ilk qaldığınız hotelin ünvanını və passport detallarını qeyd edəcəksiniz. Passport Control-da bir problem olmayacaq və demək olar ki, heç bir sual vermədən sizi ölkəyə buraxacaqlar.
- Mütləq yerli mobil operatorundan nömrə alın, internet paketlə birlikdə (11GB = $12) nömrə sizə pulsuz veriləcək. Biz Mobiteldən almışdıq, ona görə də həmişə 3G internetlə online olurduq, mən 3G-ni heç söndürmürdüm, gecələr bəzən kinoya baxmağımıza baxmayaraq, 9 gündən sonra məndə hələ də balansda pul qalmışdı. İnternet sürətlidir.
- Nömrə aldıqdan sonra Pickme application-nı yükləyin. Bu yerli taksi tətbiqidir, baxmayaraq ki, ölkədə həm də Uber var, yerli olmasına baxmayaraq PickMe daha funksionaldır, Taxify (Bolt) və Uberdən daha geniş imkanları var. Məsələn, əvvəlcədən (bir neçə gün əvvəl dəqiq tarix və saata taksi sifariş edə bilərsiniz). Baxmayaraq ki, PickMe ancaq böyük şəhərlərdə işləyir (digər şəhərlərdə də bəxtiniz gətirsə, tətbiqlə taksi tapa bilərsiniz), onun ən başlıca xüsusiyyəti ondan ibarətdir ki, sizə A və B ünvanları arasında məsafəyə görə 90% dəqiqliyi ilə qiyməti göstərir. Tətbiqlə taksi tapmasanız, küçədəki taksi ilə hansı qiymətlə danışıq aparmağı biləcəksiniz. Qısa məsafələrdə Tuk-Tuk və ya Nano car götürməyiniz məsləhətdir, şəhərlərarası rahatlıq üçün minimum Mini götürün. Avtomobilin növünə görə qiymət dəyişəcək. Hava limanından şəhər mərkəzinə Nano ilə xərciniz 1300-1400 LKR (13-14 AZN) və avtobana görə əlavə 250 LKR (2.5 AZN) tutacaq. Qeyd etmək lazımdır ki, uzun məsafələrdə Mini götürəndə kifayət qədər xərciniz çıxa bilər, amma digər tərəfdən bu daha rahatdır. Bəzi qiymətlər; Colombo – Sigiriya (90 AZN), Sigiriya – Kandy (50 AZN), Kandy – Nuwara Eliya (mütləq qatar götürün = 2.5 AZN), Nuwara Eliya – Hikkaduwa (120 AZN), Hikkaduwa – Colombo (qatar daha uyğundur = 2 AZN). Şəhəriçi taksi xərciniz 1-5 AZN arası dəyişəcək.

????COLOMBO
• Tipik paytaxt şəhəri və meqapolisdir. Şri Lankanın bütün şəhərləri arasında ən az bəyəndiyimiz şəhər oldu. Ancaq yenə də sizə maraqlı ola biləcək köhnə Britaniya dövründən qalmış abidələri ziyarət edə bilərsiniz.
• İsti və rütubətlidir.
• Burada insanlar daha merkantildir. Ona görə də parkda kimsə sizə yaxınlaşıb, ağacları göstərsə, güllər barəsində danışsa və ya nədəsə yardımçı olsa, dini abidənin yanında sizə onun tarixi barəsində danışmağa başlasa, və ya sizə nəsə göstərmək istəsə, əmin ola bilərsiniz ki, sizdən sonda 500-1000 LKR istəyəcək. Ona görə qabaqcadan özünüzü hazırlayın: “Are you going to ask money for that?”, “Shall I pay anything to you?”.
• Bəzi restoranlarda menyuda qeyd edilməsə də, sonda sonda ümumi qiymətlərdən başqa cəm üzərinə 15% ƏDV və 10% service fee əlavə edilə bilər. Ona görə bunu əvvəlcədən dəqiqləşdirin. Ümumiyyətlə isə, restoranlarda qiymət çox münasibdir, ancaq spirtli içkilər bizdən daha bahadır. Yerli istehsal Lion Lager pivəsi belə 400 LKR-dən ucuz verilmir restoranda. Bu arada içmək məsləhətdir (Carlsberg istehsalı), məsləhətli pivədir ????
• Mütləq T-Lounge by Dilmah kafesinə gedin. Orada hər növ və formada çay və desert tapa bilərsiniz.
• Shopping üçün ucuz mallar almaq istəyirsinizsə, Train Station yanındakı bazara gedin və həmişə qiymət öldürün. Əgər yaxşı danışıq aparmaq qabiliyyətiniz varsa, 15 manata satılan bir şeyi 8 manata ala bilərsiniz (halbuki yerli bunu rahat 5 manata alır ).
• Şri Lankanın super yerli paltar brendi var – Odel. Onun mağazasını siz City Centre mall-da tapa bilərsiniz. Qiymətləri bizim Zara, Pull & Bear və Bershka kimidir, amma keyfiyyətinə görə onlardan daha üstündür.

????SİGİRİYA
• Səfər etdiyimiz ən isti region idi.
• Mütləq Pidurangala və ya Lion Rock-da çıxın. Amma istiliyi nəzərə alsaq, bunu ən geci səhər saat 6:30-da açılışda qalxın. Nəzərə alın ki, turist olduğunuz üçün siz adambaşına 50 LKR deyil, 5000 LKR ödəməli olacaqsınız. ???? Ümumiyyətlə, bütün ödənişli muzeylərdə turist kimi 5-10 qat daha bahalı olan bileti almalı olacaqsınız.
• Burada mütləq safariyə çıxın, azadlıqda yaşayan xoşbəxt filləri görmək məsləhətdir. Safari üçün ən yaxşı vaxt axşam 4-dən sonra və ya günorta 12-2 arasıdır. Bu vaxtı fillər su içmək və özlərini yumaq üçün gölə yığışırlar. Safari avtomobili sizə bir tur üçün 4500 LKR-ə, Milli Parka giriş isə bir avtomobilə görə 8000 LKR olacaq.
• Fillərə minməyin, ölçülərinə baxmayaraq bu gözəl heyvanlar ağrıdan əziyyət çəkirlər, onları əhliləşdirmək üçün onlara əzab verir və zəncirlə döyürlər, ona görə də onları safari zamanı kənardan izləmək daha yaxşıdır.

55547099_2351514354872969_4466599059641073664_n

????KANDY
• Şri Lankanın ən fərqli şəhərlərindən biri, burada çoxlu sayda park, abidə, şəhər mərkəzində isə göl var. Burada məşhur Budda müqəddəs evi var, sübhdə (7 am) və ya axşam (6:30 pm) dini mərasimlərdə getmək daha məsləhətlidir.
• Gecə istirahət üçün mərkəzdə yerləşən Sky Lounge-a getmək olar.
• Təəssüf ki, biz Kandy-də yalnız gecələyib və oradan qatarla Nuwara Eliya-ya getmək üçün gəlmişdik, ona görə də bu şəhər haqqında geniş məlumat verə bilməyəcəm.

????NUWARA ELIYA
• Şri Lankanın ən soyuq şəhərlərindən biri, gecə temperatur 12-13 °C qədər düşə bilər.
• Mütləq çay plantasiyalarını ziyarət edin, ekskursiya istəyirsinizsə, Pedro, Damro (keçmiş Mackwood) və ya Blue Field tea factory-ni ziyarət edə bilərsiniz. Biz Blue Field zavodunu seçdik və çox razı qaldıq. Burada siz həmçinin birbaşa plantasiya çayı ala bilərsiniz, bu çay eksport edilmir və Lipton, Dilmah, Ahmad tea kimi brendlərə satılır, onlar öz əlavələri və dəyişikliklərini edərək bazara çıxarırlar. Ona görə də 100-200qr çayın burada niyə 15-20 AZN olmasına təəccüblənməyin.
• Təəssüf ki, çay plantasiyalarında işləyən insanlar bizə reklamlarda göstərildiyi kimi o qədər də xoşbəxt deyil, gündəlik 20kq hədəflə səhər saat 7-dən 5-ə qədər çalışmaqla insanların aylıq maaşı cəmi 150.000 LKR-dir (150 AZN). Ona görə də onlarla şəkil çəkdirmək istəsəniz, mütləq icazə alın və şəkil çəkdirəndən sonra onlara 200-500 LKR hədiyyə edin. Belə onları sevindirə bilərsiniz.

Bluefieldtea
• Mütləq Ramboda Falls şəlaləsini ziyarət edin.
• Ümumiyyətlə, Nuwara Eliya Kiçik İngiltərə sayılır, belə ki, həm iqliminə görə, həm də burada çoxlu sayda plantator evləri və qədimi binalarına görə. Mütləq Grand Hotel-gedin və orada Magnolia restoranında şam edin və hoteli gəzin. Grand Hotel-də super bar var, orada da gedə bilərsiniz. Magnolia-da gecə bufeti də olur, amma adambaşı 3500 LKR ödəməyə dəyməz. A la carte menu daha münasibdir.
• Burada həmçinin The Hill Gentlemen Club var, ora da gedə bilərsiniz, amma nəzərə alın ki, burada adambaşı 200 LKR giriş pulu verəcəksiniz, sonda isə toplam məbləğin üzərindən 25% ƏDV və service fee ödəməli olacaqsınız. Bizim Şri Lankada ən bahalı şam yeməyimiz məhz bu restoranda olmuşdu (5900 LKR = 59 AZN). Həmçinin, burada ciddi dress-code və face control var. Rəsmi geyimdə gəlsəniz, sizin Gentlemen Room-a alacaqlar, əgər pencək və qalstuk olmasa, təəssüf ki, Casual Room-a getməli olacaqsınız. Şortla sizi içəri almayacaqlar.
• Bu şəhər bütün Şri Lankada çay plantasiyalarından başqa həm də çiyələk fermaları ilə məşhurdur. Mütləq Adma Agro Strawberry Shop-a gedin.

????HİKKADUWA
• Hind okeanı sahili. İsti, günəşli, təmiz, hamı üçün açıq.
• Mütləq yaxınlıqda yerləşən Mirissa beach və Galle şəhərinə səfər edin.
• Galle-də siz hollandların hələ əsrlər əvvəl tikdikləri və indiyə kimi dəyişməyən şəhərini və mayakı görə bilərsiniz.
• Həmçinin Unawatuna (Dalawella beach)-da məşhur palma ağacı var. İnsanlar adı ağacdan belə pul edirlər – swing-dən tullanıb xatirə fotosu üçün 500 LKR verməli olacaqsınız. ????
• Sahildə kef edin ????

????Total Spending for 2 persons for 9 days:
- Air ticket: $1000 (Dubai transit)
- Hotels: $520
- Entertainment, transport & food: $700
- Shopping: $300

Bütün bu yazdıqlarımı öncədən bilən, planlayan, təşkil edən və büdcələyən həyat yoldaşıma kudos! ????

Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…

Paylaşdı: Aliyar Huseynov

DİGƏR BLOQLAR

Ənənələr ölkəsi -Yaponiya

Tokiodakı bütün otel, apartament və hostelləri bu linkdən book (bron) edə bilərsiz.Qadınların şot buraxdığı, kişilərin əlini cibinə atmadığı, sən nəsə başa salanda başa düşdüyünü göstərmək üçün sooodane, sooo, ooo, aaa, e kimi qəribə səslər çıxarıb, ama əslində heç nə başa düşməyən insanların olduğu, yolların tərsinə olduğu, sol yox sağ tərəfin keçid üçün boş saxlanıldığı, içkili olduğuna görə qadının kişini yox, kişinin qadını daşıdığı, görəsən bu gün kimdən üzr istəyim fikri ilə hər səhər yuxudan oyanan yaponların yaşadığı Tokyodan hər kəsə salam))Çalışdığım qədər Wikipediadan, Googledan uzaq bir yazı paylaşıb Yaponiya haqda maraqlananlara sərf eləyən bir şey yazaram yəqin ki.1 il əvvəl qrupda yazdığım yazını keçən dəfə saytda gördüm. Ama yazıda bir səhv var idi. "Azərbaycanı tanıyanlar az deyil, Azərbaycan deyən kimi şoka düşənlər var demişdim" . Deməz olaydım). Sən demə tanımırlarmış. Ən başda yazdığım kimi yaponlar başa düşməsə də, bilməsə də hörmət əlaməti olaraq wooow Azərbaycan deyirlər. Əvvəl deyirdim ki, nə yaxşı, hamı tanıyırmış ki. Bir dəfə qayıdıb Azərbaycanı eşitmisiz? Azərbaycan haqqında nə bilirsiz sualını verdim və onda hər şey aydın oldu. Sən demə bu vaxta qədər bu boyda gündoğan ölkə məni yola verirmiş). Deyə bilərsiz ki, bu vaxta qədər heç mi bilən olmayıb Azərbaycan haqda? Olub. Azərbaycan deyən kimi Baku, Baku 2015, Formula 1, sovet, müharibə, neft, rich country deyənlər olub. Yaponlardan çox burda qaralar Azərbaycan haqda daha çox bilir. Nə qara qura işlər varsa bu Nigeriyalılardan çıxır. Ama adamların dünyagörüşü var. Turist kimi arada Kanadalılar görürəm. Onlar da Azərbaycan haqda bilir. Ən çox bilməyənlər Amerika, Yapon, Avstraliyalılardı.Keçən dəfə biri soruşdu haralısız? Dedik Azərbaycan( bu arada Yaponiyada Azerubaicyan deyilir). Adam qayıtdı dedi mənim kuzenim yapon səfiridi Azərbaycanda . Adın da dedi kuzeninin. İnternetdə baxdıq səfirə. Dediyi ada dəxlisi yox imiş. Adam yola verdi getdi. Ama keçən dəfə Azərbaycan haqda məlumatı olan bir yapon çıxdı qabağımıza. Dedi haralısız. Dedik Azərbaycan. Bakı bir qırağa, adam qayıdıb bolşoy klub Neftçi dedi. Beynimdə o qədər sual yarandı ki, adama heç nə deyə bilmədim. Baxa qaldım sadəcə. Ama dedi ki, Avropaya səyahət eləyəndə Türkiyəyə də getmişdim. Orda Azərbaycan haqqında da eşitdim. Ama gedə bilmədim ora. Sadəcə internetdə maraqlandım. Ama ümumi götürəndə çox retki adam bilər. Bəziləri televizorda görüb. Arada Azərbaycan haqda bir şeylər TVdə verirlər.İnsanlar bir biri ilə nə qədər yaxın olsalar da ərki çatmazlıq var aralarında. Məsələn 2 dost yapon biri o birinə nəsə alırsa bayaqdan deyib gülən çox yaxın olan yapon qayıdıb dalbadal çox sağol çox sağol çox təşəkkür eləyirəm baş əyməklər falan. Ama Azərbaycanda elə deyil. 2 nəfər yaxındısa davay bunun pulun ödə, nəyə gətirmişəm səni bura kimi zarafatla bir şeylər demək normal bir şeydi. Hər şeydə olduğu kimi, bunda istisna var. Kassa qabağında pulu kimin ödəyəcəyini seçmək üçün "qayçı kağız daş" oynayanlar da olub 1 2 dəfə.Yaponları görəndə elə bir təsəvvür yaranır ki, süni dostluq var. Birdən birə baş əyib çox sağol deyəndə içlərindəki əsl yaponluq üzə çıxır. Pis mənada demədim bunu. Yaxşı mənada da demədim.Bir dəfə marketdə işləyirəm. Müdir nəsə iş başa salır. Normal şəkildə dedim ki bilirəm lazım deyil başa salmaq. Qayıdıb dedi ki, doğurdan da siz Avropalılarla biz Asiyalılar çox fərqlənirik. Normalda Asiyalı hörmət əlaməti olsun deyə bilsə də qulaq asar. Axırda başa düşdüm deyər. Ama Avropalılar elə deyil. Bu söhbətdən sonra daha da əmin oldum ki, yaponlarda var 2 üzlülük. Elə bil özlərinə qayda qoyublar ki, sistemdən kənara çıxmaq lazım deyil. Əvvəldən necə olubsa indi də elə olmalıdı. Fərqi yoxdu məntiqlidi yoxsa yox. Adamların həyatı Black Mirrordu.Hər cürə adam var. Azərbaycanda bir insanın dəli olduğunu sırazı tutmaq olar hərəkətlərindən. Ümumiyyətlə dəli tapmaq olmur. Azərbaycanda camaat uzağı əsəbləri korlanır. Ama burda elə deyil. İnsanlar elə bil ki, standart yaşamdan qırağa çıxan kimi sırazı beyin yanır. Hərə bir cürdü. Hər cürə adam var. Hava soyuq vaxtı qadın çimərlik paltarında şəhərin ortasında gəzən birin təsəvvür eləyin. Nə məcburdu onu geyinmək. Qəribəsi soyuqda kupalnik geyinməsi deyil. Geyinən adamın kişi olmasıdı).Azərbaycanda hər kəs hər cürə problemə görə deyinə bilər. Ama burda camaat problem tapa bilməyib soyuq olduğuna görə deyinə bilir. Bu gün çox soyuqduyeee deyə deyə gəzənlər var. Həqiqətən şəhərdə problem yoxdu. Dövlətin əhaliyə diqqəti maksimum dərəcədədi. Adi bir mənasız şikayətə görə də gəlib izahat alırlar, üstünə düşürlər ki, şikayət eləyən adamın işi həll olsun. Kimsə kiminsə qatığın dağıtsa 4 5 dənə polis gəlib qatığı əl izi incələməsi üçün ekapertizaya aparar. Ciddi deyirəm. Bir nəfər marketdən elə belə yogurt götürüb yeyib. Polisə zəng eləyiblər. Polis 2 gün bu işin üstündə araşdırma aparıb. Yogurt qabını əl izi qalmasın deyə əlcəklə götürüb paketə qoyub apardı araşdırmağa. Belə baxanda polislər də haqlıdı. O qədər az qayda pozuntusu var ki, bikar qalmasınlar deyə 1 işin üstündə günlərlə araşdırma aparırlar.Bayaq dediyim kimi dövlətin insanlara qayğısı, diqqəti maksimum dərəcədədi. Metroya arabada əlil biri minirsə liftlə aşağı düşür. Sonra işçi platforma ilə qatar arasına lövhə kimi bir şey qoyur, əlil adamı mindirir qatara, getdiyi stansiyanı soruşur, həmin stansiyaya məlumat verilir ki, filan qatarın filan qapısında əlil adam var və çatdığı stansiyada başqa bir işçi əlində lövhə gözləyir ki, əlil adamı qatardan düşürsün.Bu arada metro demişkən Azərbaycan metrosunun bir şeyi yaxşıdı ki, təzə qatarı metroda görürsən, axşam da xəbərlərdə deyirlər ki, təzə qatarlar gəlib. Burda 1 il əvvəldən xəbər eləyirlər, şəkillərin vururlar ki, təzə qatar gətirəcik ay camaat. Bir də ki, burda metro xətləri özəlləşdirilib. Hərəsi bir iş adamına məxsusdu. Belə bir şey eşitmişəm. Hərəsinə aid bir rəng var. Hansısa xətdə olan qatarlar köhnə ola bilər, başqa xətdə təzə ola bilər, hansısa xəttin qatarlarında internet ola bilər, bəzi metrolarda platforma ilə qatar yolu arasında sədd olur, bəzilərində açıq olur. Yəqin ki, bu fərqlər də sahiblərinin fərqli insanlar olmasından irəli gəlir. Belə düşünürəm.Şəhərin özündən danışsaq təmizdi şəhər. Həm insanlar özü zibilləmir. Həm də bələdiyyə də bu işə nəzarət eləyir. Ama elə yerlər var ki, məsələn Şincyuku, Şibuya kimi camaatın içib əyləndiyi yerdə gecə zibillər çox olur. Ona görə də siçanlar çox olur. Ama günorta oralar da təmizlənir. Ümumiyyətlə Tokyo da qarğa və siçan ən çox görünən heyvanlardı. Yayda da həşəratlar falan olur. Bir də ki, heyvan demişkən, bəziləri hələ də fikirləşir ki, yaponlar it pişik yeyir. Burda camaat it pişiyi evində saxlayır. Mağazada da cins it pişiyin 1500 dollardan başlayır 2000 3000 4000 gedir. Pişik var qiyməti 50 000 dollardı. Bildiyin vaşaqa oxşayır. Yəni bu qədər pul verib, böyüməyini gözləyib, axırda da kəsib yemək məntiqsiz olar.Əgər Tokyoya gəlmək fikriniz varsa əvvəlcədən nəzərə alın ki, nəyə görə gəlirsiniz. Məsələn Yeni il vaxtı, Halloween vaxtı şəhərin qaynayan vaxtıdı. Millət şəhərdə olur. Ama yazda gəlsəniz sakura ağacları falan görə bilərsiz.1 2 dəfə kommentlərdə görmüşəm ki, aeroportdan şəhərə ən ucuzu metrodu deyiblər. Ən ucuzu bu deyil. Ən ucuzu Narita aeroportundan Şincyuku, Tokyo stansiyalarına 1000 yenə ( hardasa 10 dollar) avtobuslar gedir birbaşa. Ən sərfəlisi onlardı. Avtostopu ağlınızdan keçirməyin. Yoxsa aeroportdan qırağa çıxa bilməzsiz. Əsas da oğlanlara çox çətindi. Mümkünsüzdü də demək olar. Bəxtiniz çox retki halda gətirə bilər.Gələndə ola bilər ki, maraqlanasız ki, hava necə olacaq. İlin hansı vaxtı olur olsun nəzərə alın ki yağış yağa bilər. Ona uyğun planınızı qurun. Ama baqajınıza çətir qoymağa da ehtiyac yoxdu. Çətirdən çox çətir var burda. Bu arada eşitmişdim ki, yer altında depolar olur. Sular o depolara yığılır. Belə fikirləşəndə məntiqli bir şeydi. Çünki burdakı yağışa, leysana kanalizasiya sistemi dözməz. Günlərlə fasiləsiz yağışdan sonra ayrı gölməçə görmək olmur.Əgər harama, halala fikir verənsinizsə burda bacarmaq çox çətindi. Adamların çörəyi də haramdı, çayları da haramdı. Yox əgər elə də fərq eləmirsə, nə oldu yeyirsinizsə, məndən fərqli olaraq suşi sevirsinizsə, yapon mətbəxini sevirsizsə sizə çox rahat olacaq.Əgər exchangedə pulu dəyişəndə əlinizə 2000 yenlik pul düşsə onu saxlayın, xərcləməyin. Çünki yaponlar özü də retki tapır pulu. Keçən dəfə bir videoda gördüm dünyanın ən bahalı qəpiyi yapon 500 yenidi. Onu da saxlaya bilərsiz. Bir də ki, Yaponiyadan qayıdanda 3x4 şəklinizi çəkib hazır aparın Azərbaycana. Çünki burda aparatda özünüz çəkirsiniz. Qəribə vəziyyətdə düşmək ehtimalınız yoxdu. Şəkildə bütün düzəlişləri özünüz eləyirsiniz.İşdi birdən velosiped sürməli olsanız hər yerdə saxlamayın. Apararlar cərimə meydançasına. 50 dollar da ona ödəməli olarsız. Mənim başıma gəlib belə bir şey. Dostumun velosipedini göndərtmişəm cəriməyə. Özü də oxuyacaq yəqin bunu) qomen də Nicat)Bura gəlməmişdən qabaq xəstəxanalıq nə işiniz varsa hamısını eləyib gəlin. Çünki burda vəziyyət tamam fərqlidi və çox bahadı. Ola bilər ki, probleminizi həll olunmasın, ama əməlli başlı pul ödəməli olasınız. Atış gəlmirlər. Sadəcə vəziyyət başqa cürdüSonda ən vacib məlumatı da deyim. Yaponiya Çin deyil, Çin də Yaponiya deyil. Başqa başqa aləmlərdi))Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Azad Arzumanli

68 dəfə oxunub

Christmas turu part 1 - Budapeşt, Brüssel, Aachen

Budapeştdəki bütün otel, apartament və hostelləri bu linkdən (bron) edə bilərsiniz.Sizə nədən deyim, nədən danışım. Hal-hazırda Christmas turumuzun 5-ci günündəyik. Fikir verdim, qrupda bu tərəfə gəlmək istəyənlər çoxdu, ona görə də, bəzi şeyləri qeyd eliyim, bəlkə kiminsə işinə yaradı.???????????????????????????????????????????????????????????????????? Marşrut:Bakı ➡️Budapest ➡️Brussels ➡️Aachen ➡️Strasbourg ➡️Colmar ➡️Switzerland (bir neçə şəhərə getməyi planlayırıq) ➡️Ravensburg ➡️Konstanz ➡️Vienne ➡️Budapest ➡️Bakı????????????????????????????????????????????????????????????????????️ Biletlər;20 dekabr. Bakı-Budapest ➡️ 35 EUR (Wizz)21 dekabr. Budapest - Brussels ➡️ 19 EUR (Wizz)23 dekabr. Brussels - Aachen ➡️ 11 EUR (Flix)Aachen - Konstanz ➡️ Maşınla gəziləcək2 yanvar. Budapest - Bakı ➡️ 103 USD????????????????????????????????????????????????????????????????QEYDLƏR:???? Biletləri 1-2 ay qabaqdan aldım, aydın məsələdi ???? Budapest- Bakı reysini düz bir ay Airhint-lə izlədim. 180 dollardan 103-ə düşəndə risk elədim aldım. Səhv elədim. Çünki, salonun cəmi 50% dolu idi. Böyük ehtimal yenə də düşəcək idi və belə də oldu. Düz 70 dollara kimi düşdü ????‍♂️????‍♂️ Məsləhət odur ki, Airhint-dən əlavə, hər dəfə qiymət düşdükcə, yer seçiminə qədər davam edin və salonun dolu və ya boş olduğuna baxın. Uçuşa bir ay qalıb, yerlər cəmi 40-50% doludursa, mənim kimi tələsməyin ))???? Wizzair-lə birinci dəfə idi uçurdum. Narahatdır. Gecə uçuşu üçün isə, vapşe ölkə ucuna qoyulası deyil. Traxtur səsi verir. Budapest Brussels uçuşunda isə, çox yellədi, babat turbulens idi. Elə bil Quba yoluynan gedirsən ????‍♂️???? Bakıda çantalara heç baxmadılar. Amma Budapeştdə nemes kimi yoxladılar. Gözünüzün yaşına baxmadan, uyğun olmayan hər şeyi çıxardıb, zibil yeşiyinə tulluyasıdılar, əmin olun ???????? Avropa daxilində Wizz-də gecikmələr çox olur belə başa düşdüm. 1 saata kimi gecikdi. Özü də, terminalın içindən təyyarəyə kimi piyadaca gedirsən) Yəni, avtobusa da ekonomiya eliyillər ))???????? Budapest deyib, keçməyin. Mən də keçmədim ???? Miqrasiyadan rahat keçirsən. Mehriban şəkildə, peçatını vurur, göndərirlər. Yuxarı çıxırsan,100E avtobusu var, düz mərkəzə gedir, Deak Ference Ter metrosuna. Elə dayanacaqda aparat var, rahat oxuyub, ala bilərsiniz. Kartla da ödəmə var. 5-cə manata. Elə metronun çıxışında saxlayır. Düşdüyün yerdən bir az irəlidə, sağda ləzətdi bir yaxma obyekti var) Əlüstü girirsən, maraqlı çörək yaxmalarından yeyirsən, ucuzdu.Mən, mərkəzdə Boomerang hostel-də double room götürdüm, 35 EUR. Breakfast daxil. Parlament, Bazilika, Christmas market, Dunayın sahili, Opera binası, hamısı ayaqla gediləsi məsafədə. Xəritə götürüb, piyada gəzdim.Çox gözəl şəhərdir, camaatı da mehriban. Ucuz deyə bilmərik. Christmas marketdə qızıl balıq qızartması gördük, ürəyimiz getdi. Dedim, bunun dadına baxmaq lazımdı. Zakaz elədim. Yan tərəfdə bir xanım da, elə ondan yeyirdi, qayıtdı ki, bu çox bahadi haa, yavaş ol )) Dedim, nə qədər olar ki, aha olsun 10 evro. Dedi, darıxma. Nəysə, bizim balığı gətirdi, yanında da tərəvəz və s. Dedi, 24 EUR. Bayaqkı xanıma qayıtdım dedim, əşi, ömründə bi dəfə yeyirsən da, hər gün Budapeştdə balıq yemirsen ki ????‍♂️????‍♂️ (içimdə də özümü söyürem ki, lom, əvvəl soruş, sora al da, aliqarxsan sən??)Belə bahalı obedden sora, gedirsən Dunayda bir gəmi turu atırsan ki, aliqarx həyatın tam olsun. Gəmi, mütləqdir. Bütün Dunayboyu tikililəri görürsən, audio guide da var. Hər şeyi izah eliyir.Hə, bir də, yaxşı qulyaş yemək istəsəniz, Budapest Bistro ya gedin.Məşhur şirniyyatları olan kurtoskalac, boş şeydi. 1000 forintə boş olanıdır, 2000 forintə içərisinə dondurma qoyulur. Heç biri bir zad deyil, yəni, o pulun üstün düzəldin qızıl balıq yeyin məncə ????‍♂️???????? Brüssel. Ayraportdan şəhərə gəlmək od bahası, 17 EUR. Söhbət, Charleroi dan gedir. Info deskdən də soruşdum ki, ən ucuz nə cür gedim, dedi variant yoxdu, Flip gedir ancaq (avtobusdu). Düz bir saata Gare du Midi-yə gəldik. Mən də Airbnb de tutmuşam evi. O da ki, mərkəzdən yarım saat məsafədə, Jette də. Wizz onsuz da gecikmişdi, bir də yolun belə uzaq olmağı, ev tapşırığını da zəif eləmişəm, bilmirəm nətər gedim Jette-yə. Nəysə, vağzala girən kimi, birini tutdum, sağ olsun izah elədi. Bir başqası kömək elədi, bilet aldıq metroya (2.4 EUR). Başqa bir stansiyada düşüb, avtobusla getməliyik hələ. Gecə 11.30, yağış yağır. Sağ olsun Bakcell, Belçikada işləmir roaming internet paketi.. Kankret stress. Elə metrodan düşən kimi, bir day dayı tutdum ki, xəritəni göstərdim, sağ olsun, düz dayanacağa kimi gətirdi. Biznən bir yerdə avtobusu gözlədi. Avtobusa mindik, aha, bilet yoxdu. Gecə vaxtı yaxında aparat da yoxdu. Çıxartdım cash verəm, götürmədi şofer. Gətirdi düz binanın qabağına. Deməyim odu ki, çox mehriban, gözəl insanları var imiş. Heç belə gözləmirdim.Səhər durub yerli "şirin" kafelərin birində zavtrak eləmək istədik. Çox mehriban sahibəsi var idi. Xeyli piroq yedirtdi bizə, ancaq birinin pulunu aldı ))Brüssel baha şəhərdir. Hər yerdə hiss eliyirsən ) Eləcə pivə qiyməti normaldı, 2 evrodan başlayaraq. Grand Place ətrafında əla Christmas market var. Local yemək və içkilərin dadına baxa bilərsiniz. Monqol mətbəxindən tutmuş, Kanada içkilərinə kimi hər şey var idi ))Ümumiyyətlə, Brüsselin binaları çox gözəldir. Küçələr bir az ensiz və çirklidir. Amma, insanları xoş olduğu üçün, belə şeylər gözə görsənmir.???????? Aachen. Brüsseldən Axenə Flix-lə gəldik. Yarım saat gecikdi avtobus. WiFi da işləmirdi. Amma, rahatdı. Axen çox gözəl şəhərdi, qədimliyi gözə girir. Aldstadt - da çox gözəl Christmas market var. Indilərdə gəlsəniz, nağıl kimi bayram keçirərdiniz. Hələ ki, burdayıq. Bu gün hava küləkli olduğu üçün, Monschau-ya gedə bilmədik. Ona görə də gedim görüm, Christmas marketdə nə var ne yox. Sağlığınıza da bir iki bakal vuraram ???????????????? Sabahkı rotamiz ➡️ Strasbourg !P.S. O məşhur balığın da şəklin aşağıda görə bilərsiniz ????Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Valid Memmedli 

116 dəfə oxunub

Berlin - Zaksenhauzen düşərgəsi

Zaksenhauzen düşərgəsi, Üçüncü Reyx tərəfindən İkinci dünya müharibəsi dövründə Almaniyanın paytaxtı Berlin şəhərində yaradılmış, 1936 - 1945-ci illərdə fəaliyyət göstərmiş Nasist həbs düşərgəsi idi. Zaksenhauzen düşərgəsi Üçüncü Reyx tərəfindən yaradılan həbs düşərgələrinin idarə mərkəzi olmuşdur. SS birləşmələrinin də əsas təlim bazalarınan olan Zaksenhauzen həbs düşərgəsi digərlərinə nisbətən daim daha çox önəmə sahib olmuşdur. 1936-ci ildə yaradılan düşərgədə, müxətlif növ kabinalar və işgəncə otaqları vardı burada İndustie Zentrum adlanan və yalnız xüsusi həkimlərin bıraxıldığı əməliyyat mərkəzləri vardı. Burada məhbuslar üzərində müəyyən təcrübələr aparılır, onların işgəncələrə hansı şəkildə dözümlü olmaları yoxlanılırdı. Zaksenhauzendə qaz kameraları vasitəsilə minlərlə insan öldürülmüşdür. Məhkumlar əsasən düzgün qidalanmama, vərəm və dondurucu şaxtalar səbəbindən vəfat edirdilər. Yuxarıda göstərilən səbəblərdən başqa bir çox insan İndustie Zentrum otaqlarında tibbi təcrüblələr əsnasında öldürülmüşdür.1-ci şəkildə düşərgənin əsas girişi.2-ci şəkildə giriş qapısındakı məşhur “Arbeit macht frei (İşləmək azadlıq gətirir)” ifadəsi.3-cü şəkildə barakın əsirlərin yeməklərini yediyi hissə.4-cü şəkildə əsirıərin yatdığı hissə. Baraklarda minimum 158 əsir saxlanılırdı. Hər barakda 1 gün ərzində minimum 3 nəfər həyatını itirirdi.5 və 6-cı şəkillərdə əsirlərin hamam və tualeti. Hər səhər 158 əsirin hamam və tualetdən istifadə üçün cəmi 5 dəqiqəsi var idi.7-ci şəkil əsirlərin işlədildiyi mətbəx. Əsirlər divarlara marsqlı şəkillər işləyiblər, hansı ki, o şəkillər şüşə arxasında qorunur.8-ci şəkildə 13 yaşlı əsir Pierre Gartiserin qorunub saxlanan əsir paltarı. Düşərgədə bütün əsirlər elə geyinirdi.9-cu şəkildə əsir Franz Cyranekin şahmat taxtası.10-cu şəkildə düşərgədə fəaliyyət göstərən həbsxananın tək kameralı otağı.11-ci şəkil düşərgənin ümumi görüntüsü. Daş ilə içarələnən ərazilərdə də baraklar fəaliyyət göstərib. Amma sonrada söküldüyünə görə, hazırda muzey üçün bir neçə barak fəaliyyət göstərir. Düşərgənin ilkin vəziyyəti çox acınacaqlı olub, insanlar dəhşətə gəlirmiş, ona görə də muzey halına salındıqdan sonra hələ çoxlu ixtisarlar olub.12-ci şəkildə abidənin olduğu yerdə əsirlər güllələnirdi. İndi həmin abidənin üstündə öldürülən bütün millətlərin adı yazılıb.13-cü şəkildəki ərazidə əsirlər güllələndikdən sonra orada yandırılırdı, bəli yandırılırdı. İndi isə orda görünən bu heykəl qoyulub.14 və 15-ci şəkillərdə Morqun əsas və zirzəmisinin şəkilləridir. Yuxarıda sadalanan tibbi təcrübələr əsasən bu zirzəmilərdə həyata keçirilib.16-cı şəkildə isə qaz kamerasında əsirlərin son anda divara cızdıqları yazılar və məşhur “HELP” yazısı.17 və 18-ci şəkillərdə isə müasir memorialda əsirlər haqqında məlumatlar, onların siyahısı, şəxsi əşyaları eləcə də onlara tətbiq olunan silah - sursatlar, texnika, məişət əşyaları və s. saxlanılır.Oranienburg, Berlin, Almaniya ????????#sachsenhausenconcentrationcamp#oranienburg #berlin #germany[gallery ids="1955,1957,1953,1959,1966,1956,1951,1964,1963,1967,1968,1962,1958,1952,1954,1961,1965,1960" type="rectangular"]Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Abdulla Hasanli‎

110 dəfə oxunub

Vatikan - muzeylər

Vatikandakı bütün otel, apartament və hostelləri bu linkdən book (bron) edə bilərsiz.Romaya və Vatikana səfər edib muzeylərə pul ödəməyim və pulum cibimdə qalsın deyirsinizsə nəzərinizə çatdırım ki, hər ayın ilk bazar günü Romada olan muzeylər, hər ayın son bazar günü, saat 09-14:00 aralığında isə Vatikanda olan muzeylərə giriş pulsuzdur. İndiyə kimi qrupda Vatikan haqqında bir çox post görmüşəm və bir çoxunda Vatikan üçün xeyli miqdarda pul ödədiklərini yazıblar. Onu deyim ki, Vatikanı gəzmək üçün heç də 50-60 avro pul ödəmək lazım deyil.Vatikan muzeyi və Sistine Şapelinə giriş qiyməti 17 avrodur, Postun sonunda göstərəcəyim saytlardan online rezervasiya edib sıra gözləmədən gəzə bilərsiz. Online rezervasiya üçün əlavə 4 avro ödəmmək lazımdır. Tələbələr üçün endirimli qiymət 8 avrodur. St Pietro Bazilikasına giriş pulsuzdur, qarşısında xeyli növbə olur, bunun üçün səhər saatlarında gedib növbəni 15-20 dəqiqəyə keçmək olur. St Pietro Bazilikasının ən yuxarı hissəsində olan qübbəyə qalxıb möhtəşəm Vatikan mənzərəsini görə bilərsiz.Buraya çıxmaq üçün girişdə 5 avro ödəyib 550 pillə qalxmaq lazımdır və yaxud 7 avro ödəyib pillələrin ilk 230-nu liftlə qalxa bilərsiz. Amma əsas çətinlik elə növbəti 320 pillədə olduğu üçün boşuna 2 avro əlavə ödəməyin. Sona doğru keçid çox darlaşır və eyni anda 1 nəfər ancaq irəli hərəkət edə bilir. Bizim qarşımızda yaşlı insanlar qalxdığı üçün son 50 pilləni bəlkə də yarım saata qalxdıq. Zirvəyə çatdıqda isə insan heyran olur. Möhtəşəm Vatikan mənzərəsi ayaqlar altında olur. Mənzərəyə heyran olub burada ən az 1 saata yaxın vaxt keçirdim.Vatikanda mütləq görülməsi yerlərdən biri Sistine şapelidir. Rafael, Leonardo da Vinci, Caravaggio kimi məhşur sənətkarların əsərlərini, Michelangelonu şapelin tavanına çəkdiyi portretləri gördükcə adamın ağzı açıq qalır. Dan Brown kitablarının fanatısınızsa Vatikan səyahətini tam başqa hisslərlə və gözlə edəcəksiniz. 1932-ci ildə memar Giuseppe Momo tərəfindən hazırlanmış spiral nərdivanlar isə əsl foto çəkiləsi yerdir. Vaxtınız varsa Vatikanı qaranlıq düşdükdən sonra da görün. Səyahətiniz zamanı Vatikana ən az 1 gün vaxt ayırın. Vatikan səyahətinin tək mənfi tərəfi hər yerdə insan selinin olmasıdır. 0.44 km² ölçüsü ilə dünyanın ən balaca ölkəsi hesab edilən Vatikan hər il 5-6 milyon aralığında turist qəbul edir. Sonuncu Vatikan səyahətindən yadımda qalan bunlardır, əlavə suallarınız varsa cavablaya bilərəm.http://www.museivaticani.va/content/museivaticani/en.html) (https://biglietteriamusei.vatican.va/musei/tickets/do…Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Gəzgin Həyat

78 dəfə oxunub
YENİLİKLƏRƏ ABUNƏ OLUN