827 dəfə oxunub

İzmir bələdçisi (Part 1)

İzmir səyahəti / 3-10 sentyabr  

1 aylıq Bakıya gəlib məsuliyyət anlayışı olmayan adamlar ilə işimi tamamladıqdan sonra qərar verdim ki, mənim beynim sadəcə 1 həftə hər şeydən kənarda dincəlmək istəyir... Beləliklə uçuş vaxtına 2 həftə qalmış kifayət qədər ucuz biletlər tapıb yollandım səyahətə. Əsas məsələ: vaksin sertifikatım yoxdur (hələ çiplənməmişəm, amma bu səyahətdə vaksinə görə keçirdiyim stress-dən sonra qərara (tam olmasa da, hələ də tərəddüd edirəm) gəlmişəm ki, sırf səyahət burnumdan gəlməsin deyə çiplənəcəm). 

Varşava – Lviv / LOT Polish Airlines / Economy Saver tarifi (8 kq əl yükü ilə) 

Uçuş Embraer 195 təyyarəsi ilə həyata keçirildi, visitukraine.today saytından ölkəyə giriş-çıxış qaydalarını oxudum (Niquş-dan soruşmadım ????), antigen testimi verdim və online check-in edib getdim birbaşa gate-ə (hava limanında qeydiyyat masalarına yaxınlaşmadan). Üstün cəhəti: əl yükünü ölçən olmadı. Uçuş zamanı su və snacks-lər (3 növ, əsasən şirin) təqdim etdilər (sağ olsunlar). Lviv-da 8 saat tranzit müddətim var idi, amma hava limanında tranzit zona olmadığı üçün və vaxtımın çox olduğunu nəzərə alaraq dedim ölkəyə daxil oluramsa gedim bir şəhəri gəzim, yeyib-içim. Mən Vdoma mobil tətbiqini yükləməmişdim, onu mütləq yükləyin (test verib gedənlər), çünki gömrük işçiləri sizi onsuz (mobil tətbiqsiz) ümumiyyətlə pasport nəzarətinə buraxmayacaqlar. Hava limanında pulsuz WiFi var. 

Hava limanından mərkəzə 10 UAH-a bilet alıb avtobus ilə getmək olar (25 dəq). Ödəniş yalnız nağd qəbul edilir avtobuslarda, təəssüf ki.

Opera Teatrını və ətrafını, parkları, mərkəzi küçələri (Old Town) gəzdikdən sonra yollandım ən sevdiyim iki yerə: Lviv Handmade Chocolate və Pyanaya Vishnya (ölkəyə girmək məqsədim bu 2 yerə getmək idi). Bol şokolad və içki alıb (gömrük qaydalarına uyğun olaraq) dedim gedim bir ukrainski borş yeyim.

Mərkəzdə göz oxşayan restoran çox idi, amma nədənsə bir steak house-u (Churrasco Grill & Beer) çox bəyəndim. Hələ ordaca bir borş və hinduşka ətindən steak vurdum bədənə, üstündən də gaşax kofe içdim (üstünə 2 kilo qaymaq qoymuşdular, unutdum deyəm ki: "qaqa, bu qlamurlar üçün nəzərdə tutulmuş zadı mənim qəhvəmin üzərinə zırlama başına dönüm ????"), hesabı kart ilə ödədim (cəmi 25cə manat, şokdasınız? elə mən də!) və qayıtdım hava limanına gedən avtobusu tapmağa.

Soruşmadan ("rus dilində danışsam döyərlər, qoy luçşe Google maps-a baxım") gəldim çıxdım avtobus dayanacağına. 10-15 dəq gözlədim və vualya: avtobus gəldi, yenə də 10 UAH-a bilet aldım avtobus içində sürücüdən və 25 dəq içində oldum hava limanında. Beləliklə, ortalama 5-6 saat içində Lviv-u alt-üst edib getdim növbəti uçuşa. Yeri gəlmişkən, hava limanında cəmi 10 USD dəyişdim ki, avtobus pulunu verməyə üzərimdə nağd pul olsun (90% cibimdə qaldı, növbəti səfərlər üçün). Qalan hər yerdə ödənişlərimi Revolut kartı ilə (Apple Pay vasitəsi ilə) və ya Pasha Miles Platinum kartım ilə həyata keçirirdim (exchange dərdi çəkmədən). Daha bir vacib məqam: sığorta – visitukraine.today saytında bir neçə sığorta şirkəti var, amma qiymətləri və minimum 3 günlük sığorta etməklərini bəyənmədim deyə google edib oneclick.ua saytını tapdım və 1 günlük sığortaya təxmini 2,5 AZN verdim. 

“Lviv, növbəti görüşlərədək” deyib, sevimli aviaşirkətim THY ilə İstanbula, ordan isə İzmirə uçuşa yollandım... 

Lviv – İstanbul – Varşava / THY / 40 kq baqaj + 8 kq əl yükü daxil 

İstanbul – İzmir – İstanbul / THY / 25 kq baqaj + 8 kq əl yükü daxil 

Lviv-dan İstanbula uçmaq üçün əlbəttə ki ilk öncə Türkiyəyə giriş qaydaları ilə tanış olmalı idim. Bunu THY-nin və İATA-nın rəsmi saytları vasitəsi ilə etdim (yenə də Niquş-dan soruşmadım ????). Vaksin sertifikatı olmadığı üçün antigen və ya PCR testlərinin nəticələri ilə Türkiyəyə uça bilərdim. Varşavada verdiyim antigen testi ilə Varşava – Lviv uçuşundan sonra Lviv – İstanbul uçuşuna da keçdim (Lviv-da test verməyə ehtiyac olmadı, çünki 48 saat müddətini aşmamışdım). HES kod: register.health.gov.tr saytından qeydiyyatdan keçərək kodu əldə etdim (hava limanında etdim, cəmi 2 dəq zamanımı aldı). Uçuş Airbus təyyarəsi ilə həyata keçirildi. Uçuş zamanı isti yemək, içki (isti, soyuq və alkoqol) və gigiyena seti təqdim edildi. 


Yeri gəlmişkən, biletlərimi ayrı-ayrı almışdım, amma qeydiyyat (check-in) zamanı hər iki PNR / booking kodu göstərdim, baqajı birbaşa İzmirə rəsmiləşdirdilər, mənə də 2 boarding pass (Lviv – İstanbul və İstanbul – İzmir) verdilər. 


İstanbulda test nəticələrinə pasport nəzarətində heç baxan belə olmadı, daxili uçuşlar (iç hatlar) transferi ilə keçəndə pasporta möhür vurub dedilər hadi bay-bay ???? Test nəticələrini və HES kodu yalnız Lviv-da boarding zamanı istəmişdilər. 


İstanbul hava limanında 6 saat tranzit müddətim var idi və gecəni hava limanında qalmalı olduğum üçün yatmağa yer lazım idi. İlk öncə, THY-nin mobil tətbiqindən Flight Status bölməsinə keçid alaraq İstanbul – İzmir uçuşunun səhər hansı gate-dən olacağına baxdım (hava limanında bu məlumat uçuşa 1 saat qalmış elan edilir ekranlarda, lakin mobil tətbiq-də bu məlumat 12 saat qabaqcadan göstərilir). Daxili uçuşlar üçün nəzərdə tutulmuş terminalda da beynəlxalq uçuşlar üçün nəzərdə tutulmuş terminalda olduğu kimi xüsusi zona var və orda uzanmaq üçün kreslolar var. Hələ həmin kreslolarda 3-4 saat mürgülədim və səhər 5:30da naçalnik (oxu: budilnik) məni oyatdı ki, bala dur get uçuşa... Artıq gate-i bilirdim deyə birbaşa getdim uçuş qapısına doğru. Təyyarəyə mindik, uçuş müddəti 40 dəqiqə, uçuş zamanı yalnız su verdilər (THY gözümdən nətər düşdüsə bu uçuşdan sonra qayıdıb feedback yazmışam, LOT, Buta və AZAL-ın qısa məsafəli uçuşlarını nümünə gətirərək, ümid edirəm nəzərə alarlar). İzmirdə enəndə daxili uçuşlar üçün nəzərdə tutulmuş terminala gəldim, amma sonra öyrəndim ki, baqajı Lviv-da təhvil verdiyim üçün beynəlxalq uçuşlar üçün nəzərdə tutulmuş terminala getməliyəm. 10 dəqiqə piyada gedib terminala çatdım, baqajımı götürdüm və yollandım hara? Əlbəttə ki, bron etdiyim otelə, early check-in üçün... davamı növbəti postda! Tezliklə! 


Şəxsi instagram hesabım: @ilgarafandi

Faydalı olmaq diləyi ilə!

#ilgarafandi #tripbyilgar #tripbyafandi #t2taz #time2travelaz #gzynlr #gezeyenler #lviv #turkishairlines #thy


P.s. Səyahət ilə bağlı bütün postlarımı həm instagramda, həm də qrupda #tripbyafandi hashtagi altında oxuya bilərsiniz ???? 

DİGƏR BLOQLAR

Hurghada bələdçisi

Hurgadadkı otel və hostelləri bu linkdən book (bron) edə bilərsiz.Piramidalar... Nil çayı... Qırmızı Dəniz... Aralıq Dənizi... Çəkici gəlir, həm də çox çəkici. Elə məni də bir neçə il öncə özünə çəkdiyi üçün götür-qoy edib, planımı cızdım və maraqlı olsun deyə, hamı kimi nə Qahirəyə, nə də Şarm-Əl Şeyxə deyil, Hurghada şəhərinə getməyə qərar verdim. Bakıdan birbaşa uçuş olmadığı üçün bileti Tbilisi-Hurghada olaraq aldım. Çantamı da yığıb, yol aldım Misirə tərəf. Hurghada hava limanına endik. Elə hava limanında anladım ki, buranın insanı başqa aləmdir. Baqajımı təhvil alandan otelə çatana qədər hər üzünü gördüyüm ərəb mənə baxıb, “baxşiş” istəyirdi. Hər addımbaşı aldadılmaq, kələk qurbanı olmaq burda adi haldır. Odur ki, bir an öncə otaqda uzanıb, doyunca dincəlmək və ən əsası da burdakı fırıldaqları öyrənmək üçün internetdə balaca bir araşdırma eləmək istədim.Booking etdiyim otel düz Qırmızı dənizin sahlilində idi. Otelin həyəti tamamilə Qırmızı Dənizə bitişik idi. Receptionda isə mənə dedilər ki, bəs otel ağzına qədər doludur, sizin üçün planladığımız otaq saat 11:00-da boşalacaq. Heç nə demədən, razılaşdım və lobbidə oturub interneti açdım, wifi kodunu istəyəndə isə həmin ərəb qardaş mənə dedi ki, burda qalacağın müddətdə wifi istəyirsənsə pul ödəməlisən, tariflər çox idi, nə isə 15 dollar ödəyib bir həftəlik tarif aldım. Oteldə nömrəmə yerləşəndən sonra, bir azca dincəlib, düşdüm Qırmızı Dənizə. Şəkillərdən də göründüyü kimi, dəniz o qədər təmiz, o qədər şəffaf idi ki, dərin yerlərdə də dənizin dibini görmək mümkün olurdu. Dənizin sahilində addımladıqca, ayağımın altından sağa-sola qaçan rəngli balıqlar və xırda dəniz həşəratlarına baxmaqdan doymurdum. Hurghada sakit, həm də yeni salınmış şəhərdir. Belə eşitmişdim ki, bu şəhər sırf turistlər üçün qurulmuş şəhərdir və buranın əhalisi bütünlükdə turist axınından dolanır. Ona görə də sözün həqiqi mənasında ora gələn turistə yerli ərəblər, “nə qoparda bilsəm qənimətdir” kimi baxırlar. ))) İnanın ki, gedəcəyim bir yer üçün yaxınlaşıb, yol soruşduğum hər 4 ərəbdən 3-ü yolu göstərdiyi üçün də məndən pul istədi) Nə isə keçək şəhər təbiətinə. Hurghada əsl istirahət şəhəridir. Bura nə alış veriş üçün nə də səyahət üçün münasib seçim deyil. Bu şəhərə yalnız dəniz üçün, dincəlmək üçün gəlmək lazımdır. Onu da deyim ki, misirlilər rusları çox sevir. Rus dilində mağaza adları, restoran menyuları, xidmət sferalarındakı rusdilli işçi sayı çoxdur. Rus dilini bilirsinizsə burda rahat-rahat gəzə bilərsiniz. Oteldə ölkədaxili tur xidməti var idi. Yaxınlaşdım və Qahirə turu üçün rezerv etdim. Toplam tur üçün 70 dollar ödədim. Tura daxil idi –Hurghada – Qahirə - Hurghada istiqamətində komfortlu avtobus, gün ərzində yemək (yeməyə su daxil deyildi, yəni restoranda oturub, istədiyin hər şeyi pulsuz sifariş edə bilərsən, amma su istəsən onun pulunu ödəməlisən), Qahirədəki bir neçə muzeyə giriş biletləri, Piramidalara və Sfinks məbədinə səyahət və s. İnsaf naminə onu da demək lazımdır ki, Qahirə və ümumiyyətlə Misir – səyahət üçün gözəl yerdir. Misir Tarix Muzeyi çox möhtəşəmdir, muzey daxilində çəkiliş aparmağa icazə vermirlər. Lakin sizə əminliklə deyə bilərəm ki, bir gün başdan-başa, 24 saat bu muzeyi gəzsəniz belə, bütün eksponantların hamısına baxmağa vaxt çatmaz. Nələr yoxdur ki muzeydə ? – Fironların mumiyaları, Kleopatranın qızıldan taxtı, mumiyalanmış kahinlər və s. Və maraqlısı odur ki, mumiyalar xüsusi soyuq otaqlarda və şüşə altında saxlanılır, şüşələrin hər iki tərəfindən süni şəkildə soyuq hava sirkulyasiyası vurulur. Mumiyalardan gələn ətir o qədər xoşdur ki, indiki “bərkgedən” parfümlərin heç birindən belə gözəl qoxu gəlmir. Bu bir daha qədim Misirdə olan mədəniyyətin hansı səviyyədə inkişaf etməsindən xəbər verir. Bir sözlə yolunuz Misirə düşsə bu Muzeyə baxmadan geri gəlməyin. Çünki bu muzeydə görəcəklərinizi dünyanı 10 dəfə fırlansanız da başqa yerdə görə bilməyəcəksiniz.​İkinci məntəqəmiz ecazkar Misir ehramları – piramidalar idi. Piramidalar Qahirə mərkəzindən çox da uzaqda olmayan Gizada yerləşir. Bəzən filmlərdə, yaxud şəkillərdə piramidaları düz Nil çayının sahilində təsvir edirlər, əslində isə belə deyil. Piramidalar Qahirədən bir az yüksəklikdə, demək olar ki, səhralıqdadır. Ehramların ətrafında dağılmış məbədlər, sınmış sütunlar, məhv olmaqda olan tarix izləri saysız hesabsızdır. Ehramların yanında dəvə ilə gəzən ərəblər sizə fotoşəkil üçün dəvə təklif edəcəklər, qəti şəkildə qiymətini əvvəlcədən danışmadan dəvəyə minməyin. Və əgər bunu etmək istəsəniz əlinizdəki əşyaları kömək üçün “verin saxlayım” deyən balaca ərəb uşaqlarına verməyin, yoxsa bu qarabalalar sizdən 10-15 dollar almasalar sizin əşyalarınızı geri qaytarmayacaq. Zorla istəsəniz onsuz da ala bilməyəcəksiz ))). Piramidaların ən böyük olan Xeops ehramıdır. İçinə girməyə dəyməz, çünki maraqlı heç nə yoxdur. Dar bir koridora bənzəyən pilləkənli yerdən keçib, balaca bir otağa daxil olacaqsız və orda da heç bir şey yoxdur. Əvəzində isə 15 USD alacaqlar.Alış veriş üçün bazarlarda qiymət danışa bilərsiniz həm də əsl azərbaycansayağı formada. Almaq istədiyim bir qab üçün tələb olunan 55 USD əvəzinə 12 USD ödəyib aldım. Yəni sizə hər deyilən, hər üstündə yazılan qiymət mütləq şəkildə şişirdilmiş qiymətdir. Çəkinmədən bazarlıq edin. Mətbəxləri dadlıdır. Ədviyyatdan çox istifadə edirlər. Başqa ölkələrə nəzərən burda “nə yeyim” sualı verməyəcəksiniz özünüzə. Ət yeməkləri boldur. Bir sözlə, bu ölkədə çox diqqətli olun, hörmətli olun )))) Ümid edirəm yorucu yazı yazmamışam.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Şirxan Ayxan Adgözəl

654 dəfə oxunub

Şokolad qoxulu - Brüssel

Brusseldəki bütün otel, apartament və hostelləri bu linkdən book (bron) edə bilərsiz.Salam Gəzəyənlər,Bu dəfəki yazımda sizə Belçikanın paytaxtı olan Brüsseldən danışmaq istəyirəm. Bu qrupda da daha öncə soruşulmuş və məni də getmədən düşündürən bir neçə sualı cavablandırım ilk öncə.1. Brussels Charleroi aeroportundan şəhər mərkəzinə necə getmək olar?https://www.flibco.com/en#/booking - Flibco şirkətinə məxsus shuttle buslar hər yarım saatdan bir yola düşürlər. Aeroportda kassalardan da bilet əldə edə bilərsiniz və ya elə qeyd etdiyim öz rəsmi saytlarından da ala bilərsiniz. Return biletlərdə Qiymət fərqi sadəcə 3 eur olur.Onu da qeyd edim ki, Flibco ilə aeroportdan həmçinin Brugge-yə, Luxemburqa və başqa şəhərlərə də shuttle buslar mövcuddur, saytdan yoxlaya bilərsiniz. Brüsseldə isə Brussel-Zuid qatar stansiyasında dayanır, bu qatar stansiyası da şəhər mərkəzindən 3km uzaqlıqdadır.Şəhərin mərkəzi nöqtəsi “Grand Place” sayılır. Səyahətinizi planlayarkən, başlanğıc nöqtəsi olaraq buranı götürə bilərsiniz.2. Brüsseldə harda gecələməliyəm?Mən Brüsseldə 3 gecə qaldım. İlk 2 gecəni şəhərin mərkəzinə yaxın olan “Sleep Well” hostelində qaldım. Sonuncu gün isə uçuşum səhər olduğuna görə Brussel-Zuid qatar stansiyasına yaxın “Brxxl 5 City Centre Hostel” adlı hosteldə gecələdim. Hər ikisinin yerindən, otaqlarının rahatlığından və ən əsası təmizliyindən məmnun qaldım.3. Brüsseldə haraları gəzib görməliyəm?https://www.vivastour.com/en - Viva’s Tour Brüsseldə, Bruggedə və digər şəhərlərdə pulsuz turlar təşkil edən həvəskar gənclərdən ibarət bir qurumdur. Saytdan əlavə olaraq şəhərlərdə fəaliyyət göstərdiklərinə nəzər yetirə, orda olacağınız tarixlərdə keçiriləcək turların vaxtını öyrənə və qeydiyyatdan asanlıqla keçə bilərsiniz. Sonda “ürəyinizdən keçirsə” prinsipi ilə sadəcə onlara maddi dəstək olmağınızı xahiş edə bilərlər. Ancaq tur pulsuzdur, heç kim qeydiyyat üçün və ya başqa səbəblə sizdən pul tələb etməyəcək.Əsas da mənim kimi tək gəzirsinizsə, yeni insanlarla dostlaşmaq və maraqlı vaxt keçirmək üçün yaxşı vasitədir. Tur müddəti 2 saatdır.Yazımı qısa tutmaq üçün gəzməli görməli yerləri haqqında deyil də, bir neçə maraqlı məqamları bölüşmək istəyirəm.1. Şəhəri gəzərkən qətiyyən başı aşağı gəzməyin, binaların divarlarında çəkilmiş şəkilləri qaçırarsınız yoxsa. Onlardan biri haqqında məlumat vermək istəyərdim. Şəkillərə nəzər yetirərkən görəcəksiniz ki, birində iki gənc bir birini qucaqlayaraq addımlamaqdadırlar. Bu şəkildə birinci maraqlı məqam bu gənclərin kişi və ya qadın olduqlarını tam əminliklə vurğulamaq çətindir. Rəssam elə çəkib ki, hər kəs görmək istədiyi cinsdə görür hər ikisini. İkinci maraqlı məqam isə şəklin yuxarı küncünə fikir versəniz, görəcəksiniz ki, güzgü effekti ilə gənclər olmadan sadəcə mənzərənin əksi təkrar çəkilmişdir. Və bu şəkildə əks olunan küçə elə hal-hazırda şəklin yerləşdiyi küçədir. Şəkildə göstərilmiş Plattesteen restoranı hələ də orda fəaliyyət göstərməkdədir.2. Küçə adlarını göstərən iki tip yazıları görəcəksiniz. Arxa fonu göy olan isimlərdə həm Dutch dilində, həm də fransız dilində rəsmi küçə adları əks olunur. Google map bu adlarla işləyir. Ağ fonda qeyd olunan küçə adları isə daha çox yerli xalq tərəfindən istifadə olunur, belə desək, küçələrin ləqəbləridir.3. Manneken-Pis – Bu balaca oğlancığazın 900dən çox kostyumu var və hər gün o günün anlam və önəminə uyğun olaraq geyindirilir. Mənim səyahətim günü təmizlikçilərin günü idi və şəhərdə qeyd olunurdu.4. La Caverne aux Cadeaux – şəkildə də əks olunan mağaza gəzdiyim mağazalar arasında ən ucuz hədiyyəlik əşya satılan mağaza idi.5. Delirium – 2400dən çox pivə növlərinin satıldığı küçə boyunca yerləşən publar silsiləsidir. Əgər siz də bu pivələri dadmadan getmək və eyni zamanda çox da alkol qəbul etmək istəmirsinizsə, mənim də yoxlayıb bəyəndiyim “Floris Strawberry”ni məsləhət görərdim.6. Çox vaxt tək gəzdiyim və hər dəfəsindən insanları narahat etməmək üçün tripot istifadə edirəm. Çiynimdə tripotla məni görənlər blogger hesab edib öz şəkillərini çəkməyimi xahiş edirdilər. Onlar arasında 7 yaşında balaca qız uşağından tutmuş 60 yaşında yaşlı kişi də var idi  və getmədən soruşduğum suallardan biri də tripotla bağlı idi. Çox rahatlıqla çiynimdə keçirə bildim.7. Türkiyənin tanınmış üzü Nusretin Saltbea hərəkəti isə Belçikanın yerli camaatı tərəfindən də maraqlı şəkildə təqlid olunur. Bunu isə yerləşdirdiyim videoda görə bilərsiniz.(https://www.facebook.com/yasakhey/videos/pcb.524565087938712/1760369244056157/?type=3&theater&ifg=1 )Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Yasa Khey

748 dəfə oxunub

CAR-ın rəngarəng paytaxtı - Keyptaun

Salam, Əziz Gəzəyənlər.Sizə Keyptaun (Cape town), Cənubi Afrika Respublikasındakı təəssüratlarımı bölüşmək istəyirəm. Bəlkə gələcəkdə kimin üçünsə yararlı olar. İlk öncə onu qeyd edim ki, Bakıdan Keyptauna birbaşa reys yoxdur və ən uyğun yollar Bakı-Doha-Keyptaun və Bakı-İstanbul-Keyptaundur. Daha ucuz başa gəlməsi üçün isə Bakı-İstanbul-Yohannesburq-Keyptaun və bir sıra başqa yollar mövcuddur. Mən Bakı-Doha-Keyptaun ilə gedib eyni yolla da qayıtdım.Ölkədə pul vahidinin dəyəri dollara nisbətən çox aşağıdı və qiymətlər demək olar ki, bizim ölkə ilə eynidir. Təbii ki, bəzi istisnalar var misal üçün benzin çox bahadı və bununla əlaqədar olaraq ictimai nəqliyyat və taksilər də bahadı. Bakıda uberlə 4 manata getdiyim yolu orda uberlə 20 manata getdim :)) Daha bir mənfi cəhəti su krizis zonası olmasıdır. Getdiyiniz kafe, restoran, otel və s yerlərdə su tapmaya bilərsiniz və bunun üçün sizə əvəzedici vasitələr verəcəklər. Hətta demək olar ki, hər yerdə suyun onlar üçün nə qədər önəmli olduğu yazılıb. Otellərdə açıq qalmış suyun bir dəqiqədə neçə litr işləndiyi qeyd olunub və "dişlərinizi fırçalayan zaman suyu bağlamaqla bizə kömək etmiş olarsınız" kimi elanlarla rastlaşa bilərsiniz.Bütün bunlara rəğmən şəhəri çox bəyəndim. Möhtəşəm təbiəti olan bu şəhəri gəzmək üçün isə mən deyərdim ki, ən azı bir həftə lazımdır. Gəziləsi yerləri çoxdur. Orta məktəb kitablarından öyrəndiyimiz cənub-şərqin və cənub-qərbin ən ucqar nöqtələri olan Ümid burnu və İynə burnu da bu şəhərdə yerləşir.Ən çox bəyəndiyim yer isə şəkillər arasında rəngarəng evlər olan Bo-Kaap küçəsi oldu. Küçənin maraqlı tarixçəsi var onun haqqında da qısa yazım. Demәli Cәnubi Afrikaya gәtirilәn müsәlman qullar, müstәqillik qazanıldıqdan sonra Afrikaya gәlmәmişdәn öncә sahib olduqları peşәlәri ilә pul qazanmaq qәrarına gәlirlәr. Onlar şəkildə gördüyünüz küçәdә özlәri üçün kiçik şәhәrcik salıb burada mәskunlaşıblar. Daha sonra hәr peşәnin sahibi evini bir rәngә boyayıb. Misal üçün hәkimlәr qırmızı, tәmirçilәr sarı vә s. Bununla da onların ünvanı artıq asanlıqla tapılırdı. Hәkimә getmәk istәyәn artıq birbaşa qırmızı evә, təmirçi istəyən birbaşa sarı evə və s. Burada yaşayanların demәk olar ki, hamısı müsәlmanlardı vә özlәrini keyp-malaylı (cape-malay) adlandırırlar. Hәtta küçәnin girişindә kiçik bir mәscid dә yerlәşir.Yazılası çox şey var əslində bezib yarımçıq saxlamayasız deyə çox yazmıram  Sualınız olsa commentdə cavablayaram ????Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Eldar Əzimov

1295 dəfə oxunub

Ahh Paris Parisss

Parisdəki otel, apartament və hostelləri bu linkdən book (bron) edə bilərsiz. Paris deyəndə ağıla ilk gələn əsərlərdən biri də Amelia filmi olduğundan filmin soundtrackını burda sizinlə paylaşıram. Əgər filmə baxmamısınızsa bu yazıdan sonra ilk iş elə filmə baxmaq olsun [youtube https://www.youtube.com/watch?v=7Me2k7uro2E] Bu ilin yanvar ayının sonları idi imtahanlar filan qurtarmışdı, Parisdə olan türk dostumla danışırdım. Dedi ki, bəs geyin-keçin gəl buralara. Mən də eləmədim tənbəllik, (sanki vacib bir iş görürmüşəm kimi) RyanAirlə (Bax: Çox ucuza səyahəti necə təşkil etməli?!) biletimi alıb tam yanvar ayının 28i düşdüm yola Parisə doğru. Qeyd edim ki, Parisdə 3 hava limanı var: Charles de Gaulle (Şarl de Qol), Orly (Orli) və Beauvais-Tille (Buve-tiye). Mərkəzə ən yaxın olanı Charles de Gaulle hava limanıdır. Easyjetlə Charles de Gaulle və Orly, WizzAir və RyanAirlə isə Beauvais-Tille hava limanına və geriyə uçuş biletləri ala bilərsiniz. Şarl de Qol hava limanı[/caption] İlk öncə qeyd edim ki, Paris ya da fğansızların dili lə desək Paği haqqında fikirlər birmənalı deyil. Bəziləri üçün Paris həqiqətən də möhtəşəm, yaraşıqlı sevgi şəhəri, bəziləri üçünsə adi, Avropa ölkəsi paytaxtıdır və onlar Parisin gözəlliyinin şişirdildiyini düşünürlər. Bu məsələ ilə bağlı çox maraqlı bir məqam var. Belə ki, Parisə gəlib arzuladığı ya da öncədən xəyalında qurduğu Parisi görə bilməyənlərdə “Paris sindromu” adlı bir narahatlıq meydana gəlir. Bu sindrom demək olar ki, əksər hallarda 30-50 yaş arası yapon xanım turistlərdə qeydə alınır və hətta məsələ o qədər ciddidir ki, Parisdəki Yaponiya səfirliyində yapon turistlər üçün xüsusi dəstək xətti açılıb. Yapon xanımların bu narahatçılığının əsas səbəbi odur ki, onlar fotolarda müxtəlif rakurslardan çəkilən Eyfel qülləsinin elə də möhtəşəm olmadığını, Mona Liza əsərinin cəmi 77x53 sm ölçüdə kiçik bir əsər olduğunu və ya Parisin əslində məşhur Amelie filmindəki kimi olmadığını görüb xəyal qırıqlığı yaşayırlar. Nəysə, mənə görə Paris nədir? sualına ən sonda cavab verəcəm. Mona Liza sayyeahın gözüylə - Mona LisaYuxarıda qeyd etdiyim kimi Parisə WizzAir, Easyjet və RyanAir loukosterləri ilə və ya normal tarifli hava yolları ilə gedə bilərsiniz. Parisə yaxın olan ölkələrdən Belçika və İsveçrədən isə sürət qatarları ilə qısa bir zamanda Parisə çata bilərsiniz. Qaldı ki, gecələmək məsələsinə mən dostumun evində qaldığımdan hotel, hostel qiymətləri barəsində bir məlumatım yoxdur amma bu hotel, hostel və apartmentlərin qiymətini öyrənmək üçün booking.com, hostelworld.com, airbnb və ya couchsurfingdən istifadə edə bilərsiniz. Amma onu deyim ki, Parisdə olmasa da Lyonda və Kurşeveldə otellərdə qalmışam və sırf o otellərdə hər səhər “Bonjour monsieur” (bonjuğ müsyö) sözünü eşitməkdən ötrü otellərdə qalmağa dəyər. Qarşına çıxan hər otel işçisi “bonjour monsieur” deyə salamlayır səni, sən də özünü Cem Yılmaz demiş lord hesab eliyirsən :D Bir şeyi də qeyd edim ki, mən təcrübəsiz olmuşdum Parisə qışda getmişdim, siz etmiyin eləmiyin, tam 5 gün Parisdə oldum və onun 3 günü yağış yağdı, Parisin dadını çıxara bilmədim, məsləhətdir ki, yaz-yay aylarında gedəsiniz. İndi gəldik “Parisdə nə yeməli?” sualına. Təbii ki, sizə durub orda kruasan, makaroni yeyin, fransız şərabının dadına baxın deyəsi deyiləm, bunları hamımız bilirik amma məndən eşitmiş olmuyun deyilənə görə Parisə gedib də azı kruasan və makaroni yeməyənləri eşitdiyimə görə döyürlər :D tamam bunlar zarafatdır amma yuxarıdakı qeydləri nəzərə almaqda fayda var. Gəldim yazının ən sevdiyim hissəsinə. Parisdə haralara getməli, nələri görməli?  Parisə hava limanına, dəmir yolu vağzalına çatdığınızda ilk iş şəhərin turistik xəritəsini almaq olsun. Hava limanlarında, dəmir yolu və avtobus vağzallarında və turizm informasiya mərkəzlərində xəritələr pulsuzdur. Parisdə nəqliyyat haqqları bir balaca baha olduğundan çalışacam məkanları ardıcıllıqla qeyd edim ki, piyada gedə bildiyiniz yerlərə piyada gedəsiniz. sayeahın obyektivindən Zəfər Tağı - arc de Triomphe[/caption] İlk öncə təbii ki, Paris deyəndə ağıla gələn şəhərin simvolu olan Eyfel qülləsi. Gəldiniz gördünüz, bir-iki selfie çəkdirdiniz, hava yaxşı olsa və axşam deyilsə qülləyə də dırmaşdınız, növbəti dayanacağımız Arc de Triomphe (Zəfər tağı) olacaq. Məşhur yazar Erix Mariya Remark “Zəfər tağı” əsərinin adını məhz bu abidədən götürüb. İstəsəniz abidənin kəlləsinə çıxıb oradan Paris mənzərəsiylə daha 1-2 İnstagramlıq şəkil çəkə bilərsiniz. (qeyd edim ki, Zəfər tağının kəlləsinə çıxmaq ödənişlidir). Zəfər tağı 4-5 yolun kəsişməsində yerləşir ki, bunlardan da biri məşhur Champs Elyseesdir (bizim dildə Şanze-Lize, mahnısı da var e ‘oooo Şanze Lize’, bax o :) ). Champs Elysees prospektinin hər iki tərəfi bahalı restoranlar və brend butiklər tərəfindən işğal olunub. Məşhur futbol klubu PSGnin mağazası da burada yerləşir, əgər azərkeşisinizsə özünüz üçün bir suvenir ya İbrahimoviçin formasını ala bilərsiniz. Bu prospektlə irəliləyirsiniz bir az sonra qabağınız Place de la Concorde çıxacaq. Burda bir fontan, bir şeytan-çarxı bir ədəd də sütun var. Meydan fransız tarixində bir çox məşhurların edamına şahid olub. Bu meydanı keçdikdən sonra kiçik bir park var o parkla müxtəlif ağaclara baxa-baxa irəliləsəniz bir də görəcəksiniz ki, qabağınız İçəri Şəhər metro stansiyasına oxşayan şüşəli bir piramida çıxdı. Luvr Muzeyi - Musee du Louvre[/caption] Həə bax bu məşhur Cakonda ya da Mona Lizanın saxlanıldığı Luvr Muzeyidir. Fərqi yoxdur muzeylərə marağınız var ya yoxdur, gəlib piramidanın qabağında 2-3 şəkil çəkdirə və ya orda kiçik kub formalı daşlar var onların üzərinə çıxıb əlinizlə muzeyi qaldırımış kimi şəkil çəkdirə bilərsiniz. Sonra isə muzeyə girmədən məkanı tərk edirsiniz. Niyə muzeyə girmirsiniz çünki, bu piramida olan girişdə adətən çox uzun sıra olur, qiymətli dəqiqələrinizi orda xərcləmək əvəzinə içəri girib Mona Liza ilə 1-2 selfie çəkdirə bilərsiniz. Deməli bu muzeyin bir də metro keçidində olan girişi var ki, turistlərin çoxusu bunu bilmədiyindən o giriş demək olar ki, bom-boş olur heç kim olmur. Əgər metroyla bura gəlirsinizsə o zaman Palais Royal - Musée du Louvre stansiyasında çıxıb oxlarla muzeyin girişini tapa bilərsiniz. Muzeylərə, tarixə marağınız varsa bir gününüzü rahat bura ayırmalısınız. Əgər Avropa birliyi ərazisində yaşamaq icazəniz varsa (residence permit card) o kartı girişdə göstərib içəri pulsuz keçə bilərsiniz (dəqiq məlumat deyil, mən yoxladım işlədi, sizdə də varsa yoxlayın) yoxdursa məcburən 15 avro ödəməli olacaqsınız ki, muzeylərə marağı olanlar üçün dəyər bu məbləği ödəməyə. Bildiyiniz kimi Luvr muzeyi çox böyükdür və eksponatların sayı hədsiz çoxdur amma girişdə olan broşurlardan marağınıza uyğun olan otaqları və mərtəbələri çox asan tapa bilərsiniz. Broşdurda Luvrda görülməli (həm də selfie çəkdirməli) əsas 7 (ola bilər rəqəmi səhv xatırlayım) əsərin yerləri çox aydın göstərilib, vaxtınız azdırsa ən azı bunlara bir baş çəkib çıxa bilərsiniz. Bir az daha vaxtınız varsa orda Napalyonun iqamətgahı var ora da Luvr muzeyində görülməli yerlərdəndir. Parisdə həddindən artıq çox muzey var, hər cür marağa uyğun, Parisə gedib də marağına uyğun muzey tapa bilməyəcək bir şəxs yoxdur çox güman. Qeyd edim ki, hər ayın ilk bazar günü Parisdəki bütün muzeylərə giriş pulsuzdur, tutduzdura bilsəniz şansdan istifadə edin :) Luvr muzeyində Napaleonun iqamətgahı[/caption] Sonra təbii ki, Parisə gedib də baş çəkmədən geri dönməməli olduğunuz məkan Notr Dam kilsəsidir. Kilsəyə giriş pulsuzdur. Ədəbiyyatda olan məşhurluğu, qotik üslubunda olan abidənin möhtəşəmliyi sizi valeh edəcək, hələ mən kilsənin zərif ornamentlərlə bəzədilmiş iç hissəsini və şəbəkə pəncərələrini demirəm. Bir sonrakı məkan Luksemburq Bağları adlanan parkdır, hansı ki, yaz və yay aylarında fərqli rəngli çiçəklərə bürünərək möhtəşəm mənzərə yaradır. Növbəti gəzəcəyiniz məkan Saint Germain bulvarıdır. Adının bulvar olduğuna baxmayın, ətrafda gözünüzə dəniz, göl ya çay görsənməyəcək. Bu bulvar Parisdə aktiv həyatın cərəyan etdiyi məkanlardandır. Pantheon digər bir gəzilməli muzeylərdəndir. Amma içində elə də maraqlı eksponatlar yoxdur. Giriş üçün ödəniş etməyə dəyməz amma binanın memarlığı çox gözəldir. Pantheondan qısa bir piyada məsafəsində məşhur Sarbon universiteti yerləşir, getmişkən bir ora da baş çəkin məncə. Növbəti görülməli məkanımız Hotel de Villedir. Əslində deyə bilərsiniz ki, otelin nəyi maraqlı olacaq? Haqlısınız amma bu bina adındakı otel sözündən fərqli olaraq otel deyil, Paris şəhər bələdiyyəsinin (ya da icra hakimiyyətinin) binasıdır. Bina çox möhtəşəm memarlıq üslubunda tikilib. Mən deyərdim ki, Budapeştdəki əzəmətli parlamentin kiçik formasıdır. Qışda binanın qarşısında buz meydançası olur, hansı ki, buz üstündə sürüşə və yaxud xokkey oynaya bilərsiniz. [youtube https://www.youtube.com/watch?v=Es-j3jGtc-g] Gəldik mənim Parisdə ən sevdiyim yerlərdən biri olan Saint Martin kanalına. Bura ortasından kanal keçən enli bir küçədir. Küçənin hər iki tərəfində kiçik, şirin kafelər var. Ürəyiniz istəsə bir fincan qəhvə ya fransız şərabı içə-içə kanaldan gəlib keçənləri seyr edə bilərsiniz. Yuxarıda qeyd etdiyim Amelia kinosundakı Amelienin ən sevdiyi işlərdən biri də məhz bu kanala gəlib, daş sıçratmaq idi. Parisdə ən bəyəndiyim bölgə isə Montmarte bölgəsi oldu. Mən deyərdim ki, Parisdə bir neçə saatlıq vaxtınız varsa Eyfel qülləsini boş verin məhz bu məkana baş əkin. Parisin əsl siması, fransız ruhu bu məhəllələrdə dolaşır. Xəritəni qoyun çantanıza özünüzü dar, kiçik, dalanlı küçələrə atın, azın bu məhəllələrdə, Parisin ruhunu kəşf edin. Bu səmtdə ən görülməli abidələr siyahısına Sacre Coeur (Saköe köğ) bizim dildə isə Müqəddəs Ürək (və ya Ağ kilsə) kilsəsi başçılıq edir. Amelie kinosunda da bu kilsəni tez-tez göstərirlər. Kilsə digər binalarla müqayisədə, məsələn Nort Dam kilsəsi ilə ürküdücü görünüşü yoxdur. Montmarte təpə olduğundan kilsənin yanından Parisə açılan gözəl mənzərəyə doya-doya baxa bilərsiniz, bir də bura gün batan vaxtı gəlmisinizsə dadından doyum olmaz mənzərənin, əsl Paris romantikasını burda tapacaqsınız. Montmarte küçələri[/caption] Kilsənin arxa tərəfinə keçirsiniz və budur Montmartenin dar küçələri başlayır. Bir az irəliləyirsiniz və qarşınıza kiçik işqılarla bəzədilmiş bir meydan çıxır. Burda rəssamlar öz molbertlərini qoyub şəkil çəkirlər. Yaxınlıqdakı kafelərdən bir qədəh şərab götürüb siz də özünüzü rəssam kimi hiss edə bilərsiniz. Montmartedə mütləq baş çəkməli olan məkan Creperie Le Tire-Bouchon kafesidir. Kafenin özünə məxsus iç dizaynı var, belə ki, kafenin iç tərəfi kafeyə gələn qonaqlar tərəfindən bəzdilib. Divarda hər yer pul, çek, bilet, müxtəlif kağız materiallarla örtülüb, istəsəniz siz də öz adınızı kafenin divarına həkk edə bilərsiniz mənim kimi. Creperie Le Tire-Bouchon[/caption] Montmartenin digər məşhur məkanı Montmarte qəbirstanlığıdır. Hiss edirəm ki, deyirsiz qəbirstanlığın nəyi maraqlıdır?! :) ilk öncə burada qəbirlər gül-çiçəklərlə elə bəzədilib ki, heç məzarlıqda olduğunu adam hiss etmir, bundan əlavə dünyanın Edith Piaf, Ahmet Kaya, Şopen, Oscar Wilde kimi məşhurları məhz bu məzarlıqda uyuyur. Təpənin ətəyində isə Parisin Red Light Districti olan Moulin Rouge (Mulen Ruj) yerləşir, istəsəniz Mulen Rujdakı şouları seyr edə bilərsiniz. Ən ucuz varyant şou+şampandır ki, 110 avro ətrafında bir qiyməti var. Parisdə baş çəkmədiyim və peşman olduğum iki məkan var. Birincisi məşhur Versal Sarayı, ikincisi Paris katakombaları, yeraltı məzarlıqlar. Siz siz olun parisə gedərkən bu 2 məkana mütləq baş çəkin, yoxsa çox şey itirərsiniz. Paris katakombaları[/caption] Daha bir şəhər yazımızın sonuna gəldik, ümid edirəm ki, maraqlı oldu və Parisə səyahət etsəniz bu yazıdan sonra Paris sindromu keçirməyəcəksiniz. Mənim fikrimə gəldikdə Paris doğrudan gözəl şəhərdir amma mənimçün Parisi sevimli edən Luvr ya Eyfel qülləsi deyil məhz Montmarte bölgəsidir. Növbəti yazılara qədər...Paylaşdı: Babək Musa-Zadə (sayyeahblog.com) 

1699 dəfə oxunub
Bizi izləyənlər siyahısına qoşulun!