Bloq

4570 dəfə oxunub

Gəzəyən məsləhəti - Böyük Britaniya və Şimali İrlandiya Birləşmiş Krallığı vizası

Son zamanlar ən çox imtina alınan və şikayət edilən Böyük Britaniya və Şimali İrlandiya Birləşmiş Krallığının vizasını alınması proseduru və diqqət ediləcək məqamlar.
???????????????????????????????????? ???????????????????????????? ????????????????????????????

Əvvəlcə qeyd edim ki, Azərbaycanda Birləşmiş Krallığın səfirliyi olsa da viza məsələlərinə baxmır. Viza müraciətlərinə TLS Contact şirkəti vasitəsilə krallığın Türkiyədəki səfirliyində baxılır.

68272638_10216696785386874_2358973949393502208_n

Əslində deyildiyi qədər çətin olmasa da müraciət formasını doldurduqda diqqətli olmaq lazımdır.

Əsas məsələ “EMPLOYMENT AND INCOME” və “INCOME AND EXPENDITURE” hissələri arasındakı balanslaşdırmanın düzgün aparılmasıdır.

Misal üçün sizin əməkhaqqınız 2500 manatdır, evlisiniz, bir uşağınız var və hesabınızda 6000 funt-sterlinq varsa bu pulun mənbəyi şübhəlidir.

İkinci, sizin əməkhaqqınız 2500 manatdır, iki uşağınız var və bir həftəlik səyahət üçün (tək səyahət etdiyiniz halda) 4000 manat ayırmısınız. Birbaşa imtina səbəbidir.

Üçüncü, sizin əməkhaqqınız 1500 manatdır, ancaq bir gecəsi 80-100 funt-sterlinq qiyməti olan otel bron edirsiniz. Ucuz otel ya da hostel bron etmək daha məqsədəuyğundur.

Dördüncü, siz nazirlikdə yaxşı vəzifədə işləyirsiniz, əməkhaqqınız 3000 manatdır, ancaq maliyyə mənbəyi olaraq əmək haqqı kartından son 6 aylıq çıxarışı göstərmək yerinə hansısa bankda hesab açıb, sonra oradan arayış alırsınız.

Aşağıda, Böyük Britaniya və Şimali İrlandiya Birləşmiş Krallığı vizası üçün vacib sənədlər və müracət formasını doldurmaq qaydası göstərilib.
Vacib sənədlər aşağıdakılardır.
1. UK vizası üçün online doldurulmuş müraciətin çap versiyası.
2. Xarici pasportun əsli və şəkil olan hissəsinin surəti.
3. Şəxsiyyət vəsiqəsinin surəti.
4. Aviabiletin bronu.
5. Köhnə pasportun və vizaların surəti.
6. İş yerindən arayış, (əmək haqqı göstərilməklə)
7. Əmək haqqı kartından son 6 aylıq çıxarış.
11. Qalınacaq yerin bronu .
12. Nigah haqqında şəhadətnamənin ingilis dilində tərcüməsi və notarial təsdiqi.
13. Uşaqların doğum haqqında şəhadətnaməsinin ingilis dilində tərcüməsi və notarial təsdiqi.
14. 127 USD viza rüsumunun ödənilməsini təsdiq edən sənəd (GWF.).

Böyük Britaniya vizasına müracət etmək üçün əvvəlcə :

1. visa4uk (https://www.gov.uk/apply-to-come-to-the-uk) səhifəsinə girmək lazımdır.
Start now-a basın və başlayın. Register an Account yəni yeni hesab yaradın və qeydiyyatdan keçin. Hesabınızın aktiv olması üçün sizə email gələcək.

2. Hesabınız aktivləşdikdən sonra create sözünü seçərək vizanızın növünü (turistik, təhsil vəs.) təyin edin. Buradakı suallara cavab verdikdən sonra Go to Application vasitəsilə müraciətə başlayın.

3. Səhifənin sol hissəsi siz suallara cavab yazdıqca yaşıl rəngdə olacaq. Cavab vermədiyiniz suallar narıncı rəngdə qalacaq.

4. Sonda Confirm Application vasitəsilə müraciətiniz təsdiq edə bilərsiniz.

5. Dəyişiklik etmək istəsəniz Return to Application vasitəsilə edə bilərsiniz.

6. Əgər hər şeyin düzgün olduğuna əminsinizsə Submit Application ilə müraciətinizi göndərə bilərsiniz.

7. Sign Declaration vasitəsilə müraciəti oxuduğunuzu təsdiqləyin və imza yerinə ad, soyadınızı yazın.

8. Görüş təyin etmək üçün Book Appoitment-i seçin, Appotment Location (görüş yeri) və Visa Appointment Type (görüş növü) seçin. Daha sonra next düyməsini seçin.

9. Condition of Payment. Burada viza rüsumunu ödəyirsiniz. Ödənişdən sonra sizə ödəniş və görüş haqqında təsdiq emaili gəlir.

10. Müraciətinizi başa vurduqdan sonra TLS (Teleperformance) səhifəsində hesab yaratmalısınız. Bu hesab vasitəsilə müraciətinizi online izləyə bilərsiniz.
Bunun üçün əvvəlcə Country of Residence (vətəndaşı olduğunuz ölkə) seçin, Submit düyməsi ilə göndərin və Create an account-hesabınızı yaradın.

Müraciət formasını doldurarkən standart suallardan başqa qarşınıza bir çox qəribə suallar çıxacaq.

1. PERSONAL DETAILS. Hansı ünvanda yaşayırsınız və neçə vaxtdır ki, bu ünvandasınız?

2. TRAVEL AND CRIMINAL HISTORY. Son 10 il ərzində hansısa ölkədən viza müraciəti ilə bağlı rədd cavabı almısınızmı ?
1. Son 10 il ərzində hansısa ölkədən deportasiya olunmusunuzmu ?
2. Son 10 ildə getdiyiniz ölkələr, məqsədiniz və giriş tarixi.
3. B.Britaniyada və ya başqa yerdə kriminal cinayətlə bağlı tutulmusunuzmu?
4. B.Britaniyada və ya başqa yerdə davam edən məhkəməniz varmı?
5. B.Britaniyada və ya başqa yerdə terrorist qruplaşmalara cəlb edilmisinizmi, əməkdaşlıq etmisinizmi və ya onları dəstəkləmisinizmi?
6. B.Britaniyada və ya başqa yerdə insan haqlarının pozulması və ya soyqırım kimi işlərə cəlb edilmisinizmi, əməkdaşlıq etmisinizmi və ya onları dəstəkləmisinizmi?

3. FAMILY DETAILS.
1. Əriniz/arvadınız sizinlə səyahət edəcəkmi ?
2. Uşaqlarınız sizinlə səyahət edəcəkmi ?

4. INCOME AND EXPENDITURE.
1. Aylıq yaşam xərciniz nə qədərdir ?
2. Ailəniz üçün ayırdığınız aylıq xərciniz nə qədərdir ?
3. Səyahətiniz üçün vacib olan maliyyənin məbləği (mütləq funt-sterlinqlə göstərilməlidir).
4. Səyahətiniz üçün ayırdığınız məbləğ.
5. Nəqliyyat xərcləriniz.
6. Qalacağınız yerlərin xərci.
7. Səyahətiniz zamanı yemək və s. (living expences) xərcləri.
8. Bütün vergilər çıxıldıqdan sonrakı aylıq qazancınız.

5. VISA CONFIRMATION QUESTIONS.
1. B.Britaniyada işləmək istəyərdinizmi ?
2. B.Britaniyada təhsil almaq istəyərdinizmi ?

Sonda onu da deyim ki, özüm alanda üç yerdə kritik səhvlər etsəm də viza aldım. Hamınıza uğurlar!

Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…

Paylaşdı: Elshan Ismayilov

Elshan Ismayilov

DİGƏR BLOQLAR

Londonda alternativ nəqliyyat

Londondakı bütün otel, apartament və hostelləri bu linkdən book (bron) edə bilərsiz.Londona gələn səyahətçilərin əksəriyyəti qiymət bahalığından şikayət eləyirlər. Əsasən bu şikayətlər ictimai nəqliyyat qiymətləri ilə bağli olur (Mən də razıyam, ictimai nəqliyyat çox bahadır, hələ Bakıda 20 qəpiyə istənilən yerə getməyə öyrəşən adam üçün ümumiyyətlə çətindir qəbul eləmək)Ictimai nəqliyyat qiymətlərini aşağı sala bilməyəcəyimizə görə alternativ nəqliyyat fikirləşmək lazımdır. Nəzərə alanda ki Londonda demək olar ki bütün görməli yerlər bir-birinə yaxin yerləşir, ən ideal nəqliyyat növü velosipeddir.Londonda çox əla təşkil olunmuş ictimai velosiped sistemi var. Santander bankı tərəfindən həyata keçirilən bu layihə bir xeyli adamın həyatını yüngülləşdirir. Velosipedlər bütün lazımi təhlükəsizlik ləvazimatlari ilə təmin olunub (Qabaq ishıq, arxa ishıq, ishıqqaytarıcılar və s.)Velosipedlərin qiyməti isə 24 saat üçün cəmi 2 funtdur. Yarım saatlıq isə pulsuzdur. İcarəyə götürmək üçün bank kartı lazımdır, pulu ödəyəndən sonra aparat sizə kod yazilan çek verir, kodu qıfıla yazıb yaşıl ishıq yananda velosipedi götürürsünüz. Şəhərin hər yerində bu velosiped dayanacaqlarından olduğuna görə geri qaytaranda da problem yaşamırsınız.London velosipedçilərin təhlükəsiz formada hərəkəti üçün əlverişli olan tək-tük şəhərlərdəndir. Yol qaydalarına əməl etdiyiniz və dönmə siqnallarından istifadə etdiyiniz müddətcə heç kim gəlib belinizə dırmaşmayacaq. Avtobus və taxilər üçün olan xüsusi zolaqlar isə həm də velosipedlər üçündür. Hər zaman istifadə eləyə bilərsiniz.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Ismayil Nur

840 dəfə oxunub

Gəzəyən məsləhəti - Aviafobiya haqqında

Son zamanlar burada aviafobiyası olan insanlara rast gəlirəm. Ona görə məncə bu post onlar üçün yararlı olar.Bu sahə üzrə çalışdığım üçün düşündüm ki, aviasiya təhlükəsizliyi baxımından hava nəqliyyatının nə qədər təhlükəsiz bir nəqliyyat növü olduğuna sizi az da olsa inandırım...Psixoloji kriteriyalara əsasən, sərnişinlər özlərini daha çox dəmiryolu nəqliyyatında rahat hiss edirlər. Amma statistika bu rahatlığın nahaq yerə yarandığını göstərir. Dəmiryolunda baş vermiş qəzalar aviasiyadakılardan qat-qat çoxdur. Sadəcə qəzalar kütləvi hal almadığı üçün ciddi bir rezonans doğurmur.Bir təyyarə qəzası bütün dünya KİV-ində əsas xəbərə çevrilir ama qatar qəzaları biraz fərqlidi.Təyyarəyə minən sərnişinin aviaqəzada dünyasını dəyişmə ehtimalı təxminən 1/8 000 000-dir. Bu o deməkdir ki, əgər sərnişin hər gün təsadüfi reyslərlə hərəkət etmək istəsə, ölmək üçün 21 il gözləməlidir.Pilotlar təyyarəni tək idarə edən insanlar deyil. Onlar qədər işin içində daha vacib insanlar var.Hava Nəqliyyatına Nəzarət edən dispetçerlər.Məhz təyyarənin uçduğu marşurutları onlar təyin edir. Pilotu uçduğu müddət ərzində təyyarənin uçacağı xətt üzrə bütün məlumatlarla dispetçerlər təchiz edir. Hər bir xırda detala pilot qədər onlar da cavabdehdir.Pilotlar və dispetçerlər İATA-nın xüsusi treyninqlərində daim iştirak edərək, özünü təkmilləşdirmə kurslarından keçməklə İOSA sertifikatlarına yiyələnirlər. Bunun üçün yüksək bilik və bacarıqlar tələb olunur.1500 uçuş saatı olmayan pilot təyyarə kapitanı kimi çalışa bilməz.Təyyarə havaya qalxmamışdan öncə yerüstü xidmət üzrə işçilər təyyarənin hər bir detalını incəliklə nəzərdən keçirir. Əgər təyyarədə adi bir cızıq varsa pilota bu barədə məlumat verilir və onun ixtiyarı var ki, uçuşdan imtina etsin.Bu o deməkdir ki, bir təyyarənin havaya qalxması böyük bir komanda işidi. Əgər bir şey bir mütəxəssisin gözündən qaçırsa digəri mütləq o problemi görür və problem aradan qaldırılmamış təyyarə havaya qalxmır.2013-ci ildə 215 nəfər, 2014-ci ildə 864, 2015-ci ildə 471 nəfər təyyarə qəzası nəticəsində həyatını itirib, halbuki bu 3 ildə avtoqəzalarda ölənlərin sayı 100000-dən çoxdu.Təyyarənin havaya qalxması zamanı salondakı səs 105 desibelə çatır, amma təyyarə yüksəkliyə qalxandan sonra bu göstərici 85 desibelə düşür. Bəzən insanlar məhz bu səsdən vahiməyə düşürlər. Əgər sizi bu səs narahat edirsə hava yuxarı qalxana kimi sevdiyiniz musiqiyə qulaqcıqla qulaq asın. Təyyarə müəyyən hündürlüyə qalxandan sonra o səsi elə də ciddi hiss etməyəcəksiz.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Rajab Zade

1073 dəfə oxunub

Minimum xərclə səyahəti necə təşkil etməli?! 2-ci hissə

Keçən yazılarımdan birində daha doğrusu “Minimum xərclə səyahəti necə təşkil etməli?!” adlı yazımın birinci hissəsində səyahət xərclərini necə minimum endirmək olar sualına cavab verməyə çalışmışdım. İlk yazı səyahət xərclərində ən çox yer tutan nəqliyyat xərclərini necə azaltmaq, xərcləri minimum endirmək haqqında idi. Bu dəfə gecələmə obyektləri (otel/hostel/mənzil/ev və s.) xərclərini necə minimum endirmək, səyahəti necə ucuza başa gətirməyin yolları haqqında yazını sizlərlə paylaşım. İlk öncə deyim ki, otel qiymətləri hostel və mənzil qiymətlərindən nisbətən baha olduğundan bu yazıda otellər haqqında danışmayacağıq.[caption id="attachment_590" align="aligncenter" width="551"] Budapeştdəki hostellərdən birinin lobbisi[/caption]Başlayaq… Xaricə səfər edərkən gecələmək üçün ağıla gələn ilk yer otel olur. İndiki zamanda otelə pulumuz çatmadığı üçün onun alternativi olan hostellər ən ideal seçim ola bilər. Əgər Hostel filminə baxmısınızsa, filmdə olanları unudun. Hostellər tam rahat və təhlükəsizdir, şəxsən mənim tərəfimdən bir neçə dəfə sınanılıb ???? Hostellər az xərclə, soyal mühitli qonaqlama imkanları verən gecələmə yerləridir. Otaq tiplərinə görə müxtəlif formada xidmətləri hostellərdə kirayələyə bilərsiniz. İstəsəniz 1-2 nəfərlik otaq və ya 4 nəfərdən 10 nəfərədək olan otaqda (shared room) yataq kirayələyə bilərsiniz. Həm 1-2 nəfərlik kiçik otaqlar, həm də 4-10 (və daha çox) nəfərlik böyük otaqlar daxili və ümumi hamam otağı ilə təmin olunur. Yəni mümkündür ki, siz otaq kirayələmisiniz amma hamam otağı ümumidir, otaqdan kənarda, həm də mümkündür ki, hər otağın öz hamamı olsun. Bundan başqa hostel otaqları 2 nəfərdən çox adam üçün nəzərdə tutulubsa bir çox hallarda hər bir qonaq üçün şəxsi əşyalarınızı qoruya biləcəyiniz kiçik qıfıllı seyflər olur. Bundan başqa hostellərdə bir çox hallarda qab-qacaqla təmin olunmuş mətbəx də sizin xidmətinizə verilir. Bu mətbəxdə qidalanma xərclərinizi minimuma endirmək üçün istədiyiniz ərzağı alıb özünüz üçün nahar və ya qəlyanaltı hazırlaya bilərsiniz. Bəzi hostellərdə səhər yeməyi qiymətə daxil olur, hosteli kiralamadan öncə bunu yoxlamaqda fayda var ????[caption id="attachment_591" align="aligncenter" width="551"] Hostel otağı[/caption]Hostellərdə yerləşdiyi ölkədən asılı olmayaraq, oğlanlar və qızlar üçün ayrı otaqlar olur (amma bu heç də bütün hostellərdə belə deyil). Yəni tutalım 8 nəfərlik otaqda yataq kirayələmək istəyirsiniz və qarşı cinsdən kiminsə həmən otaqda gecələmisini istəmirsinizsə rahat-rahat single-sex (yəni tək bəylər/tək xanım üçün) otaqları seçə bilərsiniz. Mixed otaqlarda isə hər iki cinsin nümayəndələri eyni otaqda qalırlar. Çoxadamlı otaqlarda otaq kirayələmisinizsə bu o demək deyil ki, bütün yerlər dolu olacaqdır. Məsələn mən Tiflisdə 6 nəfərlik otaqda daha 2 dostumla yer kirayələmişdim və bizdən başqa heç kim yox idi otaqda hətta mən deyərdim ki, hosteldə. Eyni hadisəylə Vyana və Krakovda da qarşılaşmışam. Vyanada 6 nəfərlik, Krakovda isə 4 nəfərlik otaqda sadəcə 2 nəfər gecələmişik. Bu hallar adətən şəhərin tam mərkəzində olmayan, mərkəzdən 1-1.5 km piyada məsafəsində olan və ya tətilin qeyri-pik vaxtlarında mümkündür. Əgər şəhərdə hansısa bir idman,  ya musiqi tədbiri və ya festival varsa çox güman shared roomlar dolu olacaqdır. Shared roomlarda qalmağın üstünlüyü odur ki, hostelin digər qonaqları, ən çox isə “otaqyoldaşların” ilə sosyallaşırsan, bəzən şəhəri birlikdə gəzib kəşf etmək təklifi alırsan ya da sən edirsən. Turistlər müxtəlif ölkələrdən gəldiyindən və hərənin müxtəlif səyahət hekayəsi olduğundan maraqlı söhbətlərin iştirakçısı ola bilərsiniz.[caption id="attachment_592" align="aligncenter" width="552"] Maraqlı dizayn edilmiş hostel otağı[/caption]Hostellər ucuz qonaqlama obyektləri olsa da bu ölkədən ölkəyə dəyişir. Ölkədə nə qədər qiymətlər bahalıdırsa hostellər də bu qiymətlərə uyğun daha yuxarı qiymətə olur. Məsələn Kiyevdə 2 nəfərlik hostel otağının qiyməti gecəsi 11 avro olduğu halda, Danimarkanın paytaxtı Kopenhagendə 8-10 nəfərlik otaqda bir yatağın gecəsi 32-35 avro ətrafındadır. Yəni səfər planlamamışdan öncə çalışın bu detalları nəzərə alın ki, gedib qərib ölkədə “nağayrım, neyniyim” deməyəsiniz ???? İndi isə gəldik, bu hostellərin qiymətini haradan tapmalı məsələsinə. Hostellərin qiymətinə baxmaq üçün ən yaxşı çox işlənən saytlar hostelworld.com və booking.com-dur. Hosteli seçirsiniz, tarixləri daxil edirsiniz və otaq tiplərinə görə sistem qiymətləri sizə göstərir. Kiçik bir tövsiyyə verim, booking.comda hostel sifariş edərkən çalışın reytinqi +7.0 olan hostelləri seçin və sizdən öncə orada qalmış turistlərin qeydlərindən heç olmasa 5-6-na nəzər salın ki, hostel haqqında daha ətraflı məlumatınız olsun.[caption id="attachment_593" align="aligncenter" width="550"] Praqadakı Mad House hosteli[/caption]Hosteldən fərqli konseptə malik digər ucuz üsul isə Airbnbdir. Airbnb hosteldən fərqli olaraq ev abu-havası ilə təmin edir. Daha doğrusu elə kirayə verilən evlərin axtarış sistemidir. Brno səfərimdə məhz elə Airbnbdən otaq kirayələmişdim. Airbnbdə də təklif edilən xidmətlər çox müxtəlifdir. İstəsəniz yalnızca mənzil, istəsəniz mənzildə otaq, istəsəniz də hostel abu-havasını evdə yaşayıb, otaqda yataq (çox nadir hallarda olur bu) kirayələyə bilərsiniz. Airbnbdə də bütün online icarə saytları kimi turistlərin qaldığı ev sahibləri və ev haqqında rəylərini yazdığı bölmə var. Bu rəylərdən evin mərkəzə nə qədər yaxın olması, səs-küylü ərazidə yerləşib yerləşməməsi və ya ev sahibinin təmizliyi haqqında məlumat əldə edə bilərsiniz. Yaxşı olar ki, otaq ya mənzili siftariş etməmişdən öncə bu rəylərə göz gəzdirəsiniz. Burada kirayəyə verilən mənzillər olduğundan otel ya hosteldə olan standart xidmətlərin mənzildə olmaması mümkündür (məsələn, çox nadir hallarda olsa da wifi kimi).[caption id="attachment_594" align="aligncenter" width="550"] Airbnbdə kirayə verilən otaqlardan biri[/caption]Airbnbdə kirayə edilən ev ya mənzilin üstün cəhəti ümumi hamamın olmaması və ya sadəcə hamamın siz və evda olan 1-2 nəfər tərəfindən istifadə olunması, bütün avadanlıqlarla təchiz olunmuş mətbəxin olması və yerli əhaliylə mədəniyyət alış-verişidir. Əgər sadəcə otaq kirayələmisinizsə, digər otaqda qalan ev sahibi ilə ünsiyyət saxlaya, maraqlı söhbətlər edə və ya şəhərin çox da turistik olmayan amma mütləq görülməli yerləri haqqında məlumat ala bilərsiniz.Indi uzaqdan da olsa “bəs pulsuz qalmağa yerlər yoxdur?” sualını eşidirəm ???? deyirlər pulsuz pendir siçan tələsində olur amma bizim bloqumuzda tələlər yoxdur. Çox güman nə vaxtsa Courchsurfing haqqında eşitmisiniz, eşitməmisinizsə bir az da daha yaxına əyləşin.[caption id="attachment_595" align="aligncenter" width="550"] İsveçrə, Berndə Couchsurferlər fondu yeyərkən ????[/caption]Deməli Couchsurfing 4 nəfər tərəfindən qurulan pulsuz qonaqlama saytıdır. 2004cü ildə yaradılmasına baxmayaraq 2014-cü ildə həftədə 400 000 adam həftədə azı bir dəfə Courchsurfing hesabını yoxlayıb. 2015ci ildə istifadəçilərinin sayı 10 milyonu keçib. Saytın 3 funksiyası var; səyahət etdiyiniz ölkədə ev sahiblərinin evində qonaq qalmaq, yaşadığınız şəhərə gələn qonaqları öz evinizdə qonaqlamaq və şəhərlərdə keçirilən müxtəlif əyləncə tədbirlərində iştirak. Mən hardasa 4-5 dəfə Budapeştdəki evimdə Couchsurfingdən qonaq qəbul etmişəm, 2 dəfə isə özüm İsveç və Danimarkada qonaq qalmışam.Məsələn hansısa ölkəyə gedirsiniz, o zaman saytın axtarış bölməsində getdiyiniz şəhərin adını yazırsınız, sonra sağ tərəfdə çıxan seçimlərdən evində qonaq olmaq istədiyiniz adamın xüsusiyyətlərini seçirsiniz: kişi/qadın, haqqında yazılmış rəyi olsun və ya olmasın, son dəfə nə vaxt saytda olub və s. Sonraq qarşınıza çıxan profilləri bir-bir gözdən keçirərək evində qalmaq istədiyiniz adamı seçirsiniz.Saytda qeydiyyatdan keçərkən hər kəs özü haqqında olan bölmələri doldurur, beləcə evində qonaq qalmaq istədiyiniz şəxsin və ya evinizdə qonaq edəcəyiniz şəxsin bütün detallarını ətraflı yoxlaya bilərsiniz. Qonaq qalarkən çox təvsiyyə olunan odur ki, profil sahibinə çoxlu MÜSBƏT rəylər yazılmış olsun. Çoxlu deyərkən, nəzərdə tutduğum ən azı 3 və ya 4 müsbət rəydir. Profil sahibini tam əhatəli araşdırın, sonucda tanıyıb, bilmədiyiniz adamın evində qonaq qalacaqsınız.[caption id="attachment_596" align="aligncenter" width="551"] Maraqlı Couchsurfing məkanlarından biri[/caption]Digər bir araşdırmalı olduğunuz məsələ isə ev sahibin sizi hansı formada qonaqlayacağıdır. Ev sahibinin imkanları daxilində bu ayrıca otaq, ayrıca yataq/divan və ya yataq kisəsi (sleeping bag) ola bilər. Ona görə də məsləhətdir ki, öncədən ev sahibinin profilini əməllicə ələk vələk edəsiniz ???? Sonradan ürəyinizə yatan ev sahib(lər)inə sizi filan tarixlərdə qonaq edib edə bilməyəcəyi haqqında sorğu göndərirsiniz, o sizi qəbul etdikdən sonra qalmaq yeriniz hazırdır.Couchsurfingin digər bir funksiyası isə yerli əhali ilə görüşməkdir. Məsələn tutaq ki, getmisiniz Berlinə və hara gedəcəyinizi, nələri görəcəyinizi bilmirsiniz. O zaman Couchsurfingdə axtarış edib yalnızca görüşmək istəyənləri seçirsiniz və həmin adamlara sorğu göndərirsiniz tarixləri müəyyənləşdirib şəhərdə bir yerdə görüşürsünüz və həmin adam sizə şəhəri gəzdirir.[caption id="attachment_597" align="aligncenter" width="551"] Couchsurferin sleeping bagi ????[/caption]Təbii ki, hamımız azərbaycanlıyıq, elə mənim də ağlıma gələn ilk sual bu oldu: “Sizi evində pulsuz qonaqlayan adamın xeyri nədir bu işdə?” ???? Bu işdə heç bir maddi maraq yoxdur, güdülən yeganə maraq mənəvi xeyirdir. İnsanlar başqa ölkədən, başqa mədəniyyətdən gələn adamları öz evlərində qonaqlayaraq onların ölkəsi, mədəniyyəti və ya mətbəxi haqqında məlumat əldə edirlər. Sırf bu işdən zövq alırlar desəm yanılmaram yəqin. Sonda Couchsurfingdən istifadə edəcəksinizsə evində qalacağınız adama qaldığınız ölkədən kiçik bir hədiyyə aparmağınız sizi daha xoşagəlimli edər. Bahalı olması vacib deyil bu 2-3 manatlıq hansısa bir şokolad və ya şirniyyat da ola bilər. Və təbii ki, qaldığınız evin sahibinə yemək bişirməkdə və ya qabları yumaqda ən azı özünüzdən sonra işlətdiklərinizi təmizləməkdə yardım etmək artıq sizin “öhdəliyinizə” çevrilir.Bununla da bu yazımın da sonuna gəldik. Ümid edirəm ki, faydalı ola bildim. Vaxtınızı sərf edib, oxuduğunuz üçün təşəkkürlər!Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Babek Musa-Zadeh 

1129 dəfə oxunub

Planlanmamış Avtostop turu

Ukrayna-Portuqaliya-Macarıstan avtostopumu elə düşünürdüm ki, artıq bitirdim, çünki Budapeştdən Bakıya uçuşum vardı. Amma avtostopla Bratislavadan Budapeştə vaxtında çata bilmədiyim üçün təyyarəmi qaçırdım. Əvvəl bu mənə pis təsir etdi, çünki çox yorulmuşdum (2 aydan çox avtostop edirəm) amma sonra bunu yeni bir macəra kimi qəbul edib Budapeştdən Bakıya avtostop etmək qərarına gəldim. Bundan əvvəl Praqadan Bakıya avtostop edəndə Rusiya üzərindən gəlmişdim, bu dəfə Turkiyə tərəfdən gəlməyi düşündüm. Ən çətin avtostoplar ölkədən ölkəyə keçəndədir, çünki hamı tanımadığı birini başqa ölkəyə keçirməkdən qorxur, həm də gedəcəyim ölkələrin sərhədlərində passport yoxlaması olur, hansı ki, şengen ölkələrində bu yoxdur.Beləliklə, 4-5 saat gözləmədən sonra, Bir Rumin qaqaşla Serbiyanın Novy Sad şəhərinə getdik. Macarıstan-Serbiya sərhədi digər sərhədlərə nisbətən asan oldu və gözləmə sırası az idi. Novy Sad'dan sonra Niš'ə getməyi planlaşdırırdım, amma məni yoldan götürən Serb dayının təkidi ilə axşamı Belqradda onun evində qaldım. Özünün də dediyi kimi bütün dünya serbləri qəddar millət kimi tanıyır və o, bu stereotipi mənim üçün sındırmaq istəyirdi. Çoox mehriban insan idi, yoldaşı da bizim üçün Serb milli yeməyi hazırladı. Biraz vodka, biraz schnapps, biraz da Serb milli mətbəxi, sonra özümü lap evdəki kimi hiss etdim. Bütün gecəni söhbət etdik, serblərin hansı durumda yaşadıglarından və s. Səhəri gün Sofiyaya avtostopa başladım. Bolqarıstan sərhədinə çatmamış yolda Finlandiyada yaşayan türklər məni aldılar (Ankaraya gedirdilər) və Sofiaya qədər götürdülər. Sərhəddə 3-4 saat gözləmə oldu. Bütün maşını və çantamı yoxladılar çünki əlimdə siqaret bükmək üçün kağızı görmüşdülər və düşündülər ki, yəqin üstümüzdə nəşə falan var. Sofiaya axşam çatdım və açığı Sofianı bu qədər gözəl təsəvvür etməzdim. İnsanlar çox alternative, şəhərdə avropaliq çox hiss olunurdu. Qalmağa yer tapa bilmədiyimdən bir yerdə kamp qurdum. Şəhər Turkiyəyə doğru avtostopa başladım. Gözlədiyimdən biraz çətin oldu amma Svilenqrad tərəfdə bir Iran TIRına mindim (Irana gedirdi) və məni Ərzuruma qədər götürdü. Sərhədi TIRla keçdiyim üçün 7-8 saat gözləməli olduq çünki beynəlxalq TIRlar çoxdur və sərhədlərdə uzun gözləmə olur. 3 gün, 2 axşam (TIRda yatdim) Ərzuruma çatdıq.Sonra ordan Sarpiya avtostop etdim və Gürcüstan sərhədini gəcə 1də keçdim, amma yatmadan Tbilisiyə avtostop etdim çünki Tbilisidə Slovak dostlarım var və məni gozləyirdilər. Gec olmasına baxmayaraq Gürcüstanda avtostop çox asandır və 10 dəqiqədən artıq gözləməməklə 4-5 saata Tbilisiyə çatdım. Hal-hazırda Tbilisidəyəm və 1-2 günlük iş axtarıram ki, biraz yol üçün pulum olsun. 3-4 günə Bakiya avtostop edəcəm və səyahətim bitmiş olacaq.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı:  Tofik Eynullayev

1019 dəfə oxunub
Bizi izləyənlər siyahısına qoşulun!