2715 dəfə oxunub

Niyə vizadan imtina alırıq?!

Viza müraciətləri ilə bağlı dəfələrlə müxtəlif statuslar bölüşülüb burada. Niyə biz imtina alırıq sualları ilə. Son 3 ildə bugünədək 1000-ə yaxın viza müraciətinin içində olmuşam. Ümumi olaraq çıxardığım nəticələri sizinlə bölüşmək istərdim. Heçkimlə mərcləşmək üçün deyil bu post. :) 
Dediyim kimi 100-lərlə viza müraciəti əsasında çıxardığım nəticələrdir: Bir konsulun sənədlərə baxıb, nəticə çıxardığı onlarla nüans var. Bunları 3 qrupda birləşdirmək olar:

I. Ölkəyə Bağlılıq Sizi ölkəyə bağlayan məqamlar hansılardır və nəyə görə qayıdıb gələcəksiniz. Ailəniz, iş yerinizdəki vəzifəniz, həmin şirkətin neçə illik işçisi olmanız, şirkətinizin nüfuzu, maaşınız, adınıza olan mülklər və s.

II. Səyahət Tarixçəsi Nə qədər gəzmisiniz? ABŞ, Kanadaya gedirsinizsə, yaxın Avropaya baş çəkmisinizmi heç olmasa? Yoxsa mən necə inanım ki, siz qaçmırsınız?

III. Maliyyə Statusu Bank hesabınız, bank hesabınızla maaşınızın birbirinə uyğunluğu (çoxları buna fikir vermir) və s. Bunlardan əlavə nəzər yetirilməli digər məqamlar:    
    1. Hansı ölkə vizasına müraciət etməkdən asılı olmayaraq, həmin ölkədə hansı şəhərə gedəcəyinizi, həmin şəhərə NİYƏ gedəcəyinizi, həmin şəhərdə HARALARI gəzəcəyinizi təyin edin. Gəzəcəyiniz yerlərin 1-2sinin adını əzbər öyrənin.
       2. Mehmanxananız təxmini olaraq hara yaxındır, öyrənin. “Niyə bu mehmanxananı seçmişiniz?” sualına səmimi cavabınız olsun. Çünki büdcəmizə uyğundur. Çünki Eyfelə yaxındır. Çünki bu otellər şəbəkəsinə loyalam. Çünki pəncərələri okeana baxır. Çünki yanında Shopping Mall var. Hava limanının yaxınlığındadır və s.
      3. Sənədləri sizin üçün kimin hazırlamasından asılı olmayaraq baxın, bütün sənədlərinizin nədən ibarət olması ilə bağlı məlumatlı olun. Çünki əksər hallarda o sənədləri səfirliyə siz təqdim edəcəksiniz və səfirlik əməkdaşlarının sualları yarandığı təqdirdə siz məlumatlı olmalısınız.
    4. Ölkənin iqtisadi vəziyyəti pisləşdikcə emiqrasiya artır. Bu vəziyyətdə özünüzü “hamı mənə borcludur” kimi aparmayın. Səfirliklərdəki işin, viza qərarının insan hüquqlarına heçbir aidiyyatı yoxdur. Yəni səfirlik işçiləri sizə vizanı verməkdə borclu deyillər. Real dünyaya qayıdın.
      5. Sizdən hansı sənədlər istənilirsə, heç olmasa onları tam hazırlayın. Sənədin çox olması problem deyil, uzaqbaşı nəyisə özünüzə qaytaracaqlar. Az olması isə problemdir.
      6. Hər an telefon zənginə hazır olun. Səfirlik işçiləri həm sizə, həm iş yerinizə zəng edib, dəqiqləşdirmə apara bilərlər.
      7. UK-də Ərizə Formasında Maliyyə rəqəmlərinə ciddi fikir verin. Sualları siz nə gəldi doldurasınız deyə, qoymayıblar.
      8. Öz səfər məqsədinizi ya Application Formlarda, ya da əlavə məktubla tam izah edin. Səfər məqsədinizi dəqiqliklə göstərin.
     9. Şengendə bir neçə ölkəyə səyahət edəcəksinizsə, təkcə Bakı – Roma (məsələn) – Bakı deyil, həm də Roma – Paris, Paris – Madrid, Madrid-Roma biletlərinizi də qoyun.
     10. Bəzi səfirliklər qoyduğunuz bron bileti sonradan alıb gətirmənizi tələb edə bilər ki, vizanı versin. Məsələn Yunanıstan səfirliyi. Sonradan çox xərcə düşməyəsiniz deyə, mümkün qədər reallıqda alacağınız biletin bronunu qoyun.
     11. Qərbi Avropa Ölkələri (İsveçrə və Lixteynşteyndən (ona da İsveçrə baxır) başqa) booking.com qəbul edir. Şərqi Avropanın isə əksəriyyəti imzalı, peçatlı otel vauçeri tələb edir. Bəziləri hətta mütləq ödənişin olunmasını, bəziləri isə tam ödənişin olunmasını tələb edir.
     12. US viza müsahibəsinə yola verdi hazırlaşmaq, 160 dolları havaya atmaqdır. Bütün dünyanın arzusunda olduğu ölkədir, niyə də belə ciddi intervyu etməsinlər?! Qınamağa heç haqqımız da yoxdur. Ondansa reallığı qəbul edib, suallara dürüst, dolğun cavab verin. Ən yaxşı taktika dürüstlükdür.
     13. Çoxları yazır ki, səfirlik işçiləri bizimlə kobud davranır. Onları o vəziyyətə biz özümüz salmışıq. Necə? Səfirliyin veb səhifəsindən yazılan cavabları oxumadan təkrar-təkrar eyni sualları verməklə. 5 sənəd istənildiyi halda, 3 sənəd gətirib, özümüzü 5 sənəd gətirmişik kimi aparmaqla. 35 Avro verib, elə bil kartof alırıqmış kimi, vizamızı tələb etməklə. Bu insanlar hərgün eyni suala 100 dəfə cavab verir, eyni hallarla təkrar təkrar rastlaşırlar. Birazca anlayış göstərib, yaxşı mənada onları yola verək.
     14. Şengen zonası, Avropa Birliyi və Avrozona fərqli anlayışlardır. Birincisi coğrafi birlikdir və öz aralarında sərhəddi götürmüş 26 ölkəni nəzərdə tutur. İkincisi iqtisadi və siyasi birlikdir. Üçüncüsü isə maliyyə/valyuta birliyidir. Tək girişli Şengen vizası aldıqda 26 ölkə üzrə (Avstriya, Macarıstan, Almaniya, İspaniya, İslandiya, İtaliya, Latviya, Lüksemburq, Malta, Yunanıstan, Hollandiya, Belçika, Danimarka, Norveç, İsveç, Polşa, Portuqaliya, Slovakiya, Sloveniya, Fransa, Finlandiya, Çexiya, İsveçrə, Lixteynşteyn, Litva və Estoniya) sərhədsiz hərəkət etmək imkanı qazanırsınız. Lakin son zamanlar müəyyən hallarda ölkələrarası qeyri-formal məntəqələrdə nəqliyyatı saxlayıb, Şengenin hansı ölkədən alındığını və s sorğulayırlar. Qaydalara əsasən siz bir neçə Şengen ölkəsində qala bilərsiniz. Lakin vizanı ən çox qalacağınız ölkədən almanız lazımdır. Yuxarıdakı Şengen ölkələri içərisində Monako, San Marino, Vatikan olmasa da, bu ölkələr də tək girişli Şengen ilə səyahət etmənizə icazə verilən ölkələrdir. Rumıniya, Xorvatiya və Bolqarıstan Avropa Birliyi üzvləridir lakin Şengen üzvləri deyil. Amma Multiple Entry Şengen vizanızla bu ölkələrə də gedə bilərsiniz. Lakin diqqət edin ki, Multiple Entry Şengen vizanızın ilk səyahəti Şengenə olmalı, sonradan bu ölkələrə keçməlisiniz. Serbiya üçün tələblər tez-tez dəyişsə də, bura üçün də Double və ya Multiple Entry Şengen keçərlidir.
     15. ABŞ Vizası ilə ABŞ-dan əlavə bir neçə Mərkəzi Amerika ölkəsinə səyahət edə bilərsiniz. Ölkələr bunlardır: Meksika, Honduras, Salvador, Nikaraqua, Kosta Rika, Panama, Dominikan Respublikası, Puerto Riko.
     16. Bu sual da tez-tez verilir: Əgər London üzərindən US, Kanada, Avstraliya, Yeni Zellandiyaya uçursunuzsa və Londonda overnight qalmalısınızsa, şəhərə UK vizasız çıxa bilərsiniz. Şərtlər bundan ibarətdir ki, Londondan outbound uçuşunuz növbəti günün gecə 12sini keçməməli, həmin 4 ölkədən birinə uçuş biletiniz və vizanız olmalıdır.
     17. Viza ala bilmirsiniz? Mən yerinizdə olsam, qapıda viza tətbiq edən və ya vizasız ölkələrə gedərəm. Nepal, Vyetnam, İndoneziya, Malayziya, İordaniya, Qətər, Livan, Kolumbiya, Ekvador, Montenegro, Bosniya, Makedoniya, Ukrayna, Türkiyə və daha necə gözəl ölkələr var. Gedin gəzin, səyahət tarixçəsi yığıb sonradan vizalı ölkələrə müraciət edin. Şanslarınız da yüksələcək. Kimlərinsə keysləri bu yazdıqlarımla yenə üst-üstə düşməyə bilər. Amma burada 1-2 deyil, 1000-ə yaxın viza keysinin verdiyi nəticələri qeyd etmişəm. 3 ildə bütün öyrəndiklərimizi yazsam, 100-ə yaxın punkt olardı. Ən çox soruşulanları qeyd etdim. Hərkəsə uğurlar.  

Paylaşdı: Baba Ağayev

DİGƏR BLOQLAR

Bir səyahət - 6 şəhər

ROMA, VENESİYA, MİLAN, BUDAPEŞT, KİYEV, ODESSA.6 şəhər, 3 ölkə hamısı eyni postda.Bu qrupdan bir dostumuz dediyi kimi qurban olduğum Wizzairdən biletləri seçib çıxdıq yola ????Gəzməli görməli yerləri şəkillərdə göründüyündən və postu oxuyanları yormamaq üçün mümkün qədər qısa qeydlərlə növbəti şəhərlərə keçəcəm. Başdan deyim ki, gözləntilər fərqli, baxışlar fərqli, şəhərlərlə bağlı yekun qərarlar fərqli ola bilir. Böyük kütlənin sevdiyi haranisa sevməyə bilərəm və ya əksi.Öncəliklə Roma.. Kutaisi - Roma reysiylə çatdıq şəhərə. Çatdıq derken dostum Elçin və mən ???? Paris səfərimiz də birlikdə olmuşdu. Romaya gediş biletini bir neçə ay öncədən 70 aznə almışdıq (tək gediş). 7 euro aeroportdan şəhərin mərkəzinə getmək üçün bus bileti aldıq. Oteli Terminidə seçdiyimiz üçün şəhərin əsas gəzməli-görməli yerlərinə uzaq deyildi. Maps.me, canımız gözümüz ???? taksisiz, avtobussuz, kasıb malı, ayaq gücünə ???? Fikrimcə, hər şəhəri ayaqla gəzmək lazımdı. Mümkün qədər avtobussuz, metrosuz. Necə deyərlər qarış-qarış, xəyalındaki hansısa şəhərdə addımladığını dəfələrlə hiss edərək.. Mənə görə hansısa şəhərdə piyada gəzməkdən yorulmursansa bu gəzinti deyil.Roma çoxunun bildiyi kimi tarixi şəhərdi. Min illərlə əvvəl tikilmiş tikililər. Normalda mənim tarixi şəhərlərlə aram yoxdu, ama Romanı orta dərəcəli də olsa sevə bildim. Şəhərdə əsas xoşuma gələn hər bir tərəfinin gəzmək və gözəl şəkillər üçün uyğun olması idi. Bir də şəhərdə bir-birinə yaxın məsafələrlə olan bulaqlarını sevdim. Sərin su - yay aylarının vazkeçilməzi. Roma dondurmasının dadına baxdıq, Pizzasının da dadını bildik. Şəhər Paris qədər olmasa da bahalı idi. Bahalığa görə ən çox təsir edəni də 1 eurodan WC keyfi  Roma plani quran dostuma tez vatsappda yazmışdım, bağırsaqların düzəlməyincə uzaq dur bu şəhərdən, Bakıdakılardan bərk bərk yapış  Şəhərin əsas görülməli hər küçəsini addım-addım gəzdik. Adriatik dənizinə getdik plyajına. Vatikana getdik, ora tamam başqa aləmdi. Burda çox Roma fanı var ama mənim üçün şəhərin gözəlliyi 3/5. Romanı istər-istəməz daha öncə getdiyim Parislə müqayisə etməli olurdum. Şəhərləri qarşı-qarşıya qoymağı sevən deyiləm ama insan özündən asılı olmadan orda eləydi burda beləydi edir. Bilmirəm ən çox sevdiyim şəhərdi deyə yoxsa nə Parisə əlavədən on dəfə də gedərəm, ama Romaya ikinci dəfə gedərdimmi? Getməzdim.Keçdik Venesiyaya.. Bu şəhərə getmədən youtubedə dəfələrlə 4k videolardan izləmişdim. Şəhəri sevəcəyimdən şübhəm yox idi. Şükür elə də oldu. Nağıl kimi şəhərdi Venesiya. Fərqli şəhərdi, valehedici şəhərdi. Məsələn, mən ömrümü o şəhərdə yaşamaq istərdim. Elə bir şəhərdi. Deyərdim, dərdi-kədəri unutduran, gözəlliyini gördükcə gözləri güldürən şəhərdi.Milan - Ən az bu şəhərdə oldum ama ən çox bu şəhəri sevdim. Tam mən istəyən şəhərlərdən. Müasir hündür mərtəbəli binalar, gözəl parklar, gözəl yollar, böyük və gözəl görünüşlü alış-veriş mərkəzləri, bahali maşınlar. Belə müasir şəhərlərdə mənə elə bir hiss gəlir ki, sanki bütün milyonerlər yığışıb əlində-ovcunda nə varsa şəhəri gözəlləşdirməyə sərf edib. Şəhəri gəzdikcə düşünürdüm mən nə savab işləmişəm indi buraları görürəm, Naxçivandan Milana uzanan həyat hekayəsi falan filan ????????Ümümulikdə İtaliya səfərim haqqında bu qədər.Keçdik Budapeştə. Macarıstanın paytaxtı. Bu şəhəri də nədənsə görmək istəyirdim. Şükür, qismət oldu. Buda və peşt şəhərlərini birləşdirən Dunay çayı. Mənzərə super idi. Qiymətlər İtaliya ilə müqayisədə daha ucuz. 1 euro = 310 forint idi. Şəhəri gəzməkdən böyük keyif aldım) Hətta o dərəcə ki, gündəlik 25-30 km piyada gəzintidən ayağım da şişmişdi) ama dəyərdi.Kiyev - Mənə görə Bakının bir neçə il əvvəlki halı. Yolları, parkları oxşar, metrosu birəbir eyni. Kiyevdə çox zamanımız olmadı deyə təkcə mərkəzi hissəsinə getdik, o da 15-20 dəqiqə piyada gəzməmiş dedilər, qaqa olanımız budu ???? Ama bir dönər yedim ki, gəl görəsən. Dadı damaqdan getməyən, yedikdən sonra əlavədən barmaq yedirdən )) haçansa yenidən Kiyevə getməli olsam tapacam o yeri, ya da haçansa milyoner olsam sırf o dönəri gedib yeyib qayıdacam  Xəyallarımda da kasıbçılıqdi, dönər zad Dediyim kimi daha çox müasir şəhərlərdən zövq aldığımdan bu şəhəri sevmədim, mənə görə sıxıcı, vaxt ayrılmayacaq şəhərdi, gözləntim isə böyük idi.Odessa - Ukraynanin digər şəhəri - Turistik şəhər. Kiyevlə müqayisədə daha çox bəyəndim. Qara dəniz sahillərində piyada gəzinti çox gözəl idi. Dadlı yeməklər, gözəl parklar, gözəl çimərliyi.- Uzaqlara getmək, dənizlər, sərhədlər, ölkələr, inanclar aşmaq fürsəti yarandığı zaman heç düşünməyin. Gəzmək yaşamaqdır. Arzusunda olan hər kəsə qismət.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Hüseyn Hacıyev

968 dəfə oxunub

Yunan adası - Rodos

Rodosdakı bütün otel, apartament və hostelləri bu linkdən book (bron) edə bilərsiz.Heç bir plan olmadan, tələm-tələsik baş tutan çox maraqlı bir səfərim haqda danışmaq istəyirəm. Türkiyədə hazırda gönüllü qaldığım yerdə oturum izni almadığım üçün Azərbaycanlılara uygulanan 1 aylıq vizasız yaşam zamanım doldu. Ölkəni tərk etməli idim, bu da sevə-sevə işlədiyim yerdən ayrılmalı olduğum anlamına gəlirdi. Burda olan dostların axtarışı nəticəsində çarəni 1 günlük Yunan adalarından birinə gedərək yenidən 1 aylıq qala bilmə izni yaradaraq, həm də yeni bir yer kəşf etməkdə tapdıq. Beləliklə problem həll olundu, mən də səbrsizliklə çantamı hazırlamağa başladım.Günübirlik turun qiyməti 42 avrodur. Səhər saat 9da yola düşürsüz və 1saat içində Rodosa çatırsız. Feribot nə çox kiçik bir qayıq tipli bir şey deyil, nə də İstanbulda boğazı keçərkən istifadə olunan o böyük gəmi deyil. Heç ölkələr arası kruizdə deyil ???? Yəni xəyal qurmağa dəyməz bu mövzuda, çox sürətli hərəkət edir və bir də Rodos tərəfində daha çox yırğalanır. Ege dənizinin maviliyi göz oxşayır desəm yanılmaram. Günübirlik olduğu üçün biletim saat 5də də yenidən geri qayıdış zamanım idi. Bir-iki saat içində gəzə bildiyim yerlərdən bəhs edim. İlk zatən feribotdan endikdən sonra şəhərə doğru irəliləyib “Old town” adlı qədim hissəsini doyunca gəzdim.Sonrasında isə özümə dəniz məhsullarından dadmaq üçün zaman ayırdım. Beləki burda balıq yemədən, dəniz yeməklərinin dadına baxmadan və məhşur ouzo içkisini sınamasan olmaz. Mən də bu olmazsa olmazı dənədim. Beləki çox ləziz olan menyudan ahtapot grili və qızardılmış kalamar qarışığı bir boşqab sifariş verdim. Əlbətdə məşhur tarixi yunan içkisi ilə birlikdə bu 12 avroya başa gəldi. Hesabı ödədikdən sonra isə onlar məni qarpıza qonaq etdilər, niyəsin soruşduqda isə onların adətlərinin belə olduğunu bildirdilər.Artıq geri dönmək üçün yalnız 2-3 saatım qalmışdı. şəhəri heç gəzmədən getmək isə könlümə yatmadığı üçün turistik avtobusla şəhər turuna qatıldım. Prinsipcə zamanınız varsa piyada gəzmək, azmaq, yerli əhali ilə söhbət etmək tərəfdarıyam. Amma zaman… Səhər aldığınızda 12.50 avro olan bilet, saat 12.00dan sonra 9 avro olur. İstədiyiniz yerdə minib-enmə imkanı və hər tarixi yerdə olan şeylər haqda seçdiyiniz dildə geniş bir məlumat verir. Rodos özündə antik Yunan mədəniyyətini, Pers işğallarını, Roma imperatorluğunun gücünü, Osmanlı islam tarixini birləşdirir. Eləcə də bir çox avropa ölkələri müstəmləkəsi olduğundan hər mədəniyyətin bir parçasını hələ də özündə qoruyub saxlayır.Dünyanın 7 möcüzəsindən biri olan Kolossos heykəlinin vətəni Rodos haqda bu qədər yetərlidir, növbəti yazımda oranın digər populyarı olan Lindos kəndi haqda yazacam.Rodosda çəkdiyim digər şəkillərə facebookda “Bilməzin macəraları” səhifəsində baxa bilərsiz.P.S.: Bura getmək üçün şengen vizası lazımdır. Türk vətandaşlarından Kıbrısda olmuş olanlara və ya Kıbrıs vətandaşlarına sərhəddən buraxılış verilmir. Əgər sizin də pasportunuzda Kıbrıs cümhuriyyətinin möhürü varsa öncədən ora zəng vurub soruşun, sonra sərhəddə qalmayasız.P.S.: Mənim kimi uzaq bir yerdən gedəcəksənizsə bir gün öncədən gedib Marmarisdə qalmaqda fayda var. Çünki böyük bir növbə olur sərhəddə və saat 9da yola düşdüyü üçün feribot gecikmə ehtimali var.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər... Paylaşdı: Nilufər Əzim 

762 dəfə oxunub

Bütün detalları ilə Bali bələdçisi

Balidəki otel, apartament və hostelləri bu linkdən book (bron) edə bilərsiz. Bali geniş post - Bir neçə gün əvvəl paylaşdığım Qatar Airwaysin oktyabr 2019-mart - 2020 arası uçuşlarda Bali, həmçinin digər Asiya ölkələrə və Maldivlərə olan 50% bilet endirimi 4 gün sonra yəni -07 avqustda bitəcəkdir. Hazırda həmin tarixlərdə Baliyə 520-550 dollara rahat gediş-dönüş bileti tapmaq mümkündür. Mənim fikrimcə Bali ölmədən əvvəl mütləq görüləsi yerlərdən biridir. Bu postda niyəsini yazmaq istəyirəm. Əvvəlcədən deyim ki, Balidən aktiv istirahət üçün maraqlıdır. Yəni buradan bir Maldiv və ya Seyşel efekti gözləyirsizsə getməyin. - Viza - Ölkə vətəndaşlarımız 1 ay müddətində vizasız İndoneziya və Bali adasında qala bilərlər. Hər hala qarşı giriş edərkən ölkədən çıxış biletiniz və ya bookingi əlinizdə olsun. - Bunları etmədən dönmək olmaz 1) Bali Swing - Ubud bölgəsində Düyü terraslarının ən yuxarı hissəsində olan təpədə Palma ağaclarından bağlanmış yelləncəkdən boşluğa doğru yellənib möhtəşəm adrenalin yaşaya bilərsiz. Burada alınan şəkillərin gözəlliyini demirəm hələ2) Bali masajı - Demək olar ki, hər addımda salonlar var. 10-15 manat ödəyib 1 saat bədəninizə istirahət vermək üçün Bali ideal yerdir. Bali masajlarından sonra özünüzü pambıq kimi yumşaq hiss edəcəksiz.3) Handara qapılarında şəkil çəkdirin - Bir çoxunuz bu qapılarda çəkilən cütlük şəkillərini görmüsünüz. Realda şəkillərin altına ayna qoyurlar)) Amma yenə də insanların baxarlən awww deyə biləcəyi şəkillər alınır)) 4) Bali sörfinq - Sörf bacarmırsınızsa öyrənmək üçün ideal yerlərdən biri Balidir. Təxminən 50 dollara 5 saatlıq kursla özünüzü okean sularına buraxacaqsız J5) Climax Bali atraksionu - Bir kapsulun içinə girirsiz və düz formada ayaq üstə dayanırsız. Anidən ayağınızın altındakı şüşə açılır və möhtəşəm sürətlə aşağı düşüb sonda hovuza düşürsüz. Adrenalin sevirsizsə Asiyanın ən böyük su parkı olan Waterboom Balidə olan bu atraksiondan mütləq istifadə edin. Möhtəşəm adrenalin yaşadır. (Drench 5/5, thrill-5/5, speed 5/5)6) Meşə mənzərəli sonsuz hovuzlarda şəkil çəkdirin - Əminəm bir çoxunuz Bali otellərinin bəzilərində olan sonsuz hovuzlarda çəkilən şəkilləri görmüsünüz. Meşənin üzərində olan bir otelin şüşədən hovuzundakı şəkillərinizə baxmaqdan doymayacaqsız)7) Uluwatu bölgəsində gün batımını, Batur dağından isə günün doğuşunu izləyin. Həyatımda gördüyüm ən gözəl mənzərələrdən biri idi.8) Padang Padang beachi görün - Yəqin ki, Eat love, pray izləməyib Baliyə gedən yoxdur. Julia Robertsin okeanna girdiyi səhnənin çəkildiyi bu yer görüləsi yerlərdən biridir. Filmdən həmin hissənin şəklini çıxardıb eyni yerdən okeana girərkən şəkil şəkdirə bilərsiz.9) Tirta Gangga(su sarayı) - Balinin ən gözəl, lakin az bilinən yerlərindən biridir. Yolunuzu burdan salın.10) Bali kofelərindən için - Adada fərqli dadlı 20-yə yaxın kofe növü vardır. Qiymətlər ucuzdur. Həmçinin məhşur Luwak kofesi də burada hazırlanır. Yəqin ki, bilirsiz bu kofe necə hazırlanır - bu barədə post yazmışam - rəylərdə link ataram))11) Bali Seawalker tourlara qatılın - Vaxtınız və marağınız varsa xüsusən Gili adaları ətrafında bu turlara qatılın. Okeanın dibində olan heykəllər insanı heyrətləndirir.12) Ölülər kəndi Truyana getmək - Balinin ən qədim sakinlərinin yaşadığı bu kənddə insanlar öldükdən sonra meyitləri sehrli Taru Menyan ağacının altına qoyulur. Meyitlər sümük olana qədər burada qalırlar. Ən maraqlısı isə meyitlər çürüyərkən bu ağacın altında heç bir pis qoxu yaranmamasıdır. Bura haqqında keçmişdə ətraflı post yazmışdım.-link-rəylərdə olacaq13) Paytaxt Kutada günbatımında sahilləri gəzib Bali pivəsi olan Bintangdan için Haralara getməli:1) Tanah Lot Məbədi - Okean sularının qurudan ayırdığı bu məbədə xüsusən günbatımında gedin.2) Waterboom Bali  - Buraya ən az 1 gün ayırın. Paytaxt Kutada yerləşir. Asiyanın ən böyük, Dünyanın isə 3-cü böyük aquaparkıdır. Giriş 55-60 manatdır. İçəri yemək və su aparmaq olmaz. Əşyaları saxlamaq üçün Lockerlər var və dəsmalları özləri verirlər. Əyləncənin limitlərini burada aşacaqsız.3) Ubudda Düyü Terrasları, Meymun meşəsi, Kofe plantasiyaları, Batur dağı və gölünü gəzin.4) Bali 20-yə yaxın böyük şəlalə ilə məhşurdur. Mənim gördüyüm və sizə də getməyə məsləhət bildiyim şəlalələr: Ubudda-Tegenungan şəlaləsi-giriş 2$, Sekumpul şəlaləsi-Giriş 1,5$, Kanto Lampo şəlaləsi-Giriş 1$, Tibumana şəlaləsi-Giriş 1$, Gitgit şəlaləsi- giriş 2$, banyumala ekiz şəlaləsi-2$5) Mən heç nədən qorxmuram deyənlərdənsizsə ölülər kəndi Truyanı gəzin.6) Bali Bird Park - Quşların hər növündən burada görə bilərsiz.7) Nusa Dua ətrafındakı çimərliklər, Dreamland beach və başqaları8) Garuda Wisnu Kencana Cultural Park - Özünüzü Avatar filmlərindəki yerlərdə hiss etmək istəyirsizsə buraya gedin.9) Gili adaları - Balidə olarkən özünüzü ekonom Maldivlərdə hiss etmək istəyirsinizsə 3 Gili adasına bir neçə gününüzü ayırın. Əsas görüləsi ada Gili travagandır.  10) Skygarden Bali - Paytaxt Kutada yerləşən bu klub Asiyanın ən böyük klublarından biridir. 5 mərtəbəli, hər mərtəbəsində fərqli dizayn və fərqli millətlərin üstünlük təşkil etdiyi bu kluba giriş 10$dır.11) Uluwatu bölgəsini gəzin - Sözsüz Balidə olan ən gözəl yerlərdən biridir. Burada gəzərkən ehtiyyatlı olun meymunlar telefonunuzu oğurlaya bilər.12) Tərk edilmiş Palace hoteli gəzin - 100 milyon dollara tikilməsi ehtimal edilən, yerlilərin pərili otel deyib getməyə qorxduğu bu oteli gəzmək ayrı bir adrenalindir.13) Adanın turistlər olmayan şimal hissəsini gəzin. Otel qiymətləri:Balidə 10 günü 2 nəfərlik otaq üçün ümumilikdə 200-300 manat olan 2-3-4 ulduzlu otellər də var 2000-3000 manat ola otellər də. Balaca və böyük hovuzlu villalar, hostellər nə istəsəniz burada tapa bilərsiz. Qiymətləri çox münasibdir və ölkəmizdən qat-qat ucuzdur. Okean sahili üçün Nusa Dua bölgəsində, meşəlik üçün isə Adanın Ubud hissəsində qalın.  Yemək və içki:Otellərdə və restoranlarda yeməklər kifayət qədər ucuzdur. Çoxlu düyü yeyirlər. Çörəkləri də düyüdəndir. Pivədən başqa digər içkilər çox da ucuz deyil. Qatar airlə uçanlar Doha aeroportunda Duty freedə sərfəli qiymətə içki alıb özünüzlə apara bilərsiz. Klublarında içkilər ucuzdur, amma çox da keyfiyyətli deyil. Mütləq hər cür ekzotik meyvələrdən yeyin. Bizim ölkədə cib yandıran ekzotik meyvə qiymətləri orda çox ucuzdur. -Bu yazdıqlarım mənim gedib gördüyüm yerlərdir. Bunlardan başqa Balidə gəzməli çox yerlər vardır. Post çox uzun oldu bilirəm, buraya qədər səbr edib oxuyanlar yaxın müddətdə Baliyə gedənlər olacaq yəqin ki, əlavə suallarınız olarsa rəylərdə soruşun cavablandıraram. Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…  Paylaşdı: Gəzgin Həyat

1367 dəfə oxunub

Luvr muzeyi haqqında hər şey (II hissə)

 Parisdəki bütün otel, apartament və hostelləri bu linkdən book (bron) edə bilərsiz. Deməli, yoldaşlar, vaxtdır. Muzeyin kolleksiya və strukturu haqqında danışmağa başlaya bilərəm.Muzey tematik kolleksiyalara bölünüb, çalışacam bu zallar haqqında məlumat verib mütləq görülməli əsərləri qeyd edim.Yazılar arasında itməmək üçün xəritə: fr / en / ruQeyd: Fransada mərtəbələr 0-dan başlayır, yəni fransuzski 1-ci mərtəbə = bizim 2-ci mərtəbə. 0-cı mərtəbəyə rez-de-chaussée (RDC) deyilir. Antiquités du Proche-Orient – Yaxın şərq əntiqləriRichelieu qanadı, mərtəbə 0Qədim Mesopotamiyadan başlayaraq İran, İraq, Suriya tarixinə aid arxeoloji tapıntılar, heykəllər, yazı texnikaları daha nələr nələr. Mənim, şəxsən, ən çox sevdiyim kolleksiyalardan biridir. Tarixin ən qədim yazı nümunələrindən olan Şumer yazılarını görə biləcəyiniz silindrlər həmin dövrün hadisələri haqqında müəyyən təsəvvür oyadır. Şumer-Akkad hökmdarlarının heykəllərinin bəzədiyi zallar, Laqaş şahzadəsi Gudeanın müxtəlif versiyalarda heykəlləri görülməyə dəyər.Kolleksiyanın digər bir özəlliyi də bəzi zalların tarixi məkanları təkrarlama inisiatividir. Belə zallardan biri Xorsabad zalıdır: mifik Lammasuların sərgiləndiyi və insanı bir anlıq qədim dünyaya aparan bu zalın xüsusi bir aurası var. Digər belə zal I Daranın Sarayıdır: divarlarda oxçular, Əhəmənilərin simvolu olan şirlər (A coat of gold, a coat of red / A lion still has claws...)Mütləq görülməsi lazım olan eksponat isə sözsüz ki, Hammurapi Qanunlarıdır. Qədim Dünya Tarixi kitablarından oxuduğum tarixin ilk yazılı qanun külliyatını yaxından görmək möhtəşəm bir hiss idi. Sütunun yanında qanunların tərcüməsi verilib, oxuyub bir az şoka düşə bilərsiniz ;)Kolleksiyanın sonuncu zalında isə Luvr Muzeyindəki ən qədim eksponat – 9 min il əvvələ aid olan, Ain Ghazalda tapılmış insan fiqurunu görmək olar.Antiquités égyptiennes – Misir əntiqləriSully qanadı, mərtəbə O və 1Kolleksiya iki mərtəbədə yerləşir : 0-cı mərtəbədə sivilizasiyanın təqdimatı (gündəlik əşyalar, adət-ənənə, tanrılar, heroqliflər, rituallar və s.), 1-ci mərtəbədə isə Misir tarixinin xronoloji təqdimatı yer alır. Bütün kolleksiyanı görmək istəyənlərə məsləhət : 0-cı mərtəbədən başlayıb, zalları sırasına görə gəzin.Girişdə sizi Tanisin Böyük Sfinksi qarşılayır. Davamında ikinci zala keçirsiniz və qədim dövrlərin Nil sahillərinə gedib çıxırsınız : qədim alətlər, gəmi fiqurları və s. Sonra keçirsiniz qədim Misir yazı texnikasına həsr olunmuş bölməyə. Misir heroqlif sistemi, dil strukturu, işarələr haqqında kifayət qədər ətraflı məlumat əldə edə biləcəyiniz bu zalda həmçinin heroqliflərin necə daş lövhələr və papiruslar üzərinə həkk olunduğunu da öyrənə bilərsiniz. Növbəti istiqamət olaraq “Chapelle du mastaba d'Akhethétep” görülməlidir; Axetetepin məzarının bir hissənin rekonstruksiyası olan bu piramidvari məkanda özünüzü həqiqətən Qədim Misirdə hiss edəcəksiniz. Növbəti zallarda ev əşyaları, saxsı qablar, dövrün mebelləri sərgilənib.Kolleksiyanın ən əzəmətli zallarından olan Məbədə gələrkən Sfinks Xiyabanında onlarla sfinks tərəfindən qarşılanırsınız. Məbəddən sonra sizi məzarlar, mumiyalar, sarkofaqlar gözləyir. Bu zallardan sonra isə Misir Allahlarının hüzuruna çıxırsınız.Birinci mərtəbəyə qalxarkən divarda Misir tarixinin önəmli hadisələrin xronoloji ardıcıllığı ilə qarşılaşırsınız. Sonra isə kolleksiyanın ikinci hissəsi olan Misir tarixi bölməsinə keçirsiniz və çənənizi yerində saxlamağa çalışırsınız, çünki bu zallar həqiqətən möhtəşəmdir.Burada mütləq görülməli eksponatlar sırasına “Le Scribe accroupi” də əlavə etmək lazımdır.Antiquités grecques, romaines, italiques et étrusques – Yunan, Roma, İtalik və Etrüsk əntiqləriDenon və Sully qanadları, mərtəbə -1, 0 və 1Denon qanadına -1-ci mərtəbədən daxil olanda sola dönərək tarixin ən qədim sivilizasiyalarından biri olan yunan mədəniyyətinin ən uzaq dövrlərinə gəlib çıxırsınız. Gündəlik əşyalar, xırdaca heykəllər, vazalar, divar yazıları b.e.ə. 6500-500-cü illərə aiddir.0-cı mərtəbədə sıra ilə Yunan, Roma, Etrüsk əntiqləri sizi gözləyir. Mona Lizadan sonra Luvrun bəlkə də ən məşhur eksponatı sayılan Venus de Milo da məhz bu kolleksiyalar silsiləsində yerini alır. Denon qanadından Sully qanadına keçiddə böyük turist qrupu görən kimi Veneranın yaxında olduğunu başa düşəcəksiniz. Həmin zalda yunan Allahlarının hər cür formada heykəllərini görmək olar.Bir mərtəbə də yuxarı qalxsanız 1-ci mərtəbədə üzərində qədim dövrün müxtəlif hadisələri əks olunan etrüsk vazaların sərgiləndiyi uzuuuuun bir zala çıxacaqsınız. Muzeyin bu hissəsi daha interaktivdir – bəzi eksponatlar xüsusi seçilib və elektron lövhələrdə həmin eksponatın üzərindəki detallar izah edilib. Bir belə eksponata baxmaqla bu sənət növü haqda kifayət qədər məlumat almaq olur.Arts du Proche-Orient et de l’Égypte – Yaxın Şərq və Misir incəsənətiDenon qanadı, mərtəbə -2 və -1Luvrdakı ən sevdiyim kolleksiya olan İslam incəsənəti (aşağıda) kolleksiyasının yanındadır. İslam incəsənəti kolleksiyasının -1-ci mərtəbəsindəki balkonvari məkandan durub -2-dəki mozaikalara baxmaq lazımdır, sonra da düşüb yaxından incələmək. Mozaikaların bəziləri Türkiyə ərazisində tapılıb.Kolleksiyanın davamında isə hansı zalda olduğunu dəqiq xatırlamadığım “məzarlıq” var. Burada sarkofaqlar, tabut incəsənəti ilə yaxından tanış olmaq olar :D Zallardan biri isə koptik Misirə aid kilsənin rekonstruksiyasıdır.Arts de l’Islam – İslam incəsənətiDenon qanadı, mərtəbə -2 və -1Şübhəsiz, Luvrda ən çox sevdiyim kolleksiyadır. Bilmirəm, bəlkə də, Azərbaycanlı olmağım və bu coğrafiyanın incəsənətinə olan marağımla bağlıdır. Kolleksiyaya giriş Yunan Əntiqləri kolleksiyasındandır. Kolleksiya iki mərtəbəyə bölünüb: yuxarı mərtəbədə qab-qaşıq, yazı nümunələri, müxtəlif əşyalar yerləşir. İslamın yaranmasından başlayaraq Ərəb Xilafətinin genişlənməsini əks etdirən interaktiv məlumat lövhəsi var.Əsas gözəlliklər aşağı mərtəbədədir. Burda virtual guide olaraq məsləhət görürəm ki, pilləkəndən düşəndə əvvəla arxaya gedib miniatürlər və kitablara baxın. Sözlərlə ifadə edilə bilməyəcək dərəcədə maraqlıdır. İnteraktiv lövhə var: ingilis, fransız, ispan dillərindən birini seçməklə kitabların hazırlanma tarixçəsinə, miniatürlərlə necə bəzədildiyinə baxa bilərsiniz. Sonra keçirsiniz üzəri müxtəlif naxışlarla bəzədilmiş mis, dəmir qablar, şamdanlar və s. olan zala. Bu zalda Yunus ibn əl-Hüseyn əl-Əstürlabi tərəfindən İslam Dünyasında hazırlanmış ilk selestial qlobusu (Globe Céleste) görəcəksiniz.Növbədə İslam aləminə xas müxtəlif dekorlarla bəzədilmiş qapılar, boşqablar, miniatür sənəti ilə bağlı hansı kitabı açsanız görəcəyiniz dekorativ kirəmitlər var.Bir divar boyu düzülmüş Türkiyədən gətirilmiş miniatür motivlər kolleksiyanın ən görülməli işlərindəndir. (maraqlı fakt: divardakı fayanslardan bəziləri ermənilər tərəfindən hazırlanıb)Səfəvi dövrünə aid güzgüdən tutmuş bıçağa, divar motivlərindən tutmuş dekorativ qapılara qədər bir çox eksponat görəcəyiniz bu hissədə xüsusi diqqət verilməli eksponat İsfahandan gətirilmiş Bağ Səhnəsidir.Kolleksiyanın kulminasiya nöqtəsi xalçalardır. Yavaş-yavaş xalçalara baxırsınız və burda sizi fərəhləndirəcək o eksponatı görürsünüz – Azərbaycan xalçası. Diqqət: son gedişimdə xalça eksponat mübadiləsinin qurbanı olmuşdu :/ Sculptures – HeykəllərRichelieu qanadı, mərtəbə -1 və 0Heykəltəraşlıq nümunələri bir neçə zalda tematik olaraq bölünüb. -1-də iki “həyət” var, bu həyətlərdə Avropa və Fransa heykəllərinə baxıb, onlarla eyni pozada durub şəkil çəkdirə bilərsiniz (bəzi heykəllərin həqiqətən gülməli pozaları var).Heykəllərin bir qismi “qəbristanlıq” mövzusu üzərində qurulub: qəbir daşları, qəbirlər, white walker.Bir digər bölmədə isə Akademiyaya təqdim edilmək üçün hazırlanan heykəllər sərgilənir. Mötərizə açıb Luvrun tarixi haqqında çox qısa bir məlumat verəcəm. Luvr Kral Sarayı olaraq istifadə olunarkən bütün otaqlar yalnız kralın yatması, yeyib-içməsi və hər küncdə bir məşuqəsini gizlətməsi üçün istifadə edilmirdi. Zalların bir qismi Charles X Muzeyinə çevrilmişdi – buraya Misir əntiqləri yığılmışdı. Sarayın digər bir hissəsi isə incəsənətə həsr edilmişdi. 1648-1793-cü illər arasında Luvrda Académie Royale de Peinture et de Sculpture (Rəssamlıq və Heykəltəraşlıq üzrə Kraliyyət Akademiyası) fəaliyyət göstərirdi. Akademiyaya daxil olmaq üçün gənc (bəzən də yaşlı) istedadlar iş hazırlayırdılar və həmin işlərin bir qismi ilə siz məhz Luvrda tanış ola bilərsiniz. Jean-Baptiste Pigalle-ın hazırladığı Volterin qalmaqallı çılpaq heykəli (Voltaire nu) də bu zalda yerləşir.İtalyan heykəlləri zalında isə Michelangelonun əsərlərini görə bilərsiniz.Gabrielle d’Estrées et une de ses sœursPeintures – RəsmlərRichelieu, Sully və Denon qanadları, mərtəbə 1 və 2Luvr deyəndə turistlərin 99%i Mona Liza deyə exo verir. O boyda muzeydə sanki Mona Lizadan başqa bir eksponat yoxmuş kimi. Xülasə, Luvrun Starı, xanım-xatın Jakonda sizləri Muzeyin Denon qanadının 1-ci mərtəbəsində xüsusi bir təbəssümlə gözləyir. Mona Lizadan əvvəl kolleksiyaya nələr daxildir ondan danışaq.Luvrun Rəsm kolleksiyası bir neçə hissədən ibarətdir ki, bu hissələr də coğrafi mənşəyə görə bölünüb.Fransa rəsmləriAvropa incəsənətinin beşiyidir Fransa (İtaliya ilə birlikdə :p). Delacroixnın nəhəng tablolarına baxıb personajlar arasında itmək istəyirsinizsə, və ya İngresin bizə arxasını çevirib çim-çim edən xanımlarına salam demək istəyirsinizsə, ya da Corot-nun peyzajlarına baxıb feyziyab olacam deyirsinizsə, mütləq bu kolleksiyanı görməlisiniz.Burda yenə bir mötərizə açıram. Luvrun Saray dönəmində Akademiyada hər il Salon təşkil edilirdi. Salonda həmin ilin seçilmiş tabloları nümayiş olunurdu. Salonda əsərinin nümayiş olunması rəssam üçün çox böyük prestij sayılırdı. Prestij dərəcəsinə görə tabloların kateqoriyaları var idi (ən prestijlilər daha çox təxəyyül tələb edən işlər, ən az prestijli isə nəyinsə tam kopyası):tarixi rəsmlərportretinsan rəsmləri (gündəlik həyatdan fraqmentlər və s.)peyzajnatürmortKolleksiyadakı əksər işlər Salona qəbul olunmuş tablolardır. Hər tablonun qarşısında 30 saniyə keçirsəniz, hər halda 1 həftəyə sırf Rəsm kolleksiyasını bitirə bilərsiniz. Amma mütləq görülməli əsərlər sırasında Delacroixnın “La Liberté guidant le peuple” və İngresin “La Beigneuse Valpançon” xüsusi qeydedilməlidir. “Gabrielle d’Estrées et une de ses sœurs” tablosu da burdadır ;)Şimali Avropa rəsmləriƏvvəlcə pis xəbəri vermək istəyirəm: kolleksiyanın böyük bir hissəsi bağlıdır. Yaxşı xəbər: görüləcək vacib əsərlər sərgilənməyə davam edir.Almaniya, Danimarka, Hollandiya rəssamlarının əsərlərini görəcəyiniz bu zalda bir çox üstadın izinə rastlayacaqsınız. Rembrandtın tünd palitrası, Rubensin qırmızısı, Antoine van Dyckein portretləri, Vermeerin Astronomu sizi alıb aparır başqa dünyalara. Kolleksiyadakı ən sevimli əsərlərim Rembrandtın avtoportretləridir.Portretlərlə zəngin kolleksiya gəzməyin bir digər maraqlı məqamı isə hərdən bir tanışınızın oxşarını görməkdir: mən bir dostumun əkizini tapdım Şimali Avropa rəsmləri arasında.İtaliya rəsmləriMaître de Dreux Budé, Le baiser de Judas et l'arrestation du Christİtaliya = incəsənət. Denon qanadının 1-ci mərtəbəsində İtaliyanın bir az qədim dövrlərinə gedib çıxırsınız, əsasən kilsə və din temalı tablolar və müxtəlif rəsmlər görürsünüz. Sonra tarixdə addımlayaraq Botticelli, Caravaggio, Raphael, Tizianoya yaxınlaşırsınız. Məşhur xanımın zalının qarşısındakı uzuuuun zalda sağlı sollu tarixin ən dəyərli italyan rəsmlərini görürsünüz. Əlbəttə, Liza xanımın yaratdığı qara dəliyə düşməsəniz. Turistlərin böyük əksəriyyəti Leonardo da Vincinin Luvrda bir yox, bir neçə əsəri olduğundan belə xəbərsizdirlər.Gələk Starımıza. Luvrdakı ən möhtəşəm əsər olduğunu deyə bilməyəcəm, amma ziyarətinizdən sonra “O qədər deyirlər ki, əslində bapbalaca bişeydi, özü də uzaq, heç görünmür” deməyiniz üçün mütləq görülməlidir. Cazibədar gülüşünü böyük bir ehtimalla sezə bilməyəcəksiniz, çünki Luvrdakı digər əsərlərdən fərqli olaraq Mona Liza ilə sizi təqribən 2 metr uzaqlaşdıran taxta hasar, xanımın sağ və solunda qorumalar, üzərində ikiqat şüşə var. Bütün bunlar azmış kimi telefon və kameraları ilə az qala gözünüzü deşən turistlər sizin o bir neçə dəqiqəlik həzzinizi burnunuzdan gətirirlər.İspaniya rəsmləriİki dəfə kolleksiyaya daxil olub ikisində də tam detallı gəzə bilməmişəm: ilk dəfə dəhşət yorğun olduğum üçün, ikinci dəfə isə Afrika incəsənəti kolleksiyasına tələsdiyim üçün. El Greco, Zurbaran, Ribera, Murillo, Goya kimi rəssamların əsərləri sərgilənir.Böyük Britaniya və ABŞ rəsmləriNot impressed. Gainsborough, Raeburn, Turner kimi rəssamların işləri var.Məsləhət: əgər bütün rəsm kolleksiyasını görmək istəyirsinizsə (və ancaq rəsm kolleksiyasını görmək üçün getmisinizsə), Richelieu qanadında 2-ci mərtəbədən Şimali Avropa rəsmlərindən başlayın, sonra Sully qanadında Fransa rəsmlərini görüb aşağı düşün. 1-ci mərtəbədə İtaliya rəsmləri ilə başlayıb daha sonra İspaniya, Böyük Britaniya və ABŞ rəsmlərini görüb kolleksiyanı bitirin. Beləliklə həm daha az vaxt itirmiş olacaqsınız, həm də muzeyi iki dəfə fırlanıb yorulmayacaqsınızArts décoratifs – Dekorativ incəsənətRichelieu, Sully və Denon qanadları, mərtəbə 1Luvr muzeydir, amma onun Saray keçmişi var. Bu o deməkdir ki, Luvrda saymaqla bitirə bilməyəcəyiniz qədər Saray əşyaları var. İncəsənət əşyaları adı altında toplanan saysız hesabsız eksponatlar kolleksiyanı o qədər rəngarəng edir ki, ən az bir zalı mütləq görülməlidir. Deməli, kolleksiyaya nə daxildir: taxt, xalçalar, mebellər, zinət əşyaları, saysız taclar, saatlar, boşqablar, daha çox xalça, portretlər, şamdanlar, qılınclar, silahlar... Kolleksiyada bir İmperatorun özü çatmır!Əgər Luvra getmisinizsə, mütləq görməli olduğunuz zallardan biri, sözsüz ki, Denon qanadında yerləşən Apollon Qalereyasıdır (Galerie d’Apollon). Bu zalda taclar, zinət əşyaları, ananızın evdə servanta düzdüyü qab-qaşığın brilyant, qızıl işləməli nümunələri, hər şey var. Eksponatlardan əlavə zalın özünün divarları, tavanı, qapıları, pəncərələri hər bir yeri ayrıca görülməyə dəyər. Elə Jaconde-a aparan yolun üstündədir, xanıma salam verməmiş, buranı ziyarət edin ;)Luvru 2 iyul 2018-ə qədər ziyarət edirsinizsə, Dekorativ incəsənət kolleksiyasında sizi daha bir sürpriz gözləyir. Fransa Milli Kitabxanası ən dəyərli kitablarını bu kolleksiyada sərgiləyir. Dəyərli dedikdə kitabın içindəki məlumatlar yox, üz qabığındakı cəvahirat, qızıl, müxtəlif mini heykəllər nəzərdə tutulur. Bəlkə də həyatımda gördüyüm ən bahalı kitablar ola bilər.Game of Thrones fanatısınızsa, qulaqcıqlarınızı taxırsınız, soundtrack albomunu çalırsınız (xüsusən Bastard və Spoils of War part 1 & 2) və özünüzü atırsınız 24-cü zala. Luvrun silah salonuna xoş gəldiniz! Qılınclar, qalxanlar, zirehlər və... DRACARYS!Arts graphiques – Qrafik incəsənətSully qanadı, mərtəbə -1Luvrun ən göz qabağında olub da bilinməyən kolleksiyası. İçəridə Delacroix, Poussin, Rubens kimi məşhur rəssamların ağ-qara təsvirləri, etüdləri, şəxsi blaknotları, qravürlər, estamplar var. Eksponatlar işığa və rütubətə həssas olduqlarından davamlı olaraq sərgilənmir, kolleksiyanın sərgisi periodik olaraq dəyişilir.Arts d’Afrique, d’Asie, d’Océanie et des Amériques – Afrika, Asiya, Okeaniya və Amerika incəsənətiDenon qanadı, mərtəbə 0Bir muzeyə getməklə iki muzey görmək mümkündürmü? Bəli, Luvrda mümkündür! Muzeyin ən gizli, bəlkə də heç bir turistin xəbəri olmayan, ən uzaq bucağında yerləşən bu kolleksiyasında Quai Branly Muzeyinin seçmə eksponatları sərgilənir. Olduqca maraqlı əşyalar var. Pasxa Adalarından gətirilən moai və Trrou Körrou görülməyə dəyər eksponatlar arasındadır. Bir sözlə, vaxtınız boldursa, daha ekzotik bir şeylər görmək istəyirsinizsə, gəlirsiniz adı yarım metr olan bu kolleksiyaya. Kolleksiya dünyanın o biri başında yerləşir və birbaşa giriş ancaq qruplar üçün mümkündür; qrupsuz gedirsinizsə, gərək 2-ci mərtəbəyə çıxıb İtalyan, İspan, İngilis və Amerikan Rəsmləri kolleksiyalarını axıra qədər gedib pilləkənlə aşağı düşəsiniz. Uzaq və yorucudur, amma əsl ekzotikadır.Le Pavillon de l’Horloge (découvrir le Louvre) – Saat pavilyonu (Luvru kəşf)Sully qanadı, -1, 1 və 2Tarix qoxulu Luvr! Luvr ilk dəfə tikilərkən sadəcə Sully qanadının kiçik bir hissəsi boyda bir qala olub. Sonradan hər Kral qalaya dəyişikliklər edib və yüz illər ərzində bu kiçik qala böyük Saraya çevrilib. Lakin Saray bu gün tam deyil :) Belə ki, 1871-ci ilə qədər Luvrun sağ və sol qanadları arasında Tuileries Sarayı yerləşirdi. 23 may 1871-ci ildə Jules Bergeret-in əmri ilə 12 nəfər Tuileries Sarayını atəşə verib, üç gün davam edən böyük yanğında bürünclər əriyib, mərmərlər toza çevrilib. 27 mayda isə artıq Tuileries Sarayının ancaq sütunları və bəzi hissələri qalıb. 1883-cü ildə Sarayın bu hissəsi dağıdılır. 2003-cü ildən bu yana isə Tuileries Sarayının yenidən tikilməsi təklif olunur: əvvəla, sarayın yenidən tikilməsi Luvrda yer azlığı ucbatından sərgilənə bilməyən eksponatların sərgilənməsinə səbəb olacaq; ikincisi, Tuileries Sarayından 1870-ci ildə daşınan əşyalar öz yerinə qaytarılıb sərgilənə biləcək; üçüncüsü isə Parisin məşhur Tarixi Oxu bərpa olacaq.Luvr haqqında digər bir maraqlı fakt isə Luvrdakı bəzi əsərlərin hələ də itkin düşməsidir. İkinci Dünya Müharibəsində Alman işğalı zamanı əsərlərin oğurlanmasından qorxan Muzey rəhbərliyi Muzeydəki eksponatları güvənli saxlanma yerlərinə (müxtəlif şato və muzeylər, İsveçrə bankları, bəzi şəxsi mülklər) evakuasiya ediblər. 1940-cı ildə Paris Nazi Almaniyası tərəfindən işğal olunur və Nazilər Luvr Muzeyinə gəlirlər, burda isə onları boş divarlar gözləyir. Müharibədən sonra əsərlərin bir hissəsi Luvra qaytarılıb, bir hissəsi digər muzeylərə paylanılıb (mələn İmpressionizm kolleksiyası sonradan Orsay Muzeyinə göndərilib), bir hissəsi isə tapılmayıb, itkin düşüb.Xülasə, möhtəşəm Luvr haqqında daha çox məlumat almaq üçün üz tutursunuz Pavillon de l’Horloge-a. Bu sayədə Sarayın necə Muzeyə çevrilməsi və bu kimi maraqlı məlumatları əldə etmiş olursunuz.La Petite Galerie – Kiçik QalereyaRichelieu qanadı, mərtəbə -1Hər il Luvrda daimi kolleksiyadan əlavə müvəqqəti sərgilər təşkil olunur. 2018 iyula qədər “Le Théâtre du Pouvoir” sərgisinə baxa bilərsiniz. Sərgiyə daxil olan eksponatların bəziləri elə öz kolleksiyalarındadır (yəni öz “otaqlarında”), altda xüsusi tabloda həmin sərgiyə aid olduğu qeyd edilir.Gəldik oxuması bir azca uzun olan qısa virtual Luvr ziyarətimizin sonuna. Kolleksiyalar haqqında məlumatlardan sonra bir neçə alternativ ziyarət üsulu təklif edirəm.Əgər hər şeydən əvvəl tarixlə maraqlanırsınızsa → Əntiqlər, İslam incəsənəti, Dekorativ incəsənət (silah zalı)Əgər rəsm sizin həyatınızdırsa → Rəsmlər, Qrafik incəsənət, İslam incəsənəti (miniatür)Əgər kətan/kağız üzərində incəsənətlə qane olmayıb 3D ART axtarırsınızsa → HeykəllərƏgər muzeyə yox, Saraya gəlmisinizsə → Dekorativ incəsənət (xüsusən Napoleonun otaqları)Əgər ekzotika axtarırsınızsa → Afrika, Asiya, Okeaniya və Amerika incəsənətiƏgər cer-cehiz yığmaq üçün ilhama ehtiyacınız varsa → Dekorativ incəsənətLuvr hədsiz böyük muzeydir və gəzib qurtarmaq, gəzməkdən doymaq mümkün deyil. Müvəqqəti kolleksiyanın daim yenilənməsi, yeni eksponatların alınması, eksponat mübadiləsi nəticəsində həmişə Luvrda görüləcək yeni nə isə olur. Tipik bir turistin təqribən 2 saatını Luvra ayırdığını düşünsək, kolleksiyaları tam gəzməyə vaxt çatdırmaz. Ona görə də görülməsi ən vacib, görmədən qayıtmağın günah olduğu bir neçə eksponatı qeyd edirəm:Bağ Səhnəsi (İslam incəsənəti)Azərbaycan xalçası (İslam incəsənəti)Hammurapi qanunları (Yaxın Şərq Əntiqləri)I Daranın Sarayı (Yaxın Şərq Əntiqləri)Venus de Milo (Yunan əntiqləri)“Mona Lisa” Leonardo da Vinci (İtalyan Rəsmləri)“La Liberté guidant le peuple” Eugène Delacroix (Fransa rəsmləri)“La Beigneuse Valpançon” Ingres (Fransa rəsmləri)“Gabrielle d’Estrées et une de ses sœurs” (Fransa rəsmləri)Rembrandt (Şimali Avropa rəsmləri)Galerie d’Apollon (Dekorativ incəsənət)Luvrda hansı eksponatı görməyinizdən, hansı zalda və kolleksiyada olmağınızdan asılı olmayaraq yeni bir şeylər öyrənəcəksiniz. A musée vous ;)

1170 dəfə oxunub
Bizi izləyənlər siyahısına qoşulun!