1610 dəfə oxunub

Şri Lanka-ya səyahət barədə “ip ucu”ları.

Kandydəki bütün otel, apartament və hostelləri bu linkdən book (bron) edə bilərsiz.

Deməli dostlar, qeyd eliyim ki, Sri Lanka qətiyyən qorxulu bir yer deyil, heç bir iynə (vaccination) falan da lazım deyil. İki ay İndoneziyada qalmış bir adam kimi deyə bilərəm ki, Sri Lanka daha rahat və daha təmiz bir ölkədir.

Sri Lanka səyahətinizi mükəmməl etmək üçün yaxşı marşrut qurmağı bacarmalısınız. Mən 12 günlük marşurtu dostlarımla birgə qurmaq üçün yəgin ki, 100-ə yaxın blog və videolara baxmışam və şəxsi fikrimi, baxışımı sizlərlə rahatlıqla bölüşə bilərəm.

Uçuşdan əvvəl:

Təyyarə biletlər çox müxtəlifdir. Amma Bakıdan uçuş, qayıdış üçün qiymət və komfort baxımından ən rahatı Airarabia.com -dur. 550 ABŞ dolları etdi bizdə 1 adama. Dirəşsəniz, tarixlərlə biraz da oynasanız, 500 civarında da tapa bilərsiniz. Qeyd edim ki, low coster-di, yəni yalnız əl baqajı daxildir və yemək içmək olmur təəssüf amma mən əlavə ruqzak da götürmüşdüm (içində yeyib içmək və s.) heç bir problem olmadı. Baku – Şarjah – Colombo. Şarjada gözləməni qeyd etməsək ümumi uçuş 7 saat 30 dəqiqə edir.

Viza. 10 dəqiqə vaxt alır. Onlayn bütün lazım olan məlumatları qeyd edirsiniz. 30 günlük səyahət vizası üçün 35 dollar rəsmi rüsumdur, 3 dollarda sayt özü nəsə atış gəldi, oldu 38 dollar.

Marşrut:

Hansı fəsildə getməyinizdən çox şey asılır. Bizim halımızda bu yaya təsadüf etdiyi üçün həmin temperatura uyğun olaraq şəhəri və vaxtlarını planladıq. İyul ayının ortalarına qədər yağışlar davam edir adanın qərb və cənub tərəflərində. O baxımdan biz başladıq mərkəz və şərqdən ki, cənub-dakı o möhtəşəm çimərliklərə gedənə qədər yağışlar azalsın. O boyda pul xərclə və zaqar almamış qayıt?! No babe.

Colombo paytaxtdır. 2 həftə və ya daha azdırsa səyahətinizin müddəti, təklif edirəm ki orada qalmayın təyyarə enən kimi gedin növbəti şəhərinizə. Həmin o yorğunçuluğun qarşısını almaq üçün isə mini van sifariş vermişdik elə Bakıdan, whatsapp vasitəsi ilə. Sri Lanka Airport Services (+94773571443).

Colombodan Sigiriyaya (ilk kəşf edəcəyimiz şəhərə) 10.500 Rupiyə apardılar bizi (1 manat = 100 rupi). Baha səslənə bilər amma səhər tezdən çatacağmızı bilib biraz güvənli yol axtardıq və qiymət baxımından da bundan sərfəli şəxsi transfer tapmaq mümkün olmadı. 5 nəfər idik, adam 21 manat, luks həyat.

Sigiriyada əsas məqsəd Lion Rock-u görmək idi. Amma möhtəşəm şəkil üçün Lion Rocka 50 manat verib qalxmaq yox da, onunla üzbəüz daha möhtəşəm mənzərəsi olan Pidurangala-ya dırmaşmağı məshələt görürük, cəmi 5 manatdı. Rahat deyil həmin yolu qət etmək amma dəyər, mənzərə nəfəskəsicidi.img-8179

 
Növbədə əsas getmək istədiyimiz yer Ella şəhəri idi. Amma gördük ki yol çox uzun olar ora, ona görə fikirləşdik ki, bir gecə Kandy şəhərində qalaq. Həm adı çox çəkilirdi bloqlarda həm də işimizin adı nədi.
Yaxşı ki Kandy-ə getdik, evimiz yıxılardı. Şoppinq falan elədik o heç, səndemə 2 ildi haqqında oxuduğum məşhur “blue train” burdan gedir Ellaya. Biz də elə bilirik ki, o train Elladan harasa gedir və yolüstü o məşhur körpü, 9 arches bridge-dən keçir. Bir gün Kandy-də kapsula formasında olan hosteldə qaldıq 9 manatdan, adı Bunk Planet idi səhv etmirəmsə, KFC-də adam balası kimi yedik, və qatara bilet aldıq Ella-ya. 3 klass var. Ən ucuzu 3-cüdü, hardaki adam adamı minir 1 manat 70 qəpik. Biz 2-ci klassa aldıq, yarı minildik 3 manata. 1-ci klass isə 11 manat idi. Sri Lankada 20 qəpiyin söhbətini edən dostlar kimi təbii ki, 1-ci klass barədə heç düşünmədik.
 

Qatara minəndə camaat bir birini əzir. Amma yerlilərdən çox o sarı-sarı mədəni avropalılar var ha, bir oyun çıxarırlar ki pəncərənin yanında oturmaq üçün, nəsə..

İlk müddət 2 oğlan ayaqüstə qaldıq, amma yerli camaatdan bir neçəsi təklif elədi ki, biz Ella-ya qədər getmirik, növbəti stansiyada əyləşin bizim yerimizə. Sağolsunlar elə də oldu. Amma oturmaq maraqsız olur. 155 km yolu qatar 6 saat 20 dəqiqəyə getsə də, elə istəyirsən ki, dayanmadan yola baxasan. Əmin olun ki, həyatınızda unutmayacağınız mənzərə və tunellərdən keçir qatar.

5bafa25c-e636-4ce4-ab2b-c66694777957

Ella, you are Bella! (c) @runawaylelik ????

Ella-da qaldığımız yeri 2 əlli hamıya məsləhət görürük. Ella Hide View. Ucuz deyil, gecəsi adama 25 manata gəlir, amma elə mənzərəsi və səhər-axşam yeməyi var ki, oteldən çıxmaq istəmirsən.

Ella-da çoxlu çay plantasiyaları, məşhur 9 arches körpüsü var ki, mütləq getmək lazımdı. Piyada gəziləsi istiqamətlərdədir. Amma onu da deyim ki, vaxtınız bol olarsa Nuwara Eliya adlı şəhər də var yaxınlıqda, hansı ki deyilənə görə mükəmməldir və ordan Adam pik-ə çıxmaq olur (biz özümüzə əziyyət vermək istəmədik.) Şri Lankada bir deyim var, “Sri Lankaya gəlib Adam pik-ə çıxmayan dəlidi, amma ikinci dəfə çıxan da dəlidi”. İstənilən halda, bizə söyüş keçmədiyi üçün, 2 gün qalıb yolumuza davam etdik.

9eb77faf-ac8d-4f0d-bd7d-681b2a793ad8

Ella-dan sonra məqsəd fil görmək idi və son olaraq passiv istirahət edəcəyimiz cənnət məkanı idi. Uzun yollardan biraz qorxandan sonra, bir qrup komfort sevən Azərbaycanlı gənc daha bir mini van daşınıb 120 manata, getdilər həm filə baxmağa, ordan da növbəti şəhərə “Unawatuna”ya.

Fillər milli parklarda olur, standart olaraq giriş 30 manatdı adam başı deyəsən, və Jeep falan da kirayələyəndə qalırsan belə. Əslində gedirdik ora, sadəcə öyrəndik ki, onun yanında balaca fillərin evi var (yetimxana kimi) harda ki, onları yemləyirlər və sən baxırsan, 5 manat verib ora getdik ora. İnstaqramda adı “Udawalwe Elephant transit home” kimi çıxırdı. Yolüstü isə məşhur Udawalawe Milli Parkının yanından keçirdik və içəridəki nəhəng fillər düz yolun qırağına qədər gəlmişdi. Sürücü saxladı, düşdük şəkil çəkdirdik sağlığınıza, qoyduq instaqrama. Məndə çox da yaxşı alınmamışdı deyə şəkil, story kimi atdım. ???? 30 manat da qaldı cibimizdə.

Və, və, və çatdıq cənub sahilinə. Unawatuna-ya. (Nooit Gedacht Heritage Hotel).

4 nəfərlik idi otaq, Bakıdan yazıb soruşmuşduq, dedilər 5 nəfər də qalsa okaydi. Amma 1 nəfər üçün səhər yeməyinin pulunu verdik. 10 dollar deyirdilər, 5 dollara saldıq. Adam başı 3 gecə 4 günə 100 manat çıxdı. Baha deyil. O biri yerlərdə qırtmışdıq ki, burda baseyn və s. kimi yaxşı yerdə qalaq. Dostlarım okean-okean deyib dil tökürdü, amma yaşıllıqda olan o baseynin möhtəşəm isti suyu min dənə hind okeanına dəyərdi.

img-9512

DİGƏR BLOQLAR

"Buta Airways" və "AZAL" Koronavirusla əlaqəli ləğv olunan biletlər haqqında suallara aydınlıq gətirdi.

COVID-19 koronavirus infeksiyası pandemiyası ilə əlaqədar, demək olar ki, bütün ölkələrdə sərhədlər bağlanmış və uçuşlar dayandırılmışdır. Dünyanın bütün aviaşirkətləri mürəkkəb vəziyyətlə üzləşərək, aviabiletlərin dəyişdirilməsi və qaytarılması qaydalarında düzəlişlər etmək məcburiyyətində qalmışdır. “Azərbaycan Hava Yolları”nın üzv olduğu Beynəlxalq Hava Nəqliyyatı Assosiasiyası (IATA), öz növbəsində, aviaşirkətlərə müvafiq tövsiyələr vermişdir.Məlum olduğu kimi, COVID-19 ilə əlaqədar Azərbaycan Respublikasının Nazirlər Kabineti yanında Operativ Qərargah yaradılmışdır. Qərargahın qərarına əsasən 20 aprel tarixinədək Azərbaycanda bütün daxili və beynəlxalq hava əlaqələri dayandırılmışdır. Bununla yanaşı, “Azərbaycan Hava Yolları” QSC 2020-ci ilin 1 iyun tarixinədək beynəlxalq reyslərə satışı dayandırmışdır. Hadisələrin gedişatından asılı olaraq bu tarix uzadıla və ya qısaldıla bilər.Reysləri ləğv edilən sərnişinlərin bir qisminə pul vəsaitlərinin qaytarılması artıq həyata keçirilmişdir. Lakin, IATA-nın sonrakı tövsiyələrinə əsasən, “Azərbaycan Hava Yolları” ləğv edilmiş reysə biletin əvəzinə səyahət tarixinin dəyişdirilməsini və ya aviabiletin dəyərinə bərabər olan vauçer təqdim olunmasını təklif etməyə başlamışdır. Bu vauçeri ləğv edilmiş reysə biletin alındığı tarixdən 12 ay ərzində istifadə etmək mümkündür. Yaranmış vəziyyəti nəzərə alaraq aviaşirkət bəzi sərnişinlər üçün bu tarixi fərdi qaydada yenidən nəzərdən keçirməyə hazırdır.Vauçer, çarter reysləri istisna olmaqla, “AZAL” və “Buta Airways” aviaşirkətlərinin reyslərinə aviabiletin alınması zamanı etibarlıdır. Yeni aviabiletin dəyəri vauçerin məbləğindən yüksək olduğu təqdirdə, sərnişinin fərqi ödəməsi kifayətdir. Vauçerlər sərnişinin adına verilir və üçüncü şəxslərə ötürülə bilməz. Bundan əlavə, aviabiletlər “AZAL” QSC-nin marşrutlar şəbəkəsinin istənilən istiqamətinə dəyişdirilə bilər. Bu, həm viza rejiminin qüvvədə olduğu istiqamətlər, həm də vizasız rejimin tətbiq edildiyi istiqamətlər ola bilər.“Azərbaycan Hava Yolları” anlayır ki, öncədən vəsaitlərin tam həcmdə qaytarılacağı elan edilmişdi və sərnişinlər aviadaşıyıcıdan müvafiq məlumat almışlar. Lakin sonrakı bütün tədbirlər və düzəlişlər IATA-nın qlobal təlimatlarına və tövsiyələrinə uyğun olaraq həyata keçirilmişdir.Eyni zamanda qeyd etmək lazımdır ki, əgər sərnişin aviaşirkətin ləğv etmədiyi reysinə aldığı aviabiletin qaytarılması ilə əlaqədar müraciət edirsə, həmin aviabiletin tarifinə əsasən nəzərdə tutulduğu təqdirdə pul vəsaitinin qaytarılması rəsmiləşdirilə bilər. Məsələn, “Buta Airways” aviaşirkətinin yay mövsümündəki reyslərinə (hazırda qüvvədədir) “Standart” və ya “Super” tarifi ilə aviabilet əldə edən sərnişinlər aviabiletin dəyərinin 50%-i məbləğində pul vəsaitini geri ala biləcəklər.Aviabiletlərin qaytarılması və ya dəyişdirilməsi ilə bağlı bütün prosedurlar onların alındığı yerdə həyata keçirilir. Aviabilet rəsmi internet saytında alındığı halda aviaşirkətin çağırış mərkəzinə yazılı müraciət etmək lazımdır. Beynəlxalq hava limanlarında AZAL kassaları 2 aprel tarixinədək işləyirdi, lakin Operativ Qərargahın qərarına əsasən kassalar 20 aprel tarixinədək bağlanmışdır. Qeyd etməliyik ki, bir sıra turizm agentlikləri müştərilərə telefon vasitəsilə xidmət göstərməyə davam edirlər.“AZAL” və “Buta Airways” aviaşirkətlərinin çağırış mərkəzləri ilə aşağıdakı elektron poçt ünvanları vasitəsilə əlaqə saxlamaq mümkündür:callcenter@azal.az | callcenter@butaairways.azBundan əlavə, aviaşirkətlərin saytında onlayn forma vasitəsilə də müraciət etmək olar:https://help.azal.az/hc/az/requests/newhttps://help.butaairways.az/hc/az/requests/new    

4009 dəfə oxunub

İordaniya bələdçisi

Ammandakı bütün otel, apartament və hostelləri bu linkdən book (bron) edə bilərsiz.Çox saylı istəkləri nəzərə alıb İordaniya ilə bağlı təcrübəmi paylaşmağı qərara aldım...Əvvəla bu qrupun üzvlərinə lazımı məlumatları paylaşdıqları üçün xüsusi minnətdarlığımı bildirirəm. Səyahətimi başlamazdan əvvəl çox faydası olmuşdu.İordaniya Krallığı...Yaxın Şərq.. Asiya... Yerin Marsı...Tamamilə yadda qalan və fantastik bir təcrübə...Belə ki,əgər uçduğunuz ilk şəhər Aqaba olacaqsa viza Azərbaycan vətəndaşlarına hava limanında pulsuz verilir. Mənə hətta multiple (çoxtərəfli) verilmişdi.Jordan Pass almaqla ölkədə 40 atraksiona giriş əldə edirsiniz. (Bu haqda daha etrafli melumat internetde qeyd olunub). Amma, zənnimcə qeyd olunan atraksionların əksəriyyəti mənasızdı. Çünki, elə muzeylər var ki, Jordan Pass -a daxil deyil. Ona görə də Jordan Pass-a ən azı 70 dinar ödəməyin. İordaniya Krallığı sözün əsl mənasında daşdan belə pul çıxarır. (Petrada rəngli daşları süxürlardan kəsib satdıqları kimi...) Bəzi məscidlərə belə giriş pulludur. Məscidə girmək istəsəniz müsəlman olduğunuzu bildirin. (Dini inancınız olmasa belə )???? Petraya 1 gün üçün giriş 50 dinardır. İnternetdə yazılıb ki, 2-3 gün lazımdır. Mən səhər 7-də daxil oldum, axşam 6-ya qədər hər şeyi gördüm. Istəsəniz 17 dinar ödəməklə Petranı axşam saat 8-dən sonra da görməyə gedə bilərsiniz. Qarşısını şamlarla bəzəyirlər.Növbəti günü "Little Petra" üçün ayırın. Giriş pulsuzdur. Şəhərdən 10 km şimalda yerləşir. Taksi, turlara qoşulmaqla gedə bilərsiniz. Və ya mənim kimi xərciniz çıxmasını istəmirsinizsə avtostop edərək gedə bilərsiniz. İnandırım sizi ki, maraqlı təəssüratlarınız olacaq.???? 8000 il tarixə sahib paytaxt Amman şəhərində çox da görməli bir şey yoxdur. Cittadel, Roman teatrını gördükdən sonra King Abdullah I məscidinə ziyarət edib, göydələnlərlə dolu müasir Ammanda özünüzü fərqli yerdə hiss edəcəksiniz. Petra və Aqaba şəhərlərinə nisbətdə ucuzluqdur.???? Coğrafiya kitabında adı ilə rastlaşdığınız dünya okeanından duzluluq səviyyəsinə görə 9 dəfə artıq olan Ölü dənizə daxil olub batmamağa inanmaq deyil də, şahidi olmaq istəyirsinizsə, bir neçə yolunuz var: maşın icarəyə götürmək; və ya taksi tutmaqla gedə bilərsiniz; Ya da Ammanda yerləşən Mujahideen avtobus stansiyasından Al-Ram şəhərinə 1 dinar ödəməklə gəlib, oradan da Ölü dənizə taksi tutaraq az miqdarda pul xərcləyərək. Biz 3 nəfərə 5 dinar ödədik taksi üçün. Ödənişli və pulsuz çimərliklər var. 5 dəqiqəlik suya girmək üçün pul xərcləməyə dəymir, məncə. Ölü dəniz ətrafındakı palçıqdan bədəninizə çəkin, çox xeyirlidir. Dənizə girəndə gözünüzdən ehtiyatlı olun.Gedən zaman özünüzlə şirin su götürməyi unutmayın. Dəriniz quruyandan sonra bədəninizin bəzi hissələri acışacaq.???? Ammandan 1 saatlıq cənubda yerləşən Madaba şəhərindən Mount Nebo (Nəba dağı) adlanan əraziyə getməklə Musa peyğəmbərin vəfat etdiyi və Bibliyada adı çəkilən Allah tərəfindən yəhudilərə "vəd olunan" torpaqları ziyarət etmiş olacaqsınız. Giriş 2 dinardır.Madabadan oraya avtobus getmir. Taksi və ya hitchiking....???? Tarixə marağınız çoxdursa Ammandan şimalda yerləşən Jerash şəhərinə getməklə qədim Roman şəhərinin qalıqları ilə tanış ola bilərsiniz. Giriş haqqı 10 dinardır.???? Aqaba şəhəri yaxınlığında Wadi Ruma gedə bilərsiniz. Yerin Marsı adlandırırlar həmin ərazini. Giriş 5 dinar. Amma ayaqla gəzmək mümkün deyil. Azmaq riski (99%), səhrada əqrəb və ilan, bundan əlavə gecələr son dərəcə soyuq olur. Ona görə ciplərdən birini götürməli olacaqsınız.???? Azad iqtisadi şəhər hesab edilən Aqabada Hind okeanı, Qırmızı dəniz sahilindən 3-4 km məsafədə görünən İzrailin gecələr qızıla bürünən Eliat şəhərinə baxmaqdan zövq alacaqsınız.❗Temperatur ölkə daxili çox fərqlənir. Petrada gündüz hava isti, gecələr çox soyuq olur. İsti paltar (jaket, kurtka, vetrofka) götürün.Aqabada temperatur çox isti olur. Təmiz dəniz havası. Ammanda temperatur indi yaz havası kimidir. Bəzən isti, bəzən soyuq və yağıntılı.. Ölü dənizdə suyun da, havanın da temperaturu xeyli isti idi.❗ Qiymətlər çox bahadır. Ölkədə qıtlıq olduğundan yeyinti məhsulları və s. xarici ölkələrdən gətrilir. Bundan başqa da turist görəndə gözlərinə dinar kimi görünəcəksiniz.Necə deyəllər, İordaniyanın əsas nefti turizmdir.Sizdən son dərəcə istifadə etməyə çalışacaqlar.Ölkədə monopoliya çox güclüdür. Dövlət də, yerli xalq da insandan istifadə etməyə çalışır. Bəzən elə situasiya ilə rastlaşırsınız ki, onlar deyənlə razılaşıb, mövcud vəziyyətlə barışmalı olursunuz.Qiymətlər son dərəcə şişirdilmiş formadadır. Marketlərdə qiymətlər qeyd olunmadığından turistlərə fərqli qiymət oxuyurlar. Bəzən restoranda yemək daha sərfəli başa gəlir.Arada qarşınıza insaflı, (atış gəlməyə çalışmayan) ərəblər də çıxacaq. Sonda qeyd edim ki, İordaniya həqiqətən unikal ölkədir. Gəzməyə dəyər. Hətta ölməzdən əvvəl gəzilməli ölkələrdən biridir, deyərdim.Ümidvaram qeyd etdiyim məlumatlar kiməsə faydalı olacaq. Səyahət planlaşdırdığınız və ya səyahətdə olduğunuz zaman əlavə suallarınız yaranarsa istənilən vaxt əlaqə yarada bilərsiniz. 03.03.2019.Sevgilərlə....Rəcəb Səfərov.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Rajab Safarov

1114 dəfə oxunub
Bizi izləyənlər siyahısına qoşulun!