826 dəfə oxunub

Rəngarəng evlər şəhəri - Kopenhagen

Kopenhagendəki bütün otel, apartament və hostelləri bu linkdən book (bron) edə bilərsiz.

Danimarkanın ürəyi gözü hərşeyi - Kopenhagen. İstər tarixi tikililəri, istərsə də müasir dizaynlı binaları ilə göz oxşayan gözəl şəhər yaradıcı insanların məskəni kimi də xatırlanır. Skandinaviyanın ən bahalı opera binası burada yerləşir getməmişdən əvvəl öyrənmişdim.

İlk öncə başlayım Flixbus biletimiz Elvin sağolsun endirimlərlə yenə köməyini əsirgəmədi. Flixbus 1saat yol qət edib səhər 6da çatır Rostock şəhərinin portuna. Gəmiyə minir və insanlar düşür avtobusdan çıxırsınız yuxarı gəminin ən gözəl yerinə. Bura deyə bilərəm ki, gəzən Malldır. İlk dəfə idi təcrübəmdə gəmi ilə səyahət etdim və həm də Flixbus orda saxlayır gedirsiniz çıxırsınız yuxarı gəzirsiz gəminin içini pulsuz WiFi, market, cofeeshoplar hətta Starbucks belə var və bunlar hamısı cəmi 19avroya. Çıxırsınız çölə dənizin ortasında həryer su və Titanik kinosundakı məşhur kadra uyğun şəkil çəkdirmək avtomatik olaraq ağlınıza gəlir. Ab-hava möhtəşəm və bir neçə saat getdikdən sonra avtobus çatır və siz 1saatlıq yol Kopenhagenə tərəf gedirsiniz.

Yolda gedərək Danimarkanın necə gözəl bir təbiəti və insanları olduğunu mütləq rahat şəkildə görə bilirsiniz. Şəhərdə əsas nəqliyyat vasitəsi velosipeddir bütün insanlar kiçik yaşlı hərkəs velosiped istifadə edir. Hətta insanlar o qədər sərbəstdirlər ki, çox insan velosipedini heç küçədə bağlamadan rahat qoyur gedir və hətta Almaniyada velosiped bağlasan belə oğurlayırlar.

Kopenhagendə demək olar ki, hər şey bahadır ona görə biz üz tutduq Ankara restoranına 7avro verib səhərəcən açıq büfetdən yeyə bilərsiniz. Yeməklər də bizimm ağız dadında həm də azərbaycanlı olduğumuzu bilib bizə bəzi endirimlər də etdilər.

Arxitekturaya gəldikdə isə şəhər müasir binalar parklar və tarixi binaların vəhdətidir. Küləyini də unutmamaq lazımdır. Bakının küləyini hiss etdik. Günəş çıxsa da üzünüzə yalandan gülür günəş batankimi əllər göyərənə qədər şimal soyuğunu hiss edəcəksiniz. Şəhər o qədər də böyük deyil. Əmmaa, əmması var, hər yerdə ucsuz bucaqsız mənzərələr görürsünüz. Şəhərdə hərkəs sakit səbrlə hərəkət edir. Hectic həyatı bu şəhərdə görə bilməzsiniz. Suvenir dükanlarda gəzdikcə skandinav dizaynı deyilən şeyin nə olduğu çox aydın hiss olunur, həqiqətən də çox özlərinə məxsus zövqə malikdirlər. Məni yeganə yoran şey ölkədəki insanların ciddiyəti bir az mənim kimi istiqanlı adama qəribə gəlir deyəcəkdim ki, yadıma düşdü Almaniyada yaşadığım. Leqonun vətəni olan bu torpaqlarda gəzmək həzz verir. Bu arada Google Tripsə görə Kopenhagendə 25 yer qeyd etdim və başladıq gəzməyə. Bir başa getsəniz Flixbusun dayanacağından şəhərin ən sonuncu gəzməli nöqtəsinə 45 dəqiqə piyada gəzmək bəs edir. Amma dolana dolana getsəniz şəhər əsl 1 günlük gəzintidir. Səyahətə çıxarkən yolda yeni tanışlıqlara həmişə açıq olmuşam. Geri dönüşümüzdə şəhərimizə qayıdan müxtəlif millətlərlə danışıb əyləndik yoxsa Flixbus problemləri insanı yaşatmaz. Hamınıza gözəl gün arzu edirəm! Sloganımız yadımızdan çıxmasın səyyah olma gəzəyən ol! 

Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…

Paylaşdı: Murad Chicharito Huseynow

DİGƏR BLOQLAR

Misirə qaynar turla

Qahirədəki bütün otel, apartament və hostelləri bu linkdən book (bron) edə bilərsiz.Novruz bayramını sevgilimlə Misirdə keçirdik. Trend olan Şarm Əl Şeyx turundan və bütün Misirdən təəssüratları və bütün faydalı məlumatları paylaşıram, əminəm lazımınız olacaq ????????NECƏ YERDI? GETMƏYƏ DƏYƏRMİ?Hazırda Şarm ən ucuz kurort zonalarından biri kimi dəbdədir. Azərbaycandan birbaşa uçuş olmasa da Tbilisi aeroportundan çox ucuz getmək olar. Biz bayram sezonunda getdiyimizdən biraz baha çıxdı amma qaynar turları 220-250 USD yə, Aİ(hər şey daxil) 4-5* otellə əldə etmək mümkündür. Büdcəsi aşağı turistlər üçün çox sərfəli variantdır, çünki ölkə də ucuzluqdu. Benzin litri 0.25USD dir. Pulu manatdan düz 10dəfə kiçikdir (1AZN-10egypt Pounds)İNSANLARI NECƏDİ?Misirin əhalisi əsasən ərəblər olduğundan almaq istədiyin hər şeyə, bütün ödənişlərə bazarlıq etməlisən. Milli mənsubiyyətimiz bizə çox komfortlu və su qiymətinə hər şeyi almağa köməkçi oldu. Taksi 30 dollardan 3 dollara kimi düşürdü, istənilən yerə maksimum 3 dollar ödəyib gedə bilərsiz. Avtobuslar 5 pound-50 qəpikdi. Amma pulun "zdaca"sını vermirlər nəzərə alın.İlk addımdan sizi fırlatmağa, pul qoparmağa çalışacaqlar. Aeroporta qələm götürün, immiqrasiya talonu doldurmalısız, onlar 5 dollara doldururlar amma özünüz rahat edə bilərsiz. Biraz yapışqan və bicdilər, ona görə "uyanık" olun. HAMI, dilənçiyə kimi rus dilində bilir və özünü elə Bakıdakı kimi hiss edirsən.NECƏ İSTİRAHƏT ETMƏK OLAR?Şarm Misirin Asiya tərəfidir və onun daxil olduğu Sinay adasına viza lazım deyil. Amma Afrika tərəfinə, Qahirəyə filan planlayırsızsa elə aeroportda 25 dollar verib ki "nakleyka" alırsız və pasporta özünüz yapışdırırsız. 7 gün rahat hər yeri gəzə bilərsiz. Turunuz 7 gündən çoxdursa gidə pasportu verin polisdə qeydiyyata alsın, pulsuzdu. Sizə otelə gələndən sonra tur gid gəlib turlar təklif edəcək, amma onlar bir qayda olaraq çox bahadı. Şəhərdən 2 qat ucuz tapıb bazarlıq edib daha yarı qiymətinə ala bilərsiz.Əsas gözəllik Qırmızı dənizdə, suyun altındadı. Tiran adası və Ras Muhammad, Mavi Deşik (dünyanın ikinci ən gözəl diving mərkəzi) diving üçün əla yerlərdi. Diving turu maksimum 20 dollardı. Yolda sizə mütləq paltarın, jiletin, eynəklərin və s. lazım olduğunu deyəcəklər, aldanmayın, boş şeydi fırladırlar ????.Dəvədə gəzə, kanyonlara səfər edə, kvadrasiklda səhranı fırlana, bədəvilərlə çay içə bilərsiz. Amma heç kimə heç bir kömək eləmələrini istəməyin. Sizə şəklinizi çəkməyi, dəvəyə mindirməyi, çantanızı maşına qoymağı və s. təklif edəcəklər, bu diqqət və mədəniyyət yox, pul tələsidir və sonra pul istəyəcəklər sizdən, fırladırlar ????QAHİRƏMisirdə benzin çox ucuz olduğundan cəmi 10-15 manata avtobusla Misirin paytaxtına gedə bilərsiz. Şəhərin əhalisi 20 milyondu. Biraz çirklidi, qaradı, amma ucuzluqdu. Mütləq tarix muzeyinə gedin, Faraon tarixinin incilərini, hətta 4 min yaşı olan mumiyanı və qızıl heykəlləri görə biləcəksiz. Muzeyə giriş zamanı fotokameraya pul istəyirlər amma telefonla çəkmək pulsuzdu. GİZAGİZA qədim şəhərdir, məhşur dünyanın 7 möcüzəsindən salamat qalan yeganə Piramidalar bu şəhərdədi. Amma şəhərin arxitekturası əksinə çox pisdi. Tam tikilmiş binalara ölkədə vergi var, ona görə binaların hamısı yarı yarımçıq tikilib.  Piramidaları görmək üçün getmək lazımdı açıq hava muzeyinə, həm Xeops piramidası, həm, digər piramidalar, həm də Sfinks elə eyni ərazidədi. Ərazi çox böyükdü. Məsləhətdi ki, orda icarəyə dəvə ya da at götürəsiz. Nə qiymət desələr yarı qiymətə razılaşırlar. Təqribən 5-10 dollar arası tez gəzib ən yaxşı yerdə şəkillər çəkə bilərsiz. Amma sürən adam şəklinizi çəksə axırda pul istəyəcək, verməyin, çünki fırladırlar ???? Orda qalası olsaz, mütləq otel gəmiləri götürün, çox romantik və rahatdı, çox maraqlıdı.  Əsl papirusu və xüsusi yağlar və ətirləri də bu şəhərdə alın, ucuz və orijinal olacaq. Dedikləri qiymətləri mütləq müzakirə edin, fırladırlar ???? daha ucuz almaq mümkün olacaq.ALEKSANDRİYAAralıq dənizi sahilində yerləşən, Misirin ən gözəl şəhəridir. Misirlilər özləri burada istirahət edir. İndi 6 milyon idi əhalisi, yayda 18 milyon olur. Daha bir 7 möcüzədən biri, Aleksandriya mayakının qalıqlarından tikilən fortla tanış ola bilərsiz. Ora Avropaya daha yaxındır və çox müasir əhalisi var. Əsl dondurma dada bilərsiz. Amma korallar və ya balıqqulaqları almaq lazım deyil, sərhəddən onları buraxmırlar.BÜDCƏ2 nəfər Tbilisidən uçuş və 1 həftəlik 4* otel - 800USD2 nəfərlik Şarm-Qahirə-Aleksandriya turu(1 gecə Qahirədə qalmaqla) - 230 USDDiving - 45USDHədiyyələr, suvenirlər, shopping - 250USDBakı - Tbilisi - Bakı - 105AZNTbilisi yemək və shopping - 200USDSuallarınız olarsa cavablamağa və məsləhət verməyə şad olaram.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Samir Gadirov

1289 dəfə oxunub

Dubay bələdçisi

Dubaydakı otel, apartament və hostelləri bu linkdən book (bron) edə bilərsiz.Dubayda haralara ve necə getməli?4 günlük Dubay səfərim artıq bugün başa çatır və qərara aldım ki,topladığım praktikayla qrupda bölüşüm ki, gələcəkdə Dubaya yolu düşənlər hər yerə taksiylə gedib əlavə xərc yaratmasınlar və istədikləri yerə rahatlıqla çatsınlar. İnşallah faydali olar.Hər şeydən öncə qeyd edim ki, exchange-lər banklardan ayrılıqda yerləşir və ölkədə hər yerdə məzənnə demək olar eynidir. Yəni, bizdəki kimi aeroportda ayrı, şəhərdə ayrı, bu yanda ayrı deyil. Yeganə olaraq otellərdə dəyişsəniz fərqli qiymətə, yəni otelə sərf eliyən kimi dəyişəcəksiniz. Əgər əlinizdə hər ehtimala AED olmasını istəyirsənizsə, aeroportdakı exchange-də rahat dəyişə bilərsiniz. Çünki şəhərdə də eyni məzənnə olacaq.1)  Burj Khalifa, Dubai Mall ve musiqi fontan triadasi.Bura Dubayın ən məşhur yerlərindən biri və demək olar, hal-hazırda birincisidir. Bura gəlmək üçün metrodan istifadə etmək olar. Belə ki, eyni "Burj Khalifa" adlı metro stansiyası var. Yeri gəlmişkən qeyd edim ki, transport kartı (eyni bizdəki Bakıkart, yəni həm avtobus, həm metro, həm də tramvayda keçir) 20 AED-dir. Daha sonra karta pul yükləmək lazımdır ki, yükləmə və kart almanı metronun ortasında olan Information (üzərində "i" yazili) olan köşkdən edə bilərsiniz. Stansiyadan çıxdıqdan sonra keçid vasitəsilə düz Dubai Mall-un içinə gedirsiniz ve burdan da Burj Khalifaya çıxırsınız. Burj Khalifa-da çıxacağınız mərtəbəyə və saata görə qiymətlər dəyişir. Bilet sırasına durmayasınız deyə məsləhətdir ki, Dubai Mall-un içində olan akvariumun yanında Burj Khalifa bilet satış məntəqəsindən əvvəlcədən bilet alasınız. Mən bileti 124-125-ci mərtəbələrə aldım və mənə bir nəfər üçün 145 AED başa gəldi. Bundan daha ucuz 125 AED də var idi, sadəcə bu biletlər hamsı satılmışdı. Mənim biletimin baha olmasına səbəb çıxışda Burj Khalifa kafesində çay, kofe, su, sok, şirniyyatların biletə daxil olması ile elaqedar idi. Biletin ən bahalısı gün batımı vaxtına uyğun gəlir, çünki deyilənə görə ən gözəl vaxtı da məhz ondadır.Əgər Dubai Mall-a getmisinizsə, mütləq mall-un içindəki şəlaləyə baş çəkməlisiniz. Yəqin ki, şəkillərdə göydən sallanmış adamlar olan şəlaləni görmüsünüz. Bu şəlalə Burj Khalifaya bilet satış məntəqəsindən çox yaxın yerləşir. Bilet satış məntəqəsi özü də Dubai Mall-un içindəki akvariumun qarşısında yerleşir. İçində akula kimi nəhəng balıqlar da var. Sizə maraqlı gələ bilər.Bundan başqa Burk Khalifa-nın qarşısında məşhur musiqili fontan var ki, onu da görmək lazımdır. Yaxşı olardı ki, fontana axşam gedəsiniz. Bu halda daha gözəl olur və elə maraqlısı da axşamdır.2) Emirates MallDünyanın ən bahalı mall-larından və səhv etmirəmsə, birincisidir. Dubai Mall-la müqayisədə çox-çox bahadır. Girişində həmişə luxury maşınlar olur. Lamborghini, Maseratti, Ferrari, Bugatti ve s. gördüklərimdəndir. Məhz buna görə də qiymətlər fantastikdir. Burda hamsı brenddir ve ucuz şey tapmaq mümkün deyil. Müqayisədə Dubai Mall daha ucuzdur. Ümumən isə Azərbaycandakı qiymətləri gördükdən sonra istər Dubai Mall, istərsə də Emirates Mall-dan paltar almağa əli gəlmir. Məncə, paltar üçün Dubay yaramır. Bəlkə yarayan yeri də var, amma mən görəmmədim. Bura sadəcə "hə, gəldim buranı da gördüm" demək üçün, məncə, gələ bilərsiniz.Bundan başqa Emirates Mall-un içində süni xizək və snowboard kurortu var. Qiymətini bilmirəm, amma istəyən istifadə edə bilər.Bu arada qeyd edim ki, Emirates Mall adlı metro stansiyası vardır ki, siz bura rahatlıqla metroyla da gələ bilərsiniz. Keçid vasitəsilə birbaşa mall-un içinə girə bilərsiniz.3)Miracle Garden Dubai ve Dubai Butterfly GardenMəncə, Dubayın həqiqətən görməli yerlərindən biridir Miracle Garden. Çiçəklərlə bəzədilib hər yer və maraqlı fiqur və heykəllər var. Bir növ bizim Gül bayramını xatırladır. Giriş adambaşı 40 AED-dir. Nisbətən uzun yol getmək lazımdır ora. Mən çox axtarış etmişdim və oxuduqlarımın əksəri "taksiylə getmişik" deyə cavablamışdılar disputu. Mən sizə ucuz versiyasını deyim. Demək, düz Emirates Mall-un qarşısında 105 nömrəli avtobusla Miracle Garden-a gedə bilərsiniz. Avtobus Emirates Mall-Miracle Garden marşrutu üzrə işləyir və arada dayanacaqlarda saxlamır, birbaşa hərəkət edir. Qayıdanda da eyni avtobusla geri qayıda bilərsiniz mindiyiniz yerə. Unutmayın ki, avtobus Bazar - Cümə axşamı (Bazar - 4cü günlər) 14:00-20:00 aralığında, Cümə və Şənbə günləri isə 12:00-22:00 aralığında işləyir. Avtobusdan istifadə haqqı 3 AED-dir. Park isə həftə içi 09:00-21:00,  Cümə və Şənbə (5-6cı günlər) isə 09:00-23:00-can işləyir.Miracle Garden ilə yanbayan maraqlı başqa bir park Dubai Butterfly Garden var. İçində çoxlu kəpənəklər var. Bura saat 6-da bağlanır deyə, bura girə bilmədik. Amma internetdən araşdırdığıma görə çox maraqlı olmalıydı. Miracle Garden-a getmək fikrindəsinizsə, məncə, ora da baş çəkin.4)Səhra safari turu (Desert safari tour Dubai)Dubaya gəlib bu tura qatılmamaq, məncə, ağılsızlıq olar. Bu tur, məncə, baha başa gəldi çünki araşdırmağa və ucuzunu almağa vaxt olmadı başım qarışdığından və ani getmək qərarı verdiyimə görə. Adam başı 55$-a başa gəldi. Tura daxildir: sizin oteldən Toyota Land Cruiser 200, Toyota Sequoia və yaxud hər hansı yolsuzluq avtomobili ilə oteldən götürülməniz və səhraya çatdırılmanız və səhra təpəciklərində maşınla əylənməniz, daha sonra səhrada kampa gəlib burada 2 dəfə yemək, şirniyyat, su, sok, çay, kofe və müxtəlif show-lara (alov, rəqs) baxmanız daxildir. Eyni zamanda kamp girişində dəvəyə minmək də turun puluna daxildir. Amma üstündə fotoqraf şəklinizi çəksə, şəkili sizə satacaq. Qiyməti 50 AED deyirdi, amma mən 30-a saldım. Satanda dedi ki, amma burda heç kimə demə o qiymətə aldığını, yoxsa onlar da o qiymətə istəyəcək.)) Kampın içində həm kişi, həm qadın ərəb milli geyimləri var ki, asanlıqla geyinib istədiyiniz qədər telefon və ya kamerayla şəklinizi çəkə bilərsiniz. Bu da turun ödənişinə daxildir. Bütün bunlardan sonra sizi otelə gətirirlər. Tur 14:30-21:00 aralığını əhatə edir. Çox maraqlıdır və getməyiniz, məncə, mütləqdir.5) Burj Al Arab Hoteli (Yelkən Otel)Bu oteli tanımayan, məncə, yoxdur. Otelin içinə giriş üçün ya siz burada gecələməlisiniz (hansı ki, çox bahadır), ya da xüsusi turlara qoşulmalısınız. Yəni, darvazadan içəri giriş pulladır. Amma əgər siz şəkil çəkdirmək istəyirsənizsə, onda yolunu deyim necə edin. Dubayda çimərliklər 2 cür olur: ictimati çimərliklər (public beach) və ödənişli. Otelə ən yaxın çimərlik Jumeirah Open Beach ictimai çimərliyidir. Bura gəlmək üçün Emirates Mall-un qarşısından 81 nömrəli avtobusa minmək lazımdır. Düz yanına gəlir. Sadəcə sürücüyə əvvəldən deyin ki, sizə xəbər versin çatanda. Çimərlik boyu gəzə-gəzə otelə tərəf gələ bilərsiniz. Çimmək istəsəniz, yadda saxlayın ki, burda çimərlik kişi və qadınlar üçün ayrıdır. Əgər lap qarşısında şəkil çəkdirmək istəyirsinizsə, onda Jumeirah oteli (elə bizim Jumeirah Bilgeh Beach otelə oxşayır eynən) keçin və otelin girişinə gedən darvazanın qarşısında şəklinizi çəkdirin. Burj Al Arabin düz yanında Wild Wadi deyilən aquapark var ki, istəsəniz gedə bilərsiniz. Geri qayıdanda Wild Wadi-nin qarşısındakı dayanacaqdan 81-lə yenə Emirates Mall-a qayıda bilərsiniz.6) Dubai MarinaBura gəlmək üçün metrodan istifadə edə bilərsiniz. Bunun üçün DAMAC Properties stansiyasında düşmək lazımdır. Daha sonra 100-200 metr piyada getsəniz, lazımi yerə çatacaqsınız. Deyim ki, belə super cəlbedici yerdir, yox. Sadəcə turistlərin çox gəldiyi yerdir və orta dərəcəli qiymətləndirərəm buranı.7) Dubai Palm Jumeirah ve Atlantis The Palm HotelPalma adalarına gəlmək biraz uzun-uzadıdır. Məsləhətdir ki, bura Dubai Marinaya gəldiyiniz vaxtla eyni günə salasınız. Çünki əvvəlcə DAMAC Properties stansiyasına gəlmək, daha sonra keçidlə Dubay Marina tramvay dayanacağında "Al Sufouh"a gedən tramvaya minmək lazımdır. Amma tramvay birbaşa palma adalarına getmir. Siz 9 nömrəli Palm Jumeirah stansiyasında düşüb keçidlə Monorail-lə getməlisiniz. Monorail bizdə olmayan nəqliyyatdır. Gediş-qayidiş bileti 25 AED-dir. Metro, tramvay və avtobusda keçən kart burda işləmir. Monorail-lə Atlantis otelində, yəni ən axırıncı stansiyada düşməlisiniz. Yəqin ki, çoxunuz bu oteli gürmüsünüz və oralar təmiz ayrı yerdir sanki. Getməyə dəyər.Unutmayın!* Dubayda 3 sinif vaqon var: qadın üçün, kisilər üçün və gold class. Kişi və qadın klassları bir-birindən çəhrayı xətlə aralanır. Bu qayda avtobus və tramvayda da keçərlidir. Həmçinin açılacaq qapı hansı vaqona aid olması haqda stansiyada yerdə də məlumat olur. Qadın tərəfdə getsəniz, qatarda yazır ki, cəriməsi var. Amma cəriməni kim yazır bilmirəm. Çünki ortalıqda bir adam olmur onu yazmağa. Ərəblər bu qaydaya əməl etsə də, turistlərin bəziləri fikir vermir. Vaqonlar hamsı bitişikdir və maşinist yoxdur. Qatar öz-özünə hərəkət edir.* Transportda kartın istifadəsi bizimkindən fərqli olaraq kartı vurduqda əvvəldə pulu çıxmır. Çünki məsafəyə görə burada kartdan çıxılan pul fərqlənir. Metro, avtobus və ya tramvaya minməkçün vurursunuz kartı və çıxanda yenə vurursunuz kartı stansiyada. Uyğun olaraq özü çıxır pulu.* Unutmayın ki, Ərəb Əmirliklərində istirahət günü Cümədir. Burada 6-Bazar hər yer işləyir. Odur ki, harasa getməmişdən öncə Cümə günü olduğuyçün işləyə bilməyəcəyini nəzərə alın.İnşallah ki, bir yararı dəyər. Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Ismayil Melikov

2447 dəfə oxunub

Şəhər bələdçisi - Mərakeş Krallığı

Kasablankadakı bütün otel, apartament və hostelləri bu linkdən book (bron) edə bilərsiz.İlk dəfədir bir şeylər yazmağa çalışacam. Sıxıcı və səhvlərlə dolu cümlələr üçün öncədən xəbərdarlıq etmiş olum ki, bilin sizi qarşıdakı cümlələrdə nələr gözləyir Şimali Afrika qitəsində Atlantik okean sahili boyu uzanan Mərakeşə çatan kimi elə airport-da reqistrasiyadakı qaqaş pasportuma baxdı və heyatında ilk dəfədir belə bir ölkə eşidən adam kimi "Aserbayjan Aserbayjan" deyib getdi otağa. Uzun sözü qısası məni 1 saat sual cavab edəndən sonra son dərəcə səmimi bir gülüşlə "welcome" deyib passportumu geri verdilər. Ölkəmizi çox da tanımırlar yəni :)Səfərim başladı Kasablankadan. Onu deyim ki, əgər Kasablankada həqiqətən önəmli bir işiniz yoxdursa orda günün sonuna qədər hər yeri görüb başqa şəhərə keçməyiniz məsləhətdir. Çox da maraqlı şəhər deyil.Ordan qatarla El Jadida şəhərinə keçdim. Çimərlikləri ilə məşhur olan El Jadida balaca və özünə görə maraqlı bir yerdir. Şəkillərdə yerdə uzanan uşaqlar buz kimi okeandan çıxan kimi isti asfalta uzanıb qızınırlar, anaları isə onlara nəzarət etməklə məşğuldurlar. Bu uşaqların 10-15 metr hündürlükdən suya tullandıqlarını tez-tez görmək olar. Şəhər bir növü Mumya kinosundakı səhnələri xatırladır. Çox ucuzdur. Şəkillərdəki balıq izqara içki və salatla birlikdə 8 manata başa gəlir. Olduqca dadlıdır.Daha sonra Mərakeş şəhərinə gəldik. Onu deyim ki, heç bir halda şəhərlər arası ucuz yerli avtobuslardan istifadə etməyin əks halda mənim kimi avtobus fobianız yaranacaq. Həmin gün bədənimdə olan bütün su ehtiyatı o avtobusda tər olaraq tükəndi. Mən yandım siz yanmayın. Ama Köhnə avtobusların yanı sıra Supratour və CTM şirkətləri biraz əlavə ödənişlə sizi kondisionerli və lyuks avtobuslarla istədiyiniz şəhərə çatdıra biler. Mərakeş ölkənin ən maraqlı və ən çox turist qəbul edən şəhərlərindəndir. Hava 50+ olduğu üçün orda həyat gecə başlayır səhərə qədər davam edir. Olduqca aktiv şəhərdir. Old Madina-nın dar küçələrində motosikletlərlə gəzən nənə-baba görsə təəccüblənməyin. Hər saniyə yanınızdan bir motosiklet/mopet keçəcək. Amanın bir günüdü bu şəhərdə yerli camaat sizdən nəsə soruşsa cavab verəsiz. Əgər belə bir səhv etsəniz dalınızca düşüb sizə ev vermək və ya sizə haranısa göstərib əvəzində pul almaq istəyən biriləri ilə həyatınızın ən az yarim saatını bölüşməli olacaqsınız.Ən gözəl pambıq, dəri və taxta istehsalı bu şəhərdədir. Hədiyyə almaq üçün ideal şəhərdir. Portağal suyu çox ucuzdur. Su əvəzinə təmiz sıxılmış və 1 manata başa gələn meyvə suyu üçün, vitaminlənin ???? Çox yazaram ama keçək o biri şəhərə. A unudurdum az qala, burda biraz pulun varsa bir dənə benzin kalonka alıb atırsan yemiş qarpızın yanına və köşeyi dönürsən????Növbəti məkan Agadir şəhəri. Agadir biraz daha lyuks həyat sevənler üçündü. Hətta mən də özümü oranın lyuksuna uyğunlaşdırıb (biraz buraxıb) villa tutdum????‍♂️ 5 ulduzlu all inclusive otellər, gecə klubları, qumarxanalarla məşhur Agadir bir növü Türkiyənin Antalya şəhərinə bənzəyir. Alkoqollu içkilər axşam saat 8-ə qədər Carrefour maqazinlərindən tapa bilərsiz. Bu fransız maqazinidi, nəzərə alsaq ki Mərakeş Fransa müstəmləkəçisidir burda fransız məktəbləri, maşınları, maqazinləri tez-tez görəcəksiniz. Rahatlıq və lyuks sevənlər bu şəhərdə qalsılar, biz digər şəhərlə davam edək.Sidi Ifni və Tiznit şəhərləri arasında yerləşən Legzira çimərlikləri arklarla məşhurdur. Arklar zamanla dalğaların qayaların ortasını yuması nəticəsində yaranır (şəkillərdə var). Burda dağlardakı mağaralarda özlərinə ev düzəldən balıqçıları görmək olar. Onlardan biri ilə tanış olduq. Çox qonaqpərvər insanlar idilər və hətta bizi bir gecə mağarada qalmağa dəvət etdilər. Gecə birlikdə okeana balıq tutmağa getdik. Midye və hər cür su nemətləriylə dolu okeanda seafood-a doymaq olar. Balıqçı bizə gözəl balıq bişirdi. Atlantik okean sahilində mağara içərisində yatmağın ləzzətini özünüz təsəvvür edin məncə.Paradise Valley - Cənnət Bağı adlanan yerə mütləq gedin. Dağların arasında palmalarla örtülü və dağ suyundan əmələ gələn göllərdə mütləq çimin. Gözəl xatirəsi var. Şəkillərdə var bu məkan.Daha sonra Taghazout- getdim. Şəhər balaca və olduqca şirin bir şəhərdir. Bu şəhər surf ???? ilə məşhurdur. Dünyanın hər yerindən bura surf öyrənməyə gələn gənc grupları görmək olar. Burda hosteller-də daha maraqlı aura olur. Canlı musiqisi olan balaca restoranlarda şam yeməyini yeyə və ya bir şeylər içə bilərsiniz. Musiqiləri çox gözəldir.Mərakeşlilər şəkər və çörəyi çox sevirlər. Dövlət tərəfindən onlara pulsuz un və şəkər verildiyi üçün adamlar işin ustası olublar və çox dadlı və fərqli çörəkləri var. Burda çay sifariş edən isti su, qənd və nanəni gətirirlər ki , özün dəmlə iç!????Kim Mərakeşə getmək istəyirsə və ya sualı varsa buyursun, hər zaman yardım etməyə hazıram. Ümumiyyətlə ora gedəndə çalışın aktiv bir tətil seçin bir şəhərlə anlamaq olmur ölkəni.Oxuduğunuz üçün təşəkkür edirəm ????Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Mushfig Ismayilov 

2264 dəfə oxunub

Pokhara, Nepal - Macəracıların şəhəri

Pokharadakı bütün otel, apartament və hostelləri bu linkdən (bron) edə bilərsiz.Pokhara - özümü rahat hiss etdiyim, normal yeməklər yeyə bildiyim və hər küncündən zövq aldığım bir şəhərdir. Təəssüf edirəm ki, cəmi iki gün burda vaxt keçirə bildim, mütləq şəkildə Nepala təkrar səfərimdə Pokharada minimum 10 gün vaxt keçirməyi planlayıram.Kathmandudan 200 km aralıda yerləşən Pokharaya necə getmək olar bəs?3 seçim var :İlk seçim təyyarədir, yerlilər üçün qiyməti 25 dollar-tək səfərlik, turistlər üçün isə 50 dollardan başlayır, Kathmandudan təyyarə ilə Pokharaya cəmi 25 dəqiqəyə çatırsınız. Çox möhtəşəm səslənir.İkinci seçim avtobusla gedə bilərsiniz, qiymət 10-15 dollar arası dəyişir, əgər avtobusu seçmiş olsanız 8 saatlıq bir gəzintiyə hazır olun, qeyd edim ki, yollar biraz narahat olduğu üçün avtobus yox, elə bil traktorda getdiyinizi hiss edəcəksiniz. Ancaq pulunuza qənaət etmək üçün yaxşı seçimdir.Üçüncü seçim isə bildiyimiz taksilər, qiyməti 30-dollardan başlayır və daha da arta bilir. Taksi ilə məsafə demək olar ki, 4-5 saatdır, ancaq əksəriyyəti 50-dən yuxarı sürmürlər deyə, avtobusdan fərqlənmirlər. Biz taksi ilə getdik, ancaq 9 saata çata bildik Pokharaya...Otellərin qiyməti necədir? 5 dollardan başlayır, 30 dollara kimi davam edir və hər biri şəhər mərkəzinə yaxındır. Rahatlıqla ucuz qiymətli otellərdə qala bilərsiniz, təxmini hər biri bir-birinə oxşayır. Yeməklərində fərq ola bilər, amma Pokharaya gedirsinizsə mütləq şəkildə şəhər mərkəzində yerləşən restoranlardan birinə getsəniz daha çox zövq alacaqsınız. Kathmandudan sonra Pokharada getdiyim restoranlarda özümü çox rahat hiss edirdim, bütün yeməklərdən xüsusi zövq alırdım...Kathmandudan fərqli olaraq burda evlər bir-birinə bitişik deyil, küçələrdə səkilər var, maşınlar sizin üzərinizə gəlmir, rahatlıqla kənardakı mağazalardan həzz ala bilərsiniz, tələsməyinizə də ehtiyac yoxdur. Dağlıq ərazi olduğu üçün mağazalarda daha çox xizəklər, sport geyimləri ilə rastlaşacaqsınız. Qiymətlər isə olduqca münasibdir.Pokharadakı görə biləcəyiniz yerlərin bir hissəsinin siyahısı.Pokhara Phewa gölünün ətrafında yerləşir, şəhərin bir tərəfindən digər tərəfinə göldəki qayıqlardan istifadə edərək səfər edə bilərsiz. Qiymətlər 6 dollardan başlayır və dəyişir. Ancaq görüntünü görmək üçün mütləq mütləq qayıq turu təşkil etməlisiz. Ancaq əsas məsələ, qayıqla gəzməyinizə baxmayaraq avqust ayında səyahət etməyi planlaşdırırsınızsa hava dəhşətli dərəcədə isti olacaq. İsti o qədər kəskindir ki, nəfəs almaq olmur, oturduğunuz yerdə sifətinizdən tərlər su kimi axır... Müsbət tərəfindən baxsaq, pulsuz sauna adlandıra bilərik.Nepalın ən bahalı şəhəri Pokhara sayılır. Himalay dağlarına gedən əsas yollardan biri burdan keçir deyə, hər il turist axını baş verir, bu il də biz getdiyimiz hər yerdə 100-lərlə turistlərlə rastlaşdıq.Macəra sevərlərin məkanıdır Pokhara. Bütün növ ekstrim idman oyunları var, hər birindən maksimum dərəcədə yararlana bilərsiniz. Paraşüt üçün xüsusi bir məkanı var ki, bura dünyanın ən yaxşı paraşüt məkanlarından biri sayıla bilər. Əziz təbiətsevərlər, bura tamamilə sizlər üçündür.Kathmanduda hava və ətraf tamamilə çirkli olduğu üçün, orda yaşayan varlı insanlar Pokharadan ərazi alıb xüsusi evlər tikirlər, bu da şəhərdəki insan sayının artmasına gətirib çıxarır.İki gün ərzində sadəcə “Mahendra Mağarası”, “Phawe Gölü”, “ Pokhara Qalası” və “World Peace Pagoda”-nı görə bildik.Həyatımda ilk dəfə idi bir mağarada olurdum, çox fərqli bir macəradı, Mahendra mağarasında oksigen yoxdur deyə nəfəs almaqda çətinlik çəkdim. Mağaranı gəzdikcə bunun bir sonu olmalıdır deyə danışırdıq ki, bir də gördük sonluqda belə bir balaca büt qoyublar, şərflər, güllər, pullarla zəngin bir büt. Gələn gedən bir şey qoyub gedir. Mən sadəcə şəklini çəkdim, heçnə qoymadım Çıxış necədir? Bapbalaca dar qayalıq, aradan çıxmalısan, burda dedim yox, bacarmayacam, mümkün deyil, qorxu ələ almışdı və nəfəsim daralırdı. Sağolsun Banqladeşli dostlar necə motivasiya verdisə özgüvənim artdı və bunu bacardım. Çıxdıqdan sonra inana bilmirdim ki, mən bu balaca yerdən necə keçdim?! Mağaraya girişdə həyət o qədər gözəl, yaşıllıqlarla zəngindir ki, heyran qaldım sadəcə...Mağaranın çıxışı“Pokhara Qalası” - əslində bizi yarasa mağarasına aparacaqdılar, elə hazırlaşmışdıq, birdən fikirlərini dəyişdilər və qalaya apardılar, qala dağın başında yerləşir və piyada minimum 50 dəqiqə yürüyüş etməlisiniz. İsti olduğu üçün yol bitmək bilmir, uzandıqca uzanır, dəhşət yorucudur. Qalxdıqca düşünürdük ki, yəqin möhtəşəm bir qaladır ki, onu qoruyub saxlayır və sırf onu göstərmək istəyirlər. Amma nə imiş? Balaca bir məbəd, kənarlarında turbalar, vəssalam... Məbəd üçün yox, amma mənzərə üçün 2 saat da artıq yerimək olardı... Bir sözlə möhtəşəmmm... Qayıdanda şansınız olsa bir maşın olacaq və sizi aşağı düşürəcək. Biz bütün iştirakçılarla bərabər kamaz kimi bir maşının arxasında gəldik, çox maraqlı idi.Məşhur Pagoda Məbədi...Nepaldakı ən iri məbədlərdən biridir. Burda da iki seçiminiz var. Ya qayıqla yaxınlaşmalısınız Pagodaya, ya da maşınla. Bizim vaxtımız yox idi deyə maşınla qalxdıq, maşın yolu bitdikdən sonra 15 dəqiqəlik pilləkənli yollar başlayır. Turistik ərazi olduğu üçün Nepallılar fərqli əşyalar, suvinerlər, himalay kofeləri və fərqli atışdırmalıq nələrsə satırlar. Deməli bunların məşhur qəlyənaltıları nədir? Uzun-uzun doğranmış acı xiyar dilimi + milçəklərlə zəngin islanmış pul bibər və islanmış duz, xiyarın üzərinə bu sousu əlavə edib bəh-bəhlə yeyirlər, hər yerdə bunu görəcəksiz, balaca uşaqdan tutmuş, böyüklərə kimi hamının sevimlisidir..Pagodanın birinci hissəsində girişdə ayaqqabıları çıxartdıq, telefondan çəkilişə icazə yox idi, sadəcə buddist rahib dünyadan təcrid olunmuşdu deyə, rahat video da çəkdik, hələ üstəgəl o rahibin şəklini də çəkdik.Belə, Pokhara haqqında çox yazıb çox danışmaq istəyərəm, amma daha yormaq istəmirəm sizi, təşəkkürlər diqqətiniz üçün...Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Mahbuba Musayeva

814 dəfə oxunub
Bizi izləyənlər siyahısına qoşulun!