Bloq

1361 dəfə oxunub

Qatarla Londona səyahət

Londondakı bütün otel, apartament və hostelləri bu linkdən book (bron) edə bilərsiz.

Çıx qatar yoluna, məni qarşıla.. Amsterdam-London səyahəti

Bu həftəsonu on beş illik Amsterdam macərama nöqtə qoyub Londona çörəkpulu qazanmaq üçün yola düşdüm. Bilet aldığım ərəfədə təyyarə biletləri sərf eləmirdi Londondaki hava limanlarının evə uzaq olması səbəbilə. Eurostar qatarının Londondaki dayanacağı yaxın olduğu üçün qatarla səyahət qərarına gəldim. Həm də hər sərnişinə istənilən ölçüdə 2 böyük baqaj, bir də əl çantası icazəsi var deyə daha uyğun oldu. Amma gömrükdə heç yoxlamadılar kim nə qədər çanta keçirir.

49384544_10218021731080672_3972101702277922816_n

Qısaca Eurostar barədə. 1994-də istifadəyə verilən bu qatar marşrutu Avropada Fransa və İngiltərəni dəmiryolu ilə birləşdirən yüksək sürət qatarlarından istifadə edir. Bakı-Gəncə qatarı qədər bərkgedən olmasa da, saatda 320 km ilə dünyada ən yüksək sürətli qatarlardan sayılır. Sadəcə Eurotunnel bölgəsində, dənizin altında təhlükəsizlik səbəbilə sürəti bir az azaldırlar. Ümumiyyətlə Eurotunnel xüsusilə Böyük Britaniya üçün ciddi əhəmiyyət kəsb edir. Gələn idxalın 25 faizi bu tuneldən keçən ticarət mallarından ibarətdi. Eurotunnel dənizin altından iki tunellə İngiltərə ilə Fransanı birləşdirir və hazırda dünyada ən işlək yolu sayılır: ildə 2.5 milyon maşın, 1.5 milyon yük maşını və 20 milyon sərnişin daşınılan iki tuneldən biri Eurostar üçün nəzərdə tutulub. Tunelin 37 kilometri dəniz səviyyəsindən 100 metr aşağıdadı amma qatarda ümumiyyətlə hiss eləmirsən bunu.

49831309_10218021752201200_611056219951464448_o

Marşrutların şəklini aşağıda əlavə eləmişəm. Amsterdam-London istiqamətində hələki birbaşa qatar yoxdu, amma London-Amsterdam istiqamətində var. Səbəb Amsterdamda Birləşmiş Krallığın gömrük nəzarət nöqtəsinin olmamasıdı. Amma onu da 2019-un sonunda həll edəcəklər deyəsən. Amsterdamdan gedəndə Fransızların Thalys qatarı Brüsselə aparır. Orda düşüb həm Belçika gömrüyündən EU-nu tərk edirsən, 2 metr gedib UK gömrüyündə pasport kontrola girirsən. Avropa Birliyi vətəndaşı olmaq işimə yaradı: normalda non-EU vətəndaşları olan yerdə sıra var idi, amma EU vətəndaşları biometrik pasportla 10 saniyədə kontroldan keçdi. Sonra baqaj yoxlanılır, ardınca da terminala gedirsən.

 

[gallery ids="1200,1199" type="rectangular"]

Yeni il ərəfəsində səyahət edənlər çox olur deyə fikirləşirdim ki, adam çox olar, amma kupe demək olar ki bomboş idi. Qatar təmiz, keyfiyyət və s yaxşı idi. Biletdən asılı olaraq kupeyə yeməklər də gətirib xidmət göstərirlər. Amma kupelərin çoxunda restoran-kafe də mövcuddu. Eurostar qatarında mobil app-la kinolar izləmək, kitab oxumaq, maraqlananlar üçün Virtual Reality ilə qatarın balıqlarla əhatələnməsini "görmək" olur. Uşaqlar üçün nəzərdə tutulsa da, böyüklər heç imkan vermir 

49503062_10218021751001170_7896504644522737664_n

Qiymətlərə gəlincə, mən bir az gec aldım deyə bir tərəf üçün 130 euro ödədim. Amma Amsterdam-London-Amsterdam biletini rahatlıqla 90-100 euroya almaq olar. Amsterdamdan Londona hardasa 4 saat yarım, Londondan Amsterdama 3 saat 20 dəqiqəyə səyahət mümkündü Eurostarla.

Qısacası, təyyarə ilə 45 dəqiqəlik yol yerinə maraqlı macəra yaşamaq istəyənlər üçün məsləhətdi 

PS. Artıq Amsterdam sakini sayılmasam da, ana yurd barədə suallarınızı həmişə olduğu kimi yenə ünvanlaya bilərsiz 

Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…

Paylaşdı: Isa Yusibov

Isa Yusibov

DİGƏR BLOQLAR

Gəzəyənlər üçün mobil tətbiqlər (Part 1)

1. CouchsurfingSəyahət edənlərin bir nömrəli yardımçısı olan və xərcləri minimuma endirə biləcək ən önəmli tətbiqlərdən biridir. Proqram vasitəsilə gedəcəyiniz yerlərdə yerli insanların evində pulsuz qonaq ola bilər, onlarla birlikdə ərazini kəşf edə bilərsiniz. Təbii ki, bunları hər ev sahibinə aid etmək olmaz. Eyni zamanda həmin müddətdə orada qalan biriləri də sizi qonaq edə bilər və ya qonaq etməsə belə tətbiq daxilindəki "Hangout" bölməsi gəzəyənlərin bir-birini tapıb səmərəli vaxt keçirməsi üçün düşünülmüşdür. Məsələn siz "Eyfel qülləsi yaxınlığında qəhvə içmək istəyən?" kimi hangout postlar açıb insan toplaya bilərsiniz. Həmçinin başqaları tərəfindən yaradılmış bu görüşlərə qoşula bilərsiniz.Couchsurfingin taktikasına görə qonaqlar ev sahibinin profilində öz təəsüratlarını (References) qeyd etməlidirlər. Belə ki, kimsə qonaq qəbul etdiyi zaman onun öz profilindəki məlumatlardan əlavə başqalarının fikirlərinə diqqət yetirir. Hər halda siz özünüz də bələd olmadığınız adamla eyni evdə qalmağın nə qədər təhlükəli ola biləcəyindən xəbərdarsınız  Bu məqamda tətbiqin tək "mənfi" tərəflərindən biri olaraq bunu qeyd edə bilərik ki, siz killer, oğru və s. olmasanız belə əgər özünüz kimisə qonaq edib müsbət rəylər toplamamısınızsa sizin host tapmağınız olduqca çətindir (Bəzi hallarda bəxtiniz gətirə bilər) . Həmçinin bəzi istifadəçilər bu platform vasitəsilə kiçik məbləğ müqabilində sizi qonaq edə bilərlər.Sadəcə bir dəfəyə məxsus 60$ ödəməklə siz Verified account ala bilər və bütün imkanlardan yararlana bilərsiniz. Sadə accountlar isə həftədə cəmi 10 hosta ilk mesajı yaza bilərlər. App Store: https://apple.co/1P3uKdH Play Store: https://bit.ly/1z1AESz2. ShowaroundBir növ sizi tur bələdçiliyi işi ilə təmin edən proqram həm yerli əhali həm də turistlərə fayda gətirə bilər. Konsepti əsasən insanların getdiyi yerlərdə vaxtını daha səmərəli keçirməsi və yüksək məbləğlər ödəmədən şəhəri kəşf etməsi yönündədir.Proqram iki yönlüdür, siz həm turist kimi çıxış edə bilərsiniz həm də local people kimi.Həvəskar tur rəhbərliyi edə biləcəyiniz bu tətbiqdə istər saatbaşı ödənişlə və istərsə də könüllü bir formada şəhərinizə gələnləri gəzdirib şəhərinizlə tanış edə bilərsiniz. Ödənişlərə limit tətbiq olunmayan bu platformada siz öz saatlıq qiymətinizin minimum və maximumunu seçə bilərsiniz. Beləliklə program sizin boş vaxtlarınızda qazanc əldə edə biləcəyiniz bir işə çevrilə bilər.Qazancdan əlavə həmçinin tələbələr və s. öz xarici dil biliklərini inkişaf etdirə bilər və ya müxtəlif ölkələrdən dostluqlar yarada bilərlər. Əsasən tələbələr FREE bələdçiliyi seçərək öz dillərini inkişaf etdirirlər. Əlbəttə ki, tur rəhbəri olmaq üçün sadəcə xarici dil bilmək kifayət etmir. Gələn turist gedəcəyi yerlərin tarixi haqqında da məlumat tələb edə bilər. Yaxşısı budur ki, müştərinizlə hər şeyi öncədən danışıb razılığa gələsiniz P.S: Əgər istifadə etsəniz heç kimə görüşdən öncə online pul köçürməsi etməyin!App Store: https://apple.co/2WoDGlwPlay store: https://bit.ly/2VTKOpxƏgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Reshad Farzali

853 dəfə oxunub

Luvr muzeyi haqqında hər şey (I hissə)

Parisdəki otellərlə bu siyahıdan tanış ola bilərsiz.Təqribən 10 bəlkə də daha çox ziyarətdən sonra Luvr muzeyinin daimi kolleksiyasını gəzib bitirdim. Bu münasibətlə də Luvr haqqında biraz məlumat verib, necə getməli, necə gəzməli, vaxtdan necə istifadə etməli kimi suallara cavab verəcək bir yazı yazacam.Luvr Muzeyi Parisin 1-ci bölgəsində Sena çayının sahilində yerləşir. Muzeyə gəlməyin ən rahat və məsləhətli yolu metrodur. Metronun 1-ci və ya 7-ci xətti üzərindəki Palais Royal – Musée du Louvre stansiyasında düşüb 6. Carroussel du Louvre çıxışını izləyərək Muzeyin turistlər tərəfindən çox da bilinməyən, buna görə də, demək olar ki, növbə olmayan yeraltı girişinə gəlirsiniz. Yox əgər “Mən mütləq o şüşəli piramidadan girəcəm muzeyə” deyirsinizsə, 1 saata qədər növbə gözləməyə hazır olun. Ümumiyyətlə, muzeyin bir neçə girişi var, ən rahatı metrodan girişdir, mən 10+ dəfə getmişəm, növbədə gözləməmişəm.Muzeyin giriş saatları bazar ertəsi, cümə axşamı, şənbə və bazar günləri saat 9:00-18:00 arasıdır; çərşənbə və cümə Nocturne olur və muzey saat 21:45-ə qədər açıq olur. Zalların boşaldılması adi günlərdə 17:30-da, nocturne günlərində isə 21:30-da başlayır. Çərşənbə axşamı, 1 yanvar, 1 may, 8 may və 25 dekabrda bağlı olur.Ziyarət üçün ən ideal saatlar: səhər muzey açılanda və nocturne günləri 18:00dan sonra. Şənbə və Bazar günləri mümkün olduğu qədər gedilməməlidir (diqqət: həftəsonu gəzintisinə gələn turistlər!). Ziyarətin müddəti maraq dairəsindən və görüləcək zallardan asılı olaraq dəyişir, amma minimum 2 saat ayırmaq lazımdır.Standart biletin qiyməti kassada 15€, online satışda 17€-dur (Luvr üçün alınan biletlər həm də Eugène Delacroix muzeyində keçərlidir). Muzeyə giriş 18 yaşa qədər uşaqlar, 26 yaşa qədər Avropa rezidentləri, Nocturne günlərində saat 18:00dan sonra 26 yaşa qədər vətəndaşlığından asılı olmadan bütün gənclər, oktyabr-mart ayları arası hər ayın ilk bazar günü hamı üçün pulsuzdur. Endirimli tariflər və bir çox başqa alternativlər var (Paris Museum Pass və s.). Məsləhətlisi bileti əvvəlcədən almaqdır, yoxsa kassada uzun növbələr gözləməli olacaqsınız. Növbə gözləmədən bilet almağın bir digər üsulu isə Luvrdan çox da uzaq olmayan Eugène Delacroix muzeyindən bilet almaqdır ; beləliklə, həm kiçik və maraqlı Eugène Delacroix muzeyini də görmüş olacaqsınız. Pulsuz girişdən faydalanırsınızsa mütləq şəxsiyyətinizi təsdiq edən bir sənəd göstərməlisiniz, biletsiz kontroldan keçəcəksiniz.Bilet alındı (ehtiyac varsa), information-dan Luvr xəritəsi götürüldü, növbəti istiqamət yükləri yüngülləşdirmək üçün vestiairedir: istifadə pulsuzdur, özünüzlə pasportu götürün, qalan əşyalarınızı əmanət edin vestiaireə.Kiçik detallardan biri də ayaqyolu məsələsidir, giriş mərtəbəsi -2də 3 WC var, əgər növbə varsa və vaxt itirmək istəmirsinizsə sərgi zalları arasında WC var ;)Acmısınızsa -2də Paul-un bir şöbəsi (təbii ki, şəhərdəkilərdən bir az daha bahalı) və yuxarı mərtəbələrdə bir neçə (qlamur) café var.Bu qeyd sadəcə Luvr üçün yox, demək olar ki, bütün muzeylər üçün keçərlidir: özünüzlə parasetamol götürün, sərgi zallarına qalxmamış atın. Eksponatlara və tavana baxmaq üçün başınızı o qədər yuxarı qaldıracaqsınız ki, başağrısı qaçınılmaz olacaq.Muzeyin 3 qanadı var – Richelieu, Sully, Denon. Bu üç qanada uyğun da 3 bilet kontrol postu var, muzeyin içində o baş-bu baş gedərək vaxt itirmək istəmirsinizsə, görmək istədiyiniz kolleksiyaları yaxınlıq sıralamasına və qanadlara görə bölün. Ümumiyyətlə, Luvr o qədər böyükdür ki, bir ziyarətə ancaq bir və ya iki kolleksiyanı tam gəzə bilərsiniz. Ona görə də mütləq görmək istədiyiniz yerləri əvvəlcədən qeyd etməkdə fayda var.Qeyd olunası bir vacib məqam da ziyarət istiqaməti ilə bağlıdır: çalışın kolleksiyanı tam gəzirsinizsə, zalları sıra ilə gəzin, divardakı “Sens de la visite” (ziyarət istiqaməti) oxları ilə hərəkət edin. Əvvəla, beləliklə muzeydə boşuna vaxt itirməmiş olacaqsınız, itməyəcəksiniz, ikincisi, kolleksiyalar xronoloji ardıcıllıq və ya tematik olaraq sərgiləndiyi üçün ortadan başlasanız kolleksiyanın məğzini anlamaq çətin olacaq.Kolleksiya və eksponatlar haqqında məlumatlanmağın bir neçə üsulu var:Zalların girişində məlumatlandırıcı lövhə olur – kolleksiyanın tarixi, məğzi, əsərlər haqqında fransız, ingilis və ispan dillərində informasiya verir. Oxumaq lazımdır ki, nə görəcəyiniz haqqında müəyyən bir fikriniz olsun.Hər bir zalda qapıya və ya oturacaqlara yaxın bir qutu var, bu qutunun içində ingilis, fransız, italyan, ispan, çin, yapon dillərində məlumat lövhələri olur. Oxumaq vaxt aparır, amma zal həqiqətən sizdə maraq oyadıbsa və daha ətraflı məlumat almaq istəyirsinizsə bu lövhələrə göz gəzdirməkdə fayda var.Eksponatların aşağısında, yuxarısında, yan yörəsində kiçik məlumat lövhəciyi olur: eksponatın aid olduğu dövr, müəllifi, ölkə, hazırlandığı material, nə zaman və necə Luvra gəlib çıxdığı haqqında qeydlər və əgər mühüm bir tarixçəsi varsa həmin məlumat yazılır. Bütün eksponatların etiketini oxumağa çalışsanız bir ömür Luvru bitirə bilməzsiniz, amma sizə maraqlı görünən nümunələr haqqında məlumatlanmaq üçün ideal vasitədir. Tək mənfi cəhəti var – bu etiketlərin 90%-i fransızcadır, ən yaxşı halda isə fransız-ingilis.Audioguide – mən heç istifadə etməmişəm, ümumiyyətlə audioguidelərlə aram yaxşı deyil, məlumatı yazılı oxuyarkən oxu sürətini özüm seçirəm, amma audioguidedə lüzumsuz xırdaçılıq edilərək vaxt itirildiyini düşünürəm. Siz audioguide istəsəniz kontrol postların yanında şəxsiyyətinizi təsdiq edən sənəd təqdim etməklə bir nintendo götürə bilərsiniz.Şəxsi bələdçi – tariflər, rezervasiya haqqında tam məlumatım yoxdur, amma şəxsi bələdçi ilə də muzeyi gəzə bilərsiniz. Daha baha başa gələcək, amma daha çox şey öyrənəcəksiniz. Yox əgər “O qədər də aristokrat deyilik” deyirsinizsə növbəti maddəyə baxın ;)Turist qrupları – mənim istifadə etdiyim metodlardan biridir :p Çox məşhur əsərlərin yanında adətən bir neçə turist qrupu olur və bələdçiləri onlara eksponatın tarixçəsi haqqında kifayət qədər ətraflı məlumat verir. Əgər sizə maraqlı olan bir eksponat haqqında danışılırsa özünüzü verirsiniz həmin qrupun yanına ;)Muzey dostluqları – muzeylərdə selfie çubuqlarını gözünüzə soxaraq muzeyin hər daşının şəklini çəkən uzaq şərqli turistlərdən başqa incəsənət və tarix haqqında kifayət qədər məlumatlı olan ziyarətçilər də olur. Təsadüfən eyni tabloya baxırsınızsa və fikrinizi bölüşmək istəyirsinizsə çəkinməyin, müzakirə edin ;)Gözətçilər – muzey gözətçilərindən əksərən ayaqyolu və filan zala necə gedərəm tipli suallar soruşulur. Sizi maraqlandıran bir əsər haqqında beyninizdə fırlanan bir sual varsa, soruşmaqdan çəkinməyin, böyük bir ehtimalla cavab verməyə çalışacaqlar (amma gözətçini yarım saat saxlayıb bütün muzeyin tarixini danışacağını da gözləməyin, camaatın işi gücü var)İnternet – deyək ki, hansısa bir zalda gəzirsiniz və çox maqarlı bir eksponat gördünüz, adını yazırsınız google-a və istədiyiniz qədər məlumatı tapıb rahat bir vaxtınızda oxumaq üçün linki save edib ziyarətinizə davam edirsiniz.Davamı olacaq....  Paylaşdı: Zaur Valizada

3213 dəfə oxunub

Couchsurfingdə asan host tapmaq üçün tövsiyyələr

Keçən yazılardan birində ucuz səyahət etmə haqqında yazmışdım və o yazıda Couchsurfingə toxunmuşdum. Bu dəfə istəyirəm ucuz səyahət təşkil etmək istəyənlərin ən yaxın dostu Couchsurfing haqqında daha detallı məlumat verim. Özüm bir 10 dəfəyə yaxın Couchsurfinglə qonaq qaldığımdan və qonaq qəbul etdiyimdən düşündüm ki, bu vaxta qədər öyrəndiklərimi sizinlə də bölüşüm bəlkə sizin də yardımınıza çatar.Couchsurfing və ya qısa adıyla CS, 2003-cü ildə yardılmış qonaqlama saytı və sosyal şəbəkədir. Saytı yaratmaqda əsas məqsəd səyahət edənləri bir məkana toplamaqdır. Bir şəhəri gəzib-görmənin, kəşf etməyin ən gözəl üsullarından birinin yerli əhali ilə yaşamaq olduğunu nəzərə aldıqda, CS-dən gözəl imkan yaradacaq 2ci bir platforma gəlmir ağlıma. CS-in 2 əsas funksiyası var, qonaqlama-qonaq qalma və görüşmə/bələdçilik. Saytda qeydiyyat ödənişsizdir, sadəcə bir maillə və ya Facebookun köməkliyi ilə qeydiyyatdan keçmək olar.CS əslində bəzi insanlar tərəfindən pulsuz gecələmə yeri kimi görsənsə də əslində bu qətiyyən belə deyil. CS-də adətən eyni ideyaları, dəyərləri, maraqları paylaşan insanlar görüşürlər, bir-birlərini qonaq edirlər. Yəni bu adamlar bizi pulsuz qonaq edirlər, bəs onların bu işdə marağı nədir ki? Sualının cavabı odur ki, sizi qonaqlayan şəxs, sizinlə vaxt keçirmək, müxtəlif ölkələrdən və mədəniyyətdən olan insanlar tanımaq, eyni dəyərləri bölüşmək istəyir ona görə də əgər CSə pulsuz qonaqlama yeri kimi baxırsınızsa, elə bəribaşdan qeydiyyatdan keçməyin və bu yazını da elə burdaca dayandırın :) amma mən bilirəm ki, bizim bloqumuzun oxucuları səyahəti sevən insanlardırlar ona görə də CSdən də qaydalar çərçivəsində istifadə edəcəklər.Səyahətdən xaric oxu 1: Praqa və skelet kilsə Kutna Hora bələdçisiQısa olduğu üçün ilk öncə görüşmə və ya bələdçilik funksiyası haqqında məlumat verim. Bu funksiyadan istifadə etməklə şəhərinizə gələn turistlərə bələdçilik edə və ya getdiyiniz şəhərdə orada yaşayanlardan sizə bələdçilik etməsini xahiş edə bilərsiniz. Bunun üçün şəkildəki kimi sadəcə “Find hosts” seçib axtarış yerinə getdiyiniz şəhərin adını yaza və o şəhərdən olan CS-çilər üçün axtarış edə bilərsiniz.Daha sonra açılan səhifədə “More Filters” seçərək “Wants meet up” seçiminə quş qoyursunuz, daha sonra isə yaş, cins və s. kimi seçimləri edərək yenidən axtarış verirsiniz. Bu dəfə getdiyiniz ölkədə sadəcə turistlərlə görüşmək istəyənlərin profilləri çıxacaqdır. Bəyəndiyiniz, sizə bələdçilik etməsini arzuladığınız profili seçərək 4-5 cümlədən ibarət bir mesaj yazaraq onunla görüşmək istədiyinizi və sizə bələdçilik etməsini xahiş edirsiniz. Sonrası isə məlumdur :)Yox əgər sizin şəhərə gələn turistlərlə görüşüb, şəhərinizi turistlərə göstərib, onları gəzdirmək istəyirsinizsə onda siz “wants to meet up” seçimini edirsiniz və şəhərinizə gələn turistlər axtarış edərək sizə yaza bilərlər.Səyahətdən xaric oxu 2: Addım-addım WizzAirlə bilet almaSaytın digər mən deyərdim ki, əsas funksiyası isə qonaqlama (hosting) və qonaq qalmadır (surfing). Məsələn evinizdə boş bir çarpayı, otaq və ya sadəcə matras/döşək varsa və evinizi, otağınızı bəzən yatağınızı turistlərlə bölüşmək istəyirinizsə CSdə qeydiyyatdan keçib, sizə aid olan bölmələri doldurursunuz və ətraflı məlumat verirsiniz. Bundan sonra turistlər axtarış edəndə siz onlar;n siyahısında çıxacaqsınız və eviniz və özünüz turistin xoşuna gələrsə sizə sorğu göndərəcək ki, filan tarixlərdə sənin şəhərində olacam, məni qonaqlaya bilərsənmi?!Digər tərəfdən səyahətə gedənlər adətən öz profillərində elan verirlər ki, bu tarixlərdə bu şəhərdə olacam. Siz də yuxarıdakı fotodakı kimi, Find travelers seçib şəhərin adını yazıb axtarış etməklə şəhərinizə gələcək  turistlərin siyahısından evinizdə qonaq etmək istədiyiniz turistə səni qonaqlaya bilərəm deyə bir mesaj atıb onun cavabını gözləyə bilərsiz.Qonaq qalma fuksiyasının digər xüsusiyyəti isə qonaq olmaqdır, məsələn siz deyək ki, Milana gedirsiniz və qalmağa yer axtarırsınız CSə girib profil açaraq, məkan hissəsində Milan yazaraq axtarış verirsiniz və çıxan siyahıdan bəyəndiyiniz istifadəçiyə sorğu göndərirsiz ki, bəs filan tarixlərdə Milanda olacam məni evində qonaqlaya bilərsənmi?! Digər tərəfdə (burada də ayrı :D )sizin qalmağınızı ya təsdiq edir, deyir o günlərdə uyğunam ya da profilinizi gözdən keçirib bir bəhanəylə deyir ki, həmin günlərdə boş deyiləm ya elə doğrudan da boş olmur.Səyahətdən xaric oxu 3: Budapeşt - Peşt hissə bələdçisiİndi yəqin ki, fikirləşirsiz ki,tanımadığın adamın evində qalmaq və ya tanımadığın adamı evində qonaq etmək necə olar ki?! Nə qədər təhlükəsizdir bu?! Məhz elə suallara görə də CS vaxt keçdikcə öz sistemini təkmilləşdirir və çalışır ki, istifadəçilərə daha təhlükəsiz bir sistem qursun. Ona görə də saytda feedback bölümünü itifadəyə verib. Turist ev sahibinin evində qalandan sonra onlar 1-1ləri haqqında olan fikirlərini saytda qeyd edirlər və bu feedbacklər hər kəs üçün açıq olur. Ona görə də hər zaman qonaq qalarkən də qonaq edərkən də bu feedbacklərə nəzər yetirin, çalışın azı 4-5 və pozitiv feedbackı olan istifadəçilərin evində qalasınız və ya qonaq edəsiniz.Qonaq qalma üçün sorğu göndərərkən çalışın bu nüanslara diqqət edəsiniz, bu nüanslara diqqət etsəniz yəqin ki, asanlıqla olmasa da sizi evində qonaqlayacaq birini tapacaqsınız:- İlk öncə çalışın profil yaradarkən orada olan bütün bölmələri doldurun, özünüz, maraqlarınız, hobbiniz, niyə CS istifadə etdiyiniz, sevdiyini kitablar, musiqi, filmlər, gəzdiyiniz ölkələr haqqında olan bölmələri doldurun,  çalışın azı 2-3 cümlə yazasınız. Profilinə 4-5 dənədən az olmamaq şərtilə foto yerləşdirin, çünki sizi qonaqlayacaq adam sizin necə göründüyünüzü təxmin etməlidir. Çalışın fotolardan 1-2-si dostlarınızla olan fotolar olsun ki, sizi qonaqlayacaq adam sizin asosyal biri olduğunuzu düşünməsin.Səyahətdən xaric oxu 4: Roma bələdçisi-  Sorğu göndərmək üçün ən ideal vaxt səfər tarixinizdən 10-15 gün öncədir, çünki çox erkən və çox gec olan sorğularda host tapmaq şansınız azalır- heç zaman copy-paste mesajlar göndərməyin, çünki copy-paste mesajlar  qarşı tərəfdən çox asanlıqla anlaşılır və potensial hostunuz başa düşür ki, siz ona sorğu göndərərkən çox da vaxt sərf etməmisiniz. Qonaqlama üçün sorğu göndərmək bir növ motivasiya məktubu yazmaq kimi bir şeydir, hostunuzə mesaj göndərib ona izah edirsiniz ki, niyə hostunuz məhz sizi evində qonaq etməlidir. Çalışın hostun adını mesajda qeyd edəsiniz.- CSdə sorğu göndərənlərin ən çox işlətdiyi yalnışlardan biri odur ki, sorğu göndərən mesajında qeyd edir ki, “mən o qədər sakit olacam ki, heç mənim sənin evində olmağım səni narahat etməyəcək, mənim varlığımı heç hiss etməyəcəksən”. Bu mesajda yalnış olan odur ki, sizi qonaqlayacaq adam sizi qonaqlayıb sizinlə vaxt keçirmək, sizi, ölkənizi və mədəniyyətinizi daha yaxından tanımaq istəyir.- mütləq sorğu göndərərkən hostunuzun profilini əməlli başlı ələk-vələk edin. Hostunuzun nələrdən xoşlandığını, nələri sevmədiyini porfilindən oxuyun. Bəzən hostlar info bölməsində xüsusi sözlər gizlədirlər və deyirlər mesajınızda bu sözü işlətməsəniz avtomatik yox cavabı alacasınız. Bu yazını yaza-yaza elə növbəti səfərim üçün Belçikanın Brügge şəhərində host axtarırdım, hostlardan biri pofilində yazmışdı ki, mesajınıza Nutella sözü ilə başlayın, əks halda rədd cavabı alacaqsınız. Odur ki, sorğu göndərməmişədn əvvəl həm hostunuzun özü, həm də evi haqqında ola infoları mültəq oxuyun- hostunuza gəlib çatacağınız və tərk edəcəyiniz vaxtları verməyə çalışın, hostunuz da insandır onun da özünə görə planları ola bilər :)Səyahətdən xaric oxu 5: Budapeşt - Buda hissəsi- Özünüzlə gedərkən hostunuz üçün getdiyiniz ölkədən kiçik suvenir, lokal bir şirniyyat və ya içki aparın, bu hostunuzda sizin haqqınızda xoş təəssüratlar yaradacaq- fors major hallara hazır olun, ola bilər ki, səfərinizə saatlar qala hostunuz sizi qəbul edə bilməyəcəyini söyləsin, çalışın öncədən buna uyğun bir B planınız olsun. Bundan başqa hər şəhərin özünün CS-də “Last minute Şəhərin adı” adlı qrupları olur, Last minute Paris, last minute Berlin və s. Kimi o qruplara girib hostunuzun son saniyədə sizi qarşılamaqdan boyun qaçırdığını yazıb kiminsə sizi qonaqlayacağına ümid edə bilərsiniz :)Yazını bəyəndinizsə aşağıda olan Facebook düyməsini seçərək blogpostu Facebookda paylaşın, dostlarınız da yazılarımızdan xəbərdar olsunlar. Yox əgər blogun yazılarından ilk xəbər tutmaq istəyirsinizsə sağ tərəf yuxarıda olan “abunə ol” düyməsinə klikləyin. Hələlik bu qədər, növbəti yazılara qədər :)

898 dəfə oxunub

Aşağı büdcəli səyahət bələdçisi - I hissə

Salam, dostlar! Sizə təcrübələrimdən, səyahət zamanı etdiyim səhvlərdən və düzlərdən yola çıxaraq, Avropa, Amerika və Cənubi Amerikada başa gələ biləcək mümkün olan ən ucuz büdcə səyahəti barədə yazacam. Çox geniş olduğu üçün bir neçə hissəyə böləcəm. Bu postlar əsasən ilk dəfə səyahətə çıxanlar üçün məlumat kitabçası kimi olacaq Birinci yazımda çox texniki tərəfləri yazdım ki, digər postlarda bu adları istifadə edəndə məlumatlı olasınız və sizə rahat olsun. Post uzundur, amma bunu oxumağa təmbəllik etsəniz, neçə min km yolu necə gedəcəksiniz?! Bilet almaq üçün istifadə edəcəyiniz sərfəli saytlar: Skyscanner.com, Kayak.comdan bütün dünya üzrə ucuz və sərfəli biletləri tapa, ala bilərsiniz. Bunlar mənim istifadə etdiklərimdir, eyni zamanda edreams.com, kiwi.com, momondo.com və s. saytlarına daxil olmaqla da biletlərin qiymətlərini müqayisə edə bilərsiniz. Nə qədər (neçə ay qabaq) tez biletləri alsanız, bu sizə bir o qədər ucuza başa gələcək. Skyscanner həmçinin sizə hansı aylarda, hansı ölkələrə ucuz biletlər olduğunu da təklif edir. Bilet alarkən ölkələrlə bağlı diqqət etməli olduğunuz məqamlar da var ki, onları da gələcək postlarda qeyd edəcəm. Tutaq ki, istirahət və dəniz üçün Taylanda getmək istəyirsiniz, qiymətlər ucuz göstərir amma sezon deyil, həmin vaxt artıq musson yağışları gəlir. Avropada istifadə edəcəyiniz ucuz nəqliyyat: Avtobus: Flixbus, MegabusFlixbus dünyanın bir çox ölkələrində, eləcə də Avropa daxilində ən rahat avtobus şirkətlərindən biridir. Xüsusi bayramlarda bəzən endirimləri olur, bəzən isə qiymətlər çox pik həddə qalxır. Voucherlər vasitəsilə endirimlər əldə etmək mümkündür. Biletlərin vaxtını dəyişə və ləğv də edə bilərsiniz. Flixbus mənə o qədər rahat gəlir ki, 2 saatlıq belə yolu getməkdən zəhləsi gedən mən 15-20 saatı çox rahat getmişəm. Xüsusilə gecə səyahətini seçsəniz, yolun necə keçdiyindən xəbəriniz olmayacaq, əlavə vaxt itirməyəcəksiniz, və avtobus boş olduğu üçün rahat uzanıb arxa oturacaqlarda yatmaq imkanınız olacaq. Amma çalışın avtobuslarda heç nəyinizi itirməyin və ya yaddan çıxarmayın, baxmayın ki, Avropadır, geri ala bilməyəcəksiniz, daha doğrusu araşdırmayacaqlar və əşyanızı tapıb sizə geri də verməyəcəklər. Megabus da çox rahat və güvənilir avtobus şirkətlərindən biridir. Aşağıbüdcəli aviaşirkətləri: Ryanair, WizzairWizzair və Ryanair Avropa daxilində aşağıbüdcəli hava yolu şirkətləridir. Budapeştdən Norveçə belə 4-5 euroya biletlər tapa bilərsiniz. Biletlər həmişə çox ucuz və sərfəli olur. Amma bəzən bu uçuşları həyata keçirən hava şirkətləri çox kənar aeroprtlarda yerləşirlər deyə, ora getmək və getdiyiniz ölkənin aeroportundan mərkəzinə getmək ondan neçə qat bahasına başa gəlir. Tutaq ki, 5 euroya Osloya uçursunuz, amma aeroportdan şəhərin mərkəzinə getmək isə 20 eurodur. Maşın:Blablacar.com (shared driving)- elə bir platformadır ki, sadə dillə desək, bir nəfər öz maşını ilə digər ölkəyə və şəhərə gedir, və gedəcəyi saatı, günü, çıxacağı yeri saytda elan edir. Müsbət tərəfi odur ki, tez çatırsan, bəzən avtobusdan qat-qat ucuz, bəzən isə baha ola bilir. Amma təhlükəli tərəfi də odur ki, sürücü hər cür tip adam ola bilər. Ona görə saytda həmin sürücü haqqında qiymətləndirməni görmək və digərlərinin yazdığı rəyləri oxumaq çox vacibdir. Son anda getməkdən imtina edib də sizi yarıyolda qoymaq kimi hadisələr də baş verə bilər. Mən iki dəfə istifadə etmişəm. Eyni zamanda sizi də qəbul etməmişdən qabaq, sürücü sizin haqqınızda digər sürücülərin verdiyi rəyləri də oxuyur ki, əmin olsun ki, siz də təhlükəsiz tipsiniz, yaxşı adamsınız. Avtostop barədə isə yəqin ki, hamınız məlumatlısınız. Təhlükəsizliyə görə heç vaxt istifadə etməmişəm. Rent a car- 3-4 nəfərdən çoxsunuzsa, qiymətləri, məsafəni, benzinin qiymətini də hesablayıb maşın rent edə bilərsiniz. Harda qalmalı?: Xaricə gedəndə dstlarımın evi mənim üçün ən yaxşı və sərfəli qalınacaq yerlərdir, qalmağa həmişə yerim olur deyə, burdan səyahət xərclərindən kəsirəm. Çalışın dost çevrənizi həmişə geniş tutun, indi ölkədə dostlaşdığınız adamların çoxunu iki ildən sonra burda görməyəcəksinizVə eyni zamanda dost tərəfdən bəxtiniz gətirməyibsə, yaxşı adamısınızsa, Azərbaycanda səyahətçilərin olduğu ən böyük səyahət qrupu “Gəzəyənlər” qrupunda da bəlkə xaricdə yaşayan soydaşlarımızdan kimsə sizi dolma qarşılığında qonaq edər və ya bəlkə minimal məbləğ qarşılığında da sizi qonaqlaya bilərlər. Azərbaycanlılar yaxşı və qonaqpərvər adamlardır, əgər bəxtiniz gətirsə Hostel, qonaq evləri, 3 ulduzlu hotellər- booking.com (əsas istifadə etdiyim), hostelworld və. s. Bəzi şəhərlərdə və ölkələrdə 2-3 ulduzlu hotellər də çox ucuz başa gəlir. Airbnb.com. - mənzil, boş və ya bölüşmə otaqAirbnb evlərin qiyməti bəzən hosteldən bir az daha çox, hoteldən isə ucuz olur. Üstəlik 4-5 nəfər olacaqsınızsa, xüsusilə sərf edir.Airbnb və hostel seçərkən çox diqqət etməli olduğunuz məqamlar var. Qiymətləndirməyə mütləq və mütləq nəzər yetirin və insanların həmin məkanlar barəsində yazdığı rəyləri oxuyun. Təhlükəsizlik, təmizlik, qiymətin uyğunluğu, işçi heyyətinin köməkcil olması, qatar-avtobus dayanacaqlarına yaxınlığı, həmin ərazinin təhlükəsizliyi barədə müştərilərin rəylərinə əsasən qiymətləndirmə olur. Məsələn, mən Barcelonada hostelimə getməmişdən qabaq bilirdim ki, hamamda isti su kranı yaxşı işləmir, qalan hər şey isə normaldır. Şəhər kənarında olan hostellər və evlər daha ucuz olur, amma bu sərfəli deyil, getmək-gəlmək, bəzən qatar və avtobuslar çox gec işləmir. Mən həm bu səbəblərdən dolayı, həm də təhlükəsizlik üçün mərkəzə yaxın seçirəm hər zaman. Və həmişə əvvəlcədən əlavə bir seçiminiz olsun ki, getidyiniz məkanda nəyisə bəyənməsəniz, hansısa problem çıxsa, getməyə başqa bir yeriniz olsun, panik olmayasınız. Couchsurfing (ödənişsiz)- bu gedəcəyiniz ölkədən olan insanların yeni tanışlıqlar qurmaq, mədəniyyətlər tanımaq üçün evlərini pulsuz olaraq, digər insanlara açmasıdır. Sizi qəbul edərkən əsas şərtlərdən biri, sizin də öz ölkənizdə öz evinizi digər turistlərə açmağınız və haqqınızda insanların yazdığı müsbət qiymətləndirmədir. Əgər belə səxavətlilik etməmisinizsə, sizi qəbul etməkləri şans məsələsidir. Mən təhlükəsizliyə görə heç vaxt couchsurfingdən istifadə etməmişəm, amma siz etmək istəsəniz, şans nəticəsində sizi qəbul etsə, çox diqqətli olun, evində qalacağınız adam barədə digərlərinin rəylərini oxuyun. Son anda imtina da edər deyə, mən buna çox risk etmirəm. Amerikada nəqliyyat: Ucuz hava yolu şirkətləri: Spirit, Jet blue və s. Sayları çox olsa da, mən bu ikisindən istifadə etmişəm. Spiritin oturacaqları çox narahatdır, açılmır, uzun yol zamanı adamın beli ağrıya bilər, amma qiymət digərləri ilə müqayisədə ucuzdur. Jet blue ilə qiymətləri təxminən eyni olur, amma Jet Bluenin oturacaqları daha rahatdır, yumşaqdır. 8 kqlıq bel çantasına və ya əl baqajına icazə var. Amma mən bəlkə 20 kq şey keçirmişəm. Skyscanner. comda qiymətləri müqayisə edə bilərsiniz. İncognitodan istifadə etməyi unutmayın. Avtobus: Greyhound, Megabus, Peter Pan və s.Busbud, wanderu, gotobuse.com saytlarına da daxil olmaqla, ən ucuz, müqayisəli avobus və qatar qiymətlərini görə bilərsiniz. Amma təəssüf ki, avtobus şirkətləri Avropadakı qədər mükəmməl deyil, və avtobuslar uzun yol üçün narahatdılar. Yenə də Rent a carHəm Amerika daxilində, həm də Avropada qatarları bu siyahılara daxil etməməyimin səbəbi çox rahat və surətli olsalar da, həddindən artıq baha olmalarıdır. Amma yenə də yoxlayın, bəzən ucuz biletlərə rast gəlmək olur. Almaniyada qruplar üçün endirimli həftəsonu paketləri olurdu ki, bu çox sərfəli idi. Gəziləcək yerlərin siyahısı: Google’da “must see places in filan ölkədə” yazsanız, gedəcəyiniz ölkədə gəzməli olduğunuz bütün məşhur yerlərin siyahısı çıxacaq. Tripadvisordan da istifadə edə bilərsiniz.Çox əla olardı ki, gedəcəyiniz yerləri əvvəlcədən müəyyənləşdirəsiniz, bir-birinə yaxın və uzaq yerlərin siyahısını çıxarasanız, dayanacaq, avtobus, qatar nömrələrini qarşısına yazasınız ki, vaxtınız səhv yerə getməsin. Və əvvəlcədən mütləq offline maplar yükləyin. Mən bunu heç vaxt etmirəm, amma səhvdir etməmək. Harda yeməli? Tripadvisordan və Yelpdən məşhur, dadlı yeməkləri olan və eləcə də ucuz kafe və restoranları tapa bilərsiniz. Səyahət zamanı ən önəmli şeylərdən biri də getdiyiniz ölkənin mətbəxini yoxlamaqdır. Məşhur yeməklərini, içkilərini, şirniyyatlarını və s. Bir dəfə yaxşı restoranda yeməkdən özünüzü məhrum etməyin. Amma gündə 3 dəfə restoranda yesəniz, bu sizin səyahət büdcənizi aşacaq. Local kafelərdə də ucuz qiymətlərə rast gələ bilərsiniz. Hostellərin mətbəxləri açıq olur, mağazadan ərzaqları alıb orada özünüz hazır edə bilərsiniz.Digər postda isə səyahəti necə planlamalı olduğunuz barədə yazacam. Telefonunuzda Avropanın, Amerikanın xəritələrini hazır saxlayın:)Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Narmin Kamilsoy

1716 dəfə oxunub
Bizi izləyənlər siyahısına qoşulun!