Bloq

230 dəfə oxunub

Maldivlərə Tursuz Səyahət – Maldiv Beledçisi

Maldivlərə Tursuz Səyahət – 8 Günlük Təcrübəm
Salam, yoldaşlar!
Bu gün sizlərə Maldivlərə etdiyim tursuz səyahətimdən danışmaq istəyirəm. Mənim səyahətim 7 gecə, 8 gün davam etdi və tam istirahət anlayışına uyğun oldu. Gedəcək olanlar üçün vacib məlumatları sizinlə paylaşıram.
Maldivlərə Viza və Sənədlər

Maldivlərə vizasız gedə bilərsiniz, amma uçuşdan 96 saat əvvəl “Declaration” formunu doldurmaq mütləqdir. Bundan əlavə, geri dönüş biletinizin və otel rezervasiyanızın olması tövsiyə edilir, çünki Passport control da bəzən soruşa bilərlər.
İnternet və Mobil Xidmətlər
Maldivlərə enən kimi əsas məsələ internetə çıxışdır. Roaming xidmətləri yaxşı işləmir və bahalıdır. Turistlər üçün 40 dollara internet paketi təklif edilir, amma Malé şəhərinə gedərək yerli mağazalardan (local shoplardan) SIM kart alıb cəmi 10 dollara limitsiz internet yükləyə bilərsiniz. Bunun üçün turist olmadığınızı göstərməyə çalışmalısınız(yəni daha uzun qalacaqsınız filan tipli șeyler konfrans ve yaxud iș), çünki əks halda sizə də 40 dollarlıq paket satmağa çalışacaqlar(limitli). Biz bunu həll edə bildik və daha ucuz internet əldə etdik.



 Ada Transferləri
Adalar arasında hərəkət etmək üçün iki əsas seçim var:
Public Ferry – gündə yalnız bir dəfə işləyir, qiymət 1-2 dollar (Cümə günləri istisnadır, həmin gün ferry olmur).
Speed Boat – daha sürətlidir və gündə 1 2 saatda bir hərəkət edir, qiymət 25-50 dollar arası dəyişir.


 Yerli Ada Təcrübəsi
Mən local ada seçdim və buradakı təcrübəm çox maraqlı oldu. Hostel sahibi müxtəlif aktivliklər üçün bizi öz speed boat-u ilə aparırdı:
Akula ilə üzmək – 65 dollar (Əgər daha çox adam olsa, qiymət aşağı düşür. Biz 3 nəfər idik)
Diving – 35 dollar
Jetski – 25 dollar
Surfing – 15 dollar (müəllimlə birlikdə 50 dollar)
Bəzi aktivliklərdə qiymətləri danışıq yolu ilə endirmək mümkündür. Yerli adalarda yerli insanlarla ünsiyyət qurmaq, onların mədəniyyəti və ənənələri haqqında məlumat əldə etmək çox maraqlıdır.
Geyim və Qadağalar
Maldivlər müsəlman ölkəsidir, buna görə bəzi qaydalara diqqət etmək lazımdır:
Çimərlik geyimləri və içki yerli əhalinin yaşadığı hissələrdə qadağandır.
Turistlər üçün ayrılmış çimərliklərdə isə hər şey sərbəstdir və tam rahat istirahət edə bilərsiniz.
Yerli adalara gedən turistlərin bu qaydalara riayət etməsi vacibdir.


 Hava Durumu və Ən Yaxşı Vaxt
Maldivlərə getməzdən əvvəl hava durumunu yoxlayın. Ən ideal vaxt fevral ayıdır, çünki bu ayda hava daha sabit və günəşlidir.
Yerli Yeməklər və Meyvələr
Maldivlərdə yerli yeməkləri və tropik meyvələri mütləq sınayın. Xüsusilə okean balığından hazırlanan yeməklər çox dadlıdır.
Ödənişlər üçün

Maldivlərdə kart istifadə edə biləcəyiniz yerlər mövcuddur, lakin bəzi aktivliklər, yerli mağazalar və xidmətlər üçün nağd pul ödəmək daha yaxşıdır. Bu, həm endirimlər əldə etməyə, həm də kartın keçmədiyi hallarda köməkçi olacaq.
Ümumi isə Maldivə xərclədiyiniz hər qəpiyə dəyər!

Paylaşan Zahid Memmedov

Zahid Memmedov

DİGƏR BLOQLAR

Hollandiya səfəri

Keçən həftə Hollandiyada idim.Hollandiya səfəri planlaşdıranlara ürəkdən məsləhət görərdim ki, mütləq yaz aylarını seçsinlər!Mən Amsterdamda qalırdım və oradan dünyanın ən məşhur lale bağlarından biri olan Keukenhofa getdim. Bu möhtəşəm bağ hər il yalnız aprel-may aylarında ziyarətə açıq olur.Amsterdamdan Keukenhofa getmək çox asandır — təxminən 30 dəqiqəlik bir məsafədir. Hollanlılar nəqliyyatı və təşkilatı o qədər gözəl qurublar ki, heç bir çətinlik yaşamırsan.Bilet alanda seçim şansı var: sadəcə giriş bileti ala bilərsən, ya da nəqliyyat daxil olan kombinə edilmiş bilet seçə bilərsən. Mən nəqliyyatlı variantı seçdim, beləliklə avtobusa ayrıca pul ödəməyə ehtiyac qalmadı. Avtobuslar rahatdır və səni birbaşa Keukenhofun girişinə qədər aparır.Keukenhofa çatanda özümü sanki başqa bir dünyaya düşmüş kimi hiss etdim. Hər tərəf rəngbərəng lalələrlə dolu idi — sarı, qırmızı, bənövşəyi, ağ… Hara baxırsan, göz oxşayan bir mənzərə!Sadəcə lalələr yox, müxtəlif güllərdən ibarət kompozisiyalar, maraqlı heykəllər və kiçik su kanalları da var idi. İstəsən parkı piyada gəzə bilərsən, istəsən də velosiped icarəyə götürüb daha sürətli şəkildə kəşf edə bilərsən. Hər künc ayrı bir gözəllikdir və demək olar ki, hər addımda şəkil çəkdirmək istəyirsən.İmkanı olan hər kəsə Keukenhofa getməyi ürəkdən tövsiyə edirəm! Bu səfər mənim üçün unudulmaz oldu!Paylaşan: Günesch Kroeger

210 dəfə oxunub

Fironlar diyarı - Misir bələdçisi (II hissə)

Misirlə bağlı birinci hissədə getdiyim yerlər haqqında yazmışdım. Bu yazıda isə Misirin məndə oyatdığı təəssurat, insaları və yeməkləri haqqında yazacam.Məndən əvvəl Misirə bir dostum getmişdi və gəlib danışdıqları isə o qədər də yaxşı şeylər deyildi. Kasıb ölkədir, dəlixanadar, iyrənc gündədir və s. Düzdü bu bir az əhvalımı pozsa da, getmək fikrində qəti idim.Birinci yazıda da qeyd etdiyim kimi, ilk mədəniyyət şoku - yolda heç bir qaydalar işləmir və siqnal səsindən ilk gün başım ağrıdı. Orada Azərbaycan sürücülərinin nə qədər mədəni olduğunun fərqinə vardım.Misir insanlarının çoxu fürsətçildi. Bu bəlkə də ölkənin kasıb durumundan irəli gəlir. Məsələn siz küçədə yeriyən zaman birdə hiss edirsiniz ki, arxanızca kimsə düşüb. İlk dəfə bu insanda qorxu yaradır ki, görəsən niyə arxamca düşüb? Nə edəcək mənə?Burda qormağa ehtiyac yoxdur :) Adamlar sizə diqqətlə qulaq asır və görəndə ki, xarici dildə danışırsan sizə kömək təklif edir. Bu kömək isə sizi hər hansı tur agentliyinə aparmaqdan ibarətdir. Çünki həmin bu şəxslər tur agentliyi ilə faizə işləyirlər.İkinçi şok – hamı sizdən Tips (çaypulu gözləyir)Tualetə gedən qapıda bir qadın bir kişi dayanır əllərində rulon salfetka. Siz içəri girəndə salfetka cırıb verir az qalır sənlə kabnetə qədər girsin unitacın qapağını qaldırsın. Təbii ki, sizin qara gözünüzə, qara qaşınıza aşıq olub etmirlər. Tualetdən çıxanda tips istəyirlər. Kuçədən kimdənsə söz soruşursan və həmin dəqiqə sənə kömək edirlər canlabaşla. Amma sonda deyirlər kömək etdim tips ver)) Yəni bunu bilin ki, hər yerdə tips istəyirlər. Həm də sırtıq formada.Amma bunlara baxmayaraq ölmədən öncə görüləcək yerlərdən biridir Misir. Bütün mənfilikləri ilə birlikdə belə bu torpaqlar tarixdir. Orda tarixi görəndə hər şeyi unudursan. Min illər öncə yaradılan şeyləri görəndə insan heyrətə gəlir. İnsan beyni qəbul etmək istəmir ki, bütün bunlar minilliklər öncə necə yaradılıb? Hansı beyinin məhsulu olub? Həmin o tarixə toxunduqca insan özünü o dövürdə hiss edir. Bir sözlə bütün mənfiliklərə rəğmən Misirə getməyimə heç də peşman deyil, yenə də olsaydı təkrar gedərdim:)Keçək əsas məsələrdən biri Yeməyə!Yeməklərdən sizə 1-ci olaraq Koşarı (Koshary) məsləhət görərdim. Demək tərkibi noxud, yaşıl mərcimək, makaron, qızardılmış soğan və xüsusi pomidor sousu. Zövqə görə acı da əlavə edə bilərsiniz. Səhər mərkəzində küçədə bunu iki nəfər və cola daxil 32 pounda (2$) yeyə bilərsiniz.Alexandria şəhərinə getsəniz mütləq dəniz yeməklərini dadın. Burda da düyü ilə şifariş verə bilərsiz. Dəniz məhsulları isə çox dadlıdır.Hamam Mashi – Ən çox məsləhət görülən yeməklərdəndir. Bu yemək içi düyü ilə doldurulmuş çöl quşu, və yanında tərəvəz və düyü ilə təqdim olunur. Dadını soruşsanız o qədər də əla bir şey deyil. Məsələn Gərəf ləvəngisinin əlinə su tökməz :)Fəttah (Fattah) bu yemək də təbii ki düyü ilə təqdim olunur ???? Bildiyiniz düyü və mal əti ilə təqdim olunur. Mal ətinin suda az qaynadılmış versiyası. Ət bərk olur və qədər də dadlı deyil. Sevmədim yəni. Bir adam üçün qiymət 5$-dir.Misir simiti – bir sözlə ifadə edim Türk simiti ürəkdir :)Şakaşuka (Shakshuka) bizim pomidoryumurtanın ərəb versiyası. Məndən məsləhət səhər yeməyin yoxsa mədəniz şakşuk qaynayacaq. Çox acılı olur, ona görə də səhər yeməyin.Humuz (Hummus) – atışdırmalıq. Pis deyildi.Künəfə (Konafa) – Türk künəfəsi ürəkdir.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Asim Celilov

2265 dəfə oxunub

Parisli kimi Paris gəzintisi

Parisdəki bütün otel, apartament və hostelləri bu linkdən book (bron) edə bilərsiz.Bilmirəm qrupda Paris haqqında yazan olub ya yox, mən də istədim 2 günlük səyahətimiz zamanı gördüyüm və öyrəndiyim bəzi şeyləri sizinlə paylaşım. Yəqin ki, Paris haqqında artıq gedən də, getməyən də kifayət qədər məlumatlıdır.Səyahət müddətimizin qısa olduğunu nəzərə alıb, izdihamlı yerlərdə vaxtımızı çox xərcləməyib, Parisin daha az turistə məlum olan hissələrini gəzib özümüzü parisli kimi aparmağa çalışdıq. İlk dəfə səfər edənlər üçün bəzi məsləhətlər verim.Luvrda, Orsedə saatlarla növbə gözləməkdənsə, digər muzeylərə baş çəkin. Parisdə onlarla görülməsi vacib olan muzey var. Luvr’un çinli və rus turistlər tərəfindən “işğal olunduğu” saatlarda Musee l’Orangerie, Musee Rodin, Palais de Tokyo, Musee d’Art Moderne və bir çox muzeylər turist baxımından daha seyrək olur və bu muzeylər şəhər mərkəzindən heç də uzaq deyil. Yox mən Mona Lizanı görmədən getməyəcəm deyirsinizsə, ən yaxşısı Paris Museum Pass alın (48 avro). Bununla muzeylərin bir çoxuna bilet almadan və növbədə gözləmədən girə bilərsiz. Həm vaxta, həm də pula qənaət etmiş olarsız. Lakin bu yalnız 26 yaşdan yuxarı şəxslərə satılır. 18 yaşdan aşağı uşaqlar, 18-25 yaş arası EU vətəndaşları və ya EU-da 3 aydan artıq yaşayış icazəsi olan şəxslər üçün və hər ayın ilk bazar günü muzeylərə giriş pulsuzdur. Həftənin 1 günü muzeylər bağlı olur (bir çoxu çərşənbə axşamı). Həmçinin bəzi günlərdə gec saatlara qədər (22:00) açıq olur. Səyahətinizi planlamazdan əvvəl yoxlayın. Basabası adlamağın ən yaxşı yolu isə “early bird” olmaqdır. Luvr 9:00-da, Orse 9:30-da açılır. Bu vaxtlarda getsəz turist izdihamından qurtula bilərsiz.Əlavə pul və vaxt sərf edib Eyfelə çıxmayın və eyni, cansıxıcı şəkillərini çəkməyi dayandırın. Eyfel onsuzda bütün bucaqlardan gözəl görsənir. Kreativliyinizi işə salın və müxtəlif bucaqlardan çəkməyi yoxlayın. Eyfelin mənim bəyəndiyim mənzərəsi bu 3 yerdəndir: 1. Avenue de Camoens, 2. Avenue du President Wilson 15, 3. Bir-Hakiem körpüsü. Parisi ayaqlarınız altına almaq istəsəz, Arc de Triomphe-a qalxa bilərsiz. Məsləhətdir ki, hava qaraldıqdan sonra qalxasız. Burda da EU resident olanlar üçün pulsuzdur. Həmçinin Monparnasse binası və Printemps Hausmann alış-veriş mərkəzinin yuxarı mərtəbəsindən də Parisi yuxarıdan seyr edə bilərsiz.Montmartre-də gəzintiyə çıxın. Pilləkənləri sizi yora bilər amma yuxarı qalxdıqda burdan Parisə açılan gözəl mənzərə bu yorğunluğu unutduracaq. Sacre-Coeur bazilikasına çıxmaqdansa ətrafında dolaşın. Turist izdihamından qurtulmaq üçün səhər 9:00-a qədər gəlmək məsləhətdir. “Amelie”-ni sevirsinizsə çalışdığı kafenin adı Cafe des deux Moulins, o məşhur marketin adı isə Au Marche de la Butte-dir. Google Maps-də tapa bilərsiz. Montmartre-də Van Gogh, Picasso, Monet, Modigliani kimi rəssamların studioları olub. Sacre-Coeur-a yaxın “Espace Dali” yerləşir. Şanssızlıqdan bizim səyahətimiz zamanı təmirə bağlanmışdı.Kitab almaq istəsəz Shakespeare&Company kitab mağazasına baş çəkin (“Midnight in Paris” filmində görmüş olarsız). Almasaz belə mütləq baş çəkin. Onunla yanaşı həmin adda antik kitablar satan mağaza və kafe var.Vaxtınız olsa Pere Lachaise qəbiristanlığını da ziyarət edin. Jim Morrison, Chopin, Oscar Wilde və bir çox sənət adamları burda dəfn olunub.Yerli parislilər istirahət üçün St. Martin kanalını üstün tutsa da, Notre Dame və Sainte Chapelle kilsəsinin olduğu İle de la Cite adası da şərab içib gün batımını izləmək üçün yaxşı məkandır (təbii ki, əgər günəş varsa).Bacardığınız qədər piyada gəzin. Belə şəhəri daha yaxşı tanımış olarsız. Paris böyük şəhərdir amma yenə də ayaqla gəzmək mümkündür. Digər tərəfdən şəhərin görməli yerləri bir birinə yaxındır. Əgər dikdaban ayaqqabıda səyahət edəcəksizsə, bu abzası ötürün.Hə, bir də RATP applikasiyasını yükləyin. İctimai nəqliyyatdan istifadə zamanı çox kömək olacaq.Bon Voyage!Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Yashar Jafarli

2152 dəfə oxunub

Naples Səfərim

Naples ( Napoli in Italian )Italiyanin en gozel sheherlerinden biri hetta menim fikrimce ilk uclukde ola bilecek sheherlerindendi. Duzdu tehlukesizlik baximindan deye bilerem ki tehlukeli sheherdi amma gormeye deyecek qeder goze almaq olar )) esas odur ki hec bir yerde adamlar qarshisinda cibinizdeki pullari numayish etmesez sag salamat gezib sheherden hezz ala bilersiniz. Napoli Italyanin en gozel ve tebieti ile taninmis bolgelere meselen; Amalfi Coast ( Ravello, Positano, Amalfi, Sorento ) , Capri Island , Ischia Island, Pompeii yaxin mesafede yerlesir. Meselen Napoliden Amalfi Coast tour ucun 80 euro odenis elemekle bir gunluk full packet almaq mumkundu. Ve yaxud ferry ile adalara gede bilersiz. Napoliden Vezuvi daginin ( Vezuvio italyanca ) menzereside goz qamasdirir. Hemcinin Vezuvi dagina turlarda var hele istifade etmemisem amma dag heveskarlari ucun mence maraqli olar. Ordanda Pompeii ( kul altinda qalan sheher )cox yaxin mesafededi.Bildiyimiz kimi ilk Pizza Napolide hazirlanib hal hazirda Napolide qedim pizza medeniyyetini qoruyan bir iki aile qalib bunlardan en meshurlari ; 1. Pizzeria Antonio e gigi Sorbillo ( ortalama qiymet 5-10 euro)2. Pizzeria Di Matteo ( ortalama qiymet 6-12 euro ). Hetta onu deye bilerem ki Neapolitan Pizza qedim pizza medeniyyetini qorudugu kimi dunyada en meshur pizza kimi de taninir. ( qeyd edim ki novbe hemise uzun olur ona gore bunu nezerde tutun gedende ). Hemcinin Napoli Italiyada taninmis iki esas shirniyyatina gore de taninir bunlar 1. Baba ( with alcohol Rum ) 2. Sfogliatelly ( inside sweet cheese ). Dadina baxmaga deyer )) Napoli hemcinin deniz mehsullarinin istifadesine gore (yemekde) Italiyada birinci yerde gedir. Siz Napolide istenilen nov deniz mehsullarini tapa bilersiz ve uygun qiymete ( ucuzluqdu ) . Napolide hemcinin iki maraqli ve gormeli ve hemcinin girishi pulsuz olan Castle yerleshmekdedir. 1. Castel del Ovo 2. Castel Maschio Angioino. Hele ki Napoliye aid shekiller paylasa bilerem 2 gune hemcinin Amalfi Coast haqqinda yazacam. So enjoy guys ))Paylaşan: Kenan Piriyev

186 dəfə oxunub
Bizi izləyənlər siyahısına qoşulun!