Bloq

211 dəfə oxunub

Kapadokya Bələdçisi

Kapadokya
Əziz Gəzəyənlər, sizə 4 ildir yaşadığım, insanı nağıllar aləmində hiss etdirən bu gözəl bölgə üçün qısa məlumatlar verəcəm.
Kapadokya, Türkiyənin 6 şəhərini əhatə edən bölgənin adıdır, mərkəzi və görülməli yerlər isə Nevşehir şəhərinə bağlı Göreme, Ürgüp, Avanos, Ortahisar, Uçhisar ilçeleridir.

Necə gələ bilərsiniz? : Bakı - Ankara təyyarə ilə, Ankaradan Nevşehir’ə avtobusla və ya Bakı - İstanbul - Kayseri təyyarə ilə, Kayseridən avtobusla 1 saata bura gələbilərsiniz.
Türkiyənin digər şəhərlərinə nisbətdə, burda hər şey çox bahalıdır bunu öncədən planlamağınızda fayda var. Türkiyədə artıq hər şey bahalıdır, o ayrı məsələ.


Görülməli əsas yerlər:
Göreme Açıq Hava Muzeyi: Qayaların içində oyulmuş qədim kilsələr və ibadət yerləri var.
Uçhisar Qalası: Bölgənin ən yüksək nöqtəsidir. Qaladan bütün peribacalarını izləyə bilirsiniz.

Ürgüp ilçesi: Çox aktiv və gözəl bir ilçedir. Kuruyemişçilər, maraqlı kafe və restoranlar var. Otellər burda Göreme və Uçhisara nisbətən daha münasibdir.
Yerli şərablar da burda olduqca keyfiyyətlidir.

Ihlara vadisi: Aksaray şəhərinə bağlı, yaşıllıqlar içərsində çox gözəl kanyondur, eyni zamanda tarixi kilsələr də çox maraqlıdır.
Görülməsi gereken daha çox yer var, yazsam bitməz. Əsas məkanlar bunlardır.
Gələk maraqlı aktivitelərə: Balon turu, ATV ( QUAD ) turları, At vəya dəvə turları, eyni zamanda bölgəni gəzmək üçün Green tour və Red tour deyə aktivitelər mövcuddur. Green vəya Red tour adam başı 50 avrodur, ATV turu 2 saatlıq günbatımı turları var, adam başı 1000 tl. ( 1 ATV 2 nəfər minə bilər )

Balona gəldikdə isə, qiymət hər gün hətta hər saat dəyişə bilir. Nə qədər çox tələbat varsa, bir o qədər bahalı olur. Hal hazırda təxmini adambaşı 200 avrodur. Qışda isə, 40 avroya minmək mümkündür.
Turlar və ya balon üçün əvvəldən rezervasiya etmək yaxşı olar. Yayda çox isti olur, amma yaz və payız səyahət üçün daha idealdır.
Kapadokya çox sakit, fərqli və vizual olaraq bənzərsiz bir bölgədir. Həm gəzib görmək, həm də bir az sakitləşmək üçün ideal seçimdir, mənə görə.
#Kapadokya #Turkey

Paylaşan - Cəlil Alyaslı

Cəlil Alyaslı

DİGƏR BLOQLAR

Almaniya Bələdçisi

Almaniyanın qəlbində nağıl kimi bir gün yaşadım! Bu yaxınlarda Almaniyanın Burghausen şəhərini və onun məşhur qalasını gəzdim və sözün əsl mənasında zamanla səyahət etdim. Düşünürəm ki, gördüklərimi və yaşadıqlarımı sizinlə bölüşməsəm, bu gözəlliyə haqsızlıq etmiş olaram. Burghausen Qalası və Ətrafı Avropanın gizli incilərindən birini kəşf etməyə hazırsınızmı? O zaman sizi Bavariyanın sakit, amma bir o qədər də sehrli bir guşəsinə – Burghausen qalasına səyahətə dəvət edirəm! Burghausen Qalası – sadəcə Almaniyanın deyil, bütün dünyanın ən uzun qalasıdır ! amma uzunluğu bir yana, bu yerin yaratdığı təəssürat ölçüyəgəlməzdir, 1.051 metr uzunluğunda olan bu möhtəşəm tikili orta əsrlərin izlərini bu günümüzə daşıyır. Hər addımda tarix danışır, daş divarlar sanki yüzilliklərin sirlərini pıçıldayır. Qalanın içində gəzdikcə özümü bir filmin içində hiss etdim – sanki cəngavərlər, şahzadələr və köhnə dövrlərin səssiz şahidləri hələ də burdadır. Qala Salzach çayının sahilində, Avstriya sərhədinə çox yaxın bir ərazidə yerləşir. Çayın o biri tərəfində Avstriyanı seyr etmək isə bu gəzintiyə xüsusi bir romantika qatdı.Təbiət mənzərəsi, tarixi atmosferi və heyrətamiz panoraması ilə adamı valeh edir. Qala boyunca 6 fərqli hissəni addımladım – hər biri ayrı bir hekayə, ayrı bir epoxa kimi... Müqəddəs kilsələr, qədim qapılar, döyüş bürcləri... Hamısı o qədər yaxşı qorunub ki, elə bil orta əsrlərə qayıdırsan. Burghausen təkcə qalası ilə deyil, eyni zamanda onun ətrafındakı kiçik və şirin şəhərciklə də fərqlənir. Burada orta əsr ruhunu hiss edə bilər, yerli kafe və restoranlarda Bavariya mətbəxindən dadına biləcəyiniz ləzzətləri sınaqdan keçirə bilərsiniz. Fotoqrafiya sevənlər üçün əsl cənnət! Qalanın hər küncündə sizi ilhamlandıracaq görüntülər, günəşin batdığı anlarda isə unudulmaz mənzərələr sizi gözləyir. Günbatanı fonunda Burghausen – tam bir nağıl səhnəsidir! Əgər Almaniyada fərqli bir təcrübə yaşamaq istəyirsinizsə və tarixin dərinliklərinə səyahət etmək arzunuz varsa, Burghausen qalası sizin üçün mükəmməl yerdir. Gəzinti, tarix, mədəniyyət və sakitlik burada vəhdət təşkil edir.Burghauseni tam hiss etmək üçün onu öz gözlərinizlə görmək, öz addımlarınızla gəzmək lazımdır.Əgər yolunuz Almaniyaya düşərsə, mütləq Burghausenə baş çəkin. Sadəcə bir qala deyil – bu yer, ruhunuzu oxşayan bir hekayədir. Bu yay planınıza Burghauseni daxil edin və bir nağılın içində addımlayın. Tarix nəfəs alır, təbiət ruhu dincəldir, Burghausen isə sizi heyran edir...#Burghausen #AlmanyaSəyahəti #TarixiQalalar #AvropaGəzintisi #SəyahətHekayəsi #BavariyaNağılı #QədimRuhYeniTəcrübə #Salzach #AvstriyaPaylaşan: Ferid Hesenov

255 dəfə oxunub

İsrail bələdçisi - Tel Əviv, Qüds

Tel-Əvivdəki bütün otel, apartament və hostelləri bu linkdən book (bron) edə bilərsiz.Söz verdiyim kimi sizə İsrail səfərim haqqında yazacam. Bu səfəri mart ayından planlamağa başlamışdım və biletləri də elə martda vizaya sənəd verməmişdən qabaq risk edib almışdım. Biletlərə Wizz Air-dən ümumilikdə 400 Manat sərf etdimBakı – Abu Dabi – Bakı/ 129.97 AvroAbu Dabi – Təl Əviv – Abu Dabi/ 85.35 AvroTəl- Əviv hostel 312 AZNAbu Dabidə hostel gedib qayıdanda iki günə 50 AZNİstifadə etdiyim kartlar:UCard(Restoran və Supermarketlərdə 5%)Leokart(Bilet və Hostellərdə 7% lik kateqoriya seçmişdim)Premium bank Visa Miles(Lounges-da)BirKart USD( Digər bütün ödənişlər)Note: Kartla ödəniş edəndə ekranda Dirhəm ya Dollar, Şekel və ya Dollar seçimi çıxanda həmişə yerli valyutanı seçin çünki belə olanda ödəniş Azərbaycan Mərkəzi Bankının məzənnəsinə görə hesablanacaq, olduğunuz ölkədəki konvertasiya və digər komission haqlar tutulmayacaq.Abu Dabidə 8 saatdan artıq qalacağım üçün Transit Visa for 48 hours apply edə bilərdim. Bu Vizanı səfərdən iki həftə qabaq Passport, Viza və Uçuş biletlərinin skanını yükləməklə bir saat ərzində asanlıqla almaq olur. Bu həmin vaxt Əmirliyə daxil olmaq üçün yeganə pulsuz viza idi. 8 iyuldan artıq Əmirlik üçün heç bir viza tələb olunmurAbu-Dabi haqqında qısa təsüratım: Mənə görə sırf bu şəhəri görüb-gəzmək üçün getməyə deyməz şəhərdə Şeyx Zəyid böyük məscidindən başqa görməli yerlər çox məhduddur və May ayı olduğu üçün artıq temperatur 40 dərəcəni keçmişdi və ən azından bu ayda getmək heç məsləhət deyil.Növbəti gün səhər artıq Təl-Əvivə endim. Nə az nə çox düz 5 saat sorğu-sualdan sonra border control məni ölkəyə buraxdı. Qaldığım yer booking-dən rəy və şərhlərə baxaraq reserv etmişdim. 180 Boutique Hostel düz şəhərin mərkəzində dəniz sahilində bir hosteldir. Hostel 8 nəfərlik Mix room idi və bəxtimdən orda qaldığım müddətdə otaqda 4 nəfərdən artıq adam olmadı. Hostel 6 gün 5 gecə 312 AZN ödədimİsraildə yerli yəhudilərlə yanaşı dünyanın müxtəlif yerlərindən gələn Yəhudilər də yaşayır, mənə görə əksəriyyəti çox istiqanlı və yardım-sevərdir.Təl-Əviv çox gözəl, təmiz, bahalı və inkişaf etmiş şəhərdir. Şəhər Miami Beach-i xatırladır. Şəhərdə ən çox sevdiyim cəhət bütün sahil boyu kəsintisiz gözəl pulsuz çimərliyin olmasıdır. Bundan başqa çimərliklərdə bisetkalar, kölgələmək üçün çətirlər və bəzi yerlərdə stullar tamamilə pulsuzdur.Şəhərdə hərəkət etmək çox asandır və baha deyil. Şəhərin əksər yerində velosiped və skuter sürmək üçün zollaqlar var. İctimai nəqliyyatda çox yaxşı təşkil olunub. Şəhərdə hərkət etmək üçün iki APP-dən istdifadə etdim Əgər uzunmüddətli qalacaqsanızsaRav-Kav almaq məsləhət görülür [https://play.google.com/store/apps/details?id=com.mosko.ravkav](https://play.google.com/store/apps/details?id=com.mosko.ravkav). Bununla həmçinin qatarla səyahətlərdə də ödəniş edə bilrəsiz bilərsiz.Şəhər içi əsasən Hop on App-dan istfadə etdim [https://play.google.com/store/apps/details?id=co.hopon.client](https://play.google.com/store/apps/details?id=co.hopon.client)İstifadəsi çox asandır: Azərbaycan nömrəsi ilə qeydiyyatdan keçib bank kartınızı əlavə edirsiz və ictimai nəqliyyatda QR kodu skan etməklə gediş haqqınızı ödəyirsiz.Həmiçin şəhərdə Intel-in yüzlərlə Self-Driving taksiləri var, qiyməti baha olsa da maraq üçün minməyə dəyər.Təl-Əvivdə bizim İçərişəhərə bənzəyən Jaffa adlı qala divarları olan qədim şəhər də var. Siz burda dünyaca məşhur Suspended Orange Tree(Asılmış Portağal Ağacı) və Ginesin Rekordlar kitabına düşən dünyanın ən böyük polad qaşığını görə bilərsiz.Bundan başqa şəhərdə saysız incəsənət və müasir texnalogiya muzeyləri varki bir an da olsun darıxmayacaqsız.Qiymətlərə gəlincə bildiyiniz kimi artıq neçə illərdi Təl-Əviv şəhəri dünyanın ən bahalı şəhərləri içərisində Top 3-lükdə olur. Bu doğurdan da belədir. Restoranları və gündəlik istehlak oluna yeməli nə varsa bahadır. Adicə bir şaurmanın qiyməti40-60 Şekeldir(20-30 Manat). Məni təcübləndirən digər bir şeyin Böyük supermarketlər də gündəlik istehlak olunan amma yeyilməyən məhsulların qiymətinin Bakı ilə demək olar eyni olmasıdır. Bakıda həyat səviyyəsinin Təl-Əvivlə müqayisədə dəfələrlə aşağı olmasına baxmayaraq gündəlik məhsul və xidmətlərə görə eyni xərcin çıxması Bakının da yaşamaq üçün çox bahalı şəhər olmasının göstəricisidir.Bir günümü isə tamamilə Yerusəlim/Qüdsə sərf etdim. Şəhərə qatarla 2.5 saata, avtobusla 1-1.5 saata çatmaq mümküdür. Səhər 10-da artıq şəhərdə idik və hosteldə tanış olduğum Belarusdan olan Yəhudi oğlanla tramvaya minərək şəhər mərkəzinə doğru getdik. Müqəddəs şəhəri yenicə kəşf etməyə başlamışdıq ki amerikanlar demiş “out of nowhere” 17 yaşında Ortodox Yəhudi bizə yaxınlaşdı və israr etdiki yoxe-yox mən sizə bütün şəhəri, görməli yerləri gəzdirəcəm. Çox sağolsun bizə bələdçilik etdi vaxt itirmədən bütün məşhur yerləri göstərdi. Ağlam Divarı, İsa peyğəmbərin çarmıxa asılmağa aparılarkan keçdiyi ərzailəri göstərdi. Şəhərin ərəblər yaşayan hissəsində yalnız müsəlmanların buraxıldığı əraziyə də keçdim. Girişdə duran avtomatlı əsgər məni buraxmırdı deyirdi: You’re too white, you can’t be a Muslim. Azərbaycandan olduğumu, xarici pasportumu göstərsəm də bir xeyri olmadı. Dedi: Kəlme şəadəti bilirsən? dedim hə, elə Əşədi ənna demişdim ki dedi you can pass. Həmin yerdə Məkkə və Mədinədən sonra İslamda müqəddəs sayılan üçüncü məscid və ziyarətgah The Dome of the Rock/Qaya Günbəzi(Qızıl günbəzli məscid) var. Doğurdan da vallehedici bir yerdir.Bələdçimiz bunula da kifayətlənmədi bizi Ortodox yəhudilərin şəhərdə kompakt yaşadığı yerə apardı. Bir anlıq özümü orta əsirlərdəki kimi hiss etməyə başladım. Həmin ərzaidəki yəhudilər aqressiv olmasa da bir hissəsi qatı dindardılar(Ultra-Orthodox Jews) və müsair həyat və texnologiyadan uzaq insanlardılar. Bələdçimiz dedi ki həmin adamların əksəriyyəti heç bir yerdə işləmir azı 4-5 uşaqları olur və dövlətdən aldığı yardımla dolanırlar.Beləcə İsrail macərası da belə bitdi. Yenidən səyahət etmək istəyərəmmi? - Hə. Nəyə görə? Ölü dənizi görmək və getdiyim yerləri yenidən kəşf etmək üçün.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Elchin Namazaliyev

1041 dəfə oxunub

Çin Bələdçisi

Çin ilə bağlı əvvəlki postum çox diqqət çəkdi deyə qərara gəldim bu dəfə də Çində olduğum ən gözəl şəhərləri sıralayım: 1. Sanya（ 三亚 ） - Boşuna bura Çinin Havaiisi demirlər. Tropik cənnət , fevral ayında 30+ dərəcədə dənizdən zövq alıb , tropik meyvələr yemək istəyirsinizsə əla seçimdir. Bu şəhərdə məni ən təəccübləndirən məsələ hamının rus dilində danışması idi. 2. Şanxay （上海）- Meqapolis , əzəmətli binalar - paralelində isə bol yaşıllıq. Bu şəhər Çinin inkişafının ən yüksək nöqtələrindən biridir. Disneylandə getməyi də unutmayın. 3. Hangzhou （杭州）- Şanxayın yaxınlığında yerləşən bu şəhərin təbiətini sevirəm. Safari parkı əladır. Gölündə böyük Çin gəmiləri ilə üzə bilərsiniz. 4. Nanjing （南京）- tarixi sevənlər üçün əla seçimdir. Dağın ətəyində qədim böyük heykəlləri ən çox bəyəndiyim hissəsi olmuşdu. Məbədlərinə isə mütləq gedib görmək lazımdır. Çox əzəmətlidir. 5. Chongqing - bir çox videosunu görmüsünüz və həqiqətən bu şəhərdə aşağı yuxarı anlayışı yoxdur. Yerin altı ilə metroda getdiyiniz yerdə bir də görəcəksiniz ki, 20 mərtəbəli binaya yuxarıdan baxırsız. Piyada gəzmək çox yorucudur bu şəhərdə ona görə ancaq 1 dəfə gedib görülməli şəhərdi. Qeyd edim ki, bu siyahı gəzdiyim şəhərlərin içindən seçdiklərimdir. Daha gözəl bir neçə şəhəri də var olmadığım, onları bura əlavə etməmişəm.Paylaşan: Neriman Aliyev

261 dəfə oxunub

Moskva bələdçisi

Salam DostlarBu gün sizlərlə Moskvaya Səyahət Təcrübəmi bölüşmək istəyirəm. Ümidvaram postum kimlərəsə faydalı olar. 1. Səyahət Öncəsi: Moskvaya gediş dönüş biletimi Aeroflot-dan 850 manata əldə etmişdim( Economy Class+10 kg Baqaj). Səyahətdən maksimum 72 saat əvvəl PCR testi vermək lazımdır. Mən testi Neftçilər stansiyası yaxınlığında yerləşən 18 nömrəli birləşmiş şəhər xəstəxanasında verdim. Testin qiyməti 40 manat idi və 1 gün ərzində hazır oldu. Test nəticəsini xəstəxanadan götürməyə ehtiyac olmadı, sadəcə travel. its. gov. az-da şəxsi məlumatları qeyd edib nəticəni çap etmək olur.2. Moskvaya uçuş: Aeroport-da check-in uçuşdan 3 saat əvvəl başladı. Çəkisi 5kg olan bel çantamı kabinə keçirməyə icazə verdilər( P.S. Böyük səyahət çamadanı keçirənlər də var idi). 3 saat sonra Moskvaya, Sheremetyevo hava limanına eniş etdik və ilk şokumu passport kontrolda yaşadım. Aeroport işçisi ingilis dilini bilmirdi, və rus dilində zəif danışan biri olaraq kommunikasiya qurmaqda çətinlik çəkdim. Elə bu an başa düşdüm ki, səyahətimin ardında dil barədə çətinliklər çəkəcəm. Aeroport daxilində müxtəlif mobil operatorların mağazaları var idi və 650 rubl ödəyərək beeline nömrə aldım( 50gb internet+700 dəq danışıq daxil).3. Moskva:Əvvəla onu deyim ki, Moskva deyib keçməyin, hər küçəsi tarix və sənət əsərləri ilə dolu bir şəhərdir. Aeroport-dan Metroya Aeroekspress sürət qatarı ilə təqribən 1 saata çatdım( bilet 400 rubl). Moskvaya gəlmədən öncə telefona metro xəritəsi yükləməkdə fayda var. Əslində Moskva metrosu çoxlarının dediyi kimi qəliz deyil, metro daxilində hər yerdə işarələr olduğu üçün, telefonunuzda xəritə olarsa azmazsınız( metro gediş haqqı 60 rubl). Moskvadakı vaxtım məhdud olduğu üçün sadəcə ən məşhur yerləri gəzə bildim. Mən getdiyim ərəfədə Qırmızı Meydanda kitab festivalı olduğu üçün xeyli insan var idi. Rusların cavan nəsli əksəriyyəti ingilis dili bildiyi üçün və yaşlı nəslə nisbətən mehriban olduğu üçün onlarla söhbətləşə bildim. Amma 40+ yaşı olanlardan heç yol da soruşmaq olmurdu, rus dilində danışsam belə kobud cavab verirdilər.Azərbaycanla nisbətdə şəhərdə ərzaq qiymətləri təqribən 2 dəfə bahadır. Moskva barədə sevmədiyim digər məqam isə, bizdəki kimi böyük supermaketlərin az olmağıdır. Bəzi yerlərdə mini-marketlər var amma orda da çeşid az idi. Amma bütün bunlara baxmayaraq şəhər çox xoşuma gəldi və fikrimcə bir daha gəlib gəzməyə dəyər.4. Bakıya dönüş:PCR testini hava limanında 2750 rubl ödəyərək 1 saata əldə etdim( Növbə olmadığı üçün mən 1 saata əldə etdim, əsində bu qiymətə 2 saata hazır olur).Uçuş problemsiz oldu və 3 saat-a Bakıya çatdım.Sona kimi oxuduğunuz üçün minnnətdaram. Qismət olsa sonrakı yazımda Helsinki-yə səyahət təcrübəmi bölüşəcəm. Suallarınız varsa rəylərdə soruşa bilərsiniz.Təşəkkürlər,Şamil NiftəliyevƏgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı:  Shamil Niftaliyev

2135 dəfə oxunub
Bizi izləyənlər siyahısına qoşulun!