Bloq

766 dəfə oxunub

Drakulanın iziylə - Transilvaniya turu, I gün - Cluj-Napoca

Budapeştə köçəndə ev sahibimlə ilk ziyarət etdiyimiz yerlərdən biri Macar Parlamentinin əzəmətli binası olmuşdu. Parlamentin önündə mavili-qızılı zolaqlı və üzərində ay və səkkizgüşəli ulduz olan bayraq marağımı cəlb etmişdi. Ev sahibimdən soruşanda demişdiki, bu Transilvaniyanın bayrağıdır. Sonradan öyrənmişdim ki, tam olaraq Transilaniya deyil, Rumıniya ərazisində yaşayan macarları təmsil edən Szekerlandın bayrağıdır. Araştırma zamanı Transilvaniyanın həqiqətən yer adı olduğunu öyrənmişdim. Daha öncələri elə bilirdim ki, Transilvaniya xəyali bir ərazidir və ya sadəcə əsatirlərdə, əfsanələrdə mövcuddur. Sonradan Dracula, Van Helsing haqqında baxdığım filmlər məndə gedib Transilvaniyanı görmək arzusu oyatdı. Və beləcə kiçik bir səyahət planı hazırlayıb iyul ayında 4 günlük Rumıniyaya səyahət etdim.

icra hakimiyyeti

Rumıniya Avropa Birliyinə daxil olsa da şengen ərazisi hesab olunmur, buna görə də özünün ayrıca vizası var və Azərbaycan Respublikası vətəndaşlarından viza istəyir. (Bu yazıda Azər Rumıniya vizasını necə aldığını paylaşıb). Rumıniyaya daxil olmağın bir başqa yolu isə multi-girişli şengen vizasına və ya Avropa Birliyi ərazisindəki dövlətlərdən birindən yaşama icazəsinə sahib olmaqdır. Mənim Macarıstanda yaşama icazəm olduğundan viza məsələləri ilə çox da əlləşmədim.

CLUJ-NAPOCA

Cluj-Napocadakı otellər və hostellərin siyahısı

Cluj-Napoca Rumıniyanın paytaxt Buxarestdən sonra 2-ci, Transilvaniyanın isə ən böyük şəhərdir. Daha çox yerli və xarici tələbələrin çoxluğu diqqət çəkir Clujda. Cluj sözünün mənası dağların arasında yeləşən şəhər deməkdir. Elə havasından da hiss edəcəksiz ki, şəhər dağların arasında yerləşir, bürkülü, bir az da rütubətli havası var. Şəhərdə 50000-dən çox macar yaşadığından ən çox danışılan ikinci dil macar dilidir.

Rumıniyaya Budapeştdən WizzAirlə uçdum. Budapeşt – Cluj-Napoca biletini 2 həftə öncədən 15.90 euroya almışdım. Uçuş cəmi 1 saat çəkdi, passport yoxlamadakı uzun-uzadı sorğu-sualdan sonra (niyə gəlmisən, qayıdış biletini göstər, qalacağın yerləri göstər və s.) daxil oldum Avram İancu adına beynəlxalq hava limanına.

bilet

Hava limanından şəhər mərkəzinə 8 nömrəli avtobus və ya 5 nömrəli troleybusla getmək olar. Dayanacaq hava limanının ərazisindən çölə çıxan kimi sağda yerləşir. Dayanacağın yanındakı butkadan 4 lei (86 cent) verib 2 gediş üçün bilet aldım. (bilet almaq üçün olan makina çalışmırdı, butkadakı xaladan isə yalnız nəğd pulla alış-veriş etmək olar). Biletlər 2 gedişlidir, hər dəfə biletin 1 tərəfini nəqliyyatdakı maşında oxutmaq lazımdır. Təxmini 25 dəqiqədən sonra gəldim çatdım şəhər mərkəzinə, buradan isə qalacağım apartı tapmaq lazım idi. Sağ olsun Avropa Birliyinin roamingi aradan qaldırma siyasəti, 4G interneti qoşub aparta doğru xəritəni izlədim.

Şəhər mərkəzinə 10 dəqiqəlik piyada məsafəsində olan Cazare Vio otelində özümə 1 gecəlik yer book eləmişdim. 1 gecəsi – 20 avroya. Ev sahibləri cizgi filmlərindəki tombik şirin nənə-babalara bənzəyən bir cütlük idi. Clujdakı başqa otellərə bu siyahıdan baxa bilərsiz. Beləcə əşyalarımı yerləşdirib üz tutdum şəhərə doğru.

Cluj-Napocadakı görməli yerlər:

corvinus st michael church cluj

  • Union Square (Piata Unirii) – şəhərin əsas meydanı. Rumınlar demək olar ki, bütün şəhərlərdəki əsas meydanları Piata Unirii adlandırırlar.
  • Michael’s Roman-Catholic kilsəsi – 1350-1487-ci illər arasında tikilib və ölkənin ən görkəmli qotik memarlıq nümunələrindən biri hesab olunur. Kilsə həm də Transilvaniya böllgəsinin ən hündür qülləsinə sahibdir, giriş pulsuzdur və yan tərəfində macar kralı Matthias Corvinusun at üzərində olan heykəli var.
  • Güzgü küçəsi (Strada in oglinda) - Kilsənin arxa tərəfində, arxası kilsəyə doğru durduqda qarşıda Güzgü küçəsi dayanır. Bu küçənin özəlliyi ondan ibarətdi ki, küçənin sağ və sol tərəfindəki binalar və binaların üzərindəki naxışlar tamamilə simmetrik tikilib. Mən orda olanda sağ tərəf təmir olunmuş, binalar səliqəyə salınmışdı, sol tərəfdə isə təmir hələ də davam edirdi amma yenə də simmetrikliyi görmək olurdu. Mənim kimi simmetriya sevənlər üçün bu küçə əsl cənnətdir :D
  • Muzey meydanı (The Museum Square) – Clujun ən qədim meydanıdır, özündə bir neçə arxitektur nümunəni birləşdirir, bundan başqa muzey son illərdə avtomobillərə qapadılıb və sadəcə piyadaların girişinə icazə var.
  • Franciscan Kilsəsi - Muzey meydanında yerləşir, qotik tərzdə tikilib

[caption id="attachment_317" align="aligncenter" width="550"]corvinus corvin house casa Corvinusun doğulduğu ev[/caption]

  • Matthias Corvinusun evi – Corvinusun 1443-cü ildə məhz bu evdə doğulub. Evin içərisi qotik dövrün sonlarına yaxın bir neçə şeyi özündə qoruyur, bundan başqa ev İncəsənət və Dizayn Universitetinə ev sahibliyi edir.
  • Metropolitan Ortodoks Katedralı (The Metropolitan Orthodox Cathedral) – katedrala giriş pulsuzdur.
  • Milli teatr və Rumın milli opera evi – Ortodoks katedralının önü ilə irəliləyincə qarşınız çıxacaq. 1904-06-cı illərdə, avstriyalı memarlar Ferdinand Fellner ve Hermann Helmer tərəfindən barok üslubda tikilib. Milli teatr və Rumın milli opera evi institut kimi 1919-cu ildə qurulub və Rumıniyada ən prestijlilərindən hesab olunur. Buradakı tədbirlərə dünyanın bir çox ölkəsindən turistlər gəlir.

[caption id="attachment_318" align="aligncenter" width="550"]milli teatr ve opera Milli teatr və Rumın Milli opera evi[/caption]

  • Dərzilər qülləsi (Tailors’ tower) – Teatra gəldiyiniz yolla davam edərkən yolun sağında görə bilərsiniz. Clujda 18 dənə qoruma və gözətçi qülləsi olub və bunlara müxtəlif peşə sahiblərinin adları verilib (dərzilər qülləsi, qəssablar qülləsi və s). Şəhərin qüllələrə yaxın yerlərində məhz o peşə sahibləri yaşayırdılar və şəhəri, şəhərə olan hücumlardan qorumaq məhz bu peşə sahiblərinin vəzifəsi idi.
  • Şəhər divarları (The city walls) – 1241-ci ildə tatar işğalından sonra şəhəri tatarların hücumundan qorumaq üçün tikilib. Şəhər divarları demək olar ki, bütövlükdə dağılsa da çox kiçik bir hissəsi bu günümüzə gəlib çatıb.
  • Əczaçılıq tarixi kolleksiyası (The collection of the History of Pharmacy) – Kolleksiya Clujda əczaxana kimi tanınan ən qədim binada yerləşir (1573-cü il). Tarixi dövründə kolleksiya bir neçə əczaçı ailəsi tərəfindən əl dəyişdirib və bu gün “muzey” kimi fəaliyyət göstərir.
  • Şəhər qəbirstanlığı (The Central Cemetery) – Qəbirstanlığın tarixi 1585-ci ildə taun xəstəliyindən ölənlərin şəhər divarlarından kənarda basdırılması ilə başlanıb. 400 ildən çoxdur ki, fəaliyyət göstərən bu qəbirstanlıqda ən qədim baş daşının üzərindəki tarix 1599-cu ili göstərir. Qaldığım otel qəbirstanlığın demək olar ki, içində yerləşdiyindən, “otel”dən rahatlıqla qəbirstanlığa düşmək olar.

IMG_0037

Beləcə bu yerləri bir-bir gəzib, qaldığım aparta qayıtdım. Səhərisi gün tezdən oyanıb, Drakulanın doğulduğu və orta əsrlərdən qalma rəngli-rəngli evləriylə məşhur Sighişoaraya gedəcəkdim.

Beləcə Cluj-Napoca yazımı burada bitirirəm. Növbəti yazıya Sighişoaradan davam edəcəm.  Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…

Paylaşdı: Babek Musa-Zadeh

Babek Musa-Zadeh

DİGƏR BLOQLAR

Türkiyənin rənglərlə zəngin kəndi - Alaçatı bələdçisi

Türkiyənin İzmir şəhəri yaxınlığında Çeşmə yarımadasında, Egey dənizinin sahilində yerləşən bu kənd son illərdə turistlərin ən çox diqqətini çəkən yerlərdəndir. Xüsusilə də Aralıq dənizinin istisini sevməyən insanların ən çox bəyəndiyi adreslərdəndir. Ən əsası da Yunan adalarını gəzib kəşf etməyin xəyalını qurub lakin həm bahalı təyyarə biletlərinə görə həm də Şengen vizasını almağın dərdindən bu fikirdən daşınan səyyahlar üçün ən ideal seçimdir.Mən bu şəhərin yaxınlığında balaca kəndə səyahət eləməmiş də İzmir şəhərini Türkiyənin Avropası adlandırdıqlarını dəfələrlə eşitmişdim. Lakin burda olduqdan sonra Egey insanlarının İstanbuldakı türklərlə müqayisədə daha nəzakətli, mehriban, muasir, alicənab olduğunun özüm şahidi oldum. Tarix boyu bu ərazidə məskunlaşan türklər yunanlar ilə qaynayıb qarışmış, onların da adət-ənənələrini və fikirlərini götürmüşlər. Ancaq qonaqpərvərliyə gələndə məncə elə əsl türk millətidir.Alaçatı ucuzdur yoxsa bahalı sualının cavabı isə əlbəttə ki çox bahalıdır. Hətta qeyd etməkdə fayda var ki, buranın yerli sakinlərinə görə yaxşi ki bahalıdır. Çünki bahalı olmasaydı hər kəs gələrdi və burada yaşayanlar bu ovuc içi boyda yerdə yaşamaqda daha çox əziyyət çəkərdilər. Alaçatı tətili üçün neçə gün bəs edər? Bu daş evləri,butik otelləri, lavanda çiçəyinin qoxusu gələn küçələri gəzməyə 4-5 saat kifayət edir. Düzdü yay tətilinə gəlmisinizsə kristal sulu Egey dənizinin kənarında salınmış qızmar qumlu çimərlikləri üçün 3-4 gün qalmaq olar. Ancaq çalışın bayram ərəfəsində getməyin. Çünki əcnəbi turistlərlə yanaşı türklər də bura bir neçə günlük tətili fürsət bilib axın edir və bu hal dar küçələrdə gəzməyi biraz daha da çətinləşdirir. Biz 2018ci ilin iyun ayında Ramazan bayramında 3 günlük getmişdik. Ramazanın türklər üçün nə qədər önəmli bayram olduğunu bilənlər ordakı sıxlığın mənzərəsini artıq təsəvvür eləmiş olar məncə.Alaçatıya hava limanından necə getmək olar? İzmirin kəndi olduğu üçün buranın hava limanına çox da yaxın olduğu düşüncəsinə qapılmayın. Alaçatıya İzmirin Adnan Menderes Hava Limanından gedib çıxmaq üçün əgər sizi hava limanından qarşılayan otelin birbaşa transferi yoxdursa bir neçə dəfə nəqliyyat dəyişməli olacaqsınız. İzmir hava limanından Alaçatıya məsafə 85 km-dir. Hava limanından çıxdıqdan sonra HAVAŞ avtobuslarından istifadə edərək Çeşməyə birbaşa gedən avtobusdan düşdükdən sonra oradan minibuslarla Alaçatıya gedirsiniz. Aprel-Noyabr aylarında həyata keçirilən Havalimanı- Alaçatı səfərləri havalimanından 00:30, 03:30, 08:30, 10:30, 12:30, 14:30, 16:30, 18:30, 20:30, Çeşmədən isə 02:30, 04:20, 06:30, 08:30, 10:30, 12:30, 14:30, 16:30, 18:30, 20:30 saatlarında yola çıxır. Təqribən 1 saat yarım davam edən yolun gediş haqqı isə 30 TL- 7,45 AZN təşkil edir.Alaçatıda harda qalmaq olar? Alaçatı butik otelləri, daş evləri ilə ad salan kənd olduğu üçün bura gedib ən azı 1 gecəlik belə olsa hovuzlu, bostanında organik, təravətli meyvə tərəvəzi özləri becərdikləri məhsullardan hazırlanan səhər yeməyini yemədən buradan ayrılmaq olmaz. Biz Ev Bharat adlı butik oteldə 3 gecə gecələdik. Bayram vaxtı olduğundan qiymətlər hər zamankından 2 qat daha baha idi və bu oteli mən 2ay əvvəl bron eləmişdim. Ancaq yenə də ən pik vaxtlarda getsəz 1gecəsi 170AZN olacaq. Digər tövsiyyə edəcəyim otellər Alaroof Butik Otel, Vivento Otel Alaçatı, Alaçatı Eski Ev Otelidir. Balayı üçün bura üz tutmusunuzsa İğdeli Han Suite möhtəşəm seçim ola bilər.Alaçatıda gəziləcək yerlər Əslində həm hər yer biri-birinə çox yaxın olduğu üçün həm də çox balaca kənd olduğundan gəziləcək yerləri özünüz dar küçələrilə piyada gəzərkən kəşf edəcəksiniz. Ancaq hər yerdə olduğu kimi buranın da mütləq görülmədən evə qayıdılmayacaq yerləri var.1) Alaçatı Yel Değirməni Köhnə və yeni Alaçatı ərazisində bir çox külək fəndləri var ki, bu da demək olar ki, bütün il boyu küləklər yaradır. Alaçatının mərkəzindəki bir təpədə yerləşən qədim yel dəyirmanları buranın yorğunluğunu atmaq və ən əsası da gün batımını seyr etmək və sözün əsl mənasında yaşadığımızı hiss eləməyimiz üçün ən möhtəşəm yeridir bu gözəl kəndin.2) Alaçatı evləri Bu evlər hər küçədə, hər döngədə görəcəyiniz yunanlar tərəfindən tikilən daş evlərdir.3) Alaçatı Port Port Marinada gecələr təşkil olunan əyləncələr, gecə klubları gecə həyatı həvəskarları üçün ideal yerdir.4) Kemelpaşa Caddəsi Ən çox alış veriş etmək istəyənlərin gəldiyi bu meydan kafe və restoranlari ilə məşhur yerdir.5) Dutlu Qəhvə Adını kölgəsində məskən saldığı tut ağacından götürən bu restoran dadlı yeməkləri ilə bura gələnlərin ilk baş çəkdiyi məkanlardandır. Bu arada bura qədər gəlmişkən İzmirin ləzzətli kumrusunu yemədən qayıtmayın.6) Alaçatı Meydanı 7) Aya Yorgi Körfəzi8) İmren Pastanesi- Sizə tovsiyyəm buradan evə mütləq saqqızlı lokum alıb aparmağınızdır. Mən 2 il əvvəl aldığım lokumu hələ də saxlayıram.9) Egey Dənizi Çimərlikləri Bura gələnlərin bu qədər diqqətinin ən əsas səbəni də Egey dənizin sahilində məskən salmasıdır. Günəşlənib doyunca üzüb otelinizə qayıdarkan bir də son tövsiyyəm Da Franco-dan dadı damağınızda qalacaq ləzzətli dondurmalarından almağımızdır. Ümid edirəm siz də bu səyahətdən mənim kimi bol xatirə ilə qayıdacaqsınız. Xoş istirahətlər.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Ulkar Ismayilzada

2945 dəfə oxunub

Meksika - Kampekhe bələdçisi

Kampekhedəki otel, apartament və hostelləri bu linkdən book (bron) edə bilərsiz.????????Meksikanı səyahətə başladım. Bir aylıq səyahət planım da Meksikanın möhtəşəm şəhərlərini səyahət etməkdi. Səyahətə başladığım ilk şəhər isə Campeche şəhəri oldu. Demək olar ki bu şəhər haqqında çox insanın məlumatı yoxdu. Elədisə sizlərə bu şəhər haqqında məlumatları verim.ℹ️Campeche haqqındaCampeche Meksikanın canub şərqində yerləşən bir statdır. Elə ştatın paytaxtıda San Fransisco de Campeche adlandırılır. Şəhər çox rəngarəngdir. Hər küçəsində fərqli rənglərdə evlər görə bilərsiz. Burda daim isti olur mən səyahət edən zaman yəni oktyabrın 8-i hardasa 36 dərəcə isti var idi lap dəniz havasıdı.✈️Campecheyə necə gəldim bunun haqqında deyim. Mən 75 manata tək gedişli bilet alıb, Vivaerobus təyyarəsi ilə Meksikanın Monterrey şəhərindən Meridaya uçdum. Meridada Renta cardan 140 manata maşın kiralayıb yollandım Campecheyə. Yol 2 saatdır və çox rahatdı. Əgər bura gəlmək istəsəz Meksika şəhərindən hər zaman uçuş olur bu şəhərə. Və ya İstanbul Cancun ordanda Campeche şəhərinə uça bilərsiz.????Pul vahidi Meksikan pesosudur 1 peso = 0.88 qəpik????????????Campeche əmin ola bilərsizki təhlükəsiz bir şəhərdi. Gecə saat 3də belə çıxıb şəhəri gəzsəz başınıza heç bir hadisə gəlməz Campechedə. (Dediyim Meksikanın digər şəhərlərinə aid deyil ha) ‼️????????Qalınacaq yer – Əgər səyahət zamanı qaldığınız evin luxs olmamağı sizi narahat etmirsə onda mən sizə qaldığım evi məsləhət görə bilərəm. Bir otaqlı kiçik həyət evidi. Mən səyahət edən zaman evin super olmağı barədə düşünmürəm çünki səhər çıxıb axşam gəlirəm oda yatmağa. Əsas bu evin Wifi və Kondisoneri var idi və hər ikisidə problemsiz işləyirdi. 3 günə görə 73 manat ödədim. Əgər iki nəfər getsəz sizə qiymət sərf edəcək. Bu məbləği iki nəfərə ödəyə bilərsiniz. https://www.airbnb.com/rooms/18314124?s=67&shared_item_type=1&virality_entry_point=1&sharer_id=112376445????????Şəhər çox rəngarəngdir aşiq olmamaq mümkün deyil. Mayalıların yaşadıqları bir şəhəri gəzib tarixi haqqında maraqlanmaq çox maraqlıdır həqiqətən də görə biləcəyiniz maraqlı yerləri var. Şəhəri gəzməyə 2 və ya 3 gün bəs edir. Bir gününüzüdə şəhər ətrafını gəzməyə ayıra bilərsiniz .Gəziləcək yerlər????Catedral de Campeche Şübhəsiz ki, Campeche’nin ən əhəmiyyətli kilsə Katedraldir. Tarixi 16-cı əsrə gedib çıxır, 1540-cı ildə Kilsənin inşasına başlanıldı və İnşanı bitirib qurtarmaqları çox uzun çəkdi və 19 cu əsrin əvvəllərində inşanı bitirdilər.????Puerta del mar divarlarla örtülü olan qalanın bir qapısı limana doğru olan Puerta de mar’dır. Bu qapıdan keçər keçməz dənizin qoxusunu hiss edir adam. Sahildə velosibed sürənlər, gəzənlər, qaçanları və kitab oxuyan insanları görə bilərsiz.????Rəngarəng küçələr – Iglesia de San Juan və Parque Principal arasındakı ən rəngli pitoresk evlərin çoxluğunu tapdım, Evlər həqiqətən möhtəşəmdir foto aparatı əlimə alıb Campeche küçələrində qeyboldum lap.????Puerta de tierra, şəhərə quru yolu ilə hər hansı bir tərəfdən hücuma gələnlərdən qorunmaq üçün hazırlanmış bir hərbi quruluşdur. Darvazanın üstündən girə bilən hər hansı bir düşmənə hücum etmək üçün istifadə edilə bilən bir müdafiə sistemi qurulmuşdur. Puerta de tierra cümə axşamı, cümə, şənbə və bazar günləri axşam saat 8-də təqdim olunan “El lugar del sol” (Günəşin yeri) adlı işıqlı və səsli bir şou təqdim edir. və şou 60 dəqiqə davam edir. Qalaya giriş bileti 1.40 Azn????Campeche logosunun önündə də mütləq bir şəkliniz olsun. Əgər getmək imkanınız olsa Mirador Benito Juarezə qalxıb orda da şəkil çəkin.????Calle 59# da rəngarəng evlər arasında gəzib restoranlarda oturub dincəlib canlı musuiqi dinləyə bilərsiniz.????San Miguel qalası Dəniz quldurların hücumundan sonra ispanyalılar tərəfindən şəhərin müdafiəsi üçün 17-18-ci əsrlər arasında inşa edilmişdir????Şəhərin şimal hissəsinin ən yüksək hissəsində yerləşən San Jose el Alto qalası Campeche-də yerləşir, binası köhnə saat olaraq bilinən təpədə inşa edilmişdir, Daim dəyişdirilən bir müşahidə postu idi.????Edzna qurulan Chontal mənşəli bir nəslin adıdır. Uzatma ilə digər yaşayış məntəqələrinin sakinləri bu qədim Mayya şəhərinin sakinlərini “Itzaes” adlandırdılar; buradan onun adı gəlir: Ytzná / Edzná: “Itzáes Evi”. Campecheyə gəldinizsə mütləq gedib görməlisiz Mayalıların inşa etdikləri maraqlı piramidlər var. Bura getmək hardasa 1 saatınızı alacaq yol isə 55 km dir. Gedərkən özünüzlə ağcaqanad sprey götürməyi yaddan çıxarmayın ağcaqanda dəhşət çoxdu orda. Adamı lap didirlər. Giriş bileti 5 AznDaha ətraflı məlumat üçün http://evdenuzaqlarda.com/????????RestoranlarSəhər yeməyini mən adətən evdə hazırlayıb yeyirəm çünki ucuz başa gəlir. Günorta və axşam yeməklərini isə restoranlarda yeyirəm çünki buranın yeməkləri həqiqətən çox dadlıdır həmdə dadınana doymaq olmur.La pagoda restoranında 15 AznLa Panistera kafe 5.20 AznMarganzo restoranında 13 AznAbuelito Jose restoranında 7 AznCenaduría Portales de San Francisco restoranında 11 AznLa cocinita restoranında 9 Azn????????Campeche səyahətimi də belə bitirdim. Səyahətə davam edirəm yaxın zamanda yeni şəhələr haqqında məlumatları sizinlə bölüşəcəm. Oxuduğunuza görə təşəkkür edirəm..https://www.youtube.com/watch?v=wUx6KUIcFEE&t=15sƏgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Seyid Hüseyn

571 dəfə oxunub

Auschwitz - Ölüm düşərgəsi bələdçisi

Polşanın cənubunda yerləşən və milyonlarla insanın Nasist Almaniyası tərəfindən qaz otaqlarında boğulduğu, güllələndiyi, aclıqdan öldüyü, asıldığı, inanılmaz işgəncələrə məruz qaldığı yer - Auschwitz digər adı ilə ÖLÜM DÜŞƏRGƏSİ Üçüncü Reyx (Nasist Almaniyası) tərəfindən ikinci dünya müharibəsinin gedişində qurulmuş ən böyük toplama düşərgəsidir. Burada bütün Avropadan 1.1 milyon insan öldürülmüşdür (1 milyonu yəhudi olmaqla). Almanlar SSRİ-nin üzərinə hücum edərkən ordunun arxasından gələn SS zabitləri (həmin dövrün Daxili İşlər Nazirliyi deyə bilərik) şəhərlərdəki yəhudiləri yığaraq bu kamplara gətirirdi və təxminən 900 mindən insan kampa girən kimi ya birbaşa qaz otaqlarına göndərilir, ya da güllələnərək öldürülürdü. Auschwitz-in 3 düşərgəsi var və bunlar bir-birlərindən təxminən 4-5 km aralıda yerləşirlər. Düşərgələr Polşanın cənubunda Oświęcim qəsəbəsində yerləşir. Buraya getmək üçün ya Krakovdan ya da Katowicedən Oświęcim qatarlarına minə bilərsiniz. Qatar stansiyası ilə düşərgə arasındakı məsafə təxminən 2 kilometrdir. Bir düşərgədən digərinə getmək üçün özlərinin pulsuz avtobuslarından istifadə edə bilərsiniz. Auschwitz 3 hissədən daha doğrusu 3 düşərgədən ibarətdir. 1-ci düşərgə Almanların qərargahının olduğu, təxminən 70 mindən Polşalı yəhudinin və sovet əsirinin öldürüldüyü hissədir. Bundan əlavə hər 3 düşərgənin də idarəsi buradan həyata keçirilirdi. Düşərgənin girişində alman dilində bəşər tarixinin ən böyük yalanı yazılıb "arbeit macht frei" (işləmək səni müstəqilləşdirər) 3 düşərgə arasında ən sağlam vəziyyətdə qalmış düşərgə buradır. Çünki, sovetlərin gəldiyini eşidən almanlar bütün düşərgələri dağıtmışdı amma buranı dağıtmağa imkan tapa bilməmişdilər. Düşərgənin içərisində yerləşən qaz otağından tutmuş, ölüm divarına (əsirlərin güllələndiyi divar) qədər hər hissə insana çox qəribə hisslər yaşadır. Burada hər millət üçün fərqli binalar mövcud olub və o binalar hazırda muzey olaraq fəaliyyət göstərir. Düşərgədəki muzeylər Almanların etdiyi soyqırımı və bu soyqırım qurbanlarının çəkdiyi əziyyətləri ziyarətçiləri təqdim edir. Muzeylərdə minlərlə soyqırım qurbanına aid ayaqqabı, eynək görə bilərsiniz. Almanların dağıtmağa vaxtlarının çatmadığı qaz otağının aurası isə sözlə izah edilə biləcək səviyyədə deyil. Bu otağa həmin dövrdən bəri toxunulmayıb və otağın girişində sadəcə bu sözlər yazılıb "SS-in minlərlə insanı öldürdüyü binadasınız. Lütfən, burada səssiz olun: onların əzablarını xatırlayın və xatirələrinə hörmət göstərin". 2-ci düşərgə (Birkenau) ən böyük faciələrin yaşandığı düşərgədir. Şindlerin siyahısı filminə baxanlar bu hissəni çox daha gözəl xatırlayar. Çünki, filmin son səhnəsi məhz buradakı dəmir yolunun üzərində çəkilmişdi. Düşərgənin içərisinə birbaşa dəmir yolu xətti gəlir (hazırda istifadə olunmur) və müharibə dövründə qatarlara yığılan yəhudilər birbaşa düşərgənin içərisinə gətirilir, buradan sağlam olanlar seçilib ağır işlər görməyə yollanır, qeyri-sağlamlar, qadınlar, yaşlılar, uşaqlar isə birbaşa qaz otaqlarına göndərilirdilər. Həmin sağlam olanlar da ağır işlərdən və işgəncələrdən sonra "qeyri-sağlam" statusu alıb digərləri ilə eyni taleyi paylaşırdılar. Burada 6 qaz otağı və 4 meyid yandırma təsisi mövcud olub. Qaz otaqlarında öldürülən və ya güllələnən insanlar meyid yandırma təsislərinə aparılıb yandırılırdılar. Lakin, bu düşərgədən qaçan 2 yəhudi bütün düşərgənin sxemlərini müttəfiqlərə ötürməyə bacarmışdı və bundan xəbər tutan almanlar, sovet əsgərlərinin də gəldiyini də görərək düşərgəni dağıtmışdılar. Daha doğrusu düşərgədəki qaz otaqlarını və meyid yandırma təsislərini. Əsirləri düşərgəyə gətirən dəmir yolu xətti və 1 vaqon hələ də sağlam vəziyyətdədir. 3-cü düşərgəyə həm vaxt baxımından həm də görüləcək çox şey olmadığından getməmişəm. Amma məlumat üçün deyim ki, 3-cü düşərgə Siemens və onun kimi böyük şirkətlərin işlərini görmək üçün əsirlərin işlədildiyi bir düşərgə idi və o düşərgədə də "gücdən düşmüş" əsirlər 2-ci düşərgəyə gətirilib yandırılırdı. Auschwitzdəki mənzərələr həqiqətən də inanılmazdır, buranı gördükdə insanın insana belə şeyləri necə edə biləcəyinə belə inana bilmirsən. Bir insanın hansı dərəcədə sadist ola biləcəyinin ən böyük örnəklərindəndir Auschwitz. Buradakı insanların fabrik şəklində öldürülüb, yandırılmasına başlıca payı olan insan nə Hitler, nə Gobbels nə də başqa alman generalları idi. Buradakı insanları yaxından görən, onlara bunların edilməsini zabitlərə əmr edən, durmadan daha çox yəhudi öldürməyin yollarını axtaran şəxs SS-in rəhbəri Heinrich Himmler idi. Bütün bu düşərgələrin də fəaliyyəti birbaşa ona bağlı idi. Sovetlərin Stalingrad və Moskvadakı qələbələrindən sonra qəzəblənən Himmler, oradakı öldürülən əsgərlərin də günahını yəhudilərdə görürdü. Düşünürdü ki, bu müharibə yəhudilərə görə başladı, elə isə onlar bunun cəzasını çəkməlidir və bu düşüncə ilə 1943-cü ildən sonra yəhudilərin öldürülməsi daha da şiddətləndi. Hətta alman zabitlər öz yazılı məruzələrində fəxrlə "bu gün 90 min yəhudi" yandırdıq deyə bilirdilər. Düşərgələrə getməzdən öncə mütləq rezervasiya etməlisiniz. Əgər bələdçi ilə rezervasiya istəyirsinizsə təxminən 30 manat ödəməlisiniz. Ödəniş etmək istəmirsiniz və özünüz gəzmək istəyirsinizsə bunun üçün 17:00-dan sonra olan pulsuz rezervasiyaları əldə etməlisiniz. Öncədən rezervasiya üçün visit.auschwitz.org/rezerwacja/termin.html?idg=1 saytından istifadə edə bilərsiniz. Düşərgəyə qatarla getmisinizsə çalışın 20-dan öncə işlərinizi yekunlaşdırın. Çünki, 20:30-da sonuncu qatar yola çıxır Katowiceyə. Krakow qatarı isə 19:30-a qədər işləyir. Ən yaxşı variant isə 20:30-da Katowice qatarına çatmaqdır.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Sadig Aghali

685 dəfə oxunub

Şimali İrlandiya bələdçisi

Belfastdakı bütün otel, apartament və hostelləri bu linkdən (bron) edə bilərsiz.Belfast havalimanından (George Best ???????? ???????? ) çıxan çıxan kimi şəhərə gedənləri gözləyən ikimərtəbəli qırmızı avtobuslar var. Mən də çıxdım ikinci mərtəbədə ən qabaqda oturub, başladım ölkənin gözəl yam-yaşıl təbiətini seyretməyə.Belfast əhalisi indiyə qədər gördüyüm ən xoşbəxt, gülərüz, mehriban, yardımsevər insanlar idi. Şəhər tər-təmiz, yaşıl, tarixi abidələrlə zəngindir. Axşam olan kimi mərkəzi küçələrdə addımbaşı onlarla adam toplaşıb Ginnes (guinness beer) içə-içə canlı irland musiqiləri oxuyub rəqs edirlər.Belfast digər Böyük Britaniya şəhərlərindən daha varlı, daha təmiz, daha az miqranta sahibdir. Əhalinin əksəriyyəti yerli irlandlar və ingilislərdir. İrland dilini bilən adam tapa bilməzsiniz. Hamı ingilis dilində danışır. Şəhər elə də böyük deyil, hər yerə piyada getmək olur.Titanik gəmisi Belfastda inşa edilib. Gəminin tikildiyi yerdə kiçik gəmi turları olur (qiyməti 10 £). Gəzməli yerləri Belfast City Hall, Belfast Castle, Botanic Gardens, Ulster Museum, Carricfergus Castle, Cavehill, St.Anne’s Cathedral, və ən maraqlısı isə Belfastın zooparkı.Şəhər Game of Thrones serialı ilə daha da məşhurlaşıb. Belfast yaxınlığındakı çəkiliş yerlərinə gündəlik 25-60 £ arası turlar var.Şimali İrlandiyanın ikinci böyük şəhəri isə Londonderridir. Aeroportu bizim Zabrat aeroportundan da kiçikdir. Havalimanından çıxıb qaçdım çölə, avtobus, qatar yoxdur. Hamını qohum-əqrəbası gəlib maşınla aparır. Mən də bir ağsaqqal kişidən soruşdum ki, şəhərə necə gedə bilərəm, dedi ki, ancaq taksi ilə, o da 20 pounda ( 42 manat) gedər, ancaq 10 dəqiqə gözləsən indi arvadım məni götürməyə gələcək. Gözləyib başladıq söhbət eləməyə. Azərbaycanı tanıdı. Burda Azəri-Çıraq-Günəşlidə dostları işləyirmiş. Yoldaşı da gəldi, söhbəti maşında davam etdik. Məni düz şəhərin mərkəzinə gətirdilər. Hər yeri də başa saldılar.Derridə əsl ingilis havasını gördüm. Yaxşıca islandım. Ancaq yağış yağsa da səhər tezdən şəhərdə Foyl çayının (River Foyle) üstündəki Peace Bridge körpüsündə yüzlərlə adam qaçışır. Elə ona görə də şəhərdə kök adama rast gəlmək olmur.Buradan Belfasta gedən qatarlardakı atmosfer bizim rayon mərkəzlərindən kəndlərə gedən avtobusları xatırladır. Qatardakıların əksəriyyəti rayon və kənd əhalisi idi. Deyəsən kəndli elə hər yerdə kəndlidir. Qatarda şəhərdəkilər kimi ağ adamlar yox, dəriləri günün altında işləməkdən yanmış, qara-qırmızı rəngli adamlar var idi.Yaşlı adam içəri girən kimi cavanlar ayağa qalxıb yer verir, hamı biri-biri ilə salamlaşır, siyasətdən danışırlar.Dublindən Londonderriyə gedən yolda da o qədər gözəl kəndlər, qəsəbələr var ki, nağıl ya da cizgi filmindən fərqi yoxdur.Şəhəri ələk-vələk etsəm də maqnet tapa bilmədim. Şəhər kiçik olsa da gəzməli yerləri o qədər çoxdur ki, sözlə demək olmur. Çayın sahilində İrlandların Amerika qitəsinə səyahət etdikləri tarixi anları əks etdirən maraqlı heykəllər var. Bir də Derri son illərə qədər İRA-nın (deyilənə görə terror təşkilatı olub) əsas mərkəzi olub və burda birçox qanlı hadisələr də olub.Əsas görməli yerləri aşağıdakılardır.1. St. Columb’s Park2. The Clock Tower3. St Columba's Church, Long Tower4. Foyle Valley Railway Museum5. Riverwatch Aquarium and Visitor Centre6. Derry City Cemetery7. Victoria Road8. Peace Bridge9. Old TownƏgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…  Paylaşdı: Elshan Ismayilov

1412 dəfə oxunub
Bizi izləyənlər siyahısına qoşulun!