Bloq

205 dəfə oxunub

Cannes Bələdçisi

Hazır Cannes Film Festivalı gedir, dedim sizə öz Cannes macəramdan danışım
Deməli, mən Nicedən Cannese Omio app ilə gediş-gəliş bileti cəmi 16€-ya almışdım! Yol təxminən yarım saat çəkir. Bileti heç kim yoxlamadı amma almasanız problem ola bilər təbii ki, riskdir
Gələn kimi başladım şəhəri piyada gəzməyə – və mənzərə, küçələr, atmosfer... hər şey mükəmməl idi!
Dəniz kənarında dadlı yeməklər yeyə bilərsiniz amma məncə qiymətlər çox baha idi , mən Büdcəmə uyğun şirin bir cafe tapıb oturdum , enerji toplayıb yoluma davam etdim
Görməli yerlər:
• La Croisette sahil boyu gəzinti yolu
• Palais des Festivals
• Le Suquet tarixi məhəlləsi
• Cannes Limanı və yatlar


Şəhəri gəzmək üçün 1 tam gün hətta deyərdim ki, 7-8saat kifayət edir, mən Dənizə girmədim ona görə dəniz haqqında məlumat verə bilməyəcəm ,axşam isə yenə qatarla sakitcə Nicə qayıtdım
Belə səyahətlər adamın ruhunu yeniləyir!


İnstagram hesabım teybemm dən gəzdiyim yerlər haqqında daha çox paylaşıram, dəstək olsanız çox sevinərəm

Paylaşan

Teyba Mammadzada

Teyba Mammadzada

DİGƏR BLOQLAR

Malayziya Bələdçisi

Salam, Gəzəyənlər!Bu postda Sizinlə Asiya səyahətindən öyrəndiklərimi bölüşmək istəyirəm. Planım Malayziya və İndoneziyada toplam 3 ay keçirmək, müxtəlif şəhərləri gəzməkdir. Bu yazıda Malayziyanın paytaxtı Kuala-Lumpur və Pinanq ştatı haqqında yazacam.Tövsiyə etdiyiniz yerləri mənə bildirsəniz, sevinərəm. Əlavə olaraq postdakı qeydlərimi yaxşılaşdıracaq fikirlərinizi də bildirməkdən çəkinməyin.Bilet: Toplam təxminən 490 AZN-ə Bakı - Əbu Dabi (Wizzair 115 $) - Dubay (Şəhərlərarası avtobus) - Kuala-Lumpur (Batik air 170$ ) (bileti uçuşdan təxminən 30 gün əvvəl almışdım, yoxsa daha ucuz almaq olardı). Biletlərdən həm qiymət baxımından, həm də gözləmə vaxtı baxımından çox məmnun qaldım. Hətta birbaşa uçuşa (Bakı - İstanbul və s. üzərindən) nisbətdə belə daha tez çatdım.Viza: Malayziyaya viza yoxdur, başqa sözlə, girişdə ödənişsiz viza verilir. Tələblərdən biri ölkədən çıxış biletinizin olmasıdır, məndə yox idi, lakin miqrasiya əməkdaşlarını “plansız gəzəyən” olduğumla bağlı razı saldım. İndoneziya viza tələbi var, mən birbaşa Bakıdakı səfirlik vasitəsi ilə 2 aylıq tək giriş viza almışam.Kuala-Lumpur (Malayziya): Şəhər olduqca müasir şəhərdir. Yaxşı nəqliyyat sistemi, müxtəlif mətbəxlərə aid restoranlar və s. var. Axtardığınızı tapacaqsınız. Ümumilikdə isə mənim üçün ən problemli məsələlərdən biri yemək olub. Daha çox Pakistan, Ərəb mətbəxinin olduğu restoranlarda yeyirəm.İqlim: Hal-hazırda Malayziyada yağışların bol olduğu sezondur. Lakin bu halda belə, yağış mənə ciddi problem yaratmayıb, demək olar hər gün eyni vaxtda yağır (15:00 - 16:00) və qısa müddətdə dayanır. Malayziyada olduğum digər bölgələrdə, misal üçün Lanqkavidə demək olar heç yağmır.Bazarlıq: Malayziyada ümumilikdə bizə nisbətən ucuz və ya eyni qiymətdir, nəqliyyat, texnologiya, geyim, ərzaq və s. Nümunələr: 150 km qatar nəqliyyatı - 4 AZN 360 km avtobus nəqliyyatı - 16 AZNTəhlükəsizlik: Məncə, Malayziya olduqca təhlükəsizdir. Əksini hiss etdiyim hər hansı bir hadisə ilə rastlaşmamışam. Küçədə yaşayan insanlar çoxdur, bu ilk baxışda narahatlıq hissi yaradır, lakin buna öyrəşdikdən sonra əvvəlki qədər narahat etmir. Əlavə olaraq, insanlarda ingilis dilini bilmə səviyyəsi yüksəkdir və kömək etməyi sevərdirlər. Suallarınız varsa, cavablamaqdan məmnun olaram.Gəziləcək yerlər haqqında növbəti postlarda yazacam. Instagram-da gəzdiyim yerlər, Malayziya, İndoneziya və digər asiya ölkələri haqqında da məlumat paylaşıram, siz də izləyə bilərsiniz: https://www.instagram.com/bashiroglu/Paylaşan: Abdulla Bashiroglu

260 dəfə oxunub

Egeyin İncisi - İzmir

İzmirdəki otel və hostelləri bu linkdən book (bron) edə bilərsiz.İzmirdə qaldığım 6 həftəlik müddətin təəssüratları bir ömrə sığmasa da, 1 posta mümkün qədər sığdırmağa çalışacam????. Şəhər olduqca gözəl, rahat və həm gəzilə biləcək, həm də yaşana bilənəcək şəhərdir. Bir dəfə gedənin bir daha getsəm dediyi şəhərdir. İzmir deyincə ağla gələn məşhur plyajlar, Kuşadası, Çeşme, Alaçatı kimi turistik bölgələr olsa da mənimçün bu şəhər tarixi abidələri, muzeyləri, street artları , xüsusilə günbatımları ilə yadda qalan oldu. Bu şəhərdə günbatımları sözün əsl mənasında möhtəşəmdi. Necə deyərlər tam şeir yazdıracaq, rəsm çəkdirəcək havadadı????????.Hava limanından "izban" adlanan transport vasitəsilə şəhərin bəzi hissələrinə birbaşa , bəzi hissələrinə isə metro, tramvay və ya avtobuslara transfer edərək getmək mümkündü. Onu qeyd edimki şəhər böyük olduğu üçün çox vaxt bir nöqtəyə birbaşa bir transportla gedib çıxmaq mümkün olmur və kart oxunma cihazlarına bir dəfə oxunan kart 90 dəqiqə ərzində bütün transportlarda keçərlidi. Şəhərin mərkəzi Alsancak-Kordon hissəsindən günbatımının ən gözəlini izləyə bilərsiz???? Ayrıca Alsancakda Sahil boyu uzanan parklarda məsələn bizim dostlarla görüş, oturub müxtəlif oyunlar oynama, söhbət eləmə nöqtəmiz idi. Həmçinin büdcənizə uyğun müxtəlif qiymətli kafe, restoran, bar, klubları da bu hissədə tapa bilərsiz. Atatürkün İzmirdəki ev muzeyini, zövqlə dizayn edilmiş kilsə və məscidləri ziyarət edə bilərsiz. Alsancağa Tramvayla 5 stansiya uzaqlıqda olan Konak adlı yerdə "Saat kulesi", "Kemeraltı çarşı", "Tarihi asansör"ü görmədən geri dönmək günah olar.İzmiri ovuclarının içində görmək istəyənlər mütləq Balçovada yerləşən "Teleferik"i ziyarət etməlidir. Kanatla qalxarkən  (adambaşı 10tl) kameralarınızı və gözlərinizi qarşısınızda açılacaq o möhtəşəm mənzərə üçün hazır edin???????????? şəhərin möhtəşəm mənzərəsinə qarşı piknik etmək istəyənlər ( yenə də o möhtəşəm günbatımı üçün ????????????) üçün burada hər bir şəraitlə təmin edilmiş piknik alanları da var????????????. Hərbi Muzey sevərlər "İnciraltı deniz müzesi"nə baş çəkməlidir kesinlikle???? Görevini tamamladıqdan sonra Ege fırkateyni və Piri Rəis hərbi və sualtı gəmiləri 2007-ci ildən muzey şəklində istifadəyə verilib və içinə girdikdə özümü bir an bir filmin içində kimi hiss elədim????. Müxtəlif kapitan, əsgər maketləri, səs effektləri, tarixi posterlər, müxtəlif qəzetlərin 1950-1960-cı illərdə dərc olunmuş versiyaları tarixi abu havanı dolu dolu yaşadırdı. Onu xüsusi qeyd eliyimki Azərbaycandakı tələbə biletim həyatında ilk dəfə bir işə yarayaraq bu muzeyə pulsuz girməyimi təmin elədi???? Normalda giriş qiyməti 15tldi. "İzmir doğal yaşam parkı" na giriş de 8tl yerine 4tl ödeyerek tələbə biletimə ikinci dəfə minnətdar olmama sebeb oldu ???? "İzmir doğal yaşam parkı"nı məndən soruşanlara qısa olaraq belə tarif eliyirəm: təkcə ayıyla, aslanın yeri Bakıdakı zoopark boydadı. İçərisində 1500 heyvan yaşayır, 3000 ağac, 250 bitki növü var. 5 saat ərzində biz güclə gəzib bitirdik ama dəyərdi o yorğunluğaDəniz sevdalıları, əyləncə axtarışında olanlar: Şəhərə yaxın hissədə dənizə girmək istəyənlər Foça, Mordoğan, Özdere, Seferihisar, Urla plyajlarına baş çəkə bilərlər. Şəhər içindən izban, metro, gemi vasitəsiyle bu yerlərə rahatlıqla getmək mümkündü. Seferihisara gedibdə Sığacık adlı sahil qəsəbəsinə mütləq baş çəkin. Alaçatı, Çeşme, Kuşadası( bu yerler haqqında postlar dəfələrcə paylaşıldığından əlave nəsə demək məncə mənasız olar ????????) isə şəhərdən təxminən 1,5-2 saat yarımlıq məsafədə yerləşir. İzmir otogarından 60tl ödəyərək avtobuslarla rahatlıqla getmək mümkündü. Getdiyiniz yerlərdə halk plajı adlandırdıqları free plyajlarda giriş pulu ödəmədən sadəcə şezlonq və çətir kiralayaraq rahatlıqla dincələ bilərsiz. Sadaladığım yerlər içində dənizini xüsusi bəyəndiyim Çeşme oldu. Su olduqca təmiz və digər yerlərə nisbətən daha az duzlu idi.???? Həmçinin kamp qurmaq və dəniz kənarında sabahlamaq istəyənlər də görəvli şəxslərə bu barədə məlumat verib rahatlıqla gündoğumunu izləyə, səhərin ilk günəş işıqları altında dənizə girmənin keyfini çıxara biler ????????????????Növbəti dayanacaq : "Şirince" kiçik dağ kəndi olub bir növ bizim Lahıca bənzəyir. Meyvə aromalı şərabları ilə məhşur olan bu kəndə gedibdə şərab dadmamaq həqiqətən günah olar. Selçuk bölgəsində yerləşən bu kəndə səfərinizi planlayırsızsa yaxınlıqda yerləşən tarixi Efes abidəsini, Müqəddəs Məryəm kilsəsini , Yedi uyuyanlar abidələrini mütləq şəkildə ziyarət etməlisiniz ( bu yerləri anlatmağa kəlimələr yetməz, şəkillərə baxın ve şiddətlə tövsiyyə edirəm ki gedin) ????????Hal hazırda manat tl ilə müqayisədə daha qiymətli oldugu üçün shopping etmək istəyənlər alış veriş mərkəzlərində saatlarla vaxt keçirə bilər ???? Rəfiqəmlə Gaziemirdeki "Optimum" adlı mallda 6 saat ərzində 14km yeridiyimizi desəm məncə kifayət edər ???? Bütün mallarda eyni markaları tapmaq mümkündü ama mallardan kənarda yerləşən eyni marka mağazalarında isə daha zövqlü geyimlər tapa bilərsiz. Outletlərdən də büdcənizə uygun geyimlər əldə etmək mümkündü. Pulunuzu dollar şəklində götürməniz daha məsləhətlidi. Exchange üçünsə dövüz bürolarına getməyinizi məsləhət görmürəm. Banklar ən məsləhətlisidi, Ən pis halda isə zərgərlərdə pulunuzu exchange edə bilərsiz.Uzun olsa da oxuduğunuz üçün təşəkkürlər. Ümid edirəm İzmirə gedəcək insanlar üçün faydalı bir post olmuşdur. Getməyənləri isə getməyə həvəsləndirmişdir ????????????Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Asmera Gashamli

1110 dəfə oxunub

Qaudinin şəhəri - Barselona

Barselonadakı bütün otel, apartament və hostelləri bu linkdən book (bron) edə bilərsiz.Hörmətli Gəzəyənlər hamınızı salamlayıram. Bu dəfə də sizə danışım 10-14 Yanvar tarixlərində səyahət etdiyim Barcelona turundan. İlk öncə 1 ay əvvəl 9avroya tapdığımız biletlərdən danışım  Deməli Berlin Schönefeld airportundan Barcelona Terminal 2-yə 9avroya bilet tapdıq. Hətta Rostockdan Berlinə 10avroya gedib gəlmişik. Elvin çoxsağolsun Flixbusun Voucherləri ilə bizi xilas edir. İlk öncə mindik getdik Berlinə ilk dəfə idi ki, dalbadala airporta tərəf gedən qatarlar işləmirdi yaxşı ki, vaxtında çıxmışdıq evdən 3saat boş aralıq kimi götürmüşdük ehtiyyat. Mindik təyyarəyə öz yerimizi tutduq mən və dostum. Adətən təyyarədə yatmaq yerinə yanımda oturanlar ilə söhbət etməyə çalışıram bu dəfə də elə oldu. Bir xanım əyləşmişdi yanımda biraz söhbət etdik sonra isə telefonda başladım surfing etməyə. Sən demə ekranıma qoyduğum bayraq şəklini görüb və Facebookdakı dostlarımın rusca paylaşımlarına diqqət yetiribmiş. Sonra yatdı və mənə dəydi oturduğu yerdə. Və beləcə söhbət başladı. Bir neçə dəfə məndən haralı olduğumu soruşdu və mən də hərdəfəsində Azərbaycandanam deyib soruşmurdum. Bilmirəm niyə soruşmadığımı  Sonunda ouu Bizim qonşularımızsınız dedi heç gözləmədiyim bir cavab oldu və soruşdum qız Ermənistan vətəndaşı imiş. Başladıq bütün yol boyu danışmağa sivil insanlar kimi. Verdiyi məlumata görə əmisi Qarabağ döyüşlərində iştirak edibmiş. Mənə dedi ki, mən bilirəm ki, hazırda mənə qarşı nələr yaşayırsan amma mən həmişə sizi dəstəkləmişəm əmimlə artıq illərdi fikirlərimə görə düşmən kimiyik. Bilirəm Qarabağda çoxlu insanlar qətlə yetirib indi də hərgün travma ilə yuxudan durur özü də peşman olub. Ölkə səviyyəsində nəqədər də haqsızlıq etsək də millətimiz bilir ki, siz bizə qucaq açmısız və hərzaman yer vermisiz. Mən sizin millətə güvənirəm nəinki özümüzünki. Heç zaman azərbaycanlı biri ilə əlaqəm belə bir söhbətim olmayıb hərzaman birisi çıxacaq deyə gözləyirdim sanki bugünü ki, bir dövlətin millətin nümayəndəsi kimi üzr istəyim. Ən azından müharibə əsgərlər arasında olur sivil insanlar arasında olmaz. Qatilin nə milliyəti nə də dini irqi olur. Bizim dövlət qatildir. Mən istərdim gələcəkdə Azərbaycana gəlim və bilirəm sizin ölkədə hələ də çoxlu ermənilər yaşayır. Hətta bizdə belə demirlər amma ermənistanda çoxlu azərbaycanlılar yaşayırlar. Sadəcə təəssüff ki, mən sizin dilinizi bilmirəm və hazırda Qarabağda böyüyən uşağın 22 yaşı var və inanmıramki o öz doğulduğu torpaqların verilməsinə razı olar. Nəysə uzun söhbətdən sonra sağollaşdıq ayrıldıq hərə öz işinə getdi.Gəldik Barcelonaya dostum ilə düşəndən artıq başqa ab-hava var idi. Mən getdiyim ölkələr arasında belə bir şəhərə getməmişdim. Miami, Californiya kimi şəhərlərə bənzəyirdi. Airbnbdən 4günü adambaşı cəmi 30avroya ev tutmuşduq adam da rus çıxdı  Onunla da çoxlu söhbətlər etmişik adamın əsgərlik yoldaşı azərbaycanlı olub burdan Ədalət Hüseynova da salam göndərirəm  Adama əsgərlikdə çoxlu çaxırlar gəlirmiş ət kabab zad ediblər. Azərbaycanlı olduğumuz üçün bur us əlindən gələni edirdi çox yaxşı qarşıladı bizi  Sonra gəzəyənlərdən tanıdığımız Mürsəl bizi qonaq elədi görüşdük çoxlu taktikalar Verdi. Çox sağolsun ki, hərzman xaricdə yaşayan öz həmvətənlərimiz bizə hərdəfə köməklik edirlər. Paelliya və digər local yeməkləri yedik. 4 günə 2dəfə 10gediş kartını aldıq 10avroya 2 nəfər həryerə piyada gəzirdik. Hava gah soyuq gah da isti olurdu. Və qərara gəldik Tibidabo deyilən yerə getməyə. Səhər evdən çıxdıq google map sağolsun bizi səhv istiqamətləndirdi getdik çıxdıq başqa yerə. Tram Metro əladır Barcelonada amma Avtobus məncə ən bərbad nəqliyyatdır o şəhərdə. Bizi səhv dağa qaldırdı və çoxlu gecikmələri göstərirdi. Bizimkimi 2 italiyan oğlan 1 vyetnamlı və 2 ukraynalı qız azıb gəlmişdilər  elə oradaca qərara gəldikki obri dağa qədər yürüş edək həmdə həyat bizi bir nöqtəyə gətirib google map sağolsun başımıza oyun açdı. Bütün yolu söhbət edə edə getdik axırki məkana çatdıq. Bütün şəhər gözəl görünürdü. Çoxlu küçə musiqiçiləri və tarixi binalar sadəcə möhtəşəmdir. Qiymətlər də Almaniyaya baxdıqda azacıq sanki ucuz kimi göründü mənə. Təbii ki, Sagrada Familia unutmaq olmaz o əzəmətli məkan.Mütləq gedərkən bütün dəniz məhsullarının dadına baxın. Yeməkləri çox dadlıdır. Axşam tərəfi politik məhbuslara aid mitinq varmış qocalı cavanlı hamı orda idi mərkəzi küçələr ilə gedirdilər. Sonra biz qərara gəldik bu yolda təsadüfi görüşdüyümüz insanlarla gedək bir yemək yeyək. Tripadvisor köməyimizə gəldi. “Vasconia” restoranına getdik qiymətlər çox ucuz və porsiya çox möhtəşəm və dadlı gəldi. Hətta yaxınlaşdım selfie çəkdirdikdə bizə əlavə içki Shot-lar da verdilər əhvalımız daha kökəldi və yolumuza davam etdik üzü dəniz tərəfə. Mütləq küçədə tanış olun yeni insanlarla.Son günü istiqamətini getdik Camp Nou-ya təbii ki, özüm anti-barcelonalı olsam da avropanın ən böyük stadionudur. Axşam oyun var idi deyə museyə girsək belə stadionun içinə buraxmayacaqdılar deyə biz də heç girmədik. Mütləq Google Trips proqramını istifadə edin. Səyahət edərkən ən lazımlı səyahət dostumdur. Oğurluqları məşhur olan şəhərdə və sonunda sağ salamat gəldik çıxdıq Almaniyaya heçbirşey oğurlatmadan. Əgər nədənsə şübhəniz varsa sənədləri evə qoyun şəkillərini çəkib telefonda saxlayın. Oturduğunuz stollara telefonları qoymayın pul istəyən dilənçilər gəlib sizə kağız qəzet qoyacaqlarki oxuyun sonra gedəndə görəcəksiz telefonunuz yoxdur kağzı qoyur diqqətinizi cəlb edir sonra oğurluq edirlər. Bax belə  İndi siz bunu oxuyanda çox güman ki, mən artıq Danimarka, Kopenhagendə olacam. Gəzəyən olun, səyyah yox  Hamınıza xoş həftəsonu arzulayıram.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Murad Chicharito Huseynow 

1639 dəfə oxunub

İSPANİYA SƏYAHƏTİ

Salam əziz Gəzəyənlər! Bu dəfə sizə İSPANİYA (Barselona-Madrid) gəzintisindən bəhs etmək istəyirəm.İspaniya özünəməxsus mədəniyyəti, musiqisi, mətbəxi, rəqsləri, insanları və bir çox gəzib-görməli yerləri ilə tanınan və çox sevilən ölkədir.BARSELONA’dan başlayaq. Barselona Avropanın ən öndə gedən turistik mərkəzlərindən biridir. Şəhər İspaniyanın “Catalunya” ərazisində yerləşir. Yerli əhalisi Katalonlardır və dilləri İspan(Castellano) dilindən biraz fərqlənir, yazılışı daha çox fransız dilinə bənzəyir. Buna baxmayaraq yerli əhali, demək olar ki hamsı İspan dilində danışa bilir. Şəhərdəki tablolarda hər bir şey 3 dildə: katalan, ispan və ingilis dilində yazılıb.Əminliklə deyə bilərəm ki, şəhər indiyə kimi gəzdiyim digər bütün şəhərlərdən tamamilə fərqlənir. Bir sözlə şəhər qaynayır. Kənarda dağlar, digər tərəfdə isə palmaların dəniz ilə sintezi bir-birini tamamlayır. Küçədə çalınan mahnılar isə insanın zövqünü oxşayır. İnsanlar hərə öz keyfində: kimisi çimir, kimisi futbol oynayır, kimisi mahnı oxuyur, kimisi dostları ilə içib, deyib-gülüb əylənir.Havası isə may-iyun aylarında səyahət etmək üçün idealdır. Barselona həmçinin öz gecə həyatı; klubları və pub’ları ilə də çox məşhurdur.Şəhərin yol infrastrukturu çox gözəl qurulub. Metro və avtobus ilə istədiyiniz yerə çox rahatlıqla gedə bilərsiniz. Yox açıq hava istəyirsinizsə, onda asanlıqla velosiped də kiralaya bilərsiniz.Bir çox yazıda şəhərin təhlükəli olduğunu oxumuşduq. Zənnimcə heç də elə deyil. Ehtiyatlı olsanız rahatlıqla gəzə bilərsiniz. Yox olmasanız, onsuz da bütün şəhərlər təhlükəli sayılar. Bir sözlə, hər şey sizdən aslıdır.Tarixi abidələr o qədər çox olmasa da, gəzməyə bir çox yer var:La Sagrada Familia kilsəsi, Barsenola Katedralı, Bazar, Park Güell, Montjuïc dağı, Barceloneta çimərliyi, Port of Barcelona, La Rambla küçəsi, Nou Camp stadionu və s.Onsuz da bir tərəfdən başlasanız, şəhər özü sizi gəzdirəcək.Keçək MADRİD’ə.Şəhər İspaniyanın mərkəzində yerləşir. Fikrimcə Madrid “underrated” şəhərdir. Deyilənlərin əksinə Madrid darıxdırıcı deyil, əksinə, çox gözəl və eleqant, getməyə dəyər bir şəhərdir. Nə də olsa Krallığın paytaxtıdır.Madridi mən daha çox Vienna’ya bənzətdim. İri, əzəmətli saraylar və binalar. Yol infrastrukturu eynilə Barselonadakı kimi çox ideal qurulub. Bundan əlavə şəhərdə elektron samakatlardan da istifadə edə bilərsiniz.Madrid’in havası Barselona’ya nisbətən daha isti idi (söhbət May ayından gedir). Günorta vaxtı şəhərdə az adam olur - “siesta” vaxtıdır.6’dan sonra isə şəhər qaynamğa başlayır. Amma yenə də istənilən vaxt şəhərdə turist görmək mümkündür.Barselonaya nisbətən Madriddə yerli əhali ilə daha çox qaynayıb-qarışmaq olur. Madrid Barselonaya nisbətən daha təhlükəsizdir deyə bilərəm.Madriddə görüləsi bir çox yer var:Palacio Real de Madrid, Plaza de Cibeles, Puerta del Sol, Plaza Mayor, Parque de El Retiro, Museo Prado, Santiago Bernabeu stadionu və s.Ümumilikdə hər iki şəhər: həm BARSELONA, həm də MADRİD çox təmizdir. Təmizliyə xüsusilə diqqət yetirirlər. Yol infrastrukturu üst səviyyədədir.Gələk insanlarına. Hər iki şəhərdə yerli əhali çox mehriban və gülərüzdürlər. Eləbil hamının üzündən xoşbəxtlik yağır. Nə sual soruşsan kömək etməyə çalışırlar. Burada insan İspan istiliyini hiss edir. Və onu da qeyd edim ki, əksəriyyət, gözləntilərimizin əksinə ingilis dilində danışa bilirdi. Avtobus sürücüsündən tutmuş polisə kimi (Müqayisə edəsi olsaq, gördüklərimə görə deyə bilərəm ki, İspaniya bu cəhətdən İtaliya və Fransadan öndədir).Barselonada miqrantların sayı çoxdur. Əksəriyyəti eyni dili danışdıqları üçün(İspan dili) Latın Amerikasından gələnlərdir və demək olar ki hərəsi bir işlə məşğuldur - sevindirici haldır.İspan mətbəxinə gəldikdə isə - çox zəngin və ləzizdir. Yeməklərdən “Paella”nın, içkilərdən isə “Sangria”nın dadına mütləq baxın. Qalanları isə zövqünüzdən aslıdır.Bir sözlə hər iki şəhər gedib görməyə dəyər!Hərəsinə neçə gün bəs edər deyə soruşsanız, Madrid üçün rahatlıqla 3, Barselona üçün isə 4 deyərəm. Lakin, Barselonada 1 həftə qalsanız belə, darıxmazsınız (Qeyd: Şəkillər özümə məxsusdur: instagram.com/nihvds)

344 dəfə oxunub
Bizi izləyənlər siyahısına qoşulun!