47 dəfə oxunub

Budapeşt-Vyana-Praqa turu

Hörmətli qrup üzvləri!

Sizlərə tur şirkətlərin çoxunun təklif və təşkil etdiyi 6 gecəlik Budapeşt-Vyana-Praqa turu haqqında qısa məlumat vermək istəyirəm, ümid edirəm, maraqlananlar üçün faydalı olacaq.

1. İlk öncə şenqen viza üçün Dəmirçi Plazada yerləşən Çexiya viza mərkəzinə müraciəti etdik. Müraciət edərkən, aşağıdakı sənədlərin olması lazımdır.

Passpot ( ən azı 2 boş səhifəsi olmalıdır, son istifadə vaxtına ən azı 4 ay vaxt qalmalıdır.
Şəxsiyyət vəsiqəsi
Evlisinizsə, nigah şəhadətnamənizin notarial qaydada ingilis dilində tərcüməsi.
Visa müraciət blankı
Biometrik şəkil
İş yerindən arayış
Bank hesabınızdan son 6 ayın çıxarışı və bankdan səfirliyə arayış
Visa və ya master cardınızın sürəti
Bilet bronu
Hər 3 şəhər üçün hotel voucheri
Tibbi sığorta.

Viza rüsumu 70 azn, xidmət haqqı isə 55 azn civarındadır.

Budapeşt-Vyana-Praga.

Bakıda köhnə hava limanından Wizzairlə ilk Budapeştə gedirsiniz, biletə özünüzlə 10 kg əl bagajı daxildir, əlavə 20 kg yük bagajı ehtiyacınız varsa, 40-50 avro arası online ala bilərsiniz, təyyarədə yemək və su vermirlər, pulla almaq olar. Uçuş hal-hazırda Bakıdan səhər saat 6 radələrindədir, səhər 8-9 arası Budapeştdə olursunuz.

Budapeşt

Budapeşt hava limanından şəhər mərkəzinə getməyin ən yaxşı yolu E100 nömrəli avtobusdur, 900 forentə ( təxminən 2.9 avro) düz şəhərin mərkəzinə getmək olur, oradan da qaldığınız yerə ictimai nəqliyyatla gedə bilərsiniz, şəhərin ictimai nəqliyyatı çox rahatdır, 10 gedişli bilet 10 avro civarındadır, bu biletlə şəhər daxili metro, avtobus, tramvay və trolleybusdan istifadə edə bilərsiniz. Gedəcəyiniz yerə nə ilə getməyinizi öyrənmək üçün, Google Maps çox köməkçidir, gedəcəyiniz adresi qeyd etməklə həm piyada, həm də nəqliyyat vasitələriylə gediş yollarını sizə göstərir. Budapeşt şəhərində cəmi 1 gün qaldığım üçün şəhər haqqında çox məlumat verə bilmirəm, ümumi olaraq bunları deyim, ölkənin pul vahidi forentdir, hal-hazırda 100 avro 32000 forentə bərabərdir, yaxşı olar ki, pulunuzu forentə çevirəsiniz və ya kartla ödəniş edəsiniz, avroyla ödəniş etsəniz, kursda uduza bilərsiniz. Şəhəri Dunay çayı 2 hissəyə bölür, Buda və Peşt. Mütləq Parlament binasına, Bazilika qalası ətrafı və Buda Qalasına gedin. Şəhərin mərkəzində bir çox restoranda kondisioner yoxdur, qiymətlər ortalama normaldır, şəhər çox təmiz olmasa da, qəşəngdir, getməyə dəyər, peşman olmazsınız.
P.S. Marketdən su alarkən diqqətli olun, çəhrayı rəngli qazsız, göy rəngli qazlıdır ????GettyImages_626301750

Vyana

Budapeştdən Vyanaya Regiojet şirkətinin avtobusuyla getdim, avtobus çox rahatdır, içində wi-fi mövcuddur, bundan əlavə qarşında monitor, qulaqcıq, telefonu şarj etmək üçün usb yeri, çay və ya kofe, tualet də var, bilet təxminən 20 avroyadır, yol 2 saat 50 dəq.

Vyana şəhəri çox gözəl təsir bağışlayır, çox təmiz və tarixi şəhərdir. Şəhərin mərkəzində, sightseeing bus turuna qoşulsanız peşman olmazsınız, 24 saatlıq bilet 25 avroyadır, avtobus turunda qulaqcıqla rus, ingilis və ya türk dillərində gedəcəyiniz yerlərin adı və tarixiylə tanış ola bilərsiniz. Tur səhər saat 9dan axşam saat 20.00a kimi işləyir, tur vasitəsiylə Belvedere sarayı, Opera Binası, Parlament, Mozart və Bethovenin ev muzeyləri, İncəsənət muzeyi və bir çox digər tarixi yerlərdə düşüb, orayla tanış ola, şəkillər çəkə bilərsiniz. Hər 10-15 dəqiqədən bir olduğunuz yerdən avtobuslar gəlib sizi digər yerə apara bilir.

Vyanada ictimai nəqliyyat da çox rahatdır, tək gedişli bilet 2.8 avroyadır, ancaq gün ərzində çox yerə gedəcəksinizsə, 24 saatlıq 8 avroya olan bileti almağınız məsləhətdir, bu biletlə 24 saat ərzində, şəhərdaxili avtobus, metro və tramvaydan istifadə edə bilərsiniz.
Şəhər ümumilikdə bahalıdır, ancaq uyğun qiymətlərə də çox şey tapmaq olar.

Naschmakt adlı bazar çox maraqlıdır, həm də orada yerləşən restoranlarda istədiyiniz yeməyi tapa bilərsiniz, qiymətlər ucuz olmasa da, baha da deyil.

Vyanada Belvedere sarayına yaxın Enzianna hoteli məsləhət görərdim, həm yerləşdiyi ərazi yaxşıdır, otağı genişdir, səhər yəməyi yaxşıdır, düz qabağında tramvay xətti var, mərkəzə piyada da getmək olar, qiyməti də Vyanaya görə uyğundur. Tarix, mədəniyyət və incəsənətlə maraqlananlar, muzey gəzintisi sevənlər üçün ideal şəhərdir Vyana.1484221494_praha

Praga

Vyanadan Pragaha Regiojet avtobusuyla gediş, yol 4 saat 30 dəqiqə.

Pragaya-Vyanayla Budapeştin qarışığı demək olar bəlkə də, şəhər çox tarixi, eyni zamanda da çirklidir. Ölkənin pul vahidi kroundur, 1 avro 25 çex kroununa bərabərdir. Şəhərdə gəzməli-görməli, mərkəz yer çoxdur. İctimai nəqliyyat burda da rahatdır, 24 saatlıq bilet 4.5 avro civarındadır. Ümumi qiymətlər vyanayla müqayisədə uyğundur, Budapeştlə bir-birinə yaxındır.

Köhnə Qala, Karl Körpüsü, Starometska, Namesti Republik , Rəqs edən bina və bir çox digər yerləri görmək məsləhətdir.

Restoranlar çoxdur, hər qiymətə, hər mətbəxə uyğun tapmaq olar, donuz əti yeməyənlər diqqətli olsunlar, toyuqlu sezar salatından belə donuz əti dilimləri çıxa bilər, pivə həvəskarları üçün əla şəhərdir, həm pivələri dadlıdır, həm də su qiymətinədir.

Yoldakı taksilər çox bahacıldır, yoldakı taksiçinin 15 avroya deyinə-deyinə apardığı yola, Taxifydan sifariş etdiyin taxi 4 avroya aparır, çox rahatdır taxify xidməti burada.
Pragada da Budapeşt kimi kondisioner problemdir, çox yerdə olmaya bilər, hotel rezerv edərkən, dəqiqləşdirin.

Ümid edirəm ki, faydalı oldu.

Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…

Paylaşdı: Refiq Alili

DİGƏR BLOQLAR

Couchsurfingdə asan host tapmaq üçün tövsiyyələr

Keçən yazılardan birində ucuz səyahət etmə haqqında yazmışdım və o yazıda Couchsurfingə toxunmuşdum. Bu dəfə istəyirəm ucuz səyahət təşkil etmək istəyənlərin ən yaxın dostu Couchsurfing haqqında daha detallı məlumat verim. Özüm bir 10 dəfəyə yaxın Couchsurfinglə qonaq qaldığımdan və qonaq qəbul etdiyimdən düşündüm ki, bu vaxta qədər öyrəndiklərimi sizinlə də bölüşüm bəlkə sizin də yardımınıza çatar.Couchsurfing və ya qısa adıyla CS, 2003-cü ildə yardılmış qonaqlama saytı və sosyal şəbəkədir. Saytı yaratmaqda əsas məqsəd səyahət edənləri bir məkana toplamaqdır. Bir şəhəri gəzib-görmənin, kəşf etməyin ən gözəl üsullarından birinin yerli əhali ilə yaşamaq olduğunu nəzərə aldıqda, CS-dən gözəl imkan yaradacaq 2ci bir platforma gəlmir ağlıma. CS-in 2 əsas funksiyası var, qonaqlama-qonaq qalma və görüşmə/bələdçilik. Saytda qeydiyyat ödənişsizdir, sadəcə bir maillə və ya Facebookun köməkliyi ilə qeydiyyatdan keçmək olar.CS əslində bəzi insanlar tərəfindən pulsuz gecələmə yeri kimi görsənsə də əslində bu qətiyyən belə deyil. CS-də adətən eyni ideyaları, dəyərləri, maraqları paylaşan insanlar görüşürlər, bir-birlərini qonaq edirlər. Yəni bu adamlar bizi pulsuz qonaq edirlər, bəs onların bu işdə marağı nədir ki? Sualının cavabı odur ki, sizi qonaqlayan şəxs, sizinlə vaxt keçirmək, müxtəlif ölkələrdən və mədəniyyətdən olan insanlar tanımaq, eyni dəyərləri bölüşmək istəyir ona görə də əgər CSə pulsuz qonaqlama yeri kimi baxırsınızsa, elə bəribaşdan qeydiyyatdan keçməyin və bu yazını da elə burdaca dayandırın :) amma mən bilirəm ki, bizim bloqumuzun oxucuları səyahəti sevən insanlardırlar ona görə də CSdən də qaydalar çərçivəsində istifadə edəcəklər.Səyahətdən xaric oxu 1: Praqa və skelet kilsə Kutna Hora bələdçisiQısa olduğu üçün ilk öncə görüşmə və ya bələdçilik funksiyası haqqında məlumat verim. Bu funksiyadan istifadə etməklə şəhərinizə gələn turistlərə bələdçilik edə və ya getdiyiniz şəhərdə orada yaşayanlardan sizə bələdçilik etməsini xahiş edə bilərsiniz. Bunun üçün şəkildəki kimi sadəcə “Find hosts” seçib axtarış yerinə getdiyiniz şəhərin adını yaza və o şəhərdən olan CS-çilər üçün axtarış edə bilərsiniz.Daha sonra açılan səhifədə “More Filters” seçərək “Wants meet up” seçiminə quş qoyursunuz, daha sonra isə yaş, cins və s. kimi seçimləri edərək yenidən axtarış verirsiniz. Bu dəfə getdiyiniz ölkədə sadəcə turistlərlə görüşmək istəyənlərin profilləri çıxacaqdır. Bəyəndiyiniz, sizə bələdçilik etməsini arzuladığınız profili seçərək 4-5 cümlədən ibarət bir mesaj yazaraq onunla görüşmək istədiyinizi və sizə bələdçilik etməsini xahiş edirsiniz. Sonrası isə məlumdur :)Yox əgər sizin şəhərə gələn turistlərlə görüşüb, şəhərinizi turistlərə göstərib, onları gəzdirmək istəyirsinizsə onda siz “wants to meet up” seçimini edirsiniz və şəhərinizə gələn turistlər axtarış edərək sizə yaza bilərlər.Səyahətdən xaric oxu 2: Addım-addım WizzAirlə bilet almaSaytın digər mən deyərdim ki, əsas funksiyası isə qonaqlama (hosting) və qonaq qalmadır (surfing). Məsələn evinizdə boş bir çarpayı, otaq və ya sadəcə matras/döşək varsa və evinizi, otağınızı bəzən yatağınızı turistlərlə bölüşmək istəyirinizsə CSdə qeydiyyatdan keçib, sizə aid olan bölmələri doldurursunuz və ətraflı məlumat verirsiniz. Bundan sonra turistlər axtarış edəndə siz onlar;n siyahısında çıxacaqsınız və eviniz və özünüz turistin xoşuna gələrsə sizə sorğu göndərəcək ki, filan tarixlərdə sənin şəhərində olacam, məni qonaqlaya bilərsənmi?!Digər tərəfdən səyahətə gedənlər adətən öz profillərində elan verirlər ki, bu tarixlərdə bu şəhərdə olacam. Siz də yuxarıdakı fotodakı kimi, Find travelers seçib şəhərin adını yazıb axtarış etməklə şəhərinizə gələcək  turistlərin siyahısından evinizdə qonaq etmək istədiyiniz turistə səni qonaqlaya bilərəm deyə bir mesaj atıb onun cavabını gözləyə bilərsiz.Qonaq qalma fuksiyasının digər xüsusiyyəti isə qonaq olmaqdır, məsələn siz deyək ki, Milana gedirsiniz və qalmağa yer axtarırsınız CSə girib profil açaraq, məkan hissəsində Milan yazaraq axtarış verirsiniz və çıxan siyahıdan bəyəndiyiniz istifadəçiyə sorğu göndərirsiz ki, bəs filan tarixlərdə Milanda olacam məni evində qonaqlaya bilərsənmi?! Digər tərəfdə (burada də ayrı :D )sizin qalmağınızı ya təsdiq edir, deyir o günlərdə uyğunam ya da profilinizi gözdən keçirib bir bəhanəylə deyir ki, həmin günlərdə boş deyiləm ya elə doğrudan da boş olmur.Səyahətdən xaric oxu 3: Budapeşt - Peşt hissə bələdçisiİndi yəqin ki, fikirləşirsiz ki,tanımadığın adamın evində qalmaq və ya tanımadığın adamı evində qonaq etmək necə olar ki?! Nə qədər təhlükəsizdir bu?! Məhz elə suallara görə də CS vaxt keçdikcə öz sistemini təkmilləşdirir və çalışır ki, istifadəçilərə daha təhlükəsiz bir sistem qursun. Ona görə də saytda feedback bölümünü itifadəyə verib. Turist ev sahibinin evində qalandan sonra onlar 1-1ləri haqqında olan fikirlərini saytda qeyd edirlər və bu feedbacklər hər kəs üçün açıq olur. Ona görə də hər zaman qonaq qalarkən də qonaq edərkən də bu feedbacklərə nəzər yetirin, çalışın azı 4-5 və pozitiv feedbackı olan istifadəçilərin evində qalasınız və ya qonaq edəsiniz.Qonaq qalma üçün sorğu göndərərkən çalışın bu nüanslara diqqət edəsiniz, bu nüanslara diqqət etsəniz yəqin ki, asanlıqla olmasa da sizi evində qonaqlayacaq birini tapacaqsınız:- İlk öncə çalışın profil yaradarkən orada olan bütün bölmələri doldurun, özünüz, maraqlarınız, hobbiniz, niyə CS istifadə etdiyiniz, sevdiyini kitablar, musiqi, filmlər, gəzdiyiniz ölkələr haqqında olan bölmələri doldurun,  çalışın azı 2-3 cümlə yazasınız. Profilinə 4-5 dənədən az olmamaq şərtilə foto yerləşdirin, çünki sizi qonaqlayacaq adam sizin necə göründüyünüzü təxmin etməlidir. Çalışın fotolardan 1-2-si dostlarınızla olan fotolar olsun ki, sizi qonaqlayacaq adam sizin asosyal biri olduğunuzu düşünməsin.Səyahətdən xaric oxu 4: Roma bələdçisi-  Sorğu göndərmək üçün ən ideal vaxt səfər tarixinizdən 10-15 gün öncədir, çünki çox erkən və çox gec olan sorğularda host tapmaq şansınız azalır- heç zaman copy-paste mesajlar göndərməyin, çünki copy-paste mesajlar  qarşı tərəfdən çox asanlıqla anlaşılır və potensial hostunuz başa düşür ki, siz ona sorğu göndərərkən çox da vaxt sərf etməmisiniz. Qonaqlama üçün sorğu göndərmək bir növ motivasiya məktubu yazmaq kimi bir şeydir, hostunuzə mesaj göndərib ona izah edirsiniz ki, niyə hostunuz məhz sizi evində qonaq etməlidir. Çalışın hostun adını mesajda qeyd edəsiniz.- CSdə sorğu göndərənlərin ən çox işlətdiyi yalnışlardan biri odur ki, sorğu göndərən mesajında qeyd edir ki, “mən o qədər sakit olacam ki, heç mənim sənin evində olmağım səni narahat etməyəcək, mənim varlığımı heç hiss etməyəcəksən”. Bu mesajda yalnış olan odur ki, sizi qonaqlayacaq adam sizi qonaqlayıb sizinlə vaxt keçirmək, sizi, ölkənizi və mədəniyyətinizi daha yaxından tanımaq istəyir.- mütləq sorğu göndərərkən hostunuzun profilini əməlli başlı ələk-vələk edin. Hostunuzun nələrdən xoşlandığını, nələri sevmədiyini porfilindən oxuyun. Bəzən hostlar info bölməsində xüsusi sözlər gizlədirlər və deyirlər mesajınızda bu sözü işlətməsəniz avtomatik yox cavabı alacasınız. Bu yazını yaza-yaza elə növbəti səfərim üçün Belçikanın Brügge şəhərində host axtarırdım, hostlardan biri pofilində yazmışdı ki, mesajınıza Nutella sözü ilə başlayın, əks halda rədd cavabı alacaqsınız. Odur ki, sorğu göndərməmişədn əvvəl həm hostunuzun özü, həm də evi haqqında ola infoları mültəq oxuyun- hostunuza gəlib çatacağınız və tərk edəcəyiniz vaxtları verməyə çalışın, hostunuz da insandır onun da özünə görə planları ola bilər :)Səyahətdən xaric oxu 5: Budapeşt - Buda hissəsi- Özünüzlə gedərkən hostunuz üçün getdiyiniz ölkədən kiçik suvenir, lokal bir şirniyyat və ya içki aparın, bu hostunuzda sizin haqqınızda xoş təəssüratlar yaradacaq- fors major hallara hazır olun, ola bilər ki, səfərinizə saatlar qala hostunuz sizi qəbul edə bilməyəcəyini söyləsin, çalışın öncədən buna uyğun bir B planınız olsun. Bundan başqa hər şəhərin özünün CS-də “Last minute Şəhərin adı” adlı qrupları olur, Last minute Paris, last minute Berlin və s. Kimi o qruplara girib hostunuzun son saniyədə sizi qarşılamaqdan boyun qaçırdığını yazıb kiminsə sizi qonaqlayacağına ümid edə bilərsiniz :)Yazını bəyəndinizsə aşağıda olan Facebook düyməsini seçərək blogpostu Facebookda paylaşın, dostlarınız da yazılarımızdan xəbərdar olsunlar. Yox əgər blogun yazılarından ilk xəbər tutmaq istəyirsinizsə sağ tərəf yuxarıda olan “abunə ol” düyməsinə klikləyin. Hələlik bu qədər, növbəti yazılara qədər :)

45 dəfə oxunub

Avropanın ən məşhur gənclik festivalı - Tomorrowland

Tomorrowland FAQ ????Location - Belgium, BoomDates - Twice a year. İyul ayının 3 və 4 həftəsi..Duration - 4 days (1 day for camping and pre-party + 3 full days)Time - 12:00 p.m. till 01:00 a.m.Attendance - 250 000 per weekNiyə məhz Tomorrowland (TML)?Qısa məlumat: Çünki Tomorrow unikaldır və next- level festivaldır, və oraya düşəndə sən elə bil nağıla qatılırsan hər il yeni mövzü və sujet və buna görədə Dünyada #1 EDM genre üzrə musiqi festivalıdır, 15 stage + 1 Main stage və 400-ə yaxın DJ-lər. Hər stage hər musiqi genre üçün nəzərdə tutulub (techno, drum, trance, psy, hardstyle, hardstyle, dubstep, house and etc.). Hər gün festivalda ayrı ayrı genre olan mahnılar hər stagelərdə olur və ya umumiyyətlə cəmi 1 gün olur. Stagelər əsasən Labellər üçün nəzərdə tutulub. Məsələn elə stagelər "Atmosphere, Core ve Freedom, Garden of Madness" kimi burada 3 gün "Techno" amma ayrı labellər (Drumcode, Spectrum, Afterlife) və əlbəttəki Dj-lər olur, Freedom-da ise "Trance, psy" olur, Garden-da - "tek, "melodic" ve s.Camping: Festivadan 2km aralıqda Camping yerləşir, xüsusi bilet olanlar orada öz palatkanı qoyub və 4 gün orada qala bilər (biz elə edirik) festivalın tam atmosferinə qatılmaq üçün. Camping-də bütün şərait var - "Showers", "Beauty Salons", powerbanklar uchun doldurma menteqeleri ve s.Biletlər haqqında ətraflı aşağıda:İndi əsas məsələ qiymətlər və s. aşağıda qeyd olunan qiymətlər oficcial-dir.Festivalda hər tipli biletlər var, qiyməti 100 avrodan - 5000€ və yuxarı məbləğındə olar.Ən ucuz bilet 1 günlük bilet (Daily pass) - 100€ + feeFull Madness 3 günlük - 380€+feeMagnificent Greens 4 gün Camping ile birlikde - 450€ + feeEasy tents - 2 nəfər üçün 1300€ hazır palatkalar və ayrı zona, festivaldan palatkanı özünüzlə apara bilərsiniz.Comfort pass (vip) - 650€ bezi stagelerin yabinda VIP zonalara kechid.Biletləri necə əldə etmək olar?:Hər ilin Fevral ayında World-Wide Sale açılır və 30-40 dəq ərzində bütün biletlər satılır (elə olurki növbədə durursan və sold out olur. Əgər ww-den bilet ala bilməsinizsə siz bileti unoficcial mənbədən qiyməti 700+€ bashlayan Viagogo ve ya TML resmi distribyutoru tur şəklində alırsan (hal hazirda Russia reklam etməmək üçün inboxa) alırsan.Festivalda xərclər: festivalda bütün ödənişlər nağdsız olur yani cash ve ya card ile odemeler yoxdur. Oz valyutalari var "Pearl" adlanir ve sizə poçtla gələn bracelletde chip olur ve paymenti bracellet ile edirsiz. Braccelet-lere pulu yuklemek üçün festival ərazisində xüdudi yerdə edirsiz və ya online.1 pearl ~1.7€Qiymətlər: meal - ən ucuz 7 pearls ( ən azı gündə 3 dəfə çünki festivalda çoxlu yemək lazımdır enerji sərfiyyətinə görə), still water - 2-3p, red bull - 3p ve s. Hesablamanı özünüz 3 günə götürürsünüz. Qeyd etmək istəyirəm ki, festival ərazisində "İçməli-Drinkable" su olur hətta WC-də.Summary :Tml ticket - 700€ (camping olan), campingsiz bəlkə - 550€ tapmaq olarCamping üçün tent və yataq dəsti - 100€ + və yaHotelda qalmaq istəyirsinizsə - 500€ hotel + 30-50€ Taxi per dayFlight - 500€ (Baku - Istanbul - Amsterdam 2 tərəfli) - bizim belimizi qıran elə bahalı uçuşlardı)Gündəlik xərc - 150€ + (özünüzdən asıllı, azda ola bilər)Fors major hallar üçün - 700€ minimum mütləq kartda olmalı (elə olur ki flight təxris olunur və ya nəsə baş verir)Bu minimal xərclərdirBiz adətən festivaldan qabağ Amsterdama gedirik 3 gün orada gəzirik və sonra Belçikaya gedirik. Əlbəttəki buraya əlavə 700 avro tələb olunacaq hotel + gündəlik xərc + qatar iki tərəfli 70 avro.Alternativ və ucuz festivallar: "Ultra Music Festival" və "Untold"a hər zaman bilet ala bilərsiniz, bu festivalların bilet qiyməti heçvaxt qiymətdə qalxmır çünki spros az olur.p.s. bəzilərinə bu festival çox bahalı gələ bilər, amma bu pul ona dəyər. Və əlbəttəki bizim kimi musiqi sevənlər üçündür, heç kim normal bir halda bu qədər pul musiqiyə və ya atmosfera xərcləməz) bu il şəkillər az idi sorry =)Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Khayal Hajiyev

47 dəfə oxunub

Gəzəyən məsləhəti - Aviafobiya haqqında

Son zamanlar burada aviafobiyası olan insanlara rast gəlirəm. Ona görə məncə bu post onlar üçün yararlı olar.Bu sahə üzrə çalışdığım üçün düşündüm ki, aviasiya təhlükəsizliyi baxımından hava nəqliyyatının nə qədər təhlükəsiz bir nəqliyyat növü olduğuna sizi az da olsa inandırım...Psixoloji kriteriyalara əsasən, sərnişinlər özlərini daha çox dəmiryolu nəqliyyatında rahat hiss edirlər. Amma statistika bu rahatlığın nahaq yerə yarandığını göstərir. Dəmiryolunda baş vermiş qəzalar aviasiyadakılardan qat-qat çoxdur. Sadəcə qəzalar kütləvi hal almadığı üçün ciddi bir rezonans doğurmur.Bir təyyarə qəzası bütün dünya KİV-ində əsas xəbərə çevrilir ama qatar qəzaları biraz fərqlidi.Təyyarəyə minən sərnişinin aviaqəzada dünyasını dəyişmə ehtimalı təxminən 1/8 000 000-dir. Bu o deməkdir ki, əgər sərnişin hər gün təsadüfi reyslərlə hərəkət etmək istəsə, ölmək üçün 21 il gözləməlidir.Pilotlar təyyarəni tək idarə edən insanlar deyil. Onlar qədər işin içində daha vacib insanlar var.Hava Nəqliyyatına Nəzarət edən dispetçerlər.Məhz təyyarənin uçduğu marşurutları onlar təyin edir. Pilotu uçduğu müddət ərzində təyyarənin uçacağı xətt üzrə bütün məlumatlarla dispetçerlər təchiz edir. Hər bir xırda detala pilot qədər onlar da cavabdehdir.Pilotlar və dispetçerlər İATA-nın xüsusi treyninqlərində daim iştirak edərək, özünü təkmilləşdirmə kurslarından keçməklə İOSA sertifikatlarına yiyələnirlər. Bunun üçün yüksək bilik və bacarıqlar tələb olunur.1500 uçuş saatı olmayan pilot təyyarə kapitanı kimi çalışa bilməz.Təyyarə havaya qalxmamışdan öncə yerüstü xidmət üzrə işçilər təyyarənin hər bir detalını incəliklə nəzərdən keçirir. Əgər təyyarədə adi bir cızıq varsa pilota bu barədə məlumat verilir və onun ixtiyarı var ki, uçuşdan imtina etsin.Bu o deməkdir ki, bir təyyarənin havaya qalxması böyük bir komanda işidi. Əgər bir şey bir mütəxəssisin gözündən qaçırsa digəri mütləq o problemi görür və problem aradan qaldırılmamış təyyarə havaya qalxmır.2013-ci ildə 215 nəfər, 2014-ci ildə 864, 2015-ci ildə 471 nəfər təyyarə qəzası nəticəsində həyatını itirib, halbuki bu 3 ildə avtoqəzalarda ölənlərin sayı 100000-dən çoxdu.Təyyarənin havaya qalxması zamanı salondakı səs 105 desibelə çatır, amma təyyarə yüksəkliyə qalxandan sonra bu göstərici 85 desibelə düşür. Bəzən insanlar məhz bu səsdən vahiməyə düşürlər. Əgər sizi bu səs narahat edirsə hava yuxarı qalxana kimi sevdiyiniz musiqiyə qulaqcıqla qulaq asın. Təyyarə müəyyən hündürlüyə qalxandan sonra o səsi elə də ciddi hiss etməyəcəksiz.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Rajab Zade

41 dəfə oxunub

Şengen ölkələrinə viza alarkən nələrə diqqət etməli

Əziz dostlar ????,✏ Eynitipli sualların çoxsaylı sorğusu nəticəsində mühüm bir məsələyə toxunmaq istəyirəm ✈(Mövzu Şenqen ölkələrinə şamil olunur????)#asansəfirlik #viza- Hansı ölkə asan viza verir ?- Hansı səfirlikdən viza almağı məsləhət görürsüz ?- A ölkəsindən viza alıb, orda qalmayıb B ölkəsinə gedə bilərəm mi ?- İlk girişi başqa ölkədən etsəm problem olar mı?Əvvəla hansı ölkəyə (və ya bir neçə ölkə) getməyi və ya harda daha çox qalmağı planlaşdırırsızsa, həmin ölkənin səfirliyindən viza almalısız. Vizanın giriş çıxışını tam dəqiq və aydın şəkildə qeyd edirsiz. Məsələn, Çexiyaya vəya Danimarkaya getmək istəyirsiz, siz giriş kimi Budapeşt və ya İtaliyanı göstərə bilərsiz lakin o ölkədə viza aldığınız ölkədə çox qalmamaq şərtilə. Ancaq məqsədə uyğun olardı ki, girişi viza aldığınız ölkədən edəsiz (çıxışı başqa ölkədən etsəz də olar).Digər mühüm məsələ isə çalışın səfirliyə turist olduğunuzu sübut edin. Normal qaydada sənədlərinizi hazırlayın. İlk növbədə, marşrutunuzu dəqiqləşdirin, məsələn, siz Macarıstan səfirliyindən viza almısız və Budapeştə (və ya hər hansı bir şəhərində) gedib orada 4 gün qalmağı planlayırsız, ordan isə hər hansı bir ölkəyə keçə bilərsiz (Macarıstandakı gün sayından az olmaq şərtilə və şenqen sazişinə daxil olan istənilən ölkəyə). Lakin bəzi dostlar bunu bildirmək istəmir. Niyə? Nəyə görə? Burda qorxulu heç nə yoxdu inanın mənə. Mən tərəfdarıyam ki, səfirliyə qarşı hər zaman dürüst olun. 5-6 ədəd A4 verməyin, əgər bir neçə ölkəyə səfər edirsizsə. Onlar sevir ki, detallı informasiya verəsiz onlara. Fikrimcə çətin və ya kaprizni səfirlik yoxdur, onları qane etməyən turistik namizəd vardır deyə düşünürəm. Bəlkə də yanılıram amma şəxsi təcrübəmdən nəticə çıxarıram hələki. Yəni bir ölkə niyə turistin önünü kəsib ölkə büdcəsinə zərər vursun.Getdiyiniz ölkədə qalacağınız yerin Hotel və ya hostel olması fərq etməz, əsas odur sənədli-sübutlu olsun. Booking.com, Hostelsworld.com kimi saytlar etibarlıdır.Bank hesabı məsələsinə gəldikdə isə, əvvəla onu deyimki aldığınız maaşa uyğun bir rəqəm göstərməyiniz daha məqbuldur və arzuolunandır. Yəni şərt deyil, 700 AZN maaş alıbda 1 həftə üçün 3000 AZN göstərəsiz, 1000-1500 AZN (ölkədən asılı olaraq) göstərsəz kifayətdir.- Əgər siz otel/hostel, avtobus/qatar biletlərini, təyyarə biletlərini ödəniş etmisizsə, bank hesabında qalacağınız gün sayına görə 40-80 euro/1 gün vəsait yerləşdirməlisiz, yox əgər bunları almamısız bron etmisizsə, o zaman həmin xərcləridə günlük xərcinizin üzərinə əlavə etməlisiz.Məsələn,70-80 euro / 1 gün Skandinaviya, Qərbi və mərkəzi avropa ölkələri - Fransa, Belçika, Hollandiya, Ispaniya, Avstriya, İsveçrə və s.40-60 euro / 1 gün daha çox Şərqi Avropa və Baltikyanı ölkələr - Macarıstan, Polşa, Çexiya və s. üçün keçərlidir.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Royal Planck

52 dəfə oxunub
YENİLİKLƏRƏ ABUNƏ OLUN