1013 dəfə oxunub

Bir Gəzəyənin Türkiyə günlüyü - Datça, Pokut, Sal

Datça

Datçadakı otel və hostelləri bu linkdən book (bron) edə bilərsiz.

Egenin ən gözəllərindən Datçaya necə getmək, 1 gündə nə etmək, dənizə harada girmək olar?
- Datçaya ən yaxın havalimanı Dalaman havalimanıdı. Havalimanı-Datça arası 2,5-3 saata yaxın sürür.
- Datçaya girmədən yolunuzun üstündə Kızlan kəndi var, köhnə dəyirmanlarıyla məşhurdu, istəsəz baş çekin, yola çox yaxındı. (Mən keçən il getmişdim, bu dəfə getmədim)

- Datça girişində Olive Farm var, mütləq gedin. Zeytun bağının içində gözəl bir çiftlikdi bura. Yeməklik yağdan güneş yağına, kremdən sirkəyə, qab-qacaqdan şampuna-sabuna qədər zeytun ve badamdan istehsal edilən məhsulların satıldığı mağazanı gəzin, kafesində portağal suyu için. Satılan məhsulların qiyməti bahadı, amma keyfiyyəti əladı.

- Olive Farmı gördükdən sonra ana yola çıxıb 1 kilometr davam etdikdən sonra sağa Eski Datçaya yol dönür. Datçanın ən şirin yeridi bura. Mütləq gəzin, görün. Agapi Kafenin musiqilərinin müşayiətiylə arxa bağçada bir şeylər için, qalxmaq istəməyəcəksiniz. Bütün Egede gördüyüm ən gözəl musiqi seçimi olan yerdi. Can Yücel sokağında şəkil çekdirməyəni ve buzlu badəm yeməyəni döyürler????

1
- Eski Datçanı gördükdən sonra yeni Datça sahilə enin, Sevgi Yolunda yürüyün, Yoldan mavi bayraqlı Hastanealtı çimərliyine enin, bəyənməsəz Kumluk, onu da bəyənməsəz Taşlık çimərliyinə gedin.

SONY DSC
- Sonra Datçadan Mesudiyəyə doğru yola çıxın. 25 dəqiqə sonra Mesudiyənin möhtəşəm Palamutbükü koyundasınız. Nostalgia Kafedə bölgənin ən ləzzətli Kabak çiçəyi dolmasını yeyin, özünüzü dənizə atın:) Palamutbükündən geri dönərkən Ovabükü ve Hayıtbükü koylarına da girə bilərsiz - Palamutbükünə görə daha kiçik, daha səssiz, amma suyu eyni dərəcədə gözəl koylardı. Ya da dənizdən bezdik deyirsizsə Palamutbükünün üstündən yarımadanın ucuna doğru gedib Knidos antik şəhərini görə bilərsiz.

- Datça gezisini bitirib geri döndüyünüz zaman qəsəbənin çıxışındakı Datça Vineyard-a mütləq baş çəkin. Əla şərablar, möhtəşəm ambiyans ve üzüm bağları sizi gözləyir. Şərabın istər dadına baxın, istər bəyəndiyinizi alın.

- Datçaya bir gedən bir də gedir, unutmayın :)

Pokut-Sal-Hazindağ

Çamlıhemşindəki otel və hostelləri bu linkdən book (bron) edə bilərsiz.

Qara dənizlə bağlı burada bir post paylaşdım, hələ də az qala her gün inboxda kimsə nəsə soruşur. Ona görə dedim, izninizlə, ayrı-ayrı bölgələrlə bağlı ayrı-ayrı postlar halında detallı məlumatlar yazım ki, daha aydın olsun:)
Qara dənizə ilk dəfə yolu düşənlərə tövsiyəm Pokut-Sal-Hazindağ marşrutudur. Bu marşrutu 3 günə gəzə bilərsiz.

- Avtobusla Bakıdan ve ya Tiflisdən (Batumdan) gedəcəklər Rizə Ardeşende və ya Pazarda düşür, Çamlıhemşin dolmuşuna minir. Hər saat başı dolmuş var - 7 lira.
Taksiylə getmək istəsəz Ardeşendən Çamlıhemşine 60 lirədi.
İşin çətin hissəsi bundan sonradı.

qradeniz4

- Çamlıhemşindən Pokut yaylasına getmək üçün ən lüks variant 4х4 maşın kirayələməkdi. Mən 4x2 ilə də getdim, gedilə bilər yəni, amma ilk gedənlərin çox diqqətli olması lazımdı:)
İkinci variant taksidi - taksilər Çamlıhemşinden 200 liraya aparır. Üçüncü variant gündəlik turların biriylə danışmaqdı - yer varsa, sizi de 50 lireyə aparırlar minibüslər. Dördüncü variant avtostopdu. Beşinci və ən çətin variant ayaqla getməkdi - Çamlıhemşin-Pokut arası 17 km ve bunun 12 km-i dik virajlı yollardı. Ən az 13-14 saat yürümək lazımdı.

- Bu variantların hər hansı biriylə özünüzü Pokuta atdınızmı, bütün çətinliklər və hesablar yaddan çıxacaq:) Cənnətdəsiz artıq. Pokutda 6 pansiyon var. Qiymətlər adambaşı 200-230 lire arasında dəyişir. Bütün pansiyonlar sabah və axşam yemək verir. Ən gözəl mənzərəsi olan Pokut Doğa Konuk evi ilə Eynetap Pansiyondu. Ən gözəl yeməklər isə Platoda Mola və Pokut Yayla Evindədi.
Pansiyonlar yayla evləridi - hər şeyləri tərtəmizdi, amma aşırı lüks gözləməyin, 2000 metr yüksəklikdəsiniz. Meselen, hamamlar ortaqdı - hər otaqda hamam yoxdu, xəbəriniz olsun.
Pokutda günorta acınca pulla yemək yeyə biləcəyiniz iki yer var - Patika Kafe və Pokut Doğa Konuk Evi.

- Pokutda aşağıda çadır qurmağa icazə yoxdu, amma yaylanın üstündəki təpədə çadır qura bilərsiz.

- İstəsəniz Pokuta 15 dəqiqəlik məsafədə olan Sal yaylasında da qala bilərsiz. Salda çadır qadağandı, amma pansiyonlar var. Tövsiyəm Pilunç Pansiyon. Qalmasanız belə Pilunç Çay Evinin sütlacını mütləq yeməlisiz.

- Pokutda ən gözəl yürüyüş vaxtı sabah tezdəndi. Saat 5-də qalxıb təpəyə çıxınca 360 dərəcəlik panorama başınızı döndürəcək. Sal yaylasına, Eynetap düzünə, bir də patikadan çıxacağınız bir düzlük var - oraya yürüyüb çiçək toplayıb gələ bilərsiz:) Gec qalsanız duman gələcək böyük ehtimalla, amma narahat olmayın dumanla günəş saniyələrlə yer dəyişdirir.

- Bölgənin ən gözəl günbatımı mənzərələrindən biri Sal yaylasının üstündədi. Axşam oraya çıxa bilərsiz. Avqustun ortalarından sonra günbatımını çox aramayın, çox nadir olur.

- Pokut ve Salda 2 gün qalmaq bütün bunları görmənizə yetər, 3-cü gün Hazindağa gedin. Pokutdan Hazindağa çox gözəl bir meşə yoluyla 2,5-3 saata gedə bilərsiz. Qara dənizin ən gözəl yollarından biridi. Mütləq gedin:) Hazindağda bir pansiyon var hələlik. Yürmək istəməsəniz o pansiyonun sahibi həm də Pokutdakı Doğa Konukevinin sahibidi, deyərsiz, transferi həll eləyər (pulla tebii:))

- Hazindağdan sonra vaxtınız qalsa bir gün də qalıb Amlakit və Samistal yaylalarına yürüyə bilərsiz. Sonra ya Pokuta geri dönüb oradan, ya da Hazindağdan Palovitə keçərək qayıda bilərsiz.

- Pokutdan aşağı enincə bir gün də keçirmək istəsəniz və teleferikdən qorxmasanız mütləq Çulina mahallesinə keçin. İnternetdən və ya orada birindən soruşa bilərsiz - Kendini Koruyan Mahalle haradı deyə. Qala da bilərsiz, teleferiklə gedib çay-pive içib qayıda da bilərsiz. Teleferik adambaşı 30 tl, orada qalası olsanız adambaşı 200 lira (sabah ve axşam yemeyi daxil). Gedəndə salamımı söyləyin:)

Çulinadan enincə Çinçiva kəndində dayanıb tarixi körpüdə şəkil çəkdirə bilərsiz, ən gözəl üçüncü nəsil kahvecisi Zua’da kahve içib tatlı (dağ çilekli muhallebi istəyin) yeyə bilərsiz, Cugal Kafedə qara lahana sarması və muhlama yeyə bilersiz, Peri Dükkandan hədiyyəlik ala bilərsiz.

- Sonrasını sonra yazaram:)

Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…

Paylaşdı: Könül Şamilkızı Nesibova

DİGƏR BLOQLAR

Flamenkonun vətəni - Sevilya bələdçisi

Tekst uzun olacaq, sorry :)⌚Səfərin vaxtı - noyabr 2019???????? #visitseville Sevilla İspaniyanın ən ehtiraslı regionun - Andalusiyanın paytaxtıdır. Karmen, Don Juan, Fiqaro, flamenko və korrida məhz bu şəhərdən dünyaya göz açıblar. 500 il ərzində müslim mavr şəhəri olub, buna görə də həm arxitekturasında, həm incəsənətində (xüsusən keramikada) Şərqin və Qərbin üslublarının miks stili ilə tanınır (mudejar style = moorish (mavritan) + european art deco). Əfsanəyə görə, Sevilla Gerkules tərəfindən qurulmuşdur və Kolumb öz Amerikaya səyahəti üçün burada icazə alıb və ona ğörə də onun qızılla bəzədilmiş qəbri burada quraşdırılıb.️✈ Buraya çatmaq üçün ən asan, rahat və ucuz yolu Vueling low-cost aviaşirkətinin Barcelona-dan reysini istifadə etməkdir (gündə bir neçə dəfə uçur, qiyməti 10€ -dan başlanır), aeroportdan isə hər 15 dəqiqə mərkəzə ????avtobus çıxır və bütün əsas nöqtələrdə saxlayır, bir tərəfli qiyməti 4€, iki tərəfli isə 6€. Mərkəzi Cathedrala-a kimi yol təxminən 30 dəqiqədir.????Mənim şəxsi Sevilla-da #mustsee siyahım:1.???? Mavritan sarayı Real Alcazar de Sevilla (ispan kralının yay rezidensiyası), mütləq əvvəlcədən online bilet alın www.realalcazarsevilla.sacatuentrada.es/en saytında, yoxsa növbədə 2-3 saat da gözləyə bilərsiniz. Hər bazar ertəsi giriş cəmi 1 avrodur (başqa günlərdə 12€), amma bu ancaq online bileti ilə keçərlidir, ən azı 2 həftə qabaq alın, çünki kassada birinci günlərə biletlər satılmır. Saray özü çox fotoqenik və möhtəşəm bir yerdir, buranın şərq hamamları, tovuz quşlu bağları, terrasaları, tavanları, palmaları hələ ki yadımdadır... Game of Thrones həvəskarları üçün - burada Dorn-a aid epizodları çəkirdilər. Şəxsən, Granadaki Alhambradan qat qat çox xoşuma gəlib, çünki rəngarəng, canlı, gül-çiçəkli bir yerdir. Biz audioqid göturmüşük amma qulaq asmadıq, tez keçmək istəsək də, yenə də 2,5 saat gəzmişik.2.⛪Seville Cathedral (15-ci əsr) və La Giralda (12-ci əsr) (bell tower, Məscidin Minarəsi kimi tikilmişdir, Cathedraldan da məşhurdur) – yenə də birinci günlər pulsuzdur, biletləri online almaq məsləhətlidir, Cathedral çox genişdir, bonus kimi bağında portağal ağacları ilə şəkil çəkdirə bilərsiniz. Orqana, Kolumbun qəbrinə, Goya və Velaskesin rəsm əsərlərinə baxmaq yadınızdan çıxmasın. Həm də oranın xaçı həmin Kolumb Amerikadan gətirdiyi qızılından düzəldiblər.Bundan sonra dərhal Giralda qalasına qalxın! 35 mərtəbəlidir amma yaxşısı odur ki, heç bir pilləkanı yoxdur, çünki oraya həmişə atnan qalxırdılar, piyada yox. Pəncərələrdən və zirvədən mənzərələr superdir, qalxmağa dəyər.Bu qala şəhərin ən məşhur binasıdır, bütün şəkillərinizdə background-da o görsənməlidir, aşağıya düşəndə fayton götürə bilərsiniz özünüzü kral kimi hiss eləmək üçün.3.????Ispaniya meydanı Plaza de Espana – ənənəvi ispan üslubunda 1914 və 1928-ci illərin arasında Dünya yarmarka üçün tikilmiş gözəl və super böyük bir meydandır. Burada alfavit qaydasında bütün İspaniyanın regionların və böyük şəhərlərin adları var və hər bir yerə aid keramikadan düzəldilmiş simvolika və ya tanınmış hadisə göstərilir. Meydanda kanal və şirin körpülər var. Star Wars-un Amidalanın planeti burada çəkilmişdir, səhər gedin ki, maksimum boş olsun, şəkillər gəşəng alınsın. Giriş pulsuzdur. Çox fotoqenik İnstagrammable yerdir. Arxasında gözəl Mariya Luiza parkı var, hava yaxşı olanda, orada dincəlmək olar.4.????Triana məhəlləsi, burada street flamenko əmələ gəlib və bugünə kimi flamenkonun səsi hər axşam oranın küçələrində səslənir. Oraya çatsaz, mütləq Keramika muzeyinə də dəyin (ya da heç olmasa onun yanındaki mağazasına). Üstəgəl Trianada şəxsən mənim çox xoşuma gələn İnkvizisiya Muzeyi - Castillo de San Jorge var, 300 il ərzində ən qorxulu yer olub şəhərdə, indi isə müxtəlif interaktiv installyasiyaları sınayıb özünüzü inkvizisiyanın qurbanı rolunda hiss eləyə bilərsiniz. Giriş pulsuzdur.5. Əlavə foto spotlar - Pilatın Evi Casa de Pilatos – 15-ci əsr, çox gözəl mavritan arxitektura və interyer, amma biz oraya getmədik, skip elədik. +????Torro del Oro (Qızıl Qala) düz Guadalquivir çayın sahilində. Və bunlardan əlavə bu çayın sahillərinin və körpülərinin mənzərələri.6. ????Modern arxitektura fanatlarına isə Metropol Parasol, ya da sadəcə Sevilla Göbələklərinə :) baxmaq lazımdır. Orada həm də Seville Past View 3D attraksion var, şəhərin keçmişinə qayıtmaq üçün ən ləzzətli interaktiv bir filmdir.7. ????Qışda getmirsizsə çalışın korridaya bilet alın (təxminən 1 bilet 100 avrodur amma) Plaza de Toros Arenasında, doğurdan da bir dəfə baxmağa dəyər, həmin arenadan üzbəüzdə Karmenın heykəli quraşdırılıb və...8. ???? ...Elə düz çayın sahilində təzəlikcə restavrasiyadan çıxmış glamur və zövqlü Mercado Lonja del Barranco adlı qastronomiya bazarı (gastromarket) Sizi gözləyir. Orada Sizin qabağınızda bişirilən müxtəlif ölkələrin və ənənəvi İspan yeməklərini alıb, elə orada da rahat oturub yeyə bilərsiniz. Bazar kimi heç görsənmir, elə bil ki, məşhur restorana gəlmişsiz. Mən vuruldum.9. ????Flamenko!!! İndi ona çatmışamsa o demək deyil ki, vacib deyil. Bəlkə də 1-ci yerdə olmalıdır. Sevillada mütləq Karmen mövzülu flamenkoya getmək lazım, onlar elə ehtirasla rəqs edirlər ki, elə bil doğurdan da sevişirlər. Triananın tarixi bazrında miniteatrını çox tərifləyirlər, www.groupon.es endirimli biletləri tapmaq üçün Sizə kömək edəcək.10. ????Yemək‼ Sevillada tapas - tək qəlyanaltı və kanape yox, həm də menyunun hər yeməyinin mini porsiya sayılır. Bir insan maksimum 3 ədədi yeyə bilər (biri 3-4 avro olur), mənim kimi hər yeməyin dadına baxmaq istəyən görməmişlər üçün nəzərdə tutulub. Cathedralın yanında Tripadvisor-a inanıb El Librero Tapas restoranına getdik və xoşbəxt çıxdıq (business lunch - Menu del Dia 13 avro, uşaqlar üçün ayrı menyu, dizayn, personal, abu-havası - hər şey super idi)! Məsləhətlidir.????Harada qalmaq – Booking və Agoda-ya tez-tez baxın, elə mini-hotel axtarın ki, Giraldadan maksimum 300 m. uzaq olsun, rooftop terrace olsun və foyenin dizaynı mavritaniya stilində olsun. Onlar çoxdur deyə, rahat 60-70 avroya belə bir yer tapa bilərsiniz. Mən nə qədər büdcəli səyahətçi olsam da, Sevillada tövsiyyə edirəm ki, location-da qənaət etməyəsiz. Büdcəniz bir az artıqdırsa, ən trendli otel indi Melia Sevilla sayılır (hovuzdan mənzərələr inanılmazdır).Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Lala Gasimova

2059 dəfə oxunub

Meksika - Yucatan bələdçisi

Meridadakı otel, apartament və hostelləri bu linkdən book (bron) edə bilərsiz.Salam Gəzəyənlər yaxın əyləşin sizə Meksikadan maraqlı məlumatlarım var ???????????? Meksika həqiqətən də gözəl bir ölkədi. Hər ştatında fərqli bir yaşam tərzi, adət-ənənəsi var. Hər zaman bu yaşam tərzləri, adət ənənələri ilə yaxından tanış olmaq arzusunda olmuşam və bu dəfə isə Meksikanın cənub şərqində yerləşən Yucatan ştatına yollandım. Getməmişdən öncə ştat haqqında azca məlumat topladım və həqiqətən də çox inanılmaz bir tarixə sahib imiş. Bu ştat Mayalıların məskəni olub və tarix adət-ənənə ştatın hər bir şəhərində hələdə yaşadılır. İspan dilindən əlavə olaraq ştatın 30%-i Maya dilində danışır.ℹ Maya tarixinin bu qədər möhtəşəm olmağı adamı lap heyran edir. Bəs Mayalılar kim olub axı. Hər nə qədər Maya sivilizasiyası işğal edilərək məhv edilsə də bu gün belə Meksika və Qvatamelada Maya dili və mədəniyyəti yaşamaqdadır. Bu gün çox sayda Maya insanı həyatda olsa da, Mayalıların idarə etdiyi son dövlət 1697’ci ildə İspaniyanın idarəetməsinə keçmişdi. Mayalılar qədim sivilizasiyalar içərisində ən inkişaf etmiş yazı sisteminə sahib olan sivilizasiya idi. Təəssüflər olsun ki, İspaniya işğalı zamanı bu yazıların bir çoxu məhv edilmişdir. Mayanın necə məhv edilməsi haqqında heç bir məlumat yoxdur. İspaniyalıların gəlişindən uzun zaman öncə böyük Maya şəhərləri dağıdılmış və tərk edilmiş vəziyyətdəydi. İrəli sürülən nəzəriyyələr arasında ən məntiqli olanı quraqlıq, qıtlıq və iqlim dəyişiklikləri səbəbindən yox olmalarıdır.???? Merida Meksikanın Yucatan ştatının paytaxtı olub tarixi 1540-cı illərə qədər uzanan bir şəhərdir. Merida adı şəhərə İspanya Krallığı tərəfindən verilib. Şəhərin çoxluğu Mayalıların dilini və adət-ənənələrini yaşadır olması çox xoşdur. Şəhərdə bir çox küçə, restoran adları ispan dilindən əlavə olaraq Mayan dilində yazılıb. Hətda bir çox insanın adı belə Mayan adıdır.✈️ Mən Meksikanın Monterrey şəhərində yaşadığım üçün Meridaya Monterrey şəhərindən Vivaaerobús ilə 77 manata bir gedişli təyyarə bileti alıb yollandım Merida şəhərinə. Təyyarə ilə 1 saat yarımlıq yoldu. Siz bu şəhərə gəlmək istəsəz avropadan Meksika şəhərinə uçub ordan gələ bilərsiniz. Ya da İstanbuldan Meksika şəhərinə ordanda Meridaya, bu yolla gələ bilərsiniz.???????? Meridada nəqliyyatdan istifadə haqqında məlumat verim sizə. Avtobusdan istifadə edə bilərsiniz, amma sizə çox çətin olacaq. Burda avtobuslar biraz qarışıqdı. Amma şəhər hər addım başı Uberdi, qiyməti də çox münasib. 3 manatdan 8 manata kimi qiymətlərdi şəhər daxili. Hava limanından şəhər mərkəzinə hardasa 10km məsafə var. Çox rahatlıqla Uber ilə gələ bilərsiniz. Qiymət 9-10 manat olacaq. ???? Şəhər xaricində maraqlı yerləri gedib görmək üçün Renta cardan 2 günlük 70 manata maşın kiraladıq. Sizə məsləhət görürəm ki, şəhər ətrafını da gəzəsiniz.???? Bəs harda qalmaq olar. Qaldığım yer həyət evi idi. Airbnb dən 14 günlük kirayə götürmüşdüm. Bu şəhəri və ətrafını gəzməyə toplam 5 gün bəs edir əslində ama mən buranı daha da yaxından tanımaq üçün biraz uzun qalmağı düşündüm və burda 14 gün qaldım, Evə 300 manat ödədik. Ev mənim xoşuma gəldi, sadə və balaca bir evdir. Yaxınlğında ucuz restoranlar var, yeməklərinin dadları çox superdir. Evdə isə internet və kondisoner əla vəziyyətdə işləyir. ???? Mənə maraqlı gələn qonşuların hamısının it saxlaması oldu. Elə bil it zooparkıdı, hər həyətdə fərqli cinsdə itlər görə bilərsiz.????Meksikada Pul vahidi Meksikan Pesosudur. 1 Peso = 0.08 qəpik. Ölkəyə dollar və ya avro gətirə bilərsiniz. 1 Dollar = 19 Mxn, 1 Avro = 21 Mxn. Pulunuzu rahatlıqla banklarda dəyişə bilərsiniz. Meksikada Visa, Mastercard keçir.????????Səyahət zamanı paltar yumaq da bir dərdir lap, amma buna bir çıxış yolu tapdım. Paltar yumaq üçün xüsusi yer var, Burbuclean orda paltarları yuduzdura bilərsiniz. Buna görə 7 manat ödədim.???????? Gəziləcək yerlər çoxdu, gəzib də heyran qalır insan bu gözəl tarixi yerlərə. Şəhəri gəzməyə 3 gün bəs edər sizə, 2 gün isə şəhər ətrafına ayırın. İlk öncə sizə Meridada gəziləcək yerlərdən danışım. Merida turistlik bir şəhərdi və buna görə də çox təhlükəsizdir. Şəhərdə gəzərkən heç narahat olmayın????????Əgər Maya tarixi və mədəniyyəti haqqında daha yaxından maraqlanıb öyrənmək istəsəniz şəhərdə yerləşən "Mayan World Museum of Mérida" ora baş çəkə bilərsiniz. Giriş biletinin qiyməti 9 manatdır.????‍♂️Şəhər içi gəzib görə biləcəyiniz digər yerlər. Paseo de Montejo, Plaza Grande, Merida Cathedral, Museo Casa Montejo, Casa Museo Montes Molina, Governor’s Palace, Monumento a la Patria, Merida Tourism Office, Parque de Santiago, Parque de Santa Ana.???????? Şəkillərin altında maraqlı məlumatlar yazmışam.????2012 də dünyanın sonu gəlir deyə başımızı aldatdılar və bunun Mayan təqviminə görə dediklərini bilirdiz ???????? İlk dəfə kakao ağacı Meksikanın Yucatan ştatında aşkar olub. İndi çox sevdiyimiz şkaladın məskəni Meksikadır.????????Restoran və yeməklərHər hansı bir restorana getdinizsə mütləq sifarişinizin 10% ini tips saxlamalısınız. Burda qayda ilə belədir, saxlamasaz hörmətsizlik olar.???? Yucatan ştatının yeməklərinə həqiqətəndə söz ola bilməz. Burda dəniz yeməkləri çox məhşurdu ama mənim aram olmadığı üçün sizlərə dəniz məhsulu olan restoranları məsləhət görə bilməyəcəm. Sizə getdiyim restoran adları və xərclədiyim məbləğ haqqında yazım.Restoranlar ????Que Rikas 6 AznLos Platos De Frida 10 AznVips 8 AznEl taurino 5 AznCafe montejo 9 AznAlabama mamma 6AznMi viejo molino 10 AznLos trompos, 6 AznLa casa de los abuelos 7 AznLa Reina İtzalana 6.50 AznYemək sifariş verərkən diqqətli olun. Yeməklərin bir çoxunun tərkibində donuz əti var❗️Dadlı yeməklər.Carne a la motuleña, Pok Chuk, Papa de trompo, Salbutes və Pambazos, Sopa de lima, sopes, Quesadilla.????Mütləq dadına baxılmalı soyuq içkilər – Horchata, Jamaica, Pina, Tamarinda, Guayaba, ☕Burda kofe içməyə çox üstünlük verirlər. Çay falan axtarmayın buralarda.Oxuduğunuz üçün hamınıza təşəkkür edirəm. Hal hazırda Meksikanı səyahətim davam edir.YouTube kanalıma baş çəkmək istəsəniz buyurun ????https://www.youtube.com/channel/UCco9GU4wMX2VKN5P7Dc8xrAƏgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Seyid Hüseyn

756 dəfə oxunub

A-dan Z-yə Tanzaniya (Part 1)

Tanzaniya-A to Z Mart ayındakı yarım aylıq tətili dəyərləndirmək üçün xeyli araşdırma apardıqdan sonra Zənzibar adası, Klimancaro zirvəsi, Serengeti, Manyara, Nqoronqoro milli parkları, Viktoriya, Tanqanika, Nyasa gölləri, masailərin svahililərin, bantuların vətəni Tanzaniyanı seçdik. Səyahət gözlədiyimizdən dəfələrlə maraqlı keçdi, bu statusda sadəcə səfərin qısa məzmunu göstərilib. VizaTanzaniya Azərbaycan vətəndaşları üçün əvvəlcədən viza alınmasını tələb edir. Viza elektron qaydada alınır, rüsumu 50 ABŞ dollarıdır və minimum 1 aylıq verilir. Tanzaniyaya səyahət edən bütün sərnişinlər xüsusi “Giriş Anketini” doldurmalıdırlar və qeydiyyat zamanı təqdim etməlidirlər. Aviabilet.Bakıdan Tanzaniyaya hazırda üç aviaşirkətlə səyahət mümkündür. flydubai, Turkish Airlines və Qatar Airways. Bir nəfərin ikitərəfli bileti təxminən 900-1000 ABŞ dolları civarındadır. Biz daha rahat olması üçün Qatar Airways-i seçdik.Bakı-Doha üç saat, Doha-Zənzibar altı saat. Hotel-Hostel. Tanzaniyada mütləq şəkildə 3,4 və ya 5* hotelləri seçin. Hostel və evdə qalmağı ağlınızdan keçirməyin. Bura Avropa deyil.Booking.com həqiqətən ən etibarlı tərəfdaşdır. Heç bir problem yaşanmadı. Mobil nömrə.Ən yaxşısı rominq etməkdir. Burada xaricilər üçün nömrə almaq çox qəlizdir və vaxt aparan prosesdir. Ən az iki gün vaxt lazımdır. Özümüzlə mütləq götürməliyik.1. Krem. Əgər günəşdə yanıb, qap-qara olmaq istəmirsinizsə mütləq.2. Power bank. Çoxlu çəkiliş edəcəksinizsə mütləq. Nəzərə alın ki, səyahətin əsas hissəsi təbiətin qoynunda keçəcək.3. ABŞ dolları. Mümkündürsə ancaq 100 dollarlar aparın. Banklar 50, 20, 10 dolları dəyişmirlər. Eyni zamanda yaşı 10-dan az olan valyuta aparın. Köhnə dollarlar ölkədə tanınmır.4. Baş örtüsü və eynək. Çox köməyi olur, öyrəşmədiyimiz iqlim şəraiti adamı yormaması üçün vacibdir.Yemək. Yemək və içki çeşidləri olduqca boldur. Yeməkləri həm çox qidalı, həm də dadlı idi. Xüsusilə dəniz məhsulları, meyvələri, tərəvəzləri və təbii şirələri çox dadlı idi.Veqan və vegeterianlar üçün demək olar ki, cənnət idi. Bizdə olmayan müxtəlif, çox dadlı tərəvəzlər var. Dəniz məhsulları isə o qədər dadlı olur ki, sözlə ifadə etmək çətindir. Toyuq və qırmızı əti isə bişirə bilmirlər. Ət yeməkləri bərk olur, tam bişirmirlər. Həm dəniz məhsullarınını, həm toyuq ətini, həm də mal ətini bizə yad olan bol ədviyyatlı edirlər. Əvvəlcədən xəbərdarlıq etmək lazımdır ki, ədviyyat vurmasınlar. Şirniyyat anlayışları isə yox səviyyəsindədir. Valyuta.Ölkədə Tanzaniya şillinqi (TZS) istifadə edilir, ancaq ABŞ dolları hər yerdə işləyir. Siz bir şey alanda dollarla ödəniş edin, qalığı şillinqlə qaytaracaqlar, ancaq özlərinə sərf edən şəkildə, 1 ABŞdolları 2340 şillinqə bərabərdir. Turistlər.Ölkədə turistlərin 90 faizi avropalılardır. Az sayda türklər və asiyalılara da rast gəlinir. Danşıq dili, əhali.Ölkədə ingilis dilini demək olar ki, hamı bilir. Nursery school svahili dilindədir. Secondary və primary school-a davam etmək istəyənlər isə ingilis dilində təhsil alırlar. Zənzibarda əhalinin böyük əksəriyyəti müsəlmandır, az sayda Hinduizmə inananlar da var. Materik hissədə yəni Tanqanikada isə müsəlmanlar azdır, xristianlar və yerli dinlərə inananlar çoxluq təşkil edir. Hədiyyə.Ən yaxşı hədiyyələr: Tanzaniya qəhvəsi, maqnetlər, müxtəlif çaylar (daha doğrusu çaya əlavələr), ədviyyatlar, masailərə aid maskalar, qiymətli daşlar-xüsusilə tanzanoid daşı (gömrükdə tanış yoxdursa almayın), tropik meyvələr. Fil dişi, gərgədan buynuzu gətirməyə çalışmayın, qadağandır. Təmizlik, xidmət, keyfiyyət.Qalacağınız hotellərdə təmizlik, keyfiyyət və xidmət heç yerdə görmədiyiniz qədər üst səviyyədə olacaq. Özünüzü kral kimi hiss edəcəksiniz. Təəssüf ki, ağ insana qulluq etmək instikti artıq şərqi afrikalıların genlərində yerləşib. Maska, pandemiya, virus.Tanzaniyada koronavirusa inanmırlar, qadağalar ümumiyyətlə yoxdur. Səyahətimizə Zənzibar adasının ən gözəl çimərlikləri olan hissəsindən Nunqvi və Kendvadan başladıq. Daha sonra Air Tanzania Company Limited ilə Aruşaya uçduq. Serengeti National Park Tanzania, Lake Manyara National Park Tanzania, Tarangire National Park, Ngorongoro Conservation Area Authority və s. gəzdik. Aruşadan sonra Moşi şəhərinə, #Klimancaro milli parkına və cəngəlliklərin içində yerləşən, unikal qəbilələrin yaşadığı Materuni kəndinə yollandıq. Başımıza bir ömür boyu danışılacaq qədər maraqlı hadisələr gəldi. Çoxlu dostlar qazandıq. Növbəti statuslarda hamısını yazmağa çalışacam.#uçmaqüçündoğulanlar #borntotravel #visitafrica #visittanzania #qatarairways #airtanzania #tanzania #zanzibar #nungwi #kendwa #paje #jambiani #kizimkazi #arushatanzania #manyara #serengetinationalpark #ngorongoro #tarangirenationalpark #kilimanjaro #mountmeru #safari

1220 dəfə oxunub

Şokolad qoxulu - Brüssel

Brusseldəki bütün otel, apartament və hostelləri bu linkdən book (bron) edə bilərsiz.Salam Gəzəyənlər,Bu dəfəki yazımda sizə Belçikanın paytaxtı olan Brüsseldən danışmaq istəyirəm. Bu qrupda da daha öncə soruşulmuş və məni də getmədən düşündürən bir neçə sualı cavablandırım ilk öncə.1. Brussels Charleroi aeroportundan şəhər mərkəzinə necə getmək olar?https://www.flibco.com/en#/booking - Flibco şirkətinə məxsus shuttle buslar hər yarım saatdan bir yola düşürlər. Aeroportda kassalardan da bilet əldə edə bilərsiniz və ya elə qeyd etdiyim öz rəsmi saytlarından da ala bilərsiniz. Return biletlərdə Qiymət fərqi sadəcə 3 eur olur.Onu da qeyd edim ki, Flibco ilə aeroportdan həmçinin Brugge-yə, Luxemburqa və başqa şəhərlərə də shuttle buslar mövcuddur, saytdan yoxlaya bilərsiniz. Brüsseldə isə Brussel-Zuid qatar stansiyasında dayanır, bu qatar stansiyası da şəhər mərkəzindən 3km uzaqlıqdadır.Şəhərin mərkəzi nöqtəsi “Grand Place” sayılır. Səyahətinizi planlayarkən, başlanğıc nöqtəsi olaraq buranı götürə bilərsiniz.2. Brüsseldə harda gecələməliyəm?Mən Brüsseldə 3 gecə qaldım. İlk 2 gecəni şəhərin mərkəzinə yaxın olan “Sleep Well” hostelində qaldım. Sonuncu gün isə uçuşum səhər olduğuna görə Brussel-Zuid qatar stansiyasına yaxın “Brxxl 5 City Centre Hostel” adlı hosteldə gecələdim. Hər ikisinin yerindən, otaqlarının rahatlığından və ən əsası təmizliyindən məmnun qaldım.3. Brüsseldə haraları gəzib görməliyəm?https://www.vivastour.com/en - Viva’s Tour Brüsseldə, Bruggedə və digər şəhərlərdə pulsuz turlar təşkil edən həvəskar gənclərdən ibarət bir qurumdur. Saytdan əlavə olaraq şəhərlərdə fəaliyyət göstərdiklərinə nəzər yetirə, orda olacağınız tarixlərdə keçiriləcək turların vaxtını öyrənə və qeydiyyatdan asanlıqla keçə bilərsiniz. Sonda “ürəyinizdən keçirsə” prinsipi ilə sadəcə onlara maddi dəstək olmağınızı xahiş edə bilərlər. Ancaq tur pulsuzdur, heç kim qeydiyyat üçün və ya başqa səbəblə sizdən pul tələb etməyəcək.Əsas da mənim kimi tək gəzirsinizsə, yeni insanlarla dostlaşmaq və maraqlı vaxt keçirmək üçün yaxşı vasitədir. Tur müddəti 2 saatdır.Yazımı qısa tutmaq üçün gəzməli görməli yerləri haqqında deyil də, bir neçə maraqlı məqamları bölüşmək istəyirəm.1. Şəhəri gəzərkən qətiyyən başı aşağı gəzməyin, binaların divarlarında çəkilmiş şəkilləri qaçırarsınız yoxsa. Onlardan biri haqqında məlumat vermək istəyərdim. Şəkillərə nəzər yetirərkən görəcəksiniz ki, birində iki gənc bir birini qucaqlayaraq addımlamaqdadırlar. Bu şəkildə birinci maraqlı məqam bu gənclərin kişi və ya qadın olduqlarını tam əminliklə vurğulamaq çətindir. Rəssam elə çəkib ki, hər kəs görmək istədiyi cinsdə görür hər ikisini. İkinci maraqlı məqam isə şəklin yuxarı küncünə fikir versəniz, görəcəksiniz ki, güzgü effekti ilə gənclər olmadan sadəcə mənzərənin əksi təkrar çəkilmişdir. Və bu şəkildə əks olunan küçə elə hal-hazırda şəklin yerləşdiyi küçədir. Şəkildə göstərilmiş Plattesteen restoranı hələ də orda fəaliyyət göstərməkdədir.2. Küçə adlarını göstərən iki tip yazıları görəcəksiniz. Arxa fonu göy olan isimlərdə həm Dutch dilində, həm də fransız dilində rəsmi küçə adları əks olunur. Google map bu adlarla işləyir. Ağ fonda qeyd olunan küçə adları isə daha çox yerli xalq tərəfindən istifadə olunur, belə desək, küçələrin ləqəbləridir.3. Manneken-Pis – Bu balaca oğlancığazın 900dən çox kostyumu var və hər gün o günün anlam və önəminə uyğun olaraq geyindirilir. Mənim səyahətim günü təmizlikçilərin günü idi və şəhərdə qeyd olunurdu.4. La Caverne aux Cadeaux – şəkildə də əks olunan mağaza gəzdiyim mağazalar arasında ən ucuz hədiyyəlik əşya satılan mağaza idi.5. Delirium – 2400dən çox pivə növlərinin satıldığı küçə boyunca yerləşən publar silsiləsidir. Əgər siz də bu pivələri dadmadan getmək və eyni zamanda çox da alkol qəbul etmək istəmirsinizsə, mənim də yoxlayıb bəyəndiyim “Floris Strawberry”ni məsləhət görərdim.6. Çox vaxt tək gəzdiyim və hər dəfəsindən insanları narahat etməmək üçün tripot istifadə edirəm. Çiynimdə tripotla məni görənlər blogger hesab edib öz şəkillərini çəkməyimi xahiş edirdilər. Onlar arasında 7 yaşında balaca qız uşağından tutmuş 60 yaşında yaşlı kişi də var idi  və getmədən soruşduğum suallardan biri də tripotla bağlı idi. Çox rahatlıqla çiynimdə keçirə bildim.7. Türkiyənin tanınmış üzü Nusretin Saltbea hərəkəti isə Belçikanın yerli camaatı tərəfindən də maraqlı şəkildə təqlid olunur. Bunu isə yerləşdirdiyim videoda görə bilərsiniz.(https://www.facebook.com/yasakhey/videos/pcb.524565087938712/1760369244056157/?type=3&theater&ifg=1 )Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Yasa Khey

1069 dəfə oxunub
Bizi izləyənlər siyahısına qoşulun!