BLOQ

Fransanın festivallar şəhəri - Kann

Kanndakı bütün otel, apartament və hostelləri bu linkdən book (bron) edə bilərsiz.İstidi bilirəm, heç kəsin uzun statuslar oxumağa səbri çatmır.Ama şəkillərdən göründüyü kimi "elə də sıxıcı post olmaz yəqin" deyə düşünüb, buz kimi sularınızı yanınızda hazır edin,  oxumağa başlayın. Mən də yazacağım müddətdə su içib istirahət edəcəm????Deməli yay tətili üçün unikal istirahət təbii ki, dəniz,  çimərlik sayılır.22 yaşımda aeraporta gedib tək-tənha ilk dəfə təyyarəyə minib,yollandım deyilənə görə dünyanın ən böyük aeraportu sayılan Frankfurt Main stansiyasına. Ordan da Fransaya keçdim.(həyat elə gətirdi)Bəlkə bir gün orda-aeraportda başıma gələnləri paylaşaram. Ama hələlik ilk Avropa turumu Fransa ilə başlamağım haqqında QISA yazmaq istəyirəm.????Fransanın bir neçə şəhərlərində oldum,ama indi Kann haqqında yazacam.Çox-çox baha şəhərdi????Bəlkə də tələbəyəm deyə mənə elə gəldi. Bilmirəm. Sən de görüm, adicə yarım litrlik su 2 EURO baha deyilmi? Yəni içmə, öl deyirdilər də ????Şəhərdə gəzəndə yol boyu motosikletlər maşınlardan çox idi. Müxtəlif kabrioletlər, mağazalar, xüsusən də hər növ palmalar, çimərliklə üzbəüz sıralama otellər şəhəri çox bahalı və möhtəşəm göstərirdi. Kann demək olar ki iki yerə ayrılırdı.Sağ tərəf-glamurların alış-veriş etdiyi mağazalar????, sol tərəf-glamurların istirhət zonası olan çimərlik???? Xüsusən günbatımı və yaxtalar Aralıq dənizini çox möhtəşəm göstərirdi. Çimərlik zonası son dərəcə təmiz idi. Ödənişsiz xüsusi bir zona var idi ki, ordan rahat şəkildə istifadə etmək mümkündür. Lakin ödənişli yerləri də baha idi. Heç bir xüsusi özəlliyi yoxdur. Ondansa özün hər şey aparıb istədiyin kimi düz-qoş etsən daha sərfəli olur. Günbatımındakı möhtəşəm mənzərələri heç nəyə dəyişmək olmaz. Eyforiya yaşamaq istəyənlər üçün əsl yerdi. (buz kimi suyun isinməyibsə içə bilərsən)Davam edək..Şəhər boyu velosipedlər, motosikletlər üçün ayrılmış xüsusi yerlər, ev heyvanları saxlayan insanlar üçün zibil qabıları kimi nüanslar da şəhəri səliqəli və təmiz göstərirdi. Ki, insanlar onlardan düzgün istifadə edir.İnsanlarına qaldıqda mehriban və çox patriotdur.Yerli xalq öz dillərindən başqa dildə danışmırdılar və cavab vermirdilər. Yalnız turist gördükdə ingilis və ya rusca nəsə soruşsan cavab alarsan. Əslində çox sevdim elə olmaqlarını.Yeganə sevmədiyim nüansı deyim. Baha olması ???? o heç...Yol mədəniyyətləri demək olar inkişaf etməyib. Piyada keçidlərinə, işıqfora baxan ümumiyyətlə yoxdu. Əgər yolu keçdinsə, sənə halaldı. Hər kəs yığılırdı işıqforun yanına, kimsə cürət edirdisə birinci keçirdi və cürətlənib hamımız da onun arxasıyca))) Hər yol keçəndə hər kəs alqış gözləyirmiş kimi hiss edirdim ????(Mətbəxlərini də sevmədim ama o zövqə görə, ağız tamına görə dəyişir deyə, o haqda danışmaq istəmədim)Belə. Bir sözlə Kanna getmək üçün glamur olmalısan və ac qalmamaq, susundan ölməmək üçün pulun olmalıdı. Mən susum bir az da şəkillər danışsın. Gələcək postlarda görüşərik. Sevilirsən! ❤️#xəyaletmətəsəvvüret #NayPinƏgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Наиба Новрузова

1529 dəfə oxunub

Şəhər bələdçisi - Lissabon

Lissabondakı bütün otel, apartament və hostelləri bu linkdən book (bron) edə bilərsiz.Lissabon - Dünyanın ən qocaman 2-ci paytaxt şəhəri, Avropada açıq-ara fərqlə ən sevdiyim şəhər- rəngarəng küçələri, təmiz və çox rahat olan ictimai nəqliyyatı, gözyaşardan Fado musiqili restoranları))), böyük parkları, ucuz qiymətləri, dadlı yeməkləri, fərqli dəniz məhsulları, binaların divarlarındakı seramik üzlükləri, möhtəşəm Pastel de Nata keksləri, gilas likörləri, sudun ucuz şərabları, gülərüzlü və əyləncəsevər insanları ilə bir başqa dünyadır Lissabon. Bu şəhərdə yarı Avropa, yarı Cənubi Amerika ruhu vardır. Avropanın bir çox ölkəsindən “Ryanair” Lissabona ucuz qiymətlərə uçur. Əvvəlcədən alsaz Kutais-Barcelona-Lisbon-Barcelona-Kutais biletlərini 150-200 avro ödəyərək əldə edə bilərsiz.- Lisbon aeroportu demək olar şəhərin mərkəzindədir. Taksilər şəhərə 7-8 avroya aparır. Aeroportdan hər yerə metro ilə də çata bilərsiz. Demək olar bütün metro xətlərində liftlər var və baqajınızı metroya endirməyə və qaldırmağa heç bir problem yoxdur. Bir günlük limitsiz metro və avtobus kartının qiyməti 6 avrodur.- Nə yeməli və içməli - Balıq məhsuları sevirsizsə hesab edə bilərsiz ki, Lisbon bu yeməklərin cənnətidir. Yeməklər dadlı və kifayət qədər ucuzdur. Məsləhət gördüyüm balıq restoranı - Ramirodur. Hər yerdə satılan Pastel de Natadan və Ginjunha- gilas likörlərinin dadına baxmadan qayıtmayın. Şərabları sudan ucuz, endirləri ucuz və dadlıdır. Sonra içinə pendir və balıq qoyulan qaynamış kartoflardan mütləq alıb yeyin- səhv etmirəmsə Bakalao adlanır, çox dadlıdır. Cabacas ət restotanına gedin - Ət daş üzərində bişirilir və çox dadlı olur.- Harda qalmalı - Lizbona gedənlər üçün məsləhət gördüyüm çox gözəl bir otel var – VİP Executive Picoas Hotel 4*- Büdcəniz çatırsa otelin günü 2 nəfərlik otaq üçün ortalama 60 avrodur. Otel yeni istifadəyə verilib və çox super vəziyyətdədir. Açığı bookingdə bu oteli tapanda cəmi 3-4 rəy olduğunu görüb şübhəyə düşmüşdüm. Otel barədə heç yerdə heç bir məlumat və video olmadığından bookingdəki şəkillərin real olmadığını fikirləşdim. Amma gedib gördüm ki, şəkillərdə olandan da əla vəziyyətdədir. Hələ 750 mb/s interneti görəndə ağzım açıq qaldı. Bütün Avropada çəkdiyimiz 50 giqabayta yaxın şəkil və videonu clouda yükləmək 5-10 dəqiqə aparmışdı. Otel 7-ci Eduard parkıının 5 dəqiqəliyində və Parque (Park) metrosunun 200 metrliyində yerləşir.- Mütləq görülməli yerlər - Lisbon ticarət meydanı, Belem qalası, Kaşiflər heykəli (Explorers monument), Jeronimas monastrı, Lisbon qalası, Santa Justa lifti, LX Factory bölgəsi.- Lifehack - Santa Justa liftinə qalxmaq üçün xeyli növbə olur və qiyməti 6 avrodur. Amma bunu etməyin. Liftin hansı binanın üzərinə getdiyinə diqqət yetirin. Həmin binanın arxasına gedib pilləkanla yuxarı qalxın binqo- pulsuz və növbəsiz liftin qalxdığı yerin üzərindəsiz. ????- Alfama bölgəsini gəzməyə ən az 1 gün ayırın. Lisbonun bu tarixi hissəsində bir çox sürprizlərlə qarşılaşacaqsız. Konkret yol axtarmayın elə küçələrə girib itmək daha maraqlı olur.- 28 nömrəli tramvaya minib 1 tam tur atın. Lisbonun bütün turistik nöqlətininin yanından keçəcəksiz. 1 gününüzü Sintra-Roka burnu və -Cascais qəsəbələrinə getmək üçün, Lissabona isə ən az 3-4 gün ayırın.- Fado restoranlarına gedin. Əgər canlı Fado oxuyana qulaq asırsınızsa mahnı oxunan zaman yemək hörmətsizlik sayılır. Daha çox turistləri yolmaq üçün nəzərdə tutulan mərkəzdəki Fado restoranlarından uzaq durun.- Əyləncə sevənsizsə PUB Crawl Lisbona mütləq qoşulub Lisbon gecələrinə axın.- Lissabon haqqında saatlarla yaza bilərəm, amma postu daha da uzatmaq istəmirəm. Suallarınız olsa rəydə soruşa bilərsiz. Qısası - yol açıq-yola çıx - Lissabonu bir gün mütləq görün, peşman olmayacaqsız.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Gəzgin Həyat

1217 dəfə oxunub

Çin bələdçisi - Hanqcou, Nankin, Şanxay, Pekin

Şanxaydakı bütün otel, apartament və hostelləri bu linkdən book (bron) edə bilərsiz.13 günlük Çin səfəri.Vaxtında deyim yazı uzundu, üzürlü hesab edin ????Demək ofisdə oturduğumuz yerdə e-mail gəldi ki, 13 günlük Çinə getmək lazımdır.Dedim bu qədər işin içində necə gedəcəmasfgüjajeqıaNəysə təcili biletləri alıb Bakı-Doha-Hangzhou reysiylə uçduq Çinə.Əsas məsələni qeyd edim, hələ Çin səfirliyi kimi çox qəliz səfirlik görməmişəm. Təsəvvür edin İsrail səfirliyi bunların yanında toya getməlidir. Çin Azərbaycanlılar üçün turist vizası vermir. Ancaq iş vizasıdır, onun üçün də Çində sizi dəvət edən şirkət miqrasiya idarəsindən ştrix kodlu dəvətnamə göndərməlidir. Bunu isə yalnız böyük şirkətlər edə bilir. Bu dəvətnamə üçün Çində miqrasiya idarəsi məhkumluq haqqında arayışın Ədliyyə Nazirliyində təsdiqi, sonra isə Çin səfirliyində təsdiqini istəyir. ASAN xidmətin verdiyi məhkumluq haqqında arayışı qəbul etmirlər. Çində görüşəcəyimiz böyük şirkətlərin birində işləyən Azərbaycanlı dostumuzun sayəsində dəvət məktubunu qısa müddətdə aldıq. Çinə çatanda müsəlman ölkələrindən ilk dəfə Çinə gələnləri saxlayıb sorğu sual edirdilər. Yarım saat sonra növbə mənə çatdı. 10-15 dəq sorğu sual oldu, sonra məndən telefondakı şəkilləri göstərməyimi istədilər. 2200-lük foto alboma baxmağa başladılar. Gəldi çıxdı albomun axırında Tayvanda çəkdiyim şəkillərə. Gözü Tayvan bayrağına sataşdı. Şəkili açdı ki, bir tərəfimdə Amerika, o biri tərəfimdə isə Tayvan bayrağı şəkil çəkdirmişəm ???? Elə bil qıza şapalaq vurdular, üz ifadəsi dəyişdi və tez keçdi içəri. 5 dəq sonra məni otağa çağırdılar. Gördüm fərqli geyimdə bir təhlükəsizlik işçisi sənədlərimə baxır. Çamadana baxmaq istədi, açdım çamadana da baxdılar, 10 dəqiqə də bu sorğu sual etdi. Sonra üzr istəyib, çamadanımı toplamağa kömək edib yola saldılar.Çində UBERin əvəzinə öz taxi xidmətləri olan Didi işləyir. Qiymətləri çox yaxşıdır.13 gün içində Çində 4 böyük şəhərdə olduq: Hangzhou, Nanjing, Shanghai, Pekin(Beijing). 4-ü də çox böyük və çox inkişaf etmiş şəhərlərdir. Bu şəhərlərdə mərkəzdə evlərin ortalama qiyməti $10,000 / m2-dən başlayır. Və hər kəs də ev almağa can atır ????Hangzhou və Nanjingdə hər birində 8 milyon, Şanxayda 27 milyon, Pekində də 24 milyondan çox əhali var.Sürətli qatarları çox yaxşı işləyir, Şanxay - Pekin reysində sürət 347 km/h qədər qalxmışdı. İstənilən şəhərə qısa müddətdə çatmaq üçün çox əlverişli nəqliyyatdır.Xarici turistlərə çox az rast gəlinir, daxili turizm isə dəhşət işləyir. Qaldığımız bütün otellər Çinli turistlərlə dolu idi.Çində whatsapp, facebook, messenger, instagram, google, gmail, YouTube işlətmək istəyirsinizsə mütləq VPN yükləyin. Çində bunlara qadağa qoyulub və heç biri işləmir.Gördüyüm 4 böyük şəhərdən ən gözəli Şanxaydır. Şərqin New Yorku da deyilir. Buranın adamları da digər şəhərlərə nisbətən mədənidir, amma adam dəhşət çoxdur ????‍♂️ rəsmi rəqəmlərə görə 26,5 milyon.Çində adam bir birinə toxunanda heç kim üzr istəmir. Təzə təzə üzr istəyirdim gördüm heç kimə çatmır. Baxırlar ki, nəyə üzr istəyirsən. Məntiq odur ki, ”adam adama dəyər də” ????10 gün içində ilk dəfə Şanxayda çox yaşlı bir day day (bunlara yaş vermək olmur hər hal 200 yaşı olardı ????) ayağıma toxunduğuna görə üzr istədi. Hər-hal dayının cavanlığında adam az olub, o devirdə üzr istəyiblərmiş.Yeməklərinə öyrəşmək üçün 13 gün az müddətdir, şirin souslu balıqlarını və digər fərqli qoxulu yeməklərini yemək asan deyil ???? ona görə də çalışdım ancaq dəniz məhsulları yeyim. Axır ki, lobster də yedim ✅Pekinə yolunuz düşsə, Pekindən 50km məsafədə Çin səddinə mütləq gedin.Sürətli qatarla getməyiniz məsləhətdir. Nəzərə alın ki, çinlilər çox bərbad maşın sürürlər, piyada keçidində çox nadir halda yol verirlər. Əslində başa düşüləndi, piyada keçidində hamıya yol verməyə cəhd etsələr, bir də pensiya vaxtında gedib evə çatarlar. Adam o qədər çoxdur yəni ????Əsas xərclər və xidmətlər barədə qısa məlumat:* Baku-Doha-Hangzhou. 14 saat, 664 AZN* Pekin - Baku. 8 saat, 617 Dollar* Taxi xidməti: Didi* 5 ulduzlu otellər: 140 $ / gün* VPN- StarVPN* Çin dili üçün: iTranslate application.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Ramil Azmammadov

2655 dəfə oxunub

Monteneqro və Balkan ölkələri bələdçisi

Budvadakı bütün otel, apartament və hostelləri bu linkdənbook (bron) edə bilərsiz.Artıq yay gəlib və gəzmək istəyən hər kəs tətil programını hazırlamağa başlayıb. Büdcənizə min bərəkət və xoş istirahətlər əziz @gezeyenler :) Mənə ünvanladığınız suallara əsasən sizlərə,hər səyahətçinin səyahət planına uyğun olacaq (səyahətçilərin büdcə, zaman, seçdiyi istirahət növünə görə) bir neçə hissədən ibarət olan Monteneqro və Balkan ölkələri haqqında ətraflı məlumat paylaşacam.1️⃣ci Hissə  (İqlim, Nəqliyyat)✅Səyahət planınızdan asılı olaraq:1. İqlimi - Ölkənin cənub hissəsi, sahilyanı bölgələri ilin çox günü yağışlı və günəşli olur. Monteneqronun məşhur şəhərləri sahilyanı şəhərləridir.2. Monteneqronun turistik sezonu həm qış, həm də yay sezonu üçün uyğundur. Turistlər qışda skiing üçün ölkənin şimal bölgələrinə üz tuturlar. Fevral - mart aylarında sahilyanı şəhərlərdə turistlər üçün müxtəlif karnavallar, festivallar təşkil edilir və bunlar açıq havada keçirilir və ödənişsizdir. Yay aylarında sahilyanı şəhərlərə turistlərin daha çox axın etdiyi aylardır.3. Sahilyanı bölgələrdə qış sərt keçmir, ən soyuq aylar, dekabrın ortasından - fevralın ortasına kimidir.✅ Hava limanları1. Ölkənin iki hava limanı var: Podgorica (paytaxt şəhər, skadar gölü, Bar şəhəri və s. kimi görməli yerlərə yaxın şəhərdir) və Tivat (Xorvatiyaya və Monteneqronun sahilyanı şəhərlərinə yaxın şəhərdir). Tivat hava limanına Azerbaycan, Rusiya, Türkiyə kimi bir çox ölkələrdən uçuşlar yalnız yay sezonunda olur və Pasha travel artıq 2 ildir yay sezonunda bu hava limanına, uyğun qiymətə, birbaşa uçuşlar təşkil edir.2. Həmçinin sezondan asılı olmayaraq Türkiyədən Montenegroya tur avtobusları da gəlir.✅ Nəqliyyat1. Şəxsi maşın və ya rentacar ilə gəzməyi düşünürsünüzsə zaman itirmədən ölkəni daha yaxından kəşf ede bilərsiz. Top views üçün şəxsi maşın əvəzolunmazdır, her yere avtobus getmir. Yanacaq qiymətləri təxmini olaraq belədir ardıcıllıq Mne, Bosna, Makdn*Super 95 (1.37€, 1.16€, 1.13€)*Premium 98 (1.41€, 1.21€, 1.17€)*Diesel (1.25€, 1.18€, 1.02€) Texmini rent a car qiymətiləri (bokasun firmasının) Opel Corsa Manual (<7 gün -50 €, >7 gün -45€), Ford Flesta Manual(45-40€), Audi A4 Automatik (65-60€)Taxi firmaları (mənim yaşadığım şəhərdə -Hercegnovi)-novitaxi (tel: 19767) 24 saat-taxi more (tel: 19730) 24 saatAvtobus qiymətləri haqqında isə aşağıdakı link’dən maraqlana bilərsiz. Link’də həm ölkə daxili, həm da qonşu ölkələrə gedəcək avtobuslar və qiymətləri göstərilir.https://busticket4.me/EN* Avtobus bilet qiymətlərində avtobus firmalarına göre 1-2 euros fərq olur.2️⃣ci Hissə-Dil-Çimerlikler✅Dil- Ölkənin dili serb dilidir, rus dilli turistler az-çox yerli insanları anlaya bilər. Xarici dil olaraq İngilis dili istifadə edilir. Ölkədə rus dilini bilən təbəqə çox yaşlı təbəqədir. İngilis dili daha çox turizm sahəsində istifadə olunur.✅Çimərliklər- Sahili narin qum olan çimərlikləri çox azdır. Əksər çimərliklər ya çınqıl, ya da iri daşlıdır. Bir çox çimərliklərdə dənizin suyu təmiz, dalğasızdır. Buna səbəb dağlarla əhatə olunmasıdır. Çimərliklərdə işlətmə sistemi olmadığı üçün kafe-restoranı olmayan çimərliklər də var, həmçinin ətrafın natəmizliyi də sizi narahat edə bilər. İstəyinizə uyğun çimərliklər ⭐️Budva şəhəri (məşhur çimərliklər bu şəhərdədir)1. Mogren Beach -Budva old city yanında (200m) yerləşir. Sahili qumdur.2. Jaz Beach (4km) -məşhur çimərliklərindən biri. Restoran, kafe var. Sahili qum və çınqıl. Uşaqlı #gəzəyənlər üçün uyğundur. Həmçinin kürekli botlar, kayaklar ve jet ski kiralıya bilərsiz.3. Becici Beach (1.8km) -sahili qumdur. Xalq çimərliyi ilə birgə otel müştəriləri üçün də çimərlikləri var.4. Trsteno Beach -qum, çıngıl qarışımlı sahili var. Ən sevdiyim çimərlik deyə bilərəm. Ətrafında hal-hazırda təmir işləri gedir, kafe-restoran və başqa işlətmələr hələ ki, çalışmır (ehtiyyat yeyəcək, içəcək alın yanınıza). Sadəcə suyunun rənginə, şəffaflığına, təmizliyinə göre ora getməyə dəyər. Mütləq özünüzlə dənizin dibində üzən balıqları görmək üçün gözlük götürün.5. Budvada sahili günlük 100€-dan başlayan çimərliklər də var. Bunlar :-Dukley Beach (otel)-Queen's Beach (Yalnız Hotel Milocer müşətirləri üçün)-Milocer və ya King’s Beach (Yalnız Hotel Milocer müşətirləri üçün)-Aman Beach (Sveti Stefan) -adam başına 50€ ödəniş etmək lazımdır. Lakin həmən qarşısında xalq çimərliyi var ⭐️Digər çimərliklər1. Dobrec -sahili çıngıl, suyu şəffaf. Hersegnovi, Rose, Zanjice ve Miriste'dən qayıq ilə getmək mümkündür və turistlər arasında daha az tanınan bir çimərlikdir. 2. Lucice -balaca körfez, ətrafı yaşıllıqlarla əhatə olunub. 3. Plavi Horizonti 4. Mala Plaža (Ulcinj) 5. Petrovac (Budva) və s.3️⃣cü Hissə-Qidalanma-Alışveriş✅QidalanmaBalkanların mətbəxi demək olar ki, bir-birinə yaxındır və Osmanlı mətbəxindən də bəzi ləzzətlər bu ölkənin mətbəxinə keçmişdir. Porsyonları əksər məkanlarda böyük olur, sifariş edərkən diqqət edin ⭐️Fastfood1. Çevapi (bizim lülə kabab), və sifariş edərkən donuz əti yemirsinizsə, qiymənin tərkibində donuz ətinin olmamasını öncədən dəqiqləşdirin. (Min. 2.5 €, təxmini 5 tikə çevapi və digər əlavələr)2. Pizza -mənə görə ləzzətli pizzaları burada dada bilərsiniz. (Min. 5-6 €)3. Giros -yunan mətbəxindən, bir növ şaurmaya bənzəyən yeyəcəkdir. (Min. 3€)⭐️Digər yeyəcəklər-Ət yeməkləri həm dad, həm də qiymət baxımından çox sərfəlidir. -Dəniz məhsulları qiymət baxımından bir az yüksəkdir.⭐️İçəcəklər-Montenegro həm də şərabları ilə məşhurdur.-Çay sifariş edərkən, sizə limon, bal ilə servis edilir. Bu cür çay servisinin səbəbi var yerlilərə görə çay xəstə olarkən içilirmiş, və bu ənənə belə də davam edir. (Fincanda servis edilir, min. 1€)⭐️RESTORANLARMontenegroda, əsasən də sahilyanı bölgələrdə əksəriyyət məkanın mənzərəsi gözəldir.Amma elə restoranlar var ki, oraya məhz mənzərəsinə görə getmək lazımdır. Əlbəttə gündüz vaxtı 1. Gradska Kafana (Hercegnovi)2. Forte Rose (Hercegnovidən qayıq ilə gedə bilərsiniz)3. Çatoviça Mlini (Hercegnovi Kotor arasındakı, erazi Morinj) -dadlı balıqları ilə məşhurdur. Köhnə dəyirman ərazisini restorana çeviriblər, paylaşdığım şəkili həmin məkanda çəkmişəm.4. Verige 65 (Kostanjica, Kotor)5. Admiral Cafe & Restaurant (Hercegnovi)6. Restaurant Galion (Kotor)7. Fish restaurant Djardin (Perast)8. Big Ben (Tivat) və s.✅ Alışveriş4️⃣cü Hissə (Sual-cavab)Bu postumda mənə ünvanladığınız sualları cavablandıracam, ümid edirəm sizlərə faydalı olacaq1. Viza teleb olunur?✅ Montenegro (90gün) və aşağıdakı sərhəd ölkələr Azerbaycan vətəndaşına viza tətbiq etmir. Bosniya və Herseqovina (90gün), Makedoniya (90gün), Albaniya (90gün), Serbiya (90gün)2. Turist vergisi ödəmək lazımdır?✅Bəli, Montenegroda qaldığınız hər gün üçün 1€ (1 günün qiyməti) ödəmək lazımdır. 30 gündən əlavə qalırsınızsa, ondan sonrakı günlər üçün ödəniş etmirsiz.3. Qonşu ölkələrə getmək üçün sərfəli nəqliyyat, transport nədir?✅Öncəliklə Montenegronun öz şəhərlərini gəzmək və qonşu ölkələrə getmək üçün aşağıdakı linkdən faydalana bilərsinizhttps://busticket4.me/EN4. Çimərliklərdə şezlong qiymətləri nə qədərdir? Şezlong kiralamadan çimərlikdən istəfadə etmək mümkündür? Çimərliyə giriş ödənişlidirmi?✅Şezlong qiymətləri 5-7€’dan başlayır. Saat 19:00-dan sonra dövlətin qanununa göre şezlonglar ödənişsiz olur.Demək olar ki, əksər çimərliklərdə xalq üçün yer ayrılır, və şezlong kiralamadan çimərlikdən istifadə etmək haqqınız var Ölkənin əksəriyyət çimərliyinə giriş sərbəstdir.5. Teknə turları haqqında*Teknə turu sezonu 01 May-31 Sentyabr✅ Teknə turları üçün özünüz teknə kiralaya da bilərsiniz, əsasən Budvadan (saatı 30-40€’dan başlayır, ) ya da bir nəfərlik biletinizi alıb tur təklif edən teknələrə üz tutursuz (15€’dan başlayır)⭐️Kiralıq teknə turu xidmətinə daxildir: -Dəniz gəzisi Budva Riviera, Becici, Kamenova, Milocer, Sveti Stefan, The Island of st. Nicholas-Bir neçə çimərliklər -Drobni pjesak, Petrovac, H3 (Nudist), Trsteno, Zanjice, Ploce, Nicholas adasındakı çimərlik.-Bigovo balıqçı kəndi, Blue cave, Kotor Körfəzi (Hercegnovi və Kotor)-Balıq tutma-Teknə ilə gecə gəzintisi⭐️Turist teknə turlarına daxildir-bəzi turlar səhər başlayır, bəziləri isə səhər və ya günortadan sonra olmaqla 2 hissədən ibarət olur.-hop on - hop off (2.5 saat, bilet 15€)-Kotor-Perast-Island lady of the rocks (hər teknə turu fərqli yerlərə gedir)5️⃣ci Hissə Ölkənin rəsmi bayramları ️☃️QIŞ fəslində olan bayramlar01.01- Yeni il02.01- Day of Saint Ignatius of the God-Bearer - chicken Christmas.05.01- Tucindanan.06.01- Milad (Badnji dan).07.01- Yanvar – Milad14.01- Köhnə yeni il YAZ fəslində olan bayramlar15.04- Uşaqlar bayramı01.05- Əməkçi bayramı12.05- Müqəddəs Basil Günü21.05- Monteneqronun Müstəqillik GünüDəyişən tarixlərlə Pasxa️YAY fəslində olan bayramlar03.06- Monteneqronun Müstəqillik Günü04.07- Partizan bayramı13.07- Monteneqronun dövlətçiliyi günü28.08- Monteneqronun Krallığının elan etdiyi günPAYIZ fəslində olan bayramlar01.11- Bütün müqəddəslərin günü29-30 noyabr Respublika GünüFəsillərə görə şəhərlər️QIŞ* Adriatik sahili boyunca yerləşən bölgələr il boyu şimal bölgələrə nisbətən daha mulayim olur, qış aylarında orta temperatur 11 ° C. Bu ərazilərdə qış sıxıcı keçir, turistlərin diqqətini çəkmək üçün festivallar təşkil olunur.*Qışın 3 ayı soyuq (orta temp. -10 ° C) keçən şimal bölgələrdə turistlər üçün Zabljak və Kolasin istirahət mərkəzlərində xizək mövsümüdür (yanvar, fevral)YAZ* Mart ayında sahil və mərkəzi bölgələrdə temperatur 16 ° C’dir, lakin yaz aylarında tez-tez gur, günlərlə yağış ️yağır, bu isə bəzi gəzəyənlər üçün əlverişli olmaya bilər. Dağlarda xizək mövsümü Mart ayının son günlərinə qədər davam edir.*Aprel bütün ölkə üçün isti havalara keçid ayıdır, lakin yağışlı havalar davam edir. Yağışlara baxmayaraq aprel ayında hava gəzmək üçün əlverişlidir.*May ayında, dənizkənarı istirahət mərkəzləri qonaqlara qapılarını açılır. Hava yaxşıdır, lakin hələ üzgüçülük üçün uyğun deyil.YAY* Adriatik sahilində yay çox quru və isti olur. İyun ən rahat aydır. Temperatur təxminən 30 °-28 ° C.*Dağlıq bölgələrdə təxminən 25 ° C.PAYIZ*Sentyabr və noyabrın ilk yarısı Adriatik sahillərində Velvet Mövsümüdür, yəni Adriatik dənizinin suyu hələ də üzgüçülük üçün kifayət qədər istidir.*Soyuq havalar noyabr ayından başlayır.6️⃣cı HissəMontenegro turu1. Öncəki postlarımdan birində qeyd etdiyim kimi ölkənin 2 hava limanı var: Tivat, PodgoricaMonteneqroda görüləcək yerlər-Hercegnovi, Tivat, Perast, Kotor, Budva, Çetinye, Bar(təmiz zeytun yağı), Ulcinj(Albaniya ilə sərhəd), şimalda -Nikşiç, Jabljak(Black lake, doğa yürüyüşü, üzgüçülük), Tara(zip line), Durmitor, Ostrog✅Tivat hava limanı ilə gələn turistlər üçün təxmini gəzi turu belədir 1. Tivat -ən məşhur yeri Porto Montenegro, bu şəhərə təxmini 1 saat zaman ayırın.2.Ferry ilə yolu qarşi tərəfə keçin (Ferry’də minik maşın üçün bilet 4.5€), keçdiyiniz yer Kamenari adlı ərazidir. Əgər zamanınız varsa Kamenaridən avtobus ilə Hercegnoviyə gedin, yoxdursa yolu əks istiqamətdə davam edərək, Perast, Kotor, Budva, Bar, Ulcinj kimi şəhərlərə üz tutun.7️⃣ci HİSSƏ(Montenegroda edile bilecek aktiviteler)Aktiviteler fesillere göre, bölgeye göre deyişir. Yay-yaz aylarında 1. Velo tours2. Boat Tours3. Rafting (şəffaf suyu olan Tara çayı)4. Paragliding (yamaç paraşütü) (Budva)5. Kitesurfing (Ulcinj şəhərindəki sahil, Long beach bu idman növünü sevənlər üçün ən uyğun sahildir)6. Windsurfing7. Kayaking8. Adventure Park Lovcen (uşaqlar üçün daha uyğun yerdir)9. Zip Line (Zabljak, Njequsi) 3 tip zip line var, qısa- Red Rock, orta- Tara, uzun- Extreme10. Diving ️Qış aylarındaSki (Zabljak, Kolasin) Qışda turist çoxluğundan, saat 11’dən sonra ski spor alətləri bitir.8️⃣ci HİSSƏ və son paylaşımım ✅Montenegro ilə qonşu olan ölkələr və ya digər Balkan ölkələri⭐️1. Mənim ən çox bəyəndiyim balkan ölkəsi Xorvatiyadan başlayaq . Viza tələb olunur. Ən məşhur şəhərlərindən biri Dubrovnik.“Game of thrones” serialından sonra turist sayısı 100% artdı və yay turist sıxlığı olan aydır. Şəhəri gəzmək bir və ya yarım gün bəs edər. Rentacar ilə gələnlər DİQQƏTLİ olun, ölkədə maşınlar üçün park pulu çox bahadır.Dubrovnikə yaxın digər gözəl bir şəhər isə Cavtat şəhəridir.Vaxtınız olursa, mütləq Xorvatiyanın bir çox şəhərlərini gəzin. Xorvatiya turum haqqında paylaşım etmişəm #seyahat_arzusuuuxorvatiya⭐️2. BİH (Bosniya) Mostar körpüsü (memarı türk olub)Trebinje (yarım gün bəs edər)Sarayevo (ölkənin paytaxtı və özünüzü Türkiyədə hiss edəcəksiniz )⭐️3. Makedoniya ????Üsküp (Skopje) ölkənin paytaxtı (bir və ya yarım gün bəs edər)Ohrid (milvarisi ilə məşhurdur)⭐️4. AlbaniyaAlbaniyanın paytaxı, Tirana - mənə görə sıxıcı şəhər, vaxt itkisi.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Nigar Musazade      

8199 dəfə oxunub

Bir səyahət - 6 şəhər

ROMA, VENESİYA, MİLAN, BUDAPEŞT, KİYEV, ODESSA.6 şəhər, 3 ölkə hamısı eyni postda.Bu qrupdan bir dostumuz dediyi kimi qurban olduğum Wizzairdən biletləri seçib çıxdıq yola ????Gəzməli görməli yerləri şəkillərdə göründüyündən və postu oxuyanları yormamaq üçün mümkün qədər qısa qeydlərlə növbəti şəhərlərə keçəcəm. Başdan deyim ki, gözləntilər fərqli, baxışlar fərqli, şəhərlərlə bağlı yekun qərarlar fərqli ola bilir. Böyük kütlənin sevdiyi haranisa sevməyə bilərəm və ya əksi.Öncəliklə Roma.. Kutaisi - Roma reysiylə çatdıq şəhərə. Çatdıq derken dostum Elçin və mən ???? Paris səfərimiz də birlikdə olmuşdu. Romaya gediş biletini bir neçə ay öncədən 70 aznə almışdıq (tək gediş). 7 euro aeroportdan şəhərin mərkəzinə getmək üçün bus bileti aldıq. Oteli Terminidə seçdiyimiz üçün şəhərin əsas gəzməli-görməli yerlərinə uzaq deyildi. Maps.me, canımız gözümüz ???? taksisiz, avtobussuz, kasıb malı, ayaq gücünə ???? Fikrimcə, hər şəhəri ayaqla gəzmək lazımdı. Mümkün qədər avtobussuz, metrosuz. Necə deyərlər qarış-qarış, xəyalındaki hansısa şəhərdə addımladığını dəfələrlə hiss edərək.. Mənə görə hansısa şəhərdə piyada gəzməkdən yorulmursansa bu gəzinti deyil.Roma çoxunun bildiyi kimi tarixi şəhərdi. Min illərlə əvvəl tikilmiş tikililər. Normalda mənim tarixi şəhərlərlə aram yoxdu, ama Romanı orta dərəcəli də olsa sevə bildim. Şəhərdə əsas xoşuma gələn hər bir tərəfinin gəzmək və gözəl şəkillər üçün uyğun olması idi. Bir də şəhərdə bir-birinə yaxın məsafələrlə olan bulaqlarını sevdim. Sərin su - yay aylarının vazkeçilməzi. Roma dondurmasının dadına baxdıq, Pizzasının da dadını bildik. Şəhər Paris qədər olmasa da bahalı idi. Bahalığa görə ən çox təsir edəni də 1 eurodan WC keyfi  Roma plani quran dostuma tez vatsappda yazmışdım, bağırsaqların düzəlməyincə uzaq dur bu şəhərdən, Bakıdakılardan bərk bərk yapış  Şəhərin əsas görülməli hər küçəsini addım-addım gəzdik. Adriatik dənizinə getdik plyajına. Vatikana getdik, ora tamam başqa aləmdi. Burda çox Roma fanı var ama mənim üçün şəhərin gözəlliyi 3/5. Romanı istər-istəməz daha öncə getdiyim Parislə müqayisə etməli olurdum. Şəhərləri qarşı-qarşıya qoymağı sevən deyiləm ama insan özündən asılı olmadan orda eləydi burda beləydi edir. Bilmirəm ən çox sevdiyim şəhərdi deyə yoxsa nə Parisə əlavədən on dəfə də gedərəm, ama Romaya ikinci dəfə gedərdimmi? Getməzdim.Keçdik Venesiyaya.. Bu şəhərə getmədən youtubedə dəfələrlə 4k videolardan izləmişdim. Şəhəri sevəcəyimdən şübhəm yox idi. Şükür elə də oldu. Nağıl kimi şəhərdi Venesiya. Fərqli şəhərdi, valehedici şəhərdi. Məsələn, mən ömrümü o şəhərdə yaşamaq istərdim. Elə bir şəhərdi. Deyərdim, dərdi-kədəri unutduran, gözəlliyini gördükcə gözləri güldürən şəhərdi.Milan - Ən az bu şəhərdə oldum ama ən çox bu şəhəri sevdim. Tam mən istəyən şəhərlərdən. Müasir hündür mərtəbəli binalar, gözəl parklar, gözəl yollar, böyük və gözəl görünüşlü alış-veriş mərkəzləri, bahali maşınlar. Belə müasir şəhərlərdə mənə elə bir hiss gəlir ki, sanki bütün milyonerlər yığışıb əlində-ovcunda nə varsa şəhəri gözəlləşdirməyə sərf edib. Şəhəri gəzdikcə düşünürdüm mən nə savab işləmişəm indi buraları görürəm, Naxçivandan Milana uzanan həyat hekayəsi falan filan ????????Ümümulikdə İtaliya səfərim haqqında bu qədər.Keçdik Budapeştə. Macarıstanın paytaxtı. Bu şəhəri də nədənsə görmək istəyirdim. Şükür, qismət oldu. Buda və peşt şəhərlərini birləşdirən Dunay çayı. Mənzərə super idi. Qiymətlər İtaliya ilə müqayisədə daha ucuz. 1 euro = 310 forint idi. Şəhəri gəzməkdən böyük keyif aldım) Hətta o dərəcə ki, gündəlik 25-30 km piyada gəzintidən ayağım da şişmişdi) ama dəyərdi.Kiyev - Mənə görə Bakının bir neçə il əvvəlki halı. Yolları, parkları oxşar, metrosu birəbir eyni. Kiyevdə çox zamanımız olmadı deyə təkcə mərkəzi hissəsinə getdik, o da 15-20 dəqiqə piyada gəzməmiş dedilər, qaqa olanımız budu ???? Ama bir dönər yedim ki, gəl görəsən. Dadı damaqdan getməyən, yedikdən sonra əlavədən barmaq yedirdən )) haçansa yenidən Kiyevə getməli olsam tapacam o yeri, ya da haçansa milyoner olsam sırf o dönəri gedib yeyib qayıdacam  Xəyallarımda da kasıbçılıqdi, dönər zad Dediyim kimi daha çox müasir şəhərlərdən zövq aldığımdan bu şəhəri sevmədim, mənə görə sıxıcı, vaxt ayrılmayacaq şəhərdi, gözləntim isə böyük idi.Odessa - Ukraynanin digər şəhəri - Turistik şəhər. Kiyevlə müqayisədə daha çox bəyəndim. Qara dəniz sahillərində piyada gəzinti çox gözəl idi. Dadlı yeməklər, gözəl parklar, gözəl çimərliyi.- Uzaqlara getmək, dənizlər, sərhədlər, ölkələr, inanclar aşmaq fürsəti yarandığı zaman heç düşünməyin. Gəzmək yaşamaqdır. Arzusunda olan hər kəsə qismət.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Hüseyn Hacıyev

1724 dəfə oxunub

Türkiyə-Monteneqro-Albaniya səyahəti – 2-ci hissə

Budvadakı bütün otel, apartament və hostelləri bu linkdən book (bron) edə bilərsiz.Əvvəlki postda qeyd etdiyim kimi, Albaniyaya bileti İstanbul üzərindən almışdıq: İstanbul-Tirana-İstanbul 240 AZN. Bu səyahət planımızda Albaniyanı sadəcə tranzit kimi keçməyi nəzərdə tutmuşduq. Məqsədimiz Montenegro-Bosniya Herzeg-Serbiya turu etmək idi. Ancaq Albaniyada bizə gəlmişkən Adriatik sahillərində Saranda, Vlore, Ksamil kimi gözəl yerlərə də baş çəkməyimizi məsləhət gördülər və planlarımız dəyişdi. Tiranaya çatar-çatmaz ilk öncə yollandıq beynəlxalq avtovağzala 23 Euroya Tirana-Budva biletimizi aldıq, çıxdıq 5 saatlıq bir yola, gecə saat 11-də Budvaya çatdıq. 100 Euroya 3 gecə 4 günlük apart kirayələmişdik booking.com-dan, həm dənizə yaxın, həm mərkəzə. Montenegroda aktiv istirahətə üstünlük verdik.İlk günümüzü Budvada keçirdik. Budva plajında sanki Odessadasan, şəhər ancaq ruslardan ibarətdir sanki. Budva Old Townu gəzdik. Həm tarix, həm təbiət, həm dəniz - üçü bir arada hər kəsin istirahət zövqünə uyğun bir yerdir. Qiymətlər digər Avropa ölkələriylə nisbətdə çox ucuzdur. İnsanları çox yardımsevərdir. Bir də yeməklərinin porsiyası hədsiz çoxdur, 1 porsiya 2 nəfərə kifayət edir, büdcənizə qənaət etmiş olursunuz. Restoranlarda yeməklər 8-15 euro civarındadır, amma daha ucuz yeməkləri dənizkənarı fastfood cafelərdə tapa bilərsiniz, məsələn, böyük pizza dilimi 1,5-2,5 euro arası, giros (bildiyimiz toyuq dönəri) 2-3 euro və.s. Budvada edilməsi mütləq olan Cruis turudur-18-20 Eurodur, tam bir gününüzü alır, Blue Cavede üzmək çox maraqlıdır. Saat 9-dan sonra isə gənclər üçün gecə həyatı başlayır, dənizkənarı boyunca gündüz yemək xidməti göstərən restoranlar gecə cluba çevrilirlər. Amma qiymətləri barədə məlumatım yoxdur.  Əlavə olaraq Budvaya avtobusla 15 dəqiqə məsafədə Sveti Stefano adası yerləşir. Ada 1 oteldən ibarətdir və içəri giriş otel sakinlərindən başqa hər kəsə qadağadır. Amma adanın ətrafında dənizin suyu mükəmməldir. Mütləq baş çəkin və hətta biz dənizə girəndə axşam saat 8-9 idi, mükəmməl bir hissdir. Tərtəmiz su və tək-tük insanlar var.  İkinci günümüzü Kotor Bay turu etdik, amma turla yox, özümüz. Beləliklə büdcəmizə qənaət etdik. Şəhərlərarası avtobus xərcləri bir istiqamətdə 2-5 euro arası dəyişir məsafədən asılı olaraq. İlk dayanacağımız Kotor oldu. Kotor Budvadan daha kiçik, daha sakit və də daha şirin yerdir. Şəhəri tam gəzmək üçün 3 saat kifayətdir. Demək olar ki, bütün restoranlarda ən azı 1 ofisiant türkcə bilir, ingilis dili səviyəniz yoxdursa, türkcə danışa bilərsiniz. Kotorda mütləq edilməli olan: Kotor qalasının ən yüksək nöqtəsinə çıxıb şəhəri bir nöqtə kimi seyr etməkdir. Qalanın ən hündür zirvəsi 2 km-dir, ancaq hava isti olduğu üçün səhər günəş çıxmadan getmək məsləhətdir.Biz cəhd etmədik ona görə də. 3-4 saatlıq Kotor gəzintisindən sonra yollandıq Perast qəsəbəsinə. Perast kiçik balıqçı qəsəbəsidir, hətta o qədər kiçikdir ki, qəsəbə sadəcə sahilboyunca bir küçədən ibarətdir. 1 saat Perast üçün kifayətdir. Perastdan Our Lady of the Rocks adasına bot taxi ilə 5 euroya getdik və döndük. Ada sadəcə 1 kilsədən ibarətdir, ama Perasta gözəl mənzərə açılır. Gedib görməlisiniz. 2-ci gün üçün sonuncu dayanacağımız Herzeg-Novi oldu amma başımıza gələcəklərdən xəbərsiz idik. Herzeg-Noviyə çatar-çatmaz Budvaya geri dönüş üçün bilet almaq istədik, amma tapana hədiyyə düşür dedilər. Burda birşeyi anladıq: Balkanlarda nəqliyyat sistemi çox aşağıdır: Bir-birindən 2 saatlıq məsafədə yerləşən şəhərlər arasında ən sonuncu avtobus axşam saat 5-6 arası yola düşür. Biz isə Herzeg-Noviyə elə saat 6-da çatmışdıq. O saatdan sonra evinə qayıtmağa bir avtobus tapsan cənnətə düşmüsən deməkdir.???? Taxi isə azı 60-70 euro qiymət oxuyur insana. Artıq gəlmişik, onsuz ya burda gecələyəcik ya başqa bir çarəsinə baxarıq, kefimizi pozmayaq, gedək şəhəri gəzək deyərək düşdük Herzeg-Novinin küçələrinə.Burada digərləri kimi dar küçeleri ile xoş gelen Old Town, sahili canlı həyatı ilə ürəyimizi oxşadı. Restoranda qiymətlər elə Budva, Kotor kimidir, hər büdcəyə uyğun yemək tapa bilərsiniz. Sıra gəldi Budvaya geri dönməyə, həyatımızda ilk dəfə gecə saat 11-də biraz qorxuyla biraz tərəddüdlə avtostopdan istifadə etdik. Əslində gedəcəyi yer Kotor olan, orada yaşayan bir rus qardaş “gecədir, yollarda qalmayın” deyərək bizi təmənnasız Budvaya qaldığımız ünvana qədər gətirdi, çox çox minnətdar olduq.Səhərisi gün artıq aktiv istirahətdən yorulmuşduq deyə Bosniya-Herzeg və Serbiyanın əvəzinə çox təriflənən Sarandaya (Albaniya) getmək qərarı aldıq. Bunun üçün ilk öncə Budva-Ulcinj avtobusu ilə Ulcinjə getdik, ordan da avtobusla Tiranaya getməli idik. Amma rəfiqəm avtobusda əşyasını unutdu və o avtobus bir də 4 saat sonra Ulcinjə gələcəkdi, 4 saat gözləməli olduq, nə yaxşı da ki, bu hal başımıza gəldi deyirik hər dəfə yadımıza düşəndə. 4 saatı avtovağzalda oturmaq əvəzinə gəlmişkən buranı da görək dedik və Ulcinj Olt Towna getdik, Ulcinj qalası hər halda Adriatic dənizinə açılan ən gözəl mənzərədir deyə düşünürəm, bir də günəş batımı vaxtına düşsəniz. Elə möhtəşəm mənzərə hələ görməmişdim. Qalanın ən yüksək zirvəsində balıqçı restoranı var. Oranın ən bahalı restoranıymış amma, 1 porsiya kefal, 1 porsiya Pasta, 2 qədəh ağ şəraba 30 euro hesab ödədik. Oradan da xoşbəxt ayrıldıq yola düşdük Albaniyaya.Ulcinj-Tirana-Saranda istiqamətində gecə yola düşüb səhər 12-də Sarandaya çatdıq. Ulcinj-Tirana 15 Euro, Tirana-Saranda 12 Euro. Saranda paytaxt Tiranadan 5 saatlıq məsafədə bir sahil şəhəridir. Kiçikdir, gəziləcək yerləri varmı? Yoxdur, əsl passiv istirahəti sevənlər üçün ise möhtəşəmdir, sadəcə masmavi sulu dənizi, təmiz plyajı, bir də restoranlarla dolu bir dənizkənarı bulvarı var. Plajı qumlu deyil, xırda daşlıdır. Bir də Bakıdan fərqli olaraq, plajda istədiyin çətirdən istədiyin lejankadan istifadə edə bilərsən, heç kəs səndən 3 manat-5 manat ödəmə tələb etmir. Yeməklər çox ucuz, və porsiya Montenegroda oldugu kimi çoxdur. İnsanları çox gülərüzdür. Yenə booking.com-da tapdığımız bir apartda 3 gecəyə 60 euro ödəyərək gecələdik. Bir də Sarandadan avtobusla 15 dəqiqə məsafədə yerləşən Ksamil adası var, kiçik Maldiv adaları adlandırırlar, bəmbəyaz qumlu masmavi suyu ile göz oxşayır. Albaniyaya getməyi düşünənlər başqa yerlərinə vaxt və pul sərf etməsinlər. Saranda və Ksamilə getmək kifayətdir. 7 günlük Montenegro-Albaniya səyahətimizə 1 nəfərə 400 euro pul xərclədik, aldığımız hədiyyələr, yol xərcləri və.s. daxil.P.s. Post çox uzun olsa da bütün məlumatları paylaşmaq istədim, bəlkə yararlanan olar deyə.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Roza Ahmedova 

2779 dəfə oxunub

Avstriya bələdçisi - Vyana

Vyanadakı bütün otel, apartament və hostelləri bu linkdən book (bron) edə bilərsiz.Avropanın musiqi, kofe , şnitzel , memarlığı və sarayları ilə məşhur paytaxtı Vyana..Vyananı Vyana edən Mozart, Johann Strauss , Freud , Egon Schiele , Gustav Klimt kimi önəmli insanlar adamın şəhərə heyranlığını daha da artırır.Hava limanından şəhər mərkəzinə avtobuslar var - tək gediş 8€ , gediş dönüş 13€ .Şəhər içi isə 24, 48, 72 saatlıq biletlər ala bilərsiz. Ya da velosiped və Skuter app’ları yükləməklə istədiyiniz yerə gedə bilərsininiz. Mən ilk gün 24 saatlıq bilet aldım ( 8€ ) , ikinci gün skuterlərdən istifadə etdim ( ilk 1 € çıxır, sonraki hər dəqiqə üçün 15cent ) .Şəhər çox zəngin tarix amma bir o qədər də bahalı olduğu üçün muzeyləri gəzmədim, sadəcə Vyana milli kitabxanasına girdim (8€ , əgər tələbəsizsə 6€). Əvəzində bol bol gəzib parklarında çəmənlərə yayıldım ???? . Keçirdiyim 3 gün , 2 gecə yetərsiz idi Vyana üçün.Vyana deyəndə ağıla ilk gələn şeylərdən biri də Operadır. Opera, Balet və Konsertlərə getməmək günahdı əslində. Ən azından Vyana Dövlət Operasını (Wiener Staatsoper) gəzin. Muzeylər , Saraylar haqqında danışmaq istəmirəm, çünki internetdə yetəri qədər açıq aydın məlumatlar var.Mənə maraqlı olan məkanlardan biri “Sperl Kafe” idi. Səbəbi Before Sunrise filmindəki məşhur ‘ring ring’ səhnəsinin burda çəkilməsi idi. 19cu əsrin sonunda açılan kafe ilk vaxtda olduğu kimi bugünlərə gəlib çıxıb. 1907ci ildə İncəsənət Akademiyasına müraciət edən Adolf Hitler də bu kafeyə tez-tez gəlirmiş, çünki akademiya kafeyə yaxın idi. Burda Avstriyanın ən məşhur yeməyi Şnitzel yedik. Şnitzelin orjinalı donuz ətindən olur, amma dana və toyuq ətindən də hazırlanır. Vyanada çoxlu kafelər var və ən maraqlısı da budur ki, kafe və restoranlarda uzun növbə olur.Şnitzeli isə 100 ildən çoxdur ən yaxşı hazırlayan restoran Figlmueller’dir. Biz bura getmədik , rezervasiya etmək ya da saatlarla növbə gözləmək lazım idi, vaxtımız isə limitli idi.Digər kafelərdən birində də Melange (Austrian style coffee) və apple strudel təcrübəsi yaşadıq, normal kofe və alma pirogu idi ????.Vyanada yemək ən ucuz street food’lardır, bunları da yoxlamağınızı məsləhət görərdim, ən azından həm də dadlıdılar.Şokalad və məşhur wanner vaflilərini isə bəyənmədim. Avstriya çaxırları isə yaxşı idi.Xərcləri yazmıram çünki bu individualdır. Amma maraqlıdırsa suallarınızı verə bilərsiz.İnstagramdan da izlə bilərsiz ???? : @nazrinlandƏgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Nazrin Rahimova

1822 dəfə oxunub

Türkiyə-Monteneqro-Albaniya səyahəti - 1-ci hissə Türkiyə günləri

Salam, dostlar. Mən də ilk məlumatlandrıcı postumu paylaşım qrupda. Bizim səyahətimiz Türkiyədə başlayıb Albaniyada bitən 12 günlük dolu dolu bir səyahət idi. 2 nəfər idik və mənim ailədən uzaq, rəfiqəylə ilk səyahət təcrübəm olduğu üçün narahatçılıqlarım yox idi desəm yalan olar. Gələk əsas məsələyə: Biletləri Bakı-İstanbul-Bakı reysinə Buta Airwayslə 340 AZN-ə, İstanbul-Tirana-İstanbul reysinə Pegasusla 240 AZN-ə aldıq. Qeyd edim ki, daha ucuz ala bilərdik, sadəcə işin ucunda Türkiyə varsa bizim üçün shopping qaçınılmazdır dedik, hər iki istiqamətdə 23 kq baqaj haqqımızdan istifadə etdik və biletlər bizə 580 AZN-ə başa gəldi. Yuxarıda qeyd etdiyim kimi, səyahətimiz Türkiyədə başladı. İstanbulda həm rəfiqəmin həm mənim qalacaq yerimiz olduğu üçü otelə pul sərf etmədik. Mən Sabiha Gökçen Hava limanından Kadıköye AİRBUSla 14 TL-yə getdim, Taxi ilə də gedə bilərsiz təbii ki, amma o qədər məsrəfə ehtiyac yoxdur deyə düşünürəm.Biz daha öncə İstanbulda olduğumuz üçün olmadığımız bir neçə yerə getmək yetərlidir deyə düşündük, yollandıq Dolmabahçe sarayına. Saraya giriş 60 Tl-dir. İstanbula gedib Dolmabahçe sarayını görməmək günah olar deyə düşünürəm, mütləq görməlisiniz.2 saatlıq Dolmabahçe gəzintisindən sonra “Çukur” filmi ilə məşhurlaşan Balat-Fener ərazisini də görmək istədik. Hər kəs öz evini antik butik cafelere çevirib, hər cafe bir tarixdir sanki, yemək qiymətləri 1 nəfərə 40-60 TL civarındadır.Balat-Fener gəzintisindən sonra isə Pier-Lotti təpəsinə çıxıb İstanbulu bir də yüksəklərdən izlədik, günbatımını seyr etdik. İstanbulda ikinci günümüzdə isə Üsküdar Kız kulesi mənzərəsiylə çay içdik, Ortaköyə yollandıq, Ortaköy kumpiri (27 TL) yedik. Boğaz turu mütləqdir İstanbulda, Elə Ortaköydən başlayan boğaz turlarına qatıla bilərsiniz. Biz İstanbul üçün 2 gün yetərlidir deyərək gecə 12:00 avtobusu ilə yollandıq üzü Balıkesir-Ayvalıka. İstanbul-Balıkesir yolu 5 saat davam etdi, Balıkesir-Ayvalık isə 2 saat yarım. Yol xərcimiz gediş 120- dönüş 120 Tl oldu. Ancaq bileti bir neçə gün əvvəldən almaq məsləhətdir, çünki biz çox çətinliklə bilet tapdıq. Ayvalık kiçik bir şəhərdir, 3-4 saat da vaxt keçirmək yetərlidir. Yemə-içmə qiymətləri normaldır, məşhur ayvalık tostunu mütləq yeyin, əgər yolunuz düşərsə. Ayvalıkdan taxi botla (6TL) 20 dəqiqə məsafədə Cunda adası var, Egey dənizinin sahillərində sanki kiçik bir cənnətdir.  Bir az İzmir Alaçatısını xatırladır, amma bura daha sakit və turistlərin daha az olduğu yerdir və Alaçatıdan daha ucuzdur. Meyhaneləri, dəniz məhsulu restoranları ilə məşhurdur, plajları da var, rahatlıqla dənizə girə bilərsiniz. Bir gəzəyən üçün ən mühüm əşya hədiyyəlik magnetlərdir deyə düşünürəm, Cundada qiyməti 3 magnet 10 TL-dir. Əslində Ayvalığa səhər çatıb gecə qayıtmağı düşünürdük, ama bu cənnətdə 1 gün daha artıq vaxt keçirmək qərarına gəldik. Cunda adasında hər kəs evini butik otel və ya pansionat halına gətirib gəlir yeri kimi istifadəyə verib. Ancaq qiymətlər bahadır. 1 gecəlik 2 nəfərlik otaq kahvaltı daxil minimum 250 TL-dən başlayır.Yerli insanlar bizə Ayvalıkda daha ucuza yer tapa biləcəyimizi dedilər və Ayvalıkda gecələmək qərarına gəldik. 2 nəfərlik otağa 100 TL ödəyərək qaldıq. Bir də Ayvalık mərkəzdə “Aresin yeri” adlı kahvaltısıyla məşhur butik cafe var, 2 nəfərlik serpme kahvaltıya 80 TL ödədik. Bir də Ayvalığın balıq yeməkləri ilə ən məhşur yeri “Tık Mustafanın yeri” adlı meyhane tipli restorandır, reserv etmədən yer tapmaq mümkün deyil. 2 nəfərlik 100-150 TL xərciniz çıxacaqdır. Aurası çox gözəldir, oxuyan kim oynayan kim. Cunda küçələrini 2 gün gəz-gəz doymadıq, amma ikinci günün sonunda İstanbula 120 TL-yə dönüş biletimizi (Uludağ otobüs firması) aldıq.Ayvalıkdan birbaşa İstanbula düşdük yollara. Bizi yeni bir ölkə, yeni səyahət macərası gözləyirdi çünki. Türkiyədə 4 gün üçün ümumi 120-150 Euro xərcimiz çıxdı 1 nəfərə. Montenegro və Albaniya haqqında ayrıca post paylaşacam.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Roza Ahmedova

1480 dəfə oxunub

Balkanlar - Serbiya, Bosniya və Hersoqavina, Montenegro və Şimali Makedoniya

Axşamınız xeyir ???? uzun post olacaq amma o qədər sualımın qarşılığında hər şeyi bölüşmək istədim bəlkə kiməsə faydası olar. 10 günlük, 4 nəfər planlaşdırdığımız Balkan turumuza 1 nəfəri sərhəddən o tərəfdə qoyub çox məyus şəkildə başlasaq da şükür davamı çox yaxşı keçdi. 1həftəlik bir araşdırmadan sonra trayektoriyamızı çəkib Tiflisdən Pegasusla bilet aldıq və ilk istiqamət Belgrad oldu. "Kimdi bizi tanıyan" ana sloganlı səyahətimiz də elə Tiflis aeroportundan başladı ???? (P.S Balkanlara gedərkən mütləq çətir götürün çünki hava anidən dəyişə bilir hətta həyatımda ilk dolunu da Belgradda gördüm)1. Hava limanından şəhərin mərkəzinə getməkçün 150 dinar ödəməlisiniz (qətiyyən çeki çaşıb da atmayın) ilk başda şəhər olduğuna şübhənizin yaranacağı bu şəhər üçün gözləntinizi çox yüksək tutmasanız yaxşıdı. 1günə gəzib bitirilə bilinəcək bir şəhərdi. Heç bir əlavə transportdan istifadə etmədən bütün yerlərə getsək də nə hikmətdirsə bu şəhərdə saat donmuşdu sanki. Ən bəyəndiyimiz cəhəti Kalemagdandan Dunay mənzərəsi, Skardarlija küçəsi və möhtəşəm grafitilər. Qaldığımız yer mərkəzə yaxın idi və ev sahibləri çox mehriban və yardımsevər idilər. Check out time 11də olmasına baxmayaraq biletimizin axsama olduğunu öyrəndiklərində əlavə qala biləcəyimizi dedilər.???? Dinarın dəyəri çox aşağı olduğu üçün nə isə alarkən çətinlik çəkə bilərsiz hesablamaqda.2. Növbəti ölkə olaraq Bosniya&Hersoqavinanı şəhər olaraq isə Mostarı seçmişdik. Hec bir ölkəyə biletləri online almasanız yaxşıdı. Çünki avtobus stansiyasında hetta 10avro ucuza bilet tapa bilərsiz. Mostar kiçik də olsa çox çox gözəl şəhərdi. Mərkəzdən 20-30 dəqlik məsafədə olan Blagaj "cənnət" kimi yerdir 10, 11, 12 nömrəli avtobuslarla 1 avroya gedilir. Qalmaq üçün Mirror hostel seçmişdik (bus stationdan 5 dəqlik məsafədə idi). Sahibəsi Lətifə adlı çox şirin qadın idi. Onu da deyim ki, Hostel heç də düşünüldüyü kimi 20 nəfərin bir otaqda qaldığı yer deyil. Book edərkən "private bedroom and bathroom" seçsəniz tam təhlükəsiz gecələyə bilərsiz. 1günlük yer kimi düşünsək də görmədiyimiz yerlər oldu. Balkan ların ən məşhur yeməyi Cevapi bizim mini lülə kababa bənzəyir, yağlı çörək və garnirlərlə servis olunur. Pul vahidləri mark manatla eyni dəyərdədir, qiymətlər də demək olar ki, eynidir.3. Next station - Montenegro ???????? qalmaq üçün seçdiyimiz ən luks yer burda olsa da ən ilgisiz sahibləri də burda idi. Hətta ödəniş etmədən çıxıb getsəydik bəlkə də xəbərləri olmazdı. Kotora getmisinizsə mütləq qalaya qalxın 2000+ pilləkən olsa da. Yaxşı olar ki saat 8dən öncə qalxasız hava həm sərin olur qalxmaqda çətinlik çəkməzsiz həm də 8 avro ödəməyəcəkdiz???? (8den sonra görəvli orda olur 8avro alır) Qalxarkən yaxşı olar ki, su və ya yeməyə nəsə götürün əks halda təzyiqiniz düşərsə heç kəs də olmazsa çətin vəziyyətdə qala bilərsiz ???? (rəfiqəmin halı pisləşərkən özümü necə çarəsiz hiss etdiyimi ifadə edə bilmirəm☹️ yaxşı ki, tez panikaya düşən deyiləm durumu toparlaya bilməzdim). Budva Kotora nisbətən çimərliyi ilə daha məşhur olsa da məncə Kotor daha gözəldi və tam passiv istirahət yeridi. Budvada gəmi turu götürsəniz peşman olmazsız. Sveti Stefan adası və Perast da görülməyə dəyərdir. Avro istifadə olunduğu üçün bahalı ölkədir nisbətən. Kotorda sahil kənarında Tanjga adlı restoran var yeməkləri dadlı və böyük pors olur, digərlərinə nisbətdə də qiymətlər də normaldır.4. Last station - Makedoniya. Gözləntimizi ən aşağı tutduğumuz bu ölkəni necə bəyəndiksə heç getmək istəmirik. Kotorda Ohridə avtobuslar yalnız günaşırı olur gedərkən bunu nəzərə alın. Ohrid isti abu havaya malik, şirin bir yerdir. İngiliscə bilən az olsa da türkçə əksəriyyəti bilir. Paytaxt şəhər Skopjedə (Üsküp) də həmçinin ingiliscə bilən çox azdır. Slavyan dil qrupu olduğu üçün rusca bilirsizsə dərdinizi deyə bilərsiz. Kanyon Matkaya getmədən qayıtmayın. Avtobus çox gec gəlir yaxşı olar ki, taksi istifadə edəsiz. 3-4nəfərsizsə qiyməti də elə böyük fərq etmir (18-20avro yazır taksimetr) Yenə də avtobusla getmək İstəsəniz 60 nömrə gedir 150 Dinara (gediş-dönüş) Amma kart almalısız səhv etmirəmsə 50dinar idi o da. Skopjenin mərkəzi heykəllərlə və muzeylərlə doludur. Tarixi sevənlər üçün maraqlı seçim olar ????Ümid edirəm ki, yorulmadınız oxuyarkən????????Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Gunel Yashar

2977 dəfə oxunub

İspaniya üçün səyahət büdcəsi

Gəzməli-görməli yerlərdən şəkillər paylaşır, bəh-bəhlə təəssüratlar yazırıq. Amma gəlin etiraf edək ki, insanları ən çox büdcə maraqlandırır, səfər barədə ilk olmasa da, mütləq ikinci sual o olur ki, nə qədər pulun çıxdı? ????Təbii ki, hər hansı bir ölkəyə, şəhərə səyahət büdcəsi sizin orada harada qalmağınızdan, nə qədər qalmağınızdan, hansı nəqliyyat növünü seçməyinizdən, nə yeyib, nə içməyinizdən asılı olaraq dəyişəcək. Mən öz təcrübəmdən, 1 həftəlik İspaniya səyahətimdən yazım, kimdəsə bu məbləğ qat-qat ucuz ola bilər, kimdəsə əksinə baha ????‍♀️????İlk olaraq İspaniyaya necə getməli? İspaniyaya ən ucuz uçuş Kutaisidən Barselonayadır. Wizzair hava yolundan təxminən 150 Euroya gediş-dönüş uçuş biletini əldə edə bilərsiniz. ✈️????İspaniya daxilində isə şəhərlərarası qatar və avtobus biletlərini də öncədən almaqda fayda var. Bunun üçün omio.com saytından istifadə edə bilərsiniz. Barselona-Valensiya qatar biletim 29 Euro, Valensiya-Madrid qatar biletim 34 Euro, Madrid-Granada avtobus biletim 20 Euro, Granada-Cordoba avtobus biletim 16 Euro, Cordoba-Sevilya qatar biletim 14 Euro. İspaniyanın özünün Renfe qatarlarından və Alsa avtobuslarından istifadə etdim.????????Gəldik otellərə... İlk olaraq, onu deyim ki, Madrid və Barselonada qiymətlər Əndəlüs bölgəsinin şəhərlərinə görə az qala ikiqat bahadır. 8-12 nəfərlik ümumi otaqlarda qalıb, ümumi hamam-tualetdən istifadə etmək sizin üçün problem deyilsə, 10-15 Euroya hostellərdə qalıb səyahətinizi ucuz edə bilərsiniz. Amma mən hostellərdə qala bilmədiyim üçün 4 ulduzlu otellər seçdim ki, onların da qiyməti təbii ki, nisbətən bahadır. Bunun üçün də müxtəlif saytlar var. Ancaq mən adətən booking.com saytından istifadə edirəm. Oteli neçə ay öncədən tutmağınızın, neçə nəfər olmağınızın, şəhər mərkəzinə yaxınlığın da qiymətlərə təsiri var. Ən yaxşısı, ən azı 2 ay qalmışdan otellərinizi book edib rahat oturmaqdır. Barselona otelimin bir gecəsi 150 Euro (3 nəfərlik otaq) idisə, Madrid otelimin gecəsi 135 Euro, Valensiya otelimin gecəsi 90 Euro, Əndəlüs şəhərlərində isə gecəsi 60-70 Euro (yenə də 3 nəfərlik otaq) idi.O ki qaldı nə yeyib-içməyə, bu da fərdidir, nə istədiyinizə, necə yerdə yediyinizə bağlıdır. Şəhərdaxili nəqliyyat və yemək-içmək kimi xərclər üçün bir günə maksimum 50 Euro kifayət edir. Məsələn, bir dəfə kafedə oturub yemək 15 Euro civarındadır. Günə 3 dəfə kafedə yemək əvəzinə, heç olmasa bir dəfəsini marketlərdən alış-veriş edib öz sendviçnizi özünüz düzəltsəniz, həmin məbləğə muzey və saray qiymətlərini də daxil edə bilərsiniz.Nəzərə alsaq ki, muzeylərin, sarayların giriş qiyməti də ortalama 10-15 Euro təşkil edir. Xülasə, normal yeyib-içib, normal büdcəli otellərdə qalmaqla 1 həftəlik İspaniya səyahətini bir nəfər üçün təxminən 1500 manata başa gətirə bilərsiniz. (Bütün bilet və otelleri aylar öncə almaq şərti ilə!!!) Hostellərdə qalıb, restoranlar əvəzinə marketlərdən yesəniz, maksimum 1000 manata da səyahət edə bilərsiniz.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Rena Karimova

1851 dəfə oxunub
Bizi izləyənlər siyahısına qoşulun!