Bloq

82 dəfə oxunub

2 Yaşlı Oğlumuzla Paris Seyahəti

Salamlar! Bu dəfə sizə 2 yaşlı oğlumuzla birlikdə etdiyimiz Paris səyahətindən danışmaq istəyirəm.
Əslində İspaniyaya getmək üçün vizanı Fransadan almışdıq və 3 aylıq viza verdikləri üçün Payıza da Paris səyahəti saldıq. 4 gün bu şəhərdə olduq və açığını desəm, Paris haqqında deyilən “pis” fikirləri tam anlamıram. Küçələrdə çirklilik görmədim, o məşhur Paris sindromunu isə heç yaşamadıq. Əksinə, bu bizim ən gözəl səyahətlərimizdən biri oldu.


Charles de Gaulle hava limanına çatdıqdan sonra əvvəlcə avtobusla getməyi planlaşdırsaq da, oğlumuz yatdığı və biz də yorğun olduğumuz üçün taksi sifariş etdik. Otelimiz Montparnasse ərazisində yerləşirdi.
1-ci gün
Otelə çatdıqdan sonra Montparnasse-də otelimizin yaxınlığındakı kiçik bir kafedə yemək yedik . Daha sonra planımız Eiffel qülləsinə qarşı, Champ de Mars-da piknik idi. Bəxtimizdən hava açıq və yağışsız idi. Eiffelin qarşısında piknik etmək doğrudan da inanılmaz dərəcədə huzurverici idi.
Sonra Notre-Dame tərəflərə getdik, həm kilsəni, həm də ətraf küçələri və Sena çayı sahilini gəzərək şəhərin ab-havasını yaşadıq.


2-ci gün
Səhəri məşhur Shakespeare and Company kitab mağazasına getməklə başladıq. İçəridə şəkil çəkmək qadağandır və girişdə “iKitabların sehri ilə baş-başa qalın” yazılmışdı — tamamilə razıyam! Xüsusilə uşaq bölməsi çox maraqlı idi. Ümumiyyətlə, Parisin ən sevdiyim cəhətlərindən biri kitab mağazalarının bolluğu oldu.


Daha sonra Café de Flore-da qaymaqlı isti şokolad içib, alma piroqundan daddıq — çox ləzzətli idi.
Sonra Montmartre – rəssamlar təpəsinə yollandıq. Məşhur Sacré-Cœur kilsəsi də burada yerləşir, burada yüksəklikdə musiqi sədaları altında Paris mənzərəsini seyr etmək heyranedici idi. Hətta oğlum bekə da oturub mənzərəyə baxırdı bu, mənim üçün unudulmaz an idi


Axşam isə yağışa düşsək də, Pont de Bir-Hakeim körpüsünə getdik. Buradan Eiffelin ən gözəl görüntüsü açılır. Yağışa baxmayaraq, gecə Eiffelin işıqlanmasını da fərqli bir küçədən izlədik (bu vaxt oğlum artıq yatmışdı ).
3-cü gün
Növbəti gün məşhur Champs-Élysées küçəsinə getdik. Lüks markaların vitrinləri və Arc de Triomphe bu küçənin əsas simvollarıdır.


Ara-sıra yağış yağırdı, amma külək olmadığından narahat etmirdi.
Bu arada macaron yemək üçün — həm Ladurée, həm də Pierre Hermé sınaqdan keçirdik. Hər ikisi gözəl idi, amma Pierre Hermé-nin dadı daha yüngül və yumşaq idi.


Yediyimiz dadli yemeklerden biri Madame croque digeri ise avokadolu ve salmonlu sendvic idi. Cox cox lezzetli idi.
Kiçik bir məsləhət
Sentyabrda Parisə gedirsinizsə, su keçirməyən üst geyiminizi mütləq götürün. Hava günəşli və isti olsa belə, yağış gözlənilmədən başlaya bilər.


Bu dəfəlik bu qədər.
Növbəti səyahətlərimizdə yenə paylaşımlarım olacaq
https://www.instagram.com/mini.toorist...

Paylaşan:

Aydan Hamidova

Aydan Hamidova

DİGƏR BLOQLAR

Fəthiyədə "öz əlin, öz başın"

Fəthiyədəki bütün otel, apartament və hostelləri bu linkdən book (bron) edə bilərsiz. Hər vaxtınız xeyir. 12-19 iyul Fəthiyə səfəri haqqında faydalı hesab etdiyim məqamları bölüşmək istəyirəm. Getməmişdən əvvəl qrupdakı məlumatlar kömək oldu deyə bizdə paylaşmaq istədik. Ümid edirəm faydalı olacaq. Yazı uzun olacaq biraz həvəsi olanlar oxuyar Əvvəlcə qeyd edim ki, hər şeyi özümüz etdik biletlər, ev, şəhərlər arası , bir sözlə "öz əlimiz öz başımız" oldu.Açığı İlk xarici səfərimiz olduğu üçün biraz qərarsız idim ama tur paketlərin qiymətini gördükdən sonra fikrim dəqiqləşdi. Biraz təcrübəniz varsa Özünüz planlaşdırıb çox rahat 40-50% daha ucuza gətirə bilərsiniz səyahətinizi. Gedərkən 2000tl nağd pul götürdük. Kifayət elədi artığda qaldı. Qalan pulu kartda saxladıq, manat olaraq. Demək olar ki, bizim kartlar ( Unibank, Kapital Bank ) hər yerdə keçərlidi. Bütün Nəqliyyatlarda temassız ödəniş keçir bir izbandan (İzmir) başqa ona kart almaq lazımdı. Bakı-İzmir-Bakı. İki nəfər + 40kg bagaj + bilet sığorta ümumi 934 manat. Hər ehtimala qarşı 14$ artıq ödəyib sığorta etdik. Biletləri aprel ayından almışdıq. Bir başa Bakı-Dalaman reysi ilə arasında 400+ manat qiymət fərqi var idi. Biz 2 gündə İzmirdə qalacağımız üçün bizim üçün Bakı İzmir daha sərfəli oldu.İzmir havalimanından İzmir otogara 204 nömrəli marşrut + Bələdiyyənin Havaş avtobusları gedir.Biz Havaşla getdik adam başı 57 tl idi. İzmir dən Fəthiyəyə 5 saatlıq yoldu ortalama qiymət 450-500 TL'dir. Daha ucuz şirkətlər də vardı ama xidmət aşağı idi. Qiymət baha olsa da həm avtobus çox rahat idi həmdə xidmət çox yüksək idi - tv, wifi, filmlər, musiqi, 1 - 1.5 saatdan bir servis edilirdi. Çay, kofe sərin içkilər atıştırmalıklar, bir sözlə 5 saatlıq yolda yorulmursuz.Biletləri oBilet dən aldıq. Biz Airbnb dən ev kirayə tutduq. Ev bizim üçün oteldən daha rahat gəlirdi. Elədə oldu. Ev Həm mərkəzə həm sahilə yaxın adresdə yerləşirdi. Razı qaldıq. Maraqlanan olsa link ataram rəyə. Ümumi 5 gün üçün 490 manat ödədik. Fəthiyəyə getmişkən aktivite turlarına qatılmadan dönmək? nəbilim vallah Biz 3 tura qatıldıq:Tekne turu - nahar daxil adam başına 750tl - 10'dan 6'ya kimi. Ölüdenizin əksər koylarını dolaşır. Üzmək və gəzmək üçün 30-60 dəqiqə vaxtınız olur. Tüplü Dalış - nahar daxil adam başına 1100 + 400tlçəkiliş (istəyə görə). biz tekne turunu ölüdenizdə getdik deyə dalışı Fəthiyədə etdik. Tekne turunu ölüdenizdə etsəz daha məsləhətdiTurlara özünüzlə su və atıştırmalık götürün. Adi suyu tekne də 8 dəfə bahasına verirlər, vijdansızlarYamaç paraşütü - adam başına 3000 tl, çəkiliş daxil. Babadağdan 2200 m-dən aşağı atılırsan amma külək səni 3000 m qədər qaldırır bütün ölüdeniz gözəlliyi ilə "ayaqlarının altında". Paraşüt mənim üçün "ölmədən etməli olduqlarım" siyahısında idi və buna deyərdi. MəsləhətdiYamaç Paraşütünü səhər saatlarına salın, həm hava sərin olur, Pilotlar yorğun olmur, sıxlığ az olur. Turları 2 ay əvvəldən Deep Blue Travel TR dan almışdıq. Razı qaldıq. Erkən rezervasya ilə bir qədər də ucuz etmək olar. Turların hər birinə bir gün ayıra bilərsiniz. Zatən o saatlarda istidən başqa bir şey etmək mümkün olmur . Fəthiyənin şəhər daxili nəqliyyatı - çox yaxşıdı. Düzdü biraz qarışığdı amma baş açmaq olur. Əsas Lazım olan hər tərəfə çatdırır sizi Bir nəfər 12tlÖlüdenizə 5 dəqiqə aralıqla dolmuşlar qalxır. 1 adam 52 tlFəthiyə Otogardan Muğlanın bütün ilçelerinə dolmuşlar gedir. İmkan daxilində gəzmək üçün maşın icarə götürmək daha məsləhətdi həm istiyə görə həmdə vaxt itirməmək üçün. Taksidə seçim ola bilər ama çox baha başa gələcək. Taksilərdə "indi-bindi" 40 tl'di. Gediş Qiymətini siz düşününGecə Fəthiyəni piyada mütləq gəzin çox gözəl, sakit, təmiz şəhərdi. Üzmək üçün ən gözəl sahil Ölüdeniz Lagoon oldu bizə görə. Bir çətir 2 şezlong 400 tlsaat 6 dan sonra sahildə istənilən plaja pulsuz keçə bilərsiniz. + ücretsiz plajlarda var gəl ki istidən ilk gördüyün plaja qaçırsan Fəthiyədə Hava çooox isti keçir, ən azından Tovuzdan gedən biriləri üçün Bakını deyə bilmərəm . Minimum 40+ isti olur. Ona görə başqa koylara getmədik, tarixi yerlər, digər plajlar var gəzmək üçün amma isti imkan vermir. İki nəfər üçün Xalq sığortadan səyahət sığortası aldıq - 6.5 manat. 5000 manata qədər. Burdan sonrası 2 günlük İzmir dönüşü. Eyni marşrutla İzmirə qayıtdık. Burda da 2 günlük ev kirayələdik. 2 gecə üçün 120 manatRazı qaldıq. Ev sahibi çox mehriban insan idi. Bildiyiniz İzmirdə bələdçi oldu bizə sağ olsun. Açığı Fəthiyənin aktiviteleri olmasa tətili İzmirdə də keçirmək olar. Şəhəri çox bəyəndik. Gecələr bütün şəhər xalqı demək olar ki, sahildə olur, piknik, idman, əyləncə, kim nə istəyir. Çox gözəl görsənir. İzmirin şəhər daxili nəqliyyat çox rəngarəngdi. Avtobus, Tramvay, vapur, metro, izban şəhərin hər tərəfinə marşurut işləyir. Getmişkən hamısına baş çəkin. Ümid edirəm faydalı olacaq. Kimin əlavə nə sualı olsa yazsın Gəzin dolaşın, bizə qalan yaşadıqlarımız olur. Çalışın yadda qalanlar xoş xatirələr olsun. Hər kəsə uğurlar.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Sənan İmamverdiyev

1206 dəfə oxunub

Mərkəzi Avropanın incisi Budapeşt – 2 ci hissə Peşt

Keçən dəfəki yazımda Budapeştin Buda hissəsi haqqında yazmışdım, söz verdiyim kimi bu dəfə də Budanın “sevgilisi” Peştdən yazacam. Peşt Dunay çayının şərq hissəsində yerləşir. Şəhərin bir çox görməli yerləri, Parlament binası, Sent İştvan bazilikası və şəhər mərkəzi Peştdə yerləşir. İlk yazımızda Budapeştə necə getməli, hava limanından şəhərə necə çatmalı haqqında yazdığımdan bu dəfə bir başa keçirəm mətləbə – Peştin görməli yerlərinə. Ilyarımdır Budapeştdə yaşadığımdan düşündüm ki, Budapeşt üçün ayrıca əyləncə məkanları yazısı yazım ona görə, əyləncə, gecə həyatı, bar və restoranlardan bu hissədə də bəhs etməyəcəm. Başlayaq (Buda)Peştin gəzməli görməli yerlərindən.Budapeşt deyəndə yəqin ki, ağıla gələn ilk şeylərdən biri şəhərin simvolu olan Macar Parlament binasıdır. 691 otaqlı bu bina 143 il bundan qabaq tikilib və dünyada ən böyük 3 Parlament siyahısındadır. Bina Dunayın sahilində yerləşir və böyük olduğundan Buda tərəfdən daha ecazkar görsənir. Parlamentdən Aslanlı körpüyə 200-300 metr gedəndə yerdə kiçik dəmir ayaqqabılar memorial abidəsi var. Abidə 2-ci dünya müharibəsi illərində faşistlər tərəfindən öldürülən yəhudilərin şərəfinə qoyulub.Abidədən 900 metr məsafədə Budapeştin digər məşhur arxitektur binası Szent İstvan (Sent İştvan) bazilikası yerləşir. Bazilika roman-katolik kilsəsi kimi 100 il bundan öncə istifadəyə verilib. Burada marağınızı cəlb edəcək şey binanın interyeri və içərisində macar kralı Sent İştvanın sağ əli ola bilər. Bəli, sağ əlin yerini sol əl bilməməlidir deyiminə inanan macarlar kralın sağ əlinin mumyasını burada saxlayılar ????Bazilikanın tam önündə, Budapeştdə şəkli ən çox çəkilən olmasa da, qarnına ən çox toxunulan dəmir heykəli görə bilərsiniz ???? Heykəl 1900-cü illərdə hazırlanıb və o dövrün qarınlı polislərini əks etdirir. Normal polislərdən fərqli olaraq bu qarınlı heykəl polis çox gülərüz polisdir. İnanca görə polisin qarnını sığallasanız, gələcəkdə siz də məmur ola bilərsiniz, yox deyəsən belə deyildi… ???? hə inanca görə polisin qarnını sığallasanız bu sizə sevgidə uğur gətirəcək, yox əgər polisin bığlarını eşsəniz, bu sizə ümumiyyətlə uğur gətirəcək. Bunu yoxlamamışam amma Budapeştə səfər etsəniz yoxlamağa dəyər yəqin ki ????Bazilikanın arxasında  sağa doğru irəliləsəniz, Erzsebet ter(Erjebet meydanına) çıxacaqsınız. Meydanın mərkəzində hovuz var və ətraf yaşıl otlarla örtülüb, ilin isti vaxtlarında burada adam əlindən tərpənmək olmur, axşam saat 8-9dan sonra gənclər içkilərini və musiqi alətlərini götürüb burda səhərə kimi əylənirlər. Hovuzun altında isə Akvarium klub-barı yerləşir həftə sonu istirahəti üçün yaxşı seçimlərdən biri ola bilər.Erzsebet terdən keçib bir az daha irəli getsəniz Deak Ferencmeydanına çıxacaqsınız. Bura Budadpeştin ən mərkəzi hissələrindən biridir. 1, 2 və 3-cü metro xəttləri burada kəsişir, buradan rahatlıqla Budapeştin istənilən yerinə gedə bilərsiniz. Meydandan bir azca sağa dönüb düz getsəniz Vörösmarty meydanına çıxacaqsınız. Buranı Budapeştin tam mərkəzi adalandırmaq olar, çünki məşhur Vaci Utca (Vaçi utka yox Vaçi Utça ???? ) məhz buradan başlayır. Vaçini Budapeştin “tarqovu”su adlandırmaq olar. Uzun küçə boyunca sağda-solda brend maqazinlər və kafe-restoranları görmək olar.Vaci utcadan Deak Ferenc meydanına qayıdıb yolu keçib köhnə Yəhudi məhəlləsini gəzmək olar. Buradakı kiçik və arxitektur evlər, dar məhəllələr marağınıza səbəb ola bilər. Bundan başqa bu ərazi street art sevənlərin Budapeştdəki cənnətidir desək yalan demiş olmarıq.Yəhudi məhəlləsini gəzəndən sonra piyada Oktogon meydanına getmək olar. Nəyimə lazım binalar, street art deyənlər isə Vörösmarty terdən 1 nömrəli metro xəttinə minərək də Oktogona gedə bilərlər. Budapeştin 1 nömrəli (sarı) metro xətti deyilənə görə qitə Avropasındakı ilk metro xəttidir. Turistlərin Budapeştə ən çox baş çəkdiyi məkanların başında gəlir bu qədimi xətt. Oktogon adından da bilindiyi kimi 8 güşəli meydandır. Ölkəmizin səfirliyi bu meydanın yanında yerləşir. Oktogondakı digər baş çəkilməli məkan isə Andrassy (Andraşşi) küçəsində yerləşən Terror Haza (Terror evidir) muzeyidir. Muzey 20-ci əsrin faşist və komunist diktator rejimlərinə həsr olunub. Muzey faşizm və komunizm dövründə represiyaya məruz qalan insanlara ithaf olunub. Muzeyin zirzəmisində AHV-nın (komunizm dövründə macar KGBsi) dustaqların iradəsini qırmaq üçün istfiadə etdiyi hücrələr var. Budapeştdə xüsusilə də komunizm və faşizm dövrləri ilə maraqlananlar üçün ən maraqlı muzeylərdən biridir bura.Andrassy küçəsi, bir çox səfirliklərin, qədimi bina, ev və villaların yerləşdiyi enli küçədir. Arxitektura ilə maraqlananlara bu küçəni ta sona qədər piyada gəzmək tövsiyyə olunur. Andrassy küçəsinin sonunda Hösök tere (Höşök tere) – Qəhrəmanlar meydanı yerləşir. Meydanın tam ortasında hündür sütun ucaldılıb, sütunun üzərində isə mələk Cəbrayılın heykəli. Sütunun ətrafında şahzadə Arpadın başçılığı ilə bu ərazilərə gəlmiş 7 Macar-hun əyanının at üstündə heykəli var. Sütunun arxasında isə 2 ədəd 7 sütundan ibarət tağ var. Bu tağlarda Macarsıtan tarixinin tanınmış simalarının heykəlləri qoyulub. Meydan və tağlar Avstriya-Macarıstan imperiyası vaxtı hazırlandığından tağların 5-i Habsburq sülaləsinin nümayəndələri üçün nəzərdə tutulubmuş. 2-ci dünya müharibəsində meydan dağıdıldığından bərpa olunarkən Habsburqların heykəlləri indikilərlə əvəz olunur.Qəhrəmanlar meydanının sol tərəfində İncəsənət muzeyi, sağ tərəfində isə İncəsənət salonu yerləşir. İncəsənətlə maraqlananlar üçün bura gəlmək əsl bayrama çevrilə bilər. Meydanın arxasında sol tərəfdə Varosliget – Şəhər parkı yerləşir burada ilin isti vaxtları piknik edənləri, uzanıb günəşlənənləri görmək olar. Sağ tərəfdə isə Vajdahunyad qəsri yerləşir. Qəsr şəhər parkının içində, süni gölün sahilində yerləşir. Göl qışda dondurularaq xizək meydançasına çevrilir, yayda isə kiçik qayıq sürmək istəyənlərin ixtiyarına verilir. Qəsrin içərisində Avropanın ən böyük Kənd Təsərrüfatı muzeyi yerləşir.Şəhər parkının içərisində Budapeştin dünyada ad çıxarmış termal hamamlarından biri olan Szechenyi termal hamamı yerləşir. Turistlər arasında çox məşhur olduğundan hamamda demək olar ki, ancaq ingilis dilində danışılır ???? . Hamamın 1 açıq termal hovuzu bir də iri üzgüçülük hovuzu var. İstər yay olsun istər qış Budapeştə gəlmisinizsə mütləq şortlarınızı, bikinilərinizi özünüzlə götürün, bu hamama baş çəkmədən Budapeştdə olmuşam demək olmaz ????Budapeştin digər 2 görməli yeri isə dəmir yol vağzallarıdır. Şərq vağzalı adlandırılan Keleti Palyaudvardır. Vağzal Budapeştin əsas daxili və beynəlxalq vağzalıdır, binanın özü isə çox gözəl memarlıq üslubunda tikilib, qabağında 100% bir selfi edəcəksiniz ???? Digər vağzal isə Nyugati Palyaudvardır (Qərb vağzalı). Vağzalı önəmli edən əsas xüsusiyyətlərdən biri vağzalın binasının Parisdəki məşhur Eyfel qülləsini tikən Qustav Eyfelin şirkəti tərəfindən tikilməsidir. Keleti vağzalıdan düz Blaha Lujza meydanı istiqamətində irəliləsəniz meydanda Budapeştin ən məşhur, ən turistik və ən qlamurrr kafesi ilə qarşılaşacaqsınız – New York Café Budapest ilə. Bina 1894-cü ildə ildə New York Sığorta şirkətinin baş regional ofisi kimi tikilib. Birinci mərtəbəsindəki kafe isə sığorta şirkətinin adıyla New York Café adlandırılıb. Kafe açıldığı ilk gündən ta 2001-ci ilə kimi macar ədəbiyyat və peoziyaçılarının yığışdığı məkan olub. Bina 2001-ci ildə təmirə bağlanır və bir də 2006-cı ildə istifadəyə verilir. Sığorta şirkətinin binası otel kimi istifadəyə verilsə də birinci mərtəbədəki kafe elə kafe olaraq da qalır. Kafenin içərisindəki abu-havanı sözlə ifadə etmək çətindir, ən yaxşısı özünüz gedib baxasınız ???? amma turistlərin baş çəkdiyi top 5 məkandan biri olması az-çox məkan haqqında fikir yaradır adamda ????Buda və Peşt haqqında bu qədər. Yazının əvvəlin buradan oxuya bilərsiz: "Mərkəzi avropanın incisi Budapeşt-I hissə Buda"Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Babek Musa-Zadeh

1425 dəfə oxunub

Sehirli aləm - Norveç bələdçisi

Norveç barəsində qeydlərim:Planlama edərkən əsas məqsəd gözəl və ensiz fyordları görmək, ən gözəl qatar səyahətlərindən biri hesab olunan Flam qatarından istifadə etmək, təbiət qoynunda olan çoxlu yürüyüş nöqtələrinə getmək (əsas Trolltunga) , Skandinav mədəniyyəti ilə tanış olmaq, Vikinglər kəndini ziyarət etmək, Şimal qütb işıqlarını görmək idi. Bir qədər araşdırmadan sonra www.norwaynutshell.com səyahət turu qabağıma çıxdı. Bu sizi ən gözəl fyordları görmək üçün qatar və ferry (bərə)-ləri bron edir. Onların etdikləri sadəcə ayrı-ayrı qatar, avtobus, ferry-ni sizin yerinizə bron etməkləridir. Bu biletlərin hər birini özünüz ayrılıqda almaqla həm daha çox qənaət etmiş olursuz, həm bir qatarı qaçırtmaqla bütün səyahət planınız məhv olmuş olmur (mən qaçırtdım və planım pozulmadı), həm də bu planlardan kənara çıxmalar etməklə səyahəti daha maraqlı etmək olur (Məsələn Flam-da bir neçə saat deyil, bir gecə qalmaq və orda şəlaləyə yürüyüş etmək olur, Vikinglər kəndinə getmək, daha şimala gedərək qütb işıqlarını görmək və s.) Qeyd edəcəm necə edə bilərsiz.1) Oslo paytaxt olduğundan ilk nöqtə olaraq bura gəlib səyahəti burdan başlamaq daha əlverişlidir 2) Oslo-Bergen qatarı istifadə etməklə Bergenə gəlib iki gecə qalmağı tövsiyə edirəm (sayt www.vy.no- bileti burdan almaq olur)3)Bergen-Myrdal və Myrdal-Flam ayrı-ayrılıqda qatar biletlərini almaq (www.vy.no) , ikinci qeyd etdiyim Myrdal-Flam turistik hesab olunur və ən gözəl qatar turlarından biri hesab olunur. 4) Flam-da bir gecə qalmağı tövsiyə edirəm, norwayinanutshell ilə edəndə isə sizə bu imkan təklif olunmur. 5) Səhəri günü Flam-Gudvangen ferry ilə (www.norwaysbest.com saytından almaq olar) Norveçin fyordları arasında ön gözəli və ensizi hesab olunan Nærøyfjord-u və digər fyordları gəzmiş olursuz.6) Gudvangen-də Vikinglər kəndinə gəlib oranı gəzib eyni gündə axşam Odda-a yola düşmək orda gecəni qalıb səhər Trolltungaya yürüşə başlamaq qayıdın gecəni yenə Odda-da qalıb yorğunluğu çıxarmaq7) Səyahət dövrü Sentyabr-Aprel arasıdırsa, daha da şimala, Tromso-ya gedərək qütb işıqlarını görmək (Bunun üçün yenidən Bergen-ə qayıdıb təyyarı ilə getmək daha ucuz və asadır)Daha ətraflı:Oslo: Əsas tövsiyə edəcəyim yerlər: Norveç Mədəniyyət Tarixi Muzeyi (mütləq gediləsi yerdir), Oslo Kitabxanası (ödənişsiz), Frognerpark (ödənişsiz), Viking gəmi muzeyi (Viking tarixi ilə maraqlanan şəxslər üçün maraqlıdır, mənə maraqlı gəldi), Nobel muzeyi (tapmaca şəklində qurulub, maraqlıdır) Digər görüləsi yerlər şəhərin mərkəzindədir, Opera binası, Kral sarayı və s. şərkəzi gəzdikcə görünür. Oslo Pass almaqla muzey və nəqliyyatdan ödənişsiz istifadə etmək olar, amma çox muzey gəzmək planı yoxdursa tövsiyə etmirəm, ondansa günlük nəqliyyat gedişi almaq daha sərfəlidir. Həm də Oslo Pass ilə bütün zonaların nəqliyyatı pulsuz deyil, məsələn hava limanı daxil deyil o zonaya. Yuxarda sadaladıqlarımı gəzmək mənə 3 gecəyə kifayət etdi. Bergen: Rəngarəng evlər, böyük balıq marketi, çoxlu yürüş nəqtləri və s. var. Funikulyordan istifadə edərək Fløyen-ə qalxıb ordan şəhəri görmək mütləq lazımdır, əla görüntü var. Funikulyor ilə çatdıqdan sonra müxtəlif hündürlüklərə yollar var və işarələr ilə getmək mümkündür. Tövsiyə olunan Ulriken-ə getməkdir. Qalmağa yer Bergen Budget Hostel-i tövsiyə edirəm. Münasib, təmiz və rahatdır. 2 gecə kifayət edir.Bergendən çəkdiyim video : https://youtu.be/ytRVrLejFvAMyrdal–Flåm qatarı: Hər iki tərəfdə gözəl mənəzərələr olsa da Myrdal- Flåm qatarında solda oturmağı daha çox tövsiyə edirəm. Qatar turistik olduğundan qədimi üslubda interyeri var. Bəzi yerlərdən yavaş kecir, şəlalə hissəsində fasilə üçün saxlayır və şəlalənin yanından meşəlikdən xalq musiqisi ilə rəqs edən qadın peyda olur. Onların mifologiyasına görə bu cazibədar meşə ruhudur və insanları yoldan çıxartmağa çalışır. Ehtiyatlı olun! Video: https://youtu.be/21s3y4VLj_AFlam: Dağların ətəyində olan kiçik və sakit bir şəhərdir, hətta şəhərə gün işığı düşsün deyə dağın başına güzgü də qoyulub. Burda bir gecə qalmaqla həm Şəlaləyə doğru qalxmağ və dincəlməy üçün tövsiyə edirəm. Qalmağa isə Brekke Gard Hostel Flåm-i məsləhət görürəm, təbiət qoynunda kiçik domiklərdə olan bir hosteldir. Video: https://youtu.be/XvkT1XLhVoUFlam-Gudvangen ferry marşurutu: Səyahət vaxtı güclü küləkli olduğunu nəzərə alaraq ona uyğun geyim gətirmək lazımdır. Vikinglər kəndinə baş çəkmək çox maraqlıdır. Xüsusən də, Vikings serialına baxıb bəyənmisizsə. İçəridə zaman çox maraqlı keçir, onların yaşam tərzini, nə ilə məşğul olduqlarını, döyüş alətlərini, toxuculuğda istifadə etdikləri metodları, qayıqları və s. görmək olar. Vikinglər kəndində çəkdiyim videoya burdan baxa bilərsiz: https://youtu.be/eZ_UmJswRssTrolltunga : Bura məşhur yürüyüş nöqtələrindən biridir. Bura ən yaxın qala biləcəyiniz yer Odda-dir. Daha münasib qalabiləcəyiniz ev: https://www.airbnb.com/rooms/33370470?guests=1&adults=1...Səhər tezdən (6-7) yürüşə başlamaq tövsiyə olunur. P2 parking dayanacağına qədər öz maşınınız yaxud avtobusla gəlib ordan P3 dayanacağına xüsusi mini-avtobusla gedə bilərsiz.Qəbzi özünüzdə saxlasaz qayıdışda endirim olacaq. Maşın kirayələmisizsə öncədən bron etməklə P3-də də park edə bilərsiz amma tövsiyə etmirəm yol çox meylli olduğundan hər maşın qalxmır, öz mini-avtobusları ilə daha təhlükəsiz və rahatdır (marşurut cədvəli ilə trolltunga.com-da tanış olmaq olar). Yol uzun olduğundan rahat yürüş ayaqqabısı, çərəzlər, və əgər varsa varsa yürüş çubuqları götürmək işinizi rahatladacaq. Yol boyu təbii bulaqlar olduğundan su qabınızı yolda doldura bilərsiz (qış ayı deyilsə). Ümumiyyətlə qış ayında getmək tövsiyə olunmur və İyunun əvvəlindən Sentyabrın sonuna qədər bələdçisiz gedə bilərsiz)Trolltungadan çəkdiyim video: https://youtu.be/VVVts67wk_YTromso: Şimalda yerləşən bu şəhər digərləri kimi gözəldir, lakin tək səbəb olaraq qütb işıqları üçün ora getməyi tövsiyə edirəm (Əgər Sentyabr-Aprel arası tarixdədirsə). Qütb işığını görmək üçün buludluluq və geomaqnit aktivlik əsas rol oynadığından bir qədər çox qalmağı tövsiəy edirəm ki, qaldığınız günlərdən birinə təsadüf etsin. Mən getdiyimin ilk günü qaldığım evin yuxarısından gördüm. Amma camping ləvazimatlarınız varsa kanat ilə hündürə çıxıb gecəni orda keçirib şansınızı artıra bilərsiz. Bu evdə qaldım və qütb işığıbı bu evdən gördüm: https://www.airbnb.com/rooms/44228799?guests=1&adults=1...Sahibi də çox yaxşı cütlükdür . Xəstəliklə bağlı qərarlar/qadağalar tez-tez dəyişdiyindən getməmişdən öncə mövcud qaydaları ətraflı araşdırmaq lazımdır.Əgər yazını bəyəndinizsə aşağıda olan Facebook düyməsini seçərək blogpostu Facebookda paylaşın ki, dostlarınız da yazılarımızdan xəbərdar olsunlar. Yox əgər Gəzəyənlərin yazılarından ilk xəbər tutmaq istəyirsinizsə aşağıda “abunə ol” bölməsinə mailinizi yazaraq düyməyə klikləyin. Hələlik bu qədər, növbəti yazılara qədər…Paylaşdı: Alakbar Valiyev

1821 dəfə oxunub

14 günlük kiçik Asiya turu

14 günlük kiçik Asiya turu Hissə 1 : ÇİN Deməli noyabrın ortası ani qərarla çoxdan arzusunda olduğum bir neçə ölkəyə səfər etməyi qərara aldım. Uçuşa iki gün qalmış bütün biletlərimi aldım və qalacağım yerləri bron etdim. Çinə getməzdən öncə Powerbankınızın (3 CCC) olduğundan əmin olun. Həmçinin ölkədə rahat ödənişlər üçün Alipay tətbiqini yükləyin . Youtubedə kratı tətbiqdə necə qeydiyyatdan keçirmək lazım izah edən videolar var. Alipay tətbiqi daxilindəki DİDİ taxi vasitəsi ilə ucuz taksi sifariş etmək olar. Çində bir çox tətbiq ( Wp , Facebook , İnsta , Tiktok , X , Google , Youtube) işləmir. Əgər isti-isti paylaşımlar etmək istəyirsinizsə gəzdiyiniz yerlərdən gərək esim alaaız getmədən . Seçimlər müxtəlifdir. Mən neçə ildir Mobimatter işlədirəm. Çox da razıyam. Wi-fi olan məkanlarda isə ( LetsVPN ) adlı tətbiqi işlədə bilərsiz. Ən normal işləyən vpn o idi. + adapter başlığı bizimkindən deyil , fərqlidir nəzərinizdə olsun Keçək uçuşa və yola : Bakı - Pekin reysi 6 saat yarım - 7 saat çəkir . İki dəfə yemək və qəşəng kinolara baxaraq çatırsınız mənzil başına. Çatanda online skan esirsiz pasportu , daha sonra arrival cart doldurursuz kağız verirlər. Daha sonra pasport yoxlanışından keçirsiz. Və budur , xoş gəldiniz pandaların və əjdahaların ölkəsinə .( Azaldan bileti iki gün qalmış 450 manata almışam , 23 kilo baqaj hər bir biletdə olur )Pekin Beynəlxalq hava limanından qalacağım hostelə 40 km yol idi. DİDİ ilə taksi sifariş etdim. 30 azn ödədim. Pekində 4 gün qaldığım hostelə 120 azn ödədim. Otaq 1 nəfərlik idi. Metroya yaxın idi. Jaeomen West staniyası yanında. Dəhşət super deyildi amma işçiləri çox mehriban idi. Hər nə lazım kömək etdilər. Pekində ilk gün Yasaq şəhər və ətrafını gəzdim. Bütün əraziyə giriş cəmi 4-5 manat idi. Bileti öncədən alsanız məsləhətdir. Bunun üçün Wechat tətbiqi var . Ümumən bütün muzey biletlərini bu tətbiqlə ala bilərsiz. Növbəti gün Çin səddi turuna qatıldım. 25 dollar ödədim . Getyourguide’dən almışdım turu. Tur ümumi 8-9 saat çəkir. Ona görə özünüzlə atışdırmalıq və içməyə nəsə götürməyiniz məsləhətdir. + Səddə qalxanda piyada yox kanatla qalxsanız bir tərəf 20-30 azndır. Səddi gəzəndə bir azərbaycanlı cütlük də görüb çox sevindim. Yerlilərimizi harda görsəm xaricdə səbəbsiz xoşbəxt oluram. Vacib qeyd : Çində əhalinin əksər hissəsi ingiliscə bilmir. Hətta turistik yerlərdə tərcümə aparatı ilə işləyirlər. Hazırlıqlı olun Google lens yükləyin. Səfərin növbəti gümlərində Pekində Zoo parkı , Cənnət məbədi və parkını , Milli Qalereyanı , Tianamen meydanını gəzdim. Zoo park nəhəngdir və kenquru , qütb ayısı , fil , kərgədan və ən əsası Çinin fəxri olan PANDALAR var ! Nəhəng akvariuma da girə bilərsiz . Xüsusən meduzalar adamı valeh edir. Zoo parka giriş 4 manat , akvariuma ayrıca 40 manatdır. Tələbələrə qeyd : Tələbə biletinizi özünüzlə götürün . Muzey və Zoo park kimi yerlərdə endirim edirlər. Nə başınızı ağrıdım 4 gün Pekində yaxşıca gəzəndən sonra Pekin Daxing hava limanından uçdum Xi’an şəhərinə. (100 manata almışdım bileti Trip.com’dan ) Bura 1 gün bəs edir məncə . Əsas görüləsi yer Terrakotta əsgərləri olan yerdir. Ümumi taksi ilə həmin muzeyə 25 manata getdim Xi’an mərkəzdən. Qayıdanda 12 manata avtobuslarla yenə mərkəzə qayıtdım. Terrakotta əsgərlər olan əraziyə giriş 25 manat idi səhv etmirəmsə. Mən bələdçi götürdüm əlavə . Çox peşman oldum. 50 mamat ödədim və çox quru danışırdı. 2 saat danışmalı idi , 1 saat çəkmədi heç. Daha sonra Xi’an mərkəzindəki göz qamaşdıran Zəng qülləsini ziyarət etdim. Bilet 7 azn. Dəyərmi ? Bilmirəm amma çox xoşuma gəldi mənim.Daha sonra Vəhşi qazlar paqodasına üz tutdum. Əraziyə giriş 3 manat , paqodaya qalxmaq isə 20 manat. Əraziyə girdim amma qalxmadım paqodaya Vacib qeyd : Xi’ana bileti həsər çatan vaxta alın. Gecə çatanda nə metro nə , avtobus , taksi belə tapılmır. Yemək məsələsi : Çin mətbəxi olduqca fərqlidir. Yerli yeməklər ağız dadınıza uyğun deyilsə və ya halal qidaya çox önəm verirsinizsə sizə çətin gələ bilər bu məsələ. Ancaq fastfood restoranları hər yerdədir. Mən şəxsən çox az yerli yemək yedim. Ancaq fastfoodla yola verdim yemək məsləsini. Oxuduğunuz üçün təşəkkürlər Növbəti paylaşımlar Malayziya və Sinqapur haqqında olacaq.

36 dəfə oxunub
Bizi izləyənlər siyahısına qoşulun!